إرتفاع أسعار الإطارات(التواير) بجميع أنواعها(والعذر زلزال اليابان). . . .دعوه للنقاش

[سوق واقف]

السلام عليكم ورحمة الله وبركاته

لا يخفى عليكم الزلزال الذي ضرب اليابان ومد التسونامي . . وفي الوقت نفسه تم رفع أسعار الإطارات الخاصة بالسيارات بشكل خيالي . . .http://img103.herosh.com/2011/04/04/516507764.jpg (http://www.herosh.com)



مثال :_

1- ميشلان تواير لكزس صالون 950 ريال (تاير واحد فقط)

ووجدت بعض الأسعار على الأنواع الأخرى والأسعار تبدأ 1200 ريال للتاير الواحد و980 ريال 1000 ريال

هل يعقل هل الإطارات مصنوعه من الذهب


برجستون رافع أسعاره للمرة الثاني العام والسنة . . . .

نريد تدخل حماية المستهلك بأسرع وقت . . . .

للعلم مركب 4 تواير بالون حق واحد من الربع في دبي إيطالية 2000 ريال وضمان ست شهور والفاتورة معاي . . .

دعوه للنقاش

[البيرق]

ارتفاع سعر البترول الخام هو بداية التضخم وارتفاع الاسعار لكل السلع وما تراه من الارتفاع ما هو الا راس جبل الثلج وسوف ترتفع جميع السلع والدولة ان حاولت دعم السلع فلا تدعم الا السلع الاساسية وان حدت من ارتفاع سعر سلعة فلا تحد الا السلع الشعبية مثل المشروبات فهي المقياس الطبيعي امام الناس والغير واقعي للتضخم
والحل رفع قيمة الريال امام الدولار فهو السبيل العادل امام ارتفاع الاسعار(وهو حل لايرضي اي حكومة في العالم)
والله المستعان

[Rider]

متى رتفعت توني سال عن الدنلوب حق ال في اكس ار على 800 ريال

[s4qatar]

الكوري زين

[قطريه ماركه]

هههههههاااااااي زين عندهم عذر هالمرة اللي هو زلزال اليابان !!

و ارتفاع اسعار السلع الثانية شنوو عذرهم بعد !!

الله يكوون بعونكم ... روحوا دبي أحسن ........

[جرح الزمان]

ليش ما يكون عندنا مصنع تواير !!!

[شبح الصمت]

ارحم الله والديك يا أخـوي

تدري المفروض الواحد شيسوي يغامر له اشوي

يشتري تاير من مكان حلو ويروح مكان ثاني ويشتري نفس التاير

ونشوف فرق السعر كم وليش ونودي الفاتورتين حماية المستهلك ونعطيهم الفواتير وهي عباره عن اثباتات ونطالب بالنظر في هالموضوع !!!

حسبي الله ونعم الوكيل شكلهم جالسين يقولون نرفع يلا نرفع

خاطري شيء إذا ارتفع ينزل احس الشيء الي يرتفع من المحلات ما ينزل خير شر

:weeping:

[مهل]

السلام عليكم


راضيين ترفعون الاسعار مافيه مشكله .. بس فهمني ليش ؟ زلزال اليابان ؟

كلام غير سليم بتاتا و بذكر الاسباب :
١- البواخر الي طالعت من اليابان بعد الزلزال اغلبها للحين ماوصل .

٢- لنفرض ان الزلزال هو السبب في رفع الاسعار ،،، هل مصنع التواير اليابانيه سكر او تضرر من الزلزال ؟ ترى مش اليابان بكبرها تاثرت بالزلزال اغلب المصانع شغاله و ماشيه مثل الساعه .

٣- شنهي التواير الي تنصنع في اليابان عشان ترفع سعرها ؟ مشلان ؟ لايصنع في اليابان ؟ دانلوب نعم بعضه يصنع في اليابان .. ترفع سعر المشلان ليش وهو يصنع في فرنسا و امريكا و تايلند .. ترفع سعر السيام وهو يصنع في تايلند ليش ؟

سوق واقف كلم حمايه المستهلك و بلغهم بالاسعار الي زادت

-----------------

تخيلو هالقصه الحقيقيه

واحد من الربع طلب تواير ميشلان للجيات الجديده من امريكا عن طريق النت طلع التاير مع الشحن ٩٠٠ ريال و لاتنسون التاير ثقيل و شحنه مكلف (شحن جوي) ولكن رغم سعر الشحن المرتفع طلعت تكلفه التاير ٩٠٠ ريال .
بعد شهر نزل الوكيل نفس التاير و كان سعره ١٣٠٠ ؟؟؟؟؟؟؟ ليش هالسعر و الوكيل بيشحن كميه تواير كبيره و الشحن بيطلع ارخص عليه بكثير ؟

[AbdullA-Qtr]

امس بدلت التواير .. ركبت بوالين ... التاير بـ 800 اطلعو علي خمس تواير بـ 4000
وللعلم ركبت نفس التواير في بداية 12 التاير 720 ...

وكل مالها في صعود ...

[ذيب ازغوى]

ياخوي ماقول لك الا الله يخلي دبي

[اسعاف]

بالون يعني مال رمل ؟؟

واذا كان كذلك

انا سمعت انه ممنوع الأن /صح؟

[Rayane]

عذر اقبح من ذنب....

80% من التواير اللي يستخدمها الشعب القطري من تايلاند واندونيسيا وامريكا......

اش دخل ال يابان.... ما اقول الا زقووووووم يا الفجره... حسبي الله ونعم الوكيل...