المساعد الشخصي الرقمي

مشاهدة النسخة كاملة : مكان العجايز اللي يبيعون غنم في روضة راشد وين؟!



سيمباسون
06-04-2011, 02:00 PM
السلام عليكم ورحمة الله وبركاته

شباب في حوط صوب روضة راشد يبيعون اغنام معزا وضان

تكفون شباب ابي مكان هالحوط بالضبط وين

ضروري ابي اشتري من عندهم لان عندهم معزات عمانيات اصليات

ماعرفت وين تكفون دلوني بالتفصيل لاني مادل ذيك المنطقه

ولكم جزيل الشكر

أخو من طاع ربه
06-04-2011, 02:06 PM
اخوي في لفه قبل محطة بونخله خذها يمين
اقبض الشارع بنشوف يمينك عزب
ادخل بينهم بنشوف عجايز قاعدين
الله يحفظهم يبيعون غنم

مستجدة
06-04-2011, 02:09 PM
عجايز يبعون اغنام :omg:

وعزاه من الحاجه

درع الوطن
06-04-2011, 02:18 PM
السلام عليكم ورحمة الله وبركاته

شباب في حوط صوب روضة راشد يبيعون اغنام معزا وضان

تكفون شباب ابي مكان هالحوط بالضبط وين

ضروري ابي اشتري من عندهم لان عندهم معزات عمانيات اصليات

ماعرفت وين تكفون دلوني بالتفصيل لاني مادل ذيك المنطقه

ولكم جزيل الشكر

أخوي ولد سيمبا

للتوضيح فقط .. ماراح تحصل عندهم معزات .. راح تحصل ماعز أو معزا ....
ومثل ماوصفلك الأخ أخو من طاع ربه



عجايز يبعون اغنام :omg:

وعزاه من الحاجه

أختي المستجدة ...
هذولا يهونون ... فيه غيرهم اللي تبيع أغراض بيتها علشان تحصل كم ريال يساعدها
على الزمن وبلاويه ... يعني تحط كم ريال على معاش الشؤون اللي بعد كم ريال وتمشي حالها
الله المستعان ...

بوعمير
06-04-2011, 02:42 PM
أخوي المكان الي تنشد عنه أسمه سوق الخوار أو سوق العمانيين، ومكانة قبل الجسر ألي قبل محطة بترول بو نخلة، بتعيين على يمينك شبوك شنكو (كيربي).

موفق خير إن شاءالله.

BoFahed
06-04-2011, 02:49 PM
عجايز يبعون اغنام :omg:

وعزاه من الحاجه

ليش الاستغراب العجايز نفتخر فيهم و ينحطون فوق الراس ما مدوا ايديهم ولاتمنوا الشرهات و رسولنا الكريم عليه الصلاة والسلام رعى الغنم وتربية الحلال بركة وخير كثير اعرف واحد خليجي كان معدوم اخوه كسر خاطره عطاه عنز وتيس قاله ربهم واشرب حليبهم ولابيعهم الرجال بدا يبيع شوي شوي من انتاجهم وكبر من الحلال لين ما اشترى عزبة وكم سنة يبيع ويشتري لين صار مليونير من اكبرتجار السوق هناك وقام يبيع بس في عيد الاضحى بالملايين

القصة مب خيالية وهو اللي رواها بنفسه

سيمباسون
06-04-2011, 02:50 PM
لاهنتو جميع

ماقصرتو

اخوي العزيز درع الدوطن

هم معزا او ماعز او معزات كلهم واحد تعددت الاسماء والقصد واحد خخخ

يعطيك العافيه ولا هنت يالغالي

سيمباسون
06-04-2011, 02:53 PM
ليش الاستغراب العجايز نفتخر فيهم و ينحطون فوق الراس ما مدوا ايديهم ولاتمنوا الشرهات و رسولنا الكريم عليه الصلاة والسلام رعى الغنم وتربية الحلال بركة وخير كثير اعرف واحد خليجي كان معدوم اخوه كسر خاطره عطاه عنز وتيس قاله ربهم واشرب حليبهم ولابيعهم الرجال بدا يبيع شوي شوي من انتاجهم وكبر من الحلال لين ما اشترى عزبة وكم سنة يبيع ويشتري لين صار مليونير وقام يبيع وعيد الاضحى بالملايين

