نصايحكم بخصوص الكامري 2008 الى 2011

[الحـ قطر ــب]

السلام عليكم ،،،

في كذا نقطة حبيت استفسر عنها في الكامري من 2008 الى 2011 :-

1- المكيف قوي ولا لان وايد ناس يقولون انه ضعيف ومايبرد ؟

2- الاصوات سواء في الديكور او صوب القير ؟

3- في مشاكل فالمكينة او القير او اي شي ثاني ؟

4- بيتغير شكلها في 2012 او متى راح يتغير ؟

لاني ناوي على وحده بس متخوف شوي ، وامسحولنا على الازعاج

:victory:

[ضاحي]

انصحك ابتعد عن الكامري كأنها طراد عليه مكينة 25 حصان حنه ع الفاضي

اخذلك افالون راحه مكيف بارد عزم لا كامري ولا غيرهاا ولك القرار ...!!

[الحـ قطر ــب]

تسلم يالغالي وننتظر ردود باقي الاخوان

[BuFaisal]

الكامري من نقلوا مصنعها الى استراليا وهي تعبانه
الافلون مثل ما قالوا الاخوان يشيخ على الكامري

[مطراش]

انا عندي كامري السراحه ماعليها كلام سياره بنسبه حق المكيف اوكي بارد
بعدين قطع الغيار متوفره حتى في السوبر ماركة موب نفس الافلون قطع غياره نار بعدين شكلها حلو بذات الون الؤلؤي 2010-2011 بعدين ماسكه سعرها

[الخاضع لله]

الميزة الوحيدة في الكامري الحفاظ على سعرها
شدة مافيها بس قومة
اصوات الديكور تبين في كل الاسترالي مش بس الكامري ومثل ما ذكر اخ الكامري انتهت لما انتقل تصنيعها لستراليا

بعدين ما فيها ابشن وايد سيارة عادية كلها بلاستك حالها حال كل الياباني

وما تتحمل كرف

[الخاضع لله]

انا عندي كامري السراحه ماعليها كلام سياره بنسبه حق المكيف اوكي بارد
بعدين قطع الغيار متوفره حتى في السوبر ماركة موب نفس الافلون قطع غياره نار بعدين شكلها حلو بذات الون الؤلؤي 2010-2011 بعدين ماسكه سعرها

الظاهر ان سيارتك جديدة

الحين ما يبين شي هذا الكلام يظهر مع الاستعمال

[qatari 111]

ابعد عنها والله اني شريت كامري ماتمت الشهر وبعتها طبعا اتكلم عن موديل 2008فل ابشن المكيف تعبااااااان والبريك تعبان مايمسك عدل ..........
اما القديم من 2006 وتحت المكيف لايعلا عليه بارد بس عيبها السفايف ماتعيش اكثر من 3 شهور

خذ افالون او الثيما

[al3grab]

عليك بالهوندا الاكورد

[الحـ قطر ــب]

تسلمون ياشباب بس خلاص بيغيرون شكلها السنة الجاية وبنطر

[ولد المنصور]

انا اقول ياافلون او مكسيما هذا رائي