شاركونـا أخبــار ونتــائــج المعــرض المهنــي ،

[باسكن روبنز]

السلام عليكم ورحمة الله وبركاته ،



اتمنى هالموضوع يكون ملتقى وأخبار بألي يصير بالمعرض المهني ،

وشكـراً ،

[ع.م]

حبيت أذكر إن يوم 13 إبريل بيكون للنساء..

وبالتوفيق للجميع..

[باسكن روبنز]

هل صحيح الكلام ألي سمعته؟؟ ،

أنه السنه ألي فاتت الشباب ربعنا كل ماراحوا يقدمون في مكان يسألونه (انت موظف ولا لا) ،

وأذا قالهم أنه موظف يرفضون أخذ أوراق السي في!! ،

اتمنى تأكيد أو نفي الخبر!!:( لاهنتو ،

[برزان]

انا باشارك و باتكلم بدون تحفظ عن اي شي ايصير سواء خير ولا شر .
ولا نقبل بالمساومه علينا في هالمعرض بكل سنة تحت عناوين مظلله

[N!GHTWOLF]

هل صحيح الكلام ألي سمعته؟؟ ،

أنه السنه ألي فاتت الشباب ربعنا كل ماراحوا يقدمون في مكان يسألونه (انت موظف ولا لا) ،

وأذا قالهم أنه موظف يرفضون أخذ أوراق السي في!! ،

اتمنى تأكيد أو نفي الخبر!!:( لاهنتو ،

هلا الشيخ

السنة اللي طافت ما اخبر جانا كلام او تعميم بهالموضوع

اما هالسنة جاتنا توجيهات واضحة بعدم اخذ سيفيات قطريين شغاليين الا اذا كان في السيفي كتاب عدم ممانعة

لان الهدف من مشاركتنا في المعرض هو توظيف القطريين اللي بدون وظايف و هم اولى من اللي شغاليين حاليا و يخربون على غيرهم

طبعا انا اتكلم عن شركتنا و ما استغرب باقي الشركات تسوي نفس الشي لني اتوقع انها اوامر عليا

و عشان لحد يفهم كلامنا غلط انه مانبي نوظف قطريين

جاتنا اوامر صريييييييحة بعدم قبول اي سيفي من غير القطريين

والله يكتب اللي فيه الخير و يوفق هل قطر

[النائب]

المفروض سمو ولي العهد الله يحفظة بعد ما يفتتح المعرض اليوم يطلب من لجنة المتابعة عندة بكشف بعدد الذين تم توظيفهم عن طريق المعرض المهني ويكون هناك عقاب في حالة التقصير وثواب في حالة التوظيف .

لأن الذي سمعت إن المعرض المهني ليس على قدر طموحات سموه ولا طموحات المواطنين .

[الصريحه]

هلا الشيخ

السنة اللي طافت ما اخبر جانا كلام او تعميم بهالموضوع

اما هالسنة جاتنا توجيهات واضحة بعدم اخذ سيفيات قطريين شغاليين الا اذا كان في السيفي كتاب عدم ممانعة

لان الهدف من مشاركتنا في المعرض هو توظيف القطريين اللي بدون وظايف و هم اولى من اللي شغاليين حاليا و يخربون على غيرهم

طبعا انا اتكلم عن شركتنا و ما استغرب باقي الشركات تسوي نفس الشي لني اتوقع انها اوامر عليا

و عشان لحد يفهم كلامنا غلط انه مانبي نوظف قطريين

جاتنا اوامر صريييييييحة بعدم قبول اي سيفي من غير القطريين

والله يكتب اللي فيه الخير و يوفق هل قطر

مادامك قلت الصدق
كمل كلامك وهل جاتكم بعدين اوامر بعدم توظيف القطريين لان في الاصل الاماكن محجوزه بواسطه وقد تم تعين من تريدون من قبل المعرض
لان وش كثر يقدمون ؟؟؟؟؟؟؟؟؟؟؟؟؟؟
ومحد يتصل وعندهم شهادات ومن الاوائل على الجامعه

[النائب]

هل صحيح الكلام ألي سمعته؟؟ ،

أنه السنه ألي فاتت الشباب ربعنا كل ماراحوا يقدمون في مكان يسألونه (انت موظف ولا لا) ،

وأذا قالهم أنه موظف يرفضون أخذ أوراق السي في!! ،

اتمنى تأكيد أو نفي الخبر!!:( لاهنتو ،

المفروض ماياخذون طلبات الموظفين إلا إذا عندة كتاب إستقاله بتاريخ جديد .

[بوخالد911]

الله يوووفق

[N!GHTWOLF]

مادامك قلت الصدق
كمل كلامك وهل جاتكم بعدين اوامر بعدم توظيف القطريين لان في الاصل الاماكن محجوزه بواسطه وقد تم تعين من تريدون من قبل المعرض
لان وش كثر يقدمون ؟؟؟؟؟؟؟؟؟؟؟؟؟؟
ومحد يتصل وعندهم شهادات ومن الاوائل على الجامعه

لا والله حشا يا اختي بالعكس احنا ندور القطريين مثل ما ذكرت سابقا
وكل اللي قلتيه الحمدلله غلط
لو كلامج صح بتكلم و بقول محد كفو يقص رقبتي بس والله الحقيقة مثل ماذكرت فردي السابق

والله الموفق

[باسكن روبنز]

لاتحرمونا مشاركاتكم وشكراً لكل من رد بالموضوع ،










هلا الشيخ

السنة اللي طافت ما اخبر جانا كلام او تعميم بهالموضوع

اما هالسنة جاتنا توجيهات واضحة بعدم اخذ سيفيات قطريين شغاليين الا اذا كان في السيفي كتاب عدم ممانعة

لان الهدف من مشاركتنا في المعرض هو توظيف القطريين اللي بدون وظايف و هم اولى من اللي شغاليين حاليا و يخربون على غيرهم

طبعا انا اتكلم عن شركتنا و ما استغرب باقي الشركات تسوي نفس الشي لني اتوقع انها اوامر عليا

و عشان لحد يفهم كلامنا غلط انه مانبي نوظف قطريين

جاتنا اوامر صريييييييحة بعدم قبول اي سيفي من غير القطريين

والله يكتب اللي فيه الخير و يوفق هل قطر

مرحبتين أخووي ،

أشكرك على صراحتك وأتمنى توآفينا بالأخبار بخصوص القرار آن كان تطبق بباقي الشركات ولا لا من خلال تواجدك بالمعرض ،

وايد موظفين ويبون يغيرون وظايفهم لتحسين أوضاعهم أو لتظلمهم بشغلهم الحالي ،

أحس هالقرار بينظلم فيه ناس كثير ،

الله يرحمنا برحمته ويكتب ألي فيه الخير للجميع ،

وشكراً ،

[be cool]

في فرق للموظفين الي تثبتوا والي ماتثبتوا؟؟

لاني انا ماتثبت وابي اغير وظيفتي هل في استثناء؟؟

[باسكن روبنز]

المفروض ماياخذون طلبات الموظفين إلا إذا عندة كتاب إستقاله بتاريخ جديد .