القصة مب خيالية وهو اللي رواها بنفسه

مشكور اخوي ع القصه الروعه


هذا اللي قاعد اسويه انا

اني اشتري حلال وربك كريم


مشكور مره ئانيه يالغالي

لوردغاليري
06-04-2011, 03:38 PM
انزين تخبرون حد يبيع بقر خاطري في بقيرات

لله الحمد
06-04-2011, 08:28 PM
أخوي المكان الي تنشد عنه أسمه سوق الخوار أو سوق العمانيين، ومكانة قبل الجسر ألي قبل محطة بترول بو نخلة، بتعيين على يمينك شبوك شنكو (كيربي).

موفق خير إن شاءالله.



اسمه مجمع الخوار

انا اول مرة اسمع ان اسمه سوق العمانيين .. اخبر الكبرة اللي ورا سوق السمك

اسمها السوق العماني

simsim1963
06-04-2011, 11:57 PM
أخوي ولد سيمبا

للتوضيح فقط .. ماراح تحصل عندهم معزات .. راح تحصل ماعز أو معزا ....
ومثل ماوصفلك الأخ أخو من طاع ربه




أختي المستجدة ...
هذولا يهونون ... فيه غيرهم اللي تبيع أغراض بيتها علشان تحصل كم ريال يساعدها
على الزمن وبلاويه ... يعني تحط كم ريال على معاش الشؤون اللي بعد كم ريال وتمشي حالها
الله المستعان ...

هذولا أصلا يبيعون غنم عشان يسافرون درجه اولى ويسافرون لندن في الصيف . مب فقارى ولا شئ الحمدلله الخير وايد والحكومه مب قصرة . بس هم يبون يتفشخرون

لله الحمد
07-04-2011, 08:42 PM
هذولا أصلا يبيعون غنم عشان يسافرون درجه اولى ويسافرون لندن في الصيف . مب فقارى ولا شئ الحمدلله الخير وايد والحكومه مب قصرة . بس هم يبون يتفشخرون


ههههه شكلك ما جييت ولا مرة هناك

سيمباسون
08-04-2011, 05:51 AM
هذولا أصلا يبيعون غنم عشان يسافرون درجه اولى ويسافرون لندن في الصيف . مب فقارى ولا شئ الحمدلله الخير وايد والحكومه مب قصرة . بس هم يبون يتفشخرون

ماشا الله عليك شكلك معايشهم وعارف ظروفهم عدل

اول ماقريت ردك بغيت اقول الله يبلاك باللي باليهم به عشان تحس بالحاجه وتروح تبيع كراسي بيتكم عشان تتفشخر ع قولتك

عقب تعوذت من بليس وقلت في خاطري الله يهديك ويهدي من هم على شاكلتك

مثل ما انت تشتغل للحكومه وتاخذ راتب ع شغلك وهو مصدر رزقك فهم معتاشين على غنمهم وابلهم


في نظري اخير بمليون مره من من يستلمون راتب اخر الشهر وظرب ريوق نص الدوام تحت المكيف وشاي وقهوه وجرايد يكفي ان الله قال انه يحب اليد الخشنه وهديلا عجايز وقومتهم قبل قومة العساكر يسعون ورا رزقهم


يكفي ماتدخل على حداهن الا تلقاها تسبح وتذكر الله وتقلطك وتقهويك وانا احلف لو تحفتك والا حلفت عليك منت بقادر ترد عليها وبتتم تتاتا بالكلام


قسم بالله ان هالعجايز خوات رجال وربن جيل الله يخليهن ويرزقهن الصحه والعافيه والبركه
كلمه اخيره لك ( اتق الله في نفسك ترا في فقطر ناس متعففين ما يقدرون يشترون خبز بريالين نص الشهر)


يرجى اغلاق الموضوع لان الاخوه ماقصروا وعرفت المكان

ولان الموضوع بدا ياخذ وجه ثاني بالاستهزاء والتهكم والتبلي على الغير