+++ ترحيب بـ «منع» إطارات البالون وشبان يبرئونها من الحوادث ويلومون السرعة +++

[jajassim]

http://www.alarab.com.qa/admin/articles/images/1976653286_b44.jpg


«لجنة السلامة» تؤكد خطورتها


ترحيب بـ «منع» إطارات البالون وشبان يبرئونها من الحوادث ويلومون السرعة


2011-04-05

الدوحة - عمر عبد اللطيف

يؤكد أبو مبارك، من خلال خبرته مع إطارات البالون، أنها «خطرة جدا»، خاصة عندما يسرع السائق، لأنها تخل بالميزانية، ثم إنها «غير عملية ولا تمسك بالأرض عند شد الفرامل، إضافة إلى أنها لا تتحمل الحرارة وترتفع حرارتها بسرعة»، مشيرا إلى أنها تستخدم عند القيادة في الأراضي الرملية فقط، فهي لا تصلح للمسافات البعيدة، لأنها لا تستطيع أن تتحمل سوى سرعة 80 كم في الساعة.


لهذه الأسباب يرحب أبو مبارك بتوجيهات اللجنة الوطنية للسلامة المرورية، لمنع دخول إطارات البالون إلى البلاد.

حيث كان العميد محمد عبد الله المالكي أمين سر اللجنة الوطنية للسلامة المرورية، قد قال في موضوع سابق نشرته «العرب» إن وزارة الداخلية قامت مؤخراً بإشهار اللجنة الوطنية للسلامة المرورية باتخاذ سلسلة إجراءات لوضع الحلول المناسبة للحد من وقوع الحوادث المرورية، مشيرا إلى أن من بين المسببات للحوادث استخدام الإطارات غير الأصلية، أو ما يعرف بإطارات البالون، لذلك فإن من بين الإجراءات منع دخول هذا النوع من الإطارات إلى البلاد، لما يشكله من خطورة على الطريق.

ويعتقد أبو مبارك أن البالون خفيف وخطوطه طولية، لذلك السيارة تصبح أخف خاصة عند الدوران.


مع المنع

يوسف درويش يؤيد منع استيراد هذه الإطارات أيضا، لأنها «من أخطر الإطارات»، منوها إلى أن معظم دول العالم لا تسمح باستيرادها، «البالون خطير خاصة عند السرعة، فهو عندما يبنشر، ينفجر مرة واحدة، بينما الإطار العادي لا ينفجر».

وأكثر ما جعل درويش يرتاح لهذا القرار، أن الشباب لن يستطيعوا استخدامه بعد اليوم، «معظم الشباب يذهبون إلى سيلين ويقودون بسرعة على الرمال مستخدمين إطار البالون، لأنه لا يغرز في الرمال، لكنه يتسبب في غالبية الحوادث»، كما أن البالون لا يساعد السائق على كبح الفرامل جيدا، خاصة عندما يصبح عمره سنة أو سنتين، «خطوة جيدة أن يتم منعه».

كما يرى محمد سعيد أنه من الأفضل منع استيراد إطارات البالون، لأنه «خطر، ولا يثبت السيارة على الأرض بشكل جيد، ولأن أكثر من يستخدمه الشباب».



جيدة للأراضي الرملية

راشد المسلم، الذي جرب إطارات البالون أيضا، يستغرب منع هذه الإطارات، لأنها لا تشكل تلك الخطورة حسب قوله، منوها إلى أن البعض يتوجه لشرائها، لأن له مواصفات معينة، «بعض الإطارات لا تتحمل سرعة 120 كم في الساعة، أو 100 دورة في الدقيقة مثلا، كما أنه مصمم ليستحمل وزنا معينا، هنا تكمن الخطورة، خطورته بالسرعة، وبعضها ينفجر، لأنه لا يتناسب مع سرعة معينة».

كذلك يتساءل يوسف حمزة: «أين الخطورة في إطار البالون»، موضحا أن الخطر يكمن في السرعة أيا كان الإطار المستخدم في السيارة، «البالون هو الإطار الوحيد الذي يناسب الأرض الرملية، يجب أن لا يمنع استيراده»، مشيرا إلى أن المشكلة ليست في البالون، بل في قيام بعض الشركات بإعادة تصنيع الإطارات، كما أن بعض الإطارات قد تكون منتهية الصلاحية، هذا النوع يجب أن يتم منعه فقط.

