هل القانون يلزمني اعطي الخدامه مقدم 3 شهور قبل ماسفرها ؟

[meeemz]

السلام عليكم .. انا بسفر خداامتي وهي ماكملت ست شهور و دفعت كل رواتبها و بعطيها 1500 زياده من عندي لكن اختي تقول القانون يقول لازم ادفع مقدم 3 شهور
وسالنا مكتب قالوا مب لازم انا مب فاهمه مابي احط في ذمتي مع العلم انه الخدامه خدعتنا وكبرت نفسها 8 سنوات وهي ام 16 شاسوي انا حتى ماقلت لها اني بسفرها ماعرف قبل السفره بشكثر اقول لها وخايفه تشرد لانه عندها ربع شارديين ردو علي بسرعه بسفرها اليوم

[wadha-qa]

1500 شنو هذا رواتبها عن الشهور اللي راحت يعني ؟؟

اذا كنتي تعطينها راتبها كل شهر لا ماله داعي 1500 كفايه خسارتج في التذاكر

ونصيحه لا تعلمينها انكم بتسفرونها اليوم خذيها فجاه عشان ما تخطط و لا تهرب وانتو ما تدرون

[36R]

اختي شسبب تسفيرها ؟ ادا ما تبينها يمكن تنفعني ، بس لازم نتأكد من قانون الأقامه لان لو عندها اقامه ما اقدر انقل كفالتها

[meeemz]

لا انا ادفع راتبها اول باول .. وزوجي يبي يعطيها 2000 المشكله اللي قبلها 4000 احس خلاص محد بيتم عندنا لانها الخدامات يقولون لبعض وخلاص قبل لا يسافرون بيسون مشكله او بيلعوزوني عشان يروحون ونعطيهم مقدم كم شهر .. انا خلاص كنسلت اقامتها واصلا ماتنفع حق حد ماتنفع خدامه لانها ماتشتغل وماتلتزم بحجابها والللبس المحتشم انا عمري مارفعت صوتي حتى عيالي عمري ماصرخت عليهم لكن هذي يننتني كل شي انا اسويه عنها كل شي غلط وتسويه عن قصد امس اكتشفت انه تستقصد تغلط وخلاص مابيها تقعد ..

[meeemz]

ونصييييييييييحه للجميع اختاروا وحده يبين عليها انها كبيره في ال30 او 40 لا تاخذون وحده يبين شكلها انها صغيره ترى مرات يحطون في ويهم مكياج يكبرون نفسهم .... وانا الحين اشوف سيفيات عشان اختار اليديده لقيت نفس مالتي .. خدامات يبينون انهم صغار وكاتبين 24 و27 .. ولما كلمت المكتب عن مالتي اللي بسفرها قالوا انه مالهم خص هاي الغلط من الخدامه هي اللي مزوره

[الدمعه]

اذا انتي تدفعين راتبها شهر بشهره بعد ليش تعطينها زياده مافهمت هالشي ..

كان عندي خدامه قعدت 8شهور رواتبها كامله تاخذهم وسفرتها ومالها حق عندي زياده ..

حقها ثمن شغلها بس اما اعطيها ثمن اشهر مااشتغلتها وبتكون في بلادها لا طبعا ..

واي خدامه تسالج عنها قولي لهم سوت منكر وذلفتها .. او بس ماابيها ومالهم شغل

في السالفه كلها لانهم يقولون حق بعض ويقولون حق الجديده ..

وبخصوص عمرها .. مايصير تبلغين عليها ادارة العمل ؟؟

[ولـ قطر ـد]

السلام عليكم


كأنها صارت لعبة .. كل اشوي اروح المكتب .. يعطيني اصور وسي في الخدامة .. ويقولي هاي زينه
وهاي اغلى .. وهاي احســن .. واخرتهــآ

تطلع يا .. ما تحتشم .. او تلبس لبس نفس ويها .. او ما تشتغل .. او ساحرة .. او او او او

وفالنهاية يقول المكتب انه ×) ماله خص (×

حجتــه ,, انها هي الي مزوره .. بعدين نحسبها ويا بعض اشوي ..

اروح عندهم ادفع 5000 او 6000 الحين كأنهم يقولون وصلو 8000 مادري 9000

يالله من يزيد ؟ ...
واتجي عندي واعطيها اشغال وماتنفع واخذ لها تذكره بو 1500 .. ترجع ابلادها وانا ارجع المكتب

ادفع بعد 6000 او 7000 وتنعــــآد اللعبة


... قصه حياة مواطن مع بيت الخدم ( المكتب ) ...

horror

[بويعقوب]

1500 شنو هذا رواتبها عن الشهور اللي راحت يعني ؟؟

اذا كنتي تعطينها راتبها كل شهر لا ماله داعي 1500 كفايه خسارتج في التذاكر

ونصيحه لا تعلمينها انكم بتسفرونها اليوم خذيها فجاه عشان ما تخطط و لا تهرب وانتو ما تدرون

تصرف صحيح

[بويعقوب]

لا انا ادفع راتبها اول باول .. وزوجي يبي يعطيها 2000 المشكله اللي قبلها 4000 احس خلاص محد بيتم عندنا لانها الخدامات يقولون لبعض وخلاص قبل لا يسافرون بيسون مشكله او بيلعوزوني عشان يروحون ونعطيهم مقدم كم شهر .. انا خلاص كنسلت اقامتها واصلا ماتنفع حق حد ماتنفع خدامه لانها ماتشتغل وماتلتزم بحجابها والللبس المحتشم انا عمري مارفعت صوتي حتى عيالي عمري ماصرخت عليهم لكن هذي يننتني كل شي انا اسويه عنها كل شي غلط وتسويه عن قصد امس اكتشفت انه تستقصد تغلط وخلاص مابيها تقعد ..



لاحول ولاقوة الا بالله

الله يعوض عليكم

[meeemz]

دمعه
هلا مشكوره على المرور .. والله مادري شسالفه هالقانون او وين مكاانه احنا مانقرا عقودهم اخاف هاي سفاره الفلبييين بس صج ليش اعطيها الشهور اللي ماشتغلتها
ابلغ عنها شلون انا خلاص باذن الله بسفرها غير اسفه بس ودي لو انه في شي اقدر اسويه بخصوص عمرها لانه متاكده بترد تزور وبتيي او خاطري اطلع حرتي لانه كل مشاكلي معاها احس بسبب العمر
ولد قطر
انا عمري مايبت الا ثنتين الاولى سفرتها قبل ماتكمل السنتين من كثر بلاويها وبعد عورني قلبي كانت تشتغل اما هذي كل المشاكل اللي ذكرتها فيها لا احتشام وتلبس لبس خايس وماتشتغل بعد يااهل والمكتب بس يلهفون فلوس وينقعوننا طلبت وحده بعد اسبوعين قالوا عندها مشكله والحين طلبت عيوز ما يندرى شبيقولون لي
بويعقوب
الله يسمع منكم انشالله تيني وحده تبرد القلب

[التايه]

بصراحة ما فهمت شئ من الموضوع؟

[meeemz]

بصراحة ما فهمت شئ من الموضوع؟

انا بسفر خدامتي قبل ماتكمل العقد مالها .. وسمعت انها لازم اعطيها راتب 3ال شهور اليايه يعني راتب ابريل ومايو ويونيو قبل ماتسافر مقدم شهور ماشتغلتها
انا قلت بعطيها 1500 من عندي لانه كله جي الخدامات اللي نسفرهم نعطيهم مبلغ

[بو خليفه 123]

بدون دفع رواتب مقدمه يكفي انك تكفلتي بدفع تذكرتها .
او بأمكانك استبدالها مع خادمه اخرى من مكتب الخدم

و اذا فعلاص هي اكذبت عليكم بسبب تكبير سن العمر , انصحكم بمناقشة الموضوع مع مكتب الاستقدام على ان يكون نسخة الطلب الاصلي الي فيه صورة الخادمه و بياناتها موجود للمحاججه


انصحكم بتفتيش شنطتها قبل التسفير ..

والمهم هو عمل الغاء اقامتها على شان ماترجع البلاد .. (خذوا رقمها الشخصي و رقم جوازها لعمل ذلك)

[بعيد النظر]

العقد ما يلزمج بشي من هـ الكلام
العقد يلزم خدامتج انها تشتغل عندج سنتين !

بس اذا انتي ما تبينها وتبين تسفرينها تاخذين لها تذكرة
وفي ناس ياخذون لها تذكرة من فلوسها !

اما انج تعطينها مقدم 3 شهور ولا زيادة !
فـ مااله داعي كلش, لانّ الي فهمته من ردودج انها مطلعة عيونج
وتعمد الغلط !! فـ ليش بعد تبين تعطينها زيادة ؟!

كنسلي الاقامة + احجزي التذكرة + ورقة خروجية
و وصليها المطار وتمي معاها عشان تاكدين انها دخلت داخل صوب الجوازات و بس !

هذي اجرائات التسفير
والله يعيينج

[sahari]

العقد ما يلزمج بشي من هـ الكلام
العقد يلزم خدامتج انها تشتغل عندج سنتين !

بس اذا انتي ما تبينها وتبين تسفرينها تاخذين لها تذكرة
وفي ناس ياخذون لها تذكرة من فلوسها !

اما انج تعطينها مقدم 3 شهور ولا زيادة !
فـ مااله داعي كلش, لانّ الي فهمته من ردودج انها مطلعة عيونج
وتعمد الغلط !! فـ ليش بعد تبين تعطينها زيادة ؟!

كنسلي الاقامة + احجزي التذكرة
و وصليها المطار وتمي معاها عشان تاكدين انها دخلت داخل صوب الجوازات و بس !

هذي اجرائات التسفير
والله يعيينج


هذا الاجراء الصحيح

[meeemz]

انا فتشت اغراضها مسكينه ماعندها شي كله ملابس و طلعت مواليد 95 هههههه من عذر في صك وحك معاها وقلت لها انتي صغيره المفروض ماتشتغلين تدرسين تقول مب لازم لانها خلصت الظاهر خلصت اعدادي وتقول بابا بوور الله يرزقهم مع انها مثل ماقلتوا طلعت عيوني عطيتها المقسوم والله يكفيني شرها

[شموخ دائم]

,

,


السلام عليكم ورحمه الله

الله يعطيك العافيه

بالنسبه للرواتب وقانون وزاره العمل في دوله قطر

الخادمه او السائق

يحق له

1- الراتب المتفق عليه من سفارته او المكتب الي تم الاستقدام من خلاله
يدفع كل نهايه شهر ويوقع على ورقه استلام راتب موضح فيها الاسم والمهنه والتاريخ والمبلغ

2- تذكره سفر كل ( سنتين ) الى بلده الاصلي

3- سكن واكل صحي ونظيف( او علاوه تضاف في راتبه بدل سكن )

4- نهايه خدمه وتحسب بطريقه ( راتب شهر عن كل سنه )

اذا العقد سنتين يدفع راتب شهرين قبل السفر مع التذكره

اما اذا اخل ( العامل ) ببنود العقد وقرر السفر قبل انتهاء ( السنتين )

فلا يستحق ( التذكره ) وعليه انه يدفعها من حسابه او من راتبه الاخير

وفي حاله خدم مده 6 شهور يدفع له رواتب 5 شهور
والراتب الاخير للتذكره

ويحسب له نهايه خدمه بمقدار ( نص شهر ) عن المده التي عمل فيها وهي 6 شهور

اذا الكفيل قرر انهاء العقد تكون التذكره على الكفيل

واذا العامل قرر السفر يتحمل التذكره


اخيرا على الانسان ونحن مسلمين مراعاه ظروف العامل الاجتماعيه والاقتصاديه
وندفع له حقه كامل وعليه زياده ( كـ صدقه ) والاجر محسوب باذن الله

ولا نتعامل بقسوه مع الخدم ولا نتدخل بالنيات

ولنا في الرسول صلى الله عليه وسلم القدوه الحسنه بطريقه تعامله مع الخادم
,

,


اخوكم



شموخ دائم

[meeemz]

شكرا على التوضييييح زين عرفت
التذكره احنا دفعناها لانه احنا اللي نبي نسفرها
وانا عطيتها وامي بعد .. لا ومطرشه تمر هههه
وماكنت ناويه اعطيها لكن اعتذرت مني فعطيتها حقها واكثر وياربتكفيني شرها قولوا اميين
وادعوا لي اتيني خدامه جيده وحليوه

[الدمعه]

قبل لاتجيبين الثانيه استخيري .. والله يكفيج شرها ..

والحمدلله احنا مومن النوع اللي يقطع الراتب او يخصمه .. مره في حياتي خصمت

على خدامه اثيوبيه ولين احين احاسب نفسي بس حرتني ..

اللي يبي يقرا سالفتها يظلل .. :nice:

بنتي عمرها 4سنوات ..شرت لعبه بقيمه 350 ريال من تويز ار اص من عيديتها

ماكملت اسبوع .. اختفت اللعبه وينها روحي يابنت لعبي بلعبتج اكليها او رقديها ..

ماميش .. البنت تصيح :cry2:وتقول فطومه قطتها .. شلون قطتها:omg: .. وينها يافلانه قالت

مادري وتميت ادور لين لاعت جبدي 3ايام وانا ادور .. والله حتى الحوش دورت

فيه .. وهي ولادورت ولااهتمت :anger1:

الاعقب جاتني تقول مدام انا قطيتها .. :anger1: ليش قطيتيها قالت

توصخت :eek5: المهم كلمه مني وكلمه منها قلت لها تدرين ان قيمتها كذا:waiting: ..

طالعتني بنظره انــ ..شنو يعني جيبي غيرها .. فتنت عليها وقلت لها بخصم منج

نص القيمه .. قالت ليش بعد اخذيها كلها .. والله ماهما .. قلت انزين براويج....

انا قلبي انكسر قلت مسكينه وش فيه معاشها عشان اخصم منه بس

مايستاهلوووووون .. الخدم الزينين اللي يصبرون عليج ويتحملون معاج

الزين والشين ررااااااااحوو ...

بس في النهايه على شروط الفلبينيه الا انها احسن من غيرها بواااااايد في كل شي ...

[Abdulraman]

الدنيا دواره يا اخواني وخواتي
عاملوا الخدم مثل ماتعاملون عيالكم لانهم بشر ولهم احساس
اسفر الخدامه عشان مانظفت الصاله عدل او نامت وقامت متأخره او ماتعرف تطبخ هذا مايجوز اصبروا عليهم وعلموهم شوي شوي
اما الخدامه الساحره او اللي جايه تتفسح وافهم يافهيم ذول على طول تسفير ولا كرامه
وشكر لكم

[PARIS]

انا بسفر خدامتي قبل ماتكمل العقد مالها .. وسمعت انها لازم اعطيها راتب 3ال شهور اليايه يعني راتب ابريل ومايو ويونيو قبل ماتسافر مقدم شهور ماشتغلتها
انا قلت بعطيها 1500 من عندي لانه كله جي الخدامات اللي نسفرهم نعطيهم مبلغ


اختي الكريمه عفوا من وين هالقوانين يعني من الي قالج لازم تعطينها راتب 3 شهور مقدم اول مرة اسمع بصراحه ... وويش جنسيتها اختي .. المفروض تاخذ راتب الشهور الي اشتغلتها عندج وحتى لو السبب منها وهي الي ماتشتغل عدل وماتسمع الكلام والله من معاشها التذكرة وعلى طول على المطار كفايه راحت عليج فلوس المكتب ... حسبي الله عليهم كل القوانين في صالحهم ..والكفيل مسكين ادفع ادفع ادفع

[meeemz]

الدمعه انا الحمدلله استخرت في الثانيه لكن مايندرى اتيي ماتيي شكلها بطول لانه الفحص الطبي اللي في الفلبين ماخلص بعد ما يخلص لازم انطر شهر على الفيزا ..والله سالفتج هذي متكرره في كل البيوت الا لعبه الا ساعه الا كايمرا الا قميص عاد هذي يمكن ماقطتها عاادي باعتها هم جي يبيعون اغراض البيت عندهم سوق سوداء خاصه بالخدم ماتشوفين مرات فجاه عندهم ملابس مادري من وين يايبينها او مرات ملابسنا تختفي ونسال وندور وعقب لما نفتشهم مانلقاها لانهم ماخذوها الا باعوها خدامتي القبليه جي تبوق وتصرف الملابس ودايما الملابس الكشخه

[meeemz]

الدنيا دواره يا اخواني وخواتي
عاملوا الخدم مثل ماتعاملون عيالكم لانهم بشر ولهم احساس
اسفر الخدامه عشان مانظفت الصاله عدل او نامت وقامت متأخره او ماتعرف تطبخ هذا مايجوز اصبروا عليهم وعلموهم شوي شوي
اما الخدامه الساحره او اللي جايه تتفسح وافهم يافهيم ذول على طول تسفير ولا كرامه
وشكر لكم

معظمهم يايين يتفسحون

[فارس الكلمة]

الخدم .. حظك نصيبك ..:)

[meeemz]

اختي الكريمه عفوا من وين هالقوانين يعني من الي قالج لازم تعطينها راتب 3 شهور مقدم اول مرة اسمع بصراحه ... وويش جنسيتها اختي .. المفروض تاخذ راتب الشهور الي اشتغلتها عندج وحتى لو السبب منها وهي الي ماتشتغل عدل وماتسمع الكلام والله من معاشها التذكرة وعلى طول على المطار كفايه راحت عليج فلوس المكتب ... حسبي الله عليهم كل القوانين في صالحهم ..والكفيل مسكين ادفع ادفع ادفع

يمكن هاي قوانين سفاره الفلبين الله اعلم هم مطلعين قانون يقول انه اذا الخدامه شكت علينا السفاره لها حق تاخذنا وتودينا الفلبين يحاكمونا هههههههههههههههه

[M!ss_P!nk]

اختي المفروض من اول ما شفتيها صغيره ما ترضين تستلمينها او عقب اسبوع ترجعينها المكتب. لانه يعطيج ضمان 3 شهور

بخصوص القانون ما سمعت فيه توني من شهرين مسفره خدامتي فلبينيه كملت سنه يعني عقدها ما خلص و راحت بدون مشاكل بس اني ما قلت لها اني بسفرها الا في نفس اليوم وقبل لا توديها المطار بساعه وحده ما يمديها تفكر تشرد. بس انتي وقت ما تودينها انطريها لين تدخل عند ختم الجوازات علشان تضمنين ما تشرد

[qrt_trading]

دمعه
هلا مشكوره على المرور .. والله مادري شسالفه هالقانون او وين مكاانه احنا مانقرا عقودهم اخاف هاي سفاره الفلبييين بس صج ليش اعطيها الشهور اللي ماشتغلتها
ابلغ عنها شلون انا خلاص باذن الله بسفرها غير اسفه بس ودي لو انه في شي اقدر اسويه بخصوص عمرها لانه متاكده بترد تزور وبتيي او خاطري اطلع حرتي لانه كل مشاكلي معاها احس بسبب العمر ولد قطر
انا عمري مايبت الا ثنتين الاولى سفرتها قبل ماتكمل السنتين من كثر بلاويها وبعد عورني قلبي كانت تشتغل اما هذي كل المشاكل اللي ذكرتها فيها لا احتشام وتلبس لبس خايس وماتشتغل بعد يااهل والمكتب بس يلهفون فلوس وينقعوننا طلبت وحده بعد اسبوعين قالوا عندها مشكله والحين طلبت عيوز ما يندرى شبيقولون لي
بويعقوب
الله يسمع منكم انشالله تيني وحده تبرد القلب


لا تخافين إنشاء الله ماراح ترجع وأنا متأكده من هذا الشي لأني توني من فترة أسبوعين طالبة من مكتب خدم شغالة مشتغلة خمس سنين في الخليج ثلاث سنين في الإمارات وسنتين في الدوحة وبعد إسبوع إتصلوا فينا المكتب يقولون لنا إنها مايصير نطلب هذي الشغالة لأنها ماكملت السنتين في الدوحة

[meeemz]

لا تخافين إنشاء الله ماراح ترجع وأنا متأكده من هذا الشي لأني توني من فترة أسبوعين طالبة من مكتب خدم شغالة مشتغلة خمس سنين في الخليج ثلاث سنين في الإمارات وسنتين في الدوحة وبعد إسبوع إتصلوا فينا المكتب يقولون لنا إنها مايصير نطلب هذي الشغالة لأنها ماكملت السنتين في الدوحة

ليش الخدامه مايصير ترجع اذا مشتغله اقل من سنتين ؟

و هي خلاص سافرت وقلت لها قبل لاتروح المطار بساعه عشان ماتشرد وخليتها عندي في الصاله ماخليتها تروح مكاان حتى كانت تبي تبدل للمطار قلت لها حطي ملابس في كيس وعقب بدليها وسكتت وقعدت شكلها كانت تبي ترجع الفلبين لانه لما قلت بتروحين ماعصبت الا اشتطت وهي ترتب اغراضها وفرحانه تقول مع السلامه :nice:

[سهيل قطر]

ماله داعي تعطينهاا فلس الاا اذا زايده عندج الفلوس وتبينها صدقه

والله تعبناا من المكااتب والخدم

[رمــش الغلا]

انا بسفر خدامتي قبل ماتكمل العقد مالها .. وسمعت انها لازم اعطيها راتب 3ال شهور اليايه يعني راتب ابريل ومايو ويونيو قبل ماتسافر مقدم شهور ماشتغلتها
انا قلت بعطيها 1500 من عندي لانه كله جي الخدامات اللي نسفرهم نعطيهم مبلغ

هلا اختي انا تقريبا من شهرين شردت خدامتي وراحت للسفارة وبلغت عنها وبعد كم يوم طرشو على تلفون زوجي مسج انها سافرت حتى مادفعت ثمن تذكرتها لانها هي ماخلصت سنتين ودفعت من عندها

[meeemz]

ليش بعد تدفعين ثمن تذكرتها وهي شارده ؟ يعني لو كملت سنتين وشردت تدفعين ؟ هم معظمهم يشردون قبل لا يكملونها