بغيت مشورة اهل الخبرة في موضوع استثماري

[الصايغة]

السلام عليكم

أنا عندي مبلغ بسيط مدخرته في البنك وناويه انشاءالله أتقاعد بعد 4 سنوات اذا الله عطاني العمر واتفرغ أكثر لعيالي, وفكرت قبل ما أتقاعد أستثمر هالمبلغ.
أنا ولله الحمد مو محتاجة بس قلت أحرك المبلغ واستثمره في شي ينفع عيالي لما يكبرون, بس ما حابه ان الاستثمار يكون في الأسهم لأني ما أفهم في البورصة ولا حابه ان يكون في العقار لأن المبلغ بسيط (500,000 ) ريال وما يسمح أشتري فيه عقار وما بي أتسلف من البنك ما فيني شدة الدين.
وبحكم عملي أتابع يومياً الأوضاع الاقتصادية في دول الخليج من نواحي محددة بس ولاحظت ان في السعودية بعد التغييرات الأخيرة اللي صارت عندهم في موضوع الرواتب والاقتصاد في بلدهم بدأت أسعار العقارات شوي تزيد عندهم وفكرت اني أشتري قطعة أرض هناك وخصوصاُ ان المبلغ اللي عندي اييب أرض معقولة بسعر معقول وأخليها للزمن أو عيالي يستفيدون منها بعدين, يس حبيت أول أستشير وما خاب من استشار والشورى أصلاً مطلوبة في ديننا فحبيت أعرف رأي أهل الخبرة واذا في حد عنده اقتراح ثاني يفيدني
وجزاكم الله خير

[الـخـور]

تقدرين اختي بهذا المبلغ تشترين ارض هنا في قطر
مثلا بالخور او الذخيرة بحدود 400 -500 متر

وممكن بعد تشترين شقه في دبي غرفتين او ثلاث غرف وتاجرينها بهذا المبلغ

[الصايغة]

تقدرين اختي بهذا المبلغ تشترين ارض هنا في قطر
مثلا بالخور او الذخيرة بحدود 400 -500 متر

وممكن بعد تشترين شقه في دبي غرفتين او ثلاث غرف وتاجرينها بهذا المبلغ

ما قصرت اخوي على تفاعلك بس اذا ممكن تقدر تفيدني وين في دبي بحصل بهالسعر وكم بتكون مساحة الشقة

[البدع]

أختي

ابتعدي عن العقار في هذي الفترة

انتظري حتى هدوء الثورات

لانها اذا انتشرت فالعقار سيتاثر بقوة وكذلك الاسهم

[بوهاجر11]

بالتوفيق ان شاء الله

[البركان]

اسمعى وأعى وأستوعبى

500 الف ريال بالسعوديه يمكن تجيب لك 5 اراضى ويمكن 10 اراضى

نزل عندنا بالكويت عن بيع اراضى بالطائف بسعر 5900 كويتى تقريبا 65 الف ريال للارض الواحده

نصيحتى لك ورغم ان تفكيرك صحيح واتجاهك صحيح فالسعوديه هى المكان الافضل للاستثمار العقارى متوسط او طويل المدى لان اسعارها قليله

عندك فى منطقه اسمها النعيريه توها باديه بالانتعاش واسعار الاراضى تتحرك سنويا الى الاعلى وحاولى تشترين فى حدود المنطقه الجديده عندك مثلا اخر الدمام البعيده عن البيوت

تفكيرك سليم واتجهى الى السعوديه واهم شئ تتاكدين من الوثيقه

[خالدالخالد]

انصحك في السعوديه في اراظي مستقبلها ممتاز بعد 5 الى 8 سنوات السعر مظاعف 3 مرات

[الفكر الحر]

وعليكم السلام ورحمة الله

فعلا العقار في السعودية استثمار ممتاز لكن احرصي على اختيار مكان ممتاز حتى لو نزلت أسعار العقار لا يتضرر عقارك بإذن الله

وفقك الله

[الكولونيل]

إسمعي يبا نصيحة لاتشترين عقار خارج أرضك خاصة إنك ماعندك إلا هالمبلغ
إذا في مشروع صغير تجاري تفكرين فيه أحسن لك