ورغم رأي حمزة هذا، فإنه يؤكد أن إطار البالون غير عملي ويمكن أن يسبب الحوادث خاصة عند السرعة «في الصيف ترتفع حرارة البالون، وعند السرعة والدوران قد تقلب السيارة، لذلك يجب القيادة بسرعة لا تتجاوز 90 كم»، ومع ذلك البالون جيد للرمل والسباقات في البر.


البالون والإطار العادي

تستخدم إطارات البالون في الأراضي الرملية بشكل خاص، وتتميز بخطوطها الطويلة وسهولة سيرها على الرمال، لكنها تتآكل وترتفع درجة حرارتها بسرعة.
ورغم ذلك فهي مرغوبة من قبل الشباب، الذين يستخدمونها للبر والأراضي الرملية، فيما يستخدمها البعض الآخر للزينة أو «الكشخة»
ويبلغ سعر إطار البالون بقياس 15 بوصة، حوالي 450 ريالا، ويصل سعر الإطار بقياس 16 بوصة إلى 550 ريالا، فيما يبلغ سعر الإطار بقياس 17 بوصة 650 ريالا، وهي إندونيسية أو تايلاندية الصنع، بينما يصل سعر إطار البالون المصنوع في شركة عالمية مشهورة إلى نحو 950 ريالا، كما يوضح مدير أحد محلات بيع الإطارات لـ «العرب».

[بنت قطر202]

انشالله يمنعونها

ومشكور على الموضوع واتمنى من الشباب ينبهون

[boamir]

حرااام والله يمنعونها
المفروض يمنعون إلي تايره ناحل ويمشي فيه
اما إذا التاير جديد مافيه مشاكل وثانيا الميجر اخف من البالون من قال إنه البالون خفيف ؟!
وثالثا عن تجربه الميجر لما ينفجر يطير لك الرفرف كله ويتقطع وايد اما البالون إذا إنفجر مايتقطع وايد وحده يطير لك النسافه

والبالون اريف من الميجر ومايناقز وايد
والحوادث كلها من السرعه ولا الإطارات قديمه
والبالون حده بالكثير إذا كان اسيام واستعمال عادي يمشيك سنه واقل شي 6 شهور !
إذا امنعوه الشباب بيحولون على بريجستون وهو اخس من البالون ثقييل حده ومايمسك عدل بالشارع بس ميزته إنه مايبنجر كللش

الله يعيينا بس

[!..فيونكه..!]

انا مـــــــع منع البالون وبشــــــــــــــده

ياريت يمنعونها ويفكونا من الحوادث والسرعه

[ألعب بعيد]

لا والله ؟

شرايكم تمنعون الجيات والنياسين من دخولها قطر !؟

ههاي والله قرارات بدون اي سبب

للعلم ترا خطوتكم هذه راح تزيد الحوادث بسبة البرجستون ..

[vtc-4800]

للعلم أكثر المواتر اللي تحت 2005 فيها مشكلة في الميزانية وهاي شي طبيعي أما تقولون أن الحوادث بسبب البوالين فهاذا هراااااااء
شرايكم نرد للحمير أحسن؟؟

[vtc-4800]

حرااام والله يمنعونها
المفروض يمنعون إلي تايره ناحل ويمشي فيه
اما إذا التاير جديد مافيه مشاكل وثانيا الميجر اخف من البالون من قال إنه البالون خفيف ؟!
وثالثا عن تجربه الميجر لما ينفجر يطير لك الرفرف كله ويتقطع وايد اما البالون إذا إنفجر مايتقطع وايد وحده يطير لك النسافه

والبالون اريف من الميجر ومايناقز وايد
والحوادث كلها من السرعه ولا الإطارات قديمه
والبالون حده بالكثير إذا كان اسيام واستعمال عادي يمشيك سنه واقل شي 6 شهور !
إذا امنعوه الشباب بيحولون على بريجستون وهو اخس من البالون ثقييل حده ومايمسك عدل بالشارع بس ميزته إنه مايبنجر كللش

الله يعيينا بس
صح لسانك :victory:

[حسن]

كنت استخدمها من زمان قبل ايام الرنق 15 و16 اما الحين الرنق عندي 20 وتواير البالون الحين احس انها تجاريه بحت والصراحه هي فعلا تسبب حوادث وخصوصا اذا كنت مسرع شوي ولي جيت عند الدوارشوف الموتر يراوغ يمين ويسار صراحه مره خفت منها والحين اشوف التواير الحجريه الاصليه جدا ممتازه صراحه وذا ضربت ابريك تشوف الموتر يكع مكانه وانا الحين اويد المنع صراحه الموتر صار رفيع اكثر من الازم وخصوصا مكاين السيارات في سرعه غير عن التو اف واتمنا السلامه للجميع:victory:

[رجل الجزيرة]

من سيئات البالون بحكم خبرتي:

1- إذا بنشر عليك تقطع عليك ولا سمح الله إنقبلت وصلحت سيارتك بذيك الحكاية فلازم تشتري لك واحد جديد.
2- سريع القلبة مع اللفات.
3- غير صالح للإستعمال لجميع أنواع السيارت والدليل على ذلك ليه شركات التويوتا والنياسين والجماسي والشفرات ما حطت تواير رميلة مثل البالون فالسبب في ذلك لأن كل شركة لها تواير خاصة بكل سيارة من سياراتها وهي حطت تجارب أكثر من مرة.

وأخيرا الإخوان في إدارة المرور وإدارة المواصفات والمقاييس -- بارك الله فيكم - ما إمنوا إلا تجارب سواء كانت داخلية أو عالمية.

فلذا أنا من المؤيدين وبشدة مع منع البوالين في قطـر.

[ممنوع اللمس]

بصراحه انا قلبت بسبة البالون
وماكنت مسرع

بس ياخي والله رزه خاصه لو عطيت اللي قدام هوا 45 واللي وراه هوى 60 يا سلام

[حسن]

بصراحه انا قلبت بسبة البالون
وماكنت مسرع

بس ياخي والله رزه خاصه لو عطيت اللي قدام هوا 45 واللي وراه هوى 60 يا سلام

الرزه الي في السياره والله مهب التاير:victory:

[R 7 A L]

طيب شلون بيمنعونها

بيسوون تفتيش على الدوارات ؟

[رجل الجزيرة]

بصراحه انا قلبت بسبة البالون
وماكنت مسرع

بس ياخي والله رزه خاصه لو عطيت اللي قدام هوا 45 واللي وراه هوى 60 يا سلام

60 وأنا أقول 30 وواجد؟

[رجل الجزيرة]

تدرون ويش إلي يصلخ التاير خاصة في القيض؟

نفخ التاير أكثر من 40 والقار حار في عز القيض فقال لي واحد: يجب إنك توازن بين ضغط التاير مع حرارة الشمس في عز الحر ومن ذاك اليوم عمري ما رفعت تاير موتري أكثر من 30 سواء كان في القبض وإلا في الشتاء ومن ذلك اليوم عمري ما بنشرت موتري وأنا مسرع إلا في سنة 1987 وأنا رايح للإمارات لين الحين والحمد لله.

[حليتان*]

بخصوص يعني !!

[بوحارب]

تدرون ويش إلي يصلخ التاير خاصة في القيض؟

نفخ التاير أكثر من 40 والقار حار في عز القيض فقال لي واحد: يجب إنك توازن بين ضغط التاير مع حرارة الشمس في عز الحر ومن ذاك اليوم عمري ما رفعت تاير موتري أكثر من 30 سواء كان في القبض وإلا في الشتاء ومن ذلك اليوم عمري ما بنشرت موتري وأنا مسرع إلا في سنة 1987 وأنا رايح للإمارات لين الحين والحمد لله.

اخوي المعلومة غلط

مواترنا توايرها مب اقل من 60 ةالتاير ناحل

ولا ينصلخ ولا شي

اصلا البالون مافيه امل ينصلخ

مب مثل الميجر فيه نقشه فوق النص وينصلخ :)

[البحار00]

البالون شلون يحتر او بالاحرى يسخن وهو اصلا مافيه اسيام مثل الميجر

لان البالون مخلوط بين النايلون والخيوط


فامكانيه انه ينصلخ صعبه شوي والعكس صحيح للميجر لان فيه اسيام وتحتر بالحرارة

[دكان عباس]

الحين الموتر ما يودها شي , ولا فيه داعي للبالون

[com]

انشالله يمنعونها


مع الخيل ياشقرا

[بوالفاروق]

صحيح انه التاير ما يقبض حزات وقت البريك المفاجىء

لكن نادر نادر مانسمع انه سبب الحادث التاير .. اقصد بالحوادث المميتة

اكثر الحوادث من السرعات العالية ..

