:::...وش هي عاداتكم...وتصرفاتكم...الغريبة...:::...احم

[The Master]

احم احم...ثم احم...

يلا حيهم :nice: ...يلا حيهم :nice: ...يلا حيهم :nice:

هلا ومرحب ب اعضاء منتدى الاسهم القطريه...

اليوم لما صحيت من النوم...:)
على طول مديت يدي للطاولة اللي عند راسي...وخذت الايباد...وشغلته...ودخلت سفاري...وشيكت على لوحة التحكم في منتدى الاسهم القطريه...
واطلعت الصفحه...وماعينت شي...ولا موضوع مشترك فيه...او بمعني اخص مافي موضوع جديد لي...لان اخر موضوع انا امنزله صار له اسبوع...:rolleyes2:...لكن طبعا هناك الاعضاء اللي يعزون علي شاركوا فيه :nice:

المهم...
طبعا واكيد للحين ماعرفتوا وش سالفة الموضوع...احم :secret:


الموضوع الله يسلمكم...

"العاده"...

واقصد ابها الاشيا اللي حنا متعودين انسويها...لدرجه بعض الاحيان لا شعوريا انسويها...واتكون اسلوب في حياتنا...وفي تصرفاتنا...مع ان مالها اي داعي...او يكون لها داعي...احم:eek5:
ومثال لها...السالفه اللي صارت لي فوق...:shy:

ومن الامثله كذلك...
في ناس مايعرفون الا ولازم يكونون يمين السرير اذا بغوا ينامون...:secret:
وفي ناس لبغوا ينامون لازم يكون اقلاص ماء عند راسهم...
وفي ناس اذا توهقوا يحكون راسهم...
وفي ناس اذا بياكلون لازم التلفزيون شغال...
وفي ناس اذا كانوا يتمشون مع ناس لازم يكونون جهة اليسار...

وفي وفي وفي...

طبعا الموضوع للجميع لمشاركتنا ب التصرفات والعادات اللي هم يسوونها...
منها نقرا وانتعلم...وكذلك نستفيد...والاهم انعرف شخصياتكم :tease:

الموضوع سهالات...ومابه اي احراج...
وهو للتعبير...والسوالف معاكم...:nice:
ولا تظنون انها سخيفه فا ما تنقال...ودي اتشاركون ابها...ونقراها...ومابه اي خلاف :)
لان محد هنا بيحكم عليكم...:shy:

ويامرحبا بكم...

[مستر بن]

متاابع الموضوع ,,

[sara jsm]

وعليكم الاحم :p
وصباح الخير وجمعه مباركة عليك اخوي ^ ^
موضوع غريب هالمرة وراح تلقى العجب من الاجوبه ههههههههههههههه :tease:
عن نفسي .....
في وايد اشياء اسويها بس ماادري ليش ولماذا وشنو السبب ,, :rolleyes2:
باحاول اتذكر اللي اسويه في يومي ,,

يعني اذا بغيت ارقد اتعطر ,,
واذا رقدت اغطي جسمي كامل بالبرنوص حتى راسي ,,
يوم اقعد من النوم اشرب ماي حتى لو مب عطشانه ,,
يوم ابي اكل احط فاين في حظني حتى لو سندويجه ,, :secret:
يوم اقعد عاللاب توب اتمرجح عالكرسي ,,
يوم حد عيونه تعوره او ملتهبه ,, ادمع ماادري ليش :(

واكيد في اشياء اكثر بس مب متذكرتها حاليا ,,
لي عوده ان شاءالله اذا تذكرت ^ ^

الف شكر على هالطرح وفي انتظار باقي المشاركات ,,
واكيد اني متابعه للموضوع :victory:

[غير البشر]

ياويل احم حالي هههههه
موضوع حلوو وشيق
لي رجعه ان شاء الله بروح اصلي :victory:

[مريومة]

موضوعك نايسي :)

تدري ليش .. لانه يخليك تتكلم وغيرك يسمع

حلو تلقى احد يسمع لك .. لين اتخلص .. وعقب يرد عليك :shy:

كثيرة الاشياء العادية بالنسبة لي ممكن اتكون غريبة ومالها داعي لغيري

مثل .. لما افكر او ادرس او حتى اقدم امتحان .. احيانا افكر بصوت

وممكن احاسب نفسي بدون ما اشعر بصوت مسموع

لما اشوف كاس ماي او عصير بارد .. احس بلاعيمي اتعورني :weeping:

دائما معاي جوارب .. في كل مكان .. في البيت .. في المكتب ..

على السرير .. تحت المخدة .. اخاف ابرد


مادري يمكن اكون مينونة .. بس احب اروح السينما والمطعم بروحي ..

مادري احب استمتع بهاللحظات بروحي .. اشوف بمتعة .. وآكل بمتعة .. بدون محد يزعجني او يعجلني

لما اشتغل او ادرس صج .. اكون خارج المكان اللي فيه .. لا اسمع ولا ارى

مادري لما احط روج او بلاشر .. احس الدنيا بمبي وحلوة

تانكيو على الموضوع الحلو :nice:.. وجزاك الله خير

ولي عودة اذا تذكرت شي

سي يو ليتر

[قطرية فذة]

موضوع جميل ؛ والعوايد تتغير وتطور مع الوقت

من العوايد اللي تحضرني الحين

1- مافتح مكيف انام على هوى ربي .

2- من العوايد اللي ماتخلى عنها الجرافكس " التصميم " لو اعدل شي حق غيري .

3- من ادخل الدوام اركب سماعات بإذني اسمع لي حاجه واندمج بالشغل لايمين ولا يسار لين اخلص شغلي عقب بريك.

4- في السفر لازم برنوصي معاي .

5- ماسلم في وقت الوداع او الفراق افضل اكون غير موجوده.

6- تدوين الملاحظات على اي شي اجده مهم بالنسبه لي.

7- التجديد بستمرار .

8- حب التعلم واتقان الشيئ .

نشوف الآخرين:)

[The Master]

ماشاء الله...الصراحه استمتعت...
اشيا عجيبة غريبة...الله ينور...

لنا رجعه لكم فردا فردا...عقب البلعه قصدي الغدا...احم

[شويهينــه]

مرحبا عليان

من العادات الغريبه اللي صرت اسويها نفسك اني اول مااقوم من الرقاد امسك الايفون وافتح المنتدى

حتى لو قمت بنص الليل :tease:

وبعد عندي عاده يوم الجمعه وعقب الغدا لاااااازم ارقد حتى لو قمت الساعه 11 بعد ارقد

مادري شيصيدني:rolleyes2:

[The Master]

متاابع الموضوع ,,

يامرحبا بك...
وحياك شاركنا ب عاداتك نستفيد ونستمتع...:nice:

[FHN]

شهالموضوع الحلو:)

[دانـة قطـر]

أطالب بإغلاق الموضوع

خخخخخخخخخخخخخخخ

أمزح يا رجل

موضوع قميل أوي :nice:

بالنسبة لي لازم عالغدا يكون فيه حليب مراعي وحليب شاي أشرب من هذا شوي وأشرب من هذاك شوي :shy:

ما أحب احد يدش غرفتي لأنها وااااايد واااااايد مرتبه <<< :secret:

وبعد وبعد ..بس إذا فيه شي بحطه إن شاء الله

ويعطيك العافيه :victory:

[دانـة قطـر]

ويه ويه
الماستر شكلي صج قبست موضوعك :(
:weeping:

[ألماسة]

موضوع ناااايس

أمممممم

وايد عندي عادات ... بس اكثر عادة واللي ساعات توديني في ستين داهية :secret:

اني احب اكتب يومي بالتفصييييل الممل في دفتر ... يعني ايامي كلها مكتوبة على ورق :shy:

[مستر بن]

[QUOTE=sara jsm;7102652][FONT="Comic Sans MS"][SIZE="6"][B] ,,

[COLOR="Red"]يعني اذا بغيت ارقد اتعطر ,, <<< عشان تحلمين حلم حلوو خخخخ


عن نفسي .

واذا رقدت مب لازم اغطي نفسي ,, بس لازم يكوون الفرااش ع يدي .. خخخخخ
يوم اقعد من النوم اشرب ماي حتى لو مب عطشانة ,,.. سيييم سيييم
يووم اقعد ع اللاب لازم اتحركــ.. لان هاااي من الصحة ,, خخخخ
ماا عرف اناام بدوون مكيف ,, <<< امس رقدت الساعه 11 بدون مكيف .. قمت 12 وانا متصرقع ,, بس شغلتة ورقدت .,,

واذا ضيعت لفة ,, او نسيت شيء وانا ف السيارة ,, اقصر ع المسجل ,,
واذا اتكلم ف التلفوون لازم اعصب <<< ع حسب اللي يكلمني ,, :shy:
اذ اقعدت ع ال بي بي ,, انسى اللي جمبي ,, لاني مسووي قرووب ,, 40 برود كاست ,, :shy:

ولازم قبل الغداا ,, اشرب ماااي خخخخخخخخ
وفي واايد بس ما اتذكرهم

[R 7 A L]

انا لما ارقد
ارقد على ثلاث مخدات او مايجيني نوم

[مستر بن]

انا لما ارقد
ارقد على ثلاث مخدات او مايجيني نوم



نفس الشيء .. ارقد ع ثلاث ,, واقوولهم ,,

طالق طالق طالق باثلاث <<< جني مصختها ,,


وخررررررررر لا اشوووووتكــ:shy:


بس مب زينه الحركة ,, الحيين ع وحده ,, او وحده ونص ,, النص هي الصغيرة ,

[المتحدث الرسمي]

فننني هالموضوع يطلع فضايح خخخخخخخخخخ :vampire:


انا عندي طقوس للنوم
1- لازم يكون الفراش يابس بالعربي صبيه ( واذا سافرت اتلته :weeping: )
2- لازم مخدتين احط يدي تحت المخده ولا انسى ارقد
3- لازم اتلكووت باللحاف كني متهاوش :anger1:
4- وعندي عاده شوي سخيفه اني اذا قعدت من النوم لحد يكلمني حتى لو نص كلمه لين يفج راسي :rolleyes2:

[قطر love]

اوووش اووش احم احم منزل موضوع ههههه

اهم شي قول احمممممممممم احممم :tease:


لا موضوع ترتيب ما شاء الله وفي نفس الوقت فضحت الاعضاء هههههه

طلعت المستخبي :telephone:


انا عن نفسي قبل النوم متعود الغرفه لاااازم تكون باااااااارده :tooth:

لازم واهم شي مخدتين :tooth:

قبل كنت احط يدي تحت المخده الحين احطها تحت ويهي :tease:

لازم اشرب ماي قبل النوم هههههه :looking:

لازم المعوذات وايه الكرسي omen

وبعدها اذا كنت افكر في حد اتم ادعيله بالخير وادعيله لين ما اطفي خلاص وانام :yawn:

اما بعد النوم مممممم مافي شي هههههه ويسلمووووو اوووش اووش قصدي احم احم اووووه قصدي مسيووو الماستر :nice:

[The Master]

وعليكم الاحم :p
وصباح الخير وجمعه مباركة عليك اخوي ^ ^
موضوع غريب هالمرة وراح تلقى العجب من الاجوبه ههههههههههههههه :tease:
عن نفسي .....
في وايد اشياء اسويها بس ماادري ليش ولماذا وشنو السبب ,, :rolleyes2:
باحاول اتذكر اللي اسويه في يومي ,,

يعني اذا بغيت ارقد اتعطر ,,
واذا رقدت اغطي جسمي كامل بالبرنوص حتى راسي ,,
يوم اقعد من النوم اشرب ماي حتى لو مب عطشانه ,,
يوم ابي اكل احط فاين في حظني حتى لو سندويجه ,, :secret:
يوم اقعد عاللاب توب اتمرجح عالكرسي ,,
يوم حد عيونه تعوره او ملتهبه ,, ادمع ماادري ليش :(

واكيد في اشياء اكثر بس مب متذكرتها حاليا ,,
لي عوده ان شاءالله اذا تذكرت ^ ^

الف شكر على هالطرح وفي انتظار باقي المشاركات ,,
واكيد اني متابعه للموضوع :victory:

ماشاء الله اشيا غريبه عجيبه...تشكرين عليها الصراحه...
اللي شذ انتباهي هو الفاين :secret:...يعني ليه؟؟؟ ليه؟؟؟ :rolleyes2:...لكن في اشيا تعودنا انسويها...فا خذت طابع واستمرينا عليه...وعلى فكره ترا لو نرجع للماضي وليه بدينا في هالعاده...بنوصل للسبب...لان مافي شي الا وراه سبب...

على العموم...اسعدتني مشاركتك...والله ينور :nice:
وننتظر مشاركات اكثر...ومعرفه اكثر...

ويامرحبا الساع...

[The Master]

ياويل احم حالي هههههه
موضوع حلوو وشيق
لي رجعه ان شاء الله بروح اصلي :victory:

اقول...ليكون اتصلي التراويح؟؟؟ :rolleyes2: ...احم
ولا مذهب الشسمه...احم :secret:

يلا ننتظرك لين ما اتخلص صلاتك :eek5:

وتقبل الله...احم :tease:

[The Master]

موضوعك نايسي :)

تدري ليش .. لانه يخليك تتكلم وغيرك يسمع

حلو تلقى احد يسمع لك .. لين اتخلص .. وعقب يرد عليك :shy:

كثيرة الاشياء العادية بالنسبة لي ممكن اتكون غريبة ومالها داعي لغيري

مثل .. لما افكر او ادرس او حتى اقدم امتحان .. احيانا افكر بصوت

وممكن احاسب نفسي بدون ما اشعر بصوت مسموع

لما اشوف كاس ماي او عصير بارد .. احس بلاعيمي اتعورني :weeping:

دائما معاي جوارب .. في كل مكان .. في البيت .. في المكتب ..

على السرير .. تحت المخدة .. اخاف ابرد


مادري يمكن اكون مينونة .. بس احب اروح السينما والمطعم بروحي ..

