## الـقـطـــريـــــــOnAirـــــــة ##

[fhd4]

السلام عليكم ورحة الله وبركاته ...

قبل يومين كنت مسافر بالخطوط القطرية ...

وكانوا حاطيين خدمة في الطيارة لأول مرة أشوفها على القطرية ...

لكن سمعت انها موجودة على الاماراتية من قبل ...

على العموم ... هذي الخدمة تتيح لكم استخدام الجوال على الطيارة ...

بمعنى ... يوجد في الطيارة شبكة اتصالات خاصة يشبك الجوال معاها ... ويحسب عليك كأنه تجوال دولي ...

لكن الفكرة هني ... الأسعار جداً خيالية ... فحبيت أنبه الكل قبل ما يتورط ويستخدمها ...

لكنها في نفس الوقت تنفع للحالات الطارئة ... أو لإرسال واستقبال المسجات ....

راح تلاحظون إن الشبكة اسمها OnAir ....


http://img69.imageshack.us/img69/7425/img0478.png


وأسعار الخدمة كالتالي ...

مكالمة لجوال آخر داخل الطائرة ... 3 ريال للدقيقة ...

استقبال المكالمات ... 30 ريال للدقيقة ...

المكالمات إلى قطر ... 30 ريال للدقيقة ...

المكالمات إلى دول أخرى ... 30 ريال للدقيقة ...

ارسال المسجات ... ريالين للمسج الواحد ...

استخدام الانترنت ... 75 ريال للميجابايت الواحد ...


وقد أعذر من أنذر ...:discuss:

[خليفـة]

ملعون ابوا التكنولوجيا لما يدخل فيها النصب يا شيخ

:anger1:

[تحداني]

انا بستخدم هاذي
" ارسال المسجات ... ريالين للمسج الواحد ..."


ارخص وحده :)


خدمه حلوه
بس جدا مكلفه


جملك الله برضى الرحمن

[البدع]

انا سافرت على القطرية من اسبوع

ماشفت الخدمة

بس صدق خدمة راقية من القطرية

[الرويـس]

يابلاش

[بو راشد 1]

السلام عليكم ورحة الله وبركاته ...

قبل يومين كنت مسافر بالخطوط القطرية ...

وكانوا حاطيين خدمة في الطيارة لأول مرة أشوفها على القطرية ...

لكن سمعت انها موجودة على الاماراتية من قبل ...

على العموم ... هذي الخدمة تتيح لكم استخدام الجوال على الطيارة ...

بمعنى ... يوجد في الطيارة شبكة اتصالات خاصة يشبك الجوال معاها ... ويحسب عليك كأنه تجوال دولي ...

لكن الفكرة هني ... الأسعار جداً خيالية ... فحبيت أنبه الكل قبل ما يتورط ويستخدمها ...

لكنها في نفس الوقت تنفع للحالات الطارئة ... أو لإرسال واستقبال المسجات ....

راح تلاحظون إن الشبكة اسمها OnAir ....


http://img69.imageshack.us/img69/7425/img0478.png


وأسعار الخدمة كالتالي ...

مكالمة لجوال آخر داخل الطائرة ... 3 ريال للدقيقة ...
استقبال المكالمات ... 30 ريال للدقيقة ...

المكالمات إلى قطر ... 30 ريال للدقيقة ...

المكالمات إلى دول أخرى ... 30 ريال للدقيقة ...

ارسال المسجات ... ريالين للمسج الواحد ...

استخدام الانترنت ... 75 ريال للميجابايت الواحد ...


وقد أعذر من أنذر ...:discuss:

:omg::omg::omg:

[chillis]

شدعوه نصب ماتلحق تقول السلام الا دقيقه يعني السلام ب ٣٠ ريال

[موضي قطر]

شدعوه نصب ماتلحق تقول السلام الا دقيقه يعني السلام ب ٣٠ ريال



لا تنبهينهم للسلام اخاف يقولون لازم تسلمون لأنه واجب على كل مسلم:telephone:

[Cooki]

صج بووووق ...

