الفيلا والتشطيب ومقترحاتكم

[الدبلوماسي]

السلام عليكم ورحمة الله وبركاته
اخوانى واخواتى
انا قاعد ابني والحمدلله قربت اخلص الفيلا والحين انا في مرحلة الكهربا والسباكه
تقريبا ومحتار باشياء كثيره مع انى جننت المقاول بالطلبات لكن دايما احس انه فى شي ناقص بالكهربا او بالاشياء الى لازم اسويها احتاط للزمن قدام فابي ارائكم وكل مايطري على بالكم للتذكير طبعا من اصحاب الخبره ولايهونون باقي الاعضاء بالنسبه للكهربا والسباكه وايش الاشياء الضروريه الى لازم اخذ بالى منها طبعا
ومشكورين

[بوفصول]

بلكات التلفزيون والكيبل ..ارفعهم فوق او حطهم بنص الطوفة ـ اتكون خلف التلفزيون / عشان منظر الوايرات.

تنسيق توزيع الكشافات الخارجية (حسب الطلب). على الاسوار / و الوارش العلوي.

مراعاه اتجاه القبلة في وضع المراحيض.

التهوية الجيدة لأنابيب الصرف والبالوعة الرئيسية .

لحام انابيب المياه وعمل تست بالهواء بضغط مرتفع ، قبل تركيب السيراميك، سواء التحاسية او البلاستيكية، وكذلك انابيب تصريف مياه المكيفات الاسبليت.

توضع عوازل الماء للحمامات بعد الانتهاء من سيراميك الجدران والاسقف. واتحمل من مقاولى العوازل. وشوف لك شركة معتمدة ومعروفة.

حط بواليع ماي عند بيبان الحوش + قرب الملاحق الخارجية (حسب الطلب),, وتوصيلهم بالمناهيل.

اعمل بانيوم (شاور) من طابوق وخرسانة ولبسه سيراميك مقاوم للماء ، بعد اخذ قياس الصندوق الزجاجي، احسن واثبت من البانيوم الابيض(الكريكل).

المطبخ الخارجي اعمله خزائن طابوق وصبه خرسانة من فوق ولبسه سيراميك ، وفصله بيبان المنيوم.

اهم شي سلوب الماي للحمامات والسطح والحوش .. اذا السلوب 100% انسى مشاكل الماي مستقبلا.

..بالتوفيق اخوي .. واي مساعدة او خدمة حاضرين لك .

[أبو معاذ]

بالتوفيق أخي الكريم

[الدبلوماسي]

مشكورين عالرد ياجماعه وماقصرتوا خاصه بوفصول وبومعاذ ولايهونون الاعضاء

[أبو معاذ]

وإذا محتاج من يصمم لك ديكور مميز نحن في الخدمة والله يوفقنا وإياكم

[Dana’1]

أنت او أحد بالعايلة راعي كمبيوتر وطابعات ونت وورك؟
إذا اي بعلمك على شغلة شفتها

[khaldoon]

بخصوص الكهرباء فلو حبيت تركب كميرات فيديو على الاسوار الخارجيه و على باب البيت

ما تنسى الديمر لتخفيف اضاءة الغرف

ركب نقاط كهرباء زياده في البيت على سبيل الاحتياط مستقبلا بس بكلفك شوي

ما تنسى الاضاءة على الحوائط من اجل الديكورات

لو حبيت نقطه كهرباء من اجل ماكينة الحلاقة فقط في الحمامات..ما تخاف مقبوله عند كهرماء وما يخالفونك عليها

الانتركم بالغرف ما تنساه

اقولك ...ركب home automation system لو وضعك المالي جيد جدا ان شاء الله

هذا ما يحضرني الان بالنسبه للكهرباء

بخصوص السباكه لي عوده ان شاء الله

[الدبلوماسي]

وإذا محتاج من يصمم لك ديكور مميز نحن في الخدمة والله يوفقنا وإياكم

اي والله بومعاذ لاخلى ولاعدم فيدني بالتصاميم لان انا مب بالدوحه فالتشطيب ملعوزني والتحركات صعبه عندي

[أبو معاذ]

أبشر أخي الدبلوماسي أرسل لي عنوان بريدك الإلكتروني على الخاص والله يوفق الجميع لكل خير

[قدام]

بلكات التلفزيون والكيبل ..ارفعهم فوق او حطهم بنص الطوفة ـ اتكون خلف التلفزيون / عشان منظر الوايرات.

تنسيق توزيع الكشافات الخارجية (حسب الطلب). على الاسوار / و الوارش العلوي.

مراعاه اتجاه القبلة في وضع المراحيض.

التهوية الجيدة لأنابيب الصرف والبالوعة الرئيسية .

لحام انابيب المياه وعمل تست بالهواء بضغط مرتفع ، قبل تركيب السيراميك، سواء التحاسية او البلاستيكية، وكذلك انابيب تصريف مياه المكيفات الاسبليت.

توضع عوازل الماء للحمامات بعد الانتهاء من سيراميك الجدران والاسقف. واتحمل من مقاولى العوازل. وشوف لك شركة معتمدة ومعروفة.

حط بواليع ماي عند بيبان الحوش + قرب الملاحق الخارجية (حسب الطلب),, وتوصيلهم بالمناهيل.

اعمل بانيوم (شاور) من طابوق وخرسانة ولبسه سيراميك مقاوم للماء ، بعد اخذ قياس الصندوق الزجاجي، احسن واثبت من البانيوم الابيض(الكريكل).

المطبخ الخارجي اعمله خزائن طابوق وصبه خرسانة من فوق ولبسه سيراميك ، وفصله بيبان المنيوم.

اهم شي سلوب الماي للحمامات والسطح والحوش .. اذا السلوب 100% انسى مشاكل الماي مستقبلا.

..بالتوفيق اخوي .. واي مساعدة او خدمة حاضرين لك .

اهم شي سلوب الماي للحمامات والسطح والحوش .. اذا السلوب 100% انسى مشاكل الماي مستقبلا.
شنو معني السلوب.... شكرا و الله يوفقنا و يوفقكم

[النور]

وإذا محتاج من يصمم لك ديكور مميز نحن في الخدمة والله يوفقنا وإياكم




اي والله انا محتاجة للتصميم الداخلي والخارجي للفيلا

وموفق اخوي الدبلوماسي واكيد راح نستفيد من طرح الجميع
ونصايحهم ... متابعين

[النور]

بخصوص الكهرباء فلو حبيت تركب كميرات فيديو على الاسوار الخارجيه و على باب البيت

ما تنسى الديمر لتخفيف اضاءة الغرف

ركب نقاط كهرباء زياده في البيت على سبيل الاحتياط مستقبلا بس بكلفك شوي

ما تنسى الاضاءة على الحوائط من اجل الديكورات

لو حبيت نقطه كهرباء من اجل ماكينة الحلاقة فقط في الحمامات..ما تخاف مقبوله عند كهرماء وما يخالفونك عليها

الانتركم بالغرف ما تنساه

اقولك ...ركب home automation system لو وضعك المالي جيد جدا ان شاء الله

هذا ما يحضرني الان بالنسبه للكهرباء

بخصوص السباكه لي عوده ان شاء الله

ملاحظات مهمه أخوي وحبيت اسألك كيف احدد النقاط الكهرباء استخدمها مثلا للأضاءه كأبجوارات او على الحائط ؟ وفي اي مرحله احدد ؟

وشكرا لكم

[بويوسف]

ملاحظات مهمه أخوي وحبيت اسألك كيف احدد النقاط الكهرباء استخدمها مثلا للأضاءه كأبجوارات او على الحائط ؟ وفي اي مرحله احدد ؟

وشكرا لكم

اختي النور يفترض انج تحددين نقاط الكهرباء وغيرها من مرحلة التصميم وقبل البناء .. وتكون هذي الخرايط نهائية حتى يتم اعطاءها لمقاول الكهرباء لتركيب وتوصيل الكهرباء ..

طبعا اذا حطيتي مهندس داخلي مفترض انه يحدد لج كل هالامور من البداية ..

[فواز1976]

اضافه الى ماذكره الاخوه احب اضيف التالي

الكهرباء:
- اضافه نقاط كهرب بالحوش على انها تكون مقاومه للماء
- الافضل تخلي كهرب البيت 220 فولت لكل الافياش
- نوع الافياش الافضل يكون ((العالمي) يعني يركب عليه الراس الامريكي والانجليزي
- اذا ودك توفر اختر نوعين من الافياش ... نوع للصالات والمجالس وغرفه النوم الرئيسيه واخر لباقي البيت.. بس ما يعني انك تاخذ نوع اي كلام هو الفرق فقط بالديكور
- اذا كنت راح تستخدم فرن كهرب او شوايه كهرب.... لازم تمدد لكل واحد منهم فيش من الطبلون دايركت 50 امبير عشان يستحمل
- كثر الافياش بالمطبخ عشان تكفي عدد الاجهزه ..... انا حطيت ما يقرب على 12 فيش
- اذا ودك تحط اضاءه اسفل الخزائن المعلقه (بالمطبخ) او داخلها مددلها من الحين
- اسلاك الدش (الرسيفر ) مفروض يمددها من السطح الى النقطه مباشره .... يعني من غير توزيع بحيث يصير لكل رسيفر سلكه الموصول مع الصحن مباشره .... ايضاً اذا كنت تبي تشبك اكثر من رسيفر بنفس الغرفه مدد على العدد الي تبي ..... وانتبه تاخذ العلب الي فيها مخرجين واحد حق الرسيفر والثاني حق الانتل .... لانه ماعاد له حاجه بس من الممكن يخرب عليك الشبكه
- الانترنت .... الافضل تعمل شبكه داخليه عشان تستفيد من النت والطابعات والسكنر .... بحيث تشبكهم جميع
- لا تنسى نظام الحمايه من السرقه والحرائق (بحيث يضع لكل كاشف دخان في كل غرفه وخارج المطبخ عند الباب)


السباكه
- استخدم نظام التسخين المركزي افضل 100 مره من العادي .... بس المهم يكون ممدد باطريقه الصحيحه وعليه بمب عشان يخلي الماء الحار داير في جميع حمامات البيت
- مدد للزراعه والافضل تعمل نظام ري بالكمبيوتر اريح لراسك


هذا الي حاضرني الحين وبالتوفيق

[فواز1976]

احب اضيف .....

- لاتنسى تحط بغرفه النوم الرئيسيه واذا رغبت باقي الغرف مفتاح تحكم بالاناره بجانب السرير .... مثل غرف الفنادق
- طبعاً عمل التمديدات الخاصه بالغساله والنشافه واذا عندك غساله صحون ايضاً ...( كهرب وماء وتصريف)
- وضع اكثر من فيش يخدم التلفزيون ... يفضل 3 افياش
- اذا كان عندك قواطع من الجبس وراغب بانك تثبت عليها التلفزيون .... فعليك انك تخليهم يدعموا الجبس من الداخل بخشب او بقواطع معدنيه قويه ..... وكل ما زاد التدعيم قدرت تحط شاشه اكبر
- اذا بتحط نخل واشنطونيان ... فانصح بقوه بتمديد اضاءات تحتها .... تعطي منظر حلوو مرره

[الدبلوماسي]

مشكورين ياجماعه كفيتوا ووفيتوا للامانه وجزاكم الله خير وشاكر مرروكم عالموضوع والافكار الى اكثر من رائعه واستفدت والله العظيم من افكاركم وخاصه الكهربا واليوم بكلم المهندس مع انى جننته بكلمه على الغسالات والنشافه وغسالة الصحون لانهم ماجوا على بالى ومشكورين

[saryalia4u]

هم لاتنسى سماعات في كل الغرف طبعا مش للاغاني ولكن للقرآن والتحكم يكون من مكان واحد وممكن تتركب بطريقه مخفيه في الجبس
ولاتنسى كيمرات المراقبه مهمه حتى لو على السور .
هم اذا حوشك كبير مد الكهرب في الارض مستقبلا لين حبيت تبني للعيال


بدال ماتكسر ببيتك مستقبلا

هم اكد على الاناره ان يكون في اكثر من سويج في الغرفه مو سويج واحد لكل الاناره لان يسونها وايد وكذا بيت تمشكل .

مجاري الصرف في الحمامات وانت بكرامه خلها تحت مغسلة اليد حتى ماتشوه شكل السراميك

والباقي ماقصروا.

[الدبلوماسي]

هم لاتنسى سماعات في كل الغرف طبعا مش للاغاني ولكن للقرآن والتحكم يكون من مكان واحد وممكن تتركب بطريقه مخفيه في الجبس
ولاتنسى كيمرات المراقبه مهمه حتى لو على السور .
هم اذا حوشك كبير مد الكهرب في الارض مستقبلا لين حبيت تبني للعيال


بدال ماتكسر ببيتك مستقبلا

هم اكد على الاناره ان يكون في اكثر من سويج في الغرفه مو سويج واحد لكل الاناره لان يسونها وايد وكذا بيت تمشكل .

مجاري الصرف في الحمامات وانت بكرامه خلها تحت مغسلة اليد حتى ماتشوه شكل السراميك

والباقي ماقصروا.

مشكور عالمرور بس تراني مافهمت السماعات شلون يعني الحين ولا قبل الجبس والديكور وبالنسبه بعد للصرف عزك الله تحت المغسله طيب اذا انا حاط رخام وكبت صوب المغسله يعني كبيره هل تقصد تحتها وداخلها ولا حذاها وكيف راح يصير السلوب مال الماي باتجاهها صح
وشكرا عالمعلومات ولاهنت

[khaldoon]

ما قريت ملاحظات الاخوان وما اعرف لو احد ذكرك ب smoke detector لكل غرفه من اجل الحريق

[saryalia4u]

مشكور عالمرور بس تراني مافهمت السماعات شلون يعني الحين ولا قبل الجبس والديكور وبالنسبه بعد للصرف عزك الله تحت المغسله طيب اذا انا حاط رخام وكبت صوب المغسله يعني كبيره هل تقصد تحتها وداخلها ولا حذاها وكيف راح يصير السلوب مال الماي باتجاهها صح
وشكرا عالمعلومات ولاهنت

اكيد قبل مع الكهرب تمد له
بالنسبه للصرف تكلم الاستشاري يشوف المكان الانسب ويكون مخفي مايشوه شكل سراميك الارض