نبغي نتقشف بس نبغي حل ياحكومتنا الكريمه ! المترو !!

[hamoor4ever]

السلام عليكم ..

اخواني كثر الحديث في أخر فترة عن التقشف ولو نشوف اسباب ان المواطن القطري مايصفه من راتبه شي هو مشكله القروض اللي تاكل كل الراتب تقريبا ومن بين مشاكل القروض هو اضطرار المواطن لأخذ قرض سيارة . اعتقد لو حصلنا حل حق مشكله السيارة مثل الدول الاوروبيه راح نفتك من هم كبير وخاصه ان السيارات حاليا تكلف مبالغ كبيره وتلاقي في البيت اكثر من سيارة بسبب الحاجه وليس بسبب الرفاهيه يعني تلاقي سياره لكل فرد تقريبا لان كل فرد مضطر يطلع لابسط شي حتى لو يبغي يروح يشتري خبز ياكله .

المهم من بين الافكار اللي جات لي ليش دام الدوله تبغينا نتقشف ماعندنا مشكله بس على الاقل يوفرون لنا مواصلات عدله نبغي ( مترو ) حالنا من حال الدول الاوروبيه اللي فعلا مايحتاجون للسياره لان شبكه المترو مغطيه كامل البلاد وبشكل فعال

المترو راح يريحنا من وجود الدريوليه وراح يريحنا من شراء السيارات اللي مالها لزمه وراح يوفر علينا ايضا قيمه تصليح هاذي السيارات والتأمين وغيره وغيره ، نبغي مترو بشكل حقيقي لان تكلفه التكاسي غاليه وغير فعاله اصلا يعني بأختصار نبغي شي مشابه للنظام الاوروبي مترو يغطي الدوله بشكل كامل وبأسعار بسيطه لان بأختصار ( كروه ومواصلاتها ) مايأدون الغرض فالتكاسي غاليه والباصات مشروع فاشل بأختصار مترو ناجح ونقاط للدخول للمترو كل 500 مترو واعتقد انهم لو حطو في بالهم هالشي راح يحققونه خلال 5 الى 7 سنين مثل ماكان في بالهم 2022 وحققوة

أرائكم اخواني الكرام هل تتفقون معاي وهل راح توافقون بأستخدام المترو بدل السياره ارحمونا وفكونا من قروض السيارات بأختصار نبغي مترو :nice:

ملاحظه : ماتكلم عن مترو يغطي الملاعب فقط نبغي مترو يفكنا من وجع راس السيارة للابد يعني يغطي كامل مدن الدوله

[تحداني]

أعتقد حتى " المترو " محتاج لثقافه تقبله .. وخليني اقول لك ليش
قبل اسبوعين كنت في دبي .. وفي الفندق الي كنت ساكنه فيه بالتحديد في شارع زايد
مترو

الفضول خلاني اشوف ادخل واشوفه
وللاسف مازال الكثير من الشعب الاماراتي غير متواجد بقوه
لان المترو له محطات وقوف عامه لكن لو بغينا انزور الاهل والاصدقاء في مناطق غير مأهوله بالأبنيه والمجمعات لايمكن ان نجد مترو


والزحمه قلت صح .. لكن ما وفرنا مشكله استخدام السياره .. وشراء السياره
يبغى للسياره خصوصيه اخرى في كل شي

في فكره حلوه ولكن محتاجه لخطوط توصيل واسعه
وثقافه تقبلها


وجهه نظر ما اعرف اذا صحيحه او لا

جملك الله برضى الرحمن

[أين الحل ؟]

أنا وجهت نظري ان تكاليف عمل المترو راح يكلف كثير ومبالغ ضخمه هذا المبلغ الضخم لو قمنا بتسديد الديون فيه راح يكفي تسديد ديون لثلاث أجيال قادمة .

[ورقــة أمــل]

وصلني على البيبي ان في خطه للمترو وصور له

[البدع]

ياليت نشوف الميترو في قطر قريب

مشروع مكلف ولكن راح تكون له منفعة في ال 50 سنة القادمة

السعودية بدات خطة قطار في الرياض

المستقبل للقطار

وليس للسيارات

او القطارات

[hamoor4ever]

أعتقد حتى " المترو " محتاج لثقافه تقبله .. وخليني اقول لك ليش
قبل اسبوعين كنت في دبي .. وفي الفندق الي كنت ساكنه فيه بالتحديد في شارع زايد
مترو

الفضول خلاني اشوف ادخل واشوفه
وللاسف مازال الكثير من الشعب الاماراتي غير متواجد بقوه
لان المترو له محطات وقوف عامه لكن لو بغينا انزور الاهل والاصدقاء في مناطق غير مأهوله بالأبنيه والمجمعات لايمكن ان نجد مترو


والزحمه قلت صح .. لكن ما وفرنا مشكله استخدام السياره .. وشراء السياره
يبغى للسياره خصوصيه اخرى في كل شي

في فكره حلوه ولكن محتاجه لخطوط توصيل واسعه
وثقافه تقبلها


وجهه نظر ما اعرف اذا صحيحه او لا

جملك الله برضى الرحمن

اخوي الكريم ، في اوروبا هناك تغطيه شبه شامله لجميع المناطق ولي احد الاقرباء سكن في باريس سنتين ماحتاج لسياره ليش لانه يقدر يروح الدوام ويتسوق ويقدر يزور اي مكان عن طريق المترو وبمبالغ بسيطه ، اما عن دبي فالمشروع للحين لم يكتمل والتغطيه بسيطه لبعض الاماكن فقط


أنا وجهت نظري ان تكاليف عمل المترو راح يكلف كثير ومبالغ ضخمه هذا المبلغ الضخم لو قمنا بتسديد الديون فيه راح يكفي تسديد ديون لثلاث أجيال قادمة .

اخوي تسديد الديون شي ، ومشروع المترو شي ثاني و اعتقد انه راح يفيد الدوله بشكل كبير لنا وحق الاجيال القادمه وممكن ياخذون من الاموال المخزنه للاجيال القادمه في سبيل مشروع كبير نفس هاذه


وصلني على البيبي ان في خطه للمترو وصور له

صحيح بس للاسف انه للمناطق الجديده مثل ماسمعت يعني مثل مشروع اللؤلؤه او للملاعب وهاذه للاسف ماراح ينفع المواطن بس كالعاده مخصص لفئه اخرى


ياليت نشوف الميترو في قطر قريب

مشروع مكلف ولكن راح تكون له منفعة في ال 50 سنة القادمة

السعودية بدات خطة قطار في الرياض

المستقبل للقطار

وليس للسيارات

او القطارات



والله ياليت ومثل ماتقول عن طريق القطارات في اوروبا تقدر تروح تتعشى في باريس وترجع تنام في غرفتك بالفندق بألمانيا في فرانكفورت في خلال 4 ساعات فقط بقطار متكامل فيه جميع الخدمات مثل الانترنت ومطعم وغيره وبمبلغ اقل من تذكره طائره ( دوحه - بحرين - دوحه )


وين الاستراتيجيات عن وضع بدائل لمشكله المواصلات بالدوله ؟

[المفترسه]

فكره حلوه بس صعبه يطبقونها

[موضي قطر]

عندك سيارة " انت انسان مرفه " هالمره تبي مترو :anger1:


ماتبي لون المترو بالمره يكون وردي :shy:

[مها 2020]

اتفق معاك وبقوه :victory:
دام غيرنا سياسات التعليم وانفتحنا وبقوه على العالم لازم بالمقابل انغير عاداتنا الاستهلاكيه
واولها السياره .. في هالوقت السيارات غاليه.. والبترول غالي.. وصيانة السياره وقطع غيارها نار..
نبي مترو يغطي كافة المناطق بشرط يضمن خصوصية العائلات والنساء..

[La Bella]

الواحد ياخذ له سياره وحدة ويحافظ عليها
ليش اغلب الشباب كل سنه ولا سنتين مبدل سياره
والمترو شغالين عليه مثلا ما سمعنا

[عبـد الله]

والله ياخوك ان مشروع المترو شي طيب


فاتمني ان المترو يغطي منطقة الابراج خاصه علشان


نتفادي الزحمه وصعوبة المواقف وانخلص اشغالنا بدال


5 ساعات اتكون في ساعه ومع ذالك راح نوصل الاماكن

في ساعات قليل بدال الزحمه مشروع طيب وانا من المؤيدين

له وبكل قوه والحمدالله احنا في خير وجعل ربي يزيد شيخنا وشعبها


بالامن والستر وهذا اهم من غيره ..!

