الدين والخلق هو المطلوب،، ليش البعض من بناتنا (يخترعون) شروط جديدة؟؟؟؟؟!!!

[stand-by]

بسم الله الرحمن الرحيم


مارائيكم في الفتاة التي تتردد او ترفض الارتباط بشاب خلوق وعلى دين بحجه أنه والله لا أستعجل (ويمكن) يجيني واحد أحسن منه؟؟؟؟

هل هالشيء حرام في الدين أنه الشاب يردونه لأسباب مزاجيه؟؟؟

أليس في هذا فساد عريض كما أخبر النبي -عليه الصلاة والسلام-،،!!

[أخو من طاع ربه]

الله يعطيك العافيه
اخوي اليوم على مزاجها لا مر شي من عمرها ربما يفوتها القطار
انت وانا وغيرنا يعلم ان الشاب اذا وصل عمره ٢٧ او اكثر
يتم بحثه عن شريكة حياته اقل منه عمر بعشر سنين ربما او
سبع هنا يفوتها الفتاة القطار هذا الشي يحدث وهو ملحوظ
من الأحسن ان أتاها من ترضى خلقه ودينه ان لا تتردد بحجه

[نــــظــــره]

(‏الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ )

لن تجد فتاه على خلق ودين ترضى برجل خلاف ذلك
والعكس صحيح

واعتقد في زمنا هذا زمن الانفتاح
قله من الفتيات يرضين برجل يعرف الله ويمشي على الدين
تقول يحكرني في البيت لاروحه ولارده ويمنعني من كل شي
هذا تفكير البعض وليس الكل

شكرا اخوي عل الموضوع يزاك الله خير
تقبل مروري

[الصريحه]

الزواج قسمه ونصيب وصدقني كل واحد بياخذ نصيبه واللي تناسبه ومثل ماقالوا الأخوة الطيبون للطيبات والخبيثون للخبيثات

[wadha-qa]

من حق البنت ترفض اذا حست انه غير مناسب لها حتى لو كان دين و خلوق
مرات يكون الشاب زين بس البنت ما ترتاح له نفسيا الشغله مب سهله و الاستعجال غير مطلوب في هذي الامور

[stand-by]

كلامكم صحيح أخواني وعلى العين والراس
بس انا طرحت مشكلة رفيجي، هو شاب والنعم فيه والله، دارس ومتعلم وعلى دين ماشالله، تقدم لوحده هي ارتاحت له وكل شي بس اخر شي ارفضته لانها من قبيله معروفه قالت ماتبي تستعجل على امل انه يجيها واحد بنفس المواصفات و قبيلي عشان عيالها يشلون اسمه،،،
انزين يمكن هالشخص اكثر واحد بالدنيا يقدر يسعدج،،!!
هل تعتقدين انه في احد بيقعد ينتظرج لين تنقين اللي يعجبج..؟!!
الله يوفقنا بناتنا ويستر عليهن باللي يسعدهن بس مستغرب كيف في هالزمن الشخص الكفؤ يردونه لحجه اقرب ماتكون جاهليه،،

[بنت قطر202]

من حق البنت ترفض اذا حست انه غير مناسب لها حتى لو كان دين و خلوق
مرات يكون الشاب زين بس البنت ما ترتاح له نفسيا الشغله مب سهله و الاستعجال غير مطلوب في هذي الامور

انا معاج في كلامج

[محمد عبدالرحمن]

كلامكم صحيح أخواني وعلى العين والراس
بس انا طرحت مشكلة رفيجي، هو شاب والنعم فيه والله، دارس ومتعلم وعلى دين ماشالله، تقدم لوحده هي ارتاحت له وكل شي بس اخر شي ارفضته لانها من قبيله معروفه قالت ماتبي تستعجل على امل انه يجيها واحد بنفس المواصفات و قبيلي عشان عيالها يشلون اسمه،،،
انزين يمكن هالشخص اكثر واحد بالدنيا يقدر يسعدج،،!!
هل تعتقدين انه في احد بيقعد ينتظرج لين تنقين اللي يعجبج..؟!!
الله يوفقنا بناتنا ويستر عليهن باللي يسعدهن بس مستغرب كيف في هالزمن الشخص الكفؤ يردونه لحجه اقرب ماتكون جاهليه،،

أخي الكريم،

عذراً لكني لا أرى العدل في موضوعك، فالقارئ قد يظن أنه تم الرفض بسبب أنه ذو خلق و دين، حين أن السبب هو عدم تكافؤ اجتماعي في الدنيا من وجهة نظر البنت. و عموماً، نسأل الله أن يبارك لصاحبك من هي أفضل عند الله من الأولى إن كان ذو خلق و دين.

