ليــــــــش الظــــــــــــــــلم ..يامساعدات الديوان الاميري..1979

[وافق شنن طبقة]

السلام عليكم

قبل كم يوم رايح الديوان اقدم مساعده منهم

المساعده عباره عن

1مديونيه من البنك بقيمه 430الف ريال

2اتمام بناء والقرض قريب ..3700 ريال

3 فواتير تكاليف علاج ل ابنتي فالخارج ب180 الف

4حكم بحجز املاك لتاخير السداد ..((وخلصت منه))




الحين بغيت اسال؟




عمري 31 سنه ومتزوج واطفال ..وبيت توني بانيه ..وقروض لاسباب واضحه .والفواتير موجوده.


هذا كله ويقول موظف الديوان الي مواليده 79 مايصرفون له ايي مساعده؟؟



ليش ومن حط هالقانون ؟؟



يعني كل هالامور الي ذكرتها .وهالاوراق والدلائل .

واشتغل لي فوق 13 سنه هذا كله .



وتوقعون للحين (صغير)


شهالظلم ؟؟


يعني سنه 2099 ممكن يوافقون على طلب مساعده؟؟


ولا لازم الواحد ينسجن .ويتفنش .ويتبهذل.


علا شان قانون حطه واحد فالدييوان منع ال79وتحت


ياخي ترى والله ماعندي تعبير اكثر





واقســـــــــــــم بالله العظيـــــم

مابغي منهم صدقه ترى غيرنا ياخذ مساعده بناء مساعده سفر مساعده ومساعده


وش خذنا حنا 20 الف حق الزواج بس


و79 لا مالهم شي




كلامي هذا كتبته بس للي يحسبون ان الديوان يساعد..



انا اقسم بالله ماروح للديوان عقب اليوم

والله لاييحدني عله دام هذي قوانين


الله يخلي البنك وقروضه

[قطري رزه]

ياريااااااااال لعبه في لعبه الديوان

انا واحد نفسك عمري 30 سنه ولاخذيت الا مساعده الزواج ... 20 الف بس

وكل ماجيب اقدم قالووو عمرك ... اقل هههههههههه

واعرف واحد مستلمها عمره اصغر شرايك .؟؟

[إينشتاين]

هل سمعت عن اخبار بعض القرارات والاحكام المضحكة التي كانت في العصور القديمة مثل الوالي الي أمر الناس بالعمل في الليل والنوم في النهار أو الخليفة الفاطمي الذي منع أكل الملوخية والجرجير!!!!

سوف يأتي يوم وسيضحكون الناس على هذا القرار الغريب ...

كيف يتم تحديد سنة معينة وهي 1976 يعني بالعقل مواليد 1977 بعد كم سنة بيصير عمرة 40 وللحين في نظر الديوان ياهل ؟؟؟

ياناس حد يفهمهم أن التحديد يكون بالسن ،، مثلاً يقولون المساعدة لمن بلغ 18 أو 21 سنة وليس تحيد سنة الميلاد،، حد يبلغهم قبل مايضحكون علينا الناس.

[وافق شنن طبقة]

ياريااااااااال لعبه في لعبه الديوان

انا واحد نفسك عمري 30 سنه ولاخذيت الا مساعده الزواج ... 20 الف بس

وكل ماجيب اقدم قالووو عمرك ... اقل هههههههههه

واعرف واحد مستلمها عمره اصغر شرايك .؟؟


والله ادري وواحد من الربع وقريب اعرفه عدل

تمشيله 2000 ريال شهريا ويوم سالني وقلت لا ماعطوني قال لاتقول من جدك مايصير ..


قهر والله قهر

[وافق شنن طبقة]

هل سمعت عن اخبار بعض القرارات والاحكام المضحكة التي كانت في العصور القديمة مثل الوالي الي أمر الناس بالعمل في الليل والنوم في النهار أو الخليفة الفاطمي الذي منع أكل الملوخية والجرجير!!!!

سوف يأتي يوم وسيضحكون الناس على هذا القرار الغريب ...