انا استخدم البالون بس مافي مجال اعدي الـ80 والـ100 في الدوحة

الزحمة والرادارات وقصر الشوارع ماتسمح

والله التاير ريف واحسن لشوارعنا والحفر والمطبات االلي في كل داعوس حاطين لنا ياها

المشكلة فئة من الناس تخرب على الفئة الثانية

الله يعين

[رجل الجزيرة]

اخوي المعلومة غلط

مواترنا توايرها مب اقل من 60 ةالتاير ناحل

ولا ينصلخ ولا شي

اصلا البالون مافيه امل ينصلخ

مب مثل الميجر فيه نقشه فوق النص وينصلخ :)

جزاك الله خير يا حبيبي يتقطع ولا ينصلخ ولكن في النهاية لازم إنك تشتري لك واحد جديد.

[BIG-VEGA]

انا مش مع او ضد

انا ضد سياسه التعامل كالاطفال



اي والله العميد الفلاني مارحب والكبتن الفلاني ايد المنع , وراجوه راعي الدكان اثنى على القرار...

وخير ياطير ....

على اي اساس بنوا القرار .... وين الاحصائيات .... شنو شهاداتهم ... شنو التجارب الي عملوها على الاطارات
العلم ماله ابد مكان ... الاعتماد على الاهواء والقيل والقال

قراراتنا (البعض منها) فلان قال وعلان انقلب وعلتان مايحب شكلهم ..... منعوهم احسن :rolleyes2:

[tawareq]

بيمنعون بيع البالون في المحلات وبيسافرون وبيركبون في الدول المجاورة وين الحل اذا ؟

مع انه برع ارخص .

[انتر ميلان]

قرار فاشل
وسبب الحوادث السرعة أو الاطارات المنتهية الصلاحية

بس اذا البالون جديد مافيه أي مشكلة ..

[Xx QATARI xX]

قرار عجيب الصراحة ،، على مر هالسنين محد تكلم عن هالتواير
لكن هذي السنة 2011 عجيبه غريبه ههههه بنشوف فيها العجب

التاير الوحيد الآمن وبدون منازع البالــــــون ،، يوصلك المكان اللي تبيه
وعقب يبنجر
( الله يذكرك بالخير يالبالون )

[ممنوع اللمس]

لا والله حلاته ورى 45 وقدام 60
مع بوليش بحريني وامورك فالسيفتي خ خ خخ

[BIG-VEGA]

لا والله حلاته ورى 45 وقدام 60
مع بوليش بحريني وامورك فالسيفتي خ خ خخ

لوسمحت لاتنسى الاريل :)

[tawareq]

لوسمحت لاتنسى الاريل :)

وشاي كرك :nice:

[ممنوع اللمس]

لازم اريل نوكيا خبرك الصيخ كل ما نركبه ينسرق :(
لا لا مافي كرك
افوكادو من مندرين وامورك فالسيفتي

[wad3an]

اذا كانوا يبحثون مسببات الحوادث !! فالتواير مثلها مثل اي سلعة تستخدم سواء في الخير او الشر

مثلا راعي البر بيركبها لانها اريف طبعا !! مهب مكسر عمره وموتره بالمياجر

المقانيص وارضنا كلها حزوم ماتصلح لها الا ( وانقرض ) او بالون واكثر مستخدمينه يفضلونه تيوبلس عشان يرقع البنشر بنفسه

اما انها تسبب حوادث فالاشياء وايدة

منها سرعة ومنها عدم الانتباه !! حفر الشوارع او تحويلات غلط !!

لكن هذه اداه تستخدم سواء للاستعمال المعقول او حد يركبها للاستعراض وللشل

السؤال الموجه للجماعة !! اذا كان هنك شيء يسبب حوادث واخطر من التواير لانه يختص بالساءق وليس بالمركبة !! هل ممكن يسوون حملات ودراسات ؟؟؟

ماظن لانه شيء معروف ومايحتاج للشرح

اذا الخرجي او الناس اللي سوت دراسات صج همهم من الحوادث وخوف منهم على البلاد والمواطن

اقولهم الخمر والسكر والعياذ بالله اخطر من البالون اللي احتشروا عليه ولا هنلك خلاف عليه !!

