أوقفو الصمت يا مسؤولين المجلس الأعلى للتعليم !

[أين الحل ؟]

هل يعجبكم حال المواظفين القطرين في المدارس المستقلة من ذكور وإناث .

1- فئة معاره من وزارة التربية والتعليم ونظامهم يختلف عن الأخرين .

2- فئة العقود المباشرة ونظامهم يختلف عن الأخرين .

3- فئة المحالين على البند المركزي ونظامهم كذلك يختلف عن الأخرين .

هناك فقروقات كبيرة ومتناقضة من حيث الراتب والأمتيازات لجميع الفئات الثلاث ,فئة لها علاة سنوية ودورية وفئة اخرى لا تستحق ,فئة لها سلم وظيفي وفئة اخره لا تستحق سلم وظيفي ,فئة تقيم وتستحق الدرجة ,فئة اخرى تقيم ولا تستحق الدرجة والعلاوة بل يحفظ التقييم في ملف الموظف فقط ,فئه تستحق أثر رجعي وفئة اخرى لا تستحق الأثر الرجعي ,فئة تستحق جميع سلف العمل من أعباء الحياة وغيرها ,فئة اخره لا تستحق هذه السلف .

يا مسؤولين بالمجلس هل تعتقدون بان الأمور تسري كما هو مطلوب في ظل هذا النظام المتخبط ,هل هناك سوف يكون مخرجات للتعليم ؟ هل سيعمل الموظف القطري بجد واجتهاد دون تحديد وحفظ حقوقه ومعرفة ما له وما عليه ؟ يا مديرة هيئة التعليم أما حان الأوان لتعديل النظام وإصدار اللائحة الموحدة للموظفين ؟ هل تعلمين بان نفسيات الموظفين القطرين بدأة تنهار وكثرة الأستقالات والتعسفات عن العمل ؟ هل من مسؤول يستطيع أن ينقض هذا الموقف ويعيد الأمور الى مجاريها ؟

[36R]

تعليمنا يحتاج إلى تعليم ، الله يفرجها عليكم وعلى امة محمد

[شموع قطريه]

صامتين لان ماعندهم شي مفيد يقولونه .. بروحهم ضايعين ومايعرفون راسهم من كرياسهم ..

[لعديد]

يا مديرة هيئة التعليم أما حان الأوان لتعديل النظام وإصدار اللائحة الموحدة للموظفين ؟?!!
طبعاااااً صمت كما تعودنا منهم

[kitmat]

ياريتها تترك المكان اذا موقادرة تديرة لانها في الاخير محاسبة من رب العالمين على كل شخص في المجلس بس تدرون اهمه في المجلس الاعلى ماشية ترقياتهم بس المدرسين والمدرسات محلك سر لازم ماتحس فيكم شعليها راتبها فوق ودرجتها ماشية

[ريماس الغلا]

خاطري بموضوع يخص التعليم نستفيد منه ونطرح اسئله ونستفيد من اجابات الاعضاء فيها خاصه ان الكثير هنا يعمل بالمجلس الاعلى لكنهم للاسف ................


اختي كت مات راجعي المديره بمدرستكم واساليها او المديرة الماليه

[sendarala]

خاطري بموضوع يخص التعليم نستفيد منه ونطرح اسئله ونستفيد من اجابات الاعضاء فيها خاصه ان الكثير هنا يعمل بالمجلس الاعلى لكنهم للاسف ................


اختي كت مات راجعي المديره بمدرستكم واساليها او المديرة الماليه

اختي ريماس تقولين للأخت كت مات راجعيهم

وش رايج بالي يقولج راجعهم وراجع المجلس الاعلى بس ما في فايدة منهم

تدرين إن احنا المعارات من الوزارة لغاية اليوم ( من شهر 9 / 2010 إلى اليوم 4/ ابريل / 2011 ) يقولون لنا انتو فايض مع إن المجلس الاعلى محى هذه الكلمة من قاموسه

على كثر ما نشتغل لهم من (اداريات ومدرسات ) وبعضنا ماخذين حصص ومنزلين لهم المكأفاة (للبعض ها ) معتبرينهم فائض عن الحاجة والمجلس الاعلى للتعليم مايدري ايش السالفة عنا

بدليل اليوم إدارة المجمع ناقلة مدرسة عندنا لمدرسة ثانية ولما سألت عن السبب قالت إن عبدالعزيز الكعبي هو اللي ناقلها
ولما زارت المجلس تسأل عبدالعزيز وغيره عن نقلها قالوا إن ادارة المجمع هي اللي ناقلتها والسبب عدم تعاونها مع ادارة المدرسة ( إذا المدرسة عندها جدول حصص يومي اكثر من هذا التعاون وش يبون مع انها تاخذ المكافأة المالية ) على فكرة ادارة المجمع ما تنزل المكافأة المالية الا للي عندها جدول لان في غيرها يشتغلون شغل العبيد والخدم عندهم ( سوري للتعبير ) وما يحصلون هذه المكافأة لان ما عندهم جدول على قولتهم

وسلامتج

[احلى دنيا]

السلام عليكم

اذا فائض على قولتهم .... يعني وجودهم و عدمه واحد !!!!

طيب هالمهام الي يكلفون بها ؟؟؟ شمعناته ؟؟؟

و حصص اللاحتياط ؟؟؟ و المهام الادارية ؟؟؟ و يسمونهم فائض ... و لا لهم المكافئة !!!!!!!!!!!
مجلس غير شكل

[أم قطرية]

السلام عليكم

المشكلة في المجلس الاعلى التخبط

مثلا

بعد ماطرشو تعاميم للمدارس بخصوص بند العلاوات للترقيات
وباقي بس ينزلون قوائم الاسماء

تجمد الموضوع :rolleyes2:

وين :omen2:

يقولون عند مكتب الوزير

الله كريم

يمكن ينطفي الكهرب هاليومين على البرج ويفك التجميد عن القرار :nice:

[غابت الشمس~]

سمعت ان المسؤلين بالمجلس الأعلى مشغولين بعمل حفريات تحت برج المجلس الأعلى

يقولون بيحولونه إلى مكوك فضائي فيه ورشه عندهم بكوكب زحل لإزالة آثار الصواريخ اللي سببها المجلس الأعلى بالفضاء الخارجي لأن كل كذبه << أقصد صاروخ سببت أزمة هناك ولازم يخلون مكان للصواريخ الجايه .

وانتم قاعدين تنطرون الزيادات والترقيات ...... صج فاضيين

أعذروهم لين يخلصون شغلهم ويمكن يطرشونكم هناك ورش *_*

[meme~qatar]

المجلس الاعلى وما ادراك مالمجلس الاعلى

[ام-سعود]

صامتين لان ماعندهم شي مفيد يقولونه .. بروحهم ضايعين ومايعرفون راسهم من كرياسهم ..

وانت/تِ صحححححححححححححح

ياريتها تترك المكان اذا موقادرة تديرة لانها في الاخير محاسبة من رب العالمين على كل شخص في المجلس بس تدرون اهمه في المجلس الاعلى ماشية ترقياتهم بس المدرسين والمدرسات محلك سر لازم ماتحس فيكم شعليها راتبها فوق ودرجتها ماشية




لا يمكن .. مستحيل .. لأن اذا صاحب البيت بالدف ضارباً فشيمة أهل البيت؟؟؟؟؟؟

[kitmat]

ماقول غير أكثرو من الإستغفار لعل الله ان يستجيب لنا

[Dawn]

هل يعجبكم حال المواظفين القطرين في المدارس المستقلة من ذكور وإناث .

1- فئة معاره من وزارة التربية والتعليم ونظامهم يختلف عن الأخرين .

2- فئة العقود المباشرة ونظامهم يختلف عن الأخرين .

3- فئة المحالين على البند المركزي ونظامهم كذلك يختلف عن الأخرين .

هناك فقروقات كبيرة ومتناقضة من حيث الراتب والأمتيازات لجميع الفئات الثلاث ,فئة لها علاة سنوية ودورية وفئة اخرى لا تستحق ,فئة لها سلم وظيفي وفئة اخره لا تستحق سلم وظيفي ,فئة تقيم وتستحق الدرجة ,فئة اخرى تقيم ولا تستحق الدرجة والعلاوة بل يحفظ التقييم في ملف الموظف فقط ,فئه تستحق أثر رجعي وفئة اخرى لا تستحق الأثر الرجعي ,فئة تستحق جميع سلف العمل من أعباء الحياة وغيرها ,فئة اخره لا تستحق هذه السلف .