كيف يتم تحديد سنة معينة وهي 1976 يعني بالعقل مواليد 1977 بعد كم سنة بيصير عمرة 40 وللحين في نظر الديوان ياهل ؟؟؟

ياناس حد يفهمهم أن التحديد يكون بالسن ،، مثلاً يقولون المساعدة لمن بلغ 18 أو 21 سنة وليس تحيد سنة الميلاد،، حد يبلغهم قبل مايضحكون علينا الناس.


انا ماودي اركز علا موظوع العمر والمواليد


بس خلك معي شوي


الحين قبل 6 سنين يوم جت وخذت ال20 الف

من الديوان مساعده الزواج .


وبعد 6سنين الي هو اليوم

يرفضون طلب مساعده ويقولون صغير




السؤال




ليش يالدوان تعطيني 20 الف وعمري 26..وترفض ان تعطيني مساعده بعد وصلت 31 و تصعبت علي الامور


هل مساعده الزواج غير عن الباقيات؟؟

[بصمة قطرية]

لا حول ولا قوة الا بالله ..
صج هالشي يقهر بصراحة ..!!!
الله يهديهم ويعنينكم ..
مالكم غير رب العالمين ..
عسى ربي يفرجها عليكم ~

[Abdulraman]

المشكلة في الموظفين اللي في الديوان يمشون ربعهم وبس واذا مايعرفه يقولة عن العمر
الله المستعان

[وافق شنن طبقة]

لا حول ولا قوة الا بالله ..
صج هالشي يقهر بصراحة ..!!!
الله يهديهم ويعنينكم ..
مالكم غير رب العالمين ..
عسى ربي يفرجها عليكم ~

الله يغنينا انشالله بفضله ولا بغيرة

[وافق شنن طبقة]

المشكلة في الموظفين اللي في الديوان يمشون ربعهم وبس واذا مايعرفه يقولة عن العمر
الله المستعان

لعب ونصب ويقولون تغير الديوان وصار احسن

وماعاد فيه نصب ولعب وعمر وووو.الخ


بس اظاهر ان هالديوان ل ناس و ناس

[NAF NAF]

الله يغنينا عن طلب المساعده اذا الموضوع فيه مذله

[][ Q6r ][]

والله قهر خذت من الديوان 15 الف مساعده زواج وناس تاخذ واايد
وشو تسوي حق الزواج والعرس يكلف مبلغ وقدره ( ؟؟؟ ) والقهر تجيك بعد 6 شهور
والله مادري هي مذله ولا بوق ولا حق ناس وناس
اتجهه للبنك احسن منهم صج ديون وفوائد بس ماتذل عمرك على 15 الف
الله يغنينا عنهم
حسبي الله والنعم الوكيل

[الموضوعي]

مثل ماقالوا الشباب المشكلة في موظفين الديوان مزاجيين ولا يخافون الله

[hamoor4ever]

ماعتقد المشكله من الموظفين هم يأدون دورهم بس وهاي القانون وانا ودي اقدم كم مره بس قالو لي مايصير شنسوي مافي حل يارب ياكريم يسر لنا امورنا

[ألوان]

للـرفـع والمتـابعـة ،،
نـأمـل مِِـن كـل مَـن يـُشـاهد المـوضـوع ( الرَفـع ) . :)

ليتسنى للأعـضـاء إثـراء الموضوع بِمُداخلات قد تُحدث فرقاً من شأنه تعديل آلية العمل بـ ( الديوان الأميري )..



مابغي منهم صدقه ترى غيرنا ياخذ مساعده بناء مساعده سفر مساعده ومساعده
:
:
كلامي هذا كتبته بس للي يحسبون ان الديوان يساعد ..
:
:
والله لايحدني عليه دام هذي قوانين



الـرازق الله وعلى الإنسان أن لا يتكاسل عن طلب رزقه أو يتذمر من تأخر وصوله فالله الذي خلقه*أدرى بما هو أصلح لحاله وكفيل بأن يرزقه من عنده سبحانه..*

[الجسراوي]

علىايام عمر بن عبدالعزيز كانوا يحطون الفلوس عند باب الخزينه ومحد ياخذها وكانوا يدورون حد يبي يتزوج وما يلقون عشان يعطونه .....

تصدقون كان الحلال يرعى والذيب يمر بينهم ومحد يخاف وجيه يوم الا وهم الذيب على خروف واستغربوا الناس ولما اعرفوا بان عمر بن عبدالعزيز مات اعرفوا ليش تغير حال الذيب والحلال

يالله رحمتك

[روح الاطلس]

امممممممم شلون هالقصص موجوده؟ واسم قطر يلعلع بالجرايد كأقل دولة في العالم فيها فساد واعلى دولة فيها شفافية؟

[ALRAYYAN]

اتذكر ان رحت لهم سنة 2003 واصرفولي مساعده زواج في نص 2004 يعني بعد سنة ونص وكانت 20 الف

وبعدها قالو لي الربع تقدر تقدم على مساعده سنويه تطلع لك 10 الاف
رحت لهم بعد سنه قالو لي المساعدات تنصرف لمواليد 1975 ونازل يعني انت ماتستحق انت صغير .. اللي بعده هههههه

ضحكت في وجهه وطلعت .. حتى قالي تعال خذ كتابك قلت له افرمه ماعندي وقت لك اكثر من جذي ورحت عنه

طلعت من عندهم وللحين مارحت لهم ولا ادري شتغير من قوانينهم والحمد لله عايشين
مشكلة الديوان انه يعطي اللي مب محتاج .. اما المحتاج ماتنطبق عليه القوانين

[مشتاقة لقطر]

الله كريم

[الصريحه]

الواسطة هي اللي بتمشي أمورك بعد ربك

[المجروح]

السلام عليكم

قبل كم يوم رايح الديوان اقدم مساعده منهم

المساعده عباره عن

1مديونيه من البنك بقيمه 430الف ريال

2اتمام بناء والقرض قريب ..3700 ريال

3 فواتير تكاليف علاج ل ابنتي فالخارج ب180 الف

4حكم بحجز املاك لتاخير السداد ..((وخلصت منه))




الحين بغيت اسال؟




عمري 31 سنه ومتزوج واطفال ..وبيت توني بانيه ..وقروض لاسباب واضحه .والفواتير موجوده.


هذا كله ويقول موظف الديوان الي مواليده 79 مايصرفون له ايي مساعده؟؟



ليش ومن حط هالقانون ؟؟



يعني كل هالامور الي ذكرتها .وهالاوراق والدلائل .

واشتغل لي فوق 13 سنه هذا كله .



وتوقعون للحين (صغير)


شهالظلم ؟؟


يعني سنه 2099 ممكن يوافقون على طلب مساعده؟؟


ولا لازم الواحد ينسجن .ويتفنش .ويتبهذل.


علا شان قانون حطه واحد فالدييوان منع ال79وتحت


ياخي ترى والله ماعندي تعبير اكثر





واقســـــــــــــم بالله العظيـــــم

مابغي منهم صدقه ترى غيرنا ياخذ مساعده بناء مساعده سفر مساعده ومساعده


وش خذنا حنا 20 الف حق الزواج بس


و79 لا مالهم شي




كلامي هذا كتبته بس للي يحسبون ان الديوان يساعد..



انا اقسم بالله ماروح للديوان عقب اليوم

والله لاييحدني عله دام هذي قوانين


الله يخلي البنك وقروضه


اخوي بس سؤالين عشان اقدر ارد على استفسارك

شنو سبب الدين الاول 430000
ومن اي بنك خذت كل هالديون؟ وكم الفوائد طلعت عليك من هالمبالغ ؟

[البرونزي]

مواليد 1975
متزوج وعندي 4 عيال
والديون اكثرمن 900 الف
والديوان قال ( لاتستحق )
وناس مواليد الثمانينات ماخذين
حسبي الله ونعم الوكيل

وينك يابومشعل تشوف اللي يصير
مب انت اميرنا ومسؤول عن حال شعبك ؟؟
هذا حال شعبك الكبير ياكل الضعيف
واللي يستحق ماياخذ واللي مايستحق ياخذ
الله فوق وياخذ حقنا في الدنيا ولا الاخره

[R 7 A L]

انا مواليد 75
عطبتهم شهادة الملكة بعدها باربع سنوات رفضوا يعطوني مساعدة الزواج قالوا قديمة
قبل ما اطلع لقيت واحد بالصدفة قال غريبة طيب ارجع لة وقول ابغي مساعدة عادية

رجعت لهم عطيتهم البطاقة قالوا لا مايصير لازم مواليد 1974


الظاهر الدعوة مزاجية

[Qa6ar]

انا مواليد 1975

مافيه وياريته على الكل

[كبريت]

الشغله كلها حسد ولعب

[فتى الجود]

الديوان هو الديوان من اكثر من 15 سنة واحنا نقدم فية
ويقولونلك اخر شي مواليد 74
؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!

غيروا بعض الناس او ماغيروا كله واحد

[PARIS]

اطلبوا الله الله يفتح عليكم ويرزقكم باذن الله ... وحسبي الله على الظالمين........

[gt_511]

اسمع نصيحتي لو جاتك فرصه اختلاس انتظر وشوف الفرج يغنيك عنها والفهيم يفهم

[شموع قطريه]

قالها صالح ال مانعه :

تعبت من المجامل والتصنع والبطن جوعان .....
وانا رجل عزيز وشيمة اهل العرف تنخاني .....

عجل ليه اتصنع السعاده وامدح الديوان ...
واقول انه عطاني والكلام الصدق ماعطاني ...

عطى الشيخ وخوي الشيخ والفسقان والشبعان ...
وخلى المستحق اللي حياته همّ واحزاني ...

صح الله لسانه ..

شوفوا هالموضوع

http://www.qatarshares.com/vb/showthread.php?t=440892&page=3

[المفترسه]

عيل انا مواليد 1985 برج السرطان مافي مساعدات لي :shy:

[شموع قطريه]

لا لج ...
بس عقب 30 سنه :)

[الأصيلة]

المشكلة في الموظفين اللي في الديوان يمشون ربعهم وبس واذا مايعرفه يقولة عن العمر
الله المستعان

وين بيروحون من رب العالمين
وترى فيه مجموعة انكشفت وتم التحقيق معاهم
لكن مايتوبون الأمانة مايلقون لها بالا...

[Roooo7 Qtr]

اخوي بس سؤالين عشان اقدر ارد على استفسارك

شنو سبب الدين الاول 430000
ومن اي بنك خذت كل هالديون؟ وكم الفوائد طلعت عليك من هالمبالغ ؟

الريال يقول مشكلته
وانت تحقق معاه شنو سبب الدين واي بنك وكم الفايده

[بصمة قطرية]

اليوم كنت أسأل مافي للحريم ..:secret::secret:
حطمتوني يا مواليد 75 كنت متعشمة ..:weeping::weeping:

[وافق شنن طبقة]

اخوي بس سؤالين عشان اقدر ارد على استفسارك

شنو سبب الدين الاول 430000
ومن اي بنك خذت كل هالديون؟ وكم الفوائد طلعت عليك من هالمبالغ ؟

الحين موضح لك الاسباب وتقول وش السبب



1زواج..ومهر وبنيان وووو..2004

2الله رزقني ببنت .2006

والحمدلله على كل حال


بنتي طلعت مريضه ولازم تسفر

لجنتك الطبيه والديوان رفضو ..


ووسفرتها على حسابي الخاص

3 شهور فالخارج اعالجها

واخر شي طلع معها مرض

وتاكدو وتاسفو وخيروني وين اروح بعد

ماقالو الدكاترة في المانيا بنتك مالها علاج

وقالو كم صرفت وقلت 180 فقط العلاج غير تذاكر وووووووووووووووامور انت يمكن ماتفهمها لانك ماغتربت وعلا حسابك والله لايبتليك

واخر شي تعويض فلوسي اليييييي انصرفت

20 الف سنه2009..

هل هذا يكفيك ولا تبي شي اكثر؟

تبي ازيديك بعد

شهريا ادفع لمده 6 شهور 3800علاج طبيعي لها

من ممرضه من مستشفى الجيش تجي البيت

لان مسؤول المستشفى التونسي رفض يستقبلها يقول مانتعامل مع اطفال وجاتني الممرضه وقالت اجيك البيت بمبلغ وقدر ه

على الجلسه يوميا300 ريال

وغير هذا وش تبي؟؟


تبي اتكلم زياده مستعد اقولك اشياء يشيب راسك

بس الحمدلله على كل حال .


وترى دفعت ودفعت ودفعت وتسلفت وسددت وبعت وشريت وسويت وووو

كل هذا عشان ما احتد على بشر


واخر شي اروح باوراق للدييوان يقول مالك شي مواليدك 79

الي يشتغل انا اقص يدي اذا مهب عمره 25اذا كثر

واقوله


ياخي دين وبنك وبنيان بيت ومصاريف وترى لي حق ماخذيته منكم وتعويض وووو

وابي مساعده مثل غيري يقول .روح للوجبه؟؟



ياخي نتكلم بصراحه هل تتوقع لو اروح للوجبه بيدخلوني؟؟


والشيوخ مهب مقصرين بس عندي الديوان ياخذ اخذ الضرف واعرضه شوف استحق ولا

وعقب قولي توكل اما سالفه صغير

[وافق شنن طبقة]

على طاري الي كشفوهم وحققو معهم


اقسم بالله وانا اسال عن هالشي يوم القيامه


الفواتر تقريبا 180 الف علاج فقط ..


قدمها عقب ما اعتذرووقالو بنحاسب الدكتور وووو الي رفض علاج بنتك


واخر شي

الي عطاني التعويض



مصري فالديوان الصغير


وعطاني اياها كااااااااااااااااااااااااااااااااااااااااااااااش مهب شيك عشان تعرفون النصب


وقالي بالحرف الواحد



اسمحلنا على الي بنعطيك انا قريت فواتيرك ما تاخذنا يابو....انا قلت بس

200 الف اشوي الا عشرين الف؟

وقال والله متاسف بصراحه


مصري ويقول لي متاسف وانا قطري ..ويطلع الفلوس من الخزنه وراه ويحسبها ويعطيني اياها ف يدي ..ويتاسف كانه معطيني من جيبه؟

[بصمة قطرية]

الحين موضح لك الاسباب وتقول وش السبب



1زواج..ومهر وبنيان وووو..2004

2الله رزقني ببنت .2006

والحمدلله على كل حال


بنتي طلعت مريضه ولازم تسفر

لجنتك الطبيه والديوان رفضو ..


ووسفرتها على حسابي الخاص

3 شهور فالخارج اعالجها

واخر شي طلع معها مرض

وتاكدو وتاسفو وخيروني وين اروح بعد

ماقالو الدكاترة في المانيا بنتك مالها علاج

وقالو كم صرفت وقلت 180 فقط العلاج غير تذاكر وووووووووووووووامور انت يمكن ماتفهمها لانك ماغتربت وعلا حسابك والله لايبتليك

واخر شي تعويض فلوسي اليييييي انصرفت

20 الف سنه2009..

هل هذا يكفيك ولا تبي شي اكثر؟

تبي ازيديك بعد

شهريا ادفع لمده 6 شهور 3800علاج طبيعي لها

من ممرضه من مستشفى الجيش تجي البيت

لان مسؤول المستشفى التونسي رفض يستقبلها يقول مانتعامل مع اطفال وجاتني الممرضه وقالت اجيك البيت بمبلغ وقدر ه

على الجلسه يوميا300 ريال

وغير هذا وش تبي؟؟


تبي اتكلم زياده مستعد اقولك اشياء يشيب راسك

بس الحمدلله على كل حال .


وترى دفعت ودفعت ودفعت وتسلفت وسددت وبعت وشريت وسويت وووو

كل هذا عشان ما احتد على بشر


واخر شي اروح باوراق للدييوان يقول مالك شي مواليدك 79

الي يشتغل انا اقص يدي اذا مهب عمره 25اذا كثر

واقوله


ياخي دين وبنك وبنيان بيت ومصاريف وترى لي حق ماخذيته منكم وتعويض وووو

وابي مساعده مثل غيري يقول .روح للوجبه؟؟



ياخي نتكلم بصراحه هل تتوقع لو اروح للوجبه بيدخلوني؟؟


والشيوخ مهب مقصرين بس عندي الديوان ياخذ اخذ الضرف واعرضه شوف استحق ولا

وعقب قولي توكل اما سالفه صغير

لا حول ولا قوة الا بالله ..:(
الله يفرجها عليك ..

خل العالم اللي تقول القطري بس همه المفوشر ..
بس يدلع عمره وياخذ سلفيات وديون عشان يسافر ويستانس ..
هذا مثال واحد بس ..!!!!
الله يكون في عونك..
البيوت أسرار ومش كل شخص راح يقول أنا تدينت عشان علاج او زواج او بنيان ..!!

[وافق شنن طبقة]

لا حول ولا قوة الا بالله ..:(
الله يفرجها عليك ..

خل العالم اللي تقول القطري بس همه المفوشر ..
بس يدلع عمره وياخذ سلفيات وديون عشان يسافر ويستانس ..
هذا مثال واحد بس ..!!!!
الله يكون في عونك..
البيوت أسرار ومش كل شخص راح يقول أنا تدينت عشان علاج او زواج او بنيان ..!!


مشكورة على كلامك اختي


وانا مابغي اكون مثال لحد ..ولا احد مثال لي

ولاعرضت مشكلتي عشان شي ..


انا بغيت اوضح للاخ فقط الي اعرف بيدخل في متاهات وبيخرب الموضوع وهدف الموضوع


وبيقول ليش ماخذ قرض ليش ماجمعت ليش وليش وبيقلب موضوعي موضوع تسديد دون


انا قلت السبب ...وترى مابغي الديوان يسدد ال430
لا

بس ابي حق من حقوقي ..

وعلى فكره


اقسم بالله ان الدكتور الي كان سبب في عدم تسفير بنتي للخارج


مارفعت عليه شكوى لاني حنيت الشيب الي ف وجه

والله سبحانه وتعالى خذ الحق بعدها بكم شهر توفى


وكلكم تعرفونه وهو اختصاصي امراض اعصاب


الله يبيح منه ولا اطلبه شي بعد ما قابل ربه


وهذا هو في قبره الله يبيحك ويحللك ومابغي منه شي



بس ترى الواحد لكثرت عليه الامور وغيره يلهم لهم بالفلوس والمساعدات ترى مشكله والله وتسبب لها امور ثانيه


اقل شي سجن ..شيكات ...الخ



الموضوع ماله حل .



وطرحي للموضوع عشان الديوان وقانونه


ولاحد يحسبني اشكي همي وصرفي ودين


لا بس احبب اوضح


ولا اكون لغيري مثال:)

[بصمة قطرية]

مشكورة على كلامك اختي


وانا مابغي اكون مثال لحد ..ولا احد مثال لي

ولاعرضت مشكلتي عشان شي ..


انا بغيت اوضح للاخ فقط الي اعرف بيدخل في متاهات وبيخرب الموضوع وهدف الموضوع


وبيقول ليش ماخذ قرض ليش ماجمعت ليش وليش وبيقلب موضوعي موضوع تسديد دون


انا قلت السبب ...وترى مابغي الديوان يسدد ال430
لا

بس ابي حق من حقوقي ..

وعلى فكره


اقسم بالله ان الدكتور الي كان سبب في عدم تسفير بنتي للخارج


مارفعت عليه شكوى لاني حنيت الشيب الي ف وجه

والله سبحانه وتعالى خذ الحق بعدها بكم شهر توفى


وكلكم تعرفونه وهو اختصاصي امراض اعصاب


الله يبيح منه ولا اطلبه شي بعد ما قابل ربه


وهذا هو في قبره الله يبيحك ويحللك ومابغي منه شي



بس ترى الواحد لكثرت عليه الامور وغيره يلهم لهم بالفلوس والمساعدات ترى مشكله والله وتسبب لها امور ثانيه


اقل شي سجن ..شيكات ...الخ



الموضوع ماله حل .



