اتجراء علي مصري

[Miss Merna]

اليوم كان عندي موعد في مستشفي حكومي رحلت للدكتورة وعطيت الممرضة كرت الموعد وقعدت انتظر تأخروا علي حوالي 20 دقيقة بعدها رحت طقيت الباب ردت الممرضة ابغي ملفك وماجابوه ونادت واحد مصري شكله يودي ويجيب الملفات المهم ماسمعها وقالتلي انتظري اشوي ولا أشوف الاخ المصري جايني ويقولي انتي عندك موعد هنا عند مين والساعة كم طبعا أنا قالت له في الغرفة كذا الساعة كذا ويقولون ملفي مش موجود والممرضة نادتك عشان تجيب الملف طبعا راح للمرضة وبعدها جاني وانا قاعدة في استراحة النساء ومافي حد غيري المهم قالي انتي كنتي موجودة امس قالت له اي قالي اه الظاهر انو ملفك عند غرفة الدكتور الي كنتي عندة امس وقالي أنا مش يغلي أني أجيب الملفات بس أنا حجيب ملفك قالت له شكرًا وبعدين راح ورجع ويقولي هما مش حيدوني الملف خذي انتي الورقة ورحيلهم الغرفة حيدوكي الملف فشكرتة ولا بعدها قالي أنا حجي معاكي ويوم وصلت عند الغرفة سحب الورقة من يدي وقالي ادني عنك أنا قالت شكله الريال يحب يساعد طلع وجاب الملف ويقولي أنا اسمي .....لما تجي هنا تعاليلي على طول وانا أبا اخلصك قالت له شكرًا يعطيك العافية وراح بعدها نادتني الممرضة وخلصت ورحت أخذ موعد قالولي مافي موعد انطري الشهر الجاي المهم قالت برد حق الدكتورة عشان تكلمهم فإذا باخينا المصري وراي ويقولي إيه في حاجة فقلتله ابي اروح حق الدكتور لانه مافي موعد خذ الكرت وقالي أنا حروح للدكتور وتعالي معايا قالتله بس الدكتورة قالت بتطلع بريك تعرف وين غرفة البريك أنا بروحلها قالي تعالي معايا رحت وراة ركبت اللفت وطول الوقت يقولي أنا ماعرفش شوفتك فين مارديت علية وبعدين قالي ان عوزتي اي حاجة كلميني فالت له أوكي شكرًا فقال خذي نمرتي قالت له مافي داعي وبعدها قال خدي نمرتي يمكن تحتاجي حاجة اخلصكةقالتله اوكية قال الرقم سويت نفسي اخزنة عقبها قال إديني رنة عشان اسيفو طبعا أنا قالت هذي شكلة قصدة مب شريف فقلت له مافي كرتي رصيد طبعا خطي شهري فقلت عشان افتك منة نادا الممرضة قالتله الدكتورة طلعت فقالي أنا حخود الكرت واعملك موعد وكلمني عشان اديكي إيه فقالتله لا لا خله عندي أنا اصلا جاية بكرة طبعا عشان افتك منة والله كان خاطري أكفخة بالشنطة بس خفت من الفشيلة قدام الناس الحين احاتي اذا رحت المرة الجاية يجي ويكلمني بعد أنا ادري أني المفروض ماارد علية اصلا بس أنا قالت بيساعدني بس مادريت انه .....*

[موضي قطر]

اختي مادري وش اقول بس انتي عطيتيه مجال كل ماكلمك تردين عليه وكل ماقال تعالي وراي رحتي اصلاً عطيتيه اكبر من حجمه :(

اسمحي لي بس هذا رايي وتبين الصدق تنرفزت :anger1:

[Miss Merna]

أنا بعد قالت أنا عطيته مجال بس والله ماتوقعت انه تفكيره كذي يعني موظف في المستشفى وواجب علية يساعدني أنا من كذي كلمته

[venum]

هالأشكال اختي ماتجي اللى بالصراخ

المفروض تشرشحينه قدام الله وخلقه عشان يدري ان الله حق

[المفترسه]

انتي عطيتيه مجال من البدايه كان بامكانج تشتكين عليه في عمله شالفايده منزله موضوع الحين هاي مصري وخفتي منه عيل لو قطري جريء وش بتسوين

[سهيل قطر]

اختي الكريمة اتصلي على خدمة العضيد وعطيهم كل التفاصيل وهم ماراح يقصرون وتاكدي ان كل المعلومات بتكون سرية....

