طبقت مع بداية الشهر الجاري..ارتفاع أسعار غسل السيارات في بعض المغاسل

[نبض الخفوق]

انتقد عدد من المواطنين والمقيمين الارتفاع المفاجئ لأسعار غسل السيارات، وقالوا إن الارتفاع الأخير الذي طال مغاسل السيارات الخطوة الأولى التي تنذر بارتفاع كافة السلع والمواد الغذائية في الدولة، وأكدوا أن ارتفاع أسعار غسل السيارات جاء بعد انتشار شائعات حول زيادة رواتب المواطنين منذ بداية شهر ابريل، وما يؤكد ذلك أن ارتفاع أجرة غسل السيارات من 25 ريالاً إلى ثلاثين ريالاً طبق مع بداية الشهر الجاري، مطالبين الجهات ذات الاختصاص سرعة التدخل العاجل لحل مشكلة ارتفاع الأسعار بشكل مفاجئ.. وقالوا: بدأ ارتفاع أسعار غسل السيارات منذ عدة أشهر حيث إن هناك مغاسل كانت في السابق تأخذ عشرين ريالا أجرة غسل السيارة وارتفعت الأسعار في ذات المغاسل إلى 25 ريالا إلى أن وصلت أسعار غسل السيارات الآن ثلاثين ريالا.
وقالوا: أين دور حماية المستهلك عن هذه الارتفاعات التي تشهدها مغاسل السيارات بين الفترة والأخرى، وأكدوا أن حماية المستهلك تكتفي بتوضيح أسعار الغسل في تلك المغاسل من خلال لوحة تُعلق أمام المدخل الرئيسي للمغاسل، وقالوا: إن المشكلة ليست بتوضيح الأسعار الجديدة على لوحات، وإنما في ارتفاع الأسعار ذاتها!! منذ البداية ومعرفة الأسباب التي أدت إلى زيادتها!!.


http://www.al-sharq.com/articles/more.php?id=236738

[بومحمد911]

والله مسخرة الكل يرفع السعر على كيفه

ما اقول وين حماية المستهلك لانها اصلا نفسها مستهلكة وعفا عليها الزمن

الله المستعان

[بويعقوب]

تعبنا واحنا ننادي حماية المستهلك

كل واحد يحمي نفسه وانا اخوك

تعبنا .. تعبناااااااا من اجل انشاء حماية المستهلك ,,, ومانقول غير " تعبنا والتعب راحة " :)

[أبو لجـيـــن]

غسيل السيارة صار عبء على الواحد
انا اشتريت برشر حق الغسيل و صرت اغسل السيارة بالبيت ونشوف كيف بيشتغلون بعد رفع الاسعار.:victory:

صدقني لو كل واحد عمل نفس الشي قبل اخر الشهر يخفضون اسعارهم.

[طارق العلي]

ماتسوى علينا الزيادة 75 % اللي بتجي اخر الشهر بتروح كلها بجيوب التجار الله كريم اخوي . . . لنا الله

[نورهان88]

مغسلة المرخية تأخذ على السيارة الكبيرة غسيل جيك 55ريال وغسيل عادي 50ريال شرايكم

[إينشتاين]

مغسلة المرخية تأخذ على السيارة الكبيرة غسيل جيك 55ريال وغسيل عادي 50ريال شرايكم

يمكن تغسل بماي الذهب !!!!!

[!! علي !!]

فوق اصعدي ،،، فوق اصعدي ياأسعار

(:

[AHMK]

انا قمت اغسل السيارة في البيت. الصراحة المفروض خلاص ما احد يغسل في المغاسل لان هاي نصب واضح.

[V.I.P_QATAR]

والله يا اخوان ماحد يقدر يضبط الاسعار في الدوحه الى الشعب نفسه لاتقولي حماية المستهلك لان حماية المستهلك تقوم بنفس الوقت على مراعاة التجار الكبار وتخليهم يصولون ويجولون في ميدان الشعب من دون حسيب ولا رقيب
فيجب على الشعب ان يقوم هو بضبط الاسعار يعني لو قلنا ان مغسله السيارات افعت اسعارها مابين 30 و35 شنو فيها لو خليناهم مدة شهر واحد وشوفوووو كيف بيقدرون يستحملون الاجار وراتب العمال والكهرباء ووالماء وخسايرهم بتخليهم يتنافسون على انهم بس يبون يمشون الشغل فابيرجعون نفس الاول واكثر بتعين اهل المغاسل كلن يحط سعر مغري علشان الناس تجيهم بس احنا دااااااااااااااااااااااااااااااااااااااااااااايم نقول 5 ريال ماتضر وماندري ان الخمس تجر 5 وفي الاخير محد راح ياكلها الا احنا

[s4qatar]

زلزال اليابان طال حتى المغاسل ؟؟

[.Q a T a R.]

لعبه و طرطره

[مستجدة]

حتى مكاتب الخدم الزياده كانت 800 على اسعارهم المعتاده واللي طبعا فوق 8 الاف ريال

مانقول الا حسبي الله ونعم الوكيل

[tawareq]

المشكله ان اعذارهم بس ان الايجارات مرتفعة
وكل مرة الايجارات والايجارات وبعدين الى متى هذا التساهل ولا حياة لمن تنادي للاسف

[ANONYMOUS]

خل يترزقون مساكين :p

[تاجر كشخة]

تنحرق مغاسلهم اغسل سيارتي في البيت ابرك

[المستعينه بالله]

شكلنا راح أنكون في نهاية عام 2013 م على وشك ألأفلاس بعد ماكنا مديونيين

لاقدر الله وحسبنا الله ونعم الوكيل ... إذا حماية المستهلك وجوده ديكور فقط .

إللي أعرفة أن قطع الغيار عندنا الأغلى

وسعر التأمين ألأغلى في قطر

وسعر الأطارات عندنا أغلى من السعودية

وسعر البطاريات السيارات أغلى من السعودية .

ولا تنسون تذاكر الطيران القطرية ألأغلى في الخليج .

[Mili]

ان شالله زقوم في بطونهم

[سلطان زمانه]

الكل يقارن اسعار غسيل السياره في محطات وقوود والتيسير مع مغاسل السيارات الاخرى بنشوف ان اسعار المغاسل ارخص من وقود والتيسير والغسيل الاوتماتيك

[الدوحة 2010]

هل دور حماية المستهلك فعال صحيح

[المفترسه]

الا 5 ريال عادي

[الدوحة 2010]

الا 5 ريال عادي



5 على 5 = 10 والحساب عندج شوفي كم سيارة في اليوم

[U Welcome]

ويش هالتبذير اللي عايشين فيه

كلن يغسل موتره في البيت

احنا مواترنا كلها الخدامات تغسلهم
من داخل وبرع
وماشاء الله غسيل 100٪



عيل وشهو له الخدم؟؟؟
ليكون لتربية العيال

*

[الجوكر90]

السلام عليكم
المشكله احنا القطرين دوم نحب نعلق اخطائنا ع غيرنا
ليش حمايه المستهلك
اذا انا بغسل فبيتي وانت وغيرنا كلنا بنغسل فالبيت راح تشوف المغاسل راح ترجع ب15 مب 20
بدال ماتدفع حق المغسله 30 ريال عط دريولكم كل اسبوع 10 وشوف اشلون راح ينظف لك السياره
بس عيبنا الا 5 او 10 عادي
والله مواتر بيتنا كلها الدريول والصبي يغسلونهم الصبح طبعا مب كل يوم
لا مغاسل ولا هم يحزنون

المشكله نفسنا قصير مانقدر ع التجار ولا راح نقدر
احنا الي جبنا حق نفسنا مب التجار فيهم جشع احنا عطيناهم الجمل بما حمل وقلنا لهم يلا لعبوا فينا

والقهر ان اغلب الي فالمنتدى بس يتكلمون هني وبعد اسبوع تحصله صاف موتره فالمغسله او رايح المحل الفلاني

بالتوفيق ان شاء الله

[الدوحة 2010]

السلام عليكم
المشكله احنا القطرين دوم نحب نعلق اخطائنا ع غيرنا
ليش حمايه المستهلك
اذا انا بغسل فبيتي وانت وغيرنا كلنا بنغسل فالبيت راح تشوف المغاسل راح ترجع ب15 مب 20
بدال ماتدفع حق المغسله 30 ريال عط دريولكم كل اسبوع 10 وشوف اشلون راح ينظف لك السياره
بس عيبنا الا 5 او 10 عادي
والله مواتر بيتنا كلها الدريول والصبي يغسلونهم الصبح طبعا مب كل يوم
لا مغاسل ولا هم يحزنون

المشكله نفسنا قصير مانقدر ع التجار ولا راح نقدر
احنا الي جبنا حق نفسنا مب التجار فيهم جشع احنا عطيناهم الجمل بما حمل وقلنا لهم يلا لعبوا فينا

والقهر ان اغلب الي فالمنتدى بس يتكلمون هني وبعد اسبوع تحصله صاف موتره فالمغسله او رايح المحل الفلاني

بالتوفيق ان شاء الله




صح كلامك وانا معاك

[آلشقب]

السلام عليكم
المشكله احنا القطرين دوم نحب نعلق اخطائنا ع غيرنا
ليش حمايه المستهلك
اذا انا بغسل فبيتي وانت وغيرنا كلنا بنغسل فالبيت راح تشوف المغاسل راح ترجع ب15 مب 20
بدال ماتدفع حق المغسله 30 ريال عط دريولكم كل اسبوع 10 وشوف اشلون راح ينظف لك السياره
بس عيبنا الا 5 او 10 عادي
والله مواتر بيتنا كلها الدريول والصبي يغسلونهم الصبح طبعا مب كل يوم
لا مغاسل ولا هم يحزنون

المشكله نفسنا قصير مانقدر ع التجار ولا راح نقدر
احنا الي جبنا حق نفسنا مب التجار فيهم جشع احنا عطيناهم الجمل بما حمل وقلنا لهم يلا لعبوا فينا

والقهر ان اغلب الي فالمنتدى بس يتكلمون هني وبعد اسبوع تحصله صاف موتره فالمغسله او رايح المحل الفلاني

بالتوفيق ان شاء الله


لو سمحت ...

( خص ولا تعم ) :)

[R 7 A L]

عليكم بالمغسلة الى في مواقف الحياة بلازا ترا زينة انا مجربها ورخيصة

[الجوكر90]

لو سمحت ...

( خص ولا تعم ) :)

انا اقصد ناس معينه
وهم يدرون نفسهم
حتى لو الله ميسرها عليك لازم تفكر فغيرك

[al.wajbah]

الا خمس ريالات عادي !!

شفيها !!

مايسوى يعني موضوع ونتنافش فيه !!!




والله محد مخرب علينا الا مثل هالعقليات المتخلفة !!

يعني خمس ريالات طايحة لي في الشارع ؟؟

والا حد متصدق علي بها ؟؟!!

ماتعبت ولا اشتغلت عشان أجيبها ؟؟

والله ماشاءالله في دول خليجية يقومون الدنيا ولا يقعدونها على ارتفاع اسعار بعض السلع

وتلاقي عقبها بكم يوم مخفضين الاسعار ومسوين عروض عليها بعد !

لازم كلنا ناخذ موقف موحـّد عشان يراجعون حساباتهم لاشافوا الخسارة بعيونهم !!

[عضو المنتدى]

المشكلة في غسيل الجيك ( رفع السيارة ) ضروري

والواحد مضطر يروح لهم

[tawareq]

الحمدلله عندنا في البيت بيكم تويوتا هلكس 2008 حق مشواير سوق الخضرة والسمك وبعض المشاوير لاغراض المطبخ ما نستعمل السيارة الا مرة كل اسبوع يوم السبت
راح اخوي يأمن السيارة تامين ضد الغير تتوقعون كم التامين؟

800 ريال ضد الغير 4 سلندر

قال ايش
حجتهم ان البيكم سيارة تجارية

احكموا انتوا ؟

[Ginger]

غسلوا فالبيت

[طماطه]

مب بس المغاسل .. في كل مكان الاسعار ارتفعت :(

والعالم نايمه ..

[بوخالد911]

والدور الجاي على وشوو؟

[ZURICH]

^^
الدور على الخدم

[الحـ(درب)ـب]

الغسيل بالبيت ابرك

بس صارت عندي مشكله بتصيرف المياه

بس عشانهم بروح بسوي شبكة مجاري بالحوش لتصريف المياه

[AbdullA-Qtr]

عندي حوطه في البيت ... وجبت لي عمال ورفعت لي طوفتين ارتفاع مترين وربع .... وشريت لي برشر ماي .. كل يومين يركبون السياره فوق ويغسلونها .. ولامنة المغاسل :victory:

[chillis]

ما بقى شي مارفعوه حتى غسيل السيارات خوفي باجر حتى اغراضنا الشخصيه يقولون عليها ضرايب :( ورفع اسعار

[meme~qatar]

الدريولية يقومون بالمهمة كل يوم الصبح

لا مغاسل ولا غيره

[هارودز]

صح النوم حماية المستهلك

[الدوحة 2010]

الدريولية يقومون بالمهمة كل يوم الصبح

لا مغاسل ولا غيره




كنت مرتاح قبل والله ماعرف شي اسمه مغسلة سيارات يوم شرد الديورل من البيت حسبي الله ونعم الوكيل فيه رجعت للمغاسل مرة ثانية

[شبح الصمت]

يالربع الي يبي يغسل وراعي المغسله ما زاد في سعره

المغسله الي قدام مدرسة الدوحة الاعدادية القديمه من جنوبيها

ولا رفع السعر يوم ارفعوا الاسعار

سعره 20 ريال وغسيله اوكي واش حلاته

[الدوحة 2010]

يالربع الي يبي يغسل وراعي المغسله ما زاد في سعره

المغسله الي قدام مدرسة الدوحة الاعدادية القديمه من جنوبيها

ولا رفع السعر يوم ارفعوا الاسعار

سعره 20 ريال وغسيله اوكي واش حلاته


في مغسلتين هناك اي وحدة فيهم اخوي ممكن اسمها

[نبض الخفوق]

ماتسوى علينا الزيادة 75 % اللي بتجي اخر الشهر بتروح كلها بجيوب التجار الله كريم اخوي . . . لنا الله


:omg::omg:

[bohilal191]

قمت اغسل سيارتي في البيت الحمدلله

[الدوحة 2010]

قمت اغسل سيارتي في البيت الحمدلله



:omg::omg::omg: