جدي ربح الملايين .. وانا حفيده المتعلم الفاهم خسرت الالاف

[23سلطان]

جدي

او (ابو) ابوي

اشترى اسهم في احدى الجمعيات الاستهلاكية التي سميت الآن زوراً الميرة

واكتتب باسهم بسيطة في المصرف

وباسهم بسيطة في الدولي

وليس عنده الا داتسون (نسيان بيك اب قيدم)

ولنج (مركب قديم) ازيل من الكورنيش عام 1991

جدي لايعرف كيف يكتب

ولا كيف يقرأ

ولايعرف الا استخدام الهاتف القديم (ابو فرة)

ولايعرف التحليل الفني

ولا كيف يستخدم موقع بورصة الدوحة على الانترنت كما يستخدمه حفيده

ويرفض اي شيء له علاقة بالتكنولوجيا

ولا يعرف شيء سوى الاخبار

وفلان مات

وهذا ولد فلان

والسمك

والبحر

والتمر

ورغم كل هذا اصبح مليونير احسن مني انا المتعلم الفاهم الحاصل على شهادة جامعية واتقن فن اللغة الانجليزية واعرف التحليل والتخطيط .. واعرف احسن منه كيف استخدم البلوتوث واركب سيارة لكزس واقرا اخبار البورصة على الانترنت

الحمد لله لست مديوناً

ولكن اتعجب كيف اصبح هو مليونير وهو ابن البدع ولم يطلب المال قط

وانا اصبح (دخل-محدودين) وانا ابن الحضارة والتقدم ولوسيل والمتفرغ للبورصة كل صباح

سبحان المعطي
[SIZE=4]

[العديد]

ضربت حظ
يرزق لمن يشاء

[ابو الاسهم]

الله يحفظ جدّك من العين

وانا لو مكانك ما حطّيت هالموضوع

[وطن]

جدك صبر على الاسهم :)
ولا انت شرايك؟؟
هو اكتتب ونساهم

وانت اكيد من المضاربين والله يعينك ان شاء الله

[A.L.I]

جدك صبر على الاسهم :)
ولا انت شرايك؟؟
هو اكتتب ونساهم

وانت اكيد من المضاربين والله يعينك ان شاء الله



:nice: :nice: :nice: :nice: :nice: :nice:

[سهم فلاش]

جدك مثل ابوى
اذا قلتله المؤشرات تقول ان السوق نزول قال ::صب القهوة

[mirage]

جدك مثل ابوى
اذا قلتله المؤشرات تقول ان السوق نزول قال ::صب القهوة :funny: :funny:

:app: :app: :app:

[حمد]

:funny: :funny:

:app: :app: :app:

ياريال لي قلت له مؤشر ... عطاني ظهره ومشى :)

حمد

[ضرغام]

أعتقد إن الفرق بينا و بينهم
( الصبر )......

[سهم طايش]

السبب هوووووو

( الاستثمار الطويل الاجل )

[مجداف البورصة]

يرزق من يشاء بغير حساب

[ابو احمد]

الأوليين قلوبهم نظيفة ... لا يحاتى و قلبة على رفيجة قبل نفسة ولهم سعة صدر و صبر.

[مهره]

d:d:d:

[Sultan_004]

الصبر مفتاح الفرج......... والأستثمار طويل الأجل هو الحل

[essa12]

الفرق الذي بينك وبينة انت مستهلك بدرجة الامتياز ، وهو منتتج ويستهلك حسب الحاجة
وبعدين صج الرزاق في السماء والحساد في الارض .

[ahmd_111]

ماشاءالله يبارك الله

الله يستر عليك

[خالد32]

الاستثمار

تبارك الرحمن و الله يحفظه

[مساهم مقرود]

ذكرتني بعمي يوم صارت الصناعات 240 قالي بيع وكل يوم يتصل فيني وما بعت سبحان الله كأنه يدري لكن ماطعته وتمت عندي الصناعات للحين والله يعيني على الخساير لأني بدل مابيع اللي عندي رحت وشريت السهم ب 240 ريال ولليوم طايحه بجبدي :eek3: :eek3: :eek3: :eek3: :eek3: :eek3: :eek3: :eek3: :eek3: :eek3: :eek3: :eek3:

[سهم طايش]

ذكرتني بعمي يوم صارت الصناعات 240 قالي بيع وكل يوم يتصل فيني وما بعت سبحان الله كأنه يدري لكن ماطعته وتمت عندي الصناعات للحين والله يعني على الخساير لأني بدل مابيع اللي عندي رحت وشريت السهم ب 240 ريال ولليوم طايحه بجبدي

الحمدلله في السراء و الضراء

[السهم الذهبي 2007]

اهلنا الاولين عندهم غناعه وشهامه وماهم بطماعين وصبورين ولا يحبون المخاطر ماشين على بركه الله سبحانه وتعالى ومثل مايقولون دوم اعقلها وتوكل على الله و يرضون بالقليل نحن المتعلمين لابد ان نعرف الاسباب وبينا منافسه غير شريفه لو نذكر اعيوبنا لا نقدر حصرها معضمها سلبيه نبي الربح السريع ولا عندنا صبر ونحب كماليات الحياه ولا عندنا توكل على الله صحيح هذا السبب دوم ترانا غير راضين بما قسمه الله لنا
الله يرحم اهلنا الاوليين ويوسع مدخلهم جنات النعيم

[no-way]

انا حبيت اطلع شوي عن الردود . . .

