حماية المستهلك إلى أين ؟؟؟ [الأرشيف] - منتديات شبكة الأسهم القطرية

مشاهدة النسخة كاملة : حماية المستهلك إلى أين ؟؟؟

ولد الجابر

01-04-2011, 12:05 PM

مرحباً
يا حماية المستهلك إلى أين انتي ذاهبة ؟
اليوم عرفنا ان مافي زيادة في الرواتب (الحمد الله )
بس نطلب حماية لنا من جشع التجار السوق زيد الأسعارمن اسبوع .
معقولة صرنا نشتري الخضار بالنصف كيلو
والمواد الغذائية بكميات بسيطة ما تكفي 3 ايام معقولة السمك وصل سعرة اكثر من اللحم معقولة ومعقولة ومعقولة .....
احنا ما نبي زيادة في الراتب ولا اسقط الديون بس انوفر في المواد الإستهلاكية على الأقل والمواد الأساسية بما يتساوى مع دول مجلس التعاون .
ومساهة الدولة في دعم هذي المواد إذا كانت تكلفتها عالية .

بـــــــنت النوخـّــــذه

01-04-2011, 01:12 PM

صح كلامك المطلوب وقفه صارمه من الدوله اتجاه جشع التجار 000

ولد الجابر

01-04-2011, 09:17 PM

== نعم احنى نتعب الحين اكثر من قبل 12 سنة قبل الساعة 12 ونص احنا قاعدين نتغدا والحين غدانا مع صلاه العصر == وعمل إضافي يطلع بالموت وتقييم اداء حسن المنحنى وليس حسب الآدء .
لا وبعد زيادة في سعر البترول
الحمد الله على كل حال

الصريحه

01-04-2011, 09:49 PM

شلون بعض الجهات الحكومية بلغوهم بالزيادة".......?.....???

ولد الجابر

01-04-2011, 10:27 PM

لا ما في زيادة هذي زيادة في الميزانية بند الرواتب وليست زيادة الرواتب

Locale

01-04-2011, 11:49 PM

نصرخ في خرابه

مشتاقة لقطر

01-04-2011, 11:53 PM

الله كريم ..

معالي الرئيس

02-04-2011, 01:28 AM

اسمحولي على المداخله بس اللي انا اعرفه وللأسف شي يضحك
ان عدد موظفين حماية المستهلك عشره بس

مهل

02-04-2011, 01:43 AM

حمايه المستهلك ممكن تقرون مشاركتي :shy:

برود كاست وصلني من احد الاصدقاء من اهل الرياض و اعتذر عن المقارنه

-------------------

السلام عليكم

كلكم سمعتو قرارات الملك واللي يهم الشعب السعودي مٍْْـٍْْـٍْْنٍْْ غلاء المواد الاستهلاكيه ايجاد لجنة تابعه لوزارة التجارة لمتابعة الأسواق والتموينات الغدائية

http://eservices.mci.gov.sa/Eservices/Mobile.htm

هذا رابط يعطيك تسعيرة المواد الغذائية
لجميع مدن ومحافظات المملكة
والأحسن فـِ♡ـيْ هذا الرابط يعطيك برنامج تحمله على جهازك سواء كان بلاك بيري او آيفون

صورة البرنامج

http://i1017.photobucket.com/albums/af291/q6rna/GetInline.png

ارجوا النشر لتعم الفائدة

ولد الجابر

03-04-2011, 11:04 PM

شكرا للعضو مهل على الرابط
يا جماعة حماية المستهلك ولا كأنها موجودة أو هي حماية التجار لأن إلي يشتغلون كلهم تجار
اشلون اسعار الخليج اقل مع العلم بأن الطفرة جات على الكل ، انا اطالب بتخفيض الإجارات علشان يمكن الأسعار تنزل

مساهمة بسFresh

04-04-2011, 08:43 AM

انا رايي ولحد يزعل ان حماية المستهلك مسوين اللي عليهم ومافي تقصير منهم لكن الباقي على الناس يعني الغلط مب منهم:)

: بوحمود :

04-04-2011, 08:49 AM

انا رايي ولحد يزعل ان حماية المستهلك مسوين اللي عليهم ومافي تقصير منهم لكن الباقي على الناس يعني الغلط مب منهم:)

اي صح مسوين الي عليهم واكثر لا مبين بعد . . .

ترى اكبر غلط انج تدافعين عن شي وانتي ماتدرين وش الطبخه . . .

قال ايش قال مسوين الي عليهم

مساهمة بسFresh

04-04-2011, 09:01 AM

اي صح مسوين الي عليهم واكثر لا مبين بعد . . .

ترى اكبر غلط انج تدافعين عن شي وانتي ماتدرين وش الطبخه . . .

قال ايش قال مسوين الي عليهم

تقدر تقول لي شنو مسؤولياتهم ؟ قصدي شغلهم اللي مكلفين فيه رسميا علشان اعرف الطبخة اللي تقول عليها ؟:)

مستثمر قطر

04-04-2011, 09:03 AM

بسم الله

ااااااااااااااااااااااه

والله العظيم ان موضوع جبته على الجرح

الله يجزاك عنا كل خير

نبغي اسعار ايام التسعينات (( تكفــــــــــــون))

: بوحمود :

04-04-2011, 10:14 AM

تقدر تقول لي شنو مسؤولياتهم ؟ قصدي شغلهم اللي مكلفين فيه رسميا علشان اعرف الطبخة اللي تقول عليها ؟:)

اي اقدر ليش لا االرقابه على الاسعار والجوده هذا اقل شي ممكن يسونه واكثر شي مقصرين فيه:)

مساهمة بسFresh

04-04-2011, 10:35 AM

اي اقدر ليش لا االرقابه على الاسعار والجوده هذا اقل شي ممكن يسونه واكثر شي مقصرين فيه:)

يعني لو عندك مطعم مثلا اخوي ورفعت الاسعار ترظى يجون ويقولون لك نزل اسعارك ؟ولابتقول لهم اذا مب عاجبكم روحوا مطعم ثاني؟
وبعدين هم دورهم الرقابة على الاسعار بس اي اسعار؟ المحددة من الدولة ولا كل الاسعار؟ يعني لو فتحت انا محل عبايات بكرة ان شاء الله :shy::shy: ورفعت السعر مب راضية حد يقول لي ليش ترفعين لان اللي مايبي من عندي يروح محل ثاني :)
واللي يبي الزين من عندي يدفع ليش يستخسر انه يدفع في الزين:shy:

آهـل شَـرق

04-04-2011, 12:52 PM

يعني لو عندك مطعم مثلا اخوي ورفعت الاسعار ترظى يجون ويقولون لك نزل اسعارك ؟ولابتقول لهم اذا مب عاجبكم روحوا مطعم ثاني؟
وبعدين هم دورهم الرقابة على الاسعار بس اي اسعار؟ المحددة من الدولة ولا كل الاسعار؟ يعني لو فتحت انا محل عبايات بكرة ان شاء الله :shy::shy: ورفعت السعر مب راضية حد يقول لي ليش ترفعين لان اللي مايبي من عندي يروح محل ثاني :)
واللي يبي الزين من عندي يدفع ليش يستخسر انه يدفع في الزين:shy:

اولاً العجيب في قطر الكل محتكر له شي والجماعه يرفعون وينزلون في الاسعار على الكيف ولا في رادع !! لانهم محتكرين السلعه !! وهذا يبيله موضوع بروحه !! وحله بيد وزارة التجاره مب حماية المستهلك !! :)

حماية المستهلك مقصرين وشغلهم في الحضيض !! ابسط حقوق المواطن انه يدخل ((الجمعيه)) ويشتري السلع ((طبعاً الصالحه للبيع)) باقل الاسعار !! سنة الـ2000 ميرة البيت كانت حروة الـ 1000 ريال وكنا مستكثرينها واليوم 4000 والله ما توفي شجع هالتجار!! كل يوم والثاني زايدين البيض ريالين والحليب نص ريال والروتي كمن ربع !! لين ما وصلنا لهذي الحاله !! لا وازيدج معلمين اللي في الكاونترات على البوقه يعطونج علج وابتسامه تشق الويه بدال النص !! وين الرقيب !! :)

وهذا غير سوق السمج والجبره والسوق المركزي !! ولعب التجار من تحت الطاوله واتفاقاتهم برفع الاسعار على الشراي !! :)

ولد الجابر

06-04-2011, 12:23 AM

احنى انطالب بحماية فقط

الصريحه

06-04-2011, 08:03 AM

لا ما في زيادة هذي زيادة في الميزانية بند الرواتب وليست زيادة الرواتب

في مكان عملي اكدوا انه فيه زياده ومكان عمل زوجي
وانا انتظرها انشاءالله
وشلون بيتدخلون حمايه المستهلك اذا التجار والهوامير هم من اصحاب الفئه العليا؟؟؟؟؟؟؟؟

alsubaiai

06-04-2011, 08:36 AM

أنا اشووووووووووون

أنا أقراء

إذاً أنا موجوووووووووووووووووووووود

الله لايواليكم على أهل قطـــــــــــــــــــــــــــر أذا هذا تفكيركم بزيادة الاسعار

وأن يــــــــــ ( ........................... ) كل ظالم

chillis

06-04-2011, 08:44 AM

انا رايي ولحد يزعل ان حماية المستهلك مسوين اللي عليهم ومافي تقصير منهم لكن الباقي على الناس يعني الغلط مب منهم:)

ياريتج ساكته فعلا ما تعرفين شالطبخه مرات السكوت من ذهب ترا شنو الي مسوينه اي دور يا ام دور :) ولا يدرون وين الله حاطهم في جمعيات كثيره شغلاتهم منتهيه صلاحيتها عيل اشتري علبة روب منتهي من شهر 29/2/2011م , ولا في رقابه على اي شي محل يبيع الشغله 5 ريال بعد يومين تروح له تلقاه 7 ليش وين الحمايه مالتج هذولي ولا بس الحمايه للطبقه الالمعيه :( حتى بذي تفرقه عجبي بالمطبلين لكل شي

بوخالد911

06-04-2011, 08:52 AM

الشعب يريد تخفيض اسعار الخضرواات

:)

chillis

06-04-2011, 08:54 AM

الشعب يريد تخفيض اسعار الخضرواات

:)

اي جسمنا ماعاد فيه فيتامين بسبب غلاء الخضار :(

موضي قطر

06-04-2011, 08:55 AM

حماية التجار مب المستهلك واللي يدافع ياريت ينزل لمستوى الطبقة الكادحة عشان يعرف المواطن البسيط ليش " يتحلطم " غرشة جبن في مكان بـ 12 ريال وفي مكان ثاني بـ 16 ريال هم بتقولون مب ضروري وليش نشتري !!

هذا غير المواد الغذائية المنتهية صلاحيتها

chillis

06-04-2011, 08:57 AM

موضي قطر

06-04-2011, 09:01 AM

الشعب يريد تخفيض اسعار الخضرواات

:)

اتوقع نغيرها ونقول " غير القطريين " يريدون تخفيض اسعار الخضروات :([

QUOTE=chillis;7117537]

الحين احمد يكيكي بيدافع عنهم :shy:[/QUOTE]

لااااااااااااااااااااااااا

تكفين اكره هاللون :cry2:[/B]

AbdullA-Qtr

06-04-2011, 09:12 AM

ماتلاحظون شي .؟

كل ماتكلمنا في طاري الزياده .. طارت اسعار السلع ..؟

خلاص هونا كنسلنا .. الموضوع... مانبي زياده نبي الاسعار اترد مثل قبل .. والله يالـ 3000 اتم الين اخر الشهر ولا انوفر منها .. واللحين شي وعشرين وهبابه يصمد الين نص الشهر ..

غير البشر

06-04-2011, 09:16 AM

انا رايي ولحد يزعل ان حماية المستهلك مسوين اللي عليهم ومافي تقصير منهم لكن الباقي على الناس يعني الغلط مب منهم:)

اختي مساهمه حمايه المستهلك والدوله لم تقوم بحمايه المستهلك على الوجه الاكمل وفي تقصير كبير
شوفي قرار الملك عبدالله وعطيني رايج

بسم الله الرحمن الرحيم
الــرقــم: أ/78
التاريـخ: 13/4/1432هـ

بعون اللــــه تعالـــــى
نحـــــن عبداللـــــه بـــن عبدالعزيــــــز آل سعـــــــود
ملـــك المملكــــــــــة العربيــــــــــة السعوديــة

نظراً لأهمية الرقابة على الأسواق، ومراكز البيع في جميع مناطق المملكة، للحد من أي تلاعب، أو زيادات أو مبالغة في الأسعار، ولأهمية مضاعفة جهود وزارة التجارة والصناعة الرقابية لمتابعة ذلك، وأداء للمهام المناطة بها، ولحرصنا على قيامها بعملها على الوجه الأكمل، مع التأكيد على عدم التهاون في ضبط الأسواق والحد من الممارسات غير المشروعة.
أمرنا بما هو آت :

أولاً : إحداث (500) خمسمائة وظيفة لوزارة التجارة والصناعة لدعم جهود الوزارة الرقابية، وعلى الوزارة المسارعة بكل قوة وحزم في إيقاع الجزاء الرادع على المتلاعبين بالأسعار والتشهير بهم دون تردد كائناً من كان المخالف، ولن نسمح بأي تراخٍ أو تساهل في هذا الشأن المهم، فمصلحة المواطن فوق كل اعتبار، وعلى وزير التجارة والصناعة الرفع لنا بتقرير شهري في هذا الأمر.

ثانياً: يبلغ أمرنا هذا للجهات المختصة لاعتماده وتنفيذه.

عبدالله بن عبدالعزيز

AbdullA-Qtr

06-04-2011, 09:23 AM

انا رايي ولحد يزعل ان حماية المستهلك مسوين اللي عليهم ومافي تقصير منهم لكن الباقي على الناس يعني الغلط مب منهم:)

ممكن اختي بعد اذنج اتعلميني ... شنهي صلاحية الناس بالضبط .. هل هم اصحاب قرار ..؟

حماية المستهلكـ في سبات عميق ...؟

ممكن استفسار بسيط ..
انا لاحظت عليج انج ادافعين في اكثر المواضيع اي بمعنى اذا اطرح موضوع عتب على جهه معينه اتردين في الحال والرد يكون الدفاع عنها ... من خلال ردودج على المواضيع .. حسيت انج دائما وابدا ضد المواطن القطري .. اوقات ردودج في عالم ثاني مب في الواقع الي نعيشه ..

chillis

06-04-2011, 09:28 AM

ممكن اختي بعد اذنج اتعلميني ... شنهي صلاحية الناس بالضبط .. هل هم اصحاب قرار ..؟

حماية المستهلكـ في سبات عميق ...؟

ممكن استفسار بسيط ..
انا لاحظت عليج انج ادافعين في اكثر المواضيع اي بمعنى اذا اطرح موضوع عتب على جهه معينه اتردين في الحال والرد يكون الدفاع عنها ... من خلال ردودج على المواضيع .. حسيت انج دائما وابدا ضد المواطن القطري .. اوقات ردودج في عالم ثاني مب في الواقع الي نعيشه ..

ترا بعصب حماية المستهلك اشطر ناس :shy:

AbdullA-Qtr

06-04-2011, 09:32 AM

ترا بعصب حماية المستهلك اشطر ناس :shy:

للامانه فيني عقده من اللــون الـــوردي :shy:

chillis

06-04-2011, 09:34 AM

للامانه فيني عقده من اللــون الـــوردي :shy:

شسوي بحسسك اني مهب انا الي اتكلم :shy:

alsubaiai

06-04-2011, 01:40 PM

شسوي بحسسك اني مهب انا الي اتكلم :shy:

:shy: مساء الخيييييييييييييييييييير :shy: