وين افضل محل لتبديل جامات التيوتا .. ؟

[بـن شـهـوان]

السلام عليكم ورحمة الله وبركاتة

عندي موتر vxr 2010 جامته اللي الاماميه مكسوره
ابي اعرف افضل محل يسوي لي الدريشه او اشتري واركبه منه

انا قالوا لي الوكاله .. ورحت لهم اليوم وقالوا ماعندهم ورحت نص محلات قطع الغيار ف الدوحه ونفس الكلام ماعندهم

كنت بروح الحسا واخذلي من هناك .. بس قلت استشيركم اول

[بويعقوب]

الصناعيه شارع الوكالات ش18

نسيت اسم المحل بس مكانه قبل الفارس لقع الغيار اللي على الزاويه بــ 4 محلات

وبتشوف المحل كله زجاج سيارات

التركيب 200 ريال وقوله يستخدم سليكون نوع (( تايجر ))

والله يوفقك

[al_qa76ani]

انا عن نفسي بدلتها في الامارات حول 3 مرات طلع علي التبديل مع الجامه 270 ريال في منطقة الذيد حتى مره كلفتني اصليه بس 800 ومع ذلك انكسرت بسبة العج والسفر عموما اعتقد فيه الصناعيه المحلات اللي علا يسارك بعد ما تطلع من النفق الجديد وانت جاي من اشارات الحديقه رايح دوار 10 محل ما اتذكر ايش اسمه بس يبيع قطع غيار ويصلح جامات يكلف تصليح الجامه مع الشغل 450 ريال هذا سعر الكروزر الشكل القديم بس للاسف ما جربته. اهم شي تتاكد من شغلتين ان الواير اللي يربط المرايه ما يتظرر او ينقص عشان البوصله والروءيه الليلية وثاني شي لا يكثر من الدق ويخرب عليك الربلات تراها الوحده اعتقد فوق ال 150 .والسموحه اخوي

[بـن شـهـوان]

بويعقوب
القحطاني

بيض الله وجيهكم ماقصرتو

[mazag]

محل سيوات بشارع 17 وانت بشارع الوكالات جايه من وكاله النيسان
بتحصله على يدك اليسار القزاز مع التركيب مع الربله حروه 550 ريال
تبي رقمهم دق الاستعلامات

[الكونغرس]

اشتر الزجاج من الشركه او من محلات فطع الغيار الاصليه

وركبها في محل مشاء الله عليه من سبوع مركب عنده شفت المحلات الي عند ديوانية البخاري المحل مقابل شركة البيأم دبليو على الشارع الثاني محله باب واحد ولوحته بيضه معرف اسمه هو عنده زجاج بس اضن تقليد بس شغله 100/100 وبالتوفيق

[بـن شـهـوان]

mazag
الكونغرس

المشكلة اليوم مار على الشركه وقالو بتوصل بعد 10 ايام
سمعت من الربع يقولون ممكن تعالج الدريشه

الله لا يهينكم ياشباب ماقصرتو

[م.قطري]

اخوي روح محل غلاس اللي في طريق سلوى بتعينه في محطة بترول التيسير

[abdulla4u]

مانصحك تعالج لو كبير الكسر او الشرخ .. خذ لك جامه شركه وبدلها صوب محلات مقابل وكاله المرسدس او عند سوات عن تجربه ..

[بوالفاروق]

خذ الجامة وروح محل الفارس قدام وكالة البي ام قبل ديوانية البخاري ..

ما شاء الله تمام ويعطيك ضمان سنة

انا بدلت عنده

[سلمان]

انطر الوكاله لين ماتوصل عندهم وركبها عندهم او صلحها عند غلاس في التيسير

[مهاجر]

احسن محل يركب الجامات اللي قدام محل الفارس وانا مبدل عندي جي اكس ار ولكزس فورويل وضمان عليه سنه والشغل فوق الزين

[الخارجية]

شركة الفارس