[البدع]

العقار والاسهم الى هبوووووووط قاس خلال سنتين

والبركة في الثورات والفتن

مسالة، انتشارها اصبحت واضحة جدا

وبدايتها في منابع النفط

[S350]

العقار والاسهم الى هبوووووووط قاس خلال سنتين

والبركة في الثورات والفتن

مسالة، انتشارها اصبحت واضحة جدا

وبدايتها في منابع النفط

البدع ملاحض عليك انك شديد التشائم خصوصا اذا ماتملك الشي انت احين قاعد تقول ان الاسهم بيجيها نزول قاسي احب اقولك كلامك غير صحيح واللي متابع البورصة القطرية بيعرف معنى كلامي غالبية الاسهم وزعت ارباح ممتازة على المساهمين وحققت طفرات سعرية حلوة وغالبية الاسهم ارجعو الى اسعار قبل التوزيع فا وين النزول القاسي الي اتكلم عنة

ترى حتى العقار ارتفع بقوة واذا عندك شي رخيص بتسوي فينا خير:nice:

[البدع]

S350

احترم وجهة نظرك

وراح تشوف الوضع في 16 شهر من اليوم

وراح اذكرك

وياهلافيك

[محاسب]

السلام عليكم

أنا عندي مبلغ بسيط مدخرته في البنك وناويه انشاءالله أتقاعد بعد 4 سنوات اذا الله عطاني العمر واتفرغ أكثر لعيالي, وفكرت قبل ما أتقاعد أستثمر هالمبلغ.
أنا ولله الحمد مو محتاجة بس قلت أحرك المبلغ واستثمره في شي ينفع عيالي لما يكبرون, بس ما حابه ان الاستثمار يكون في الأسهم لأني ما أفهم في البورصة ولا حابه ان يكون في العقار لأن المبلغ بسيط (500,000 ) ريال وما يسمح أشتري فيه عقار وما بي أتسلف من البنك ما فيني شدة الدين.
وبحكم عملي أتابع يومياً الأوضاع الاقتصادية في دول الخليج من نواحي محددة بس ولاحظت ان في السعودية بعد التغييرات الأخيرة اللي صارت عندهم في موضوع الرواتب والاقتصاد في بلدهم بدأت أسعار العقارات شوي تزيد عندهم وفكرت اني أشتري قطعة أرض هناك وخصوصاُ ان المبلغ اللي عندي اييب أرض معقولة بسعر معقول وأخليها للزمن أو عيالي يستفيدون منها بعدين, يس حبيت أول أستشير وما خاب من استشار والشورى أصلاً مطلوبة في ديننا فحبيت أعرف رأي أهل الخبرة واذا في حد عنده اقتراح ثاني يفيدني
وجزاكم الله خير
أختي .............. الله يوفقج وتقاعدين وتقعدين لعيالج,,,,,, هم الأستثمار الحقيقي.. الله يخليهم لج.
بخصوص الأستثمار ... أمن وأنسب شي للمرأة هوالعقار أو الأسهم بحكم ظروف المتابعه
لكن تبقى مشكلة الوعي وطريقة التعامل ,,,خصوصا مع الأسهم,,,
لوحبيتي العقار أب هل مبلغ ممكن
في طريقه .. تشترين العقار
وتسددين قيمة نص العقار ونصف الثاني تسددينه عن طريق الإيجار....... والله يعينج ,, ونصيحه لاتأجرين على شخص مايقدم لج شيكات مصدقه من البنك ولاحقج بسهوله يضيع.
والأسهم أفضل وأسهل وأكثر عائد في الوقت الحالي
فرضا .. شريتي 2000 سهم في الوقود ب5000.00 كم ربحج
الوقود وزع السنه 10ريال لسهم+20% أسهم مجانيه =2000*10=20000+400 مجاني قيمتهم اليوم 225*400=90000 المجموع110000الف مع مراعاة التطهير
ومراعاة طريقة الدخول المتدرج في السهم .
راجعي توقيعي ............................ وإي أستفسار حاظر ,, والله يوفقج