تصدق يالنائب ،

حزأت افكر فيها بيني وبين نفسي ،

كم عدد أهل قطر؟ 250 ألف؟ ،

شيل الأطفال والعجايز وكبار السن الله يطول بآعمارهم ،

وبعد شيل طلبة المدارس والجامعات ،

وأعداد كبيره من الشباب والبنات في السلك العسكري ،

كم شاب وشابه ممكن يتوظفون بالوظايف المدنيه؟ ،

بغض النظر عن مستوآهم التعليمي ألي ممكن حتي أصحاب الشهادات الأبتدائيه يشتغلون سيكورتيه أو بشركات الحمايه ،

ومع ذلك البطاله في تــزايـد وصيحاتهم للتوظيف بالجرايد ووطني الحبيب!! ،

الله بيعيــن ياخووي والحمدلله ع كل حــال،:)

[بنت البدر 77]

وحتى الموظف اللي متثبت وصار له سنين ولا اخذ حقه من وظيفته اللي يشغلها .. مو من حقه يغيير الوظيفة الى وظيفة افضل !! اذا هو متأكد من امكانياته .. او هو يطمح انه يتوظف في مجال دراسته ! بدل ماهو بوظيف ومجاله في صوب ثاني !!

[N!GHTWOLF]

لاتحرمونا مشاركاتكم وشكراً لكل من رد بالموضوع ،











مرحبتين أخووي ،

أشكرك على صراحتك وأتمنى توآفينا بالأخبار بخصوص القرار آن كان تطبق بباقي الشركات ولا لا من خلال تواجدك بالمعرض ،

وايد موظفين ويبون يغيرون وظايفهم لتحسين أوضاعهم أو لتظلمهم بشغلهم الحالي ،

أحس هالقرار بينظلم فيه ناس كثير ،

الله يرحمنا برحمته ويكتب ألي فيه الخير للجميع ،

وشكراً ،

لا شكر على واجب يالغالي هذا واجبنا مع هل بلادنا و اقل شي نسويه نكون صريحين وواضحين من البداية

اذا جاني علم بخصوص الشركات الثانية ان شالله بخبركم هنيه بس قلت سابقا التمست احساس من اجتماعنا مع مدير الموارد البشرية انها اوامر عليا و ماعتقد بس تكون علينا ان شالله تكون على باقي الشركات بعد بس لو تاكدت بخبركم

وبخصوص القطريين المتوظفين

اكيد ماقدر اخالفك الراي اخوي

بس انا شخصيا لو ياني واحد متخرج فرييش من الجامعة وماعنده وظيفة يترزق فيها و يكون نفسه و واحد ثاني شغال اكيد بفضل الاول حتى لو ماعنده خبره بدربه و بطرشه كورسات و باهله و بستثمر فيه

انا جربت هالشعور يالغالي كنت بطالي 9 شهور بعد التخرج

بس ارجع و اكرر لو يانا قطري شغال و في السيفي رسالة عدم ممانعة بنقبل السيفي

والله الموفق

[شبح الصمت]

لا والله حشا يا اختي بالعكس احنا ندور القطريين مثل ما ذكرت سابقا
وكل اللي قلتيه الحمدلله غلط
لو كلامج صح بتكلم و بقول محد كفو يقص رقبتي بس والله الحقيقة مثل ماذكرت فردي السابق

والله الموفق

ارحم الله والديك اخوي وبيض الله وجهك

[N!GHTWOLF]

ارحم الله والديك اخوي وبيض الله وجهك

و وجهك يزاك الله خير

[نتفـه]

الله كريم بس ..

[Google]

وحتى الموظف اللي متثبت وصار له سنين ولا اخذ حقه من وظيفته اللي يشغلها .. مو من حقه يغيير الوظيفة الى وظيفة افضل !! اذا هو متأكد من امكانياته .. او هو يطمح انه يتوظف في مجال دراسته ! بدل ماهو بوظيف ومجاله في صوب ثاني !!


:nice: :nice: :nice: :nice: :nice: :nice: :nice: :nice: :nice:

[الراقيه سبشل]

انا للحين مارحته

لكن بالنسبة للمعرض السنة الي طافت وانا كنت عارضه فيه .. برأيي المعرض كان توزيع اكياس لا اكثر

:)

[المرحب]

الله يكتب اللي فيه خير وصالح

اللي فهمته ان هالسنه مفتوح لجميع الجنسيات

حتى من خارج قطر


راح أرد لكم خبر الليله ان شاء الله وذلك خلال تواجدي في المعرض كمشاركين

[دوحة الجميع]

اما هالسنة جاتنا توجيهات واضحة بعدم اخذ سيفيات قطريين شغاليين الا اذا كان في السيفي كتاب عدم ممانعة .
وليش ماعمموا هالكلام من قبل في وسائل الإعلام المختلفة علشان نروح نطلبها من جهة عملنا الحالي ... لأن مثل هذه الورقة تحتاج إلى تقديم طلب والحصول على موافقات من المسؤولين .. وبيكون المعرض المهني حزتها خلص :omg:
مالت على البمبره

[باسكن روبنز]

أشكركم ع التفاعل ،




أش صار أمس؟؟ ،

ألي راح لايبخل علينا بآي معلومه ،

[المهندس عبدالعزيز]

المعرض هو توزيع للبريد الإلكتروني الخاص لقسم شؤون الموظفين لكل قسم يعني لو تدخل موقع كل وزارة ستجد البريد الإلكتروني الخاص بقسم شؤون الموظفين. إذا كان البريد الألكتروني موجود في موقع كل وزارة فما الهدف اذا من أقامة المعرض؟

[أين الحل ؟]

لا والله حشا يا اختي بالعكس احنا ندور القطريين مثل ما ذكرت سابقا
وكل اللي قلتيه الحمدلله غلط
لو كلامج صح بتكلم و بقول محد كفو يقص رقبتي بس والله الحقيقة مثل ماذكرت فردي السابق

والله الموفق

شو نوع القطريين الى تدورونهم للأسف تعطون القطري مقابلة على انه خبير متمكن من كلشي والمشكله الى يقابله يكون أقل خبره عمليه فعلا له منصب وظيفي ولكن دون خبره دائما يعتم على الغير وفي الأخر روح اختبر لغه انجليزية وتبدأ الصعوبات هذه الوظيفة تحتاج لفل 5 والثانية تحتاج لفل 6 وألف وروح وكتب تقرير غير جيد بان القطري غير مناسب لهذه الوظيفة
بدال ما انطور ونرفع قدراته نصكر الباب في وجهه ويجي بابو وجف ويحل محله .

