إلا متى التهور أيها الشباب ألا تتعضون . . .دعوه للنقاش

[سوق واقف]

نظرا لكثرة الحوادث والوفيات بين الشباب هذه الأيام والأيام السابقة أحببت أن أكتب بعض السطور .. ولقد رأيت أحد المواضيع هذه الأيام تتكلم عن ( صاحب الموضوع يريد ممارسة هوايته ويريد موافقة الداخليه بتزويد سيارته ) ونظرا للكثير من الأعضاء الذي شاهدوا الموضوع ولم يردو لعدة أسباب ومنها ما هو التزويد.
تعريف التزويد: هو أضافة بعض القطع للسيارة لزيادة سرعتها بشكل جنوني .. أذا كان كلامي خطأ فليصحح لي أحد

http://img104.herosh.com/2011/04/06/297330326.jpg (http://www.herosh.com)
هل هذه المطالبة هي مطالبة صحيحه وتريد الموافقة عليها يا صاحب الموضوع وتريد ممارسة هوايتك في الشوارع غريب الطلب
أخي ألم ترى حوادث السيارات من قبل وكيف حال الوفيات وهم محشورين داخل السيارة وكيف الدفاع المدني تتدخل وتطقع السيارة بالمنشار وتطقع السيارة قطعة قطعه لإخراج الشخص وذلك لسرعه الزائدة وقوه الصدمة ...لا أتوقع أنك لم تشاهد حادث في حياتك .. أخي العزيز ألم ترى هوايات غير هذه الهواية الخطرة ... أذا كنت تحب هواية السيارات السريعه ..لماذا لا تشارك في نادي الدراق ريس لا أعتقد أنه سوف يتم رفضك أخي بل باالعكس سوف يتم تسجيلك وتدريبك حتى تتطور معهم . . . أما أنك تريد ممارسة الهواية في الشارع فهذا خطأ أخي بارك الله فيك . . .وأرجوا أن لا تأخذ كلامي أنني أتكلم عنك أنت فقط لا والله بالعكس أنا أوجه كلامي لكل الشباب ألا تتعضون من الحوادث ... أصدقاء لنا رحلوا بسبب الحوادث والسرعه ألا تشفق على أولادك أذا كنت متزوجا
ألا تشفق على والدك ووالدتك .... أخواني هذا الكلام لجميع الشباب وليس صاحب الموضوع لا والله وليس بيني وبين صاحب الموضوع ثأر بالعكس أخ في هذا الصرح وأحترمه ولكن نحن اليوم في الدنيا وغدا تحت التراب وأنا لم أكتب لكي يتكلم عني ويقولون موضوع جميل وطرح ممتاز لا والله مجرد نصيحه ....أخواني الشباب إلا متى إلا متى ...أريد سبب وواحد فقط للسرعه . . .والله أنا عن نفسي أنا الصبح أطلع من البيت الساعه ست الصبح وأمشي على راحتي لين أوصل . . .وطول الخط خايف . . . والله العظيم أول أمس سيارتين يتسابقون وراي شايفهم وما فتحت حق الي وراي خوفا من أنه الثاني يدعمني تميت على سرعتي لين خفف الي على يميني عقب خذت يمين والله أحرقوا الهرانة علي . . . أبي أعرف أشلون أفتح طريق حق شخص يسابق والصبح والزحمه يعني أطير وكنت خايف أخذ يمين يمكن الثاني يدعمني . . .والله أدري أنهم يوم يأشرون لي أشفيك ويسبون بس مافي حلول كانت معاي خوفا من أي واحد فيهم يدعمني . . . أتمنى تركيب كاميرات في الشوراع الخارجية ورصد الشباب الي يتسابقون والله الواحد صج يخاف على نفسه بس أوقات الواحد يكون مع اليهال أو أهله . . .والشيء الأخطر أوقات الشباب الي يسابقون يجيك واحد يلزق في الصدام الخلفي ويكون موتر على يميني أشلون أفتح له الطريق صعب لازم أسرع شوي عقب أخذ يمين واذا كان الرادار الثابت قريب ما تقدر تفتح له الا بعد الرادار والله شيء محزن . .الله يهدي شبابنا . . .
والأن سوف يتم شرح بعض الأمور والتي تم تحريمها أيضا من الكثير من العلماء . . .
تزويد السيارة بقطع تزيد سرعه السيارة

. .
المصدر : إسلام أون لاين.نت
موضوع فتوى : تجاوز سرعة السيارة وقطع إشارات المرور

سؤال : ما حكم الذي يسير بالسيارة تزيد عن مائة وعشرين كيلو متراً في الساعة أو يقطع الإشارة فيحصل بسبب ذلك حادث فيموت هو أو يموت شخص آخر معه في سيارة أخرى. وهل يجوز قطع الإشارة إذا كان لا يوجد في الجهات الأخرى سيارات أخذا بالقاعدة بالأصولية الحكم يدور مع علته. أفيدونا وفقكم الله؟الجواب


بسم الله ، والحمد لله، والصلاة والسلام على رسول الله ، وبعد: تجاوز السرعة المحددة ، أو قطع إشارة المرور لا يجوز، لأن فيها مخالفة لولي الأمر فيما فيه مصلحة للمسلمين. يقول الشيخ ابن عثيمين من علماء السعودية – رحمه الله : أما مسألة السرعة، فالسرعة لا يمكن أن نحددها بحد معين لأن ذلك يختلف، هناك فرق بين خط عام سريع وخط خاص، ولا يمكن ضبطها، ثم إن السيارة نفسها تختلف، فبعض السيارات إذا زادت فيها على مائة وعشرين تكون مخاطراً، وبعض السيارات تكون أوسع من هذا، فلكل مقام له مقال. أما إن كانت السرعة محددة من قبل الجهات المتخصصة، فيجب التقيد بذلك حسب الإمكان. أما بالنسبة لقطع الإشارة: فأرى أنه لا يجوز قطع الإشارة، لأن الله تعالى قال: (يا أيها الذين آمنوا أطيعوا الله وأطيعوا الرسول وأولى الأمر منكم) وولاة الأمر إذا وضعوا علامات تقول للإنسان قف، وعلامات تقول للإنسان سر، فهذه الإشارات بمنزلة القول، يعني كأن ولي الأمر يقول لك: قف أو يقول لك: قف أو يقول: سر، وولي الأمر واجب الطاعة، ولا فرق بين أن يكون الخطوط الأخرى خالية أو فيها من يحتاج إلى أن يفتح له الخط، لأنني أنا سألت المدير العام للمرور هنا بالمملكة العربية السعودية، وقال: إن هذه الإشارات ليست للتنظيم ولكنها للإيقاف والحجز، وإذا كان كذلك فهذا لا ينطبق عليه ما أشار إليه السائل في قوله: الحكم يدور مع علة وجوده أو عدمه، لأن هذا أمر بالإيقاف وليس المعنى قف إن كانت الأخرى مشغولة، بل المعنى قف نهائياً، وعلى هذا فلا يجوز للإنسان أن يتجاوز، ثم إنه قد يرى الإنسان أن الخطوط الأخرى غير مشغولة، فإذا بإنسان أتى مسرعاً ليتدارك الإشارة التي ترخص له بالسير، فيحصل الحادث كما وقع هذا بالفعل، لذلك نرى أن الواجب الوقوف والمسألة والحمد لله لا تعدو ثلاث دقائق ثم ينفتح الخط . والله أعلم

والأن سنستعرض بعض الحوادث بعضها في قطر وبعضها في دول الخليج ونريد آرائكم لكي نجد حل لهذه المشكلة :_
- http://img103.herosh.com/2011/04/06/520695301.jpg (http://www.herosh.com)

-http://img105.herosh.com/2011/04/06/538521853.jpg (http://www.herosh.com)

- http://img102.herosh.com/2011/04/06/246891591.jpg (http://www.herosh.com)

- http://img102.herosh.com/2011/04/06/961329747.jpg (http://www.herosh.com)


- http://img104.herosh.com/2011/04/06/662381077.jpg[/url


- http://img101.herosh.com/2011/04/06/852685288.jpg (http://www.herosh.com)


- http://img104.herosh.com/2011/04/06/940918237.jpg (http://www.herosh.com)


- http://img105.herosh.com/2011/04/06/963337995.jpg (http://www.herosh.com)


- http://img102.herosh.com/2011/04/06/479952965.jpg (http://www.herosh.com)


كل خميس أو جمعه نسمع عن وفيات في سيلين وغيرها لماذا كل أسبوع ...إلا متى نريد وضع حلول ... والشيء الآخر

أيها الشباب ألا ترون أنه تركيب الدبات وأزعاج الناس بأصواتها شيء يؤلم الكثيرين الناس مثلا واحد طالع ويا زوجته وفي طفل في حضن الزوجه في السيارة وأن تمر بسيارتك ومرب دبة صوت ..هل تعرف أنه الطفل مسكين يتخرع من الصوت ويبكي ويمكن ما ينام الليل لأنه يكون متخرع .. . . .

نريد معرفة هل هذا الصوت لا يزعجك أخي الشاب وما هو الفائدة من تركيب دبة الصوت أو الهيدرز في السيارة . . .

ومن باب آخر أيها الشاب ألا ترى عندما تشتري سيارة بمبلغ وقدره ومن ثم تأتي وتضع هذه الزيادة وتخريب السيارة الجديدة التي أشتريتها من مالك الذي تعبت عليها أنها من باب الصرف . .


ومن باب آخر الكثير منا يتذمر عن الحفر الموجودة في الشوراع ويقول أنها كسرت سياراتنا وغيرها . . . أذا ماذا تقول من يخرب الشوراع الريسية في البلد في الكورنيش وغيرها من الأماكن الجميلة كشارع الجامعه أو الطرق الجديدة وحتى الأنفاق الجديدة للأسف في المسيرات الخاصة بالأعراس والأستعراض على هذه الشوارع الجديدة والجميلة وتشويه المنظر العام للشارع . . .ألم تفكر أنه الدولة تصرف المليارات على هذه الشوارع وانت تأتي وتخربها وتشوه منظرها في يوم واحد . .

والغريب في الأمر يقولون الأجانب هم الي في حلبة الصناعية فقط وهم الذين يسيطرون على الحلبة . . .أخي أنا لم أذهب الى هناك ولكن سألت والكل يقول أنه كل الي يشاركون شباب قطرين ..

أيها الشاب أتمنى أن نجد هوايات جميلة غير هذه الهواية تريد المشاركة في الراليات شارك أخوي والأندية مفتوحه للجميع وتقدر تركب مكينة طيارة على سيارتك بعد محد راح يقولكم شيء بس تكون خارج الشوارع الرئيسية .

مهما كان الأنسان غنيا ولديه الأموال الطائلة لكي يشتري سيارات جديدة ومن ثم يذهب بها الى سيلين ويخربها في يومين ويستعرض بها أو ينقلب فيها أليس هذا محرم . . .

الكثير من الشباب وليس الكل لا يحس بنعمة السيارة والسبب لأنه والده أو والدته هو أو هي التي أو الذي أشتروا له السيارة وليس من ماله لهذه السبب لا يحس بالمسؤولية ويفعل بالسيارة ما يريد . . .

[url]http://www.************/watch?v=FmExcCknrvE&feature=related
والله العظيم لم أكتب هذا الكلام لكي يرد علي الأعضاء أنه الموضوع جميل ولا من باب زيادة عدد مشاركاتي والحمد الله وربي شاهد على كلامي ولكن كتبت لأنه قلبي محترق على ربعنا الي ماتوا في حوادث . . .وربي يوفقكم في حياتكم وتلقون أمور ثانية تشغلون نفسكم فيها إما أمور علمية أو دينية أو غيرها من الأمور المفيدة . . .وجزاكم الله خير
________________________________________

الصورة منقولة من النت للعلم فقط . . .

[آبن السبيل]

بسم الله

أخي الكريم أقولها وبكل حرقه وصراحه ,,,, ما دام الشباب وغيرهم على مستواهم المتدني جداً في العلم بالله وضرورة الحفاظ على ما وهبهم الله من أرواح وأجساد وعقول وأفئده فلن يكون هناك خلاص أو فكاك من هذه المسئله الشائكه .

قال تعالى ( الذين قالوا ربنا الله ثم استقاموا ) وقال تعالى ( واقصد في مشيك )
وقال تعالى ( ومن يؤمن بالله يهدي قلبه )
وقال تعالى ( من عمل صالحاً من ذكر أو إنثى وهو مؤمن فلنحيينه حياة طيبه )

والنبي صلى الله عليه وسلم يقول ( عجب ربك من شاب ليست له صبوة )
ولكن

ولكن بالإيمان والإيمان وحده بشقيه العلمي والعملي ومدى تعلق الشاب والشابه بهما تتحقق الحياة الطيبه للإنسان في الدنيا والأخره

والشاعر قديماً قال :

إن الشباب والفراغ والجده مفسدة للمرء أي مفسده

والله نسئل أن يلهمنا رشدنا ويزيدنا إيمانناً ويقينناً وعلماً في إمور ديننا ودنيانا

[قطر 88]

بسم الله

أخي الكريم أقولها وبكل حرقه وصراحه ,,,, ما دام الشباب وغيرهم على مستواهم المتدني جداً في العلم بالله وضرورة الحفاظ على ما وهبهم الله من أرواح وأجساد وعقول وأفئده فلن يكون هناك خلاص أو فكاك من هذه المسئله الشائكه .

قال تعالى ( الذين قالوا ربنا الله ثم استقاموا ) وقال تعالى ( واقصد في مشيك )
وقال تعالى ( ومن يؤمن بالله يهدي قلبه )
وقال تعالى ( من عمل صالحاً من ذكر أو إنثى وهو مؤمن فلنحيينه حياة طيبه )

والنبي صلى الله عليه وسلم يقول ( عجب ربك من شاب ليست له صبوة )
ولكن

ولكن بالإيمان والإيمان وحده بشقيه العلمي والعملي ومدى تعلق الشاب والشابه بهما تتحقق الحياة الطيبه للإنسان في الدنيا والأخره

والشاعر قديماً قال :

إن الشباب والفراغ والجده مفسدة للمرء أي مفسده

والله نسئل أن يلهمنا رشدنا ويزيدنا إيمانناً ويقينناً وعلماً في إمور ديننا ودنيانا



ماآآقصرت كفيييت ووفيت .. ولكن السبب الرئيسي اللي اغلب الشباب يطرونه " هواية " ووفراغ "" ووين نروح "" ؟

يعني الاعذار الواهية الدايمة مازالت مسموعهـ ع السان كل شـآآب .. لكن وقت الفراغ ماكان موجود لتضيييعه في شي ماله معنى ولآ فايييدة .. لك ولغيييرك .

يـآآرب الشباب كلهم يتعضون ، ويحفظ ربي الجمييييع من كل شر

[بوخالد911]

عن نفسي
غاسل يدي من الشباب المستهتر

ولا في أمل يعتدلوون

:(

[R 7 A L]

موضوع قيم
ولي عودة لانة يحتاج الى الرجوع لة كثير

بارك الله فيك

[boamir]

والله يالغالي لو الشباب لين بكره تقول لهم لاتسوون جي مب زيين وتحط لهم كل مقاطع الحوادث والصور مافي فايده لأنه هالشي في دمهم
الحل إنهم يسهلون لهم المشاركة في السباقات وحلبات الإستعراض
مثل لوسيل وحلبة الصناعيه لأنها ماتفتح واايد
ويشوفون لهم حلول ثانيه عشان يفرغون طاقاتهم فيها وتكون في حدود السيفتي يركبون حدايد امان ويلبسون الخوذه وكل شي

لو تروح الكويت والإمارات شوف السباقات والحلبات إلي تصير عندهم والحمد لله عندنا بس مثل ماقلت مايفتحونها وايد

[Rider]

اخوي سوق واقف مافيه كلام بعد كلامك فعلا هذا واقع للاسف مؤلم نراه من استهتار هؤلاء الشباب الظاهر يفكرون الرجولة تتلخص في السرعة والسباقات والاستعراض

[المتحدث الرسمي]

بارك الله فيك اخوي سوق واقف

الصراحه شنقدر نقول غير الله يهديهم

الناس والمرور تعبو وهم ينصحون

[تحداني]

سبحان الله ..لا يتعلم الإنسان إلا إذا إبتلى .. وسيظل يضع ملايين التبريرات لنفسه
لانه في قناعه ذاته على حق
.. للموت وللعجز رهبه ..

الله يهدي الشباب يارب .. ويخفف من ولعهم الزايد بهذه الهوايه
الي كثير ما يقف أمامها السائل ما المتعه فيها ؟؟ ..ولا نجد لها إجابه سوى تحدي الإنسان مع لغه الحديد من أجل الموت .. أو الفرار من الموت



الله يحفظكم يارب

وجملكم الله برضى الرحمن

[ام ريان]

الواحد يزعل لما يشوف حال الشباب اللي كذا
والمشكله الواحد مايتعلم من اول مره او من تجارب غيره لازم تصيبه مصيبه او عاهة دائمه بعدها يتعلم"اعرف شخص كذا"

الله يهدييهم

[هبوب الكوس]

في هذي الامور يا الله يهدي ويعقل او يعتبر من موقف

مثلي انا على ايام الربشه كله سباق وسرعة

صديق لي عمل حادث على خط الشمال وتوفي الله يرحمه من ذيك الساعة الله هداني

طبعاً على ايام الصبا والشنب توه خاط :nice:

الله يهديهم ان شاء الله

[تحداني]

صاروا إخوانا أو حتى إبهاتنا ومن يعزون علينا
إن إتصلنا فيهم وما ردوا على الإتصال تروح خيالاتنا لأماكن بعيده وأولها الى الحوادث والطريق
.. متعب هالإحساس وايد .. وتعيش بقلق يومي وتقول يارب يردون البيت إبسلامه
وعسى الله يطول بعمارهم .. ولا نشوف لحظه حزن فيهم .. وكل شي بيد الرحمن

[intesar]

الله يهديهم شبابنا مستهتر
عندك هواية حول .. غيرها دور عن هواية تفيد فيها مجتمعك .. بدل هواية قتل النفس ..

نبي نشوف عندنا كتاب ومخترعين ومثقفين ومكتشفين .. مو مفحطين وميتين..
نبي نرفع راسنا فوق .. مو ندسه خجل

دمتم بود ..

[freespirit]

والأن سنستعرض بعض الحوادث بعضها في قطر وبعضها في دول الخليج ونريد آرائكم لكي نجد حل لهذه المشكلة :_
- http://img103.herosh.com/2011/04/06/520695301.jpg (http://www.herosh.com)

الموتر صافي .. شدخل التيربو؟

-http://img105.herosh.com/2011/04/06/538521853.jpg (http://www.herosh.com)

ماحط شي في ذمتي في هالموتر

- http://img102.herosh.com/2011/04/06/246891591.jpg (http://www.herosh.com)

النيسان بترول كربيتر مايركب عليه تيربو... والجي جديد محد يزوده تزويد قاتل


- http://img102.herosh.com/2011/04/06/961329747.jpg (http://www.herosh.com)


برادو ... موتر بيت ... شدخل الشباب؟


- http://img104.herosh.com/2011/04/06/662381077.jpg[/url


كابرس ينطل فالسعوديه .. حركه يحتقرونها شباب قطر اصلا


- [url=http://www.herosh.com]http://img101.herosh.com/2011/04/06/852685288.jpg (http://www.herosh.com)

يالله الموتر خذ جنب؟ اكيد انه من التيربو .. مب من السواق اللي يستعرض فالصبخه!


- http://img104.herosh.com/2011/04/06/940918237.jpg (http://www.herosh.com)


المواتر التيربو مالهم طالع من البانه شوفوهم ... يالله من التيربو مسوي سوالف


- http://img105.herosh.com/2011/04/06/963337995.jpg (http://www.herosh.com)


شوفو الجي الجديد .. التيربو قلبه :( يا خساره الفلوس فالتيربو :(



ياناس كلمو العاقل بما يعقل.... امنعو البلاك بيري لانه فيه ناس يستخدمونه استخدام سيئ؟

امنعو السيارات ... مب اقدر امشي وادعم فيها؟

امنعو السكاكين .. مب ممكن اطعن فيها واحد ؟

امنعو الغتره .. مب ممكن واحد يلفها على راسي واختنق ؟

امنعو العبايه .. ترى سبب للاحتباس الحراري !!!!!!!!

وشرايكم تمنعون شباب قطر من قطر؟

ايه كل ما الشباب يلقون لهم هوايه تنطون لهم ... وعقب فاتحين لي موضوع شيسوووون جدااااام اللنننننند مااااااارك !!!!

مادري لازم نروح نخترع صواريخ؟

مادري شباب امريكا واليابان كلهم مخترعين ؟

لو كل الناس مخترعين ما كان سوو جائزه نوبل لتكريم واحد من مليار شخص !!!! مليار شخص فيهم واحد يستاهل الجائزه ...

الحين فاتحين حلبه الوسيل عشان منو ؟ عشان الاجانب يجون يسابقون فيها وياخذون الجائزه مره فالسنه ؟ مب عيب علينا كل دول العالم تلقى بطل الدوله يفوز في حلبته واحنا نحارب بدايات الرياضه فالشباب .. وعقب نقول ليش خسرنا؟


ياخي اعتنو فالشباب مثل الناس وعقب تشرهو عليهم :)

الله يلعن التيربو !!!!!

[سوق واقف]

والأن سنستعرض بعض الحوادث بعضها في قطر وبعضها في دول الخليج ونريد آرائكم لكي نجد حل لهذه المشكلة :_
- http://img103.herosh.com/2011/04/06/520695301.jpg (http://www.herosh.com)

الموتر صافي .. شدخل التيربو؟

-http://img105.herosh.com/2011/04/06/538521853.jpg (http://www.herosh.com)

ماحط شي في ذمتي في هالموتر

- http://img102.herosh.com/2011/04/06/246891591.jpg (http://www.herosh.com)

النيسان بترول كربيتر مايركب عليه تيربو... والجي جديد محد يزوده تزويد قاتل


- http://img102.herosh.com/2011/04/06/961329747.jpg (http://www.herosh.com)


برادو ... موتر بيت ... شدخل الشباب؟


- http://img104.herosh.com/2011/04/06/662381077.jpg[/url


كابرس ينطل فالسعوديه .. حركه يحتقرونها شباب قطر اصلا


- [url=http://www.herosh.com]http://img101.herosh.com/2011/04/06/852685288.jpg (http://www.herosh.com)

يالله الموتر خذ جنب؟ اكيد انه من التيربو .. مب من السواق اللي يستعرض فالصبخه!


- http://img104.herosh.com/2011/04/06/940918237.jpg (http://www.herosh.com)


المواتر التيربو مالهم طالع من البانه شوفوهم ... يالله من التيربو مسوي سوالف


- http://img105.herosh.com/2011/04/06/963337995.jpg (http://www.herosh.com)


شوفو الجي الجديد .. التيربو قلبه :( يا خساره الفلوس فالتيربو :(



ياناس كلمو العاقل بما يعقل.... امنعو البلاك بيري لانه فيه ناس يستخدمونه استخدام سيئ؟

امنعو السيارات ... مب اقدر امشي وادعم فيها؟

امنعو السكاكين .. مب ممكن اطعن فيها واحد ؟

امنعو الغتره .. مب ممكن واحد يلفها على راسي واختنق ؟

امنعو العبايه .. ترى سبب للاحتباس الحراري !!!!!!!!

وشرايكم تمنعون شباب قطر من قطر؟

ايه كل ما الشباب يلقون لهم هوايه تنطون لهم ... وعقب فاتحين لي موضوع شيسوووون جدااااام اللنننننند مااااااارك !!!!

مادري لازم نروح نخترع صواريخ؟

مادري شباب امريكا واليابان كلهم مخترعين ؟

لو كل الناس مخترعين ما كان سوو جائزه نوبل لتكريم واحد من مليار شخص !!!! مليار شخص فيهم واحد يستاهل الجائزه ...

الحين فاتحين حلبه الوسيل عشان منو ؟ عشان الاجانب يجون يسابقون فيها وياخذون الجائزه مره فالسنه ؟ مب عيب علينا كل دول العالم تلقى بطل الدوله يفوز في حلبته واحنا نحارب بدايات الرياضه فالشباب .. وعقب نقول ليش خسرنا؟


ياخي اعتنو فالشباب مثل الناس وعقب تشرهو عليهم :)

الله يلعن التيربو !!!!!

أخي العزيز أنا اتكلم عن التهور بشكل عام ومب التيربو بس . . .جزاك الله خير وجهة نظرك وأحترمها أقرى قصيدة شاب

×?°قصيدة كتبها شاب بعد حادث سيارة ×?°



قصيدة كتبها شاب صار له حادث سيارة

ووالدته كانت معاه وكان مسرعا

نتيجة هذا الحادث الوالدة توفت نتيجة الإصابات الخطيرة

وهو إصابته كانت خفيفة وهذي الأبيات قالها للي يواسونه



يواسيني وانا الميت وحالي يجبر الدمعات
تسيل من الذي فيني ويبكي وهو يواسيني


وانا ابكي واتنهد وارسم بالحزن لوحات
يجبروني عشان امشي ورجلي ما تمشيني


قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني



وكنه حلم قدامي يقيدني من الصرخات
ابي اصحى ولكني عجزت القى الي يصحيني


فداك القلب يايمه ومهما قلت من كلمات
صغيره في كبر حقك بس اتمنى تعذريني


نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني


تجول عيونهم فيني تفصل مني قياسات
وتشيح وجوههم عني وكني غيرت ديني


يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني


نقص قدري بعد موتك وغابت نشوة اللذات
وصار الهم عكازي اباكيه ويباكيني



عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني


يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني


يايمه ما تحملهم يقولوا فات ما قد مات
تعالي غيري هالقول واطيعك باقي سنيني


واترك عادة التدخين وانفذ ما تبي بسكات
واصلي الفجر في المسجد قبل منتي تصحيني


يايمه ارجعي تكفين وطفي شمعة الآهات
ابيك انتي ولا غيرك على موتك تعزيني


وضميني وداويني مثل ما كانت الهقوات
ما ابي احدن يواسيني ابيك انتي تواسيني


دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

[تحداني]

ياخي اعتنو فالشباب مثل الناس وعقب تشرهو عليهم :)

الله يلعن التيربو !!!!!




ممكن تجاوبني الله يرضى عليك وإعتبرني شخص جاهل ويحتاج نصيحتك
وخذني على قد عقلي للآخر .. ومانبي نقنع أحد بس نبي نوصل للي في خاطرك
ونبيك تسمع الي في خاطرنا


إيش المتعه في هالهوايه ؟؟ وهل تعتقد انكم تمارسونها بطريقه صحيحه ؟؟
وليه معظم من يمارس هالهوايه بعد ما يبتلي يقول ليتني ما حبيتها ولا فكرت فيها ؟؟
ليه الندم هو اقرب إحساس يراود شخص اليوم خسر اشياء كثيره مقابل هالهوايه


ومافي مانع نسمعك وتسمعنا


جملك الله برضى الرحمن

[العقل الحر]

موضوع جميل

وانا شخصيا كنت من فئه المزودين واسوق بسرعات عاليه جدا ... وسباق والعديد وكل شي ..

ولكن تخليت عنها ليس تماما بل 90 % ... مازلت اسرع ولكن مع رقله في الرجل :(

واغناني عنها الكتب وحب المطالعه والقراءة والبرامج الوثائقيه ... اخذت اكثر وقت فراغي

والعمر له دور ايضا ... وصلنا الثلاثين بضبط لا حد يزايد من عنده :shy:


وانا لست ضد هذي الرياضه مع علمي بخطورتها ... ويوجد من يتبناها في جميع الدول الى عندنا للاسف يعتقدون انها تساوي الموت فقط ... ونعم نسبتها كبيره في الوفيات ولكن هي سبب من الاسباب وليست السبب الوحيد .. لذا لا نضع اللوم عليها وحدها ... وانما نلتفت لها ونضع الحلول لها ... مثل تنظيمها في مسابقات متكرره وليست سنويه لتفرغ طاقات الشباب ... ويوجد الكثير من الحلول اذا وضعوا لجنه لذلك

[freespirit]

ممكن تجاوبني الله يرضى عليك وإعتبرني شخص جاهل ويحتاج نصيحتك
وخذني على قد عقلي للآخر .. ومانبي نقنع أحد بس نبي نوصل للي في خاطرك
ونبيك تسمع الي في خاطرنا


إيش المتعه في هالهوايه ؟؟ وهل تعتقد انكم تمارسونها بطريقه صحيحه ؟؟
وليه معظم من يمارس هالهوايه بعد ما يبتلي يقول ليتني ما حبيتها ولا فكرت فيها ؟؟
ليه الندم هو اقرب إحساس يراود شخص اليوم خسر اشياء كثيره مقابل هالهوايه


ومافي مانع نسمعك وتسمعنا


جملك الله برضى الرحمن

جزاك الله خير على اسلوبك المحترم .. للعلم الرد اللي فوق حق الناس اللي ماتعرف تقرا , ولا كل شخص يتكلم بأسلوب محترم ويبي يتفاهم احطه على عيني وراسي

الحين حق اسألتك .. من اداب الحوار اني ما ارد سؤالك بسؤال .. بس وش الفايده من هوايه جمع الطوابع ؟ ولا من هوايه الرسم؟

هوايه مثل غيرها من الهوايات الانسان ممكن يتعلق في شي انت تشوف انه ماله وجهه نظر .. لكن هو يشوف انه له وجهه نظر

اختلاف الرأي لا يفسد للود قضيه, لكن المزعج فالموضوع معامله السلطات بطريقه "الخير يخص والشر يعم", ومعامله الجاهلين بالموضوع كأن الشباب قالبين شوارع الدوحه رالي ..!

هوايه سباقات السيارات والسرعه خرجت من عندنا سواقين منهم الشيخ خالد بن حمد ,, وناصر العطيه .. والكثير من المهارات القطريه ...

للعلم دول اوروبا كلها تعرف فنلندا بمهاره السواقه .. والسلطات اعتنت بالموضوع وجهزت بطولات محليه رمزيه وقوانينها سهله وما تكلف شي وللحين تخرج سائقين ماهرين فالراليات والفورملا ..

ممكن انت تقول لي شنو سبب الاعتناء الفائق بكوره القدم في قطر .. مع ان معظم الجمهور القطري ما يشاهد الا مباريات ربع النهائي وطالع ؟ ليش التكاليف الباهظه والميزانيات الخياليه لرياضه كثير من شباب قطر مب هاويها .... وفي نفس الوقت نص شباب قطر يهوون السيارات واللي ناخذه مخالفات خياليه وحجز حلالنا ... عشان ايش؟ عشان كم واحد مات؟

انا ولد عمي مات فحادث سرعه ... وسيارته كانت لكزس 460... السياره مب مزوده ولا شي بس لو الشخص يبي يسرع بيسرع ولو في باص مدرسه .. صحيح هالمنطق ولالا؟

الحين نجي حق سؤالك الثاني ..... الندم

محمد بن سليم ندمان انه ساق في الراليات ؟

ناصر العطيه ندمان ؟

سريع الهاجري ندمان ؟ << هالشخص بداياته سباقات شوارع .. والحين عضو في فريق العنابي, ومشاء الله عليه مبيض ويه قطر في تحديات الامارات كل ما يروح يفوز :)

الندم من المساكين حلاتي وحلات شباب قطر ... لانهم ما لقو اللي ينمي موهبتهم .. راحت حياتهم كلها واقفين قدام مكتب الخرجي عشان يطيحون مخالفاتهم واخر شي شافو انهم ضيعو سنينهم بدون فايده ... لو هالرياضات تلقى لها تنميه ... ما بتشوف الندم :).


اتمنى رديت على سؤالك اخوي ويا مرحبا

[تحداني]

ردك يا اخوي على العين والراس واحترم كل كلمه قلتها
وكل الأمثله الي ضربتها أمثله صحيحه وواقعيه .. "والموت حق " أنا عارفه يا أخوي
بس سؤال ثاني ممكن تتقبله مني وبعدها راح أرد على كل النقاط

هل كل من يمارسون هذه الهوايه يمارسونها بالطريقه الصحيحه ؟؟
هل يمارسونها عن معرفه بخطورتها وحجم الحمايه والوقايه من الاضرار ؟؟
هل يعرفون أبعاد هذه الهوايه ؟؟
هل يملكون مؤهلات تطويرها ؟؟
هل لديهم بيئه يستطيعون صقلها ؟؟

هذه الهوايه تحتاج للكثير لكي تصل لمرحله الإبداع والتمرس والتمكن
والأمثله التي ضربتها لا يمكن أن يمارسوا هذه الهوايه بالطريقه التي نراها في الشوارع والطرقات .. ومن ضربت فيهم أمثله صقلوها بالملايين في حلبات كانت بعيده عن قطر وحدودها



جاوبني وبعدها نكمل الكلام
تراني مازلت آخذ وأعطي معاك .. مع احترامي لكل ما كتبته
وما ألوم دفاعك عن هوايتك لأنك تحبها


جملك الله برضى الرحمن

[freespirit]

ردك يا اخوي على العين والراس واحترم كل كلمه قلتها
وكل الأمثله الي ضربتها أمثله صحيحه وواقعيه .. "والموت حق " أنا عارفه يا أخوي
بس سؤال ثاني ممكن تتقبله مني وبعدها راح أرد على كل النقاط

هل كل من يمارسون هذه الهوايه يمارسونها بالطريقه الصحيحه ؟؟
هل يمارسونها عن معرفه بخطورتها وحجم الحمايه والوقايه من الاضرار ؟؟
هل يعرفون أبعاد هذه الهوايه ؟؟
هل يملكون مؤهلات تطويرها ؟؟
هل لديهم بيئه يستطيعون صقلها ؟؟

هذه الهوايه تحتاج للكثير لكي تصل لمرحله الإبداع والتمرس والتمكن
والأمثله التي ضربتها لا يمكن أن يمارسوا هذه الهوايه بالطريقه التي نراها في الشوارع والطرقات .. ومن ضربت فيهم أمثله صقلوها بالملايين في حلبات كانت بعيده عن قطر وحدودها



جاوبني وبعدها نكمل الكلام
تراني مازلت آخذ وأعطي معاك .. مع احترامي لكل ما كتبته
وما ألوم دفاعك عن هوايتك لأنك تحبها


جملك الله برضى الرحمن

اخوي في فنلندا فيه سباق اسبوعي يسوونه يوم الاحد ... اشتر لك موتر ب 1000 يورو .. وحط عليه رول كيج ... ودش فالسباق ...

وفي نهايه السباق يجوز اي متسابق كان وياك يطالب يبادلك بالسياره ! ... عشان ما يجي واحد ويشتري سياره بمليون ويدش وياهم ....


شوفو شكثر السيايير المحذفه فالصناعيه ... ليش ما يسوون هالمشروع ؟ 5000 ريال تشتري بها موتر وامورك تمام لين نهايه السنه !

السالفه ما يبي لها ميزانيه وراس مال وملايين ... يعني تبي تقول لي لو انا العطيه .. ولا خالد بن حمد .. يجوز اني اطور موهبتي .. بس لو مواطن على قد حالي خلاص مايحتاج لانها خطره ويمكن اموت؟


للعلم .. معظم الناس الجادين بخصوص هالهوايه يوم يتسابقون يروحون في مكان خالي ... سابقا صوب حلبه الوسيل فالليل ... ويستابقون وما حولهم احد ... ما يضر الناس ويسوي هوايته دام الدوله ما وفرت له طريقه يفضي فيها طاقاته ...

انت تتكلم عن ناس جاهلين .. هذولا ما يفرق وياهم الموتر اللي تحتهم مزود ولا باص كروه .. بيسرع بيسرع .. بيزاحم بيزاحم .. خلاص المخ فيه غبار داخل عبالهم الشارع حق الوالد .... هذولا انتو الحين تحكمون على الناس الفاهمين بسبه كم جاهل ...


انت سمعت في نظريه التطور صح ؟ وفي الاختيار الطبيعي ؟ ... اشوف من مصلحه قطر هالاغبياء يموتون عشان مايخربون نسلنا فالمستقبل. . اليي يبي يذبح نفسه يروح يذبح نفسه مب يخلف عيال يبلشنا فيهم :)

الثلاث اسأله الاخيره عندك انا اردها عليك .. واقول لك ولصاحب الموضوع .. دامكم تشتكون شوفو حل.

الحل مب فالمخالفات ... مخالفه قطع الاشاره 6000 ريال .. والمرور يسجل 200 حاله يوميا .. ولو مب مصدقين روحو اصدار الشهر الماضي من مجله الشرطه

الحل مب فالعقاب .. القوانين وضعت لكي تكسر .. تجي واحد ياهل تقول له لا تحط صبعك على الفرن عبالك بيقول انشاء الله ؟ بيقول لا انا ابي اجرب .. الانسان كله طبعه جي

شوفو بديل .. ولو الشباب اعترضو لكم الحق تحكرونهم ..

نشوفكم بكره :)

[الهاجري 2]

بخصوص شلون ندري ان هالمواتر المدعومه مزوده
يعني برادو مسويه حادث حسسني ان راعيها مركب عليها هدرز وفلتر

[QATAR-2006]

عندك احصائيات بان اغلب الحوادث بسسب تزويد السيارة..؟
اشوف لو تتكلم عن عيوب الشوارع وضيقها وسوؤ التصميم في المداخل والمخارج بيكون افضل :anger1:

[نــــظــــره]

صاروا إخوانا أو حتى إبهاتنا ومن يعزون علينا
إن إتصلنا فيهم وما ردوا على الإتصال تروح خيالاتنا لأماكن بعيده وأولها الى الحوادث والطريق
.. متعب هالإحساس وايد .. وتعيش بقلق يومي وتقول يارب يردون البيت إبسلامه
وعسى الله يطول بعمارهم .. ولا نشوف لحظه حزن فيهم .. وكل شي بيد الرحمن


والنعم بالله سبحانه وتعالى
اختي تحداني الزمن سؤالي هل نحن معشر النساء
اخوات امهات بنات عمات خالات الخ
نقدر نسوي شي عل الاقل تخف الحوادث

والله ياريت بيدنا شي نقدر نسويه"

اخوي سوق واقف موضوعك
كله ذكريات حزينه:(

الله يعين الي فقد غالي ومر على الموضوع:weeping:

[بومحمد911]

الله يهديهم الشباب

ما ادري متى بيعقلون

[Navigator 85]

بيض الله وجهك

اخوي freespirit

طلعت كل اللي في خاطري

اذا تبغون الشباب وصج تهتمون لهم وتحبونهم

تفتحون لهم حلبات الدراق والوسيل وتفتحون كم حلبة جديدة طول السنة وهذي موهبة وهواية

وكفاية فريق العنابي كسر راس الامريكان في بطولات الدراق ريس في امريكا

ليش للان في دعم مادي لهم تخيلوا لو فتحوا الفرصة للكل راح نشوف ابطال

[فتى الجود]

لاحول ولاقوة الا بالله

والله موضوع خطيير

وصور مؤلمة

[jeep-srt8]

لان الشباب مولاقية مكان تطلع الي في داخلها وخصوصاً من الي نشوفه برا مثل الامارات ياكثر الحلبات فيها

نبي حلبة وتكون دايماً مفتوحة ولها قوانين ومواتر التزويد ماتشتغل الا هناك حسستوني وين بنسكر العداد فيا لدوحة على الكرنيش مثلاً ..؟؟! وبعدين ماهي سالفة تزويد يعني ابي اسرع واموت خلق الله لالا

ممكن اعجاب بصوت او قومة من الصفر لل100 اشياء جداً طبيعية والسرعة اشوف الفترة الاخيرة ولله الحمد خفت كثييييييييييير عن زمان

[freespirit]

بيض الله وجهك

اخوي freespirit

طلعت كل اللي في خاطري

اذا تبغون الشباب وصج تهتمون لهم وتحبونهم

تفتحون لهم حلبات الدراق والوسيل وتفتحون كم حلبة جديدة طول السنة وهذي موهبة وهواية

وكفاية فريق العنابي كسر راس الامريكان في بطولات الدراق ريس في امريكا

ليش للان في دعم مادي لهم تخيلوا لو فتحوا الفرصة للكل راح نشوف ابطال

ياخي سياسه الدوله ويا هالموضوع غلط في غلط

يجيبون لك واحد مادري من وين جاي ويحطونه رئيس فخري حق جمعيه للشباب ... بيبعم فلوس جعلها سم على كبده .. وما بيسوي شي

ياخي احنا لين نفتك من سالفه المظاهر وشوفوني انا شسوي .. ويصير عندنا تقدير داخلي اني انا استانس يوم اسوي شغلي .. بتشوف هالمشكله انحلت

شوف المرور .. حاطين لي عضو متابع للمنتديات واستفسارات الشباب .. عشان يرد عليهم .. وكل ما يسألونه سؤال يقول هذي اوامر من فوق ... زين اجل ليش جايبينك انت؟ بس عشان شوفونا ندخل ونتناقش مع الشباب؟ وربي ماتشوف له نقاش واحد هالعضو .. اللهم رد فالبدايه .. وعقب شرده .. وعقب تمويه .. وعقب انسى الموضوع يله نروح موضوع ثاني "نناقش الشباب "

شوف الجمعيات اللي المفروض تهتم بالشباب ومواهبهم .. اولهم اللجنه الاولومبيه والاتحاد القطري للسيارات ... كلام الشباب يدش مني يطلع مني ... من سنه 1997 وانا ويا العالم احن ابي حلبه .. ويوم سوو الحلبه خلوها تفتح فالعطلات الرسميه ...!!!

ياخي قار

والله قار لو اخترب بنتقاط فيه شباب قطر بنصلحه !!! بنخرب حلبتكم مثلا؟


انا اقول لك المفروض نترك مفاتيح سياراتنا عند الدريول ... ونصير عدائين !!! كل مكان نروح له ركيض هههههههه

للعلم موتري فيكسار وكاله وفي حياتي ما زودت موتر .. :)

[boamir]

ياخي سياسه الدوله ويا هالموضوع غلط في غلط

يجيبون لك واحد مادري من وين جاي ويحطونه رئيس فخري حق جمعيه للشباب ... بيبعم فلوس جعلها سم على كبده .. وما بيسوي شي

ياخي احنا لين نفتك من سالفه المظاهر وشوفوني انا شسوي .. ويصير عندنا تقدير داخلي اني انا استانس يوم اسوي شغلي .. بتشوف هالمشكله انحلت

شوف المرور .. حاطين لي عضو متابع للمنتديات واستفسارات الشباب .. عشان يرد عليهم .. وكل ما يسألونه سؤال يقول هذي اوامر من فوق ... زين اجل ليش جايبينك انت؟ بس عشان شوفونا ندخل ونتناقش مع الشباب؟ وربي ماتشوف له نقاش واحد هالعضو .. اللهم رد فالبدايه .. وعقب شرده .. وعقب تمويه .. وعقب انسى الموضوع يله نروح موضوع ثاني "نناقش الشباب "

شوف الجمعيات اللي المفروض تهتم بالشباب ومواهبهم .. اولهم اللجنه الاولومبيه والاتحاد القطري للسيارات ... كلام الشباب يدش مني يطلع مني ... من سنه 1997 وانا ويا العالم احن ابي حلبه .. ويوم سوو الحلبه خلوها تفتح فالعطلات الرسميه ...!!!

ياخي قار

والله قار لو اخترب بنتقاط فيه شباب قطر بنصلحه !!! بنخرب حلبتكم مثلا؟


انا اقول لك المفروض نترك مفاتيح سياراتنا عند الدريول ... ونصير عدائين !!! كل مكان نروح له ركيض هههههههه

للعلم موتري فيكسار وكاله وفي حياتي ما زودت موتر .. :)

100%
:nice:

[سوق واقف]

والنعم بالله سبحانه وتعالى
اختي تحداني الزمن سؤالي هل نحن معشر النساء
اخوات امهات بنات عمات خالات الخ
نقدر نسوي شي عل الاقل تخف الحوادث

والله ياريت بيدنا شي نقدر نسويه"

اخوي سوق واقف موضوعك
كله ذكريات حزينه:(

الله يعين الي فقد غالي ومر على الموضوع:weeping:



هذا هو الواقع المر

[الصريحه]

جزيت خير
العقل نعمه

[باسكن روبنز]

السلام عليكم ،

ضد التزويد وبقووه بس شدتني هالجمله ،



( صاحب الموضوع يريد ممارسة هوايته ويريد موافقة الداخليه بتزويد سيارته )

مب شرط كل تزويد بيكون لممارسة السباقات بالشوارع؟؟ ،

خاصة مع التشديد الحلوو هاليومين من كل الجهات الأمنيه بخصوص التزويد و حتي المخفي ومهما كانت أصغر التسيبات ،:victory:

والمقصود بهالجمله ياعزيزي لحلبة الوسيل والدراغ ريس ،

بس أتوقع (جهل) كاتب هالجمله مخليه يتكيسل يروح يسأل عن الشروط برع المنتدي ،

[الخارجية]

الله يهديهم ويصلحهم ويخليهم .. والله ينجيهم من مرحلة المراهقة

[سوق واقف]

جزيت خير
العقل نعمه

وجزاك بمثله

[سوق واقف]

الله يهديهم ويصلحهم ويخليهم .. والله ينجيهم من مرحلة المراهقة

أمين يا رب العالمين وجزا الله خير على المرور

[نيساني]

والله يالغالي لو الشباب لين بكره تقول لهم لاتسوون جي مب زيين وتحط لهم كل مقاطع الحوادث والصور مافي فايده لأنه هالشي في دمهم
الحل إنهم يسهلون لهم المشاركة في السباقات وحلبات الإستعراض
مثل لوسيل وحلبة الصناعيه لأنها ماتفتح واايد
ويشوفون لهم حلول ثانيه عشان يفرغون طاقاتهم فيها وتكون في حدود السيفتي يركبون حدايد امان ويلبسون الخوذه وكل شي

لو تروح الكويت والإمارات شوف السباقات والحلبات إلي تصير عندهم والحمد لله عندنا بس مثل ماقلت مايفتحونها وايد



كفيت ووفيت ولك مني تحيه على هالصباح

وشكراً ياراعي الموضوع

[الفقير]

بسم الله الرحمن الرحيم
في البداية اقول اللهم ارحم اخي خالد عبدالرب المالكي واسكنة فسيح جنتك .
اكتب كلماتي هذة ولم يمضي على وفاة اخي وعضيدي خالد بسبب السيارات والتلغيم وان كانت العيون قد نشفت فمن اجل والدته ووالدة وزوجتة وبناته ولكنها لم تنشف من القلب بل ان القلب لايزال داميا ولم ولن يتوقف عن ذكرة الا بموته .
اناشد وزير الداخلية بأغلاق جميع المحلات والجراجات الني تقوم بعمل التلغيم وتزويد السيارات والتلاعب بمواصفاتها بل بتطبيق اقصى العقوبة على كل من يقوم بذلك فالسيارة قد صنعت بمواصفات معينة يجب عدم تغيرها او التلاعب بها لان لكل سيارة طاقة ومواصفات خاصة لايمكن تجاوزها لذا اتنمى ان يتم اتخاذ الاجراء اللزم بهذا الشان وحتى مايتعلق بحلبة الوسيل والسباقات الي فيها ما هي الفائدة الاتي تعود على الشباب منها وعلى افتراض بان هناك فائدة وهذا مستحيل فاتمنى ان يكون ذلك بسيارات معدة لذلك مصنعة لسباق خاصة وليس سيارة تم التلاعب بمواصفاتها ، وفي حالة السماح بذلك يجب ان لا يسمح بقيادة هذة السيارات بالشوارع والطرق العامة بل في حلبة السباق وان يتم توصيلها الى حلبة السباق محمولة وليس ان يتم قيادتها في الشوارع .
لا تدرون حرقة والم الفراق لا تدرون كم نعاني لا تدرون كم هي حرقتة قلوبنا علية لا تدرون ما هي حال بناته كل يوم يحاولن الاتصال على هاتف والدهم خالد ليجدونه مغلق ويتساءلن عنه يذرفن الدموع كل ليلة لا احد يشعر بما نعانيه ، كل يوم ننتظر فلا احد يصدق بانه قد رحل كل يوم ننتظر في حوش المنزل عله يدخل الان بصوته وضحكاته . أزورة في قبرة أفكر في نبش القبر عله يكون ليس خالد .... لا احد يشعر بحال من يفقد احد ساقية وا من يفقد احدى جناحية ولكن الا قول سوى لاحول ولا قوة الا بالله .
اتمنى لو يكون الامر بيدي لاغلقت جميع الجراجات واصدرت العقوبات الصارمة ومصادرة السيارة التي تم التلاعب بمواصفاتها وتلغيمها وهي غير مصنوعة من اجل السباق .لكن كلمة ياريت لا تعمر بيت

[Navigator 85]

صاحب الموضوع كاتب

إلا متى التهور أيها الشباب ألا تتعضون . . .دعوه للنقاش

ويوم الشباب يردون علية مايرد عليهم خوش نقاش

على العموم الشباب راح يمارسون السباق والاستعراض في الشارع

ان شالله الخرجي يحط في كل زنقة زنقة رادار ما راح يهتمون

الحلول موجودة بس اذا محد يبغي يساعد الشباب ويعتبرون الهواية خطيرة

ترى كل الهوايات خطرة حتى كرة القدم

[freespirit]

صاحب الموضوع كاتب

إلا متى التهور أيها الشباب ألا تتعضون . . .دعوه للنقاش

ويوم الشباب يردون علية مايرد عليهم خوش نقاش

على العموم الشباب راح يمارسون السباق والاستعراض في الشارع

ان شالله الخرجي يحط في كل زنقة زنقة رادار ما راح يهتمون

الحلول موجودة بس اذا محد يبغي يساعد الشباب ويعتبرون الهواية خطيرة

ترى كل الهوايات خطرة حتى كرة القدم

اخوي من صجك ؟ خلاص انا المواضيع اللي نفس هذي بقاطعها ... لانه لو رديت عليهم بعقلياتهم بتتعلق عضويتك ... ولو ناقشتهم بيحقرونك .. اعتبرها مواضيع فضفضه بس ...

عيل يدعون للنقاش وعقب يجيك كم واحد يقول لك الحمدلله على العقل؟ ههههههههه لو احنا الشباب اللي نقول هالكلام جان واصلنا انذار مزود, خبرك عشان يوصل بسرعه ههههههههه

[سوق واقف]

بسم الله الرحمن الرحيم
في البداية اقول اللهم ارحم اخي خالد عبدالرب المالكي واسكنة فسيح جنتك .
اكتب كلماتي هذة ولم يمضي على وفاة اخي وعضيدي خالد بسبب السيارات والتلغيم وان كانت العيون قد نشفت فمن اجل والدته ووالدة وزوجتة وبناته ولكنها لم تنشف من القلب بل ان القلب لايزال داميا ولم ولن يتوقف عن ذكرة الا بموته .
اناشد وزير الداخلية بأغلاق جميع المحلات والجراجات الني تقوم بعمل التلغيم وتزويد السيارات والتلاعب بمواصفاتها بل بتطبيق اقصى العقوبة على كل من يقوم بذلك فالسيارة قد صنعت بمواصفات معينة يجب عدم تغيرها او التلاعب بها لان لكل سيارة طاقة ومواصفات خاصة لايمكن تجاوزها لذا اتنمى ان يتم اتخاذ الاجراء اللزم بهذا الشان وحتى مايتعلق بحلبة الوسيل والسباقات الي فيها ما هي الفائدة الاتي تعود على الشباب منها وعلى افتراض بان هناك فائدة وهذا مستحيل فاتمنى ان يكون ذلك بسيارات معدة لذلك مصنعة لسباق خاصة وليس سيارة تم التلاعب بمواصفاتها ، وفي حالة السماح بذلك يجب ان لا يسمح بقيادة هذة السيارات بالشوارع والطرق العامة بل في حلبة السباق وان يتم توصيلها الى حلبة السباق محمولة وليس ان يتم قيادتها في الشوارع .
لا تدرون حرقة والم الفراق لا تدرون كم نعاني لا تدرون كم هي حرقتة قلوبنا علية لا تدرون ما هي حال بناته كل يوم يحاولن الاتصال على هاتف والدهم خالد ليجدونه مغلق ويتساءلن عنه يذرفن الدموع كل ليلة لا احد يشعر بما نعانيه ، كل يوم ننتظر فلا احد يصدق بانه قد رحل كل يوم ننتظر في حوش المنزل عله يدخل الان بصوته وضحكاته . أزورة في قبرة أفكر في نبش القبر عله يكون ليس خالد .... لا احد يشعر بحال من يفقد احد ساقية وا من يفقد احدى جناحية ولكن الا قول سوى لاحول ولا قوة الا بالله .
اتمنى لو يكون الامر بيدي لاغلقت جميع الجراجات واصدرت العقوبات الصارمة ومصادرة السيارة التي تم التلاعب بمواصفاتها وتلغيمها وهي غير مصنوعة من اجل السباق .لكن كلمة ياريت لا تعمر بيت

عظم الله أجركم

الله يرحمه برحمته يا رب ويصبركم

[سوق واقف]

صاحب الموضوع كاتب

إلا متى التهور أيها الشباب ألا تتعضون . . .دعوه للنقاش

ويوم الشباب يردون علية مايرد عليهم خوش نقاش

على العموم الشباب راح يمارسون السباق والاستعراض في الشارع

ان شالله الخرجي يحط في كل زنقة زنقة رادار ما راح يهتمون

الحلول موجودة بس اذا محد يبغي يساعد الشباب ويعتبرون الهواية خطيرة

ترى كل الهوايات خطرة حتى كرة القدم

أخوي الغالي أنت تجهر بالمعصية ..

أنا منزل موضوع ومب لازم أنا أرد أخواني وأخواتي ما قصروا وأتمنى تقرا رد العضو الفقير أخو أحد المتوفين . . . .

[!..فيونكه..!]

بسم الله الرحمن الرحيم
في البداية اقول اللهم ارحم اخي خالد عبدالرب المالكي واسكنة فسيح جنتك .
اكتب كلماتي هذة ولم يمضي على وفاة اخي وعضيدي خالد بسبب السيارات والتلغيم وان كانت العيون قد نشفت فمن اجل والدته ووالدة وزوجتة وبناته ولكنها لم تنشف من القلب بل ان القلب لايزال داميا ولم ولن يتوقف عن ذكرة الا بموته .
اناشد وزير الداخلية بأغلاق جميع المحلات والجراجات الني تقوم بعمل التلغيم وتزويد السيارات والتلاعب بمواصفاتها بل بتطبيق اقصى العقوبة على كل من يقوم بذلك فالسيارة قد صنعت بمواصفات معينة يجب عدم تغيرها او التلاعب بها لان لكل سيارة طاقة ومواصفات خاصة لايمكن تجاوزها لذا اتنمى ان يتم اتخاذ الاجراء اللزم بهذا الشان وحتى مايتعلق بحلبة الوسيل والسباقات الي فيها ما هي الفائدة الاتي تعود على الشباب منها وعلى افتراض بان هناك فائدة وهذا مستحيل فاتمنى ان يكون ذلك بسيارات معدة لذلك مصنعة لسباق خاصة وليس سيارة تم التلاعب بمواصفاتها ، وفي حالة السماح بذلك يجب ان لا يسمح بقيادة هذة السيارات بالشوارع والطرق العامة بل في حلبة السباق وان يتم توصيلها الى حلبة السباق محمولة وليس ان يتم قيادتها في الشوارع .
لا تدرون حرقة والم الفراق لا تدرون كم نعاني لا تدرون كم هي حرقتة قلوبنا علية لا تدرون ما هي حال بناته كل يوم يحاولن الاتصال على هاتف والدهم خالد ليجدونه مغلق ويتساءلن عنه يذرفن الدموع كل ليلة لا احد يشعر بما نعانيه ، كل يوم ننتظر فلا احد يصدق بانه قد رحل كل يوم ننتظر في حوش المنزل عله يدخل الان بصوته وضحكاته . أزورة في قبرة أفكر في نبش القبر عله يكون ليس خالد .... لا احد يشعر بحال من يفقد احد ساقية وا من يفقد احدى جناحية ولكن الا قول سوى لاحول ولا قوة الا بالله .
اتمنى لو يكون الامر بيدي لاغلقت جميع الجراجات واصدرت العقوبات الصارمة ومصادرة السيارة التي تم التلاعب بمواصفاتها وتلغيمها وهي غير مصنوعة من اجل السباق .لكن كلمة ياريت لا تعمر بيت


لا اله الا الله :weeping:

الله يرحم اخوك ويغمد روحـه الجنـه يا اخـوي

عورت قلوبنـا واللــه

الا تتعضون يا شباب ؟؟ :anger1:

[بنت^البحرين1]

الله يرحم خالد المالكي برحمته الواسعه

ذكرتوني بفيديو مؤلم قديم وقبل فتره راويته ولد اختي توه محصل الليسن اقوله شوف من السرعه شصار فالصبي .. كان الصبي يحتضر خلاص والشباب حوله يقطع القلب .. لكن !
ضحك وقالي خالتي ذي فيديو قديم عادي عادي في أخس من جذي هو مايعرف يخمس بالسيارة !!


الله يهدي الشباب ان شاءالله وربي يحفظهم لاهاليهم ولا يحرمهم اعيالهم يارب

اخوي سوق واقف يعطيك العافية

[Navigator 85]

أخوي الغالي أنت تجهر بالمعصية ..

أنا منزل موضوع ومب لازم أنا أرد أخواني وأخواتي ما قصروا وأتمنى تقرا رد العضو الفقير أخو أحد المتوفين . . . .

يا اخوي اي معصية انا ذكرت لك لو في اماكن وحلبات

الحوادث راح تقل وانت تقول معصية الله يهديك

انا قرأت رد اخونا الفقير اذا هو اخوه توفى مانقول غير الله يرحمة

وانا من سنة 2003 كل فترة اخو من اخواني الشباب يتوفى تتوقع اني فرحان

انا يوم اتكلم واقول نبغي حلبات ليش علشان الحوداث تقل والدليل شوف الدول الاجنبية

وعندك الامارات

و وزارة الداخلية يوم حطوا في كل شارع رادار هل نسبة الحوادث قلت قبل وضع الرادر

وبعده الجواب لا والحوادث زادت

الرادار ماراح يتحكم بالشباب

وحتى موضوع التزويد ترى احنا نزود في الامارات والبحرين لان ارخص

لان الكاراجات اللي عندنا محدودة ومستغلين هاذا الشئ

اتمنى انك تدخلون موقع قطر سبيد وتناقشونهم وتشوفون شنو يبغون

طلبنا شئ بسيط حلبة تكون مفتوحة طول السنة وحتى الدراق ريس

وترى الشباب اخوانكم وعيالكم ساعدوهم ولا توقفون ضدهم وتعاندونهم لان العناد

ماراح يجيب اي نتيجة والسموحة منكم

[سوق واقف]

يا اخوي اي معصية انا ذكرت لك لو في اماكن وحلبات

الحوادث راح تقل وانت تقول معصية الله يهديك

انا قرأت رد اخونا الفقير اذا هو اخوه توفى مانقول غير الله يرحمة

وانا من سنة 2003 كل فترة اخو من اخواني الشباب يتوفى تتوقع اني فرحان

انا يوم اتكلم واقول نبغي حلبات ليش علشان الحوداث تقل والدليل شوف الدول الاجنبية

وعندك الامارات

و وزارة الداخلية يوم حطوا في كل شارع رادار هل نسبة الحوادث قلت قبل وضع الرادر

وبعده الجواب لا والحوادث زادت

الرادار ماراح يتحكم بالشباب

وحتى موضوع التزويد ترى احنا نزود في الامارات والبحرين لان ارخص

لان الكاراجات اللي عندنا محدودة ومستغلين هاذا الشئ

اتمنى انك تدخلون موقع قطر سبيد وتناقشونهم وتشوفون شنو يبغون

طلبنا شئ بسيط حلبة تكون مفتوحة طول السنة وحتى الدراق ريس

وترى الشباب اخوانكم وعيالكم ساعدوهم ولا توقفون ضدهم وتعاندونهم لان العناد

ماراح يجيب اي نتيجة والسموحة منكم

ممكن تعطيني فائدة واحده فقط لهذه الهواية ؟

[boamir]

ممكن تعطيني فائدة واحده فقط لهذه الهواية ؟

اخوي هذي تعتبر رياضه ولها جماهير وناسها

دول العالم كلها تعتبر هالشي رياضه وتسوي حلبات حق السباقات والتحدي
حتى اليابان إلي دوم يمدحونها بالمواضيع وانهم مافي مثلهم عندهم حلبات ويصنعون سيارات فقط حق السباقات ومن اشد عشاقين السيارات

وشبابنا بعد يحبون هالشي هم مب غير عن بقية العالم ولهم حق يحبون ويمارسون هوايتهم
شوف اكبر مثال عندنا ناصر العطيه بطل الراليات روح قول له عطني فايدة وحدة من سباقاتك بالراليات
بيرد عليك وبيقول لك إنها رياضه ونفس الكلام إلي قلته لك

عشان جي بدل ما يمنعون كل شي ويسكرون عالشباب المفروض يعطونهم حلول ثانيه وفيها امان اكثر
وفي نفس الوقت يطورونهم ويصيرون متسابقين عالمين ويرفعون إسم قطر في مشاركاتهم عالميا

[نيساني]

اخوي هذي تعتبر رياضه ولها جماهير وناسها

دول العالم كلها تعتبر هالشي رياضه وتسوي حلبات حق السباقات والتحدي
حتى اليابان إلي دوم يمدحونها بالمواضيع وانهم مافي مثلهم عندهم حلبات ويصنعون سيارات فقط حق السباقات ومن اشد عشاقين السيارات

وشبابنا بعد يحبون هالشي هم مب غير عن بقية العالم ولهم حق يحبون ويمارسون هوايتهم
شوف اكبر مثال عندنا ناصر العطيه بطل الراليات روح قول له عطني فايدة وحدة من سباقاتك بالراليات
بيرد عليك وبيقول لك إنها رياضه ونفس الكلام إلي قلته لك



عشان جي بدل ما يمنعون كل شي ويسكرون عالشباب المفروض يعطونهم حلول ثانيه وفيها امان اكثر
وفي نفس الوقت يطورونهم ويصيرون متسابقين عالمين ويرفعون إسم قطر في مشاركاتهم عالميا

ماشاء الله عليك ردك وافي وفي محله

ولو جينا نتكلم عن الفوايد جميع الرياضات مافيها فايده غير ثلاث رياضات وصانا عليها الحبيب المصطفى صلى الله عليه وسلم

وهي الرمايه والسباحه وركوب الخيل

عطني فايده واحده من الكوره وللاسف اني لاعب كوره
وشكراً

[سوق واقف]

ماشاء الله عليك ردك وافي وفي محله

ولو جينا نتكلم عن الفوايد جميع الرياضات مافيها فايده غير ثلاث رياضات وصانا عليها الحبيب المصطفى صلى الله عليه وسلم

وهي الرمايه والسباحه وركوب الخيل

عطني فايده واحده من الكوره وللاسف اني لاعب كوره
وشكراً

هذه ليست هواية

الهواية في حلبة السباق وليس في الشوارع

[boamir]

هذه ليست هواية

الهواية في حلبة السباق وليس في الشوارع

ومن بداية الموضوع انا شاقول
في كل رد اجيب طاري الحلبه الشباب يبون حلبات ويبونها تفتح اسبوعيا
ويبون تصريح حق المواتر إلي يدخلونها بالحلبات

<<شكلك ماتشوف ردودي :weeping: