ايش رايكم يا جماعه في مدرسة الشويفات

[قطرية وافتخر]

ابي ادخل عيالي الشويفات وناس تمدح وناس تذم والذم اللي يجي عجيب ان دراستهم مكثفه ومناهجهم وهاي ما اشوفه سبب واو شي يعيب المدرسه ليش الطالب رايح يلعب خل يدرسون ويتعبون على نفسهم

المطلوب رايكم وتجاربكم لو سمحتوا

[Rider]

اذا انتي مقتنعه بالمدرسة توكلي على الله مشكلة بعض الناس مايعجبهم العجب يبغون يمشون كل شي على كيفهم

[آهـل شَـرق]

من تجربتي الخاصه .. المدرسه فعلاً مميزه ومنهجها قوي وتعتبر الافضل في قطر بشهادة الجامعات العالميه والمجلس الاعلى للتعليم .. توكلي على الله ودخليهم .. المدرسه فيها عيوب ولكن ايجابياتها تغطي على هالعيوب واذا كان الطالب او الطفل توجهه ورغبته في التعليم والدراسه بيفلح فيها ان شاء الله

وحطي في بالج ان المعدل فيها تراكمي وتنحسب له الدرجات من اول يوم يداوم فيه وسنتهم الدراسيه تنقسم لـ 3 سمسترات :)

[نبض قطر 1970]

من تجربتي الخاصه .. المدرسه فعلاً مميزه ومنهجها قوي وتعتبر الافضل في قطر بشهادة الجامعات العالميه والمجلس الاعلى للتعليم .. توكلي على الله ودخليهم .. المدرسه فيها عيوب ولكن ايجابياتها تغطي على هالعيوب واذا كان الطالب او الطفل توجهه ورغبته في التعليم والدراسه بيفلح فيها ان شاء الله

وحطي في بالج ان المعدل فيها تراكمي وتنحسب له الدرجات من اول يوم يداوم فيه وسنتهم الدراسيه تنقسم لـ 3 سمسترات :)

كلام سليم 100%

وانا عيالي بنفس المدرسه

مستواها جداً عالي

بالاضافه للمستوى العلمي المتميز للمدرسه

كذلك ينمون المهارات الموجوده لدى الطفل

والافضل أنج تدخلين عيالج من البدايه يعني kg1

عشان ماتختلف عليهم الدراسه

[المفترسه]

كم تكاليف المدرسه؟

[ام السعف]

من افضل واقوى المدارس في قطر

وايد قطريين اعرفهم يشلون عيالهم عقب الصف السادس والسبب
ان المدرسة تصير صعبة عليهم :(

المفترسة ارخص من الجزيرة بوايد ،، من حوالي 3 سنين كنت باسجل وليد
بس مالقيت شاغر فيها ،، روضة تقريبا 12 الف ريال ان ما خانتني الذاكرة
شلته وديته مدرسة ثانية ،، بـ 18 الف ريال والابتدائية على 25 الف :(

[بو خليفه 123]

من وجهة نظري الشخصيه :

الي يستطيع يثابر و ينجح في الشويفات , بأستطاعته ان ينجح اكادمياً في اي جامعه بالمستقبل .

[Umsultan]

كلام الناس

أن المدرسه دراستهم وايد

والطفل طول يومه بين الكتب والدراسه

ما عنده وقت للعب بالبيت

منهج المدرسه قوي وصعب

...............................

وجهة نظري :

اعيالي في مدارس خاصه ولا أفكر نهائياً أدخلهم الشويفات

عندي الطفل لازم يكون له وقت يمارس هواياته ويلعب شوي مب كله دراسه في دراسه .

..............................


والقرار الأخير لك

[قطرية وافتخر]

اي عيالي عمر كي جي 1 وان شاء الله يقبلونهم

والرسوم السنه 15050 احسه مناسب بالنسبه لباقي المدارس اللي طغت في الاسعار وصار فيها الكي جي 1 ب 23000 و 26000

مشكورين وماقصرتوا وانا سمعت هالكلام من قبل ناس في المجلس الاعلى وناس زاييرين قطر من جامعات خارجيه ان اللي يتخرج من الشويفات يكون المستقبل جدامة كبير للقبول في ارقى الجامعات العالمية

يهمني تاسيس الاطفال من الصغر لان هذي العمر اللي تبنى عليه شخصيتة في باقي حياتة

[fhd4]

شلون بالنسبة لمستواها الديني ؟!

[s4qatar]

شلون بالنسبة لمستواها الديني ؟!



إهنيه القمندا

[واحد دوت كوم]

الفكره الشائعه عن الشويفات انها مدرسه مستواها التعليمي قوي جدا هذا شي مهم بس مش الاهم ، الاهم ان الطفل ماتضيع هويته ،يحز في نفسي كثيرا لما اسمع طفل يتكلم الانجليزيه بطلاقه ومايقدر يقول كلمتين عربي على بعض .
اعيالي في اقرا الانجليزيه عجبني فيها مدرساتها متحجبات وزيهم محتشم ،مايرجع الطفل الا مصلي ويوميا في حصة قران غير حصة التربية الاسلامية لها اتجاة ديني حلو بس مستواها التعليمي مش ولا بد
اظن لن تجدي مدرسه تحقق مطالبج بس احرصي ان لاتكون مختلطه

[هارودز]

من افضل المدارس في قطر ماعليها كلام

[(بوطلال)]

لاتلهيكم الدنيا عن الدين.

اهم شي المستوى الديني وتعليمهم القيم الاسلاميه . بكره راح توقف قدام ربك وتنسئل عن تربيتك وتعليمك لعيالك الدين .

[واحد دوت كوم]

لاتلهيكم الدنيا عن الدين.

اهم شي المستوى الديني وتعليمهم القيم الاسلاميه . بكره راح توقف قدام ربك وتنسئل عن تربيتك وتعليمك لعيالك الدين .



ذكرتني بطفل اتصل ببرنامج كيف اصبحت قاعد في البيت يدرس منازل سنتين على ان يحفظ القران كامل وبعدين يكمل دراسته عادي وشفت طالبات يدرسون منازل في المستقله وهم مسجليين في مدارس دينيه في جدة ويدرسوون في احد المراكز مثل نظام الانتساب بصراحه اهل يستاهلون التحيه

[آهـل شَـرق]

الفكره الشائعه عن الشويفات انها مدرسه مستواها التعليمي قوي جدا هذا شي مهم بس مش الاهم ، الاهم ان الطفل ماتضيع هويته ،يحز في نفسي كثيرا لما اسمع طفل يتكلم الانجليزيه بطلاقه ومايقدر يقول كلمتين عربي على بعض .
اعيالي في اقرا الانجليزيه عجبني فيها مدرساتها متحجبات وزيهم محتشم ،مايرجع الطفل الا مصلي ويوميا في حصة قران غير حصة التربية الاسلامية لها اتجاة ديني حلو بس مستواها التعليمي مش ولا بد
اظن لن تجدي مدرسه تحقق مطالبج بس احرصي ان لاتكون مختلطه


لاتلهيكم الدنيا عن الدين.

اهم شي المستوى الديني وتعليمهم القيم الاسلاميه . بكره راح توقف قدام ربك وتنسئل عن تربيتك وتعليمك لعيالك الدين .



بس عندي سؤال ليش هالاعتماد الكبير على المدرسة لتعليم القيم والتعاليم الاسلاميه ؟
المدرسه ايً كانت ترى دورها يعتبر اقل من دور الاسره (الاب والام) في ايصال وتثقيف الطفل وتعليمه القيم والاخلاق وزرع حب الله ورسوله وكتابه فيه ؟ العلم هو مفتاح النجاح هو المنفذ الوحيد لمستقبل اطفالكم !! فلا تحرمون اطفالكم فرصة اكتساب هالعلم لانكم بكذا تضيقون عليهم خياراتهم في المستقبل !!

[fhd4]

بس عندي سؤال ليش هالاعتماد الكبير على المدرسة لتعليم القيم والتعاليم الاسلاميه ؟
المدرسه ايً كانت ترى دورها يعتبر اقل من دور الاسره (الاب والام) في ايصال وتثقيف الطفل وتعليمه القيم والاخلاق وزرع حب الله ورسوله وكتابه فيه ؟ العلم هو مفتاح النجاح هو المنفذ الوحيد لمستقبل اطفالكم !! فلا تحرمون اطفالكم فرصة اكتساب هالعلم لانكم بكذا تضيقون عليهم خياراتهم في المستقبل !!



اسمح لي يالغالي ... بس تراك غلطان ... الطفل في المدرسة أكثر من 8 ساعات في اليوم 5 أيام في الأسبوع ... واحتمال يشوف مدرسينه وربعه في المدرسة أكثر من أمه وأبوه (للأسف طبعا)...

أنا ما أقلل من دور الأب والأم في التربية ... هم الأساس طبعا ... لكن في نفس الوقت مستحيل تهمل دور المدرسة ... دورها وتأثيرها قد يكون أقوى من تأثير الوالدين ... إن كان في الخير أو الشر ...

وإذا كان الأبوين يؤدون دورهم على أكمل وجه ... بعد انت ما تبي تهدم الأفكار اللي تعلمها من الأبوين في المدرسة نتيجة الرفقة السيئة والإهمال التربوي والديني لدى المدرسين ... هذا إذا ما كان للمدرسة توجهات خفيـة ...

إذا تبي الطفل يتعلم من المدرسة ... ويتربى على يد أبوه وأمه ... أقولك هذي مثالية مستحيل تصير ...

لازم يكون فيه تكامل بين الطرفين ... من ناحية الدين والتعليم والتربية ...

والعلم بدون دين وأخلاق ... ما نـبـيـــه ...

[واحد دوت كوم]

بس عندي سؤال ليش هالاعتماد الكبير على المدرسة لتعليم القيم والتعاليم الاسلاميه ؟
المدرسه ايً كانت ترى دورها يعتبر اقل من دور الاسره (الاب والام) في ايصال وتثقيف الطفل وتعليمه القيم والاخلاق وزرع حب الله ورسوله وكتابه فيه ؟ العلم هو مفتاح النجاح هو المنفذ الوحيد لمستقبل اطفالكم !! فلا تحرمون اطفالكم فرصة اكتساب هالعلم لانكم بكذا تضيقون عليهم خياراتهم في المستقبل !!

ولله الفضل والمنه ابدا مش معتمدين على المدارس بس اظن ان دورها كبير في غرس القيم وزرع المفاهيم تتفقين معي ان دورها مكمل مش من المنطق ان ولدي تحتفل مدرسته باعياد معينه ويرجع البيت اقول لة لايجوز
يااختي احنا درسنا في مدارس عاديه وطلعنا من فضل الله دكاتره ومهندسين واشوف هذا الجيل مايدخل الجامعه الا طالعه عينه

[ضحية البورصة]

المدرسه زينه وما عليها كلام ،،،،

[ahmaaaddd]

المدرسة من المدارس التبشيرية تهتم بنشر الدين المسيحي .


وهذا سوف يحاسب الله عليه ( كلكم راع وكلكم مسؤول عن رعيته )

[خزامئ]

وانا سمعت عندهم التبشير واضح
ومش مهتمين في المواد الدينيه ابدن

[شرقاويه]

المها وبس

[ام السعف]

وانا سمعت عندهم التبشير واضح
ومش مهتمين في المواد الدينيه ابدن

وايد نسمع هالسوالف ،، ان التبشير واضح في المدارس الاجنبية

اتفق مع هالنقطة من مبدأ ،، لا نتوقع ناس مسيح بيتعاملون مع عيالنا
على اساس الدين الإسلامي ،، لكن بعد اتفق مع اللي يقول ان البيت له دور كبير
في تنشئة الأبن وخاصة لو كان البيت حريص انه يتابع الطفل في تنشئته،،

