كهرماااااااء

[أنت]

انا موظف في كهرماء

بس الظلم جفته قداااام عيوووني

كهرماء انظمت لقانون المواردالبشريه

قبل كم يووووم

قاعد اجووووف راتبي
علاوة السكن 3000 وشي

وعقب قعد واحد اجنبي بدون ذكر الجنسيه لان كلهم سوى

اجووف علاوة السكن7500

احنا قبل كنا نفسم بس يوم ضمونا حق القانون بس
تطبق علي القطريييييين ليش
الاجنبي احسن وهو ولد البلاد وله شسالفه

غير هذا قانون التقيم تغير

وكل ماسال متى بتغيرون التقيم يقووووولون ماجانا شي رسمي

شسالفه وووين انرووووح واللله كهرماء مظلومه وفيها ظلم

[V!P]

الحمدلله فارقتهم كرف وشغل وراتب حالنا حال اللي ساعات عملهم اقل

شاللي يحدني لا وسمعت الحين يحاسبون على الوقت اللي توصل فيه بعد

:rolleyes2:

[ألماسة]

الله كـــــــــــريم :secret:

[الحبتور]

موازينها مب مضبوطه ..

وتكيل بمكيالين ..

[qatar.com]

خلك مثل ربعنا بالبلدية رقووود ولا مضارب بالاسهم ولا يشوف الدوام كلش

[بن رومي]

لا سلامتك

مب ظلم بل ظلمات بعضها فوق بعض

والله المستعان

الكهرمائي بن رومي

[!..فيونكه..!]

الله يعيـنك يالمواطـن القطـري

حقــك مهضــوم من كــل صـــوب

الله على الظالـــــــم

[إينشتاين]

الحمدالله بافارقهم آخر الشهر...

من بداية السنة يعني خلال 3 شهور طلع 3 قطريين من زملائي في القسم وبقى قطري واحد فقط ويدور على مكان ثاني والباقين كلهم اجانب مع انه قسم حساس في أدارة حساسة !!!!!

[khalid969]

كنتم مدلعين وحالياً منبوذين

الله يعينكم

[بن رومي]

كنتم مدلعين وحالياً منبوذين

الله يعينكم

تدلعنى صحيح

بس على حساب ساعات العمل

على حساب ما تترفع

انا 8 سنوات ما ترفعت ربع درجه

ويوم كنت اناقش المسؤل

كان يقول

يابوفلان لا اتشوف انت اي درجة شوف كم راتبك

وللعلم كان الفرق ما يتعدى 2700 ريال


والله المستعان

[Dawn]

الله يعينكم

مب بس في كهرماء الظلم ،،، للاسف الموظفين المواطنين مظلومين في كل مكان ...

[أنت]

يااااااخي لين متى الموظف القطري مظلوووووم من وراى كل هذا الظلم

لاجووووفه والله او لا عرف يمكن ادعي عليه

خرب راتبنا خرب ميزانية البنك الاول على الاقل يصفالي من الراتب ٧٠٠٠
والحين ١٥٣٠ريااااااااااال نصها على الحليب اليهال والحفاضات
وللله لو احد يرد علي وللله اروح ولا اقعد
القهر الاجنبي يضحك يجيني نص الشهر يقول تبيني اسلفك وللله ودي ادعمه بس استغفر الله
واللله كررررريم والله على الظالم

[tawareq]

الحمدلله وبفضل من رب العالمين طلعت من كهرماء من 2003

[algnaa9]

كهرمااااء الله يعزكم

[A.L.I]

الله يكون في عونكم

[بوخالد911]

الله المستعان

:(
:(
:(

[الخارجية]

أخوي فرص العمل اكثيره قدم اوراقك وتوكل على الله وخل كهرماء وان شاء الله بتحصل فرصة أحسن

[الطائر الحائر]

تدري ليش لانهم يقولون ( قطر ليست للقطريين )
في دول الخليج الافضلية للمواطن ثم للاجانب
وعندنا
شي غريب ان الاجنبي يكون افضل من المواطن

[أنت]

ياريال اقدم في وين ....؟

كل ماقدمت قالو لي انت من كهرما انشالله خير بنرد عليك

[أنت]

يالربع الاي في كهرماء يقولي على الخاص لان بقوله شي بنسويه

[خطاب بن شمر]

كهرماء مؤسسة إنظلمت من قانون الموارد البشرية وليس لها باليد حيلة للأسف

مشرع قانون الموارد البشرية و الموافق عليه لم ينظر لمدى تأثيره على الموظفين في بعض

الجهات ككهرماء وكانت النظرة محدودة من جانب على أن النسبة المئوية للفئة العظمى منتفعة

والنسبة المئوية للفئة الأقل متضررة فلتشرب من ماء البحر !!!

أيعقل علاوة سكن 3000 للقطري المتزوج والله شيء مضحك

ولتجد التناقض هنا عزيزي القارىء تأمين عنــة فقط 10 آلاف ريال !!!

فمالقصد من توفير علاوة سكن 3000 ريال أكمل من عندك أو ضف عليها من جيبك !!!

حرام عليكم كم قطري وعمره في الأربعينات وهو في ملحق أو غرفتين في بيت أهله مع عياله

أليس من العيب والعار على ذلك القانون لما خصصه من علاوات وكأنه يستهزأ بالمواطن !

نحن لسنا في زمن الثمانينات لكي نأخذ هذه العلاوات نحن وصلنا 2011 عار عليكم

[ألماسة]

يالربع الاي في كهرماء يقولي على الخاص لان بقوله شي بنسويه


شيتسوي اخوي...؟

مظاهرات..؟ اعتصام...؟ كتاب تظلم...؟ بتجمع مجموعه وتروحون لعيسى هلال الكواري..؟
تشتكون في الجرايد وفي التلفزيون وفي الاذاعة ...؟

كل هذا سووووووووه الموظفين ... ولا حياة لمن تنادي :eek5:

[أنت]

بنكتب كتاب يمكن يصير شي يمكن احد يتحرك
الحين اجمعت 20 موظف قالو بيكتبون كتاب وبنجوف اما اانتم ساكتين ومكتوفين الايدي محد بعبرنا

[ألماسة]

راحت كتب مب كتاب ... ولا حياة لمن تنادي :)

[أنت]

وانا ناوي أسوي قروب حق كهرماء في البلاك بيري عشان نتواصل على كل شي

[أنت]

مب مشكله بنكتب كتاب حق سمو الامير

[بنت قطر202]

تدري ليش اخوي لان القانون تطبق وعلى بالهم بيفرح ولد البلد

مادرو انهم ظلموه ،، الاجنبي بيظل افضل بالنسبه لهم من ولد البلد


الله على الظالم

[أنت]

ايييي فرحه اي خرابيط

انا متلفت من يوم مانزلو القانون

واي مكان اقدم يوم يدرون اني من كهرماء يطقعون لي هههههه ولله بنفجرررر

ولا فوق هاي كله اليوم نسمع انهم بكنسلون علاة الشفتات يعني احنا انداوم في مكان حساس وشفتات ومالنا علاوة ولله بمووت

قلت حق الهندي الي معاي في الشفت قال قسم بالله اذا نقصو ريال بطلع من كهرماء وبروح البترول او اي مكان ثاني يعني جووفو الاجنبي على الاريال بقومها اما احنا خيطنا حلوجنا وسكتنا


ااااااااه الله كريم

[حسن]

الظاهر الزياده اللي كنتو ماخذينها مالكم حق فيها وبياخذونها منكم ب اثر رجعي

[أنت]

ليش مالنا حق ياخوي حسن
احنا دومنا من ٦ ونص لين ٢ ونص
ونتعامل مع كهرباء اقل شي ٦٦ الف كي في
ماعليها علاوة خطر دومنا شفتات وفقنا كهرباء خط هوايئ له اثار جانبيه

وبنظرك الاجنبي يستاهل ولد بلادك مايستاااااااااهل
شي غريب الصراحه

[ريومه87]

فرقا كهرما عيددددددددددددددددددد
وافتكيت منهم

[تحداني]

كهرماء بعد ضمها على لائحه الموارد البشريه خسرت بدلات كثيره
وكانت هذه البدلات لا تشملها الائحه .. وبالتالي تأثرت تأثير كبير
اما القطاع التعليمي الي اعمل فيه
وباقي القطاعات الي كانت تشكلها الائحه من السابق فادتنا كثير
والرتب تغير بشكل كبير جدا ما كان متوقع

الغريب ان وحده اعرفها اليوم منتفله للكهرماء
والسبب مازال غامض بالنسبه لي
هل مازالت هناك بدائل جديده غير موجوده عندنا
او انكم للحين اتقارنون راتبكم الحالي بالراتب السابق



بس حقيقه رواتبكم كانت وايد خياليه وعليكم بالعافيه :)
ولو كان الموضوع فيه اعاده نظر وامل بسيط .. يجب ان يكون الموظفي في المصانع هم بالدرجه الأولى لان مخاطرهم كبيره ومن ثم باقي الموظفين

جملك الله برضى الرحمن

[بويوسف]

بس حقيقه رواتبكم كانت وايد خياليه وعليكم بالعافيه :)
ولو كان الموضوع فيه اعاده نظر وامل بسيط .. يجب ان يكون الموظفي في المصانع هم بالدرجه الأولى لان مخاطرهم كبيره ومن ثم باقي الموظفين

جملك الله برضى الرحمن

ورواتب بروة مب خيالية ؟

ورواتب ديار مب خالية ؟

ورواتب كيوبي وراس غاز مب خيالية ؟

ورواتب قطر فاونديشن مب خيالية ؟

مع العلم ان كهرماء معظم اداراتها فنية عكس الكثير من الجهات ذات الرواتب العالية .. ولكن احتمال كون معظم من فيها قطريين ..

ومع أن رواتبهم كانت اعلى من رواتب الجهة التي كنت اعمل بها ولكني حزنت عندما تم تخفيض رواتبهم بتلك الطريقة ..

[تحداني]

ورواتب بروة مب خيالية ؟

ورواتب ديار مب خالية ؟

ورواتب كيوبي وراس غاز مب خيالية ؟

ورواتب قطر فاونديشن مب خيالية ؟

مع العلم ان كهرماء معظم اداراتها فنية عكس الكثير من الجهات ذات الرواتب العالية .. ولكن احتمال كون معظم من فيها قطريين ..

ومع أن رواتبهم كانت اعلى من رواتب الجهة التي كنت اعمل بها ولكني حزنت عندما تم تخفيض رواتبهم بتلك الطريقة ..




اخوي بويوسف لو بتجي على المقارنات
عندي جهات عمل رواتبها اعلى من الي ذكرتهم ابوااااايد :)


بروه وديار .. قفزت قفزه خياليه في الرواتب
وكل ما اسأل اخوي كم راتبك " يبتسم يقول ليش تبين اتفنشيني بعد " :)

اما كيوبي وراس غاز وعليه عليهم مو لي ذاك الزود والله
لا يغركم المهندس اهناك كم ياخذ لو قارنته ابمهندس في بروه
المهندس اهناك شنو نوع ترقياته لو قارنه بديار
المهندس اهناك شيخ لو قارنته براس غاز وكيوبي

اما قطر فاونديشن كلش راوتبهم تعبانه
ما عندك غير الرؤوساء التنفيذين رايحين في العالي
والاجانب وليس العرب رواتبهم في العالي ايضا


نجي لمداخلتي

انا ذكرت ان رواتبهم كانت خياليه مقارنتها بالوضع الحالي مع اللائحه اما القطاعات الثانيه مازالت منفصله عن لائحه الموارد البشريه .. ولو يزيدونهم مره ثانيه انا راح اكون اسعد الناس .. اما لوفيها اعاده نظر خاصه لحالات معينه .. فقلت ان الفنيين في المصانع مساكين مخاطرهم عاليه .. وهم اولى

ولو تبي الحقيقه الود ودي يزيدوني ويزيدونكم ويزيدون الجميع
هو في احد ما يحب الزياده :)

جملك الله برضى الرحمن

[بويوسف]

اخوي بويوسف لو بتجي على المقارنات
عندي جهات عمل رواتبها اعلى من الي ذكرتهم ابوااااايد :)


بروه وديار .. قفزت قفزه خياليه في الرواتب
وكل ما اسأل اخوي كم راتبك " يبتسم يقول ليش تبين اتفنشيني بعد " :)