هذا الله يسلمك اول غير عن الحين

اول اذا يقولون حق الواحد جاك ولد قال : الله يبشرك بالخير

الحين اذا يقولون حق الواحد جاك ولد قال : بشرو البنك والتيوتا وكيوتل شدخلني انا :mad:

اول الواحد يصرف 40% من راتبه لين اخر اشهر :nice:

الحين الواحد يصرف 40% من راتبه قبل ينزل الراتب :anger1:

اول اذا الواحد عنده قرشين استخار وقال يالله من فضلك و حطهم في عقار ولا في تجاره ولا استثمار

الحين اذا الواحد عنده بيزتين راح يررركض للبورصه ويقول بخليهم يتوالدون في شهر :eek2:

اول الواحد يصبر ومايستعجل على رزقه ويقول يالله تكتب لنا الي فيه الخير

الحين الواحد اخر الليل على السرير وفي ايده الآله الحاسبه بكره ببيع وبشتري :con2:

اول الناس يحبون الخير لبعض ولا يعرفون شي اسمه تطبيل ولا تزمير :app:

الحين ناس تزمر وناس تصفر وناس تصفق :court:


واخيرآ : نعيب زماننا والعيب فينا :looking:

[الكواري]

انا حبيت اطلع شوي عن الردود . . .

هذا الله يسلمك اول غير عن الحين

اول اذا يقولون حق الواحد جاك ولد قال : الله يبشرك بالخير

الحين اذا يقولون حق الواحد جاك ولد قال : بشرو البنك والتيوتا وكيوتل شدخلني انا :mad:

اول الواحد يصرف 40% من راتبه لين اخر اشهر :nice:

الحين الواحد يصرف 40% من راتبه قبل ينزل الراتب :anger1:

اول اذا الواحد عنده قرشين استخار وقال يالله من فضلك و حطهم في عقار ولا في تجاره ولا استثمار

الحين اذا الواحد عنده بيزتين راح يررركض للبورصه ويقول بخليهم يتوالدون في شهر :eek2:

اول الواحد يصبر ومايستعجل على رزقه ويقول يالله تكتب لنا الي فيه الخير

الحين الواحد اخر الليل على السرير وفي ايده الآله الحاسبه بكره ببيع وبشتري :con2:

اول الناس يحبون الخير لبعض ولا يعرفون شي اسمه تطبيل ولا تزمير :app:

الحين ناس تزمر وناس تصفر وناس تصفق :court:


واخيرآ : نعيب زماننا والعيب فينا :looking:
صح لسانك :nice:

[بولينجر]

واعرف احسن منه[SIZE=4]





أنا ما لفت نظري غير هالكلمة...

أعتقد مب عدل حد يقول عن جده (وهو بمقام والده) هالكلمة....

مهما كان يظل هو أحسن منا... (ولا نقول إننا نتقن مهارة تقنية ما أحسن من الوالد أو الجد)

والله يبارك لجدك ويوسع رزقكم جميعا...

الله يعطي ويرزق كل على نياته...

[LaW]

شكرا لك ... هناك الكثير من هذه الحالات في قطر والخليج... والشاطر يميز بين المواطن في الحاضر والمواطن في الماضي... والفرق الشاسع بينهم من حيث التعاون والتكافل الأسري فيما بينهم.. :looking:

[الفيصلي]

ارزاق وانا اخوك

[بنك المراجل]

ابوك ماصرفها على الفخفخه ولالعب في الفلوس

ويدخل ولايخرج والا انت السياره اخر موديل وكل يوم في ديره

ولاعندك صبر


على العموم الانسان عادة مايصير انسان ناجح الا بعد الاربعين لان كثر التجارب

تعلمه وتعطيه خبره

[منصور]

هي توافيق من رب العالمين

وفي شياب كانو اغنيا فيما مضى واصبحو فقراء بعد ذلك وشياب كانو فقراء واصبحو اغنيا بعد ذلك فهي توافيق من الله جل جلاله

[rashid_qatar]

بصراحة كل الكبار ابهاتنا وجدودنا الله يعطيهم الصحة والعافية ..... يضحكون علينا لين قلنا نزلت الاسهم وخسرنا وهم ماشالله دخلو تأسيس والاسهم تطلع وتنزل وهم ثااابتين الله يثبتنا ويثبتهم على خطى الخير

[مسعود]

السلام عليكم حقيقي كل الي قلتوا صحيح بس نسيتو شي الخبره يمكن لمن تصير اب وبعدين جد وتكون مليونير راح يكون لك احفاد يحسدونك لانك اليوم غير بعد 5 سنوات وبعد 10 سنوات غير وهكذا الي اكبر منك يوم اخبر منك بسنه وشوف جدك عاد الله يعطي طول العمر ويباركله برزقه كم عنده خبره طويله وتوفيق من الله

[صفقه]

الله يبارك حق جدك ان شاء الله ويرزقه زود وزود ويعطيه طولة العمر ان شاء الله ...

هذي أرزاق وانا اخوك والواحد مايحصل الا اللي مكتوب له من عند رب العالمين .

الحمد لله على الصحه والعافيه و الحمد لله على كل حال .

[Qa6ar]

كل انسان له رزقه

على سالفه جدك.... واحد من الربع قبل سنين اول ايام الطفره والبترول قال له الحاكم انذاك او ولي عهده

مدري بالضبط تبغي ارض على الكورنيش ولاتبي سياره.. قال لا ابغي سياره.. هل كان يعلم ان اسعار الاراضي

اليوم قيمه السياره ملايين المرات

كل انسان له رزقه... والانسان مايجي له الا المكتوب له

[أعمار]

في السابق جدودنا كانت عندهم فرص كثيرة

و في هذا الزمن انت عندك فرصة انك تصير مليونير

يعطيك العافية :)

[مراقب السوق]

الحمدالله على كل حال ..


وخل جدك قدوتك .. وليس علامة تعجب في حياتك ..

تحياتي لك .. والله يعطي جدك طولة العمر ..