استفسار يا هل الخبرة ؟

[طاير]

السلام عليكم

بادخل بالموضوع على طول واتمنى مساعدتكم

انا من فترة اتابع المنتدى وكل شوي ادخل على هالقسم اشوف اي شي ايفيدني لأن هالمنتدى منتدى رائد

انا عندي مشاكل عويصة في بيتي ومسببة لي ازمة نفسية وابي مساعدتكم

انا ساكن بيتي من 5 شهور بعد الزور على قولتهم

الحين عندي دورتين مياه في الدور الثاني تسرب منها الماي على البيت اللي تحت
كلمت المقاول والحين قاعد ايصلحهم على حسابه
عمل بلاستر جديدة وقار اسود وعازل

الحين اشوف البيت تتبطط جدرانه !!
واكتشف عقب الصبغ على حسابي انه البلاستر مب سيده
فيه انتفاخات وفيه تشققات ما راحت بالصبغ
وفيه تموجات ومب سيده
الحين انا تعبان نفسيا
جبت لي واحد قال لي البيت فيه مشكلة في البلاستر وانا انصحك
ياتكلم المقاول ايسويها على حسابه !! وكذا الظاهر انا باصبغ على حسابي من جديد
او تصبر على البيت 4 الى 5 سنوات لين تظهر كل عيوب البلاستر وعقب تسوي العيوب وتصبغ من جديد ( تجديد )

شرايكم ؟؟
انا تعبان نفسيا ومالي حمل على اعادة كل شي من جديد

[khaldoon]

اخي العزيز ...بخصوص تسرب الماء من الحمامين في الدور الاول ومثل ما تفضلت انه المقاول عمل عازل فلابد من فحص جودة العمل بوضع ماء بسماكة لا تقل عن خمسة سنتيمترات من اعلى نقطة في الحمام ...بمعنى ان الحمام يكون مغطى تماما بالماء و مغمور بحيث لا تكون هناك اماكن ما فيها ماء فبتالي لم تفحص بشكل صحيح

صور السقف من تحت قبل وضع الماء علشان يكون مرجع لك و لو تصوره بوجود المقاول يكون افضل و بعدين ضع ماء على العازل في الحمام و خليه مدة 48 ساعة على الاقل و راقب السقف من تحت و شوف لو ظهرت بقع ماء او رطب السقف فمعناته التصليح مب صحيح


لو ما ظهرت بقع ماء فالتصليح صحيح و خلي المقاول يشيل الماء و يضع طبقة حماية على طول على العازل و تكون الطبقه عباره عن مونة اسمنت يعني اسمنت و رمل وماء فقط مثل طبقة البلاستر و تغطي كل العازل بشكل جيد و بعدين تكمل التمديدات الصحيه و تسوي بلاط

[khaldoon]

بخصوص البلاستر فواضح انه شغل البلاستر مب صحيح وجودة العمل مب ذاك الزود

قم بفحص البلاستر بمفتاح او بسيخ حديد و ذلك بتمريره او بالطرق الخفيف على الحوائط ولو سمعت تغير بالصوت او شعرت انه في فراغ خلف البلاستر فمعناته انه المنطقه اللي بظهر فيها الصوت راح تتشقق مستقبلا و يجب ازالتها

بخصوص التشققات تأكد انه في شبك حديد يسمونه wire mesh ويكون مثل شبك اقفاص الدجاج و موضوع على مناطق اتصال الطابوق بالخرسانات و على زوايا الشبابيك بشكل مائل و على اي منطقة اتصال بين مادتين مختلفتين يعني مثلا لو في في الحوائط تمديدات كهربائيه تم تغطيتها بمونه او بخرسانه فمعناته تختلف عن مادة الحائط ولازم تغطى بشبك و الهدف من هذا الشبك انه يفرق التشققات الى تشققات شعريه صغيره جدا hair cracks
بحيت تكون اقل من الشق اللي يسمح بدخول رأس قلم رصاص فيها

اهم شي انه ما يكون في فراغ بين الشبك و الحائط والا بسوي تشققات و يكون الشبك مركب بشكل جيد و مشدود من غير تراخي

بخصوص التموجات فتقدر تراقب جودة عمل البلاستر بالعين المجرده اولا و بعدين بوضع قدة المنيوم و القده هي عباره عن قطعة المنيوم مستطيله و مفرغه من الداخل و طولها لا يقل عن 4 متر بحيث تضع طرف القده او احد زواياها على البلاستر و تشوف الفراغ بين البلاستر و القده (احد اطراف القده او احد زواياها)...لو الفراغ منتظم و لا يزيد عن 2-3 ملم فالشغل مقبول و لو لقيت الفراغ غير منتظم معناته في تموجات بالبلاستر

ضع القده على الحائط بوضع افقي و رأسي و مايل ولازم يتحقق انتظام الفراغ مثل ما قلت لك بالاعلى في جميع الاتجاهات

ضع القده على الحائط اماكن وجود ابواب و شبابيك ولازم يتحقق نفس الشي يعني ما يكون طرف شباك او باب اعلى من الطرف الاخر

بخصوص الانتظار 4-5 سنوات فالكلام هذا مب صحيح نهائيا و اعتقد انه يقصد انه انتظر على البيت انه يريح و بتظهر كل المشاكل بس هالشي ما يلزمه 4-5 سنوات ...لو العمل يتم بشكل صحيح فلازم تظهر العيوب ان وجدت خلال فترة العمل نفسه او في فترة 400 يوم من تسليم المشروع و بعدها المقاول غير مسؤول

[محاسب]

بخصوص الحمامات جاتك نصيحه طيبه من أخوناkhaldoon
أما بخصوص تشققات وتموجات البلاستر.... (الله يعينك لاتزعل ولاتأزم .. هذي الحياه . مافي شي كامل إلا وجه الله سبحانه)
تصليحهم وانت توك ساكن في البيت معناته ,,إن عمال داشين طالعين .. والأثاث لابد تنقله .. وراحة أهل البيت ؟؟؟وهذا لحاله معاناه ثانيه
في حل مؤقت ويطول معاك ..... . تركب ورق جدران .... قريب من صبغ البيت ....وديكوره.... ولوزادت التشققات إلى حد معين ماراح تبين من خلف الجدران .. وحتى لوبينت من سهل إزالة الجزء.. وأعادة تركيبه ..
بأعتقادي لاتستعجل على تصليح كل شي بشكل نهائي ( إذا ماكان ضروري مثل الحمامات) البيت جديد .. بعد 7-10 سنوات بتظهر كل المشاكل وحتى احتياجاتك في البيت بتغير وبتزيد (توسع المخزن_ غرفة زياده للخدامه _تعديل وضع المجلس أو صاله_تغير أثاث).. المهم في ساعتها جهز لك خط نهائيه لإنهاء كل هذي المشاكل وبنفسية وخبره ممتازة ... والله يبارك لك في بيتك ,,,,,,,,,وراجع توقيعي

[طاير]

يعطيكم العافيه على المرور والتعليقات المميزة

اخوي خلدون : بالنسبة لدورات المياه هذا اللي قاعد ايسوية العامل الحين
وايقول انه يوم سوو البلاستر كان مسافر وانه خطأ مسئول العمال السابق
المهم انه اشتغل عليه الحين من جديد وعمل صبية وعقب قار وعقب عازل وعقب انتظر 24 ساعة ودورة المياه فيها ماي


اخوي محاسب
جزاك الله خير على ردك وعل تفاعلك وتعليقك
السؤال اللي يطرح نفسه
هل اقدر الزم المقاول انه ايسوي بلاستر جديد للبيت وايسوي الصبغ اللي ابيه على حسابه
والا قانونياً ما يصير !!

عشان اقدر اتكلم معاه على هالأساس

[عبـد الله]

يالغالي دورة المياه اللى فوق تحته غرف ولا حمامات مثلها .؟


اذا غرف هذا خطا من الاستشاري المفروض ينبهك ويقولك الحمام على الحمام


عزك الله ..! ولاتخلي الاستشاري اشتك عليه اخذ حقكك لانه المسوؤل عن البيت

ويقدر يقولك صح ولاغلط مهوب اخذ فلوس وتوكل على الله


اما اذا دورة المياه وتحته دورت المياه او مطبخ .. هذا خطا من الشركه وتقدر تشتكي عليهم


لاني اشتكيت عليهم بعد سنه من انهاء البيت عندي بوجود خلل في الحمام عزكم الله


وجاو وصلحوه ببلاش ..!

[محاسب]

يعطيكم العافيه على المرور والتعليقات المميزة

اخوي خلدون : بالنسبة لدورات المياه هذا اللي قاعد ايسوية العامل الحين
وايقول انه يوم سوو البلاستر كان مسافر وانه خطأ مسئول العمال السابق
المهم انه اشتغل عليه الحين من جديد وعمل صبية وعقب قار وعقب عازل وعقب انتظر 24 ساعة ودورة المياه فيها ماي


اخوي محاسب
جزاك الله خير على ردك وعل تفاعلك وتعليقك
السؤال اللي يطرح نفسه
هل اقدر الزم المقاول انه ايسوي بلاستر جديد للبيت وايسوي الصبغ اللي ابيه على حسابه
والا قانونياً ما يصير !!

عشان اقدر اتكلم معاه على هالأساس

أخوي يعتمد على وضوح بنود العقد ... ولو فترضنا أن العقد سليم واضح... المبلغ الي تبيه كم ,, لو يدفع لك نسبه أقل من حقك خير لك من:
اجرأت المحكمه =مشكلة ثانيه وسأل مجرب وتأكد
تكلم معاه على أي أساس يناسبك ,,,,,,,,,,,,و بس لاتدخل معاه في عناد وزعل..
وإذا مقهور ومالك بد .( أستخير الله).في المحكمه.

[خليفـة]

لي عودة لموضوعك اخوي ان شاء الله
ولا تحاتي .. كل مشكله ولها حل بعون الله

خليفـة

:)

[khaldoon]

يعطيكم العافيه على المرور والتعليقات المميزة

اخوي خلدون : بالنسبة لدورات المياه هذا اللي قاعد ايسوية العامل الحين
وايقول انه يوم سوو البلاستر كان مسافر وانه خطأ مسئول العمال السابق
المهم انه اشتغل عليه الحين من جديد وعمل صبية وعقب قار وعقب عازل وعقب انتظر 24 ساعة ودورة المياه فيها ماي


اخوي محاسب
جزاك الله خير على ردك وعل تفاعلك وتعليقك
السؤال اللي يطرح نفسه
هل اقدر الزم المقاول انه ايسوي بلاستر جديد للبيت وايسوي الصبغ اللي ابيه على حسابه
والا قانونياً ما يصير !!

عشان اقدر اتكلم معاه على هالأساس


اخوي خلي الماي 48 ساعه و شيك بنفسك ما تعتمد على كلامه ان كل شي تمام

راجع ما كتبته لك سابقا

بخصوص تقدر تلزمه او لا فشوف العقد اللي بينك و بينه وشوف كم الوقت اللي مضى على تسليم البيت لو تجاوزت 400 يوم فخلاص ما في امل

[البركان]

بصراحه شفت أسم الغالى خلدون فحبيت أسلم عليه

شكرا اخى صاحب الموضوع

[khaldoon]

بصراحه شفت أسم الغالى خلدون فحبيت أسلم عليه

شكرا اخى صاحب الموضوع

حبيب وغالي والله يا البركان

حياك الله دائما و هذا شرف كبير لي :nice::nice:

[طاير]

اخوي عبدالله :
شكرا على مرورك
وحده من دورات المياه تحتها دورة مياه
والثانية تحتها مجلس الرجال

المشكلة الإستشاري هو اللي سوى لي الخريطة
وما توفقت في التصميم


اخوي محاسب :
بيض الله وجهك الشيخ وجزاك الله خير على التوضيح
ان شاء الله اننا وصلنا لحل مع المقاول بالنسبة للعوازل
لكن البلاستر للحين

اخوي خليفة :
مانستغني عن تواجدك وارآئك ..

اخوي خلدون
جزاك الله خير ، البيت استلمته تقريبا اول اكتوبر 2010 للحين ما مرت المدة
والحين اتفقنا على العوازل ومدير الشركة كان متعاون لكن المشكلة العمال اللي تحته

اخوي البركان :
بيض الله وجه خلدون اللي خلاك تشرف الموضوع
:)


بيض وجيهكم على المرور
المقاول الحين ايصلح دورات المياه وحده خلصت ووحده للحين كل مرة يطلع فيها تسرب
اخر حل كسر بيبات المجاري اعزكم الله وسواها من جديد
ما زا لالسؤال مطروح بالنسبة للبلاستر
شرايكم هل اعيد البلاستر على حسابي وافتك من الإزعاج
يعني ايكلف الموضوع والا بسيط !

[محاسب]

شرايكم هل اعيد البلاستر على حسابي وافتك من الإزعاج
يعني ايكلف الموضوع والا بسيط !

:::::::::::::::::::::::::::::::::::::::::::::::::: :::::::::::::
أخوي لي صاحب ... قالي عن بيته ,, مافيه أي تصدع في البلاستر وسبب,,
أنه بعد ماانتهى من فحص البلاستر وحدد مناطق العيوب ,,, راح تدمر وجاب نوع خاص من الأسمنت (الكيس ب 40ر) هو الي ينفع ترقع فيه العيوب ... لأن البلاستر ( الأسمنت العادي) مايمسك القديم في الجديد .
إذا كانت مشكلتك في حدود معقوله تفاهم مع المقاول ع تصليح ولوتتنازل شوي ....
في الأخير المقاول الزين غالي والأرخيص تمشي وراه وترقع ,,,,,,,,,,,,,,,,,,,,,
وسلام