المواد الدينية من مقررات الحكومة في قطر ،، فهم ياخذون نص المنهج الحكومي
في العربي والشرعية ،،

المدارس الأجنبية لها دور في التأثير على عيالنا ،، لكن بعد لنا دور في توجيههم
مرات كثيرة نلقى عيال منحرفين وفي مدارس حكومية ،، المهم الواحد
يحاول كثر ما يقدر انه يوجهه عيالها للصح ويبين لهم راي الدين في الكثير من
الأمور اللي تحدث في المدرسة عندهم ،،


كتجربة شخصية صحيح هناك بعض الأمور اللي استجدت في حياتهم
لكن في المقابل اشوف انهم اكتسبوا ثقافة اسلامية جديدة للتعامل
مع امور ثانية ،، مثل اعياد المسيح ومناسباتهم واحتفلااتهم ،،

وربنا يقدم اللي فيه الخير للجميع ويهدينا ويهدي عيالنا،،

[بو خليفه 123]

وانا سمعت عندهم التبشير واضح
ومش مهتمين في المواد الدينيه ابدن


في مادة التاريخ عندهم مناهج تنقسم الى تاريخ المسيح و تاريخ المسلمين

فـ المنهجين يتم تدريسهم للطلاب

و في منهج المسيح يتم تمجيدهم و ذكر ابطالهم و بطولاتهم بكل فخر على اساس انها ديانتهم و هم على علم و يقين بهذا التاريخ ..


النقطه الايجابيه في ذلك لابنائنا هو توسع دائرة العلم والمعرفه بالديانات الاخرى و مستقبلياً حتى تتكون فيهم القدره على المناقشه و المقارنه و معرفة نعمة الاسلام ..

و لكن من وجهة نظري الشخصيه لا يجب ان يتم تدريسها بهذه الطريقه .. لاني ارى بعض التعمد من المدرسين الاجانب في ترسيخ و تلصيق والاهتمام الواضح بالمنهج المسيحي اكثر من اي منهج آخر .

[بوعمير]

أذكر أنني ذهبت إلى مدرسة الشويفات للوقوف على منهجها وأسلوب الدراسة من باب العمل بشيء قبل تسجيل أبنائي وفي نهاية الامر صرفت نظر عن هذه المدرسة فهي لا تتوافق مع قيمي الاسلامية، وقمت بتسجيلهم في مدرسة خاصة أخر تهتم بالجانب الاسلامي مع الجانب العلمي والثقافي على حد السوء مع العلم أن هذه المدرسة الخاصة رسوم التسجيل بها أضعاف أضعاف رسوم مدرسة الشويفات وذلك من منطلق من ترك شيءً لله أبدلة الله خيراً منه.

موفقة أختي.

[( أكاديمية )]

من خلال معرفتي .. فهالمدرسة عظمة على عظمة .. !
بالتوفيق لعيالكم وفالهم النجاح والتفوق ..

[البنـدري]

سمعت انها مدرسه تنصيريه تبشيريه وهذا اهم من المستوى العلمي للمدرسه :)

ولكم القرار

[qtr-1234]

كل واحد فيكم يقول سمعت انها تبشيريه وسمعت انها تنصيريه

اختي انا درست فيها من صف سادس لين ثالث ثانوي

والحمدلله عارف ربي ولا مره حسيت فالمدرسه ان يحاولون تنصيرنا

وكنا نصلي في المدرسه الحمدلله ولا احد يتكلم

وندرس شرعيه ما اذكر كم حصع فالاسبوع بس حصتين او ثلاث

وبالنسبه لللتدريس صج انها تكرف كرف لكن في النهايه لمصلحه الطفل

بالنسبه لي افضل مدرستين في قطر الشويفات وقطر اكاديمي