ماقول غير امحق خدمه

[رمــش الغلا]

شالخدمة دقيقتين ب 60 ريال

صج حراميه

[Qt.1]

والله تنفع بس للحالات الطارئه او على الااقل ارسال مسج

[Bu Rashid]

مشكوووور اخوي على التنبية

وبالفعل هذه الخدمة موجوده على الاماراتيه في الرحلات الطويله مثل البرازيل :shy:

[عبـد الله]

بصراحه خدمه مكلفه بس للطوارء جيده


المسجات ارخص ويعطيك الف عافيه على التوضيح

يالغالي

[جرح الزمان]

يعني الثانيه الواحده ب نص ريال

وهل بيحسبون اي جزء من الدقيقه ......دقيقه كامله

سعر مبالغ فيه .... بس بالنسبه لرجال الاعمال ..عادي

[حليتان*]

العنتووووو والديهم مهب اسعاار

[MoneyMaker]

تقدر تتصل عن طريق الكردت كارد ارخص عن طريق التليفون من الاجهزه المزوده على الكراسي ((الريموت))
.(خطوط اوروبا)
الدقيقه تقريبا 8 ريال.


بس هالطريقه من الجوال شي جديد وحلو صراحه.

[بعيد النظر]

اتوقع السعر مبالغ فيه
لانّ الخدمة جديدة !

ننطر شوي وبنجوف الاسعار تنافس كيوتل خخخخخخ

[M!ss_P!nk]

ما اعتقد احد محتاج لها اقصد الشخص العادي. تنفع رجال الاعمال اكثر.

و اذا احد يبي يستخدمها للضروره احسن يرسل مسج.

[سـ ع ـود]

يعني 5 دقايق بـ 150 ريال

><

[الحجاجي]

فعلاً الخدمــة موجودة


لاحظتها في الويكند

في سفرتي لدبي

وشيء اكيد الأسعار بيكون مبالغ فيها

اذا على أرض الدوحــة أسعار الأتصالات غاليه

ما بالكم في الجــو

ومن الطيارة

وبالذات من القطرية ( الي رفعت الضريبة والأسعار )

/

/

الخدمة موجودة من زمان في أغلب شركات الطيران
باستخدام بطاقـة الفيزا

وموجودة في خطوط الأمارات
احلى مافيها تقدر تتصل لكرسي معين داخل الطيارة


بالتوفيق للجميع

[الصريحه]

مافيه رادع ماينلامون لو خلوا الدقيقه بالف

[للصبر اخر]

يعني القطرية رافعة الاسعار
+
كيوتل
=
اكبر نصب

[دلة الرسلان]

ممكن تنقال ها العبارة في دقيقة

طرشوا الدريول المطار الساعة ....... :nice:

[pink pearl]

وايد الصراحة
عن نفسي ماراح أستخمها خير شر إلا بالحالات الطارئة
والقطرية أحسها مبالغة في الأسعار

[درع الوطن]

الخدمة موجودة من زمان في أغلب شركات الطيران
باستخدام بطاقـة الفيزا

وموجودة في خطوط الأمارات
احلى مافيها تقدر تتصل لكرسي معين داخل الطيارة

بالتوفيق للجميع

ياكثر الإزعاج اللي بيصير في الطيارة ...:eek5:
لا .. ومن الغثاثه إذا أتصل واحد على كرسي معين وفجأه رد عليه رجااااال راح يقول .. أوووه الظاهر أتصلت بالغلط :tease:

الخدمة مالها أي داعي أبد .. ياما سافرنا لمسافات طويلة وماكان فيه حاجة أبد للجوال
إلا إذا كان فيه حالة طارئة نستعمل الهاتف الموجود في الطياره ... خدمة خرطي

[R 7 A L]

صراحة الى بيتصل ولا بيرسل ماعندة سالفة

[بو خليفه 123]

هذي الخدمه متوفره اتوقع على طائرة الـ Boeing 777

[المتحدث الرسمي]

وأسعار الخدمة كالتالي ...

مكالمة لجوال آخر داخل الطائرة ... 3 ريال للدقيقة ...

استقبال المكالمات ... 30 ريال للدقيقة ...

المكالمات إلى قطر ... 30 ريال للدقيقة ...

المكالمات إلى دول أخرى ... 30 ريال للدقيقة ...

ارسال المسجات ... ريالين للمسج الواحد ...

استخدام الانترنت ... 75 ريال للميجابايت الواحد ...


وقد أعذر من أنذر ...:discuss:




ول ول ول ول ول :omg::omg::omg::rolleyes2:

نهبه السالفه ؟؟!!