مادري احب استمتع بهاللحظات بروحي .. اشوف بمتعة .. وآكل بمتعة .. بدون محد يزعجني او يعجلني

لما اشتغل او ادرس صج .. اكون خارج المكان اللي فيه .. لا اسمع ولا ارى

مادري لما احط روج او بلاشر .. احس الدنيا بمبي وحلوة

تانكيو على الموضوع الحلو :nice:.. وجزاك الله خير

ولي عودة اذا تذكرت شي

سي يو ليتر


شي جميل الصراحه...استمتعت ب قراءه ردك...فيه صراحه جدا جميله...وعادات قليل اتشوف حد يقولها...وهي الناس اتسويها لكن تستحي اتقولها من باب ان الناس اتقول عنها مجنونه...

احيييك على هالمشاركه القيمه...والمثريه الصراحه...
فكرت في سالفة المطعم ابروحك...شي جميل الصراحه...خاصه لما اتفكر فيها صح...بتحس انك قاعد تستمتع بوقتك...و اللقمه اللي تاكلها...مب اتجاسب على الي اقبالك وش اتقول له...او هو وش يقول لك...

كلام جدا جميل...وعادات طيبة...وغريبة...

ولاتحاتين هالموضوع هنا مش عشان حد ينتقد او يحكم...
وانما مثل ما قلتي الناس تسمعك...وهذا هو من الاسباب لوضعي هالموضوع...
والشي الثاني والاهم بالنسبه لي...الناس تستفيد...وكذلك الناس لا تقرا عادات الغير وتصرفاتهم...يمكن في اشيا متشابهه...فا محد بيفكر او بيقول انه هو مب صاحي او مجنون او فيه عقده...لان كلنا فينا عقد...وفينا تصرفات غريبه...لكنها تشعرنا ب الراحه...

اتمنى فهمتي قصدي وان شاء الله باقي الاعضاء اوصلت لهم فكره الموضوع...

وننتظر اي عادات ثانيه....في مواقف ثانيه...تتحفينا فيها...

ويامرحبا بك...نورتي :nice:

[The Master]

موضوع جميل ؛ والعوايد تتغير وتطور مع الوقت

من العوايد اللي تحضرني الحين

1- مافتح مكيف انام على هوى ربي .

2- من العوايد اللي ماتخلى عنها الجرافكس " التصميم " لو اعدل شي حق غيري .

3- من ادخل الدوام اركب سماعات بإذني اسمع لي حاجه واندمج بالشغل لايمين ولا يسار لين اخلص شغلي عقب بريك.

4- في السفر لازم برنوصي معاي .

5- ماسلم في وقت الوداع او الفراق افضل اكون غير موجوده.

6- تدوين الملاحظات على اي شي اجده مهم بالنسبه لي.

7- التجديد بستمرار .

8- حب التعلم واتقان الشيئ .

نشوف الآخرين:)

الجمال في تواجدكم اختي...

شي جميل...وغريب...
خاصه سالفة اللحاف :eek5: ...احم
وعن السلام...امممم....لك اسبابك...لكن احس اني افهم ليه ما اتسلمين...:)

عادات طيبة...واحييك على البعض منها...صحيح انها غريبه...لكن هدفها طيب...

الله ينور على مشاركتك اختي...ومتابعتك...وفالك الاستفاده ان شاء الله...

ويامرحبا بك...:nice:

[The Master]

مرحبا عليان

من العادات الغريبه اللي صرت اسويها نفسك اني اول مااقوم من الرقاد امسك الايفون وافتح المنتدى

حتى لو قمت بنص الليل :tease:

وبعد عندي عاده يوم الجمعه وعقب الغدا لاااااازم ارقد حتى لو قمت الساعه 11 بعد ارقد

مادري شيصيدني:rolleyes2:

امرحب باقي اختي المريشه :nice:

اي والله مادري وش سالفة هالعاده..وليه؟؟؟ :eek5:
مع ان مافيها اي فايده...مجرد شي عادي...لكن غريب هو الالتزام به...احم :secret:

اما الارقاد...مايحتاج...اكيد عقب المكبوس سمك...لازم ادزه خامس...عشان تعطي مجال للمعده اتريح عقب الاكل اللي مالقى له مكان يتكي عليه :secret: ...احم

تشكرين عالمشاركه الطيبه...

ويامرحبا بك...

[The Master]

شهالموضوع الحلو:)

منكم وفيكم...:)

[The Master]

أطالب بإغلاق الموضوع

خخخخخخخخخخخخخخخ

أمزح يا رجل

موضوع قميل أوي :nice:

بالنسبة لي لازم عالغدا يكون فيه حليب مراعي وحليب شاي أشرب من هذا شوي وأشرب من هذاك شوي :shy:

ما أحب احد يدش غرفتي لأنها وااااايد واااااايد مرتبه <<< :secret:

وبعد وبعد ..بس إذا فيه شي بحطه إن شاء الله

ويعطيك العافيه :victory:



جاتك راعيه الاقفال :rolleyes2: ...احم

القمال بوقودكم...:tease:

نعم يختي؟؟؟:eek5: ايه ده :rolleyes2:
حليب مراعي وشاي حليب؟؟؟ ماشاء الله تبارك الله...:secret:
سبحان الله شي غريب الصراحه...وبالعافيه ان شاء الله...:victory:

مشاركه وعاده غريبه الصراحه...لكن الناس اذواق...
يعني كا مثال...بالنسبه لي اكره شي اخلط شي في الاكل...
يعني اكره شي عندي اني اخلط الروب بالعيش...ما اقدر اكله...ما استسيغه...وواحد من الشباب...ماياكل عيش الا جنبه قوطي روب :rolleyes2: ...شي غريب...سبحان الله...

والله يعافيك...نورتي اختي...بطلتك...ويامرحبا بك...

[The Master]

ويه ويه
الماستر شكلي صج قبست موضوعك :(
:weeping:


توك تدرين :secret: ...احم

لا لا محشومه...

هو لاني انا امفهي...امنزل موضوع وما اشارك فيه...احم :(

شاسوي الظروف مغايره...والله يعينا عليها...:weeping:

وننتظر عاداتك الغريبه...اتحفينا فيها...:nice:

[The Master]

موضوع ناااايس

أمممممم

وايد عندي عادات ... بس اكثر عادة واللي ساعات توديني في ستين داهية :secret:

اني احب اكتب يومي بالتفصييييل الممل في دفتر ... يعني ايامي كلها مكتوبة على ورق :shy:

عاد لما قلتي التفصيل الممل...هنا قلت بل...لا يحوشك :eek5:

احم...

الله يعين لما يطيح في يد من اللي كتبتي عنهم عدل مدل...احم :rolleyes2:

يعطيك العافيه اختي الماسه...
ويامرحبا بك...

[sara jsm]

باك :p
ترى حبيت الموضوع وايد ,, ^ ^

من الاشياء اللي دوم اسويها يوم اغسل ايدي واخلص اسكر الماي
وارجع افتحه واغسل ايدي مرة ثانية :o وكل مرة اقول لنفسي (( اغسلي مرة وحدة وخلاص )) :p
:
ودايما احط في شنطتي سكينه ,, حتى يوم اروح اعراس او المستشفى :(
وحتى لو اطلع بدون شنطه السكينه تكون في مخباتي :shy:
:
:
تدري خاطري شخص مختص يتطلع على هالموضوع ,, :nice:
ويشوف بعض العادات الغريبه اللي نسويها شنو اسبابها ,, :secret:

[شويهينــه]

باك :p
ترى حبيت الموضوع وايد ,, ^ ^

من الاشياء اللي دوم اسويها يوم اغسل ايدي واخلص اسكر الماي
وارجع افتحه واغسل ايدي مرة ثانية :o وكل مرة اقول لنفسي (( اغسلي مرة وحدة وخلاص )) :p
:
ودايما احط في شنطتي سكينه ,, حتى يوم اروح اعراس او المستشفى :(
وحتى لو اطلع بدون شنطه السكينه تكون في مخباتي :shy:
:
:
تدري خاطري شخص مختص يتطلع على هالموضوع ,, :nice:
ويشوف بعض العادات الغريبه اللي نسويها شنو اسبابها ,, :secret:

:secret::secret:

[بصمة قطرية]

باك :p
ترى حبيت الموضوع وايد ,, ^ ^

من الاشياء اللي دوم اسويها يوم اغسل ايدي واخلص اسكر الماي
وارجع افتحه واغسل ايدي مرة ثانية :o وكل مرة اقول لنفسي (( اغسلي مرة وحدة وخلاص )) :p
:
ودايما احط في شنطتي سكينه ,, حتى يوم اروح اعراس او المستشفى :(
وحتى لو اطلع بدون شنطه السكينه تكون في مخباتي :shy::
:
تدري خاطري شخص مختص يتطلع على هالموضوع ,, :nice:
ويشوف بعض العادات الغريبه اللي نسويها شنو اسبابها ,, :secret:


:eek5::eek5::eek5::eek5::eek5:
سؤال ساره ..
شنو في بالج بالضبط لما تاخذين السكين معاج ..؟ :secret:
يعني للدفاع عن النفس بس ..
ولا ناوية تذذبحين حد ويمكن تصيدنه في اي مكان ..:tease:

[بصمة قطرية]

الســلام عليكم ..
موضوع ممتع بصراحة فكرة خطيرة ..
تطلع الفضايح خخخخخخخخخخخ

أممممممممممم
عندي عادة غريبة في الأكل ..
أحب آكل مالح وحلو في نفس الوقت ..
يعني آكل شبس وكافي مع بعض ..:shy:
ما اتلذذ الا جذي .. :shy:

وأحب الشاي مع الكافي عكس العالم ..:secret:

[V!P]

الجرايد

http://www.japaninfoswap.com/blog/uploads/Newspaper.png

ياويله اللي بيمسكهم قبلي :anger1: حتى الوالد صار يدخلهم لي من تحت الباب اذا كنت راقده عشان محد يقراهم قبلي ويعفسهم :shy:

[بصمة قطرية]

اذا كنت نايمة وحد سحب البرنوص عني استخف وأين .. :anger1::anger1:
وعادي أهجم وأضرب .. :shy:
يعني بالعربي أعلن الحرب ~ :anger1::anger1:

مستحيل أنام من غير مخدة ..:secret:
اذكر مرة دخلت الطواري والسرير مافيه مخدة ..
ياتني الممرضة شافتني أصيح ..:rolleyes2:
كنت أصيح من الألم افتكرت اني اصيح عشان المخدة لأني قلت لها ماقدر لازم مخدة ..:weeping:
راحت ويابت لي مخدة ..:nice:
نفعت الدموع خخخخخخخ :tease:

[حليتان*]

خخخ

الروب والخيار شي اساسي مع شووية ليمون
اكل الشفايف
اكل الاظافر
3لازم مخدات ع سريري << مع اني مالي حاية فيهم بس
ولازم يكون مااي ع الكوميدينو والمكيف شغال حتى فالبرد لما ابي انا

[شويهينــه]

ههههههه اماف يبيلك تصور لنا اضافرك

من الاشياء الغريبه اني اذا باكل الكتكات اكله

حبه حبه :tease:

وطبقه طبقه:tease:

[The Master]

[QUOTE=sara jsm;7102652][FONT="Comic Sans MS"][SIZE="6"][B] ,,

[COLOR="Red"]يعني اذا بغيت ارقد اتعطر ,, <<< عشان تحلمين حلم حلوو خخخخ


عن نفسي .

واذا رقدت مب لازم اغطي نفسي ,, بس لازم يكوون الفرااش ع يدي .. خخخخخ
يوم اقعد من النوم اشرب ماي حتى لو مب عطشانة ,,.. سيييم سيييم
يووم اقعد ع اللاب لازم اتحركــ.. لان هاااي من الصحة ,, خخخخ
ماا عرف اناام بدوون مكيف ,, <<< امس رقدت الساعه 11 بدون مكيف .. قمت 12 وانا متصرقع ,, بس شغلتة ورقدت .,,

واذا ضيعت لفة ,, او نسيت شيء وانا ف السيارة ,, اقصر ع المسجل ,,
واذا اتكلم ف التلفوون لازم اعصب <<< ع حسب اللي يكلمني ,, :shy:
اذ اقعدت ع ال بي بي ,, انسى اللي جمبي ,, لاني مسووي قرووب ,, 40 برود كاست ,, :shy:

ولازم قبل الغداا ,, اشرب ماااي خخخخخخخخ
وفي واايد بس ما اتذكرهم


اهم شي اللي يقصر على المسجل اذا ضيع...احم :rolleyes2:

شي جميل خيو...
وتشكر على المرور...ويامرحبا بك...:nice:

[The Master]

انا لما ارقد
ارقد على ثلاث مخدات او مايجيني نوم


الله...:eek5:
اشدعوة ثلاث :rolleyes2:
احم...:secret:

يلا شي غريب غريب الصراحه...
وتشكر على المرور والمشاركه...

ويامرحبا بك...:nice:

[The Master]

فننني هالموضوع يطلع فضايح خخخخخخخخخخ :vampire:


انا عندي طقوس للنوم
1- لازم يكون الفراش يابس بالعربي صبيه ( واذا سافرت اتلته :weeping: )
2- لازم مخدتين احط يدي تحت المخده ولا انسى ارقد
3- لازم اتلكووت باللحاف كني متهاوش :anger1:
4- وعندي عاده شوي سخيفه اني اذا قعدت من النوم لحد يكلمني حتى لو نص كلمه لين يفج راسي :rolleyes2:


بل صبيه...لا يحوووووشك...العصعص بيضرب عندك...احم :secret:

اما هذي التقفيله عقب النوم مشكله...انا تجيني اذا نمت عقب العصر...:rolleyes2:
فا الحين احاول ما انام العصر...الا اذا اقيل الظهر...:)

ويامرحبا بك...وعلى هالطله...:nice:

[sara jsm]

:eek5::eek5::eek5::eek5::eek5:
سؤال ساره ..
شنو في بالج بالضبط لما تاخذين السكين معاج ..؟ :secret:
يعني للدفاع عن النفس بس ..
ولا ناوية تذذبحين حد ويمكن تصيدنه في اي مكان ..:tease:

ماادري يجيني احساس بالامان اذا هو معاي ,,
كم مرة ياخذونه مني واشتري واحد جديد ,,
ترى من صف ثالث ابتدائي وانا اشيله معاي ,, :rolleyes2:

[بصمة قطرية]

