هل أنتم مع أم ضد؟ولماذا؟

[همس الورد]

السلام عليكم ورحمة الله وبركاته ..

سؤال يجول في خاطري مما رأيت في المدارس النموذجية المستقلة عندما دخلت على صفوف السادس الابتدائي أريد أن أطرحه عليكم..

هل أنتم من المؤيدين أم المعارضين لتدريس( المعلمات) لطلاب الصف( السادس)الابتدائي في المدارس المستقلة؟ مع التكرم بذكر الأسباب.

أنتظرردودكم..مع جزيل الشكر.

[meme~qatar]

بعضهم عايدين السنة اكثر من مرة
وخاط الشنب بعد يعني المفروض في الاعدادي

او يفصلونهم في مدارس خاصة فيهم ويدرسونهم رجاجيل

[صعبة وصوفه]

شخصيا ضد،،
الولد في صف سادس المفروض عمره مايزيد عن 11 سنه، بس في البعض يعيد اكثر من مره، يعني راح يوصل لسن البلوغ اللي هو تقريبا 14 سنه،،

الافضل المعلمات يدرسون لين صف رابع ابتدائي يعني نموذجي، والطالب اللي يعيد كذا مره يحولونه على مدارس فيها معلميين للابتدائي،،

و الله يوفق الجميع

[أخو من طاع ربه]

ضد ان تكون معلمات بعد صف الرابع الابتدائي
نبيه صراحه ياخوان الحين كل الأفلام الأكشن
او الكرتون يكون فيه شي من الاغراء
كانت دراسة قبل فتره عن تأثير الكرتون
ع الاطفال فكتشوا ان الطفل يتهيأ نفسيين
فيي وقتنا أتت تموجات اغرائيه من كل اتجاه
فلابد ان يتخذون قرار بان لا تكون معلمات
فلا احسن من هدي النبي عليه الصلاة والسلام

[chloe]

أكيد ضد يمكن الأخوة اللي قبلي اذكروا اللي كان بخاطري وهو ان مب كل اللي بصف سادس نفس العمر وتقبلوا مروري

[همس الورد]

أنا بصراحة شفت واحد طالع له شنب بس ايقولون هو من ذوي الاحتياجات الخاصة :eek5:

[meme~qatar]

عندي طالب في المدرسة اللي اشتغل فيها في صف ثالث عايد السنة اكثر من مرة صوته خشن واطول مني
سألته كم عمرك قال 12
شلون اللي وصلوا سادس وعايدين بعد؟؟
اني في المدرسة بعباتي وشيلتي

[al3grab]

المجلس كله اخطاء ايام الوزاره ماكان الضع هشكل

[بصمة قطرية]

المفروض المدارس النموذجية تظل نموذجية مثل قبل ايام وزارة التربية والتعليم ..
النموجية لين رابع ..
وخامس وسادس يدرسونهم رجال ..
الحين يقولون نموذجيه وتلقاهم لين سادس ..
يعني ابتدائية مش نموذجية ..!!
بعض المدرسات ياخذون راحتهم في اللبس على اعتبار انهم اطفال صغار ..
ما يجوز بعضهم رجاجيل وتلقى الشنب خاط ..!!!

[نظرة شجاع]

اذا تقصدين المعلمه تدرس اولاد طبعا ضد
لكن لكل من سبقني في التعليق وشعرفكم انها تقصد مستقلة بنين ؟؟ هي ماذكرت كيف عرفتو

[همس الورد]

شكرا لتفاعلكم مع الموضوع.. أنا شخصيا ضدالمدرسات إلي مايتحجبون ومايلبسون عباياتهم جدام طلاب خامس وسادس ..انزين شالحل عشان يتم التدريس فقط لين الصف الرابع ؟وشلون يسمحون للطالب ايعيد ثلاث سنوات في نفس الصف دون مراعاة للسن ؟مثل ماذكرت الأخت الكريمة عن الطالب الي عايد صف ثالث وعمره (12 ) .

[wadha-qa]

ضد وبقووه

[intesar]

أنا ضد وبقوة

[بنـ الدحيل ـت]

بالتأكيد ضد

حسبي الله ونعم الوكيل