استفسار : ممكن اعرف ماهي الجهات التي تبعث طلاب رحلة لغة

[القانوني2]

بسم الله الرحمن الرحيم


حاب الاستفسار من الجهات غير مركز شباب الدوحة تبعث طلاب رحلة لغة أنجليزي ...
بريطانيا ... انتظر ردودكم في صيف

[العنود55]

السلام عليكم ورحمة الله وبركاته

اذا بغيت حد يوفرلك قبول برسلك رقم شخص تعاملنا معاه شخصيا ومن غيرماياخذ فلوس .

[زقرت]

مايحتاج قبول
ارسل ايميل للمعهد الي انت تبيه للغه وهم بيردون عليك فالحال عن توافر مقاعد لطلاب
وانا انصحك بمعهدين
1. بمعهد وينشستر يقع بقريه وينشستر وتمتاز بقله عدد العرب بهذه المنطقه وتبعد عن لندن 45 دقيقه بالقطار 2.معهد قلوسترشير يقع بمنطقه اسمها شلتنهام سبا عدد الطلبه العرب قليل بهذا المعهد وفي الصيف توجد صفوف خاصه للاقل من 16 سنه في هذا المعهد وهذا المعهد انا دارس فيه ست شهور العام الماضي وهذا المعهد ارخص من المعاهد المنطقه ممتازه
وتبعد عن لندن ساعتين بالقطار
ملاحظه :حاول تسجل بدري ليتسنا لهم البحث عن عائله
الكوس الصيفي يبتدي في بدايه سبعه

[خشوف]

انا بعد ابي اعرف وكم الاسعار الكورس وهل يدرسون مستويات

[قدام]

السلام عليكم ورحمة الله وبركاته

اذا بغيت حد يوفرلك قبول برسلك رقم شخص تعاملنا معاه شخصيا ومن غيرماياخذ فلوس .

ممكن ارسال الرقم لو سمحتي
شكرااا

[العنود55]

السلام عليكم ورحمة الله وبركاته

الاخ الكريم القانوني عذرا منك لمشاركتي المتكرره .


انا بعد ابي اعرف وكم الاسعار الكورس وهل يدرسون مستويات

اختي خشوف الاسعار تختلف من معهد الى آخر دخلي على المعاهد وشوفي اسعارها ويدرسون جميع المستويات وفيه كورسات متعدده .





ممكن ارسال الرقم لو سمحتي
شكرااا

خاصية تلقي الرسائل غير مفعله لديك .

[قطر**]

أختي العنود ممكن ترسلين لي الرقم

[زقرت]

انا بعد ابي اعرف وكم الاسعار الكورس وهل يدرسون مستويات

قلوستر شير كولج ب 200 باوند في الاسبوع +110 باوند للعائله مع الانترنت للحسبه الباوند يعادل سته ريال قطري
ونشستر سكول 240 باوند في الاسبوع +100باوند للعائله مع الانترنت
ملاحظه :هذي اسعار الصيف وهذي اسعار الدراسه يوم كامل
دراسه اليوم كامل من 9 الصبح الى 3 ونص
دراسه نص يوم من 9 الى 12 ونص
الكورس الصيفي يبتدي من 1/7 الى 1/9
دائما الكورس الصيفي يكون فيه ثلاث رحلات في الاسبوع للاماكن السياحيه وهذه لطلبه الي ماخذين دراسه يوم كامل فريي والي ماخذين نص يوم يدفعون رسوم بسيطه للرحله
ثلاث رحلات مقسمه كالاتي :
رحلتين في ايام الدراس بعد الحصه الثانيه الى اماكن قريبه وحلوه من المنطقه
ورحله في الويكند وداما يكون السبت الى لندن اومانشستر او كاردف ...الخ
الهدف من الرحلات هو : 1_ كسر روتين الدراسه
2- ممارسه اللغه مع الطلبه الاخرين في جميع المستويات
3- سياحه في نفس الوقت

[زقرت]

تسلسل اجراءات التسجيل
1-ارسال ايميل للمعهدالي تبي تدرس عنده
تكتب في الايميل ابي ادرس عندكم من الفتره ...الى ... +توفير عائله+ الكتب +الدراسه يوم كامل او نص يوم
2-راح يردون في اقل من يوم
3- اذا عجبك السعر ارسل لهم ايميل بماهي المستندات المطلوبه
4-راح يرسلون لك رقم حساب المعهد لارسال قيمه الكورس +بيطلبون صوره جواز واضحه
5-وبعدماترسل صوره الجواز وقيمه الكوس بيرسلون لك القبول فيها بياناتك كلها
6-وبعدها تاخذ القبول وتوديه للمكتب الخاص بعمل الفيزه الاوهو عماره الشريف مقابل برج تويوتا
ملاحضه:يمنع الدراسه في المعاهد او الجامعات الا بفيزه طالب
نصيحه :تجنب التعامل مع الكاتب السياحيه او معاهد اللغه في قطر غاليين بعد لانهم يعطونك كلام واذا رحت المعهد راح تحصل كلام اخر وارخصلك تخلص نفسك بنفسك

[leader8118]

ما قصرتوا يا اخوان واخوات