استفسار: الصين مدينة (ايوو) والتجارة والشقق فيها

[VIP-QATAR]

السلام عليكم
اخوني بغيت مساعدكم في مدينة ايو في الصين لاني بازورها ان شاء الله اخر هذا الشهر بغرض التجارة وهذي اول زيارة لي للصين وبغيت مساعدتكم في

افضل فندق او شقق في منطقة ايو
شخص امين ومجرب ممكن يساعدني في الشراء والشحن
اي نصائح عامه
وفي انتظار مشاركتكم

[شموخ دائم]

,

,


مرحبا اخوي

انا ما زرت الصين ولكن لي اصدقاء في مجال التجاره

طبعا السوق الرئيسي لتجار الجمله هو سوق

الفوتيان في مدينه ايوو

يحتوي السوق على 40 الف محل تحتاج 10 ايام حتى تلم بالسوق هذا

المدينه اكثر ما يميزها كثره المطاعم العربيه وخاصه منطقه

( المائده )

بس توصل هناك قول للتاكسي ( المائده ) هذي المنطقه شهيره للعرب

وفيها مطعم المائده وكثير من الفنادق الجيده والمدينه صغيره بالنسبه للصين والتنقل فيها سهل

وكل شي قريب منك بالتاكسي

ايوو مدينه تبعد عن العاصمه ( ساعتين ) بالطائره

ومن كوانزو ساعه وربع تقريبا

وطبعا المعرض الرئيسي هو

معرض كانتون Guangzhou في مدينه كوانزو

من 15 الى 19 ابريل معرض البناء والكهرباء والمواد الصحيه

من 23 الى 27 ابريل لعاب الاطفال – الهدايا والتذكارات- مستلزمات الأعياد والاحتفالات – أدوات التجميل والمفروشات

من 1 الى 5 مايو الأحذية – الحقائب والشنط – لقرطاسية والأدوات المكتبية والمدرسية – المواد الغذائية – الأدوات والمعدات والملابس

سفره موفقه ان شاء الله

هناك شركات تاخذ 5% من مجموع مشترياتك مقابل تحط لك مترجم يرافقك كل يوم ويجهز الاوراق الضروريه للبضاعه
ويعمل العقود مع الشركات الصينيه الي راح تتفق معها
ويقوم بالتغليف للبضاعه للكونتينر ومتابعه الشركات الي شريت منها ويجمعها استعداد للشحن
انت ترجع الدوحه وهو يجهز اغراضك للشحن تدفع حجز لكل شي شريته
وتقدر تكمل باقي المبلغ اذا رجعت قطر تعمل لهم تحويل
ضروري تحط لك شركه راح تسهل امورك كثير

ياريت اخوي نعرف اهتماماتك او تجارتك في اي مجال؟؟؟

:)

من باب الفضول بس وعذرا على الفضول

,

,


اخوك


شموخ دائم

[VIP-QATAR]

ماقصرت اخوي معلومات مفيدة وانا من بحثي في النت قدرت اعرف نفس هالمعلومات
بس ابغي شي مجرب احسن من كلام النت
وانا الغرض من زيارتي بغيت اشوف مواد البناء وبعض الات التصنيع
وبعد اتعرف على السوق الصيني
جزاك الله خير اخوي على اجتهادك واكيد انه اخد من وقت

[شموخ دائم]

,

,


بالتوفيق ان شاء الله

والله يرزقك الرزق الحلال

اخوي المعلومات موجوده وزياده عليها تجارب الاصدقاء وتجار قطر الي راحوا هناك
لكن المجالات مختلفه وعندي اسماء وارقام لكن
الكل يخاف يعطي اسم شخص او شركه وتحصل مشكله ويكون هو السبب
لذلك كلنا نتجنب اعطاء اسماء او ارقام تجنبا للمشاكل
بالنسبه لمواد البناء هو نفس الاهتمام

والله يوفقك يارب

,

,


اخوكم



شموخ دائم