هذا الواقه وهذه الحقيقة حسبي الله ونعم الوكيل .

[المحقق كونان]

لا شكر على واجب يالغالي هذا واجبنا مع هل بلادنا و اقل شي نسويه نكون صريحين وواضحين من البداية

اذا جاني علم بخصوص الشركات الثانية ان شالله بخبركم هنيه بس قلت سابقا التمست احساس من اجتماعنا مع مدير الموارد البشرية انها اوامر عليا و ماعتقد بس تكون علينا ان شالله تكون على باقي الشركات بعد بس لو تاكدت بخبركم

وبخصوص القطريين المتوظفين

اكيد ماقدر اخالفك الراي اخوي

بس انا شخصيا لو ياني واحد متخرج فرييش من الجامعة وماعنده وظيفة يترزق فيها و يكون نفسه و واحد ثاني شغال اكيد بفضل الاول حتى لو ماعنده خبره بدربه و بطرشه كورسات و باهله و بستثمر فيه

انا جربت هالشعور يالغالي كنت بطالي 9 شهور بعد التخرج

بس ارجع و اكرر لو يانا قطري شغال و في السيفي رسالة عدم ممانعة بنقبل السيفي

والله الموفق

ممكن اعرف اسم الوزارة او الهيئة او الشركة الي تشتغل فيها عشان اجي المعرض اقدم عندكم

انا مواطن خريج جديييييييييد و بطالي من 10 شهور

:weeping:

[Doha Sun]

بصراحة لاعت كبدي من وظيفتي الروتين قاتل .. ابي اغير ابي اتجددوان شاء الله القى ضالتي في المعرض

[شويهينــه]

اذا الشركات والمؤسسات ادور على الخريجين فقط

ليش مايسوونه في الجامعات؟؟

وليش اذا اعلنوا في الجرايد عن وظايف يشترط خبره 3 سنوات؟؟

[المفترسه]

انا رايحه ان شاء الله اليوم المغرب بقولكم شصار

[Hamad7788]

احنا مشاكرين ب المعرض

وناخذ اوراق الموظفين وغير الموظفين ....

[pure]

انا ان شاءالله بروح الاربعا ,,

بدور سبونسر و مكان اتدرب فيه للصيف ,,

والله يووفق

[النائب]

هذا المعرض مع إحترامي لكل الجهات المشاركة فيه هو نوع من أنواع الدعاية لا أكثر فلا يوجد بها توظيف ولا فيه أصلا حاجة لإقامتة دام إن المعرض عند إنتهائة لا يوجد له متابعة ولا إحصائية ولا محاسبة .

هو خسارة وقت ومال وجهد وهذا محسوبين عليه جميعا .

[ساراام]

بنقدم ونشوف

آللَّہ كريم

[حقيقه]

انا كنت اقولهم موظفه ومايرفضون

[Eman Qtr]

الله يكتب لنا اللي فيه الخير ...

إن شاء الله بكرة بروح وبقدم ..وبنشوف ...

والله كريم

[لمعة الالماس]

أنا قدمت وان شاء الله اشتغل

صار لي سنتين متخرجة و اقدم في كذا جهة ولا اشتغلت :(

[طلعة الروح]

انا كمواطنه احترم المعرض والهدف اللي انخلق من اجله وتوجيهات سمو ولي العهد الواضحه لكن اتمنى تكون فيه شفافيه عاليه في قرارات ونتائج المعرض بالنسبة للنتائج اكيد راح تاخذ وقت وبالنسبة للقرارات اللي تخص المعرض نفسه محد اعلن شي رسمي والمعروف انه يستهدف الجميع بلا تحديد

عن نفسي زرت المعرض وشفت فيه تغييرات من ناحية طريقة التقدم للوظايف اكثرهم يطالبون بالتقديم عن طريق موقعهم بالاضافه الى تقديم السيفي واتوقع هالطريقه موثقه اكثر من الاستماره
بصراحه في شركات يخافون وعلى طول يحددون مقابله حتى لو عروضهم مب ذاك الزود وفي شركات ومنها الوزارات طبعا ربي كما خلقتني وعن تجربه محد نادانا من سنة 2009 ولين اليوم يقولون عندنا اكتفاء او يطلبون تخصصات معينه مثل المجلس الاعلى للقضاء ووزارة الاوقاف، بعض الشركات قدمت عن طريقهم اون لاين اعتقد مؤسسة قطر للاعلام واتضح انه عندهم خلل بالسستم بعدم وصول الطلب طبعا اكتشفت الموضوع بعد ماجيكت ع الايميل اكيد لازم نتوقع هالاخطاء..

والحمدلله على كل حال..

[الجوكر90]

السلام عليكم
انا من المتطوعين واشوف الاقبال قل عن العام
بس مب كل الشركات ماتبي توظف

الخلاصه

الي يبي يتوظف وعمره بين 18 لين 26 خل يروح البنوك تراهم يدورون شباب
اما الباقي ماعرف عنهم بكره بروح اقدم وبنطر وبشوف كم شركه راح تتصلي هالسنه

وبالتوفيق ان شاء الله

[طلعة الروح]

انا كنت اقولهم موظفه ومايرفضون

طبعا مب من حقهم يرفضون في شي اسمه تدوير الوظايف
بمعنى آخر دورة حياة وكل واحد يسد مكان الثاني
والله يخلي الاستقالات شغالة على سن ورمح هالأيام بأكثر الجهات
يعني محد بقاطع رزق حد بالنسبة لفئة طالبي الوظيفة

[طلعة الروح]

[quote=دوحة الجميع;7131849]اما هالسنة جاتنا توجيهات واضحة بعدم اخذ سيفيات قطريين شغاليين الا اذا كان في السيفي كتاب عدم ممانعة .

أكيد الجهه اللي انت فيها حكومية وتمارس الطغيان على حريات الموظفين فيما يخص انتقالاتهم
هل تم اعلام الصحف الرسميه بهالقرار مسبقا وقبل بدء المعرض ولا هو قرار وليد اللحظه؟
بعدين ياريت تذكر اسم الجهه المعنيه عشان المصداقيه..

[الشمالي111]

ليش ما تبون تصدقون ان المعرض شوووو وبس للعرض وللصحافه والاعلام


اذا يبون يشغلون العالم كان اشتغلو من المعرض اللي فات واللي قبله

واللي انا شفته اليوم من الشركات والمؤسسات انهم بس يبون اكثر عدد طلبات علشان اذا خلص المعرض قالو احنا قدم عندنا العدد الفلاني وراح انقابلهم خلال الايام الجاية وهلم مجرة وعلى هالحال كل سنه

اخوي قدم من المعرض اللي فات ولا احد اتصل فيه للين الحين ولد عمي من اللي فات واللي قبله واجد شباب خرجين ثانوي وجامعه وللحين محد رد عليهم

بالعربي ضحك على الذقون

[مشتاقة لقطر]

طيب عندي حد يبي يتوظف .. فماعليكم امر اللي راح يسوي خير ويحط لنا ايميلات الشركات والموسسات والدوائر اللي يوظفون .. بيكون الموضوع مفيد اكثر

[شمعة الدوحه]

هالسنه موب متحمسه اني أروح

ولو فكرت اني أروح بقولكم رايي

[PoBox]

*
*
*
http://www.qatarshares.com/vb/attachment.php?attachmentid=73268&stc=1&d=1302588852

[QATAR-2006]

ضمن فعاليات معرض قطر المهني، يسر كلية الهندسة دعوتكم لحضور محاضرة عن التطوير الذاتي والمهني والتي يلقيها الدكتور عبدالمجيد حمودة العميد المساعد للبحث والدراسات العليا.





التاريخ: الثلاثاء 12 ابريل 2011

الوقت: 4:00- 5:00 مساءً

المكان: ركن جامعة قطر – معرض قطر المهني

[المحقق كونان]

اليوم الصبح رحت المعرض المهني

و قدمت في كذى مكان و الرد الاعتيادي " بنتصل لك "

المشكلة بعض الشركات و الوزارات اذا تسئلهم عن الوظايف الشاغرة مايعطونك جواب شافي

و بعض العارضين حاطين يهال مع احترامي لهم و بس قاعدين مع البي بي و مطنشين للناس

[روح الاطلس]

ما يقهر هو الرد

قدموا من خلال الموقع

طيب ليه حاطين ستاند طول وعرض وبالاخير عن طريق الموقع عشان يكنسلون الموقع باللي فيه بعد انتهاء المعرض ويشوفون بس كم طلب تم تقديمه

لو فعلا جادين ياخذون السيفيات مباشرة ويسوون فرز ويقارنون بين السيفي ومتطلبات الجهه من الموظفين وياخذون المناسب على طول

[abn qatar]

بخصوص التعميم

اعجبتني عباره التوجهه الى الموقع الاكتروني بعد انتهاء المعرض خصوصا للاجانب

هل يعني اذا قطري توجهه للموقع الاكتروني طلبه لن يتم البث فيه من الاساس ؟؟

نقطه ثانيه طالما الموقع الاكتروني يستقبل طلبات التوظيف ليش تم اقامه المعرض من الاساس؟

السوال الاهم اين الاولويه في التوظيف للمعرض او الموقع الاكتروني ؟؟؟؟

المثل المصري يقول اللي عنده قرش محيره يجيب حمام يطيره فلوس زياده يبغون يصرفونها

اقامو المعرض لصرفها

[قطر مستقبلنا]

الله يكتب اللي فيه خير وصالح

اللي فهمته ان هالسنه مفتوح لجميع الجنسيات

حتى من خارج قطر


راح أرد لكم خبر الليله ان شاء الله وذلك خلال تواجدي في المعرض كمشاركين

معرض قطر المهني السنه مقفل للقطريين فقط .. واستلمت كل الشركات المساهمه بالمعرض كتاب رسمي من ادارة المعرض بعدم استلام اي طلبات توظيف لغير القطريين...

والشكر كل الشكر لاصحاب القرار..

بننطر بعد المعرض النتائج ..

واعتقد مش لازم نوقف مع اخر يوم للمعرض .. نبي النتائج تكون علنيه..

شخصيا اطالب القائمين على المعرض بالشده والحزم مع مدراء الشركات اللي يدعون تخصيص وظائف للمرض المهني وغيره من الاكاذيب .. والتعامل معاهم بشكل مهني ومطالبتهم بايفاء وعودهم اللي يطلعون يصرحون فيها في الجرايد علشان يلمعون وجوههم ويتحليقون للحكومه .. على مين يا بابا!!!

ولهذا اعيد واطالب القائمين على المعرض المهني مطالبة الشركات بايفاء وعودها واثبات هذا كله بسجلات وتقارير رسمية..

وتحياتي للمنافقين...

[تحداني]

المعرض المهني سوف يغلق ابوابه الساعه " 9 " بدل من " 8 "
نظرا للإقبال الكبير


...................................

عندي " 3 " من العائله واحد عنده قبول من كارنجي
والثاني من ليدز
والثالث من " مانشستر "

تم اجراء المقابله لهم في المعرض المهني وهو سيكونون على راس البعثه
عن طريق " مؤسسه قطر .. وراس غاز " الف مبروك لهم
.................................................. .

المعرض محتاج الى تنسيق اكبر من ناحيه نوعيه المتطوعين
واختيار الكادر الذي يمثل تلك المؤسسه او الاخرى
.............................................

نقظه ايجابيه قلت الهدايا
وان شاء الله تنفرض السنه الجايه



جملكم الله برضى الرحمن

[تحداني]

السلام عليكم
انا من المتطوعين واشوف الاقبال قل عن العام
بس مب كل الشركات ماتبي توظف

الخلاصه

الي يبي يتوظف وعمره بين 18 لين 26 خل يروح البنوك تراهم يدورون شباب
اما الباقي ماعرف عنهم بكره بروح اقدم وبنطر وبشوف كم شركه راح تتصلي هالسنه

وبالتوفيق ان شاء الله




الاقبال قل " لان الفئه المستهدفه " اصبحت معروفه
وقبل كان الكل يقدم اوراقه حتى لو ماكان من تلك الفئه

طالما حضرتك متطوع .. ممكن تعطينا رايك في عدد المتطوعين ما اتشوف ان العدد كبير ؟؟
وما اتلاحظ ان الكثير من المتطوعين يفتقد للكثير من المهارات ؟؟
والكثره احيانا تسبب ربكه ومالها اي داعي ؟؟


جملك الله برضى الرحمن

[Qtr.Girl]

سؤال للي مقدمين على وظائف في المعرض


هل قامت الشركات بارسال ايميلات لكم ؟ بعد ماقدمتوا عليهم ؟


وهل هذا يدل على قبولهم لك/ي .؟ ولا الموضوع الكتروني ويرسل لجميع المقدمين ؟

[الجوكر90]

الاقبال قل " لان الفئه المستهدفه " اصبحت معروفه
وقبل كان الكل يقدم اوراقه حتى لو ماكان من تلك الفئه

طالما حضرتك متطوع .. ممكن تعطينا رايك في عدد المتطوعين ما اتشوف ان العدد كبير ؟؟
وما اتلاحظ ان الكثير من المتطوعين يفتقد للكثير من المهارات ؟؟
والكثره احيانا تسبب ربكه ومالها اي داعي ؟؟


جملك الله برضى الرحمن

بخصوص الاقبال قل لان الناس ملوا يقدمون ومايحصلون وظايف
بس المشكله الكبرى انهم مايعرفون ان المعرض الهدف الاول والاساسي مب حق التوظيف
هو لجمع جميع الشركات فمكان واحد حتى الزائر يقدر يشوف اي شركه تنفعه ويقدم لها
بس الي حاصل انهم يقدمون ع كل الشركات
اليوم وانا طالع اخذ غرض من السياره اشوف وحده ماسكه بين 5 و7 اكياس ومعطتهم للدريول ورجعت تكمل تجميع اكياس

والسؤال الي يطرح نفسه
ليش انتي عندج 3 من هلج وافقوا عليهم وانا 4 شركات العام اتصلوا لي والباقي لا
لان احنا الفئه المستهدفه
اعمارنا بين 16 لين 26
والتعليم ثانويه
والمعدل جيد وممتاز
اما كل واحد بيقدم مستحيل يحصل وظيفه
حتى لو كل اهل قطر اقل من 100 الف
بس مب كلهم راح يرضون يشتغلون ب3000 او 5000 نفس الاجانب



وبخصوص عدد المتطوعين
العام كانوا 250 متطوع ومتطوعه
هالسنه صاروا 350

وانا معاج هالسنه وايد اشيا حاصله ماقدر اتكلم عن كل الاسباب بس وايد اشيا غلط وكل شي له اسبابه

والسبب الاول ان وايد ناس من طلاب المدارس والتزامهم مع المدرسه فالفتره الصباحيه فعشان جي في نقص ولازم اللجان الثانيه يدعمون

الخبره شوي ناقصه عندهم
المهم ان العام عندي احسن من هالسنه مع اني هالسنه مسؤوليتي صارت اعلى بس العام اشتغلت عدل حسيت اني اسوي شي

بس الايجابيات وايد
واول واهم ايجابيه ان كل المتطوعين عيال قطر
وكل يوم يتطورون ويثبتون نفسهم
وفيهم روح الجماعه

وبس

اذا في اي شي ع المطوعين حياكم ان شاء الله ماراح نقصر معاكم


وبالتوفيق

[زنجبيل]

الله يووفق الجميع ان شااء الله اللحين هالتعميم معناته انه اللتقديم بسس للقطريين والا عاادي أبناء دول الخليج بعد !!

[أم غانم]

اليَوم كَانت لَي زيَارة للمعَرض ..

بصَراحـة مستواة ممتَاز وعجبني من جَميع النواحي ..


والأهم إن لمـا يجَون أجانب " هنديات وغيرهـم " يقولون لهم التوظيف للقطريَات فقط ..


" نقطة تحسب لهم " وهالشي لآحظتـة في كـذا جهـة ..



الوزارات والشركات اللي قدمت عليهـا أون لآين .. بعثت لي أيميل أن الطلب وصلهم

وذكروا أن عملية فرز الطلبات والمعاينة بتاخذ وقت مب أقل من شهَر ..



بخَصوص فَرص تغيير الوظائف وغيرهـا ..


عَادي ؟ سَألوني إذا موظفة أو لآ .. وإذا لي نيـة تغيير العمل ..


قًلت لهم وخذوا مني السَي في .. والبيانات وماكان فية رفض أبداً ..


قَد التشجيع وإنهم يبون يطورون أكثر من الموظف والمواطن القطري..





مَوفقين جميـع ..

[الألماسي]

اعرف شخص قدم قبل امس و امس اتصلوا فيه الصبح و سوا مقابله بنفس اليوم

[طموحة]

امس رحت العصر فااااضي المعرض محد هناك

وكل الجهات محدده تخصصات معينة الاغلب قانون -ادارة -بزنس

وهندسة بانواعها فقط لاغير ..

الله كريم

[pure]

اليوم رحت المعرض ,, اول زيارة لي ,,

مثل ما قلت برد سابق اني ابحث عن سبونسرشب و انترشب ,,

قدمت كذا جهه ,, حسيت بعضهم صج يعني بيقبلوني !

وبالعكس حتى لو ماكان المعرض يقدم فعلا فرص عمل ,, بس اهي تجربه حلوه

ان الطلاب سواء ثانوي او جامعي انهم ياخذون لهم نظره عامه لكل الشركات

ويجوفون شنو الوظايف المطلوبه وشلون سوق العمل ,,

[شمعة الدوحه]

ما يقهر هو الرد

قدموا من خلال الموقع

طيب ليه حاطين ستاند طول وعرض وبالاخير عن طريق الموقع عشان يكنسلون الموقع باللي فيه بعد انتهاء المعرض ويشوفون بس كم طلب تم تقديمه

لو فعلا جادين ياخذون السيفيات مباشرة ويسوون فرز ويقارنون بين السيفي ومتطلبات الجهه من الموظفين وياخذون المناسب على طول


ههههههههههاي تدرين ذكرتيني بدولفين

العام رحت لهم عقب المعرض علشان أسلمهم السي في بيدي مره ثانيه وقلت لهم تراني قدمت في المعرض

قالي الموظف ان كل اللي في الموقع انمسح :nice:

وطارت السيفيات

انا يمكن اروح بكره موب أكيد وبقولكم رايي

[ذكي جدااا]

ههههههههههاي تدرين ذكرتيني بدولفين

العام رحت لهم عقب المعرض علشان أسلمهم السي في بيدي مره ثانيه وقلت لهم تراني قدمت في المعرض

قالي الموظف ان كل اللي في الموقع انمسح :nice:

وطارت السيفيات

انا يمكن اروح بكره موب أكيد وبقولكم رايي

انمسح ؟؟؟ااشلووون بمحااااية ولا بقلم بنسل؟؟؟؟؟؟؟:omg:

[بوخالد911]

الله يوووفق

[gt_511]

المعرض مستوي لتحقيق غايات وصور مزركشه للمظاهر فقط وليس لتوظيف القطرين فاشل كالعاده

[لاجل QT]

المفروض ماياخذون طلبات الموظفين إلا إذا عندة كتاب إستقاله بتاريخ جديد .

طلب الاستقالة مو مشكلة نقدر علية

بس من يضمن الوظيفة عقب تقديم الاستقالة

لو ضامنين الوظيفة كان من زمان سوينها

تعتبر مغامرة صعبة

[قطري شايب]

الصراحه في اشياء مضحكه وفي اشياء مبكيه ومحزنه بالفعل

انا اقتراح عليهم السنه الجايه اقتراحين:

الاول الغاء نظام الهدايا الي مالها لزمه لان في ناس تروح تقدم عشان تستفيد من هالهدايا وهم اساسا ماعندهم نية في تغيير الوظيفة وبهذا ماحد بيروح المعرض الا الي محتاج لوظيفة ليس لمجرد الاكياس

الاقتراح الثاني بما ان الفئه المستهدفة هم القطريين من سن 16 الى سن 26 من المفروض انهم يحطون حرس ع البوابة ويجب على المتقدم ابراز البطاقة الشخصيه للتاكد من الجنسية والفئة العمرية

بهذا بنكون قللنا الزحمه واستفدنا كثير من هالمعرض

ما ادري هي بالنهاية وجهه نظري الشخصية واتمنى انها ماتزعل اي احد اي تثير حفيظته

بالنهاية انا ما اشوف ان فيها اي شي اذا شخص اراد تغيير وظيفته او مجال عملة . التطوير مطلوب والانسان الطموح لة حق

وسلامتكم

[طلعة الروح]

بعض الشركات تجري مقابلات وترفض المتقدم بحجة انه رواتبهم ضعيفه
وانه الـsalary range اللي حطه طالب الوظيفه عالي...

تعليقي : مادام طالب الوظيفه قدم وتعنى للمقابله والاختبار وهو مبدئيا تمت الموافقه عليه
ليش ما يعطونه عرض العمل ويخلونه يحسبها ويقرر حتى لو الراتب اقل اغلب الشركات مايكلفون على اعمارهم بطباعة الـ offer
السبب الرئيسي هو العقول المتحجره لبعض المسؤولين..

[شنايدر]

سؤال للي مقدمين على وظائف في المعرض


هل قامت الشركات بارسال ايميلات لكم ؟ بعد ماقدمتوا عليهم ؟


وهل هذا يدل على قبولهم لك/ي .؟ ولا الموضوع الكتروني ويرسل لجميع المقدمين ؟

اتصلت علي احدى الشركات:telephone:. . قالت متى راح تتخرج؟ قلت لهم بعد ٣ سنوات :nice: قالوا سلم لنا على مدير الجامعه :weeping:

[يراعٌ فراتي]

ممكن سوال هل المعرض فقط للقطريين ولا عادي اي حد يقدم .؟

وهل مهندس كمبيوتر خبرة 5 سنوات فالدوحة يلقى وظيفة براتب
عشرة الاف مع سكن

[كاشف الغطاء]

طالما حضرتك متطوع .. ممكن تعطينا رايك في عدد المتطوعين ما اتشوف ان العدد كبير ؟؟
وما اتلاحظ ان الكثير من المتطوعين يفتقد للكثير من المهارات ؟؟
والكثره احيانا تسبب ربكه ومالها اي داعي ؟؟


جملك الله برضى الرحمن

انا كنت متطوع في المعرض واشوف ان العدد جيد والاخوة القائمين على المتطوعين ماقصروا

طبعا انا تطوعت قبل سنتين وحسيت بالفرق
هالمرة مهتمين زيادة وفي نظام للفصل بين الشباب والبنات ومنع الاختلاط

وفي انظمة تطبقت على المتطوعين مثل الدورات وساعات العمل والبطاقات والاوشحة ساهمت في تقليل السلبيات والملاحظات عليهم

ويعطيكم العافية ومثل ماقال اخوي الجوكر
اي شي عندكم عن المتطوعين مب مقصرين وياكم

[miss.qa]

طبعا انا رحت وتفرفرت وكان خاطري ف لخويا ويوم قربت خفت مادري ليش هههههه قدمت فالداخليه وهذيلا هم الوزاره الوحيده اللي يحرقون علي التلفون لكني حاطتهم عالويتنق لست ...وقدمت ف ____ وقالي اكيد بنشغلج واخذي رقم جوالي واتصليلي اي وقت <<< لاتعليق !
ورحت المجلس الاعلى قدمت بالكميوتر وكله ماميش ... ورحت اسابير اشكره قطت الشيفي بالزباله لان اشوفها ماسكه السيفي بطرف ظفرها ههههه .. مممممممممم الزبده عطوني اكياس وايد حطيتهم عالارض وشردت مالي خلق صراحه الباركنق بعيد واقعد اراكض بهالاثقال وياريت شي يسوى لاب توب مثلا ولا اي باد هههههه
عالعموم انا بنطر الجذاب لين باب بيته ولا بحاسبه حتى لان هاي احنا اهل البلاد كله ساكتين عن حقنا ..

اف انا من ادش هالقسم لازم يرتفع ضغطي

[نورهان88]

:nice::nice::nice:



خالتي راحت المعرض بتاريخ 13/4 يوم الأربعاء ولفت على كل الاقسام وهي تابعة للمجلس الأعلى وجالسه
بالبيت بدون عمل وكل ما جاءت قسم قالوا لها ما نستقبل موظفي المجلس الأعلى
وبعد ذلك مرت على قسم لأسرة المجلس الأعلى وكلمها رجل طيب وقال لها بمأنك حابه تشتغلي أدخل للموقع
وسجلي معلوماتك . قالت أخذ السيفي قال مالازم .. عطيني أسمك ودخل معلوماتها بالموقع في قسم تكنولوجيا قسم
العلوم ...وشوي جاءها مسج ...

شكراً لطلب لإنضمامك لأسرة المجلس الأعلى للتعليم بدراسة طلبكم واالاتصال بك قريبا ... رقم الطلب ...62 و ..
قالت للموظف وبعد هذا المسجد خلاص أنا توظفت ولا ..قال راح نتصل وها حنا ننتظر الأتصال

والله كريم

[الوثيقة]

لان الهدف من مشاركتنا في المعرض هو توظيف القطريين اللي بدون وظايف و هم اولى من اللي شغاليين حاليا و يخربون على غيرهم



و عشان لحد يفهم كلامنا غلط انه مانبي نوظف قطريين



وابناء القطريات شنهو موقعهم من الاعراب ؟؟

السنة اللي فاتت لما كنت اقدم كانوا يقولون لي : 1- القطريين 2- دول مجلس التعاون 3- ابناء القطريات :(

واعتقد بعد هالسنة نفس الشئ

[miss.qa]

ها بشروا في حد دق عليكم ؟؟؟؟؟؟؟؟؟؟

[الأصيل]

لا اله الا الله :(

ولا حد الى الحين توظف او جاه اوفر او سووا له مقابله او حتى جاه اتصال !!!!!!!!!!!!!!!

معقوله الى الحين ما فرزوا السفيات واختاروا من هالمئات كم واحد عن العين والنفس !!!!!!!!!!!!!

ما فيه جديه من الجهات الحكوميه ولا غير حكوميه !!!!!!!!!!!

كلهم ع قلب واحد نصبوا المنصات وسووا الشو ووزعوا الهدايا وذاك وجه الضيف !!!!!!!!!!!!!!

ما سمعنا الا عن توظيف الي عندهم ابتدائيه واعداديه والي عندهم شهادات ثانويه وجامعيه وخبرات ودورات مكانك سر !!!!!!!!!!!!!:omg:

يعني ما فيه وظايف للقطريين الا حراريس وسواقين :secret:؟؟؟؟؟؟؟؟؟؟

[دانـة قطـر]

لا اله الا الله :(

ولا حد الى الحين توظف او جاه اوفر او سووا له مقابله او حتى جاه اتصال !!!!!!!!!!!!!!!

معقوله الى الحين ما فرزوا السفيات واختاروا من هالمئات كم واحد عن العين والنفس !!!!!!!!!!!!!

ما فيه جديه من الجهات الحكوميه ولا غير حكوميه !!!!!!!!!!!

كلهم ع قلب واحد نصبوا المنصات وسووا الشو ووزعوا الهدايا وذاك وجه الضيف !!!!!!!!!!!!!!

ما سمعنا الا عن توظيف الي عندهم ابتدائيه واعداديه والي عندهم شهادات ثانويه وجامعيه وخبرات ودورات مكانك سر !!!!!!!!!!!!!:omg:

يعني ما فيه وظايف للقطريين الا حراريس وسواقين :secret:؟؟؟؟؟؟؟؟؟؟


:weeping:
شكلي بشتغل حارسة أريح :(

[لمعة الالماس]

محد اتصل للحين <_<

[ساراام]

لازلنااا ننتظر اتصال :(

[شنايدر]

مازلت اتراسل بالايميلات معهم . . >< !

[نورهان88]

لين الحين ومسجهم موجود ومأحد أتصل

مادري نمسح المسج

[out]

الله كريم وان شاء الله ربي يوفقكم جميعا والله لو بيدي اني اوظفكم كنت طلبت السيرة الذاتيه
واخترت الافضل وعينته بس
العين بصيرة واليد قصيرة

تحياتي

[Qtr.Girl]

اليوم الصبح جاني اتصال من احدى الهيئات

وكنت مقدمه عندهم على سبونسر وفالمعرض قالوا لي انهم ياخذون الجامعه اللي انا فيها :telephone:

وقدمنا وتراسلوا بالايميلات

لكن وقت الاتصال الكلام تغير ..!

اولا الموظفه اللي دقت شكلها ماعندها معلومات وايد اكثر كلامها مادري !

وجات تقول ماناخذ جامعتج لانها مش موجوده بلستة المجلس الاعلى وللاسف الكثير يغلط في هذه النقطه ( لستة المجلس الاعلى هي الجامعات اللي المجلس الاعلى يعطي بعثات لها وهي الدول الخارجيه ماعدا دول الخليج والدول العربيه وانا متاكده من مسؤول كبير عن هالموضوع )

وضحت لها هالنقطه تقولي اممممم ماددري !

وقلت لها دام ماتدرون وماتاخذون ليش من الاساس ماعطينا خبر فالمعرض ووقت تقديم السي في انكم تاخذون هالجامعه قالت امم ماادري بس يمكن جامعتج مش معترف فيها لان هي مب فاللسته .. ورديت قلت لها سالفة اللسته مره ثانيه :rolleyes2::anger1::rolleyes2:

المفروض يحطون شخص عنده معلومات وله القدره انه يجاوب على اي سؤال ينطرح عليه مب مادري ومادري


وشكرا :nice:

[out]

اليوم الصبح جاني اتصال من احدى الهيئات

وكنت مقدمه عندهم على سبونسر وفالمعرض قالوا لي انهم ياخذون الجامعه اللي انا فيها :telephone:

وقدمنا وتراسلوا بالايميلات

لكن وقت الاتصال الكلام تغير ..!

اولا الموظفه اللي دقت شكلها ماعندها معلومات وايد اكثر كلامها مادري !

وجات تقول ماناخذ جامعتج لانها مش موجوده بلستة المجلس الاعلى وللاسف الكثير يغلط في هذه النقطه ( لستة المجلس الاعلى هي الجامعات اللي المجلس الاعلى يعطي بعثات لها وهي الدول الخارجيه ماعدا دول الخليج والدول العربيه وانا متاكده من مسؤول كبير عن هالموضوع )

وضحت لها هالنقطه تقولي اممممم ماددري !

وقلت لها دام ماتدرون وماتاخذون ليش من الاساس ماعطينا خبر فالمعرض ووقت تقديم السي في انكم تاخذون هالجامعه قالت امم ماادري بس يمكن جامعتج مش معترف فيها لان هي مب فاللسته .. ورديت قلت لها سالفة اللسته مره ثانيه :rolleyes2::anger1::rolleyes2:

المفروض يحطون شخص عنده معلومات وله القدره انه يجاوب على اي سؤال ينطرح عليه مب مادري ومادري


وشكرا :nice:

للاسف لا حياة لمن تنادي :eek5:

[آلشقب]

:weeping: " لا آتـصـآل وولا خـبـرر ... وولا رسـآلـه وولا عـذرر " :weeping:

[طلعة الروح]

الوضع هالسنة مب طبيعي الصراحه
هناك مؤامره:secret::weeping:

[Qtr.Girl]

وازيدكم من الشعر بيت

من ضمن الجهات اللي قدمت لها ميرسك اويل .. وقالوا لي بعد ياخذون الجامعه اللي انا فيها والامور طيبه ..


بس ماجا منهم ايميل لحد الحين


اتصلت على الرقم الموجود فموقعهم ردت علي وحده مادري شاصلها فلبينيه اظن .. تقول ماعندنا سبونسر !


مادري ليش احسها ماااتدري شالطبخه !!


ياريت اللي عنده رقم الشركه يفيدنا لان مش موجود بالموقع غير هالرقم اللي ترد عليه هالفلبينيه ..

[صوت الضمير]

الله كريم

محد كلمني

الا امس توه جايني مسج من موسسة قطر يقولون بيفرزون السيفيات وبيردون عقب شهرين

مع العلم اني خريجة جديده من جامعة قطر

أبداع

[احمـد]

يالربع ابشركم موب ماخذين حد , , اسمحولي والله كان ودي اقول للكل الف مبروك اقبلوكم بس صارلهم 3 سنين ماتعلمتم ..!

ما اقول الا : بســـنا خرابيــط

[Qtr.Girl]

لازم انتوا بنفسكم تتواصلون معاهم وعلى طوول


لاتعتمدون على الكلمه المتداوله واسطه وواسطه


الواحد مابيحصل شي اذا قاعد مكانه ويقول محد كلمني محد وظفني اسعوا للشيء


وياريت من الاخوان والاخوات اللي عندهم حد يشتغل في ميرسك يفيدونا بالرقم

[قطرية فذة]

انا قدمت على مكان واحد بس وماجاني منه الا مسج جوال بما معناه شكراً لتقديمك الطلب وسنرد عليكم لاحقاً

كنت بالمعرض اتفرج واعاين الناس واشوف ايش فيه ومافيه

خذت المعرض باب للتعارف اكسب ناس والحمد لله فيه بعض الجهات فيها ناس ايجابيه تستاهل المعرفه

يعني مالي اي نوايا بالعمل لاني عارفه ان ماشاء الله الكذبه العالميه والناس مصدقينها بالمعرض


وصاير الوضع مستمر في اماكن ثانيه استغفال الناس

عموماً

اللي عجبني في المعرض انهم فنانين في ( المظاهر )

واللي ظاهر من خلالكم استنتجت انهم حتى في اللسان يظهرون غير مايبطنون

يعني فنانين كذب :) شي جيد كواجه بلد مافي حتى خيارات ثانيه

بس لان احنا شعب ايجابي بنقول اللي في الجدر بيطلعه الملاس

الله يوفقكم جميع

[miss.qa]

انا طرشت ايميل حق اللي وعدني ف الشركه وقلت له اشصار قال بكلم المدير وبرويه السيفي بتاعك ولين يومكم مارد علي .. شكلهم ماسكين السيفي ويصورون معاه ويسون حبتين .. هاي اذا ماقطوة ف زباله

[PP]

والله فيه ناس متحطمين بشكل غير طبيعي !

بس ماله داعي كل هذا التشائم.
وكأن 30 مليون حق الزينة راح صورة وبس

[الأصيل]

هلت ايميلات ........................الاعتذار :omg:

شل وميرسك ما عندهم حاليا شواغر !!!!!!!!!!!:(

ليش حاطين منصه وتاخذون طلبات وسيفيات ؟؟؟؟؟؟؟؟؟؟؟:anger1:

[Qtr.Girl]

we regret to inform you that at the present time your application to Maersk Oil Qatar AS was not successful.



هل القصد ان تم الرفض !

[gt_511]

الحمد لله وحده أنا والله كنت داري بالي راح يصير وقدمت في مكان واحد فقط الااولمبيا جاني مسج بو خمسه وثلاثين درهم وبعدها انسي بس لو تلاحظون شي اول ايام خلو بس قطرين وقبل نهابه المصبنه بيومين دخلوا الأجانب للتصوير ولرفع نسب التقديم

السؤال أهني إحنا كا

[احمـد]

يااخت qatar girl محد مقصر وخاصه في هالامور لكن لا نقص على عمرنا الواسطه اقوى شي وبعدها الشهاده ّ

[$$$$$$]

للحق وبامانه انا قدمت ومافي حد رد علي الا وظيفه وحده تابعه للمجلس الاعلى للصحه وطبعا الوظيفه هذي مش مدرجه في المعرض والحمدلله اتصلوا علي بعد 4 ايام من تقديمي وحددولي مقابله مع اختبار انجلش لكن تعذرت منهم لان الموعد الي عطوني اياه مش مناسب جدا لضروف خاصه وعلى امل يحددون لي موعد ثاني

[طلعة الروح]

وحده من فضايح المعرض

احد الهيئات بالدوله ( اللي قايم سوقهم هالأيام ) قدمت عليهم

اتصلت لي وحده وطرشت لي ايميل بالمنصب اللي بترشحني له والوصف الوظيفي وكل شي

قابلتها وسألتني اسئله ومن ضمنها الراتب بعد وقالت لي شنو المطلوب مني بهالوظيفه

بعد شوي قالت لي نطري بنادي لج المدير

نطرت شوي... أستغفرك ربي واتوب اليك

دخل المسؤول القطري ووياه موظفه امريكيه او شي من هالقبيل

المهم مب هنيه القضيه تم يسألني عن نفسي وعن خبرتي والخ .. يسألني انتي شنو الوظايف اللي مقدمه عليها معانا.. يلا خذ

يقول احنا مستقبلين سيرتج الذاتيه عن طريق الموقع

قلت اوكي وانا بقلبي اقول( استقبل السي في بس مب عارف شنو الوظيفه اللي انا مقدمه عليها الأخ )

قتله كذا وكذا قال انا بصراحه مب عارف شنو تبين ( لا حول ولا قوة الا بالله ) "خوش بشاره اقول بقلبي"

والسؤال اللي بعده قال لو ما توظفتي معانا شنو راح تسوين ..؟؟ انا مادري اضحك ولا ابجي بهالحاله

قسم بالله حطمني مب صاحي ذي ولا يتغشمر ولا شسالفه

وبعدها قال معليش نطري عطينا وقت ... أنا أطالع مب مصدقه مب عارفه شرد عليه شهالتخلف

مب عارفين هم ليش قاعدين يقابلون البشر مافي استراتيجيه مافي شي كل واحد يشتغل بروحه

عمري ما دخلت مقابله وطلعت منها وانا علامات استفهام بمخي مب فاهمه شي