ماادري يجيني احساس بالامان اذا هو معاي ,,
كم مرة ياخذونه مني واشتري واحد جديد ,,
ترى من صف ثالث ابتدائي وانا اشيله معاي ,, :rolleyes2:

:eek5::eek5::eek5:

عندي احجام صغيرة تنفع للشنطة ..:secret:
اي لون تبين .. ؟ :tease:

[alsubaiai]

[QUOTE=مستر بن;7109702][SIZE="6"][CENTER]


اهم شي اللي يقصر على المسجل اذا ضيع...احم :rolleyes2:

شي جميل خيو...
وتشكر على المرور...ويامرحبا بك...:nice:

مادري ليش تذكرت واحد من الشباب




إذا مر من تحت شجره وهو يسوق ينزل راسه


وإذا مر عليه طير يغمض عيوووووووووووونه


واشياء كثيره يبيلها مجلد






عادات غريبه وعجية

[قطر love]

[QUOTE=The Master;7115770][FONT="Palatino Linotype"][COLOR="Gray"][SIZE="5"][B]

مادري ليش تذكرت واحد من الشباب




إذا مر من تحت شجره وهو يسوق ينزل راسه


وإذا مر عليه طير يغمض عيوووووووووووونه


واشياء كثيره يبيلها مجلد






عادات غريبه وعجية





:eek5: :eek5:
:eek5:

:eek5:

:eek5:


. :eek5:

[: بوحمود :]

طيب والي اول مايبطل عيونه على طول ع الثلاجة يدور بيبسي شالحل معاه
:(:(:(

[ظبيــღــه]

حاليا ..تدعم اطوف:eek3:

عساها ماتطول بس:unsure:

[The Master]

اوووش اووش احم احم منزل موضوع ههههه

اهم شي قول احمممممممممم احممم :tease:


لا موضوع ترتيب ما شاء الله وفي نفس الوقت فضحت الاعضاء هههههه

طلعت المستخبي :telephone:


انا عن نفسي قبل النوم متعود الغرفه لاااازم تكون باااااااارده :tooth:

لازم واهم شي مخدتين :tooth:

قبل كنت احط يدي تحت المخده الحين احطها تحت ويهي :tease:

لازم اشرب ماي قبل النوم هههههه :looking:

لازم المعوذات وايه الكرسي omen

وبعدها اذا كنت افكر في حد اتم ادعيله بالخير وادعيله لين ما اطفي خلاص وانام :yawn:

اما بعد النوم مممممم مافي شي هههههه ويسلمووووو اوووش اووش قصدي احم احم اووووه قصدي مسيووو الماستر :nice:


اي والله اهم شي قول معاي احم...:secret:

لا ان شاء الله مابه فضايح...وانما تفضفض...:victory:
ومشاركه لمعرفه بعض الطبايع والعادات...:nice:

اسكت...وانت اتقول بااااااااردة حسيت ب ابروده...احم :secret:


اما الحركه اتفكر في حد قبل النوم وتدعي له...هذي جميله الصراحه...الله يجزاك خير يارب...

اوش اوش في وجودك الله يسلمك...نورت يا بومحمد :nice:

وتشكر عالطله الحلوه :)

[The Master]

باك :p
ترى حبيت الموضوع وايد ,, ^ ^

من الاشياء اللي دوم اسويها يوم اغسل ايدي واخلص اسكر الماي
وارجع افتحه واغسل ايدي مرة ثانية :o وكل مرة اقول لنفسي (( اغسلي مرة وحدة وخلاص )) :p
:
ودايما احط في شنطتي سكينه ,, حتى يوم اروح اعراس او المستشفى :(
وحتى لو اطلع بدون شنطه السكينه تكون في مخباتي :shy:
:
:
تدري خاطري شخص مختص يتطلع على هالموضوع ,, :nice:
ويشوف بعض العادات الغريبه اللي نسويها شنو اسبابها ,, :secret:

ايه ده :eek5:

سكين؟؟؟...لا بالله راح فيها اللي يقرب منك...احم :secret:

انا كنت نفسك...بس مب سكين...انما هذي اللي فيها سكين وسكروب ومقراض ومقص...كلهم مع بعض واتحس انه نفس الهولدر...وعليه علامة الزائد...
كانوا غرامي...اجمع فيهم...واحطهم في المخبى...:shy:

اما غسيل الماء هذا شي غريب...بس اتوقع انه من النظافه...فا شي طيب :nice:


اما المختص...الله يعينه علينا...بيعتزل الفن عقبنا...احم :rolleyes2:

نورتي اختي ساره...واسعدني مرورك الجميل...لاهنتي :nice:

[The Master]

الســلام عليكم ..
موضوع ممتع بصراحة فكرة خطيرة ..
تطلع الفضايح خخخخخخخخخخخ

أممممممممممم
عندي عادة غريبة في الأكل ..
أحب آكل مالح وحلو في نفس الوقت ..
يعني آكل شبس وكافي مع بعض ..:shy:
ما اتلذذ الا جذي .. :shy:

وأحب الشاي مع الكافي عكس العالم ..:secret:


وعليكم السلام...هلا ومرحب اختي بصمه...:nice:

ملح وسكر :con2: ؟؟؟

لحظة لحظة...خلني اتخيل الطعم...امممممممم...اي اي عجيب...بس دسم مب طبيعي...احم :rolleyes2:

عليك بالعافيه...دامه عاجبك...عليك به...:nice:

بس شاي مع كافي...هنا الموضوع فيه مشكله...احم :secret:
لكن يبقى...ذوق...واخذي راحتك...


ونورتي اختي...:)

[The Master]

الجرايد

http://www.japaninfoswap.com/blog/uploads/Newspaper.png

ياويله اللي بيمسكهم قبلي :anger1: حتى الوالد صار يدخلهم لي من تحت الباب اذا كنت راقده عشان محد يقراهم قبلي ويعفسهم :shy:

رعبببببببببببب :rolleyes2: ...احم

اهم شي الجريده...:secret:
حتى ابوك مسكين...امخوفته...احم :(

بس من حقك...لانهم اكيد يعفسون الجرايد...:nice:

بس اوصلت وجهة نظرك...واتفق معاك...احلى شي انت اللي اتفل الجريده واتكون اول واحد يقرا الاخبار فيها...احم :)

يامرحبا بك...

[بنت قطر202]

الموضوع وااااااااااااااااااايد حلو وجديد

ضحكتني عادات بعض الاعضاء بس ام سكينه عجيبه

انا فيني طبع اني اذا اندمجت في الشغل وانا في المكتب أكلم الكمبيوتر واشر عليه مره المدير صادتني قالي انتي تكلمين الكمبيوتر ؟؟ طبعاً وجهي صار الوان من الفشله

واموووووووووووووووووووت خوف من الفراش مره كنت في المطبخ مندمجه في الطبخ وقاعده اغني فتحت الكبت الا ذيك الفراشه تطير وتلصق على ثيابي طبعاً انا قعدت اصارخ واراكض في المطبخ اختي معاي قاعده تصارخ ماتدري شالسالفه :eek5::shy::shy:

ايه كنت اذا ابي اعطس وانا امشي لازم اوقف والا باطيح :omg:

واذا جيت ابي انام لازم امشط شعري واتعطر

لحظه خشمي نزف مادري شالسالفه باروح وباجي باكمل

[The Master]

اذا كنت نايمة وحد سحب البرنوص عني استخف وأين .. :anger1::anger1:
وعادي أهجم وأضرب .. :shy:
يعني بالعربي أعلن الحرب ~ :anger1::anger1:

مستحيل أنام من غير مخدة ..:secret:
اذكر مرة دخلت الطواري والسرير مافيه مخدة ..
ياتني الممرضة شافتني أصيح ..:rolleyes2:
كنت أصيح من الألم افتكرت اني اصيح عشان المخدة لأني قلت لها ماقدر لازم مخدة ..:weeping:
راحت ويابت لي مخدة ..:nice:
نفعت الدموع خخخخخخخ :tease:


حشى مب الحاف هذا...:eek5: ...احم

اما سالفة الطورائ...صدق حاله...
بس والله الممرضه راعية واجب...الله يجزاها خير...

اكيد الدموع اتسوي شغل...كفايه انها اتقود الرجال يمين يمين...يسار يسار...:secret:

ونورتي اختي بصمه...يامرحبا بك...:nice:

[The Master]

خخخ

الروب والخيار شي اساسي مع شووية ليمون
اكل الشفايف
اكل الاظافر
3لازم مخدات ع سريري << مع اني مالي حاية فيهم بس
ولازم يكون مااي ع الكوميدينو والمكيف شغال حتى فالبرد لما ابي انا


اهم شي الروب والخيار...شكلك من محبين المطاعم الهنديه...احم :secret:

اما اكل الشفايف والاظافر فا هذي حاله...:rolleyes2::rolleyes2:
شي ينرفزني لما اشوف حد يسويها...:anger1: ...احم

اما مكيف في البرد :rolleyes2: ...شكلك صعب اتأقلم...او اتحب الازعاج لما اتنام :)

نورت يا راعي الجمس...

ويامرحبا بك...:nice:

[The Master]

ههههههه اماف يبيلك تصور لنا اضافرك

من الاشياء الغريبه اني اذا باكل الكتكات اكله

حبه حبه :tease:

وطبقه طبقه:tease:

يااااااااااا الله على المللللللللل...
مب متخيل كم ساعه تاخذين عشان اتخلصينه...احم :secret:
بس هنيالك...:nice:

اخبر واحد من الشباب يسوي نفس الحركه...
لا وتخيل شكله كيف...بااااااااارد...لكن مافي اي اعتراض...عوااااافي...:)

نورتي يا المريشه :nice:

[بنت قطر202]

فيني طبع غريب اذا فتحت البيبسي او العصير وحطيته في الثلاجه ماحب اشرب منه لازم اخذ واجد جديد
مادري ليش
طبعاً امي تزفني واقولها مب انا هذي اختي وتهاوشها :anger1:

ايه واحب اكل التونه بالقشفه بس افتح العلبه واكلها :eek5:

[نوفا91]

موضوعك حلووو..

اللي فبالي الحين ..اذا رقدت كني متهاوشه مع الحاف ..واغطي جسمي كله ولازم ارجولي طالعه مستحيل اغطيهم ...ووجهي لازم اغطيه بلحاف والا مخده ع راسي اهم شي ماشوف اليت ابد ابد ..

اممم واذا قعدت من النوم مستحيييييييييييل اتكلم الا لين اشرب كرك واروق عقب اتكلم ..يعني حتى اي حد يكلمني ارد بإشاره والا مستحيل ارد ...

واذا تذكرت لي عووده :)

[غايه الطواش]

خوش موضوووووع

من عاداتي الغريبه ...ماعرف ادرس الا في الحر ..يعني مافي مجال ادرس والمكيف شغال

ماحب حد يدخل غرفتي نهائيا ..
فيني عاده تحرجني بعض الاحيان ماحب اشوف نظاره محطوطه بالعكس يعني الزجاج على الطاوله لاشعوريا عدل نظاره الي جدامي واحطها عدل

ماعرف انام الا اشم ريحه حللوه عود عطر دخون كريم معطر

وبعد بعد

ماحب استخدم الكمبيوتر حد يجي يجلس جنبي اتنرفز بشكل مب طبيعي

[بوخالد2]

في عاده خاطرى اخليها اني اذا جالس اسولف مع حد و قدامي الكمبيوتر انسى روحي ان في انسان قدامي اقعد اطالع الكمبيوتر و هو يسولف و انا مب معاه و وجهي على الشاشه بس

[نوفي]

الموضوع وايدة حلو
واشياء تضحك من بعض الاعضاءههههههههههه

انا لين اجوف احد يصيح على طول اصيح وراه:weeping:
وقبل لاانام لازم اعدل الغرفه وابخرها عشان انام وانا مرتاحه
لين اجوف الدم ريلي ماتشيلني
ومااحب اكل بروحي لازم احد ياكل معاي واذا محد عندي مااكل حتى لو ميته من الجوع

[boamir]

ههههههههههههههههههههههههه
اما بعض الأعضااء مالهم حيل
عيل سكينه في الشنطه يمكن عشان إذا مرت من سوق الخضار تشوف منجا ولا تفاحه تشتري حبه وتقطعها وتاكلها هع :p <<لحد يزعل بس

انا عن نفسي اول ماأقوم من النوم سيييده الثلاجه وعصير بونص <<اهم شي
وبعدين اشوف تلفوناتي في حد متصل ولا مطرش مسج<<مع إنه محد يتصل فيني ههههههههههههههه
وفي وايد اشياء بس ماأذكرها

تحياااتي لك

[مريومة]

غريبة

اغلبكم مستغرب من سالفة السجين

انا اول ما تخرجت اشتغلت في مكان نوعا ما مختلط

وكنت احط سجينة في شنطتي .. ووحدة في درج مكتبي

مب خوفا من الموظفين .. ولكن خوف من العمال

كل شوي حد يدخل الا يمسح الغبار .. والا يسقى الزرع

بس الحمدالله تركت هالعادة .. لاني اكتشفت اني بجني على نفسي بها :eek5:

بس صج السجين حق وحدة خوافة .. جريمة في حق نفسها :shy:

[w4rr10r]

هههههههههههههـ ..
موضوع حلو .. وانا عن نفسي ما انام الا على صوت المكيف ولو كآنت الدنيا برد ..
مآقدر لازم مكيف خخخخخ

[w4rr10r]

في عاده خاطرى اخليها اني اذا جالس اسولف مع حد و قدامي الكمبيوتر انسى روحي ان في انسان قدامي اقعد اطالع الكمبيوتر و هو يسولف و انا مب معاه و وجهي على الشاشه بس

ههههههههههـ شكثر تصير معآي ,, طبعا هي عآده خآيسه ومب حلوه ..
تسفه حق الي قدآمك :)

[The Master]

من العادات الغريبه...

اني اذا باكل...لازم شي يشتغل قدامي عالتلفزيون ولا اللاب توب...ولا ما تحلى لي القعده...احم :secret:

اكره شي عندي اشوف ليت شغال بدون حاجه...خاصه وانتوا ابكرامه الحمامات او المطبخ...كذا اتشوفوني لاشعوريا رحت وطفيت الليت...
وكذلك وانا طالع من الحمام...يدي عشوائيا صوب الزر...واطفيه :rolleyes2:


لما اسافر طريق بر...لازم حب"بزر...حب شمسي...حب مصري" معاي...والا ما اسافر...:secret:


لما ابغي اكتب موضوع في المنتدى...لازم اكون لحالي...ومحد حولي..."عشان مايشتت افكاري..."...


اذا كنت ابغي اشتري حاجه من السوق...تلفون او ساعه...لازم احوس كم محل قبل لا اشتري...اشيك على الاسعار للبضاعه نفسها...ومع اني داري ان السعر نفسه...لكن لازم امر على كم محل والا ما ارتاح نفسيا قبل لا اشتري...:rolleyes2:


اذا على الغدا...والناس ينتظروني...وبطيت عليهم شوي...ومدوا يدهم وكلوا...ولو كان واحد بس...
ما ارضى اني اقعد على الغدا...اتنح...وما اكل معاهم...:secret: "هذي في العرج...مايحتاج...احم"
وكذلك العكس...اذا على غدى ولا عشى...ما امد يدي الا لما الكل موجودين...:nice: "برستيج...احم"

مهما كان الاكل ماصخ...ما احط ملح ابد... :)


وبس...وان جد جديد بنرجع لكم...
وراجع للي شاركوا انعلق على مشاركاتهم...العجيبه الغريبه...:rolleyes2::secret::eek5::nice:

[The Master]

للرفع...
وقراءه المزيد...
فا هل من مزيد...:)

[سهم طويل الأجل]

موضوع حلو

عاداتي الغريبة أني أقوم من النوم لو كان في روائح خصوصاً البخور والعطور
حتى لوكنت ميت من التعب !!

اذا كنت انتظر شي لااااازم اعد في سري لين 13 وبطريقة معينة مادري ليش 13 بالذات !!


ما اشرب في كوب مب خاص لي ولا اتقهوى في الأعراس .. واذا اضطريت اشرب من ورا عروة القلاص .. لكن فناجيل مستحييييييل

[ورقة غار]

موضوع عجيب ....من اشيائي العجيبه والغريبه

1- اذا زعلت اروح الجمعيه واترس الجاري والله ولاادري شخذيت وارجع البيت اخر روقان
2-شنطة يدي متروسه اغراض واذا طلعت السوق واجي اطلع جوالي من الشنطه امسك الشنطه من الصوبين وانفضها جني ادور نقل ف القرنقعوه خخخخخ
2-ف النوم اقبض يدي وارقد عليها ويوم اقوم من النوم يدي تنمل وماتنفتح خخخخخخخخخخخخخخخ

[فابريغاس]

خوش موضوع

اذا تضايقت او عصبت اوصادتني حالة توتر شديده
على طول اشغل البلاي ستيشن والعب كوره واطلع كل التوتر في هالمباراه
هالعاده خذتها من كان الوالد والوالده يهاوشوني وانا صغير اشغل السيجا وافرغ كل اللي في خاطري فيها
واللحين صرت ابوعيال وللحين مبتلش بهالحركه هههههههه

[بنت قطريه]

اممممم الموضوع حلو ومن مساعه قاعده اقرى الردود ابي اتذكر وعقب تذكرت :victory:
المهم ..... تعودت البس الساعه في يدي اليمين :) وحاولت اغير وماقدرت ولازم البس الدبله واذا مالبستها احس في شي ناقص واكون متضايقه ليش ماادري خخخخ ، واول مااقوم من النوم ابتدي اخلص كم شغله في البيت قبل مااروح الشغل ، وفيني عادة اكرها اني احس بالذنب وبتأنيب الضمير حتى لو حد غلط علي اقعد الوم نفسي مع اني مااكون غلطانه واتضايق واعاقب نفسي علشان مايتكرر الشي مرة ثانيه ... تعودت اكون حريصه على مشاعر الناس بس الناس مايراعون مشاعري :weeping: .... احب اقول شكرا حق كل انسان يخدمني حتى حق الخدامة والدريول واي حد يسوي لي اي خدمة لدرجة ان ريلي يهاوشني لاني اقول حق الحمالي ويعصب علي:weeping:...... وعادة سيئة ان التقويم مايفارقني لازم اسجل كل شي علشان ماانسى احب ارتب وانظف كل يوم حتى على حساب راحتي .... اممم ولازم قبل مااطلع احسب كم عندي فلوس بالبوك علشان اقسمهم على الاغراض اللي باشتريها وامي دايما تقولي يالعجوز :unsure: .........واستناس لما اطلع بروحي محد معاي بالذات اذا اتسوق .... احم احم كأني طولت وفي اشياء واااايد بس اللي قلته كفايه كأني فضحت نفسي لا لا خلاص بس وشكرا :ok:

[قطر love]

بااااااااااك من جديد هههههه


اخس عاده عندي هههههههه


وقت النوم وانا راقد تحصلني اهز ريولي ههههههه :eek5: ما اقدر خخخخ لازم تشوفني مرات ريولي تهتز بروحها :secret: متعود :weeping:


والشي الثاني يوم يجيني شد عضلي في الريل واكثر شي يجيني وانا راقد اقوم من السرير واركض في الغرفه وانا مغمض :omg: :rolleyes2: هههههههههه وارد انام لازم الحركه ههههههههه مراثون :shy:



خلصنا من النوم

متعود دوم اذا البس ساعه لازم كل شويه اشوف الوقت كل شويه مادري ليش دوم الي يطلعون معاي يلاحظون يقولون اشفيك مستعيل على شي اقولهم لا متعود :shy: ههههههههههههههههه :tease:


بعد بعد بعد بعد <<< يفكر :omen2:




برجع لك اذا تذكرت هههههه :nice:

[سهم طويل الأجل]

تذكرت حركة غريبة لازم أسويها

إذا خذت فاتورة وقعدت انتظر مثلاً في كوفي شوب أسوي من الفاتورة صاروخ ( طيارة ورقية)

على بال مايخلص المشروب .

بس الحين اذا شفتوا حد يسوي هالحركة تراه أنا :victory:

[مريومة]

بااااااااااك من جديد هههههه

اخس عاده عندي هههههههه

وقت النوم وانا راقد تحصلني اهز ريولي ههههههه :eek5: ما اقدر خخخخ لازم تشوفني مرات ريولي تهتز بروحها :secret: متعود :weeping:

والشي الثاني يوم يجيني شد عضلي في الريل واكثر شي يجيني وانا راقد اقوم من السرير واركض في الغرفه وانا مغمض :omg: :rolleyes2: هههههههههه وارد انام لازم الحركه ههههههههه مراثون :shy:

خلصنا من النوم
متعود دوم اذا البس ساعه لازم كل شويه اشوف الوقت كل شويه مادري ليش دوم الي يطلعون معاي يلاحظون يقولون اشفيك مستعيل على شي اقولهم لا متعود :shy: ههههههههههههههههه :tease:

بعد بعد بعد بعد <<< يفكر :omen2:

برجع لك اذا تذكرت هههههه :nice:

فظيعة

عجيبة

هالعادات :eek5:

[مريومة]

اتصدقون

في اشياء وايد متشابهة في عاداتكم الغريبة لعاداتي ..