[موضي قطر]

مدينة الدوحة تشهد ازدحام لا يطاق يومياً مما يجعل فكرة المترو ضرورية جداً خاصة أن عدد السكان مرشح للأرتفاع في السنوات القليلة القادمة لذلك اصبح ايجاد آلية نقل منتظمة بأوقات محددة ضرورة ملحة بالإضافة لفوائد المترو الأخرى والتي تتمثل في الوجه التنموي و الحضاري للمترو.. ويساهم في تخفيف العبء على البنية التحتية واستيعاب التزايد السكاني في البلاد على أن تراعى فيه " خصوصية المجتمع القطري " بتخصيص بعض المركبات للنساء أو للعلائلات وأن يعفى من ثمن التذكرة ذوي الاحتياجات الخاصة ويكون للطلاب وكبار السن نصف قيمة التذكرة :)

[مساهمة بسFresh]

[CENTER]وتلاقي في البيت اكثر من سيارة بسبب الحاجه وليس بسبب الرفاهيه

[SIZE="5"]صح اخوي hamoor4ever بس المشكلة في الناس اللي تشتري سيارات غالية واكبر من طاقتها لمجرد المظاهر
يعني يشتري سيارات غالية علشان المظاهر :) اللي مظطر يشتري سيارة وامكاناته محدودة لازم يشتري على حسب امكاناته:)

[ام ناصر1]

صح اخوي hamoor4ever بس المشكلة في الناس اللي تشتري سيارات غالية واكبر من طاقتها لمجرد المظاهر
يعني يشتري سيارات غالية علشان المظاهر :) اللي مظطر يشتري سيارة وامكاناته محدودة لازم يشتري على حسب امكاناته:)

واللي يحب يقلد الناس وايفوشر ...ايش تنصحونه
اشلون يتحكم في هالخصلة الي مش طيبة

[دانـة قطـر]

صح اخوي hamoor4ever بس المشكلة في الناس اللي تشتري سيارات غالية واكبر من طاقتها لمجرد المظاهر
يعني يشتري سيارات غالية علشان المظاهر :) اللي مظطر يشتري سيارة وامكاناته محدودة لازم يشتري على حسب امكاناته:)


شفتي شلون؟!
مب حاله هذي لبسنا ساعات رولكس لبسوا نفسنا..ركبنا سيارات بورش ركبوا نفسنا..سافرنا أوروبا سافروا نفسنا
ماااااااايصير يا جماعة لازم يكون فيه حدود وكل واحد يعرف هو من أي طبقة :whistling:



بس عفواً أختي ممكن تغيرين اللون الوردي لأني أحس بلوعه كل ما شفته :(

[hamoor4ever]

فكره حلوه بس صعبه يطبقونها

مافي شي مستحيل حاليا والموضوع جدا بسيط بس يحتاج همه واراده ولا راح تسبقنا دبي والامارات


عندك سيارة " انت انسان مرفه " هالمره تبي مترو :anger1:


ماتبي لون المترو بالمره يكون وردي :shy:

:weeping:


اتفق معاك وبقوه :victory:
دام غيرنا سياسات التعليم وانفتحنا وبقوه على العالم لازم بالمقابل انغير عاداتنا الاستهلاكيه
واولها السياره .. في هالوقت السيارات غاليه.. والبترول غالي.. وصيانة السياره وقطع غيارها نار..
نبي مترو يغطي كافة المناطق بشرط يضمن خصوصية العائلات والنساء..

شكرا على الاتفاق معاي ووممكن يسوون اماكن خاصه للعائلات والنساء وهاذي بسيطه


الواحد ياخذ له سياره وحدة ويحافظ عليها
ليش اغلب الشباب كل سنه ولا سنتين مبدل سياره
والمترو شغالين عليه مثلا ما سمعنا

انا عن نفسي مافكر ابدل سيارتي قبل 6 سنين على الاقل ولو شوارع الدوحه افضل كان خليتها 10 سنين اما ان الشباب عندهم اكثر من سياره هاذه يرجع لحالتهم الماديه


والله ياخوك ان مشروع المترو شي طيب


فاتمني ان المترو يغطي منطقة الابراج خاصه علشان


نتفادي الزحمه وصعوبة المواقف وانخلص اشغالنا بدال


5 ساعات اتكون في ساعه ومع ذالك راح نوصل الاماكن

في ساعات قليل بدال الزحمه مشروع طيب وانا من المؤيدين

له وبكل قوه والحمدالله احنا في خير وجعل ربي يزيد شيخنا وشعبها


بالامن والستر وهذا اهم من غيره ..!

شكرا :nice:



مدينة الدوحة تشهد ازدحام لا يطاق يومياً مما يجعل فكرة المترو ضرورية جداً خاصة أن عدد السكان مرشح للأرتفاع في السنوات القليلة القادمة لذلك اصبح ايجاد آلية نقل منتظمة بأوقات محددة ضرورة ملحة بالإضافة لفوائد المترو الأخرى والتي تتمثل في الوجه التنموي و الحضاري للمترو.. ويساهم في تخفيف العبء على البنية التحتية واستيعاب التزايد السكاني في البلاد على أن تراعى فيه " خصوصية المجتمع القطري " بتخصيص بعض المركبات للنساء أو للعلائلات وأن يعفى من ثمن التذكرة ذوي الاحتياجات الخاصة ويكون للطلاب وكبار السن نصف قيمة التذكرة :)

:nice:


صح اخوي hamoor4ever بس المشكلة في الناس اللي تشتري سيارات غالية واكبر من طاقتها لمجرد المظاهر
يعني يشتري سيارات غالية علشان المظاهر :) اللي مظطر يشتري سيارة وامكاناته محدودة لازم يشتري على حسب امكاناته:)

لو شفتي اغلب سيارات اهل الدوحه اغلبهم كروزر واعتقد الكروزر يشترونها بسبب ان سعرها ماسك وقت البيع يعني سياره الدخل المحدود اما سيارات الرفاهيه شوفي اسماء الناس اللي تملك المرسدسات والبي ام بتعرفين من وين جابوها
عن نفسي عندي جي اكس وهاذه اقل فئه بالكروزر وسياره الاهل وهي هوندا صالون عاديه وصدقيني لو هناك مترو في بلادنا انا اول واحد ببيع السياره عموما الفكره تقليل عدد السيارات عن طريق توفير شبكه مترو متكامله وياليت الدوله تفكر بالشي هاذه

[مستجدة]

تكلفته مبالغ فيها لادبي ولا ماليزيا ولا اوروبا وصلت التكلفه ربع تكلفه مترو قطر
الحكومه لازم تتقشف مع الشعب :nice:

احس انه الحكومه تتفرج على مواضيعنا واتقول لماذا الشعب لاياكل البسكويت ويركب الدرجات الهوايه :tease:

[موضي قطر]

تكلفته مبالغ فيها لادبي ولا ماليزيا ولا اوروبا وصلت التكلفه ربع تكلفه مترو قطر
الحكومه لازم تتقشف مع الشعب :nice:

احس انه الحكومه تتفرج على مواضيعنا واتقول لماذا الشعب لاياكل البسكويت ويركب الدرجات الهوايه :tease:



كلف مترو دبي حوالي 28 مليار درهم (7.62 مليار .. طيب احنا خلونا نزيد عليه شوي بس مايكون الرقم فلكي كأني قريت انه 36 مليار دولار المبلغ المرصود لمترو قطر حد يصحح لي :rolleyes2:

[hamoor4ever]

كلف مترو دبي حوالي 28 مليار درهم (7.62 مليار .. طيب احنا خلونا نزيد عليه شوي بس مايكون الرقم فلكي كأني قريت انه 36 مليار دولار المبلغ المرصود لمترو قطر حد يصحح لي :rolleyes2:

ماعندي فكره عن مترو دبي والتكلفه بس لوصحيح المبلغ المرصود حق مترو قطر هالقد ياليت يكون المترو يغطي جميع مناطق الدوله واللي راح وشاف شلون النظام في اوروبا بيعرف شنو اقصد ، اما ان المبلغ المرصود اغلبه حق شركات مش حالك وبياخذون فلوس وعقب بيسون شغل اي كلام هاذه كلام مرفوض وياليت يكون فيه هناك رقابه على المبلغ المرصود للمترو بحيث يكون المبلغ متوجه فعلا للمشروع بشكل كامل وهاذه حقنا كشعب ، المشكله ان اغلب المشاريع نسمع عنها ومانشوف شي على عكس دبي نشوف عقب نسمع

[La Bella]

تكلفته مبالغ فيها لادبي ولا ماليزيا ولا اوروبا وصلت التكلفه ربع تكلفه مترو قطر
الحكومه لازم تتقشف مع الشعب :nice:

احس انه الحكومه تتفرج على مواضيعنا واتقول لماذا الشعب لاياكل البسكويت ويركب الدرجات الهوايه :tease:

الحكومة مسوية حسابها كذا شركة بتستلم المشروع
مثل خط سلوى ( نفس السيناريو )
:tease:

[بدوي]

الحكومة مسوية حسابها كذا شركة بتستلم المشروع
مثل خط سلوى ( نفس السيناريو )
:tease:


اذا كان نفس السيناريو !!!! :eek5:

لا طبنا ولا غدا الشر :rolleyes2:

عز الله ماخلص هالمشروع :anger1:

[بدوي]

اللي اعرفه ان الفكرة موجودة واعتقد صمموا مخطط لطرق الاندرغراند

وكان المبلغ كبير اذا ماخانتني الذاكرة

دبي لما نفذت المشروع عملوا دراسة جدوى ، وشافوا ان القطارات الارضية (الاندرغراند)

مكلفة اكثر من القطارات المعلقة بالجسور ، ولكن كلهم يأدون نفس الغرض :victory:

فشتغلوا شغل جبار لإنشاء هذا القطار مع العلم بأن توقيع العقد اذا ماخانتني الذاكرة كان في عز الطفرة الاقصادية ، ومرت عليهم الأزمة الاقتصادية والهبوط

وكثير شككوا في فشل المشروع ولكن دبي ، اذا سوت شي سوت شغل عدل (بروفيشنال) :nice:

لكن ربعنا يبون قطارات ارضية (اندرغراند) والله يعين الميزانية :rolleyes2: مع العلم بأن ارض قطر صخرية واصعب من اراضي الامارات ودبي

لكن المشروع جيد للمستقبل ويحتاج سنين عجاف :weeping:

اتمنى اللون الوردي مايقتبس شي من ردي ، لأني فعلاً احس بلووووعه وغثياااااان من اشوفه :rolleyes2:*

[المستعينه بالله]

ياريت بس يسون جسور وطرق سريعه ترى ملينا من الأشارات ياكثرها عندنا

الواحد صار له يأخذ 4 ساعات على روحة أي مكان يبغيه .. مع ان الدوحة صغيرة .

[العقل الحر]

موضوع مميز من عضو مميز

وتستحق الاشادة

وفعلا نحتاج ماطلبت في موضوعك ... مواصلات اكثر خيارات في التوفير اكثر

[المتحدث الرسمي]

الـــشــــــــعـــــــب يـــــريـــــــــــد تـــشـــغـــيــل الـــمـــــتــــرو


:omen2::omen2::omen2:

[ام السعف]

أعتقد حتى " المترو " محتاج لثقافه تقبله .. وخليني اقول لك ليش
قبل اسبوعين كنت في دبي .. وفي الفندق الي كنت ساكنه فيه بالتحديد في شارع زايد
مترو

الفضول خلاني اشوف ادخل واشوفه
وللاسف مازال الكثير من الشعب الاماراتي غير متواجد بقوه
لان المترو له محطات وقوف عامه لكن لو بغينا انزور الاهل والاصدقاء في مناطق غير مأهوله بالأبنيه والمجمعات لايمكن ان نجد مترو


والزحمه قلت صح .. لكن ما وفرنا مشكله استخدام السياره .. وشراء السياره
يبغى للسياره خصوصيه اخرى في كل شي

في فكره حلوه ولكن محتاجه لخطوط توصيل واسعه
وثقافه تقبلها


وجهه نظر ما اعرف اذا صحيحه او لا

جملك الله برضى الرحمن

اسم الله علي ما ادري اشبلاني سافرت خلال 6 شهور 3 مرات
مرتين كانوا لدبي ،، ترجيتهم يركبوني القطار ،، الكل قال لي
اشدعوة هندية :(

كان خاطري اركب القطار وتم في خاطري :(

[لبتونه]

بالعكس اواااااااااااااااااافق وبقوة على فكرة ولها ايجابيات كثيرة للمستقبل ولعيالنا

[ام ناصر1]

ما احب اماكن الحكرة والزحام ...
افضل اعادة التاكسي البرتقالي لخدمة المواطنين ..بدل تكاسي بروة

[بوخالد911]

الاقبال بيكون من العمالة

والمواطنين بيكون قليل
ومن باب الفضول والتجربة

[hamoor4ever]

اذا كان نفس السيناريو !!!! :eek5:

لا طبنا ولا غدا الشر :rolleyes2:

عز الله ماخلص هالمشروع :anger1:

:eek5:


اللي اعرفه ان الفكرة موجودة واعتقد صمموا مخطط لطرق الاندرغراند

وكان المبلغ كبير اذا ماخانتني الذاكرة

دبي لما نفذت المشروع عملوا دراسة جدوى ، وشافوا ان القطارات الارضية (الاندرغراند)

مكلفة اكثر من القطارات المعلقة بالجسور ، ولكن كلهم يأدون نفس الغرض :victory:

فشتغلوا شغل جبار لإنشاء هذا القطار مع العلم بأن توقيع العقد اذا ماخانتني الذاكرة كان في عز الطفرة الاقصادية ، ومرت عليهم الأزمة الاقتصادية والهبوط

وكثير شككوا في فشل المشروع ولكن دبي ، اذا سوت شي سوت شغل عدل (بروفيشنال) :nice:

لكن ربعنا يبون قطارات ارضية (اندرغراند) والله يعين الميزانية :rolleyes2: مع العلم بأن ارض قطر صخرية واصعب من اراضي الامارات ودبي

لكن المشروع جيد للمستقبل ويحتاج سنين عجاف :weeping:

اتمنى اللون الوردي مايقتبس شي من ردي ، لأني فعلاً احس بلووووعه وغثياااااان من اشوفه :rolleyes2:*

كل شي ممكن وبوجود الاراده والفلوس :nice:


ياريت بس يسون جسور وطرق سريعه ترى ملينا من الأشارات ياكثرها عندنا

الواحد صار له يأخذ 4 ساعات على روحة أي مكان يبغيه .. مع ان الدوحة صغيرة .

:)



موضوع مميز من عضو مميز

وتستحق الاشادة

وفعلا نحتاج ماطلبت في موضوعك ... مواصلات اكثر خيارات في التوفير اكثر

صدقني الكثير راح يوفر من قروض السيارات :nice:



الـــشــــــــعـــــــب يـــــريـــــــــــد تـــشـــغـــيــل الـــمـــــتــــرو


:omen2::omen2::omen2:

:nice:


اسم الله علي ما ادري اشبلاني سافرت خلال 6 شهور 3 مرات
مرتين كانوا لدبي ،، ترجيتهم يركبوني القطار ،، الكل قال لي
اشدعوة هندية :(

كان خاطري اركب القطار وتم في خاطري :(

انا جربته والغريب ان شفت عليه اقبال عكس ماكنت متوقع مع العلم ان يوصل لاماكن محدوده


بالعكس اواااااااااااااااااافق وبقوة على فكرة ولها ايجابيات كثيرة للمستقبل ولعيالنا

:nice:


ما احب اماكن الحكرة والزحام ...
افضل اعادة التاكسي البرتقالي لخدمة المواطنين ..بدل تكاسي بروة

:eek5:

الاقبال بيكون من العمالة

والمواطنين بيكون قليل
ومن باب الفضول والتجربة


الكثير لما يسافر برع يستخدم المترو اختلف معاك بتلاقي شرايح كثيره خاصه انه بيريحنا من الزحمه تخيل نفسك في شارع السد في خلال 5 دقائق وانت تسكن في مدينه خليفه مثلا هل بتفضل المترو او السياره ؟

[مسك روز]

حق العماله الاسيويه يلوعون بجبودنا


بس فكره حلوه والله ..


لكن شلون ومتى ووين !!