شريت بيت جديد ولكن

[alfahad1]

السلام عليكم ورحمة الله

اخواني اللي عنده خبره في المقاولات

شريت بيت جديد وتوني مأجره وصار للبيت من يوم ما شريته خمس شهور

المستأجر قاعد يشتكي في شغلات يبيلها تغيير في البيت .... الخ

السؤال : بعد شراء البيت الجديد هل المالك السابق مسؤول عن تصليحات البيت

والمشكله ان اللي شريت منه البيت هو راعي شركة المقاولات (مقيم)

شكرا

[شموخ دائم]

,

,



مرحبا

ما يهم عند منو شريت البيت مقيم او قطري او انجليزي
المهم هو القانون المنظم في البلد
القانون يعطيك ضمان للبيت على كل شي فيه اول 400 يوم
تقريبا سنه وزياده
من كهرباء وبيب فيتر وخلافه
وهناك ضمان يعطيك اياه القانون
على الاشياء الكبيره في البيت من خرسانات وتشققات اذا كانت كبيره وعيوب تاثر على سلامه الناس فيه
وعندك 7 سنوات ضمان ( العازل ) من المفترض ان المالك السابق اعطاك ضمان العازل
بطاقه او ورقه مكتوبه من شركه العوازل الي عملت البيت
وخرائط البيت كامله + رخصه البناء + اتمام بناء + اوراق الكهرباء
هذا من الضروري تكون معاك الاوراق
وتغير اسم المالك في ( كهرماء ) الى اسمك

ملاحظه

البيت الجديد عاده اول ما نسكن فيه ويشتغل كل شي بالكهرباء من مكيفات وخلافه
تطلع بعض المشاكل الخفيفه فيوز يضرب او خلل ما في الاحمال الكهربائيه
او مشاكل في البيب فيتر
او مشاكل في الابواب يحصل تمدد
وهذي عاده يصلحها الشركه الي ركبتها
الابواب نجيب نفس المنجره تصلح الشغل
الكهرباء نجيب نفس الكهربائي يصلح شغله
البيب فيتر نجيب نفس الشخص الي ركب
هذي امور متوقعه تحصل في المنزل الجديد

اتمنى يكون في تعاون بينك وبينهم بتدخل من المالك السابق
يساعدك في هذا الامور

,

,

اخوك


شموخ دائم

[بوحارب]

وعليكم السلام والرحمه

اخوي انا شريت فيلا من فترة وكان فيها خلل في البيبات وكان يتسرب الماي من الطوف

واللي باني الفيلا هو نفسة المقاول

كلمته بالمشكلة وجاني ثاني يوم مع عماله وصلحوا لي المشكلة بدون مادفع اي ريال

وقالي اي مشكلة في البيت انا حاظر

نصيحة بما ان اللي شريت منه الفيلا هو نفسة المقاول كلمة ولا تتردد قبل لاتزيد المشكلة

والله يوفقك :)

[alfahad1]

الف الف شكر اخوي شموخ دائم

وانا يابوحارب ما كتبت الموضوع الا لان كان بيني وبينه خلاف

[Moe.Z]

الصراحه معلومه جدا مهمه .. جزاك الله الف خير اخوي شموخ دائم ....

بس بغيت اعرف هل القانون مكتوب ووين ممكن احصله .. ولا هو معروف مافي داعي اجيب له اثباتات ؟؟

تحياتي

[شموخ دائم]

,

,


مرحبا

الله يعطيكم العافيه

هذي الامور متعارف عليها في المحاكم ويعرفها كل مقاول يعرف ان عليه التزامات ما بعد البيع 400 يوم

وهذا مطبق بكل مشاريع الدوله تحجز الحكومه مبلغ ما تعطيه المقاول الا بعد مرور

الـ 400 يوم فتره الضمان ونفس الشي على الفلل الخاصه والعمارات

ومثال اخوي بو حارب خير دليل والي اشترى منه شخص جيد قد المسئوليه
ومن المفترض يكون التاجر او المقاول شخص يتحمل مسئولياته
وما يتهرب من صيانه او مشكله بالبيت

الرسول صلى الله عليه وسلم يقول

المؤمن سمح اذا باع سمح اذا اشتري

اذا المقاول ربح في بيع الفيلا 200 الف مثلا
شنو المشكله يعمل الصيانه ب 5 الاف او 10 الاف !!

والناس تذكره بالخير وتحب تتعامل معاه دائما وتنصح فيه

التاجر ما عنده بعد الله سبحانه وتعالى غير ( سمعته )

,

,


اخوك


شموخ دائم