حقيقية التقطير 50% ....... ولعبة (العقود) ... خاصة في قطر للبترول وباقي الشركات

[البدع]

ساقول شيء اعرفه

وهذي معلومة غافلة عن الكثير

وهذا مثال حقيقي .. منتشر في الشركات وخاصة قطر للبترول

ادارة فيها 15 مهندس ( 3 قطريين .... و 12 من الاخوة الاجانب)

اي ان نسبة التقطير 20%

ويطلع مدير الشركة او الادارة او القسم في العلن

ويقول التقطير 50% عندنا

والحقيقة انه لم يكذب (ولكن تلاعب بالالفاظ)

فمن ال 15 موظف ..... هناك 6 موظفين بشكل رسمي ..... والباقي عقود (سنتين . او 4 سنوات)

وهذي هي لعبة العقود الي منتشرة حاليا في قطر

وخاصة في قطر للبترول

تلاقي موظفين كثير بعقود .... في محاولة للتمويه

والي الاحظ ان الحكومة غافلة عنها .. او تتغافل بحجة عدم وجود كفاءة محلية لتغطيتها

وهذي صراحة يجب ان نعترف فيها

المدير القطري مايبي قطريين تحته

والاجنبي مايبي قطريين تحته

ونصيحة للشباب .... عليكم بالتجارة

وبالتوفيق للجميع

[بو راشد 1]

انا في قطر للبترول و المدير الاجنبي منتفني

[عبـد الله]

صدقت يالبدع وعليكم بالتجاره

[البدع]

انا في قطر للبترول و المدير الاجنبي منتفني

انا كان رئيس قسمي قطري

ومديري قطري

وفي شهر

طيروا الاثنين

وجاوبوا مكانهم ولد التبولاية

وشخص عربي مؤقت

حطيت الاستقالة على مكتبهم

وقال لي المدير انسى ارقيك

وقلت له بالحرف الواحد: هذي مب شركة ابوك

وطلعت من مكتبه

ومارجعت رغم التهديد بالتفنيش

واستقلت من الشركة

وشغال تجارة حرة ومريح بااااااااااااااااااالي

[بو راشد 1]

وفي خدعه ثانيه يسويها المدير الاجنبي، يحسب المتدربين القطرين في الاحصائيه عشان يرفع نسبه التقطير بينما المفروض يحسبون فقط الموظفين المثبتين حسب اللوائح

[بو رااكان]

وانا مديري قطري وحرمني الخير ومن 9 سنين وانا نفس الاساسي وموقف ترقيتي لانه ما يحبني وما خلا أحد ما رقاه بس عشان يقهرني حسبي الله ونعم الوكيل فيه وفي كل ظالم
راحت سنين خدمتي بدون فايده وراتب يا الله يكفي الاقساط :(

[البدع]

صدقت يالبدع وعليكم بالتجاره

في الماضي يسمونهم عبيد

الحين يسمونهم موظفين

واخيرا اعتقت رقبتي بنفسي

والله بستر ما ارجع عبد

اقصد موظف

:nice:

[البدع]

وفي خدعه ثانيه يسويها المدير الاجنبي، يحسب المتدربين القطرين في الاحصائيه عشان يرفع نسبه التقطير بينما المفروض يحسبون فقط الموظفين المثبتين حسب اللوائح

اخوي

هذا بالضبط في المثال االي انا ذكرته

وكلامك سليم

والحق ينقال

للاسف المدراء القطريين بعضهم مايقصر

ولكن بعضهم للاسف العن من الاجنبي

والله يوفق الجميع

[خالد32]

حتى العقود المؤقته محسوبه في القوى العامله لان الكشف يجي بالوظايف الموجودة لكل ادارة و من يشغلها. و اغلب الوظايف الي تكون بعقود مؤقته هي الادارية بدرجة كبار الموظفين.
و اوافقك في مسألة المدير الي يبي الاجانب و يستحقر القطريين موجود و في عدة اماكن و محتاج علاج نفسي من عقدة المستعمر الاجنبي و مخلفاته.
لكن ان نخليهم يلعبون على كيفهم و نطلع احنا و نشتغل بالتجارة فما اعتقد ان الكل شاطر فيها و لازم نثبت نفسنا بالقوة.
و الله يوفق الجميع

[بو رااكان]

اخوي

هذا بالضبط في المثال االي انا ذكرته

وكلامك سليم

والحق ينقال

للاسف المدراء القطريين بعضهم مايقصر

ولكن بعضهم للاسف العن من الاجنبي

والله يوفق الجميع

اي والله وانشدني من واقع تجربه

[البدع]

وانا مديري قطري وحرمني الخير ومن 9 سنين وانا نفس الاساسي وموقف ترقيتي لانه ما يحبني وما خلا أحد ما رقاه بس عشان يقهرني حسبي الله ونعم الوكيل فيه وفي كل ظالم
راحت سنين خدمتي بدون فايده وراتب يا الله يكفي الاقساط :(

عليك بالدعاء اخوي

الشركة الي انا اشتغلت فيها

دعيت الله لين ما استجاب لي

ادعي كل يوم

شوف اوقات الاستجابة

[بو رااكان]

عليك بالدعاء اخوي

الشركة الي انا اشتغلت فيها

دعيت الله لين ما استجاب لي

ادعي كل يوم

شوف اوقات الاستجابة

الله كريم

[البدع]

حتى العقود المؤقته محسوبه في القوى العامله لان الكشف يجي بالوظايف الموجودة لكل ادارة و من يشغلها. و اغلب الوظايف الي تكون بعقود مؤقته هي الادارية بدرجة كبار الموظفين.
و اوافقك في مسألة المدير الي يبي الاجانب و يستحقر القطريين موجود و في عدة اماكن و محتاج علاج نفسي من عقدة المستعمر الاجنبي و مخلفاته.
لكن ان نخليهم يلعبون على كيفهم و نطلع احنا و نشتغل بالتجارة فما اعتقد ان الكل شاطر فيها و لازم نثبت نفسنا بالقوة.
و الله يوفق الجميع

يعطيك العافية اخوي خالد

ولكن بالنسبة للشركة الي كنت اعمل فيها

لايطبق هذا الكلام

صاحب العقود لايشمل في التعداد

وتلاقي المدراء يقولون لنا خذوا عقود مثل ماتبون .. بس توظيف لا


والغريب ام شركات مثل ميرسك واوكستدنتال يرفضون استخدام هذا الاسلوب الي تستخدمه شركات قطرية

[dhaboia]

ساقول شيء اعرفه

وهذي معلومة غافلة عن الكثير

وهذا مثال حقيقي .. منتشر في الشركات وخاصة قطر للبترول

ادارة فيها 15 مهندس ( 3 قطريين .... و 12 من الاخوة الاجانب)

اي ان نسبة التقطير 20%

ويطلع مدير الشركة او الادارة او القسم في العلن

ويقول التقطير 50% عندنا

والحقيقة انه لم يكذب (ولكن تلاعب بالالفاظ)

فمن ال 15 موظف ..... هناك 6 موظفين بشكل رسمي ..... والباقي عقود (سنتين . او 4 سنوات)

وهذي هي لعبة العقود الي منتشرة حاليا في قطر

وخاصة في قطر للبترول

تلاقي موظفين كثير بعقود .... في محاولة للتمويه

والي الاحظ ان الحكومة غافلة عنها .. او تتغافل بحجة عدم وجود كفاءة محلية لتغطيتها

وهذي صراحة يجب ان نعترف فيها

المدير القطري مايبي قطريين تحته

والاجنبي مايبي قطريين تحته

ونصيحة للشباب .... عليكم بالتجارة

وبالتوفيق للجميع

كلامك صحيح 100% ...واكبر مثال عندك شركة قطر غاز ...عدد الموضفين اكثر من 4000 موظف ويالله يالله تشوف قطري فالشركه ..في الاداره نعم بتشوف اما فالمصنع ناااااادر تحصل قطري ...اذا شفت قطر حتى لو اول مره تروح له وتسلم عليه ولا ودك تفارقه شي نادر هالمخلوق فالمصنع...وعقب يقولون نسبة التقطير 50% لعنبوووو ما نشوف .....والادهى والامر ان القطري لين يتضايق ويقدم استقاله مافي احد يسأل ليش او يحاول يحل المشكله ..والعكس صحيح ..المدراء لين يرقون شباب قطريين الاداره تقعد لهم قعده يروحون ينبشون وراه والا يطلعون عذر يا ما عنده خبره او مو ملتزم بس عشان يأخرون ترقيته.

[خالد32]

شباب انتوا وين سمعتوا ان القطريين 50%؟؟؟؟
انا اخبر كانت خطة تقطير 50% في 2005 بس ما نجحة بسبب كثرة المشروعات الجديدة و هروب المواطنين من بعض الوظائف خاصة التقنية

[Dawn]

شكرا يالبدع .. ( عليكم بالتجاره ) ،،، فعلا هذي افضل نصيحه للشباب

يا شباب لا تعتمدون على الحكومه والراتب اللي يجي منها لان اثبتت التجارب ان اماكن العمل لا تعتبر راتبك حق لك وانما مكرمه ممكن في اي لحظه تنسحب منك ... ممكن في يوم يخصم جزء منه بحجة تعديل الرواتب ،،، ممكن في يوم تصير فائض وتحرم من البدلات بسبب سوء تنظيم المسؤولين للوزارات والهيئات فتصبح انت الضحية !! وممكن تصير متقاعد وتاخذ نص راتب وانت في عز شبابك وسط هالغلاء اللي ما تتحرك الدوله لحله او التخفيف من شدته على الشعب !!! .. للاسف مافيه ضمانات لمعيشة كريمة للمواطن القطري ،، فاعتمدوا على انفسكم وافضل شي التجاره ولا تنطرون اي شي من الحكومه ..

وبالنسبة للتقطير لو كان المسؤولين الكبار بالدوله فعلا يبون تقطير كنا شفناهم يلفون على الشركات والهيئات ويلزمون كل رؤساء الاقسام بتعيين القطريين .. لكنهم ما يبون التقطير للاسف ..

[البدع]

كلامك صحيح 100% ...واكبر مثال عندك شركة قطر غاز ...عدد الموضفين اكثر من 4000 موظف ويالله يالله تشوف قطري فالشركه ..في الاداره نعم بتشوف اما فالمصنع ناااااادر تحصل قطري ...اذا شفت قطر حتى لو اول مره تروح له وتسلم عليه ولا ودك تفارقه شي نادر هالمخلوق فالمصنع...وعقب يقولون نسبة التقطير 50% لعنبوووو ما نشوف .....والادهى والامر ان القطري لين يتضايق ويقدم استقاله مافي احد يسأل ليش او يحاول يحل المشكله ..والعكس صحيح ..المدراء لين يرقون شباب قطريين الاداره تقعد لهم قعده يروحون ينبشون وراه والا يطلعون عذر يا ما عنده خبره او مو ملتزم بس عشان يأخرون ترقيته.

كل الشركات التابعة لقطر للبترول

وليس قطر الغاز فقط

من امسعيد لين راس لفان

[intesar]

أعتقد التقطير بس كلام جرايد .. والحقيقة غير ..
بصراحة أهل الفتوش والتبولة كلونا .. وياريت عاجبهم .. ٩٠ بالمئة كلام و١٠ بالمئة عمل .. الله يعين بلنا من هذولي .. معاشاتهم عالية ..
في بلدهم مو لا قيين ياكلون وهني عندنا الواحد فيهم أقل من مدير ما يشتغل .. عن تجربة بهدلوني ..

[عنابي 2010]

مشكله قطر بترول المدير بيده كل شي ترقيتك دورت داخل البلد وخارج البلد وهاي كله اول ماتوضف في مركز التدريب هالكلام كل موضف اشتغل في البترول سمع(شد حيلك تري المتستقبل ينتضرك)والله الوحد شد حيله لين انقطع.قطر بترول اصبحت شركات المدير يعين هندي ويعطيه الخيط والمخيط. يجي جرايد وشاشه الاسهم واجتماع مع لربع يناقش البسنس الخاص.وانت لك الله.والله نسبه الاجانب تزيد والاقطرين تكاد تنعدم.الترقيات بدون قانون يعتمد علي الهندي لورضاء عليك المدير مايردك. والسبب اهم شي الانتاج الانتاج صح الشغل صح .بغض النضر اقطري او اجنبي

[R 7 A L]

قطر للبترول ماقصرت مع القطريين

هي الجهه الوحيدة التي نرفع لها القبعة


روح لبريطانيا وامريكا واستراليا واسأل القطريين الى يدرسون هناك من الى بعثهم

[ahad]

..اخوي البدع ..مواضعيك دووم مميزة.

اشكرك عليها..

والله يوفقك ويوفق الجميع انشاءالله

[Dawn]

قطر للبترول ماقصرت مع القطريين

هي الجهه الوحيدة التي نرفع لها القبعة


روح لبريطانيا وامريكا واستراليا واسأل القطريين الى يدرسون هناك من الى بعثهم

طيب لما قطر للبترول تؤهل كفاءات قطريه نقول جزاهم الله خير
لكن ...
ليش المسؤولين الاجانب عددهم اكثر من القطريين ؟ وليش ما يترقى القطري بعد كل هالتأهيل اللي على اصوله واللي حصل عليه من امريكا واستراليا وبريطانيا ليكون مسؤول بدال الاجنبي ؟ ليش يوصل مكان في مسيرة عمله وبعدين يوقف عند مستوى معين ما يتعداه ؟؟؟ الا ترى انها خسارة للكفاءات والخبرات الوطنيه وخسارة لاموال الدوله في نفس الوقت ؟

[Qatar-King]

ياخي نسب التقطير المذكورة في الجرايد شي يضحك ومو معقول يصير !!!


انا قريت أن معرض قطر المهني السابق أستقبل 27500 طلب توظيف وماوظفوا منهم الا 5 آلاف !!!!!!!!!


يعني بالقطارة توظيف القطريين للأسف و المصيبة أنهم ما ذكروا أي سبب منطقي لهذا الشح في التوظيف !!!

الله كريم وان شاء الله ترجع للقطري كرامته في شركات المفروض تستقبله بأحضان دافئة وليس العكس ..

[R 7 A L]

طيب لما قطر للبترول تؤهل كفاءات قطريه نقول جزاهم الله خير
لكن ...
ليش المسؤولين الاجانب عددهم اكثر من القطريين ؟ وليش ما يترقى القطري بعد كل هالتأهيل اللي على اصوله واللي حصل عليه من امريكا واستراليا وبريطانيا ليكون مسؤول بدال الاجنبي ؟ ليش يوصل مكان في مسيرة عمله وبعدين يوقف عند مستوى معين ما يتعداه ؟؟؟ الا ترى انها خسارة للكفاءات والخبرات الوطنيه وخسارة لاموال الدوله في نفس الوقت ؟



صحيح ماذكرت اخوي الكريم

ولكن نحن نتحدث عن الحاظر وفي ظل التغيير الوزاري الذي طرئ مؤخراً على قطر للبترول ربما يكون المستقبل للقطريين في قطر للبترول أفضل

[Diamond]

قطر للبترول ماقصرت مع القطريين

هي الجهه الوحيدة التي نرفع لها القبعة


روح لبريطانيا وامريكا واستراليا واسأل القطريين الى يدرسون هناك من الى بعثهم

اخوي رحال هاذي اول مره اختلف معاك فيها....90% من المواضيع اللي تنطرح فالحوار العام اقراها وكل مره يكون رايي مطابق لرايك ولكن هم رايك عالعين والراس...انا اذكر في احد ردودك انك تدرس في امريكا ..يمكن لان وايد تقابل الشباب هناك وهم بعيد عن المصنع وبعيد عن الظيم اللي يصير هني وبعيد عن الظلم والتطفيش اللي يواجهه القطري..والمشكله 50% من التطفيش اللي يواجهه القطري يكون من قطري .....واكبر مشكله في البترول ان مديرك يكون مسؤل عن كل شي ..ترقيات - دورات-كورسات-منح دراسيه - تقيم سنوي-نقل- تفنيش-..وهذا اكبر غلط لازم يكون في قانون لان المدير انسان قد يصيب وقد يخطى ..

[D0ha]

قطر للبترول ماقصرت مع القطريين
هي الجهه الوحيدة التي نرفع لها القبعة
روح لبريطانيا وامريكا واستراليا واسأل القطريين الى يدرسون هناك من الى بعثهم

وأنا ارفع القبعة لرأيك الكريم...قطر للبترول افضل شركة (وجة رأي) تعمل على التدريب الصحيح, وتتماشى مع سياسة الادارة القطرية والسبب (مدراء الادارات) يشغلها قطريين...اما بالنسبة لبعض الشكاوي, اعتقد ان الدولة تعتمد بشكل كبير على هذه الشركة ونلاحظ توسعها في مشاريع كبيرة وتحتاج الى صبر وطولة بال الموظف, وبالمقابل عدد السكان قليل جدا مع توسعات الشركة وهذا احد الاسباب اللى تضغط على طموح القطري وهو يتدرب و"يسبح ويحاول الطفو" بين كفاءات وخبرات "لاترحم" ولا "تصبر"...اعتقد هذه الصناعة تحتاج لمثابرة وصبر على الشقى وكد وطولة بال....الجنة مايدخلها الا من تعب في دنياه, واعتقد المناصب والاهتمام تذهب لمن هو كفؤ لها..

[الصريحه]

ماشاء الله معلومات قيمه؟؟؟؟؟؟؟؟؟؟؟؟؟؟؟؟
فالنهايه من السبب بهذا التخبط والعشوائيه في التوظيف ؟؟
ولمصلحه من؟؟؟؟؟؟؟؟؟؟

[R 7 A L]

اخوي رحال هاذي اول مره اختلف معاك فيها....90% من المواضيع اللي تنطرح فالحوار العام اقراها وكل مره يكون رايي مطابق لرايك ولكن هم رايك عالعين والراس...انا اذكر في احد ردودك انك تدرس في امريكا ..يمكن لان وايد تقابل الشباب هناك وهم بعيد عن المصنع وبعيد عن الظيم اللي يصير هني وبعيد عن الظلم والتطفيش اللي يواجهه القطري..والمشكله 50% من التطفيش اللي يواجهه القطري يكون من قطري .....واكبر مشكله في البترول ان مديرك يكون مسؤل عن كل شي ..ترقيات - دورات-كورسات-منح دراسيه - تقيم سنوي-نقل- تفنيش-..وهذا اكبر غلط لازم يكون في قانون لان المدير انسان قد يصيب وقد يخطى ..




بارك الله فيك
أشكرك على الأطراء

لما ذكرت قطر للبترول ذكرتها لانها اقوى جهه وجادة في مسألة التقطيــــر والتطوير والابتعاث للخارج

اما النواحي الاخرى من تطفيش وغيرها فقد تختلف من شركة الى اخرى

[R 7 A L]

وأنا ارفع القبعة لرأيك الكريم...قطر للبترول افضل شركة (وجة رأي) تعمل على التدريب الصحيح, وتتماشى مع سياسة الادارة القطرية والسبب (مدراء الادارات) يشغلها قطريين...اما بالنسبة لبعض الشكاوي, اعتقد ان الدولة تعتمد بشكل كبير على هذه الشركة ونلاحظ توسعها في مشاريع كبيرة وتحتاج الى صبر وطولة بال الموظف, وبالمقابل عدد السكان قليل جدا مع توسعات الشركة وهذا احد الاسباب اللى تضغط على طموح القطري وهو يتدرب و"يسبح ويحاول الطفو" بين كفاءات وخبرات "لاترحم" ولا "تصبر"...اعتقد هذه الصناعة تحتاج لمثابرة وصبر على الشقى وكد وطولة بال....الجنة مايدخلها الا من تعب في دنياه, واعتقد المناصب والاهتمام تذهب لمن هو كفؤ لها..



اشكرك على الاطراء

وماقلنا الا الصدق


وكذلك لاننسى انها الاعلى رواتب

[الخارجية]

وانا مديري قطري وحرمني الخير ومن 9 سنين وانا نفس الاساسي وموقف ترقيتي لانه ما يحبني وما خلا أحد ما رقاه بس عشان يقهرني حسبي الله ونعم الوكيل فيه وفي كل ظالم
راحت سنين خدمتي بدون فايده وراتب يا الله يكفي الاقساط :(
أخوي انت وين تشتغل ليش الدنيا فوضه ..:anger3::anger3::anger3:

[qatarman8008]

انا يوم كان مديري اجنبي كنت اخذ حقي كااااامل بالتمام والكمال واستفيد من كل الحوافز والمنح الممنوحة للموضفين حسب القانون
وعندما جابوا لي مدير قطري فرحت جدا وقلت اكاهو بدا التقطير باسم الله , لكن فجأة بدات المنح والحوافز تنتهي تدريجيا الى ان اصبحت مستحيلة بحجة ان مافي ميزانية الترقيات وقفت والزيادات السنوية بدل 10% صارت 2% فقط.

[بو رااكان]

أخوي انت وين تشتغل ليش الدنيا فوضه ..:anger3::anger3::anger3:


ايه فوضى اخوي . لان كل شي في يد مديرك المباشر ان رضى عليك ولا وداك ورى

الشمس وقطع رزقك ورزق عيالك وانا مستحق للترقيه وجميع الشروط تنطبق علي

لكن هو رفض التوقيع على اي ترقيه وجمد وضعي من تسع سنين وحسبي الله ونعم الوكيل

[freespirit]

اريح بالكم من هالنقطه ...

قطر للبترول سابقا كان نسبه التقطير ما يطلع فيها ريبورتات للي فوق ..

حاليا شغالين على هالشي

ونسبه التقطير الحاليه على ما اذكر في الاشغال الاداريه كانت فالعشرينات

بس حبيت اعلق

[بو راشد 1]

قطر للبترول ماقصرت مع القطريين



أخوي عندي تحفظ على كلامك، انا صار لي 20 سنه في قطر للبترول، كم صار لك فيها؟

[Bu Rashid]

قطر للبترول ماقصرت مع القطريين

هي الجهه الوحيدة التي نرفع لها القبعة


روح لبريطانيا وامريكا واستراليا واسأل القطريين الى يدرسون هناك من الى بعثهم



اخووووي رحال تكفى عطني راسك ابووووووسه :victory:

قطر للبترول لا تحسب المتدربيين او الموظفين الذين تحت التطوير في نسبة القطريين
لو كانت تحسب هؤلاء لكان نسبه القطريين تفوق 50%

قطر للبترول تحسب جميع الموظفيين الاجانب سواء عقد قصير اوووو طوووويل الاجل


قطر للبترووووول عبارة عن مكينة تفريخ للعباقرة القطريين وتصدرهم للشركات التابعه
والمؤسسات والوزارات الحكوووووميه والشركات الخاصة وغيرها :eek5:

لكل مجتهد نصب والارزاق بيد الله

[قطر دزاين]

السؤال اللي يطرح نفسه هل اهل الاختصاص عندهم علم ام لا
وانا اجزم انهم يعرفون كل صغيره وكبيره بس ليش السكوت علامات استفهام..............................؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مضارب دوسري]

قطر للبترول ماقصرت مع القطريين

هي الجهه الوحيدة التي نرفع لها القبعة


روح لبريطانيا وامريكا واستراليا واسأل القطريين الى يدرسون هناك من الى بعثهم




اخووووي رحال تكفى عطني راسك ابووووووسه :victory:

قطر للبترول لا تحسب المتدربيين او الموظفين الذين تحت التطوير في نسبة القطريين
لو كانت تحسب هؤلاء لكان نسبه القطريين تفوق 50%

قطر للبترول تحسب جميع الموظفيين الاجانب سواء عقد قصير اوووو طوووويل الاجل


قطر للبترووووول عبارة عن مكينة تفريخ للعباقرة القطريين وتصدرهم للشركات التابعه
والمؤسسات والوزارات الحكوووووميه والشركات الخاصة وغيرها :eek5:

لكل مجتهد نصب والارزاق بيد الله

بيض الله وجيهكم ورحم الله والديكم


بس باقي الاعضاء اللي يمشون على منطق معاهم معاهم عليهم عليهم

يسمحون لي اقول

عاد مابغيتوا تتكلمون الا عن الكيوبي معقوووووووله !
هذي الشركه تتكلمون عنها في الوقت اللي لو تسالون اي موظف في اي شركه نفطيه يقولكم بديت مع قطر للبترول
100 % من اصحاب الشهاده الثانويه اللي يشتغلون في قطاع البترول هم من تفريخ قطر للبترول

انا موظف في شركه تابعه للكيوبي واقولها بكل فخر لولا وجود كيوبي في قطر ودورها معاي ومع غيري لما كان هناك اي قطري شهادته ثانويه يشتغل في مصنع من مصانع قطاع البترول

[R 7 A L]

أخوي عندي تحفظ على كلامك، انا صار لي 20 سنه في قطر للبترول، كم صار لك فيها؟


احترم رأيك اخوي

بس الشي الواضح الى الكل يشوفة
ان قطر للبترول هي الاولى في قطر في مسألة التقطير
وتوظيف حتى اهل الشهادات الابتدائية والاعدادية برواتب عالية جداً
بالاضافة الى الدورات التدريبية المستمرة واتحدى اي موظف في قطر للبترول تمر علية سنتين من غير دورة تدريبية

[بو راشد 1]

لابد من مقارنه قطر للبترول مع شركات البترول العالميه بالذات في قضيه تطوير الموظفين و نظام ترقيتهم.
الظاهر البعض يقارن قطر للبترول مع وزارة البلدية او التعليم، طبعا لا مجال للمقارنه في التطوير او الرواتب. لا تقارن نفسك مع من هو دونك, الناس تتطلع للافضل.

[R 7 A L]

لابد من مقارنه قطر للبترول مع شركات البترول العالميه بالذات في قضيه تطوير الموظفين و نظام ترقيتهم.
الظاهر البعض يقارن قطر للبترول مع وزارة البلدية او التعليم، طبعا لا مجال للمقارنه في التطوير او الرواتب. لا تقارن نفسك مع من هو دونك, الناس تتطلع للافضل.

اخوي ابو راشد
فديت خشمك
الموضوع عن قطر والتقطير وجهات العمل عندنا
واتحدى اي مكان في العالم يوظفون واحد مؤهلة اعدادي براتب 5000 دولار

[بو راشد 1]

اخوي ابو راشد
فديت خشمك
الموضوع عن قطر والتقطير وجهات العمل عندنا
واتحدى اي مكان في العالم يوظفون واحد مؤهلة اعدادي براتب 5000 دولار


اسف على سوء الفهم، انا اقصد تقطير الوظائف القيادية في قطر للبترول (الحاصلين شهاده جامعيه او ماستر)، بينما الموضوع يتكلم عن حاملين شهاده الاعداديه، شكرا للتوضيح.

[الشلال راشد]

المدير القطري مايبي قطريين تحته

والاجنبي مايبي قطريين تحته

ونصيحة للشباب .... عليكم بالتجارة

وبالتوفيق للجميع

اي والله العظيم صدقت في هذي للآسف ...

ولو قدمت كتاب ووصلت لمكتب الوزير يطلعوون لك مليووون عذر وعذر تبرير للمدير ..

شئ يقهر قسم بالله ..

لمتى والقطريين على هالحاله :weeping: في قطر للبترول :weeping:

[H.87]

بمزاجهم يرقون ويعطون دورات و و الخ
إذا حبوك حطوك على روسهم وعطوك كل اللي تبيه مستحق لا مش مستحق لو تروح تنام بالشركه وتطلع .. وإذا حطو راسهم براسك ولا ماعجبتهم خفسو فيك الارض وحقرو فيك ومعامله تمشي على مبدأ ( نار هاديه ) بمعنى اصح استفزايه للموظف المسكين

والمدرى سواء قطريين او اجانب هالتصرفات تطلع من الطرفين وبناء عن واقع وتجربه والله على ماقول شهيد .. يعني فالكيو بي وانت اعدادي ولا ثانوي الله يفرج عليك وردد لا اله الا انت سبحانك اني كنت من الظالمين

واحد من هلي شعلة نشاط ماشاء الله بشهادة الكل مخلص في شغله وقلبه على الشغل 11 سنه فالكيو بي يشوف اجانب يشتغلون طباعين في الرونق يجون بعده ويترقون ويوصلون فوق وهو مغرز على درجة ياما تظلم وكتب شكاوي لكن بدون فايده زاد الظلم عليه اكثر وحطو العين عليه اكثر .. وهو مستمر وواثق بان الله بيعطيه على نيته فالنهايه على حسب كلامه ومازال يشتغل وبكل اخلاص

لان الله موجود ودامه موجود يعني الامل لازال موجود ...

ماقول غير حسبي الله ونعم الوكيل فهالناس اللي قلوبها سوده يعطونها تمسك هالمناصب وتلعب بارزاق الناس وكأنها شركاتها الخاصه ما كانها شركات الدوله

حسبي الله على كل ظالم وعسى مرواحه مرواح حسني وزين العابدين وغيرهم

[Bu Rashid]

بيض الله وجيهكم ورحم الله والديكم


بس باقي الاعضاء اللي يمشون على منطق معاهم معاهم عليهم عليهم

يسمحون لي اقول

عاد مابغيتوا تتكلمون الا عن الكيوبي معقوووووووله !
هذي الشركه تتكلمون عنها في الوقت اللي لو تسالون اي موظف في اي شركه نفطيه يقولكم بديت مع قطر للبترول
100 % من اصحاب الشهاده الثانويه اللي يشتغلون في قطاع البترول هم من تفريخ قطر للبترول

انا موظف في شركه تابعه للكيوبي واقولها بكل فخر لولا وجود كيوبي في قطر ودورها معاي ومع غيري لما كان هناك اي قطري شهادته ثانويه يشتغل في مصنع من مصانع قطاع البترول



جزاك الله خير اخوووووي الدوووووسري

طريق النجاح متعب ومحفوف بالمخاطر
القطريين يكافحون في قطر للبتروووول للوصول الى القمه
والحمد لله نصف هرم قطر للبترول الاعلى قطريين
ونتمنى لك ولهم التووووفيق

[خالد32]

انا متأكد ان الي شغال في قطر للبترول 15 و 20 و اكثر مب طالع منها لانه يدري انه مأمن حق نفسه وظيفة احسن من الاماكن الثانية بس الكل يبي يركب السلم و يحصل مستقبل احسن
يمكن في تقصير في بعض الدوائر لكن مب معناه ان قطر للبترول شركة فاسدة
انا اعرف شباب اداراتهم ما عطتهم كورسات لكنهم خذوها عن طريق شؤون الموظفين
و اعرف غيرهم دوائرهم تترجاهم يروحون يتعلمون و هم رافضين

يا شباب مافي شي اسمه مستحيل و قطر للبترول ان شاء الله ماتقصر مع الكوادر الوطنية
و لكل شي سبب

[البدع]

اعتذر عن عدم الرد بسبب السفر

بعض الردود منطقية هنا

ولي عودة

[مشتاقة لقطر]

موووضوع مميز

[مناحي السادس عشر]

كلامك صحيح 100% ...واكبر مثال عندك شركة قطر غاز ...عدد الموضفين اكثر من 4000 موظف ويالله يالله تشوف قطري فالشركه ..في الاداره نعم بتشوف اما فالمصنع ناااااادر تحصل قطري ...اذا شفت قطر حتى لو اول مره تروح له وتسلم عليه ولا ودك تفارقه شي نادر هالمخلوق فالمصنع...وعقب يقولون نسبة التقطير 50% لعنبوووو ما نشوف .....والادهى والامر ان القطري لين يتضايق ويقدم استقاله مافي احد يسأل ليش او يحاول يحل المشكله ..والعكس صحيح ..المدراء لين يرقون شباب قطريين الاداره تقعد لهم قعده يروحون ينبشون وراه والا يطلعون عذر يا ما عنده خبره او مو ملتزم بس عشان يأخرون ترقيته.


كلااااااااااااااامك مردود عليك وخالي من الصحه نهائياااااااااااا
ياخي خاف ربك في هالكلام
يا اما تقول كلام صح يا اما لا تقول
معظم المناصب في التشغيل والصيانه من القطريين
شلون تقول القطري مخلوق نااادر في المصنع
ياخي اعطيك مليون اسم قطري في هالشركه تحديدا
الرجاء الدقه والموضوعيه يا كبتن

[Diamond]

كلااااااااااااااامك مردود عليك وخالي من الصحه نهائياااااااااااا
ياخي خاف ربك في هالكلام
يا اما تقول كلام صح يا اما لا تقول
معظم المناصب في التشغيل والصيانه من القطريين
شلون تقول القطري مخلوق نااادر في المصنع
ياخي اعطيك مليون اسم قطري في هالشركه تحديدا
الرجاء الدقه والموضوعيه يا كبتن

انت عندك اذا مدير القسم قطري وباقي القسم اجانب يعني التقطير 50%...انزين يالفاهم ياللي تخاف الله طلع لي قسم واحد من الصيانه او التشغيل فيه القطريين 50% اتحداااااااااااك....وانا بطلع لك خمس اقسام حلوه وسهله واي قطري يقدر يشتغل فيها مافيها ولا قطري...ابيك تحلف يالفاهم يالفطين ان القطريين فالشركه في قسم الصيانه والتشغيل يجون 25%.......

وبعدين يا بو التضخيم والمبالغه خل عنك المليون اسم والتضخيم الزايد لان عدد المواطنين في قطر ما يجي نص المليون

[مناحي السادس عشر]

انت عندك اذا مدير القسم قطري وباقي القسم اجانب يعني التقطير 50%...انزين يالفاهم ياللي تخاف الله طلع لي قسم واحد من الصيانه او التشغيل فيه القطريين 50% اتحداااااااااااك....وانا بطلع لك خمس اقسام حلوه وسهله واي قطري يقدر يشتغل فيها مافيها ولا قطري...ابيك تحلف يالفاهم يالفطين ان القطريين فالشركه في قسم الصيانه والتشغيل يجون 25%.......

وبعدين يا بو التضخيم والمبالغه خل عنك المليون اسم والتضخيم الزايد لان عدد المواطنين في قطر ما يجي نص المليون

دام ردك وصل لمرحلة الاستهزاء والضحك خلاص نوقف النقاش طال عمرك

[Diamond]

دام ردك وصل لمرحلة الاستهزاء والضحك خلاص نوقف النقاش طال عمرك

طال عمرك انا ما استهزأ بس رديت عليك بالمثل يا مناحي..انت كذبتني وقلت كلامك خالي من الصحه وانا كنت متأكد من كل كلمه كتبتها...وانت قلت لي ما تخاف الله ....وانت اللي استهزأت بكلمة (كبتن).....