[اسعاف]

انت التي اعطيتيه الفرصة ليطمع فيك

وإلا هو بس صرخة وحدة في وجهه وتنادي الأمن والمسئول الطبي

وبتشوفينه فوق اهرامات الجيزة مع البلطجية هناك

[Dawn]

اشلون لو رحتي المره الجايه بيعرفج وانتي بين حريم اشكثرهم ؟؟؟ عادي موقف وغلطتي فيه لانج عطيتي هالمصري ويه بس لا تكررينها وانسي الموضوع ..

[قطري طموح]

سامحيني هذي مشكلة تواجه كل من تذهب من غير محرم ، ولو افترضنا مظطره وماعنده محرم عليها ان تقطع على هذا الرجل من البدايه .

[موضي قطر]

هالأشكال اختي ماتجي اللى بالصراخ

المفروض تشرشحينه قدام الله وخلقه عشان يدري ان الله حق




مب حل انها تشرشحه قدام العالم لأنها بتكون بهدلت عمرها قدام الناس لاتنسى هذه بنت يعني اي رده فعل غير محسوبه بتضرها ماله داعي اللي يسوى واللي مايسوى يتفرج عليها

[المفترسه]

بعدين شلون تركبين اللفت معاها بروحكم

[الكبير الله]

الشعب المصري شعب حبووب ويحب يخدم ويمكن ما يقصد شي !!

يمكن يبي بخشيش بس ... نفس اللي يقصون الشجر اللي فالشارع وقفت عنده اسئلة

خلا الشغل وطلب تلفوني وسئلني وين ساكن وقال اجيك العصر البيت ارتب لك الحديقة

القصد ... يبي يتسبب في كم من بيزة :nice:

[Miss Merna]

مب حل انها تشرشحه قدام العالم لأنها بتكون بهدلت عمرها قدام الناس لاتنسى هذه بنت يعني اي رده فعل غير محسوبه بتضرها ماله داعي اللي يسوى واللي مايسوى يتفرج عليها
أنا بعد قالت لوبهد فيه قدام الناس بفتح علي باب وبعدين بقطع رزقة

[Miss Merna]

بعدين شلون تركبين اللفت معاها بروحكم

اعترف أنا غلطت

[أين الحل ؟]

الرجل لا يتمدا إلا لما يحصل وجه أقبال من المرأة ؟

نعطيه ريق حلو ثم نفكر بقطع رزقه والشكوى عليه ؟

[Miss Merna]

الشعب المصري شعب حبووب ويحب يخدم ويمكن ما يقصد شي !!

يمكن يبي بخشيش بس ... نفس اللي يقصون الشجر اللي فالشارع وقفت عنده اسئلة

خلا الشغل وطلب تلفوني وسئلني وين ساكن وقال اجيك العصر البيت ارتب لك الحديقة

القصد ... يبي يتسبب في كم من بيزة :nice:

والله اول شي قالت شكله يبيني ابخششه بس خفت يفشلني

[Dawn]

اعترف أنا غلطت

الاعتراف بالحق فضيله ،،، تحيه لج اختي :nice:

خلاص انتهى الموضوع ،، انسي

انتي اذا تتغطين مستحيل يعرفج هالمصري او يرجع يزعجج بيروح يدور وحده ثانيه غشيمه ويعرض عليها خدماته .. فلا تشغلين بالج بهالموضوع

[U Welcome]

ضريبة الخروووووج بدووون
مـــــــــــــحـــــــــــرم

[Miss Merna]

الاعتراف بالحق فضيله ،،، تحيه لج اختي :nice:

خلاص انتهى الموضوع ،، انسي

انتي اذا تتغطين مستحيل يعرفج هالمصري او يرجع يزعجج بيروح يدور وحده ثانيه غشيمه ويعرض عليها خدماته .. فلا تشغلين بالج بهالموضوع

شكرًا على النصيحة

[Miss Merna]

ضريبة الخروووووج بدووون
مـــــــــــــحـــــــــــرم

واذا محرمي في الدوام وبعدين أنا نازلة مستشفي مب لازم انزل ريلي معاي وشكرا على مرورك

[مضارب دوسري]

ضريبة الخروووووج بدووون
مـــــــــــــحـــــــــــرم

صدقت اخووووي:nice:

[قطر70]

اختي الموضوع بسيط ان شاء الله
وانتي غلطتي من البدايه انج خذيتي معاه في الكلام فالحبيب صدق عمره
اذا كلمج ثاني مره او طلب رقمج هدديه انج بتشتكين عليه لاتقولين بخاف من الفضيحه لانج لو سكتي بيتمادى اكثر واكثر واذا ماشفتي فيه فايده
عندج العضيد ترا كل اجرائاتهم سريه لان هالاشكال زادو في البلد ويبيلهم حد يوقفهم عند حدهم

[يراعٌ فراتي]

اختي الله اعلم مافي القلوب ويمكن قصده يساعدك او يبي بخشيش على قولة الربع
يمكن توه جديد فالدوحة وما يعرف العادات والتقاليد

بس حتى وان كان قصده مساعدة مفروض ما يسوي جي

وعموما كان من البداية حقرتيه وريحتي راسك

بس كنتي متعشمة انه يساعدك في ورطة المواعيد اللي ما تخلص
الله يكون في عونك
والستر زين ولو كنتي ما كتبتيها في المنتدى كان افضل

[Miss Merna]

اختي الموضوع بسيط ان شاء الله
وانتي غلطتي من البدايه انج خذيتي معاه في الكلام فالحبيب صدق عمره
اذا كلمج ثاني مره او طلب رقمج هدديه انج بتشتكين عليه لاتقولين بخاف من الفضيحه لانج لو سكتي بيتمادى اكثر واكثر واذا ماشفتي فيه فايده
عندج العضيد ترا كل اجرائاتهم سريه لان هالاشكال زادو في البلد ويبيلهم حد يوقفهم عند حدهم

شكرًا على المرور المرة الجاية اذا تجرا ولا جا وكلمني بادبه وبخليه يحرم يكلم مرآة

[بصمة قطرية]

لا تسيئون الظن..
اتوقع الأخ كان فعلاً يبي يخدمج ومنتظر منج البخشيش بس ..
وكونه عطاج رقمه وطلب رنة عشان يضمن انج خزنتي الرقم..
احنا نروح المستشفى ومرات نشوف من هاللي يشتغلون في المستشفى ويجيبون الملفات
مرات يطلبون الكرت يساعدون يدخلونه على الدكتور او يروح يجيب الملف ..
وياخذ المقسوم ..
تراهم متعودين على هالشي ..
خلاص انسي السالفة ولا تقطعين رزقه ..

[Miss Merna]

وانا كل ماانزل موضوع ياينحذف ولا اطلب حذفة خلا ص ياادارة المنتدى احذفي الموضوع وشكرا

[الخزرجي قطر]

الحل في مثل هذه المواقف انك تذهبي العياده وتخلصي الموعد بنفسك
اذا شافك وعرفك وعرض خدماته وقفيه عند حده باسلوب يدل على
انك منزعجه من تصرفاته اذا لم يرتدع بلغي عنه ادارة المستشفى

[أخو من طاع ربه]

غلطانه تعطينه سالفه يا بلفيت بيساعد
هالاشكال غض النظر أش جنسيته
ما آتيي الا بالعين الحمرا
ليتج بلغتي الادارة بيشرشحونه واقرب
طايره

[h9466]

هاذي حركات المصريين في كل مكان... الله يهديهم...اختي هذا الحل الوحيد معاه انه تعرفيه قدره...لانك لو خليتيه بيتجرأ على غيرك من بنات الناس .......وصدقيني ماراح تسمعي له حس بعد ما توريه قدره,,,وكلامي هذا من تجارب كثيرة مع هالنوعية من البشر...

[Mili]

وانا كل ماانزل موضوع ياينحذف ولا اطلب حذفة خلا ص ياادارة المنتدى احذفي الموضوع وشكرا

انا اشوف لو الموضوع يغلق بدل لا ينحذف عشان يستفيدون منه غيرج

بس انت كيفج :discuss:

[ذيب ولد ذيب]

معطته وجه وراكبه اللفت معاه بروحكم وش تنتظرين ؟؟

ما اعرف كيف رضيتي ان كل هالاشياء تصير ؟؟

الله يهديكم

[CH Engineer]

اعتقد المصري ماكان يبي فلوس لان الاخت ادرى باسلوبه بالكلام معاها..

لو تكلمين ريلج او اخوانج افضل من المنتدى