اما كيوبي وراس غاز وعليه عليهم مو لي ذاك الزود والله
لا يغركم المهندس اهناك كم ياخذ لو قارنته ابمهندس في بروه
المهندس اهناك شنو نوع ترقياته لو قارنه بديار
المهندس اهناك شيخ لو قارنته براس غاز وكيوبي

اما قطر فاونديشن كلش راوتبهم تعبانه
ما عندك غير الرؤوساء التنفيذين رايحين في العالي
والاجانب وليس العرب رواتبهم في العالي ايضا


نجي لمداخلتي

انا ذكرت ان رواتبهم كانت خياليه مقارنتها بالوضع الحالي مع اللائحه اما القطاعات الثانيه مازالت منفصله عن لائحه الموارد البشريه .. ولو يزيدونهم مره ثانيه انا راح اكون اسعد الناس .. اما لوفيها اعاده نظر خاصه لحالات معينه .. فقلت ان الفنيين في المصانع مساكين مخاطرهم عاليه .. وهم اولى

ولو تبي الحقيقه الود ودي يزيدوني ويزيدونكم ويزيدون الجميع
هو في احد ما يحب الزياده :)

جملك الله برضى الرحمن

حجية تحداني لاتقارنين قطاعات فنية وهندسية بقطاعات ما عندهم شغل وشغلهم اداري وبسيط .. لاتقارنين منجا بتفاح .. ولا برياني بستيك تي بون :this:

لو تلاحظين وانه ادري بحكم قربي بهم .. الكثير جدا من القطريين طلع من كهرماء والبقية يبحثون عن فرص خارج المؤسسة بحكم ان الجهات الاخرى ولو كان الراتب عادي ولكن الشغل اسهل واريح وروتيني وبيروقراطي ومتدني الجودة ... حال الكثير ..

المهم كلامي ما بأخر ولابيقدم .. الله المستعان نستغفره ونتوب اليه الفلوس طايرة وما بتبقى الا السيرة الطيبة والذكرى الحسنة والذكرى السيئة ايضا ستلحق بصاحبها ولو بعد حين.

[تحداني]

حجية تحداني لاتقارنين قطاعات فنية وهندسية بقطاعات ما عندهم شغل وشغلهم اداري وبسيط .. لاتقارنين منجا بتفاح .. ولا برياني بستيك تي بون :this:

لو تلاحظين وانه ادري بحكم قربي بهم .. الكثير جدا من القطريين طلع من كهرماء والبقية يبحثون عن فرص خارج المؤسسة بحكم ان الجهات الاخرى ولو كان الراتب عادي ولكن الشغل اسهل واريح وروتيني وبيروقراطي ومتدني الجودة ... حال الكثير ..

المهم كلامي ما بأخر ولابيقدم .. الله المستعان نستغفره ونتوب اليه الفلوس طايرة وما بتبقى الا السيرة الطيبة والذكرى الحسنة والذكرى السيئة ايضا ستلحق بصاحبها ولو بعد حين.



حجي بويوسف .. الحين من قارن المنجا بالتفاح
والبرياني ابفهيتا واستيك .. لا حول ولا قوه الا بالله العلي العظيم :)

مو انت الي قارنت .. انا وعليه علي قاعده اسولف عن كهرماء
انت جبت طاري بروه وديار وراس غاز وقطر فاونديشن .. وكيوبي
فأنا قلت لك لو تبي قطاعات ثانيه على العين والراس


عاد من يشتغل .. ومن ما يشتغل
ومن يقرا جرايد .. ومن يبيع ويشتري في النت
ومن يطبع .. ومن يرسم في برنامج الرسم على الكمبيوتر " هذا خله على جنب "


هذا يشمل كل الوظائف
والفنيين اذا ما شملتهم هالهوايات تشملهم هوايات ثانيه

صادق يا اخوي
لن نترك شي في هالحياه .. سوى الذكر الطيب
حتى لو صرنا من اصحاب الملايين سنقول هل من مزيد .. النفس تعشق المال
ورب العالمين قال " المال والبنون زينه الحياه الدنيا " وسبحان من يعلم مافي النفوس


عيل خلكم على رواتبكم احسن لكم
والغنى غنى الروح " خلاص " خلكم قنوعيين


جملك الله برضى الرحمن