القطريه

[خزامئ]

امس كنا راجعين على القطريه
المفروض انطير 5 الاربع
وماوصلت الطياره الا 5 الاثلث الوقت الي المفروض انطير فيه ولا حتا قالو النا انحن بنتئخر ولا شي
قلنا ماعليه شي خارج عن ايرادتهم لاحول ولا قوه الا بلله
-----------------------------------------------------------------
واليوم صديقتي مسافره على القطريه لندن عندها موعد بكره الصبح مع دكتور
ومن الساعه 5ونص وهم في المطار خلصو امورهم وقعدو في صاله رجال الاعمال تعبانه المسكينه تنظر تسمع الندا على الطيار وحسو انهم تئخور ويوم راحو ينشدون قالو انتو تئخرتو ماجيتو خلاص صكرنا باب الطياره وكان باقي على موعد الاقلاع ربع ساعه وقالو انتضرو بنزل شنطكم
انتضرو الرحله الجايه
يعني عندهم وقت ينزلون الشنط بس ماعندهم وقت يفتحون باب الطيار
ويش رايكم
حسبي الله ونعم الوكيل

[36R]

الكل يشتكي من طيران القطريه وانا اولهم ، صارت وياي في جده من شهر ، حسبي الله عليهم

واللي يقهرني الخمر اللي مباح فيها

لا احترام لدين ولا لثقافة مجتمع وعادات وتقاليد

[ريماس الغلا]

تعودنا على مثل هذه الامور


خذي الامور ببساطه

[sendarala]

قلنا لكم غيروا الوجهة لازم تروحون على القطرية

أحسن من طيران دول الخليج ما في ( الاماراتية و الكويتية والسعودية )

[ثرية]

الله يعينهم مساااكين

[ابو علاوي]

الظاهر ان احنا العرب شعب نحب الشكوى والتذمر
:omen2::omen2:

[hamoor4ever]

اكيد اللي قالو لهم نشيل شناطكم قطرين هاذي حركات القطريه بس مع القطرين ، لو والله مسافرين على الخليج ولا غيره كان سمعت انواع الازعاج والترجي بس علشان يركبون الطياره ، جربو طيران الدول الاخرى ماراح تندمون

[bu 3li]

انا حتى سمعت من واحد من الربع ان الوزن للاجانب مفتوح او اكثر من 30 كيلو !!

بس فيه نقطه غبيه الصراحه صارت لي ,, من الدوحه لين مانشستر يعطوني 30 كيلو ولين رديت عن طريق مانشستر لي قطر يعطوني 23 كيلو بس !! انزين الـ 7 كيلو الباقيه وين احطها على راسي !!
مادري اشلون نظامهم لا ويقول لي الموظف روح عن طريق لندن يعطونك 30 كيلو !!

[الصريحه]

الظاهر ان احنا العرب شعب نحب الشكوى والتذمر
:omen2::omen2:

والظاهر مأفيه حد يرد الصوت

[hamoor4ever]

انا حتى سمعت من واحد من الربع ان الوزن للاجانب مفتوح او اكثر من 30 كيلو !!

بس فيه نقطه غبيه الصراحه صارت لي ,, من الدوحه لين مانشستر يعطوني 30 كيلو ولين رديت عن طريق مانشستر لي قطر يعطوني 23 كيلو بس !! انزين الـ 7 كيلو الباقيه وين احطها على راسي !!
مادري اشلون نظامهم لا ويقول لي الموظف روح عن طريق لندن يعطونك 30 كيلو !!

فيه نوع من الصحه هالشي صار قدامي خل انت يزيد عندك كيلو بيقولون لك ادفع اما الاجنبي ممكن يمشونه عشره كيلو من غير مايدفع ريال

[المعضادي]

انا من الناس اللي بصراحة اخر شيء افكر فيه اني احجز على القطرية ، لأنها بالفعل شركة مستفزة ، لا انت اللي ترضى لا في الاولى ولا في السياحية ، كأن سبحان الله مسلطة على اهل
قطر !!!!!!!!
انا بصراحه آخر كم سنه ماصرت اسافر فيها ، قمت اسافر الامارات وابات ليله في فندق 5 نجوم مع
مرتي وعيالي ومن هناك اكون مرتب حجز مسبق واتسوق واستانس واحس اني مدلع
وشايليني شيل :nice: ، وطبعا على الاماراتية ولا الاتحاد ولو اهلك مارحت على القطرية
وبلا وجع قلب خلوها حق بوهناد وربعهم :shy: مع العلم كم اخر سفرتي لأني ما القى حجز
على هذي الخطوط الجوية ، وبالله اللي يبي يعرف حقيقة القطرية انصحه يشيك في النت عدل
مش كل اللي ينكتب في الجرايد مؤشر على عالميتها !!!! في جوائز كثير ماتفوز فيها القطري
اقول بالله العالم تطور والناس بدت تقرأ الاخبار العالمية بلا تنفخ فيها زيادة بس لا تنبط القطرية

ومعلومة أخيره ترى القطرية مب قطاع عام :eek5: مانبي نلبخ في الكلام بس:victory:
وسمعني سلام فوق اصعدي فوق اصعدي للحلوين

[خزامئ]

الله ينتقم منهم
ولين متا وحن ماخوذ حقنا في كل شي

[مستر بن]

الحمد لله ع سلامتج اختي ..

والكل يشتكي ,, من الطيران ,,

[بوخالد911]

الله يعيين


كل شي لصالح القطرية

:(

[لبتونه]

هههههههههههههههههههههههه عااااادي مادام اللي ماسك القطرية واحد نفس اكبر الباكر بتشوفون العجب

الكل ينحاااش من القطريه خلاص طاااحت

[سهم احمر]

على فكرة هي مب أسمها القطرية

أسمها / القطرية الأجنبية

كله من الهندي وقوانينه

:anger1::anger1::anger1::fight::fight:

[A M A]

من أتعس الأوقات عندي لما أركب القطريه وانا جاي أمريكا

اعد الثواني عشان أوصل :(

[قطر love]

انا من الناس اللي بصراحة اخر شيء افكر فيه اني احجز على القطرية ، لأنها بالفعل شركة مستفزة ، لا انت اللي ترضى لا في الاولى ولا في السياحية ، كأن سبحان الله مسلطة على اهل
قطر !!!!!!!!
انا بصراحه آخر كم سنه ماصرت اسافر فيها ، قمت اسافر الامارات وابات ليله في فندق 5 نجوم مع
مرتي وعيالي ومن هناك اكون مرتب حجز مسبق واتسوق واستانس واحس اني مدلع
وشايليني شيل :nice: ، وطبعا على الاماراتية ولا الاتحاد ولو اهلك مارحت على القطرية
وبلا وجع قلب خلوها حق بوهناد وربعهم :shy: مع العلم كم اخر سفرتي لأني ما القى حجز
على هذي الخطوط الجوية ، وبالله اللي يبي يعرف حقيقة القطرية انصحه يشيك في النت عدل
مش كل اللي ينكتب في الجرايد مؤشر على عالميتها !!!! في جوائز كثير ماتفوز فيها القطري
اقول بالله العالم تطور والناس بدت تقرأ الاخبار العالمية بلا تنفخ فيها زيادة بس لا تنبط القطرية

ومعلومة أخيره ترى القطرية مب قطاع عام :eek5: مانبي نلبخ في الكلام بس:victory:
وسمعني سلام فوق اصعدي فوق اصعدي للحلوين


القطريه مجرد شركه خاصه تملك اسم الدوله بس لا اكثر ولا اكثر لا هي تابعه للدوله ولا اي كلام ثاني :)






هههههههههههههههههههههههه عااااادي مادام اللي ماسك القطرية واحد نفس اكبر الباكر بتشوفون العجب

الكل ينحاااش من القطريه خلاص طاااحت

اكبر الباكر مجرد موظف يتحرك بالاصابع

[ضي البدر]

وايد ناس تشتكي وليس هناك من مجيب .. حقران وقلة أدب وبنتم نشتكي ولا راح يتغير شي ..

الله يعين والله يساعد..