الداد لكم يا هل قطر . :( حتى في السما يبون خريداتكم :weeping:

[chillis]

لا تنبهينهم للسلام اخاف يقولون لازم تسلمون لأنه واجب على كل مسلم:telephone:


شوفي حنا اول مره نتصل علشان نفوشر عليهم انها حركه حلوه بس نتكلم بطريقه سريعه علشان تكون اقل من دقيقه وتالي يبقى يقابلوني :anger1:

[بوخالد911]

بل

ما يسوى علينا

ال1 مش فاضي للجوال بالطيارة

يا اما اقرى
او اشوف التلفاز :)
او اسوولف

[طماطه]

زين سوو الصراحه ..

لو كانوا مخليينها بسعر اقل , بتصيييييير فوضى وكلن يهذر بجواله ( ازعاج ) ..

لو مخلين الدقيقه بـ 50 بعد احسن .. :victory:

[باسكن روبنز]

انا بستخدم هاذي
" ارسال المسجات ... ريالين للمسج الواحد ..."


ارخص وحده :)


خدمه حلوه
بس جدا مكلفه


جملك الله برضى الرحمن
للضــرورة القصـوى ،:nice:




















يابلاش

من قلــب ،:secret:

[مرتبش]

اوه
عاد تعبثت بالايبود وحصلت شبكة واي فاي في الطيارة واحاول اشبك وطول الرحلة مافي فايدة..اعتقدتها وحدة من خدمات الخمس نجوم مثل الفنادق

[chillis]

[COLOR="Indigo"][SIZE="5"][B]
اوه
عاد تعبثت بالايبود وحصلت شبكة واي فاي في الطيارة واحاول اشبك وطول الرحلة مافي فايدة..اعتقدتها وحدة من خدمات الخمس نجوم مثل الفنادق

حلم الفقير لو شغول لك النت بالطياره بتكون الدقيقه 1000

[بولينجر]

مجرد وجود الخدمة شيء جيد... لكن الأسعار مبالغ فيها.....

[be cool]

ويه صج صج الاسعار مبالغ فيهااا

[fra]

حراميه

[The Watcher]

بصراحة اشوفها خدمة رائعة .. تنفع في الحالات المستعجلة

[خزامئ]

خاطري اشوف شي في قطر ارخص من الدول المجاوره

[jeep-srt8]

استخدام الانترنت ... 75 ريال للميجابايت الواحد ...



اجل على قعدتنا على شبكتنا لو حسبناها بتطلع فوق النص مليون ريال ههههههههههههههههههههههههههههههه يومياً

ليييييييييييييييييييييييييش الاستغلااااااااااااااااااااااااااااااااااااااااااا اااااااال

[المفترسه]

توووو ماتش الصراحه

[Mili]

بل مايسوى تفدح فيديو واحد في اليو تيوب الا فاتروتك وصلة فوق 1000

و30 ريال للدقيقة رقم سخيف، ما يمديك تقول السلام عليكم...

[دكان عباس]

اللي يبي الدح لايقول اح

[قطري رزه]

خذ معاك تلفون شسمه هذاااااااا ((هذا الى على الاقمار الصناعيه واهذر لين تقول بس الدقيقه اعتقد بخمس ريال او ثمان ريال

[rawda]

SouthWest Airlines

طيران داخلي في امريكا وعندهم خدمة الانترنت فالطيارات من سنة ٢٠١٠ وبسعر رمزي .. ٥ دولار يعني ١٨ ريال

صباح الخير يا اكبر الباكر .. بدري ياخوك

[باسكن روبنز]

زين سوو الصراحه ..

لو كانوا مخليينها بسعر اقل , بتصيييييير فوضى وكلن يهذر بجواله ( ازعاج ) ..

لو مخلين الدقيقه بـ 50 بعد احسن .. :victory:

لو حطوج بدال أكبر جان رحنا وطي ،:anger1:

[موضي قطر]

خذ معاك تلفون شسمه هذاااااااا ((هذا الى على الاقمار الصناعيه واهذر لين تقول بس الدقيقه اعتقد بخمس ريال او ثمان ريال


اعتقد تقصد " الثريا " على خبري انها كانت بـ 6 ريال للدقيقة