فزعتكم لرفيق اخوكم رياني قطر وش الحل الانسب

[رياني qtr]

فزعتكم لرفيق اخوكم رياني قطر وش الحل الانسب

صباح الخير اخواني والله يعطيكم العافية الموضوع موضوع صديقي
ندخل في الموضوع بشكل سريع
صديقي زوجتة موظفه في احد موسسات الدولة ولله الحمد هو يثق فيها فهي في قمة الاحترام
وبشهادة الجميع وصار لها موظفة تقريبا 10 سنوات المهم معاها موظف اخرفي نفس الموسسه يتعمد يطلع عليها شاعات وكلام والله لو اقوله لكم بيشيب راسكم ووصلت فية يطعن بشرفها وهذا الكلام وصل زوجها طبعا صديقي هو انسان عاقل جدا طلب مني المشورة وش رايكم انا قلت له ابشر بعزك في ذمتي ان تشتغل العجاري فهو رفض فكرتي :anger1:


المطلوب وش يسوي وشلون يحل هالمشكله بطريقة دبلوماسية مثل ماطلب مني
ويبتعد عن اعلان الحرب باستخدام جميع الترسانه الحربية والي يشوفها بنظرة طريقة همجية :anger1: وانا اشوفها هي الحل الانسب مع هالاشكال الي ماتحترم نفسها وماتعرف الاحترام
فالابد من تربيتها من جديد حتى لو نطر نقطع السانه وتحويله لشفلح قسم الطرمان

[شبح الصمت]

حسبي الله ونعم الوكيل في مثل هالأشكــال

الواحد وده يروح له ويتفاهم معاه

بس لو راح له راح يصير شيء ما لا تحمد عقباه

وراح ينجر اهو وياه وحرام يوسخ يده فيـه

شوف أخوي الأفضل أنه تصير شكوى عن طريق إدارتها أنه يقذفها في الكلام ويكون في شهود على كلامها ويتوقـف عن عمـله ومن ثم ترفع الإدارة الشكوى للإدارة المعنيـه ,,

الله يعيـنه على هالأمور

بس خله يفكر في عقلـه دامه الحمد لله في ثقـه في أهـله خلاص لا يترك مجال للشيطان يوسوس له

والله يستر على خواتنا فوق الأرض وتحت الأرض ويوم العرض

[al-vtc]

انا معااااك يا ريااااني

وابشر بالفزعه والعجاري تشتغل

[المفترسه]

اذا عنده شهود يرفع عليه قضيه وياخذ حقه بالقانون هالسوالف مافيها لعب هاي شرف عيله وفيها خراب بيوت اوووووف الموضوع يقهر الصراحه لو انا مكانه والله اخذ حقي بيدي وادزله اثنين نيجيريين يكسرونه :anger1:

[36R]

حسبي الله ونعم الوكيل في مثل هالأشكــال


شوف أخوي الأفضل أنه تصير شكوى عن طريق إدارتها أنه يقذفها في الكلام ويكون في شهود على كلامها ويتوقـف عن عمـله ومن ثم ترفع الإدارة الشكوى للإدارة المعنيـه ,,

والله يستر على خواتنا فوق الأرض وتحت الأرض ويوم العرض

رأي سديد ، بارك الله في شبح الصمت

[Google]

أفضل أنه مايروح بنفسه ولا يتفاهم معه ولكن يرسل أحد الرجال الصالحين يذكره بالله سبحانه وتعالى وبدون تهديد ويبلغه عن غضب زوجها عليه. ويبين له أنه جاء ينصحه لله وأن جاء ليمنع شر قد يحدث . ويبين له أن هذه الفتاة لابد أن يعاملها كأخته. فهو لا يرضى أن يتكلم أحد في عرضه.

[al-vtc]

اذا عنده شهود يرفع عليه قضيه وياخذ حقه بالقانون هالسوالف مافيها لعب هاي شرف عيله وفيها خراب بيوت اوووووف الموضوع يقهر الصراحه لو انا مكانه والله اخذ حقي بيدي وادزله اثنين نيجيريين يكسرونه :anger1:

افااااا عليييج نيجيريين وحنا هني ما عندنا شغل

حاااااضرين :anger1::anger1:

فااااضييين ندور هالاشكال

[qatari911]

تشتكي عليه
وتكتب الموضوع قذف
واذا فيه شهود تستشهد من الي مايخاف من كلمة الحق
والله لو انا موجود لا اطب في بطنه لاني ما أرضاها على اختي او زوجتي فما أرضى على بنات الناس لانها مو لعبه
حسبي الله ونعم الوكيل

[سما الوطن]

حسبي الله ونعم الوكيل

ناس ما عندها ضمير

بدايه يجب الشكوى لله ....بغض النظر عن اي تصرف ثاني او شكوى ثانيه سيقدمه صديقك
و اقترح الشكوى الرسميه عليه
ولكنها مشكلتها انها تعمل شوشره على الاخت
وبيصير كلام عليها
وناس بتصدقه وناس بتكذبه
وستجد اللي يصدق الموظف اللي يطلع الاشاعات اكثر من اللي بيكذوبونه

والله ما اعرف شنو الحل معاه

عموما يجب الاستخاره قبل تقديم الشكوى لو احب ان يقدم شكوى

[حيهور]

الله يعينه على بلوااااااااااااااااااااه


ولاشي ياخوي

مسجل صغير سوني من الستبي سنتر سعة 2 جيجا بقيمة 500 ريال

وتخليه في مكتبة وتتصل عليه اونك تسأل عن موظفة عندهم على اساس الزواج

وبيرد عليه بانها متزوجة واذا في خاطره شي بيقوله عنها ويفضفض الي بقلبه

وكل شي متسجل

وبعدها رفع قضية قذف ضده والله الموفق

[بوخالد911]

يرووح يبلغ علييه


وش ينطر بعد

ولا تتركون لمثل هالحثالة يتمادووون

بسكم طيبة عااااد

:(
:(
:(

[صمت 1]

أفضل أنه مايروح بنفسه ولا يتفاهم معه ولكن يرسل أحد الرجال الصالحين يذكره بالله سبحانه وتعالى وبدون تهديد ويبلغه عن غضب زوجها عليه. ويبين له أنه جاء ينصحه لله وأن جاء ليمنع شر قد يحدث . ويبين له أن هذه الفتاة لابد أن يعاملها كأخته. فهو لا يرضى أن يتكلم أحد في عرضه.

رأي سديد وشوفه الحل الانسب في البدايه

واذا مافاد فيه الكلام الطيب القانون يأخذ مجراه

[بويعقوب]

اذا عنده شهود يرفع عليه قضيه وياخذ حقه بالقانون هالسوالف مافيها لعب هاي شرف عيله وفيها خراب بيوت اوووووف الموضوع يقهر الصراحه لو انا مكانه والله اخذ حقي بيدي وادزله اثنين نيجيريين يكسرونه :anger1:

فيج عرق قذافي :nice:

اخوي الحل الانسب انه يشتكي عند الشؤون الادارية ويسوون تحقيق للشخص بحضور الزوج طبعا

والله يستر علينا وعلى عيالنا

[المفترسه]

افااااا عليييج نيجيريين وحنا هني ما عندنا شغل

حاااااضرين :anger1::anger1:

فااااضييين ندور هالاشكال

يالله همتكم يا شباب ابي ناس متوحشه تنقض على هالريال وتراويه انه الله حقhttp://files.mothhelah.com/img/LM665251.jpg (http://files.mothhelah.com/)

[بويعقوب]

" من سلبيات العمل المختلط "

[ZURICH]

الحذر من التحدث او التطرق الى اعراض الناس واتوقع انة خط احمر

[ام السعف]

ان كانت السالفة حقيقية ،،

الحرمة ترفع كتاب رسمي لعدة جهات في شغلها
بداية من مسؤولها الى الى مسؤول الموظف الى مدير ادارة شؤون الموظفين
وصول الى مدير دائرتها تطالب فيه بالزامه حده ،،
وان ما وقف واستمر في كلامه مركز الشرطة مفتوح،،

[بـــــــنت النوخـّــــذه]

الله يستر على المسلمين دنيا وآخره

ترى الشخص احيانا اذا الله بلاه ينظر لنفسه ماذا قال وماذا تكلم حتى جاءته تلك المصيبه 000

عموما مسئله القذف والطعن بالشرف مسئله يحاسب عليها القانون اذا ثبت ذلك
واتفق مع العضو حوران كل شي الا الحديث باعراض الناس وسوء الظن

[فقيه زمانه]

اذا عنده شهود يرفع عليه قضيه وياخذ حقه بالقانون هالسوالف مافيها لعب هاي شرف عيله وفيها خراب بيوت اوووووف الموضوع يقهر الصراحه لو انا مكانه والله اخذ حقي بيدي وادزله اثنين نيجيريين يكسرونه :anger1:

بعدي هذا الكلام الطيب .... بس المشكلة في مركز الشرطة يمكن الحق يطلع معاه إلا اذا بتضمنيين ان النيجيريين بيشردون بسرعه اعتقد الامور بتكون طيبة

[واحد ثقة]

إذا لم تكن المرأة في حاجة ماسة للعمل فالأفضل هو ترك العمل مع الرجال والباب اللي يجيك منه الريح سده واستريح ، وبيئة العمل المختلط دائماً ماتكون مرتع لمثل هؤلاء ،،

أما موضوع رفع قضية وماشابه فلا أنصح بهذا أبداً لأن من شأن هذا التصعيد أن يجرح سمعة المرأة ومايسوى على المرأة أن تذهب للنيابة والمحاكم وهي تعلم ويعلم أهلها علم اليقين بأنها نقية من هذا الإفك ،،

[ام السعف]

إذا لم تكن المرأة في حاجة ماسة للعمل فالأفضل هو ترك العمل مع الرجال والباب اللي يجيك منه الريح سده واستريح ، وبيئة العمل المختلط دائماً ماتكون مرتع لمثل هؤلاء ،،

أما موضوع رفع قضية وماشابه فلا أنصح بهذا أبداً لأن من شأن هذا التصعيد أن يجرح سمعة المرأة ومايسوى على المرأة أن تذهب للنيابة والمحاكم وهي تعلم ويعلم أهلها علم اليقين بأنها نقية من هذا الإفك ،،

طيب لو محتاجة للعمل اخوي واحد ثقة ،، هل هذا يعطي الحق للموظف
انه يطعنها في شرفها ؟

[رياني qtr]

حسبي الله ونعم الوكيل في مثل هالأشكــال

الواحد وده يروح له ويتفاهم معاه

بس لو راح له راح يصير شيء ما لا تحمد عقباه

وراح ينجر اهو وياه وحرام يوسخ يده فيـه

شوف أخوي الأفضل أنه تصير شكوى عن طريق إدارتها أنه يقذفها في الكلام ويكون في شهود على كلامها ويتوقـف عن عمـله ومن ثم ترفع الإدارة الشكوى للإدارة المعنيـه ,,

الله يعيـنه على هالأمور

بس خله يفكر في عقلـه دامه الحمد لله في ثقـه في أهـله خلاص لا يترك مجال للشيطان يوسوس له

والله يستر على خواتنا فوق الأرض وتحت الأرض ويوم العرض




صحيح كلامك اخوي انا اتوقع لو تلاقو بيتصير علوم وانا طلبت منه نروح نشوف وش سالفتة لكن صاحبي كان تفكيره مثل تفكيرك ليس خوف ولكن تعقل والله يستر على الجميع موضوع يقهر انا عروق دمي تغلي والله وهو رافض حتى يعطيني اسمه او وين يشتغل

[رياني qtr]

انا معااااك يا ريااااني

وابشر بالفزعه والعجاري تشتغل




كفوووووووووووووووووووو في ذمتي :victory:

[بـــــــنت النوخـّــــذه]

الي قالو فزعه واعرضو مساعدتهم ومادري شنهو ترى شكلكم كلكم اذا سويتوها بالسجن 0000

فيه قانون فيه مراكز شرطه ونيابه عامه وخلكم من لغه العجره والفزعه والضرب الشرطه في خدمه الشعب


وعلى فكره في كل وزاره او مؤسسه يوجد مستشار قانوني ممكن ترفع كتاب له ومنه يرفعه للمدير او المدير العام الي ماسك الوزاره ويتم التحقيق طالما الاثنين في مكان واحد والكلام صدر بنفس المكان هذه اولى الحلول

[واحد ثقة]

طيب لو محتاجة للعمل اخوي واحد ثقة ،، هل هذا يعطي الحق للموظف
انه يطعنها في شرفها ؟


بالطبع لا ،،

ولكن من قال هذا ؟

[ام السعف]

بالطبع لا ،،

ولكن من قال هذا ؟

محد قال :shy:

بس اتساءل شنهو الحل في حال المرأة كانت في حاجة الى العمل
وهي في مكان مختلط،، يخرج من يطعنها في شرفها ؟

وشو الحل في هالحالة ؟

[لبتونه]

حسبي الله والنعم الوكيل فيه ربي ياخذ بحق هالفقيرة حرام عليه ماعنده ضمير مايفكر عن
ها ابو اخوان زوج اطفال مايفكر بسمعتها

هذا مااعتقد انسان يمكن الحيوان ارحم

ماعنده خوات يرضي حد يطلع كلام على اخته او امه

[@شيخة@]

لاتفكر ولاشئ على طول ارفع عليه قضيه واخذ حقك بالقانون هالسوالف مافيها لعبه هاي شرف وفيها قبايل والله ان فيها قبايل ..

ترى العجاري موجوده بس عطانا خبر وقت ماتبي اخوي ..

[واحد ثقة]

محد قال :shy:

بس اتساءل شنهو الحل في حال المرأة كانت في حاجة الى العمل
وهي في مكان مختلط،، يخرج من يطعنها في شرفها ؟

وشو الحل في هالحالة ؟



نحن نتكلم عن هذا الموضوع الذي طلب فيه الأخ الكريم المشورة وعن هذه الحالة بالذات ،،

والرجل يقول بانها زوجة صديقه ، وصديقه بالتأكيد يعمل ، من هنا فالأفضل أن تجلس المرأة في بيتها وتفتك من مخالطة الرجال ومشاكلهم مادام هنالك من يعولها ،،

أما في بعض الحالات التي تكون فيها المرأة لاتجد قوت يومها ولا أبنائها ولايوجد من يعولها ومضطرة بأن تعمل وبحثت ولم تجد إلا هذا العمل الذي تختلط فيه بالرجال فلا حول ولا قوة إلا بالله ، هنا عليها بالصبر والدعاء وتقديم شكوى للمسؤولين ومحاولة عدم إثارة ضجة لأن الناس للأسف تفسر أي أمر يتعلق بالمرأة بأنه ليس هنالك دخان من غير نار ، وأهم ماعلى المرأة سمعتها لأن أي شائبة تشوبها ستدمر مستقبلها ،،

[الأصيلة]

طبعا رفع قضية وشكوى على ها الشخص بالأول عند المسؤول
وإذا مافاد ...يشوفون له طريقة تنسيه حتى اسمه...!!!

[الألماسي]

في خاطري كلمه تقرقع بس بلتزم الصمت ابرك . .

استغفر الله . .

[الشمالي111]

بدون مايستشير حد اذا هو على كلامك يفكر بعقل يسال زوجته اذا فية شهود ترفع عليه قضيه قذف وتشهير

[النائب]

يتم التحقيق بعد شكوى تقدمها المدعية على المدعى عليه إلى الوزير المختص او الرئيس ويتم تحوليها من قبل الوزير إلى الشؤون القانونية لأخذ الإجراءات اللازمة بالتحقيق وسماع الشهود .
وبعد ذلك يتم نسب التهمة التى تناسب الفعل إلى الشخص ويتخذ فيه العقاب المناسب . هذا إجراء إداري .

ويحق للوزارة او الهيئة او المؤسسة التى ينتسب لها هذا الموظف برفع التقرير ( الشكوى ) إلى النيابة العامة في حالة موافقة الشاكي .

في حالة صحة الشكوي وشهادة الشهود تصل الإجراءات الإدارية في الوزارات الحكومية ومؤسساتها في مثل هذه الأفعال إلى إنهاء الخدمة .

نسأل الله الستر على أبناء بنات المسلمين .

[ام السعف]

نحن نتكلم عن هذا الموضوع الذي طلب فيه الأخ الكريم المشورة وعن هذه الحالة بالذات ،،

والرجل يقول بانها زوجة صديقه ، وصديقه بالتأكيد يعمل ، من هنا فالأفضل أن تجلس المرأة في بيتها وتفتك من مخالطة الرجال ومشاكلهم مادام هنالك من يعولها ،،

أما في بعض الحالات التي تكون فيها المرأة لاتجد قوت يومها ولا أبنائها ولايوجد من يعولها ومضطرة بأن تعمل وبحثت ولم تجد إلا هذا العمل الذي تختلط فيه بالرجال فلا حول ولا قوة إلا بالله ، هنا عليها بالصبر والدعاء وتقديم شكوى للمسؤولين ومحاولة عدم إثارة ضجة لأن الناس للأسف تفسر أي أمر يتعلق بالمرأة بأنه ليس هنالك دخان من غير نار ، وأهم ماعلى المرأة سمعتها لأن أي شائبة تشوبها ستدمر مستقبلها ،،

كلامك مب مختلفة فيه معاك اخوي واحد ثقة ،،

بس بعد يبقى للمرأة كامل الحق في انها تاخذ حقها ،، ولا يعني خروجها للعمل
وان كان مكان مختلط انها تتعرض للطعن ( هذا اصلا ما يرضي ربنا ) ،،

تحية لك ،،

[basma222]

حسبي الله ونعم الوكيل

[الشاااهين]

نصيحه لوجه الله لا يروح له ولاشي لانه ماراح يتفاهم معاه وبيضيع حقه وحق زوجته بسوء تصرف.
اذا كان فيها شهود يخلي واحد يروح لهم اذا ثبت انهم مستعدين للشهاده عندها يروح لاقرب محامي وخله يلعب بحسبته وانا اقول حسبي الله عليه ونعم الوكيل .

الله يعينه والله مقدر اللي هو فيه بس الله يفرجها عليهم.

[Dawn]

اللي يتكلم عن عرض وحده ما يعرفها ،،، اكيد خواته او زوجته فيهم ( إن )

[^NoOOoR^]

ناس تحشمها وناس تحشم نفسك عنها
ترفع عليه قضية قذف و رد اعتبار في حالة وجود شهود

[wadha-qa]

والله ياخوي ما فيه دخان بدون نار

انا من واقع اللي اشوفه في الدوامات اغلب المتزوجات راعيات سوالف الا من هدى الله و الله ان بعضهم تخون زوجها وهو مسكين واثق فيها !

فالافضل على الزوج انه يراقب مرته عدل لا يفضح نفسه بنفسه و اذا تاكد بنفسه من الموضوع وطلعت المره مضلومه وقتها يحاول يمسك دليل على هذا الشخص ويقاضيه ..

[لاجل QT]

انا مافهمت الموضوع عدل كيف يطلع عليها كلام ...ليش ؟؟؟شاللى يخلي هالموظف يطلع على موظفة كلام اذا ماشاف منها شي ؟؟

هل حاول معها وارفضت مثلا؟؟او يكيد لها بسبب مشكلة بينهم ؟؟

نبي نعرف شاالسبب اللى يخلى هالموظف يقذف موظفة في شرفها؟؟؟

مايصير منى والدرب؟؟

والله يستر على الموظفة وينتقم من الموظف اللى يخرب البيوت

[Roooo7 Qtr]

في خاطري كلمه تقرقع بس بلتزم الصمت ابرك . .

استغفر الله . .
قولها ولا تخليها تقرقع زياده .... قول لي بخاطرك:nice:

[Qt.1]

" من سلبيات العمل المختلط "

بالظبط !!

[راعي البيرق]

لايسلم الشرف الرفيع من الاذى .... حتى يراق على جوانبه الدم .

[asulaiti]

حسبنا الله ونعم الوكيل ..

أنا أشوف إنه يطلب تحقيق رسمي في شكوى ضده .. إذا تمت معاقبته فالموضوع انتهى ..
ولكن إذا لم يحصل شيء ....


لو الموضوع صاير فيني أنا .. ما استبعد إنه أروح فيه سجن لو فعلاً قاعد يشوه صورة زوجتي ..

الله المستعان ..

[سعود00]

السلام عليكم ورحمة الله وبركاته

مرحبا اخوي رياني

بصراحه موقف صعب ويحتاج لرجل ذو حكمه كان الله في عون رفيقك وتحمل رفيقك يتواجه معاهـ يمكن يحصل شي لا يحمد عقباهـ

اخوي انا اشور عليك انك تنصحه يروح حق احد المشايخ ويكلمه بالسالفه ولو يروح حق

الشيخ احمد البوعينين إن شاء الله ما بيقصر معاهـ مكانه في مسجد صهيب الرومي قبل مركز شرطة الوكرة احذى مطعم الربوة

يكلم الشيخ ويعطيه مكان عمل الشخص يروح ينصحه بطريقة غير مباشرة

ان الشيخ جاته علوم انه يتكلم في اعراض الناس وهذا حرام ولا يقبل به ديننا الإسلامي

ويحاول ينصحه الشيخ عل وعسى انه يرجع ويتوب وان كررها وتكلم

فالشيخ هو خير شاهد عليه بأنه قدم له النصيحه وما انتصح وحينها القانون يأخذ مجراهـ

والخوض في اعراض الناس جريمة يعاقب عليها دينا قبل قانون البلاد

والله يستر علينا وعلى الجميع دنيا وآخرهـ

[فرانسـ كوفي]

حسبي الله عليه

[رياني qtr]

والله ياخوي ما فيه دخان بدون نار

انا من واقع اللي اشوفه في الدوامات اغلب المتزوجات راعيات سوالف الا من هدى الله و الله ان بعضهم تخون زوجها وهو مسكين واثق فيها !

فالافضل على الزوج انه يراقب مرته عدل لا يفضح نفسه بنفسه و اذا تاكد بنفسه من الموضوع وطلعت المره مضلومه وقتها يحاول يمسك دليل على هذا الشخص ويقاضيه ..





اخوي وش تقول انت الله يهديك اي دخان واي نار الله لايحط اختك او زوجتك في هالموقف صدقني لو هي سهله وقدر يحقق شي من كلامه ماتكلم عليها صل على النبي اخوي وبنات قطر كلهم فيهم الخير والبركة وبعدين هي موظفه من عشر سنين معقولة في هالعشر سنين زوجها اذا تلعب مثل ماتقول انت ماصادها ياخي البنت يتيمة والله يعلم بظروفهم هي وزوجها وعيالها ولو مو حاجتها للوظيفة وتسديد السلفيات الي عليها مافكرت في يوم تشتغل ياما داومنا معا بنات خلط ومانشوفهم الا مانشوف خواتنا حتى عيونا قسم بالله ماترتفع من الارض حتى مانقدر نشوفهم او نفرق بين فلانه وفلانه الا بالصوت لكن كل انسان يتكلم عن البيئه الي عايش فيها وعن طبعه وتفكيره تعرف لو انا مكان رفقي قسم بالله وعلي نذر شوف وهاذي بكرا الجمعه ان الدم يوصل للركب والي فيها فيها

[رياني qtr]

يالربع ماقصرتوا شكرا على نصايحكم الطيبة بخصوص الي قالوا يبلغ علية طيب وين يبلغ هو مايبغي شوشرة ويكبر الموضوع طبعا بعيدا عن وظيفه زوجتة الي بحكم ان البنت مثل الثوب الابيض والسمعه هي راس مال اي بنت ومايبغي اي شي يشوب سمعتها لانه مو الكل يصدق وبياخذ الموضوع بحسن نية والله يعلم بالنيات اما بخصوص المشايخ هم فيهم الخير والبركة بس ماعتقد واحد مثل هذا له تاريخ وسوابق سوداء وكان يطلع اشاعات على موظفات ثانيات وغير ان هالشخص معروف انه سكير الله يعزكم ومكروه حتى من هله ماعتقد بيتعض او بيتوب

[الراقيه سبشل]

هذا قذف بالمحصنات المؤمنات الغافلات

عقابه عند ربه .. باجر يلاقي مين يقذف بعرضه

:@

[vtc-4800]

أبشر بعزك يارياني ترا حنا لها ولا تقول عجاري هالأشكااال مايبيلها الا الشوزن

[ابو علاوي]

تعدو الذئاب على من لا كلاب له ... وتتقي صولة المستأسد الحامي

خل رفيجك يشوفه العين الحمرا ويحذره بشدة وان كررها ماله الا العجرة :victory:

[إينشتاين]

خله يغير وظيفتها وترتاح من وجع الراس....

[شبيــه الريح]

اخوي ماعتقد لو رحت مع رفيجك ورفعتو شكوى عند الشرطه انه فيه شي بالعكس الموضوع بيتم بالمراكز

وبعدين اخوي رياني اذا صار شي بينكم وصارت العجاري بتطلعون انتو الغلطانين لانه المساله فيها انك

تقدر تشتكي عليه عادي صدقني مافيها شي لو رحتو اشتكيتو عليه والله لايسحبونه وصدقني بشهود ماراح

اتشوفونه الا بالمركز مقطوط

[(العديم)]

حسبي الله ونعم الوكيل هذي نتائج سياسة الإختلاط اللي متبعتها دولتنا وخلت اللي يسوى واللي مايسوى إيتكلم على بنات الناس وإذا أعترضت على الإختلاط قالوا أنت مب مجبور خلها تقعد في البيت

[طموحة]

ياخذ حق زوجته بالقانون ان طلعها


بيصدقون الناس الكلام وحرام هذي سمعة

مفروض يشتكي اذا في شهود للشؤون الادارية

وهم بيرفعون الموضوع لايسكتب عن حقها

اوووف شهالريال البارد ..!!!

[قطر دزاين]

هذا يعتبر في القانون قذف وعليه سجن 6 شهور
تشهد عليه احد ويسحبونه مثل الخروف وطالب بتعويض

[ANONYMOUS]

الله يستر عليهم

الموضوع متشربك

[لاجل QT]

خله يغير وظيفتها وترتاح من وجع الراس....

مااؤيد رايك اخوي اينشتاين...لان ممكن يلاحقها في مكان العمل الجديد ويبث سمومة وممكن يؤكد قذفة عليها بانتقالها الى مكان اخر...دام الزوجة رايتها بيضة توقف في وجهة وتاخذ حقها..برفع كتاب ضدة وقذفها بلا حق

لو انا منها ماخلي حقي اول شي اخلية بيزة ماتسوة عقب ارفع فية كتاب وشكوى ..لان هالاشكال قامت تزيد بحجة ان مانبي فضايح

استغفر الله من هالاشكل ...اصلا حتى لو الوحدة مهب زينة مايجوز التكلم في سمعتها كيف اذا كانت شريفة ومحصنة

يعنى اللى يتكلم في الشرف ماخذ اثام في الحالتين ....سواء كانت محصنة او لا

قال رسول الله صلى الله عليه وسلم يقول: من قال في مؤمن ما ليس فيه أسكنه الله ردغة الخبال حتى يخرج مما قال

وردغة الخبال: هي عصارة أهل النار.فعقاب الذي يتكلم في أعراض الناس أن يسقى عصارة النار الآتية من انصهار أجسام الفجار

الله يهدي الجميع

[saif]

اخوي انصحك انك تكلم خويك وتشوفونلكم محامي

يطلبه في مكتبه وبينه وبين المحامي فقط ان المره راح تشتكي عليك وتلبسك قضيه وتعويض مادي و و و و

اذا شاف السالفة فيها محامي وعقبها سجن وفلوس صدقني بيخاف لان هالناس ماينفع معاهم الا التهديد

وهالامر بيتم بدون علم لا دوام ولا نيابة ولا محاكم

والله يستر على بناتنا

[H.87]

اخوي انصحك انك تكلم خويك وتشوفونلكم محامي

يطلبه في مكتبه وبينه وبين المحامي فقط ان المره راح تشتكي عليك وتلبسك قضيه وتعويض مادي و و و و

اذا شاف السالفة فيها محامي وعقبها سجن وفلوس صدقني بيخاف لان هالناس ماينفع معاهم الا التهديد

وهالامر بيتم بدون علم لا دوام ولا نيابة ولا محاكم

والله يستر على بناتنا

جزاك الله خير كفيت ووفيت

[Bin Hood]

اذا كانوا بيسامحونه وهو طيبين يودونه المركز بتهمة القذف

اما الاحل الانسب والابسط والاسرع والافضل دون شك

ان يروح له زوجها واخوانها وفي يدهم عجرة على جم(ن) كاروبه ( اخت العجرة بالرضاعة )

ويقعدون يلبلبونها على ظهره ويكسرون ريله

وجذي انت خذت حقك وزيادة حبتين وبرد قلبك و ما راح يقدر ايي الشغل ( غالبا بيصير من ذوي الاحتياجات الخاصة ) وتقطع المشكلة من جذورها >> قايل لكم هذا الاحل الافضل

واذا سألة الزوجة ليش هالموظف ما ايي الشغل ( بافتراض ان اهيه ما تدري )

يقولون لها بعيد الشر عنج الريال سواااا حادث ههههههههههههههه

[Bin Hood]

أبشر بعزك يارياني ترا حنا لها ولا تقول عجاري هالأشكااال مايبيلها الا الشوزن

كفو ياراعي الـ vtc

مادري ليش كل واحد عنده vtc لازم يكون حمش !!!