تحياتي،
محمد عبدالرحمن

[stand-by]

أخي الكريم،

عذراً لكني لا أرى العدل في موضوعك، فالقارئ قد يظن أنه تم الرفض بسبب أنه ذو خلق و دين، حين أن السبب هو عدم تكافؤ اجتماعي في الدنيا من وجهة نظر البنت. و عموماً، نسأل الله أن يبارك لصاحبك من هي أفضل عند الله من الأولى إن كان ذو خلق و دين.

تحياتي،
محمد عبدالرحمن

ويبارك فيك أخوي ويسعدك دنيا وآخرة
كلامك صحيح هو تم رفضه فقط لسبب اجتماعي وليس لدينه وخلقه،،
أنا أعتذر يمكن ماعرفت أطرح الفكره بشكل واضح،،

[STAR]

خفوا علينا يالشباب...عدال الشباب يدورون الاخلاق والدين!!!‏

لا تعليق..ماتعرفون تنزلون موضوع محايد وموضوعي؟!!‏

[نيساني]

اتمنى انه محد يعم لان اصابع اليد مب سوى

وعسى الله يوفق رفيجك

وشكراً يا احتياط

[فيصل الشمري]

طيب شرايك اني مره خطبت بنت ورفضت لانها تشوف نفسها صغيره على ان تكون زوجه ثانيه
والله تميت اضحك من هالرد وحمدت ربي انها ماوافقت

لكن انتبهت الى شغله مهمه,, <<تعرف الحياة تجارب

المهم

لازم يكون من مواصفات الزوجة المطلوبه ,, رجاحة العقل,, يعني يكون عندها حسن في التدبير واتخاذ القرار
هذي عشرة عمر ماهي علاقة يومين,

[ورقــة أمــل]

ويبارك فيك أخوي ويسعدك دنيا وآخرة
كلامك صحيح هو تم رفضه فقط لسبب اجتماعي وليس لدينه وخلقه،،
أنا أعتذر يمكن ماعرفت أطرح الفكره بشكل واضح،،

اخوي الرجل او اهله في بعض الاحيان عندهم نفس الفكرة ان لازم اتزوج بنت قبيلية ومن عائلة او مستوى معيشي معين او من الجماعه مثل ما يقولون حتى لو كانت البنت واهلها مافيهم عيب ويمكن هي الوحيده اللي تقدر تسعده وبعضهم يترك شور اهله ويتزوجها غصب عن اهله...الخ

نفس الشي بعض البنات واهلهم عندهم نفس الفكررررة،، بالتالي مب بس البنات اللي يخترعون مثل هالشرووط

في الاخير الزواج قسمة ونصيب واللي يفكر بهالطريقة التعيسة هو الخسران بالنهاية.... االله يوفق رفيجك ويلاقي اللي تستاهله..

[صعبة وصوفه]

عادي عادي اخوي توقع هالشيء انت بمجتمع قطري، للاسف لحد اللحين في تعصب قبلي،، يمكن الرفض جاي من الاهل مش من البنت،،
بس للامانه الحمدلله في البعض صاير متسامح بهالامور والناس صار عندها وعي،،

[اسعاف]

عندي صديق طلق زوجته بعد شهر من العقد

وهو شيخ دين فاضل وخلوق

قلت له : عسى ما شر ؟؟

انت امطوع ليش اطلق بسرعة ؟؟

قال للأسف : البنت هي الي طالبة الطلاق !!!

قلت له :ايش العيب الي فيك ؟؟؟؟

قال : اتصدق ، انها رافضتني ،وتقول لأبيها : هذا امطوع ،بكرة يقومني من الصبح لصلاة

الفجر ، وبغربلني في حياتي !!!

ويقول : انها تريد واحد (عادي ) مو امطوع ، علشان تستانس في الحياة !!!!!

ألا تبا لها ولتربيتها المعوجة

وقد قال صلى الله عليه وسلم:

" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "

[حقيقه]

طيب شرايك اني مره خطبت بنت ورفضت لانها تشوف نفسها صغيره على ان تكون زوجه ثانيه


اذا صغيره يعني لها فرص كبيره انها تاخذ واحد قريب من عمرها ويكون اول زواج له

والا لازم اتضيع عمرها مع واحد ماخذ غيرها وهي للحين صغيره

[ANONYMOUS]

http://up.qatarw.com/get-12-2008-rezgmdlg.jpg

[vtc_4.8]

لانهم ماخذين فكره خطأ عن الرجل المتدين

[تاجر121]

عندي صديق طلق زوجته بعد شهر من العقد

وهو شيخ دين فاضل وخلوق

قلت له : عسى ما شر ؟؟

انت امطوع ليش اطلق بسرعة ؟؟

قال للأسف : البنت هي الي طالبة الطلاق !!!

قلت له :ايش العيب الي فيك ؟؟؟؟

قال : اتصدق ، انها رافضتني ،وتقول لأبيها : هذا امطوع ،بكرة يقومني من الصبح لصلاة

الفجر ، وبغربلني في حياتي !!!

ويقول : انها تريد واحد (عادي ) مو امطوع ، علشان تستانس في الحياة !!!!!

ألا تبا لها ولتربيتها المعوجة

وقد قال صلى الله عليه وسلم:

" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "

لا حول الله يا رب
يلا شوووف هالمصيبه
تتدري لو انا منه كان راويتها انجوم الضهر من وين تتطلع

[vtc_4.8]

عندي صديق طلق زوجته بعد شهر من العقد

وهو شيخ دين فاضل وخلوق

قلت له : عسى ما شر ؟؟

انت امطوع ليش اطلق بسرعة ؟؟

قال للأسف : البنت هي الي طالبة الطلاق !!!

قلت له :ايش العيب الي فيك ؟؟؟؟

قال : اتصدق ، انها رافضتني ،وتقول لأبيها : هذا امطوع ،بكرة يقومني من الصبح لصلاة

الفجر ، وبغربلني في حياتي !!!

ويقول : انها تريد واحد (عادي ) مو امطوع ، علشان تستانس في الحياة !!!!!

ألا تبا لها ولتربيتها المعوجة

وقد قال صلى الله عليه وسلم:

" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "


لا حول ولا قوة الا بالله

تفكير سطحي

[الأصيلة]

طيب شرايك اني مره خطبت بنت ورفضت لانها تشوف نفسها صغيره على ان تكون زوجه ثانيه
والله تميت اضحك من هالرد وحمدت ربي انها ماوافقت

لكن انتبهت الى شغله مهمه,, <<تعرف الحياة تجارب

المهم

لازم يكون من مواصفات الزوجة المطلوبه ,, رجاحة العقل,, يعني يكون عندها حسن في التدبير واتخاذ القرار
هذي عشرة عمر ماهي علاقة يومين,

ما اكثر راجحات العقل المتزنات الطيبات العفيفات
اللاتي يجلسن في البيت وقد مضى بهن قطار العمر..
والسبب أنها لاتحمل بعض المواصفات التي يريدها بعض الشباب
من لون / وطول / وعرض / وشكل
إصرار البعض على المواصفات التي في أفكارهم
ضيعت الشباب وضيعت البنات...

[مريومة]

عندي صديق طلق زوجته بعد شهر من العقد

وهو شيخ دين فاضل وخلوق

قلت له : عسى ما شر ؟؟

انت امطوع ليش اطلق بسرعة ؟؟

قال للأسف : البنت هي الي طالبة الطلاق !!!

قلت له :ايش العيب الي فيك ؟؟؟؟

قال : اتصدق ، انها رافضتني ،وتقول لأبيها : هذا امطوع ،بكرة يقومني من الصبح لصلاة

الفجر ، وبغربلني في حياتي !!!

ويقول : انها تريد واحد (عادي ) مو امطوع ، علشان تستانس في الحياة !!!!!

ألا تبا لها ولتربيتها المعوجة

وقد قال صلى الله عليه وسلم:

" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "

وأبوها طاوعها ؟؟؟؟

اذا طاوعها .. ترى البلا في ابوها مب فيها ..

لان لو هو يصلي الفجر في المسيد .. ماكان هذا رد بنته





ما اكثر راجحات العقل المتزنات الطيبات العفيفات
اللاتي يجلسن في البيت وقد مضى بهن قطار العمر..
والسبب أنها لاتحمل بعض المواصفات التي يريدها بعض الشباب
من لون / وطول / وعرض / وشكل
إصرار البعض على المواصفات التي في أفكارهم
ضيعت الشباب وضيعت البنات...



صدقتي يا الاصيلة

[غايه الطواش]

عندي صديق طلق زوجته بعد شهر من العقد

وهو شيخ دين فاضل وخلوق

قلت له : عسى ما شر ؟؟

انت امطوع ليش اطلق بسرعة ؟؟

قال للأسف : البنت هي الي طالبة الطلاق !!!

قلت له :ايش العيب الي فيك ؟؟؟؟

قال : اتصدق ، انها رافضتني ،وتقول لأبيها : هذا امطوع ،بكرة يقومني من الصبح لصلاة

الفجر ، وبغربلني في حياتي !!!

ويقول : انها تريد واحد (عادي ) مو امطوع ، علشان تستانس في الحياة !!!!!

ألا تبا لها ولتربيتها المعوجة

وقد قال صلى الله عليه وسلم:

" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "

اسمح لي اخوي اسعاف ... ما اكذب ومحاشى عن الكذب

يعني البنت ارقدت وقامت اكتشفت ان الريال مطوع ودين ...
ماكان فيه فتره خطبه ..!! ماسأل هل البنت عن الريال !!!
في هالامور عشان مانظلم حد حلو نسمع الطرفين !!! عشان ماتاخذنا العاطفه !!
يمكن البنت شافت فيه عيب وماقدرت تستمر اخترعت اي عذر عشان ماتجرح الريال !!
امور وايد تصير تحت سقف البيت !!
لكن انحكم من طرف واحد !!
بالعقل والمنطق فيه وحده تعاف واحد يصلي الفجر او بيقومعا لصلاه الفجر !!
حدث العاقل بما يعقل

[غايه الطواش]

كلامكم صحيح أخواني وعلى العين والراس
بس انا طرحت مشكلة رفيجي، هو شاب والنعم فيه والله، دارس ومتعلم وعلى دين ماشالله، تقدم لوحده هي ارتاحت له وكل شي بس اخر شي ارفضته لانها من قبيله معروفه قالت ماتبي تستعجل على امل انه يجيها واحد بنفس المواصفات و قبيلي عشان عيالها يشلون اسمه،،،
انزين يمكن هالشخص اكثر واحد بالدنيا يقدر يسعدج،،!!
هل تعتقدين انه في احد بيقعد ينتظرج لين تنقين اللي يعجبج..؟!!
الله يوفقنا بناتنا ويستر عليهن باللي يسعدهن بس مستغرب كيف في هالزمن الشخص الكفؤ يردونه لحجه اقرب ماتكون جاهليه،،

اخوي اعتقد هذا قرار اهلها مو قرارها ...
وهم من حقهم يرفضون واحد اذا كان اقل منهم نسب ..ليش الزعل .. "ويا ما سمعنا ردود في هالموضوع وشفنا مواضيع بالمنتدى لفه بسيطه بالمواضيع القديمه وبتشوف"
بتقولون الدين والدين ..قله من يحطون الديون اول اهتمامهم ...
التعصب القبلي عاده موجود ... وكثير من العادات والتقاليد ..يكون لها اعتبار قبل الدين


بس سؤال هو مانشد عن هالناس قبل لايروح يخطب عندهم ويردونه ويحرج نفسه ؟؟؟
يعني اذا ناس مراح يناسبونكم تخطبون عندهم ليش؟

[اسعاف]

ما اكثر راجحات العقل المتزنات الطيبات العفيفات
اللاتي يجلسن في البيت وقد مضى بهن قطار العمر..
والسبب أنها لاتحمل بعض المواصفات التي يريدها بعض الشباب
من لون / وطول / وعرض / وشكل
إصرار البعض على المواصفات التي في أفكارهم
ضيعت الشباب وضيعت البنات...

احسنت

ترا يا شباب الجمال يروح يذبل

اهم شئ تتأكد من دينهه واخلاقهه وطيبتهه

جرب كلامي وماراح تندم ابدا

[اسعاف]

وأبوها طاوعها ؟؟؟؟

اذا طاوعها .. ترى البلا في ابوها مب فيها ..

لان لو هو يصلي الفجر في المسيد .. ماكان هذا رد بنته


[/size][/color]

اخوها الكبير هو الي كان واقف معاها وهو ازقرت !!

[اسعاف]

اسمح لي اخوي اسعاف ... ما اكذب ومحاشى عن الكذب

يعني البنت ارقدت وقامت اكتشفت ان الريال مطوع ودين ...
ماكان فيه فتره خطبه ..!! ماسأل هل البنت عن الريال !!!
في هالامور عشان مانظلم حد حلو نسمع الطرفين !!! عشان ماتاخذنا العاطفه !!
يمكن البنت شافت فيه عيب وماقدرت تستمر اخترعت اي عذر عشان ماتجرح الريال !!
امور وايد تصير تحت سقف البيت !!
لكن انحكم من طرف واحد !!
بالعقل والمنطق فيه وحده تعاف واحد يصلي الفجر او بيقومعا لصلاه الفجر !!
حدث العاقل بما يعقل

مسكينة انتي ما تعرفين بنات اليوم

[مستجدة]

من حق البنت ترفض اذا حست انه غير مناسب لها حتى لو كان دين و خلوق
مرات يكون الشاب زين بس البنت ما ترتاح له نفسيا الشغله مب سهله و الاستعجال غير مطلوب في هذي الامور

:nice:

مب كل من رفضته البنت مب زين الزواج مبني على القبول والرحه النفسيه عشان كذا الشخص يصلي صلاة استخاره
وان شاف في نفسه عدم تقبل الشريك يفضل انه مايقدم على هالخطوه لان مصير عمر كامل
وكل شئ قسمه ونصيب من الله سبحانه وتعالى

[stand-by]

اخوي اعتقد هذا قرار اهلها مو قرارها ...
وهم من حقهم يرفضون واحد اذا كان اقل منهم نسب ..ليش الزعل .. "ويا ما سمعنا ردود في هالموضوع وشفنا مواضيع بالمنتدى لفه بسيطه بالمواضيع القديمه وبتشوف"
بتقولون الدين والدين ..قله من يحطون الديون اول اهتمامهم ...
التعصب القبلي عاده موجود ... وكثير من العادات والتقاليد ..يكون لها اعتبار قبل الدين


بس سؤال هو مانشد عن هالناس قبل لايروح يخطب عندهم ويردونه ويحرج نفسه ؟؟؟
يعني اذا ناس مراح يناسبونكم تخطبون عندهم ليش؟

مرحبا أختي،،
بخصوص سؤالج الشاب شلون بيعرف اذا هالناس يقبلون يناسبون غير قبيلي قبل لا يتقدم لهم؟؟؟ يعني سأل عنهم وهم خوش ناس وطيبين وتقدم لبنتهم،، وعساها خيرة والله يرزقه ويرزق الجميع باللي يسعدهم،،

أفهم من كلامج أنج من المؤويدين للحرص على النسب، راييج واحترمه والله،،
بس ياليت لو توضحين لي شوي شنو سبب تمسك بعض القبايل للحين بهالشيء،، يعني قصدي ايش راح يستفيدون اذا بنتهم ماتزوجت الا قبيلي؟؟؟
وبنفس الوقت ايش راح يخسرون اذا بنتهم تزوجت غير قبيلي؟؟؟

أتمنى من الأعضاء الابتعاد عن التعصب القبلي او ذكر أسماء الخ،، لانه والله هدفي من الموضوع هو "فهم" وجهة نظر القبليه في مجتمعنا و"ليس" الانقاص من قدر أي احد،،
كلكم على راسي من فوووق،،،

[غايه الطواش]

مرحبا أختي،،
بخصوص سؤالج الشاب شلون بيعرف اذا هالناس يقبلون يناسبون غير قبيلي قبل لا يتقدم لهم؟؟؟ يعني سأل عنهم وهم خوش ناس وطيبين وتقدم لبنتهم،، وعساها خيرة والله يرزقه ويرزق الجميع باللي يسعدهم،،

أفهم من كلامج أنج من المؤويدين للحرص على النسب، راييج واحترمه والله،،
بس ياليت لو توضحين لي شوي شنو سبب تمسك بعض القبايل للحين بهالشيء،، يعني قصدي ايش راح يستفيدون اذا بنتهم ماتزوجت الا قبيلي؟؟؟
وبنفس الوقت ايش راح يخسرون اذا بنتهم تزوجت غير قبيلي؟؟؟

أتمنى من الأعضاء الابتعاد عن التعصب القبلي او ذكر أسماء الخ،، لانه والله هدفي من الموضوع هو "فهم" وجهة نظر القبليه في مجتمعنا و"ليس" الانقاص من قدر أي احد،،
كلكم على راسي من فوووق،،،

اخوي الكريم شوف انا وحده لاني متعصبه ولاشي وبالنسبه للزواج حتى هالامر عندي عادي .... لكن ارد اكرر على كلامي من حق الاهل رفض فكره من هو اقل نسب منهم وهذا يعود للتربيه وعادات المجتمع الي هم عايشين فيه ....ومثل ماذكرت سلفا في بعض من الناس عنده العادات والتقاليد اهم من الدين ....اخوي شوف القضيه الي صارت في السعوديه فصل زوجين بعد انجابهم 2 من الابناء بسبب عدم تكافؤ النسب ...
هذا الامر موجود من قديم الازل وماهو امر حديث على المجتمع القطري او الخليجي ..حتى في الهند عندهم هالعاده ...

اخوي اما السبب الفعلي تقدر تاخذه من واحد متمسك بهذا الراي ..وتسمع وجهه نظره ...

[toomi9]

انزين في مطاوعه دين وخلق ،، بس
مافي اسلوب !!!
ولا معقد !!!
ولا شخصيته ضعيفه !!!
ولا متعصب !!!
وعند بعض القبايل مب من مستواهم !!!
ولا !! ولا !! ولا !! ........


نوافق عليهم ؟؟؟

وفـ النهايه راحة البنت وين ،، في شي اسمه صلاة استخاره ..

{عسى ان تكرهوا شيء وهو خيرآ لكم}

[صعبة وصوفه]

انزين في مطاوعه دين وخلق ،، بس
مافي اسلوب !!!
ولا معقد !!!
ولا شخصيته ضعيفه !!!
ولا متعصب !!!
وعند بعض القبايل مب من مستواهم !!!
ولا !! ولا !! ولا !! ........


نوافق عليهم ؟؟؟

وفـ النهايه راحة البنت وين ،، في شي اسمه صلاة استخاره ..

{عسى ان تكرهوا شيء وهو خيرآ لكم}


أختي تعرفين وشو يعني عنده خلق؟؟؟؟؟
يعني ماعنده الصفات السلبيه اللي ذكرتيها،،
الرسول عليه الصلاة والسلام لم يذكر فقط الدين، بل ذكر أيضا الخلق لانه في نماذج متعصبه مثل ماذكرتي،، وعلشان الوحده تضمن حياة كريمه لابد من وجود الخلق مع الدين،،،
بس حبيت اوضح هالنقطه اللي للاسف الكثير يخطؤون فيها،،،

[Bin Hood]

خفوا علينا يالشباب...عدال الشباب يدورون الاخلاق والدين!!!‏

لا تعليق..ماتعرفون تنزلون موضوع محايد وموضوعي؟!!‏

احنا ندور الـ فل اوبشن طال عمرج :discuss:

[نتفـه]

الله يزوج الشباب والبنات اللي للحين ما تزوجو ,,

[ضي البدر]

الموضوع كله قسمة ونصيب وقدر الله وماشاء فعل.. مب مكتوبه لك وعسى ان تكرهو شيئاً وهو خيراً لكم ..

وبصراحة في مجتمعنا عادة معروووفة ومنتشرة ليش الرجال لمن يرووح ويدق الباب ويلقى الجواب ومايعجبة يعني اذا خطب وردوووه يزعل ويعصب ويقوول ليش انا رجال انا الي أقول ايه أو لا ..

وفي المقابل البنت لمن تنرفض بتقول عادي قسمة ونصيب وان شاءالله بيعوضني الي أحسن منه..

ليش هالعقدة عند الشباب بالذات (مب انا الي يردوووني ويرفضووني والله لسوي وبفعل ..) وبعضهم للأسف يخرب على البنت وأهلها .. مب حـــــــــــــــــــــــــــــــــرام!!

الله يوفقكم جميع ويعف شباب المسلمين ويستر على بنات المسلمين..

[stand-by]

الله يجزاكم خير جميعا على تفاعلكم الطيب...
بس إلى الآن لم أجد الجواب الشافي لتساؤولي وهو ليش البعض من القبائل تتجنب تزويج الغير قبيلي؟؟؟؟
هل هو فقط إتباع لعادات الأباء والأجداد؟؟ أما أن هناك أسباب أبعد من ذلك؟؟؟
يشهد الله أنه ليس هدفي زرع أي فتنه،، فقط أريد "شرح" واضح ومقنع لما حدث مع صاحبي، علشان إذا السبب مقنع أقدر أجنب نفسي أنحط بنفس الموقف مستقبلا إذا الله كتب،،،

[toomi9]

أختي تعرفين وشو يعني عنده خلق؟؟؟؟؟
يعني ماعنده الصفات السلبيه اللي ذكرتيها،،
الرسول عليه الصلاة والسلام لم يذكر فقط الدين، بل ذكر أيضا الخلق لانه في نماذج متعصبه مثل ماذكرتي،، وعلشان الوحده تضمن حياة كريمه لابد من وجود الخلق مع الدين،،،
بس حبيت اوضح هالنقطه اللي للاسف الكثير يخطؤون فيها،،،


مشكوره اختى ،،

بس مافي حد فول ابشن
يعني اذا كان ذو خلق ،، الا وفيه عيب ،، هو انسان نفس الوقت ،، والانسان دايما مب خالي من العيوب

هـ العيب في ناس تقبله وفي ناس ماتتقبله
ومثل ماذكرت ،، الاصل والفصل بعد من ضمن العيوب

[فيصل الشمري]

اذا صغيره يعني لها فرص كبيره انها تاخذ واحد قريب من عمرها ويكون اول زواج له

والا لازم اتضيع عمرها مع واحد ماخذ غيرها وهي للحين صغيره

ما اعتقد 25 صغيره على انها تكون زوجه ثانيه

وبعدين ليش تضيع عمرها!!
الحين اللي تتزوج متزوج تضيع عمرها!!

واللي تجلس عزوبيه ماتضيع عمرها صح؟

[بـــــــنت النوخـّــــذه]

خفوا علينا يالشباب...عدال الشباب يدورون الاخلاق والدين!!!‏لا تعليق..ماتعرفون تنزلون موضوع محايد وموضوعي؟!!‏

:p:D

:looking:


:thumbup1:

[be cool]

والله انا رفضت اثنين اخلاقهم ماتنعاب بس لاني مارتحت داخليا بالارتباط فيهم موعشان انطر واحد معين

[boamir]

اهم شي لحد ينسى الإستخااره
الواحد مايعرف وين الله كاتب له الخيير

[بوخالد911]

الله يووفق الكل

[حقيقه]

ما اعتقد 25 صغيره على انها تكون زوجه ثانيه

وبعدين ليش تضيع عمرها!!
الحين اللي تتزوج متزوج تضيع عمرها!!

واللي تجلس عزوبيه ماتضيع عمرها صح؟


ايه تضيع عمرها اذا خذت متزوج الله العالم شنو اخلاقه وتصرفاته
يمكن فيه عيوب ماتخيلها

ياليت ترد الايام والا كانت العنوسه ابرك من الطلاق بسبب الاختيار الخاطئ

متزوج نافش ريشه
يعني اخذ الثانيه والثالثه والرابعه شوفوني انا رجال

[اليمني]

من حق البنيه تشترط غير الخلق والدين


ياما رجال على دين واخلاقهم بالبيت من ازفت مايكون


مو شرط متدين يعني فاهم الدين صح وانه مش مريض نفسيا ولا يعاني نقص


والمتدين حياته صعبه لاسهر ولارومانسيه ولاطلعات وبعضهم حتى التيلفزيون مانعه بحجة الحرام


وفوق هذا ملتحي وشكله مايريح كيف اتقبل شخص مو عاجبني شكله ؟


الزوجه انسانه ولها مشاعر ومثل ماهو يبي يشوفني بكامل زينتي انا بعد لي نفس الرغبه


كل شي حلال على الرجال وحرام على المره


من حقنا نتشرط لو وصلنا الخمسين ...... هذي حياه زوجيه ياناس مو علاقه وتعدي

[صعبة وصوفه]

من حق البنيه تشترط غير الخلق والدين


ياما رجال على دين واخلاقهم بالبيت من ازفت مايكون


مو شرط متدين يعني فاهم الدين صح وانه مش مريض نفسيا ولا يعاني نقص


والمتدين حياته صعبه لاسهر ولارومانسيه ولاطلعات وبعضهم حتى التيلفزيون مانعه بحجة الحرام


وفوق هذا ملتحي وشكله مايريح كيف اتقبل شخص مو عاجبني شكله ؟


الزوجه انسانه ولها مشاعر ومثل ماهو يبي يشوفني بكامل زينتي انا بعد لي نفس الرغبه


كل شي حلال على الرجال وحرام على المره


من حقنا نتشرط لو وصلنا الخمسين ...... هذي حياه زوجيه ياناس مو علاقه وتعدي

اخوي مادري اختي،، المهم ياليت لو تحاسب عالكلام اللي تقوله، لانك محاسب عليه يوم القيامه قدام رب العالمين
أعتقد انك تجاوزت حدودك كثييير وقمت تتنقص من قدر المتدينين،، وشو يعني الملتحي شكله مو حلو؟؟؟
الرسول عليه افضل الصلاة والتسليم كان ملتحي ووجهه الكريم كان على أبهى صووره،، اللهم اجمعنا بالحبيب المصطفى في جنات النعيم،، آآمييين

أما بخصوص المتدين إنسان معقد إلخ.. شكلك مب فاهم إنه الرسول عليه السلام وصانا إنا نزوج من كان على دين (وخلق)... والخلق يعني الإنسان حسن العشرة الزوجيه بكل معانيها،،،

بالأخير الطيبون للطيبات ومانت مجبور أو مجبوره ترتبطين بشخص متدين، ولكن هذا مايعطيك الحق إنك تنتقص من قدر الملتزميين،، جدااا يؤوسفني أن أسمع هذا الكلام ممن هم من أمة محمد عليه السلام،،

[اليمني]

اخوي مادري اختي،، المهم ياليت لو تحاسب عالكلام اللي تقوله، لانك محاسب عليه يوم القيامه قدام رب العالمين
أعتقد انك تجاوزت حدودك كثييير وقمت تتنقص من قدر المتدينين،، وشو يعني الملتحي شكله مو حلو؟؟؟
الرسول عليه افضل الصلاة والتسليم كان ملتحي ووجهه الكريم كان على أبهى صووره،، اللهم اجمعنا بالحبيب المصطفى في جنات النعيم،، آآمييين

أما بخصوص المتدين إنسان معقد إلخ.. شكلك مب فاهم إنه الرسول عليه السلام وصانا إنا نزوج من كان على دين (وخلق)... والخلق يعني الإنسان حسن العشرة الزوجيه بكل معانيها،،،

بالأخير الطيبون للطيبات ومانت مجبور أو مجبوره ترتبطين بشخص متدين، ولكن هذا مايعطيك الحق إنك تنتقص من قدر الملتزميين،، جدااا يؤوسفني أن أسمع هذا الكلام ممن هم من أمة محمد عليه السلام،،


اسمحلي اخوي ماقصدت الاساءه هذي مجرد وجهة نظر شخصيه

استغفر الله العظيم

[صعبة وصوفه]

اسمحلي اخوي ماقصدت الاساءه هذي مجرد وجهة نظر شخصيه

استغفر الله العظيم

بارك الله فيك وإن شاء الله ماصار الا الخير،، :)

[خطاب بن شمر]

اليوم أصبحت المادة تطغى على قلوب بعض النساء أكثر من الخلق والدين