هل للمرور موقف ثابت من هذه الفئة ؟! [الأرشيف] - منتديات شبكة الأسهم القطرية

مشاهدة النسخة كاملة : هل للمرور موقف ثابت من هذه الفئة ؟!

محمد

31-03-2011, 08:14 AM

صبحكم الله بالخير ,,

ما يخفى على الجميع ان ادارة المرور و على مدار سنوات عديدة اعادة صياغة قوانينها و قوانين المخالفات و ما بين مؤيد و معارض و محايد .. الى ان في الاخير تشريع هذه الامور مهم لحفظ ارواح شبابنا و بناتنا في الشوارع ,,

لكن ,,

هناك ظاهرة تستفزني الى حد الجنون !
الى درجة اني والله احيانا اتمنى "اضر" والعياذ بالله من يقوم بها في الطريق !!

وهي رمي "الزقاره" من نافذة السيارة !!

اي نوع من البشر هؤلاء ؟ شارع يزدحم بسيارات وقودها الاساسي يكفي لزقاره وحده انها تسوي منه كارثة .. يمكن البعض يقول لا الزقارة توصل الارض طافيه و المواتر ماره مسرعة و مافيه مشكلة .. واقول لهم هذا مب عذر و شرارة واحده تكفي ان تسوي مصايب الله يكافينا الشر و الشواهد كثيرة ..

هذه النوعية الي في وجهة نظري تفتقد للتربية اولا .. و تفتقد للانسانية ثانيا .. من يردعها ؟
وماهو قانون معاقبتها ؟
هل هي تنطوي تحت قانون تعريض الناس للخطر ويتم استدعاءهم في التحريات .. مثل ما يصير لو واحد رايح في حاله رص بريك عشان الرادارات الي تارسه الشارع و راح لك واحد ربعه في التحريات عطاه الرقم و قاله اسحبه ترى روعني رص بريك في وجهي !!!

هالفئة الي امقتها و اكرها و ما اخليها في حالها لو صار الموقف قدامي بصراحة .. تحتاج الى قانون خاص فيها يردعها ردع قاسي و باقصى العقوبات !! ..

فهل هناك قانون ينص على من يرمي الزقاره فقط ؟
وهل من الممكن التبليغ عنهم عند التحريات و نشوف عقاب صارم لهم ؟

اسف على الاطالة ..

تحياتي

شبح الصمت

31-03-2011, 08:20 AM

أرحـم الله والديــك أخوي

بتبـلغ على من وإلا مـن !

إلا والشيء الظريف في هالمواقــف إلا ويودها ويفــلتها صوبك يعني ما يقطها قط !!

أنا من وجـة نظري شيء اسمه زقاره تنعدم نهائيـا ولا تستورد

:anger1:

qatari911

31-03-2011, 08:46 AM

اعتقد فيه اذا ماخاب ظني
لان واحد اعرفه يقول رمى زقارته بشارع <<<<<< في ذمته انا مادري اذا صح او لا :shy:
لما راح يدفع المخالفات قالو له عليك 5000 ريال رمي زقاره :victory:
عاد مادري هل هو صحيح او لا :)
واتمنى من كل قلبي ان المخالفه لا تقل عن 5000 ريال :telephone:علشان الطفايات الي في السيارات يستخدمونها لزقاير مو الشارع:tease:
في حفظ الرحمن
:shy:

36R

31-03-2011, 08:48 AM

اي والله الموضوع اخطر من ما نتصور

تحداني

31-03-2011, 08:52 AM

صباح الخير على الجميع

قالها اخونا " شبح الصمت "
بتبـلغ على من وإلا مـن !

ونترك من وإلا من
الله يهديهم ويصلحهم .. إذا انت تمقت هذا السلوك
هناك العشرات من التصرفات الي اتجيب الجلطه للسائق
خليها على رب العالمين يا اخوي

هي القوانين الصريحه للمخالفات الواضحه والصريحه مو قادرين يطبقونها بحذافيرها
جات على هالسيجاره

جملك الله برضى الرحمن

R 7 A L

31-03-2011, 08:57 AM

لو نصيح منا لين 100 سنة
ولو القانون بيخالفهم
مافية فايدة

للاسف حتى الان الاغلبية العظمى ماعندهم ثقافة انسانية مثل باقي دول العالم الغربي

محمد

31-03-2011, 09:27 AM

qatari911

31-03-2011, 09:40 AM

شرفني مروركم جميعاً ..

اخوي قطري911 .. الله يسمع منك والله اتمنى يكون هالشي صحيح ..

لكن السؤال .. الشخص الي ذكرته شافته دوريه .. لكن غيره من بيشوفه ؟
لذلك السبيل الوحيد التبليغ في التحريات عليهم !!

اعتقد اذا انا او انت نبلغ
بيقولك لازم تجي المركز وتفتح محضر بلاغ ومادري شنو فأعتقد الدوريات يستلمون المهمه

محمد

31-03-2011, 09:58 AM

اعتقد اذا انا او انت نبلغ
بيقولك لازم تجي المركز وتفتح محضر بلاغ ومادري شنو فأعتقد الدوريات يستلمون المهمه

ياريال هالنوعيه مثل الحصني لين جاك بيقطا لزقاره تحصله يتلفت يمين ويسار مافيه دوريه شي .. اذا الوضع امان بطل الدريشه وحذفها بكل جرأة و نشاط وحيوية :nice:

Rider

31-03-2011, 10:11 AM

والله ياخوي محمد كلامك صحيح 100 % انا اكره شخص مثل هذا واحتقره

الـقـاسـي

31-03-2011, 10:13 AM

في مخالفه "رمي اعقاب السجائر" واتوقع انها 200 مادري 500

qatari911

31-03-2011, 10:15 AM

سؤال يطرح نفسه
الطفايات الي في السيارات ليه حطوها علشان تكملت عدد ؟؟؟
علشان تطفون فيها الزقاره يامدخنين<<<< مو حق الوراق والنص ريال

khalid.qtr

31-03-2011, 10:17 AM

اي والله هذا الحركة صارت لك كذا مره وخاصة إني أكون ورى صاحب السيارة اللي رمى الزقارة ،، بس أعطيه ليتات وأعطيه نظره ،، يتأسف ويسلم بيده ،،

والمنظر الثاني الله يعزكم لما أحد يبصق " يفتح باب السيارة " ويسوي عملته ويسكر الباب هذا عاد المنظر كل يوم أشوفه زخاصة الصبح.

المحقق كونان

31-03-2011, 10:31 AM

الي في الشارع اهون من الي يقط زقارة في محطة البترول عند الصراف الالي

chillis

31-03-2011, 10:33 AM

ياريت يسون قيمة المخالفه 20000 علشان محد يرمي لانها ظاهره مزعجه وايد صراحه وخطره

محمد

31-03-2011, 12:27 PM

في مخالفه "رمي اعقاب السجائر" واتوقع انها 200 مادري 500

شر البلية ما يضحك .. 200 او 500 ومثل هالاشكال تتلاعب بارواح العشرات على الطريق ؟
غير ضررها في الاشتعال كم غشيم لين صار هالشي قدامه بينحرف عن المسار ولا بيرص بريك ولا ولا ولا ..

المفروض اعلى مخالفة تفرض على هالشي والله

بوخالد911

31-03-2011, 12:41 PM

هلا

1 من الربع
صار عليه منع من السفر
ولما شيك
قالوا له : عليك مخالفة رقي الزقارة
ودفعوووه 10 الاف ريال

محمد

05-04-2011, 10:32 AM

هلا

1 من الربع
صار عليه منع من السفر
ولما شيك
قالوا له : عليك مخالفة رقي الزقارة
ودفعوووه 10 الاف ريال

ياسلام .. والله هذا المطلوب :nice: