اشرايكم في كاريكاتير جريدة الوطن

[الفاخر]

كيف الحال يا اخوان
بصراحه عجبني الكاريكاتير وحبيت انكم تشوفونه
وهو عباره عن ثلاثة كاريكاتيرات
وانا اقصد الثاني (صورة تذكارية لمسؤولين في اجتماع خليجي)

http://www.al-watan.com/newssection.aspx?cat=cartoon&d=20110411

ولكم التعليق

[بوخالد911]

http://www.al-watan.com/data/20110411/images/cartoon2.jpg


شي مرفووض طبعا

[البدع]

http://www.al-watan.com/data/20110411/images/cartoon2.jpg

اذا كانت الرياضة .... فانا اتفق معه

ولا اعلم اذا كانت (.......)

واذا كان يقصد (.....)

والصراحة شيء زاد عن حده بالدولة

[سهيل قطر]

أعتقد ان القصد منها هو حسب ماسمعت انه تم تجنيس دريد لحام وعين رئيس للمسرح أو مثل منصب رفيع المستوى في الثقافة والفنون .

وهذا فيه هدم وتدمير للطموحات والكفاءات الوطنية .والله أعلم

[سهم احمر]

ههههههههههه

هذا هو الواقع أصلن

والله صرنا مصخره

[الحبتور]

بالعكس جابوها على العوق ..

[عاشق ميونخ]

نعم صحيح سمعت ان دريد لحام خذ الجنسية القطرية انزين ياعالم ليش تعطونة والله مايستاهل ياخي اذا فكرتوا تعطون حد الجنسية على الاقل يكون عالم او دكتور معروف يمكن الواحد يعذركم لاكن هالفنان والله الجواز صار سبيل كلن قام ياخذة

[قطر love]

هذا الواقع ليش ننكره :)

[الفاخر]

صحيح انه واقع
بس في ناس اولى

[شيط ويط]

يقولون اشاعة تجنيس دريد لحام .. حد يأكد لنا الخبر :)

[Locale]

للاسف واقع

[نديم القلم]

هذا مقياس على تهميش دور المواطن ودلالة على إنعدام قيمته .

واقع مؤسف

[عيون الدوحة]

ذكرني بواحد أسمة ( الخطا....)

[الـراسي]

اي والله انه صحيح

بعض الاجانب صارو عندنا مثل زنقه زنقه

[alwahesh]

كل يوم اسم جديد

كاظم الساهر

اصاله

توم كروز

احلام


صباح



بطلة الرالي بنت زيدان




فارس المغني

[المهـندي]

ههههههههههههههههههههههههههههههههههههههههههههه والله جابهاا فالصميم

الله المستعان

[ALRAYYAN]

الكاريكاتير قوي صراحه .. والاخ سعد المهندي معروف عنه انه جرئ في كاريكاتيراته ربي يواليه العافيه

اما اشاعه دريد لحام .. الخبر اشاعه والخبر الصحيح انه حاجز مسرح قطر الوطني لمدة شهر لعرض مسرحيته 1/7 الجاي وهو حاليا في بلاده

[Doha Sun]

ودي اقول شي بس اخاف على عمري اروح ورى الشمس !!لا حول ولا قوة الا بالله العلي العظيم

[V!P]

http://1.bp.blogspot.com/-V4q4EzUE2sI/TZC9k4nvkdI/AAAAAAAASNI/Vf7Lp1dRryo/s1600/shame+and+guilt1.jpg


:weeping:

[عضو المنتدى]

http://www.al-watan.com/data/20110411/images/cartoon2.jpg


شي مرفووض طبعا

أشهد انه صادق

رئيس بورصة قطر سمعت أنه أمريكي

و رئيس مركز قطر المالي أذكر أنه أمريكي

ورئيس جمعيه الميرة هل مازال الفرنسي ؟

ولي أعرفه مدير معهد الدوحة الدولي للدراسات الأسرية والتنمية في قطر أمريكي

ونائب وزير الثقافه سمعت أنه برازيلي .

وغير وغير ....:shy:

[STAR]

يعني دريد لحام وكاظم الساهر استوفوا الشروط اللازمة للحصول على الجنسية؟!‏
وسؤال آخر هل هم خدموا دولة قطر اصلا؟!!‏

[لابس بشت]

موضوع دريد لحام اشاعه

[(بوطلال)]

دريد لحام عنده الجنسيه الفرنسيه

[النائب]

http://www.al-watan.com/data/20110411/images/cartoon2.jpg


شي مرفووض طبعا


أتوقع إنه قطري لابس بدله

[alhajri-100]

اي والله

هــــذا هو الواقع خخخخخخخخ
عليكم العوض ياهل قطر

[بويوسف]

هالشي تكرر كثير في الواقع وليس في الكاريكاتير فقط ..

[البحار00]

اقول اليوم طالع من المسيد الظهر شفت هندي ماشفته من سنين

وشفته متكدر وزعلان

قلت له شفيك قال صارلي 35 سنه في قطر ومب راضيين يعطوني الجنسيه

اشرايكم؟؟

[الملا]

كل يوم اسم جديد



بطلة الرالي بنت زيدان



ندى زيدان من مواليد قطر

واللي اعرفها انها متعددة المواهب في الرماية والراليات

والاهم ايضا انها سداوية :victory:

[نشمي 2022]

وعيالج ياقطر حدهم ظباط فالشرطه الله يعين بس ومهما كان لنا طموح عالفاضيييييييييييييي

[الأصيلة]

ندى زيدان من مواليد قطر

واللي اعرفها انها متعددة المواهب في الرماية والراليات

والاهم ايضا انها سداوية :victory:

مادامها سداوية تستاهل كل خير...

[pure]

يعني لهالدرجه قطر مافيها ناس قد هالمناصب عشان ايبون من برا ؟!

ولا المناصب محدوده لفلان وعلان ,, وغيرهم ينحط بدالهم اجنبي

[مستجدة]

تذكرت اول ماشفت كاريكاتير الاستراتيجية

:secret:

[النائب]

يعني لهالدرجه قطر مافيها ناس قد هالمناصب عشان ايبون من برا ؟!

ولا المناصب محدوده لفلان وعلان ,, وغيرهم ينحط بدالهم اجنبي

بلا قطر موجود فيها الكثير من المثقفين والمتعلمين الذين عندهم القدرة على أن يقوموا بما يقوم به الأجنبي ولكن هناك عدة امور تمنع ذلك ...! لا نريد أن نفضحها هنا لأن ليس من الضرورة أن نغسل الأشرعه لأن تجفيفها صعب .

يعني لما يكون هناك من يحملون درجة الدكتوراة والماجستير وجالسين في بيوتهم ولا تقولون تاريخ ولا عربي بل هندسة ميكانيكية وهندسة كهربائية وهندسة بترول ولم يصلوا لعمر الستين ولم تقم الدولة ممثلة بالحكومة بالإستفادة منهم فما هو رايك .

احد عنده إجابة ؟

[مخطط قطري]

الله يحفظ قطر وشعبها من كل مكروه ونتمنى اتاحه الفرص لشباب قطر لاثبات نفسهم ومايحك جلدك الا ظفرك
وتعليقي على الكارتكتير صحيح 100% اوقات مافي قطري خبير في مجال معين يدزونه احد الدول الخليجيه للمشاركه في احد اللجان وهالشي مو بس في قطر للانصاف حتى في الامارات وايد قاعد يصير
قطر بنسبه بسيطه جدا بس في الامارات بصراحه اشوفه بزود
عكس السعوديه وعمان والكويت والبحرين بصراحه هذولا دايمن هل البلاد هم الي يحضرون حتى في وجود خبرا عندهم
وتحياتي للمبدع الفنان سعد المهندي دايمن كاركتيراته تمثل العمق القطري وتوصف الحاله بادق التفاصيل من خلال رسمه
ودمتم بود.....

[clouds]

كل يوم اسم جديد

كاظم الساهر

اصاله

توم كروز

احلام


صباح



بطلة الرالي بنت زيدان




فارس المغني

نسيت المغنيه لطيفه:nice:

[إينشتاين]

بيجي يوم الي يمسكون امريكي او بريطاني وزارة الداخلية :omg:

[قطر مستقبلنا]

أعتقد أنه آن الآوان للقطريين ازاحة هذه الصور وأخذ مواقعهم اللي يستاهلونه لاني كلي ثقه ويقين ان القطريين يستحقون هذه المناصب اللي هم اكثر دراية في ادارتها وتحمل مسؤولياتها

[Rashid554]

قصدهم بعض اللجان والمؤسسات يكون ممثلها اجنبي
واعتقد انهم يقصدون ناجي الجويني رئيس لجنة الحكام في الاتحاد القطري

[حمد بن سعد]

والله انك صادق يالمهندي

[الملا]

قصدهم بعض اللجان والمؤسسات يكون ممثلها اجنبي
واعتقد انهم يقصدون ناجي الجويني رئيس لجنة الحكام في الاتحاد القطري

اخوي راشد

ناجي الجويني قبل ماننتقده خلنا نشوف ايش قدم الرجل

للامانة الرجل قدم الكثير لتطوير التحكيم وعدد الحكام القطريين الصاعدين في تزايد الى جانب المتابعة المستمرة والمعسكرات للحكام ، وحسب ماسمعت انه صارم في التعامل كل هذا ينصب في مصلحة الحكام في الاخير

قبل ناجي الجويني كان في حكام ولكن كانت اجتهادات من الحكام نفسهم لتطوير ذاتهم ومنهم علي الخليفي وغيره ، ولكن الاستراتيجية اللي وضعها ناجي الجويني لتطوير واخراج مواهب تحكيمية قطرية تحتاج الى اشادة

[Rashid554]

اخوي الملا قواك الله انا ما انتقدته بس اقول اعتقد يقصده ولا ناجي الجويني شهادتي فيه مجروحه والدليل حكام معظم الجولات في الدوري كلهم من اهل قطر

[gt_511]

ما ادري الاقطرين واجد لها الدرجه ولا التخلف في الاقطرين يحرم عليهم استلام المناصب

[خليفـة]

صراحة .. رسام هالكاركتير جريء وقلبه قوي

:)

[Q8JP]

ماذا لو كان من رسم هذا الكاريكاتير الوطن الكويتية !!

لسمعنان عبارات الشتم و سباب كالعادة و ذولي حاقدين و حاسدين ....الخ

سبحان الله

[w4rr10r]

ماذا لو كان من رسم هذا الكاريكاتير الوطن الكويتية !!

في هذه الحاله رآح تكون مسبه ..
اما لو كانت من موآطن فتكون جلد ذآت وهذه اهون ..
مو حلوه الوآحد يتدخل في شؤون غيره صح ؟

[استغفرالله]

والقيادات التعليمية من المدينة التعليمية و جامعة قطر
ورؤساء الاقسام والعمداء

و سدرا و الصندوق القطري لدعم البحث العلمي

متى بنشوف قيادات قطرية فيهم

[الجوكر90]

والقيادات التعليمية من المدينة التعليمية و جامعة قطر
ورؤساء الاقسام والعمداء

و سدرا و الصندوق القطري لدعم البحث العلمي

متى بنشوف قيادات قطرية فيهم

يوم نحصل قطري يستحق هالمكان

[!..فيونكه..!]

ماذا لو كان من رسم هذا الكاريكاتير الوطن الكويتية !!

لسمعنان عبارات الشتم و سباب كالعادة و ذولي حاقدين و حاسدين ....الخ

سبحان الله

معادلـه خاطئــه .. ياريت لو تفكر بالمنطق

لو قطـري انتقــد شيء يخـص الكويــت .. شبتكون ردة فـعل أهل الكويـت ؟ اكيد بتطيحون في بطنـه حتى لو كان على حق

ولو كويتي انتقـد نفس هالشيء .. شبتكون ردة فعلهم ؟ اكيد بتتغير صح وبتقـولون من حقـه وديمقراطيـه وهو حر في رايـه

(( انا واخوي على ولد عمي .. وانا وولد عمي على الغريب )) :shy:

[الجوكر90]

السلام عليكم
الصراحه واقع مؤلم جدا
في ناس قطرين قادرين يسون لك الي مايستوي
بس وينهم
ليش ماطلعوا لين الحين
اتوقع لان ان ماخاب ظني مسؤوله قطري
تتوقعون هاي عذر

ولو كان اجنبي راح يجيب هله وربعه يشتغلون معاه

انزين الحين من الغلطان القطري الي مايحب احد ياخذ كرسيه ولا الاجنبي الي يجيب ربعه ويشغلهم؟؟

اتوقع المواطن القطري الغلطان
ياخي فالدورات دكاتره يقدمون اشيا تنفع الواحد ماحصل قطري ليش
يعني ساعتين راح تضرك
والقهر ابلاش
ترى هالدورات تساعد ع التطوير الذاتي وكيفيه التعامل مع المدره والشغل واي شي القطري يبيه
بس القطري مايبي يتعب نفسه
ليش بدال ماشوف الاجنبي قاعد ع الكرسي وجاي من وقت بعد ليش ماشوف قطري

ياحبيبي الاجنبي يوم يقدم اوراقه للشغل السي في يكون بين ال3 اوراق لين 5 اوراق كلها شهادات خبره

انزين خذ لك دوره اشلون تسوي السي في او اشلون تتجاوز المقابله الشخصيه
ترى كلها يومين وتتعلم ليش نبخل ع نفسنا

مثل ماقلت في وايد قطرين عندهم الكفاءه بس محد يشوفهم

[Rayane]

صحيح... دريد لحام خذا منصب مدير المسرح..... وهذا قمة المصخره...... وتحطيم.... سبحان الله نفس سياسة التقطير في الدوله....

وين غانم السليطي....؟ عبدالعزيز جاسم...؟ وليش شالوا علي ميرزا من المنصب...؟ وين عمآلقة الفن القطري.......؟ أو حتى شبآبه.......؟ والله العظيم قمة المصخره.....

احترم افنان دريد لفنه ولشخصه بس ماعطيه حلالي...

[ALRAYYAN]

مادامها سداوية تستاهل كل خير...

:sneaky:

[BoAzozz]

واااااقع ما نقدر ننكره .... للاسف

[البيت بيتك]

كذبه ابريل

[عضو المنتدى]

أعتقد أنه آن الآوان للقطريين ازاحة هذه الصور وأخذ مواقعهم اللي يستاهلونه لاني كلي ثقه ويقين ان القطريين يستحقون هذه المناصب اللي هم اكثر دراية في ادارتها وتحمل مسؤولياتها


بالعكس أشوف الوضع القادم أسوأ

المجلس الأعلى وشروطه التعجيزية لدراسة أبناء قطر

في الداخل والخارج .. وضعف قرار التقطير وتطوير القطريين في جميع المجالات.

يجعلنا نعتمد على الأجانب لسنوات طويلة .