عندي خزنه و صادتني مشكله .. من يعطيني الحل؟؟

[راعي طموح]

السلام عليكم و رحمة الله و بركاته


شحالكم؟؟ ان شاء الله بخير؟؟

انا شريت خزنه من كمن سنه لمجوهرات الاهل و الاوراق المهمه و الجوازات .. المهم انه المفتاح ضاع و الحين ما نقدر نفتح الخزنه :weeping: .. ما اذكر بالضبط من وين شريتها بس 90% من دوحه ستي

في احد عنده حل لهالمشكله .. اذكر لما كنت في استراليا كان في شركه تفتح لك اي قفل مهما كان ((شغل حراميه)) و يسونه مقابل فلوس .. بس طبعا كانوا يتاكدون من البطاقه الشخصيه الخ عشان ما تكون سرقه او محاولة سرقه

المهم احنا في الدوحه الحين .. من يقدر يساعدني و ينصحني باحسن حل؟؟


و الله يعطيكم العافيه


اخوكم

راعي طموح

[العقل الحر]

اول شي تعرف اسم الخزنة ورقمها المتسلسل .. وادور عليه في المحلات الكبرى .. او تتصل وتعطيهم رقم الخزنة اذا عندهم ... هم بيرسلون لك حد او يعلمونك الطريقة

[s4qatar]

راعي المفاتيح يسويها

[fhd4]

اللي أعرفه انه محلات المفاتيح يفتحون الخزنات ... لكن بحضور الشرطة أو بعد تقديم بلاغ...

أتمنى من الاخوان يفيدونك أكثر ...

[V!P]

انا صارلي نفس الموقف من شهر تقريبا وراح الوالد يدور حداد ولما وصل الحداد وشاف انها خزنه - تجوري خاف وقال ماقدر لازم ورقه من الشرطه وفعلا كلمنا الشرطه وتم الشرطي واقف على راسه وبدل القفل وحط غيره وعطانا المفتاح

طبعا مشكورين الشرطه على تعاونهم :victory:

[بوخالد911]

الله يسهل

[اكاديمي]

1- تبلغ الشرطه وتاخذ ورقه البلاغ
2-تروح محل المفاتيح الي في سوق العلي وتتفق معاه على وقت يجيك فالبيت وبيطلب البلاغ منك
3- تنسق مع الشرطه في اي وقت يرسلون لك دوريه تحضر فتح الخزنه
الامر بسيط جدا وهذا اجراء امني فقط يشكرون عليه

[أخت الغالي]

السالفه طويله ,,

أنا بعد ضاع مفتاح التجوري من بدايه الشهر أدورة مهب لاقيته ):


بس أخبر مرة أبوي الله يرحمه انكسر المفتاح وهو يفتح به بس سوا عليه من سوق العلي بدون شرطه وحاله وبلاغ ..

[ازغوىAAA]

شركة المحري ورشة متحركه توصل لك لين البيت

[راعي طموح]

جزاكم الله خير جميعا على المعلومات .. و بنقدم بلاغ و الله يسهل الامور


و الله يعطيكم العافيه


اخوكم

راعي طموح

[بوخالد911]

تحياتي قبل فتح خزاناتي

:)

[بـــــــنت النوخـّــــذه]

صج

اول مره اعرف ان الخزنه اذا ضاع مفتاحها وتبغي بدل فاقد للمفتاح لازم تصريح من الشرطه

[مشتاقة لقطر]

.... .......

[تحداني]

استفدت وايد من الردود
مشكله نادر ما يتوقعها الشخص .. خاصه ان مفتاح التجوري عاده انحافظ عليه
فما نتوقع انه يضيع


ان شاء الله تلقى حل قريب
وتفيدنا بالي صار .. وايش سويت بالتحديد


جملك الله برضى الرحمن

[بوسـعد]

اخوي الموضوع سهل جدآ مافي فتح بلاغ ولا شي كل الي اتسويه اتروح وتقولهم بغيت ورقه حق فتح الخزنه ويعطونك اياها ونت واقف ماطول

باطرشلك رقمي وتصلي وانا باخلصك بكره انشالله مايصير خاطرك اله طيب

[شموع قطريه]

لازم ورقة بلاغ من الشرطه .. ووقت فتح الخزنة لازم يكون الشرطي موجود ويشهد عملية فتح الخزنة .. سالفه الله يعينك عليها

[بدوي]

طبعاً اللي اعرفه لازم بلاغ من الشرطة

واذكر في السابق انك تذكر شنهي محتويات الخزنة

بحيث انك اذا فتحت الخزنة يتم مطابقتها مع بلاغك وبكذا يتأكدون الشرطة

بصحة اقوالك

[بوتين]

الله يعينك ويوفقك في فتح الخزنة ، انا ولله الحمد ماخذلي خزنة ام رقم سري كل سنتين ابدل البطاريات ولها ٦ سنين والامور طيبه ولله الحمد وماخذها من محل يبيع الخزنات اللي ملاصق لسفريات فهد بعد العالم الجديد ناسي اسمه واذا ضاع الرقم السري خذيت الكود مالها وعطوني الماستر بن كود اللي يفتحها انصحك وانصح اخواني اللي يفكرون يشترون ياخذون منها
وبالتوفيق

[بدوي]

الله يعينك ويوفقك في فتح الخزنة ، انا ولله الحمد ماخذلي خزنة ام رقم سري كل سنتين ابدل البطاريات ولها 6 سنين والامور طيبه ولله الحمد وماخذها من محل يبيع الخزنات اللي ملاصق لسفريات فهد بعد العالم الجديد ناسي اسمه واذا ضاع الرقم السري خذيت الكود مالها وعطوني الماستر بن كود اللي يفتحها انصحك وانصح اخواني اللي يفكرون يشترون ياخذون منها
وبالتوفيق


انا نفسك اخوي :nice:

رقم سري ومفتك من عوار الراس وضيعت المفاتيح

خذتها من شارع سلوى اعتقد المحل بجانب وكالة البورش

محل متخصص للخزنات ونفس نظام الفنادق ( رقم سري + فيها عمق للداخل ) :victory:

[عندما اريد]

الي بالارقام احسن شئ

اما الخزنه افتحها فالبيت جب عامل للبيت
تحمل تاخذها برا البيت لاي محل

[دلة الرسلان]

السلام عليكم و رحمة الله و بركاته


شحالكم؟؟ ان شاء الله بخير؟؟

انا شريت خزنه من كمن سنه لمجوهرات الاهل و الاوراق المهمه و الجوازات .. المهم انه المفتاح ضاع و الحين ما نقدر نفتح الخزنه :weeping: .. ما اذكر بالضبط من وين شريتها بس 90% من دوحه ستي

في احد عنده حل لهالمشكله .. اذكر لما كنت في استراليا كان في شركه تفتح لك اي قفل مهما كان ((شغل حراميه)) و يسونه مقابل فلوس .. بس طبعا كانوا يتاكدون من البطاقه الشخصيه الخ عشان ما تكون سرقه او محاولة سرقه

المهم احنا في الدوحه الحين .. من يقدر يساعدني و ينصحني باحسن حل؟؟


و الله يعطيكم العافيه


اخوكم

راعي طموح

وعقب ما تكسر الخزنة بتحصل المفتاح في مكان قريب سيناريو متكرر:(