وطرحي للموضوع عشان الديوان وقانونه


ولاحد يحسبني اشكي همي وصرفي ودين


لا بس احبب اوضح


ولا اكون لغيري مثال:)

العفو أخوي ..
أنا ما قصدت انك تكون مثال بالصورة اللي فهمتها ..
اللي قصدته انك شخص مديون وذكرت اسباب دينك وكلها أسباب قهرية اللي حدتك على هالدين ..
بس للي يتسائلون شنو أٍباب الديون على القطريين ..!!

أكرر اعتذاري والله يسهل أمورك ..

[القحطاني505]

نسأل الله أن يعجلّ بتفريج كربتك وشفاء ابنتك

[إينشتاين]

الله يحاسب كل شخص أخذ من المال العام الي هو مالي ومالك ومال الشعب بغير وجه حق (من اكبر راس إلى اصغر راس) ....

والوعد يوم الحساب*

[المجروح]

اخوي بالنسبه لكلامك وردك
فانا جربت الغربه 3 سنين ومازلت بالغربه

انا سالت كمن سؤال ممكن كان غريب نوعا ما لان ماله خص بالمشكله وممكن يكون اهو اساس المشكله
انا سالتك عن البنك بس حبيت اعرف بنك ربوي ولا غير ربوي

ان كان البنك ربوي وتسلفت منه فانت الي ظلمت نفسك فلا تقول عن موظفين الديوان بانهم ظالمين
ولا تتوقع الدوله بتدفعلك فلوس ربا انت خذتها فهاي جزاء الي يتعامل بالحرام ولازم الواحد يستغفر ممكن رب العالمين يسامحه

لكن ان هالفلوس الي خذتها كانت فلوس حلال فلا تخاف ولا تفكر انشالله هذا اختبار وليس بلاء والله يكون في عونك ويساعدك وبادعيلك من كل قلبي واطلب من الله سبحانه لان طلبك عنده مو في يد اي انسان

وما ابيك اتجاوب

بس بشرنا اخوي انشالله بنتك بخير؟

[بيرق قطر]

اخوي الكريم أتمنى منك إن تصلى ركعتين تهجد وبعد الصلاة لمدة 3 أيام متتالية تقرأ هذا الدعاء بنية صادقة مخلصة لله ...واثق بالله انه راح يفرج لك همك ولا تستعجل الإجابة واقرأه بتدبر وخشوع

(( الهي كيف ادعوك وأنا أنا ....وكيف أقطع رجائي منك وأنت أنت ...الهي أن لم سائلك فتعطيني فمن ذا الذي أسئلة فيعطيني وأن لم أدعوك فتستجيب لي ...فمن ذا الذي ادعوه فيستجيب لي وأن لم أتضرع إليك فترحمني فمن ذا الذي أتضرع إليه فيرحمني ...الهي كما فلقت البحر لموسى فنجيته من الغرق فصلى وسلم ربى على محمد وعلى آل محمد ونجنى مما أنا فيه من كرب بفرج منك عاجلا غير أجلا وبرحمتك يا أرحم الراحمين ))

وأتمنى منك اخوي قبل لا تطلع الصبح من البيت أتكون قد قراءة الأذكار الصباحية
وتوكل على الله العزيز عز وجل وإنشاء الله تنفتح لك أبواب المسئولين كلها وفوقها حبة خشم إنشاء الله

[يراعٌ فراتي]

اخوي وافق شنن طبقة
بادعي لك في هالفجر ان الله يفرجها عليك
ويفك ضيقتك و يسهل امورك ويوسع عليك ويشفي لك بنتك
وربك كريم
عساها تفرج عليك وعلي وعلى جميع المسلمين

[Qa6ar]

عسى الله يفرج عليك

مشكلتك صدقني ماوصلت للشيخ حمد

لو وصلت صدقني انه كريم على البعيد كيف القريب وواحد من عياله

مشكلتنا اللي تحت يخافون توصل للي فوق لان كل واحد خايف على كرسيه