طبعا الا لوف قطر .. لحد الحين منصدمة من عاداته :eek5: :nice:

من العادات الغريبة .. لما انام .. لازم اربت كتفي او يدي مثل اليهال لين انام

ولازم الغرفة ظللمة خرمس والا مافي نوم طبيعي

لما اقوم من النوم لازم قبل ما اطلع من غرفتي

مهما كان حتى لو قمت متروعة وبسرعة .. لازم امر على المنظرة ارتب كشتي :shy:
..................

لو في بالي موضوع يخص احد وانا معصبة ، او بكتب موضوع أو استفسار ..

لازم اكتبه في النوتباد .. وانقحه وارتبه واختار المفردات عدل .. قبل ما اتكلم به او انشره
................

لما احس اني ممكن امرض .. اتضايق .. واقعد اوون .. وادعي ياربي ما امرض .. ياربي ما اتألم

................

مستحيل .. وانا قاعدة على الارض امد ريلي تحت اي شي سواء سرير او كرسي او طاولة

حتى اذا نمت على الارض ابتعد عن صوب السرير .. علشان ما اتروح ريلي تحته وانا مادري
...............

اذا اخطأت في حق احد .. احاول اني اعتذر .. بس صعبة اني اقدر اراضي احد..

ووسيلتي الوحيدة اني اراضي الزعلان اني اقول له ارضى .. يالله ارضى

وعقبها اواجه نفسي جدام المنظرة .. واهاوشها واعاقبها

بمفردات اتنم عن عدم ركادتي وجهلي لين اصيح .. واكسر خاطر نفسي وانام

وبس خلاص :shy:

[sara jsm]

صباح الخير يالماستر ^ ^

في عادة اسويها ونبهتني عليها رفيجتي لاني خليتها تصلي 5 ركعات بدال 4 :shy: ,,
( اهز رجولي ) يعني لو قاعدة عالكرسي لازم هالاهتزاز فوق وتحت
واذا قاعدة عالارض ,, الاهتزاز يصير يمين يسار :o
امي ماتداني هالحركة كلش وتهاوشني عليها حد قدام الناس ههههههههه
بس انا استمتع فيها ^ ^

[قطر love]

فظيعة

عجيبة

هالعادات :eek5:

ههههههههههههههههههههههههههههههههههه :shy:

[قطر love]

صباح الخير يالماستر ^ ^

في عادة اسويها ونبهتني عليها رفيجتي لاني خليتها تصلي 5 ركعات بدال 4 :shy: ,,
( اهز رجولي ) يعني لو قاعدة عالكرسي لازم هالاهتزاز فوق وتحت
واذا قاعدة عالارض ,, الاهتزاز يصير يمين يسار :o
امي ماتداني هالحركة كلش وتهاوشني عليها حد قدام الناس ههههههههه
بس انا استمتع فيها ^ ^

هههههههههههههههههههههههههههه :weeping: اما حركه الهز الكل متعود عليها وصعب الواحد يتركها ههههه في كل مكان الميلس السياره اذا ما كنت اسوق بس على الخفيف مب نفي البعض في كل مكان ههههههه :nice:

[تباشير الفجر]

اممممممممم
ياكثر عاداتي الغريبه بس الي اتذكرهم الحين

اني لين ييت ادرس ادخل الميلس واقفل علي الباب واتكلم بصوت عالي واكلم الكراسي على انهم طلابي واسال واجاوب على نفسي واذا جاوبت غلط اقعد اهاوش الكراسي انهم جابوا غلط ههههههههههههه هالعاده فيني من يوم انا ببتدائي لين الحين انا بالجامعه

العاده الثانيه اني قبل مانام اقعد اهز صبع ريلي الكبير لين ماتيني النودة

هذا الي عندي واذا تذكرت شي غريب فيني برجع اقولكم

[ظبيــღــه]

مطارة الماي مستحيل اخلصهاا..حتى الصغار..

لين قعدت عالكرسي لازم ارفع ريلي:secret:..ماعرف..معاناة الصراحه:rolleyes2:

الابر ..ماحس فيهم ..سوى اسنان او دم او تطعيم ..:shy:
ماشااءالله تبارك الرحمن
ماشااءالله تبارك الرحمن
ماشااءالله تبارك الرحمن
ماشااءالله تبارك الرحمن
عادة ودي بها تم ..عيل شلون عيل :sneaky::tease:

[مريومة]

الابر ..ماحس فيهم ..سوى اسنان او دم او تطعيم ..:shy:
ماشااءالله تبارك الرحمن
ماشااءالله تبارك الرحمن
ماشااءالله تبارك الرحمن
ماشااءالله تبارك الرحمن
عادة ودي بها تم ..عيل شلون عيل :sneaky::tease:

ماشاء الله تبارك الرحمن

تدرين انا يصيدني انهيار عصبي خاصة الاسنان

حتى قبل ما يضربوني اياها .. قلبي يدق بقوة واحس اني الحين باموت

واقعد اصيح عند الدكتور .. والممرضات

واركب السيارة اقعد اصيح .. وارد البيت اصيح

وكل ما اتذكر الابرة .. تخنقني العبرة

اذكر مرة رحت اصور في رميلة للاسنان

وكنت طالعة من عند الدكتورة وحالتي منتهية

ودشيت عند السوداني اللي يصور .. ولا اقدر اتكلم ولا اقول اي شي

بس دموع وسناســ.. :shy: وقعدت على الكرسي منهارة

يكلمني وانا اصيح .. قام مسكين عدل شيلتي وانا اصيح

ويهديني ويمش دموعي .. علشان يصورني وانا اصيح

شكلي باصيح الحين :weeping:

آآآآآخ الله لا يعودها ايام

[La.Queen]

موضوع غريب .. بس عجبني

والله انا وايد اشياء اسويها دايما ..
اذا بغيت اكل لازم اخذ كلينكس
اذا بنام لازم انام ع الجنب اليمين ولازم التلفزيون شغال ولازم اتعطر
اذا بشتغل ع الاب توب لازم افصخ الساعه
اذا انحرجت احك راسي واغطي عيوني بيدي
اذا ضحكت احط يدي ع حلجي

[لمعة الالماس]

الموضوع حلو


أنا اذا قمت من النوم لازم افتح الستارة وأتأمل السماء والجو وافتح الدريشة واسمع اصوات العصافير ( دائماً هالجو يذكرني بأيام المدرسة وقعدت الصبح واشتاق لها )

واذا ما جاني نوم والا متملله أوقف عند الدريشة


اي حد يساعدني ويقدم لي خدمة لازم اقوله شكرًا سواء الخدم والا في المحلات

ما احب التلفزيون ويكون شغال وما اتابع شي

احب أقرى وانا اتغدى سواء جريدة والا ع الاب توب

لازم اقعد ع النت كل يوم حتى لو تعبانه لازم طله سريعة

احب الهدوء بشكل غريب يعني دوم اصكر سماعات اللاب توب والأيباد ع الصامت

اذا بغيت أنام لازم المكان ظلام والباب مصكر عشان أنام براحة

اذا قمت الصبح لازم أقرى الجريدة من النت واذا ما قريتها مستحيل اقرأها المسا

[The Master]

بوووووووو...نسيت الموضوع الصراحه...

يستحق الرفع...وبعدها نرجع للمشاركات...
وننتظر مشاركات جديده...احم