موضوع ليس بجديد و لكنه مسلسل لا ينتهي

[Silver.Ocean]

بسم الله الرحمن الرحيم
دائما ما اقرأ في المنتديات و الجرائد
عن مشاكل الخادمات في المنازل
و عن كيدهن و سحرهن
و لكن
و لأول مره يحصل ذلك لصديقه مقربه
نعم
فقد التقيت منذ يومين بصديقه لي
لم ارها منذ زمن و تبادلنا الاخبار
و استغربت انها تعتني بجميع اطفالها بدون خادمه
فتحمل طفلا و تمسك بيد اخر
و الاخرين حولها
و ليس من عادة النساء في قطر ان يخرجن بالاطفال بدون خادمه
و لا الومهن في ذلك و من حقهن الاستعانه بخادمه للمساعده
فسألتها عن السبب
فردت علي بأنها استغنت عن الخادمات
و تستعين بالشركات التي تؤجر الخادمات بالساعة لتنظيف المنزل
و اليكم قصتها كما حكتها لي ...

من فتره طويله و أنا أحس بدوخه و تعب عام في الجسم
و كسل و خمول و صداع و شهيتي للطعام قليله
و أحس دوم بلوعه و اعاني من الحموضه و الانتفاخ في البطن
و الله يعزكم اسهال بشكل مستمر حتى نزل وزني كثيرا
و المشاكل بيني و بين زوجي كثيره و أعصب على عيالي طول الوقت ..
سويت كل الفحوصات ما طلع عندي إلا فيتامين دال ناقص و خذت علاج
و ما زالت الأعراض مستمره ..
حتى جاء اليوم الذي أراد الله ان يذهب عني البلاء ..
حصلت مشكله مع الخادمه فقمت بتفتيش أغراضها و لقيت عندها معظم اشيائنا الضائعه
من بكل شعر و ألعاب الأطفال و ملابس داخليه و قمصان نوم و غيرها
و أحذيه و مقصات و خيوط و .. الخ ..
ما يهم هذي الأغراض أنا دوم مسامحة الخدم إذا خذوها
مع ان هذي زودتها شوي بس تهون عند المصيبه الثانيه ..
لقيت عندها صوره لي !!!!
و حصلت في محفظتها عمل (سحر) مخيط و مغلف بنايلون عشان ما يصيده شي..
استقويت بالله و ودييتها الإبعاد و كنت مرتاحه نفسيا ..
بعدين فجأة حسيت بضيقه و ضعف
ما قدرت أرفع أيدي اسوي شيء من شغل البيت
حسيت بصداع و ألم ألم قوي حيل في مفاصل جسمي
أبي أرفع أيدي اشيل لحاف أغطي بنتي ما قدرت
و ضيقه و خوف شديد
و قلت في قلبي هذي حوبتها الخدامة المسكينه إلي قطعت رزقها
و تمنيت لو زوجي يرجعها مع انها ما كانت تشتغل زين
البيت وصخ و تهاوش اليهال
و لين كلمتها عصبت و لين امرتها طنشت
مع ذلك حسيت اني أبيها ترجع ..
ظليت على هالحال لين الليل ..
الساعه ٨ و نص بالليل زوجي بعد صلاة العشا راح حق مطوع
و طلب منه ان يقرأ على السحر إلي حصلناه ..
و أقسم بالله ان أول ما قرأ المطوع على السحر في نفس الوقت تقريبا أنا صرت بخير
و راحت عني الالام و التعب و الضيقه و حسيت براحه نفسيه و جسديه ..
المطوع قال حق زوجي ان هذا سحر مسويته الخدامه عشان نحبها و نسكت عنها مهما سوت ..
و قال لنا بعد فتشو في البيت يمكن حاطه لكم شيء ..
حسبي الله عليها ..
رابطتني و محوله حياتي الى جحيم عشان هي ترتاح ..
لا.. و جدامنا تقرا قرأن و تصلي و لين شغلت في السياره قرأن تقرأ معاه
و أنا استانس أقول خدامتي مطوعه ..
ثرى كله تمويه و احنا أهل الخليج على نياتنا الكل يقص علينا و نصدق بكل سذاجه

انتهت القصه مع صديقتي .. لكن كم بيت في قطر و في الخليج يعاني
من شعوذة الخادمات !..

[الأصيلة]

الله يكفينا شرهم
ارفعوا ضغطنا
نجيبهم عشان نرتاح ويجيبون لنا المتاعب والضيق..

[نــــظــــره]

الله يكفينا شر الخادمات ويعطينا خيرهم
والحمدلله على زوال السحر عن رفيجتج


مالكم الا سورة البقره شغلوها لمدة ثلاث ليالي في البيت
واذا في سحر رح يبين لان الشياطين ماتقدر تتحمل تأثير سورة البقر عليها

الله يحفظنا من شر النفاثات في العقد

[الصريحه]

يارب يكفينا شرهم هم للأسف شر لابد منه

[بصمة قطرية]

فعلاً هم شرٌ لابد منه ..
الله يكفينا شرهم ويجعل كيدهم في نحورهم ..
مافي غير سورة البقرة والرقية الشرعية ~

[basma222]

الحمدلله لا عندنا خادمه ولا سائق

[asulaiti]

الخادمات يجب تفتيش امتعتهم بشكل دوري .. فأعمال السحر خاصة من جنسيات أندونيسيا وأثيوبيا والفلبين كذلك مشهورين بها ..

لذا حاولوا تفتيش امتعتهم بين كل فترة وأخرى ولكن بدون علمهم لكي لا يزيد الحقد في قلوبهم ..

الله المستعان ..

[Locale]

الله لطف في حالها

لكن الخدم شر لابد منه
مانقدر نستغنى عن خدمتهم

مثل هالقصص وايد نسمعها لكن اصابع يدج مو سوا
وحده مقربه لي دايمااا اقعد معاها وتقولي مثل هالسوالف
لما تقوم عنا تجيب لنا الضيقه
والمشكله خدمها زينين وينحطون على الجرح
وطالعه تزفهم ونازله تزفهم
وكل يوم مصيحتهم بالطلعه والدخله غاثتنا الله يهديها

مو معناته في خدم مب زينين نشوف الكل مب زين
الرحمه زينه
بعضهم يجون بالزين

الله يعين الجميع