رووني همتكم ياللي ثرتوا على سبة تاير ؟؟واذا كفوا يرمس حد منكم فيه او يطالب بمنعه

هذا شيء يذهب عقل السائق سواء مركب بالون مركب احسن تاير يسوق احسن موتر !! حتى وهو على سيكل بيسوي حادث !!

وينكم اللي محتشرين على سبة تاير ؟؟

وسامحوني على الاطالة

[ذيب ازغوى]

ركب وطنش تعشش

[سهم نيشان]

المشكلة مب في البوالين
المشكلة في الي يسرع فوق 120 وهو مركب بوالين
التوازن يقل والبريك يضعف

[khaleeji]

اولآ اؤكد و على مسؤوليتي الخاصة بان اللجنه ليس لها ناقه ولا جمل في مجال التواير

لان حالة شوارعنا التعبانه ما يصلح لها الا تاير نوع off road يتحمل الحفر والمطبات

الاخ جاسم بصفتك رجل قريب من ادارة المرور ان ما خاب ظني اذا ركبت مياجر و انشق التاير بسبب حفره في الشارع هل فيه جهة معينه تتحمل المسؤوليه وبتعوضني لان الي سمعته ان المرور والا شغال كلن بيطرشني للثاني لين اتعوذ من ابليس وانسى موضوع التعويض ,,,,,,

اليس من الاجدر ان يكون هذا الامر ضمن دراسة هذه اللجنه الموقره ,,,,,, والا الي يهمهم هو اصدار قوانين جديده ومشدده على الناس كما تعودنا ولكن التطبيق سيك قيدك كما في الصناعيه واماكن اخرى ما تشوف المرور فيها

بالنسبه للاخ رجل الجزيره ذكر ان البالون يتقطع عند البنشر . اسمح لي فكل من يستخدم البالون يعلم بان هذا الكلام خطأ

وعيبها الوحيد من خلال تجربتي لها ل15 سنه تقريبآ ان نسبه الزحف عند التوقف المفاجئ اكثر بقليل من التواير العاديه

[wad3an]

وينه اللي قريب من المرور او في المرور !! ليه مايرد على التعليقات

[khaleeji]

يرفع للأخ جاسم

[HAMAD9030]

حبيت اشارك معاكم في هالموضووع اللي ضايقني بخصوص منع البالووووون
لاني بصراحه اشوووووف ناس وايد يعلقون مايعرفون ولا يفهمون شي عن التااير
يــــاجمعة الخير انا جربته اكثر من 12سنه
ولاعمري تضررت من هالتاير مع استخدااااماتي سواء كان فالبر والبر ولا داخل الدووحه
واللي يقووووول انه مب زين بصراحه ماعرف يستخدمه
وبعدين 70% من اهل قطر اهل بر وبحر (مقناص -ولاراعي عزبه - ولاكشات)
وبخصوص اللي يقوووول انه يسبب حوادث (ياخـــي مافي شي يحدك على السرعه)
وغير انه لووووكنت مسرع وامركب اي تاير ثاني سرعتك هي اللي اتسبب الضرر
اللحين اهل المقناص في قطر مايركبووون الا هالنوعين تاير البريجستوون والبالووون لانها افضل انواع
والبريجستوووون مش متوفر فالسوووق ولو توفر الكمية محجوزة وانا واحد من اللي يعانون من هالمشكلة
وبعد يبووون يوقفون البالوووون
بتكون مشكله
البر وكله شبووووك
وبالـــــون وكنسله حبيبنا الخرجي
اقول اللي يبي يقنص يقنص مشي
ولا انكسل (تراث شيبــــانا)
واسمحووولي :weeping:

[محمد]

الكل يتكلم في وادي وهدف المنع في وادي

كلنا ندري انه زين حق البر وحق الرمله

لكن

عمركم شفتوا جي منقلب وكان مسرع الا وغالبا ٩٠٪ عليه بوالين !

الموتر وهو يمشي ١٤٠ و فوق وضع خطورته اي اكثر بالبالون او اي تاير ثاني ؟

هذا مربط الفرس يتكلمون البعض وكان ماعمرهم طافوا ١٠٠ واغلبهم تشبك في الجير ومسابق ويجون اهني يقولون قرار ظالم !

[OREO]

من وجهة نظري قرار صائب و الحمدلله تم منع النوعيه هذه من التواير ،،،

[الشمالي111]

من وجهة نظري قرار صائب و الحمدلله تم منع النوعيه هذه من التواير ،،،


ممكن تشرح لنا وجهة نظرك

[بومحمد المطاوعه]

أنا ماعندي مشكله بالون ولا مياجر

كله واحد أنا مع القانون وليس ضد القانون

وجزاكم الله خير

[OREO]

ممكن تشرح لنا وجهة نظرك

من عيوني حبيبي ،، و كوني كنت استخدم البالون اكثر من 21 سنه راح اوضح وجهة نظري و تجربتي للنوعية هذه من التواير ان شاءالله ،،،

راح اذكر على هيئة نقاط من ايجابيات و سلبيات اللي كنا نواجها سواء انا شخصيا او غيري يوم ايام الطيش ،،،

الايجابيات هذه بنظرة فئة كبيره من الشباب ،،

1- البالون يطوي على الخط اكثر من الميجر ( طبعاً للمسابق )...
2- انفخ البالون 60 و رز الموتر فوق (لزوم الكشخة )...
3- طيح الهوى 15 و اقتصد بترول و انت رايح العديد ( لزوم توفير البترول لان بدون دبل )...
4- البالون اخف من الميجر في رمال سيلين و خاصه على البطن و التطير من خلف البطن ( لزوم الوناسه و استعراض العضلات )...
5- انفخ هوى البالون 60 و اكسر السكان على سرعة 60 و ما تشوف الا الموتر متنبه فوق و خفيف و الكنترول فيه سهل ( لزول الشيل على تايرين )...
6- البالون انفخه 60 و استعرض و شوف اعطبته وين واصله ^^ واصله السما ^^ و طبعا عكس المياجر ( لزوم الاستعراض )..
7- و الخ ،،،،،،،،،


السلبيات اللي أددت بحيات اكثر شباب قطر الله يرحمهم ..
1- المسافه مابين قار الشارع و الرنج في تواير البالون اكبر من مسافه تواير الميجر ،،، و هذه من الاسباب الرئيسية في عدم توازن السياره وقت البنشر و انقلابها و طبعاً هذا عكس الميجر اللي مسافتها اقل و التحكم فيه اكبر و خاصه وقت السرعه ...
2- شبابنا الله يحفظهم نوعين :-
- نوع يفضل البالون بدون تيوب .. و هذا لزوم السباق لان اخف و ما يبنشر بشرعه لكن عيبه ان ما ياخذ راحته في التنسيم و ما يقدر يستعرض في سبخة سيلين و العديد و يكون محروم تقريبا من ضرب طعس الديحه و اللعب في الحقنه .. ( الله يهديكم مثل ما هداني )..
- نوع يفضل البالون مع التيوب .. و هذا لزوم التطعيس و اللعبه في سيلين و السبب بأن اذا نسمنا الهوى لين 15 في احتمال كبير البالون يفسخ من الرنج و النتيجته تكون قلبه محترمه ،،،
3- البالون ما ياخذله 6 شهور الا متنحل ،،
4- فئه كبيره من مستخدمين البالون هم الشباب في عمر العشرين و اوقات تتأزم عندهم تبديل التواير بعد مضي 6 شهورر تقريبا ،، لان الحاله الماديه تكون تعبانه عند البعض ،،، و طبعا النتيجه اذا كنا في وقت الشتاء او بالاصح اذا ارضية الشارع مبلله راح نشوف انواع التسلب في الشارع ،، و اذا كنا في الصيف راح نشوف بعد انواع التسلب لان ارضية الشارع حاره و البالون مهب قادر يقاوم ،،، طبعا عكس الميجر اللي مفلطح ع الارض ،،،
5- عند سرعه 60 او 110 ،، راح نلاحظ رقلة في السكان و طبعا الرودات تروح مع الايام و الشي هذا مهب سيفتي و لحد يقول ميزانيه و مهب ميزانيه ،، لان حتى بعد الميزانيه راح نحس بالرقله و مع الايام بدل الرقله تكون رقصه ،،، و هذا طبعا بخلاف الميجر اللي ما تشوف منه الا كل خير ،،،
6- اذا السرعه كانت فوق الــ 120 و فجأة زخيت بريك ما توعى الا الموتر ماخذ يوش اما يمين او يسار و الشي هذا سبب من اسباب قلبات الشباب و وفاتهم ،،،
7- اذا السرعه كانت فوق الــ 120 و فجأة مسكت بريك ،، يبيله عمر لين الموتر يستجوب مع السايق و هذا عكس طبعا صديقنا الميجر ،،،
8- و الخ ......


النقاط هذه ما ذكرتها الا لاني كنت واحد من مدمنين البالون و الــ 16 و عارف محاسن و مساوء البالون ،،،

ليجيني واحد يقول اذا انت كنت تسرع و تستعرض و راعي سيلين و عديد ولكن مهب كل الناس مثلك ،،، صح كلامك اخوي ،، لكن لا تنسى الراكد و العاقل مع تواير البالون هم فئه قليله للاسف و الضحايا من اخواننا كانوا كثار الله يرحمهم ،،،

فلذا برايي قرار جرئ و صحيح بدر من وزارة الداخليه ليس كرها في شباباً ،، بل حباً فيهم والله و خوفهم علينا و على عيالنا ،،،

ربي يهديكم مثل ما هداني ان شاءالله ،،،

[بومحمد المطاوعه]

ركب وطنش تعشش

محد يقدر يطنش لقرار الداخلين

لازم نمشي على القانون ولا نخالف النص القانوني

ردك يالطيب ماعجبني

جزاك الله خير*

[بومحمد المطاوعه]

من عيوني حبيبي ،، و كوني كنت استخدم البالون اكثر من 21 سنه راح اوضح وجهة نظري و تجربتي للنوعية هذه من التواير ان شاءالله ،،،

راح اذكر على هيئة نقاط من ايجابيات و سلبيات اللي كنا نواجها سواء انا شخصيا او غيري يوم ايام الطيش ،،،

الايجابيات هذه بنظرة فئة كبيره من الشباب ،،

1- البالون يطوي على الخط اكثر من الميجر ( طبعاً للمسابق )...
2- انفخ البالون 60 و رز الموتر فوق (لزوم الكشخة )...
3- طيح الهوى 15 و اقتصد بترول و انت رايح العديد ( لزوم توفير البترول لان بدون دبل )...
4- البالون اخف من الميجر في رمال سيلين و خاصه على البطن و التطير من خلف البطن ( لزوم الوناسه و استعراض العضلات )...
5- انفخ هوى البالون 60 و اكسر السكان على سرعة 60 و ما تشوف الا الموتر متنبه فوق و خفيف و الكنترول فيه سهل ( لزول الشيل على تايرين )...
6- البالون انفخه 60 و استعرض و شوف اعطبته وين واصله ^^ واصله السما ^^ و طبعا عكس المياجر ( لزوم الاستعراض )..
7- و الخ ،،،،،،،،،


السلبيات اللي أددت بحيات اكثر شباب قطر الله يرحمهم ..
1- المسافه مابين قار الشارع و الرنج في تواير البالون اكبر من مسافه تواير الميجر ،،، و هذه من الاسباب الرئيسية في عدم توازن السياره وقت البنشر و انقلابها و طبعاً هذا عكس الميجر اللي مسافتها اقل و التحكم فيه اكبر و خاصه وقت السرعه ...
2- شبابنا الله يحفظهم نوعين :-
- نوع يفضل البالون بدون تيوب .. و هذا لزوم السباق لان اخف و ما يبنشر بشرعه لكن عيبه ان ما ياخذ راحته في التنسيم و ما يقدر يستعرض في سبخة سيلين و العديد و يكون محروم تقريبا من ضرب طعس الديحه و اللعب في الحقنه .. ( الله يهديكم مثل ما هداني )..
- نوع يفضل البالون مع التيوب .. و هذا لزوم التطعيس و اللعبه في سيلين و السبب بأن اذا نسمنا الهوى لين 15 في احتمال كبير البالون يفسخ من الرنج و النتيجته تكون قلبه محترمه ،،،
3- البالون ما ياخذله 6 شهور الا متنحل ،،
4- فئه كبيره من مستخدمين البالون هم الشباب في عمر العشرين و اوقات تتأزم عندهم تبديل التواير بعد مضي 6 شهورر تقريبا ،، لان الحاله الماديه تكون تعبانه عند البعض ،،، و طبعا النتيجه اذا كنا في وقت الشتاء او بالاصح اذا ارضية الشارع مبلله راح نشوف انواع التسلب في الشارع ،، و اذا كنا في الصيف راح نشوف بعد انواع التسلب لان ارضية الشارع حاره و البالون مهب قادر يقاوم ،،، طبعا عكس الميجر اللي مفلطح ع الارض ،،،
5- عند سرعه 60 او 110 ،، راح نلاحظ رقلة في السكان و طبعا الرودات تروح مع الايام و الشي هذا مهب سيفتي و لحد يقول ميزانيه و مهب ميزانيه ،، لان حتى بعد الميزانيه راح نحس بالرقله و مع الايام بدل الرقله تكون رقصه ،،، و هذا طبعا بخلاف الميجر اللي ما تشوف منه الا كل خير ،،،
6- اذا السرعه كانت فوق الــ 120 و فجأة زخيت بريك ما توعى الا الموتر ماخذ يوش اما يمين او يسار و الشي هذا سبب من اسباب قلبات الشباب و وفاتهم ،،،
7- اذا السرعه كانت فوق الــ 120 و فجأة مسكت بريك ،، يبيله عمر لين الموتر يستجوب مع السايق و هذا عكس طبعا صديقنا الميجر ،،،
8- و الخ ......


النقاط هذه ما ذكرتها الا لاني كنت واحد من مدمنين البالون و الــ 16 و عارف محاسن و مساوء البالون ،،،

ليجيني واحد يقول اذا انت كنت تسرع و تستعرض و راعي سيلين و عديد ولكن مهب كل الناس مثلك ،،، صح كلامك اخوي ،، لكن لا تنسى الراكد و العاقل مع تواير البالون هم فئه قليله للاسف و الضحايا من اخواننا كانوا كثار الله يرحمهم ،،،

فلذا برايي قرار جرئ و صحيح بدر من وزارة الداخليه ليس كرها في شباباً ،، بل حباً فيهم والله و خوفهم علينا و على عيالنا ،،،

ربي يهديكم مثل ما هداني ان شاءالله ،،،



ماشاءالله ماخليت لنا شي

جزاك الله خير كل بند احسن من الثاني

بارك الله فيك

والله بثبتك على الطاعه

[..er..]

اذا منعوها فزين وحبه الله

مع ان الشباب ماراح يقصرون بياخذونها من الامارات والسعوديه واتحدى احد يردهم
بيطلع يوم الخميس العصر العشاء يتمشى بالدوحه مركب بيلون

اما اذا هي تسبب حوادث . فـ الله لايهين الشباب يضرب هواء التاير 60 لا وفوق هذا كله ناحل ويجيك يمشي 13000 ويصير اللي يصير

واذا منعوها مثل ماقلت بيروح ويركب عادي واذا ماركب عادي يركب شواهين ولا يركب مياجر ونفس الموال الحادث صاير صاير .. يعني هذا بـ امر الله سبحانه ومحد بيعترض ..

اذا صدق يبون يقللون من الحوادث يتجهون لـ السرعه ويشوفون لها حل ويتجهون لـ سيلين ويشوفون لها حل
اما يجيك واحد بطران وموتره اقل تقدير سعره مليون ومايركب عليه بيلون ويمنع البيلون فـ هذا غير مقبول ابد
لان ثلاث ارباع هل قطر يطلعون لـ البر ويسافرون ولهم حلال في قطر وبرى قطر
يعني الواحد يمنع شي بالعقل والمشوره والتفكير
مهب منا والطريق ويجيك يقول ممنوع ..

شركه الجزيره اللي تبيع تواير جيتهم وركبت عندهم 5 توآير .. ويعلمني المدير يقول متوهقين
عندنا 3000 تاير ماندري شنسوي فيهم واخر مهله اعتقد 15\9
وعلى طاري البنشر وان البيلون ينصلخ .. انا مسافر وماشي تقريبآ 160 وماسك خط طويل بنشر علي بيلون
وماصار شي بالموتر ولـ الله الحمد ..

والمره الثانيه مع واحد من الربع طالعين من سيلن وموتره ميآجر وانصلخ وطير خاله ام جدة الرفرف وتكلف تصليح الموتر 8000 ؟

وين المشكله الحين ؟