الهدف من رصف الشوارع بالانترلوك!!!!!!!!!!!!!!!!!

[bohilal191]

صباح الخير،،،حبيت اعرف لماذا يتم رصف الشوارع بالانترلوك هل هو حل مؤقت أم دائم لأن بصراحة غير مريحة للمركبات وخاصة الشارع المؤدي لأشارات السودان من جهة شارع النصر

[Abdulraman]

تبي الصراحه شوف من وكيل الانترلوك
انا ماقلت شي
:(

[bohilal191]

لاتعليييييييييييق

[المتحدث الرسمي]

تبي الصراحه شوف من وكيل الانترلوك
انا ماقلت شي
:(

صح كلامك اخوي :nice:

على فكره الانترلوك ماله مواصفه معتمده من هيئة المواصفات و المقاييس لحد الحين :secret:

[الصريحه]

من وكيله؟
اكيد هامور ومسؤوول في نفس الوقت

[فراغ]

عليه بالعافيه
مادام فيها زينه للبلد وتنصرف الفلوس في البلد
شفيكم تبون الشوارع بعد مش عدله (شارع بدون رصيف) وبدون تبليط
أعتقد أننا مع صالح البلاد وكل شوراع العالم مرصوفه
أما من أو من هذا شأن أخر يخص الجهات المعنيه من أشغال وخلافها في البلاد
أما أنا فمع جمال بلدي ونظافة شوارعها في خصوص هذا الموضوع

[باسكن روبنز]

ماله داعي ،

يلخلخ ميزانية الموتر ،

ولاتنسون مواقف سوق واقف بعد!! ،

اعوذ بالله من هالشوارع حتي الحديد يتكسر ،:anger1:

[بوخالد911]

شكل جمالي

عندكم بعد شوارع منطقة الروضة

كلها بيركبون عليها الانترلوك

[alsubaiai]

عليه بالعافيه
مادام فيها زينه للبلد وتنصرف الفلوس في البلد
شفيكم تبون الشوارع بعد مش عدله (شارع بدون رصيف) وبدون تبليط
أعتقد أننا مع صالح البلاد وكل شوراع العالم مرصوفه
أما من أو من هذا شأن أخر يخص الجهات المعنيه من أشغال وخلافها في البلاد
أما أنا فمع جمال بلدي ونظافة شوارعها في خصوص هذا الموضوع


السلام عليكم ورحمة الله وبركاتة


الشباب قصدهم الشارع نفسه مهب الارصفه


وتحياتي لك ولغيرتك على بلادك

[دوحة الجميع]

أنا مع رصف الأرصفة بالأنترلوك ولست مع رصف الشوارع بالأنترلوك ، أما مواقف سوق واقف فتلك مصيبة كبرى وتجعل السيارة تدخل للصيانة من أول زيارة للسوق . صح كلامي ياشباب !

[R 7 A L]

الانتر لوك احسن من القار والازفلت
على شان لو فية بايب منكسر يكون التصليح اسهل

[نوفا91]

وش يعني انترلوك ؟؟
فهمونا معاكم ..

[R 7 A L]

http://up.redaan.com/uploads/c3b37e03fd.jpg (http://up.redaan.com/)

[الرويـس]

^
اتعبني
الانتر لوك يمكن معناته (داخل القفل) !!! < :rolleyes2:
:(:(
عاد وش اللي داخل ماعرف !! < بعد :rolleyes2:
:(

^
مدرس اللغة اللي عندي يدرسني غلط :(

[وطن]

الحين من هالنتفه اللي في الشارع السيارة بتتضرر وتتعب ؟؟

السيارة لو بتتضرر بتتضرر من الحفر اللي في الشوارع والمطبات اللي ما تبين

لكن مواقف سوق واقف ولا شارع انترلوك ما اظن يضرها



انا اشوفه حلو وتغيير شوي
وبعدين الانترلوك لو هبط شوي او صار فيه شي اسهل واسرع في الصيانة

[bohilal191]

الحين من هالنتفه اللي في الشارع السيارة بتتضرر وتتعب ؟؟

السيارة لو بتتضرر بتتضرر من الحفر اللي في الشوارع والمطبات اللي ما تبين

لكن مواقف سوق واقف ولا شارع انترلوك ما اظن يضرها



انا اشوفه حلو وتغيير شوي
وبعدين الانترلوك لو هبط شوي او صار فيه شي اسهل واسرع في
الصيانة

يعني الهدف سهولة تصليحه

[bohilal191]

ماقصرتوووووا

[قطريه ماركه]

أحب الأنترلوك أكثر من الشارع العادي .. مادري ليش ..

تغيير ...

[Store]

صباح الخير،،،حبيت اعرف لماذا يتم رصف الشوارع بالانترلوك هل هو حل مؤقت أم دائم لأن بصراحة غير مريحة للمركبات وخاصة الشارع المؤدي لأشارات السودان من جهة شارع النصر

1 - عشان الانترلوك زايد وتكلفتة اقل من القار
2- عشان السيارة تخترت وعشان الي بيصلحها بيستفيد

بس صج الي ابي اعرفه اذا حد يقدر يفيدنا ليش يحطون الله يعزكم البلاعات ( البواليع ) بنص الشارع ليش مايخصصون لها مكان عشان ماندوسها بالسياير

[الحـ(درب)ـب]

ياجماعه مكبرين الموضوع


والله في شوارع بأوروبا وتحديدا بميلان ( شارع اشطووووووووووووووووول ورئيسي بعد ) وكله مرصوص بالأنترلوك (((((( تحديدا نفس اللي بسوق واقف )))))

ومحد اشتكى بالعكس منضره حلو ويخلي الناس تخفف بالقصب ^_^

[boamir]

1 - عشان الانترلوك زايد وتكلفتة اقل من القار
2- عشان السيارة تخترت وعشان الي بيصلحها بيستفيد

بس صج الي ابي اعرفه اذا حد يقدر يفيدنا ليش يحطون الله يعزكم البلاعات ( البواليع ) بنص الشارع ليش مايخصصون لها مكان عشان ماندوسها بالسياير

هاي إلي معقدني ياخي شارع بفريجنا صار له سنين ومن اوله لين نهايته الله يعزك بواليع لا و مستواها مترفع اكثر من الشارع
قسم بالله تكسر السيارات تكسيييييير قبل يومين عدلوها وخلوها نفس مستوى الشارع بس بعد تمشي عليها تسمع اصواات بموترك
زيين ليش مايخلونها شووي يمين جنب الشارع إلا بوسط الشارع ؟؟


وبخصوص الانترلوك عن نفسي اول مره مشيت عليه ماعجبني بس الحين اشوفه عادي
خصوصا نفس إلي في اسبايير

تحيااااتي لك

[نوفا91]

^
اتعبني
الانتر لوك يمكن معناته (داخل القفل) !!! < :rolleyes2:
:(:(
عاد وش اللي داخل ماعرف !! < بعد :rolleyes2:
:(

^
مدرس اللغة اللي عندي يدرسني غلط :(

اذا ع شرحك عزالله مافهمت ههههههههه:tease:
يعطيه العافيه رحال صوت وصوره :victory:

[نوفا91]

http://up.redaan.com/uploads/c3b37e03fd.jpg (http://up.redaan.com/)

اهااا هذا هووو ..
انا برايي لو يسونه مثل الشوارع احسن ..اي عشان الكعب :secret:كنت بطيييح ..وليت انه مثل الصوره اللي حاطها ..اللي بسواق واقف اشوف الارضيه احاول افهم وش اللي امشي عليه ولافهمت..

[نوفا91]

^^
ع طاري التفلسف هو نفسه اللي بمواقف واقف؟؟

[Rider]

علشان بعض الناس تستفيد اذكر فيه شعار قديم يقول قطر خضراء 2004 والعكس صحيح شفنا قطر كلها انترلوك علشان يعيشون ناس

[فراغ]

بالنسبة للمنهولات الي في وسط الشارع
أنا أقترحت سابقآ أن يكون في جنب الشارع حفر طويل وكبير بحجم الشارع وتوضع به جميع التمديدات (كهرباء وماء وتلفونات 0000 الخ) ويغطى من الأعلى بحيث يسير فيه (الحفر) جميع عمال الصيانه ويكون أسهل من أعادة الحفر للبحث عن سبب تهريب الماء أو عطل كيبل ويكون أسهل لتغيير ويمكن أستخدام هذه الممرات في الحروب مثل الأندر قراوند في بريطانيا
أقول قولي هذا وأستغفر الله لي ولكم

[hamoor4ever]

اسرع للصيانه بدل الحفر
اعتقد اسهل في انه يمتص الماي بعد المطر ولذلك يستخدم بكثره في اوروبا
شكل جمالي
انا مع الانترلوك

[a7medooo]

لاتنسون الحي الثقاقي انا سيارتي بي ام احس انها بتنتحر لما امر هناك

[صوت الضمير]

يااخوي حتى الارصفه انترلوك


قطر صارت موب خضراء صارت حمراء

وفي الدفنه قهروني شالوا الزرع وحطوا الانترلوك

في الريان جاتنا العدوى الانترلوك


نبي شجر يارحم لي والديكم..نبي طبيعه ترد فينا الحياة

لاشفت اللون الاحمر اكتئب.. ع الاقل نخل ماطلبنا شي

أبداع

[شموخ دائم]

,

,



مرحبا

الانتر لوك ( ماله وكيل )

الدوحه فيها اكثر من 20 مصنع تعمل الانترلوك

لاحد يحط في ذمته

:)

كل مصنع طابوق او بلاط تقريبا فيه انترلوك

المسئله مسئله جماليه

وكل دول العالم تعمل هذي الحركه

انا احب اقول

( شكرا لكم يا بلديات الدوحه على جهودكم )


,

,


اخوكم


شموخ دائم

[صوت الضمير]

ياجماعه مكبرين الموضوع


والله في شوارع بأوروبا وتحديدا بميلان ( شارع اشطووووووووووووووووول ورئيسي بعد ) وكله مرصوص بالأنترلوك (((((( تحديدا نفس اللي بسوق واقف )))))

ومحد اشتكى بالعكس منضره حلو ويخلي الناس تخفف بالقصب ^_^

بس هالشارع ماينفع للحريم

وبالذات اللي يلبسون كعب

كم مره طاحت بسبب مواقف سوق واقف

اتمنى اعادة النظر فيها :(

[bohilal191]

ماشاء الله الكل كتب رأيه بصراحة وشكرا لكم وعرفت الهدف

[دلة الرسلان]

مافهمت هل بيرصفون الشارع بانترلوك او الحجر اللي في سوق واقف ؟

اللي في سوق واقف مزعج جدا ، أذا انترلوك ومسوين عليه دراسة أنه يتحمل ضغط السيارات

فما اشوف فيها شيء خلونا نجرب شيء جديد :)

[ام جابر 1]

مواقف سوق واقف ماساه الصراحه
وبعدين صح دول اوروبا في انترلوك
وبالذات تركيا
لكن مانحس لين نمشي عليها مثل مانحس اهنيه
غصب بيينا الديسك من كثر ماتلخلخت عظامنا من هالشوارع

[al saad]

اعتقد عشان سهل فكه وتركيبه
يعني يفكهم من الحفريات والترقع القار يفك ويركب

[ابو ضمير]

يا شباب هذي قلة حيله منهم الحين هذا الطوب الاحمر يسبب قرقعه في السيارة وانا جربت هالشي لاني كل مرة امر على هالنوع من الشوارع اما بخصوص البواليع اااااه يا القهر خاطري اشوف هذا الي مسويهم ايش كان يفكر فيه انزين اذا كنتوا مضطرين خلوهم في نص الشارع علشان السيارة تمر من فوقهم

[آهـل شَـرق]

صح كلامك اخوي :nice:

على فكره الانترلوك ماله مواصفه معتمده من هيئة المواصفات و المقاييس لحد الحين :secret:


يمكن توجه الدوله هو الاستغناء عن السيارات والرجوع للخيل كـ وسيله للمواصلات .. لان اللي اعرفه الانترلوك في لندن مسوينه حق خيول الملكه عندهم .. وربعنا يا حبهم حق التقليد والشوو طبعاً :fight:
الانترلوك زين بس مثل ما قال اخوي سيكرت لازم يعتمدون مواصفات وممقايس تحافظ على سلامة خلق الله :threaten:

[باسكن روبنز]

يمكن توجه الدوله هو الاستغناء عن السيارات والرجوع للخيل كـ وسيله للمواصلات .. لان اللي اعرفه الانترلوك في لندن مسوينه حق خيول الملكه عندهم .. وربعنا يا حبهم حق التقليد والشوو طبعاً :fight:
الانترلوك زين بس مثل ما قال اخوي سيكرت لازم يعتمدون مواصفات وممقايس تحافظ على سلامة خلق الله :threaten:



رحم الله والديك يالطيب ،

جبتهــآآ بالصميــم والله ،:victory:

[chillis]

تبي الصراحه شوف من وكيل الانترلوك
انا ماقلت شي
:(

:omg::secret::victory:

[شموع قطريه]

اشفيكم ترى ارضيات سوق واقف هذي صخور ماخذينها من جبل في سوريا شاريته الدوله علشان تكسره وتاخذ صخوره وتحط لكم ارضيات وانتوا تقولون مب شي :).. الصراحه انا اذا رحت سوق واقف تتغير مشيتي احس كأني اعبر نهر مشيا على الصخور المتناثره <<< آبوك يالتعبير هههه