يا مسؤولين بالمجلس هل تعتقدون بان الأمور تسري كما هو مطلوب في ظل هذا النظام المتخبط ,هل هناك سوف يكون مخرجات للتعليم ؟ هل سيعمل الموظف القطري بجد واجتهاد دون تحديد وحفظ حقوقه ومعرفة ما له وما عليه ؟ يا مديرة هيئة التعليم أما حان الأوان لتعديل النظام وإصدار اللائحة الموحدة للموظفين ؟ هل تعلمين بان نفسيات الموظفين القطرين بدأة تنهار وكثرة الأستقالات والتعسفات عن العمل ؟ هل من مسؤول يستطيع أن ينقض هذا الموقف ويعيد الأمور الى مجاريها ؟



هم يبغون اكبر عدد من المعلمين القطريين يطلعون من التعليم ...

ليش ؟

علشان يوظفون الاجانب لان الاجنبي ماراح يهمه شي .. هو سيعمل في سبيل لقمة العيش ... ممكن يسوي اي شي يطلب منه ضد الدين والاخلاق والعادات والتقاليد بيشتغل وهو ساكت طالما راتبه ينزل ..

ولا تنسون المكتب اللي فاتحينه لاستقدام المدرسين والمدرسات من خارج قطر لازم يستغلونه ويطبقونه ..

لكن السحر سينقلب على الساحر يالمجلس ... واضراب المدرسين عن التصحيح في فترة سابقة هو مثال بسيط لما قد تتعرضون له من مشاكل في الفترة المقبله ( فترة المدرسين الاجانب )


بتترحمون يالمجلس على الشعب الراقي اللي كان يخدم التعليم،،، الشعب الساكت اللي ماله في المظاهرات ولا الاضرابات ولا التمرد .... :)

[صايد السالفه]

لا فعلا مديرة المجلس ماتطلع الا في الحفلات نشوفها هي مع غيرها اللي مايعرفون شنو يعني دوام بس لان مافيه احد يحاسبهم بصراه موضوع المجلس الاعلى صااار ماصخ كثر مانعيد ونزيد فيه وماعطينا الاذن الصمخه لكن انتو يالمعارين عالاقل يعتبرونكم فايض احسن منا احنا التعين المباشر اللي موقفين عنا كل شي العلاوة الدورية و و و و و بس الخصومات الي ماوقفوها كلش طبقو عليكم قانون الموارد احسن منا اللي رواتبنا اول اسبوع في الشهر مخلصه شهادات جامعيه وخبرة والراتب راتب يمكن الحين اللي في الاعدادية يستلمه والله ياليت بس يطلع لنا مسؤول ويكون قد كلامه ويوضح لنا تعبنا واحنا نحنننننننننن ولا فيه فايدددددده

[al3grab]

الله يرحمج يالوزاره

[الـراسي]

انا مب عارف ما فيه رقم ساخن للشكاوي على المدارس المستقلة

المدرسين مظلومين بالرواتب وساعات العمل

والطلاب الله يسترعلى الجيل القادم جيل المستقلة ما ادري وين يبون يوصلون ابنائنا في النهاية

اذا كان بعض مدراء المدارس همه الشاغل دخول موسوعة قنيس

انا ما ادري بالضبط هذي مدرسة ولا ايش وش دخلها بالدراسة

صرف الفلوس على اشياء مالها داعي

اهتمام كلي بالمظهر

والمضمون الله بالخير اذا كان بعض مدراء المدارس ما يخافون الله

والله العظيم على اعيالنا السلام

[صايد السالفه]

والله ارقامهم محد يرد عليهم ولايردون كانه متصلين انطر منهم ولا عندهم شي مفيد كله ماندري ومانعرف ولا اذا بنروح نتشكى يعطونا ايميل طرشو شكاويكم عليه ياناس والله تعبنا احنا نشتغل *كانه بدون هدف بدون كلمة شكر لارقم وظيفي ولاغيره للتعين المباشر ورواتب *مامنها فايدة اتخلص من اول اسبوع قبل كانو يقولون المستقله افضل من المدارس الحكومية من حيث الامان الوظيفي والرواتب والامتيازات والحين انقلب الكلام *وصار و الي تابعين للوزارة افضل منا من كل الجوانب رواتبهم اضعاف رواتبنا بلمستقله وماناخذ منهم الا الوعود

[الـراسي]

اييييييييييه

الله يرجع ايام الوزارة المدرس مرتاح ومعين من الله خير

لا من ناحية الراتب ولا من ناحية الاجازة ولا من ناحية التدريس

[المهـندي]

يانااس والله واخذوها مني مافي حل لجميع المشاكل في القطاع التعليمي الا برجوع وزارة التربيه والتعليم بكل اسسها وقوانينها ونظامهاا مثل ماكانت قبل

[kitmat]

المفروض كلنا نكون على يد وحدة نتجمع ونروح المجلس الاعلى ونشوف لنا حل معاهم

[بصمة قطرية]

الله يكون في عونكم ..
المجلس الأعلى تخبط ما بعده تخبط ..
قرارات عشوائية ..
مش عارفين وين الله قاطهم ..

ماراح تاخذون منهم غير الحجي ..
حتى احنا أولياء الأمور تعبانين منهم ..
والله تعبنا ..


نتمنى يحلون المجلس الأعلى ويرجعون وزارة التربية والتعليم ..
للأسف فكروا يرتقون في التعليم وحطوا دراسة حلوة ..
بس ما عرفوا يطبقونها ..
وما جابوا الكفاءات المناسبة ..

ضيعوا التعليم ..

[أم غانم]

المشَكلة اللي نعَـاني منهـا فَي كل القطـاعـات من مجلس أعلى وغيره وحدة ..

" الصَمــت "


يعني هـَل هـذي سياسة لحَرق أعصَـاب المواطن .. أو الموَظف ولا أيش بالضَبط


وين الشفافية والمصَداقية والصَراحة .. وقَبل ذي الدَيمقَراطيـة


النـاس محتاجة شخص واحد " ثقة وصَـادق " يطَلع يجَـاوب بكل وضَوح عن كل مشكَلة تؤرق بال

المواطَن القطري ، .. من طَالب إلى ولي أمـر .. وغيره ..


يكفَي " الأبَــواب مُغـلقـة " حَتى " الأفـواة بعـد " مغلقـة "





المَواطن في شَتى القطَاعـات بَدا يطفـح .. بـدا يغـلي .. ومحـد يحَس فيــة ..

كَم وكَم أقَرا كَم الشكَاوي والمواضيع المطَروحـة في المنتدى .. والأحسَـاس الداخلي

لو بيَدي أو يَد إي إنسَان شَي نقدر نسوية بنسَوية لكن " مـا باليد حيلة والشَكوى لله "

حـال التعَليم مَن سَيئ إلى أسَواء ..


قبل هَل قطـر هم اللي يعلمون عيالهم .. الحين عيالنـا يتولونهـم الآجـانب بدون رحمــة ..

والمسَؤولين سَاكتين ..

أبصَم بـَ العشَرة ،، معظَم أبنـاء مسَؤولي المجـلس الأعلى يدرسون في أكاديميات ومدارس خاصة

وغيرة ، .

وعيًالنـا مخلينهم في يَد اللي مايرحم يتولآهــم ..


مانطلب شي من مخلوق بقد مانطلبه من خالق ..



الله يعين

[صايد السالفه]

نتجمع طيب وبعدها ايش اللي بيصير مافيه فايده وياهم ترى هم گل يوم عندهم ناس تتشكى يمكن عدد شعر راسكم ولا اظن انهم استفادو شي غير تضيع

*الوقت ناس تتشكى وناس تبي تعرف حقوقها الضايعه ولا احد يرد ..........


احنا ودنا بس يحطون لنا ناس تكون قول وفعل وخل ياخذون من الوزارة القديمه افكارهم من ناحية عدم اصدار القرارات الا بعد التاكد من تنفيذها فعليا على ارض الواقع