المدرس ...... والمعرض المهني

[البدوي]

السلام عليكم ... ياليت حد يفيدنا يا جماعه. هل تقبل طلبات المدرس القطري في المعرض المهني؟. وين ممكن يقدم اوراقة. كل سنه اقدم ولا هناك رد بسبب مجهول ؟!!!!! بصراحه كرهنا التعليم ولا لنا نفس اندرس في الضروف الحالية. مع اصحاب التراخص الي بلا ذمه ولا ضمير. همهم قهر بقايا المدرس القطري وكيف جعله عبد من عبيد المستقلات حسبي الله ونعم الوكيل. والله اشتغل من اجل الراتب. ماعااد فيه نفس للتدريس *

[رجل تعليم]

الخير فيما اختاره الله أخي العزيز

إن الله مع الصابرين ، وتذكر دائما أن الفشل في المحاولة الأولى والثانية والثالثة لا يجب أن يوقع بك في فخ اليأس

يوما ما بحول الله ستجد من سيأخذ بيدك

أرجو لك كاااامل التوفيق

[وحيد-الشوق]

احس مع الايام بينقرض المدرس القطري

الله يعين ربي ييسرها معاك

[البدوي]

اللهم امين. ....... حسبي الله ونعم الوكيل

[مشتاقة لقطر]

الله ييسر امورك يارب

[الصريحه]

الله يعينك
اما المعرض اغسل يدك منه

وبعد الدعاء والاستغفار
دور لك حد ترفه في المكان اللي تبي تشتغل فيه
وتوكل على الله
ماتنلامون
المفروض يزيدون رواتبكم من الضيم اللي يجيكم

[wadha-qa]

قدم و توكل على الله و يمكن هالمره تصيب !!

[عضو المنتدى]

المدرس تجنيد أجباري .

الله يعينك وييسر أمورك

[صايد السالفه]

اتوقع ان الهيئآت والوزارات عندهم تعميم بعدم قبول اي احد من المجلس الاعلى *للتعليم لان انا صار لي تقريبا 4 سنوات ابي اطلع ولاتم مكان ماقدمت فيه*ولا احد حتى اتصل*
وبعدين المعرض هذي السنه يقولك مايقبلون طلبات التوظيف من القطرين الا بكتاب عدم ممانعه من جهة العمل الحاليه او استقاله*
يعني هالمجلس لايرحمون ولايخلون رحمة الله تنزل

[البدوي]

يعني يستعبدونا؟ معقوله طول عمرنا عبيد عند المجلس ؟. معقوله مانقدر اغير وظيفتنا ؟. هل معقوله فيه امر بعدم توظيف المدرس. في اي وزاره اخري ؟. ايش اسمه هذا. مب استعباد ؟. حسبي الله ونعم الوكيل. بس

[Dawn]

انا قدمت استقالتي وحاليا استعد للدوام في وظيفتي الجديده

الفال لكم ان شاء الله تفتكون من التدريس وذل اصحاب التراخيص ..

قدموا في المعرض المهني هالسنه احس بتكون غير .. والله يوفقكم

حسبي الله على المجلس اللي كرهكم في هالوظيفه الساميه ... وخلوها للهنود والمصريين والزلمات .. والله يعين الطلاب والطالبات المساكين ..

[almaf1a]

اكثر مهنه ينظلم فيها الشخص في قطر
مهنة التدريس
تم اجبار البعض على دخوله
اخذوهم لحم واللحين يرمونهم عظم

[أسير الاسهم]

اهم شي وش تخصصك اللي انت متخرج فيه من الجامعه .. عشان نعرف نقولك وين تقدم مثلا ؟

[SonOfQatar]

قدم أخوي و توكل على الله ... بالتوفيق

[ahmaaaddd]

اتوقع ان الهيئآت والوزارات عندهم تعميم بعدم قبول اي احد من المجلس الاعلى *للتعليم لان انا صار لي تقريبا 4 سنوات ابي اطلع ولاتم مكان ماقدمت فيه*ولا احد حتى اتصل*
وبعدين المعرض هذي السنه يقولك مايقبلون طلبات التوظيف من القطرين الا بكتاب عدم ممانعه من جهة العمل الحاليه او استقاله*
يعني هالمجلس لايرحمون ولايخلون رحمة الله تنزل

قال تعالى : (مَا يَفْتَحِ اللَّهُ لِلنَّاسِ مِن رَّحْمَةٍ فَلَا مُمْسِكَ لَهَا وَمَا يُمْسِكْ فَلَا مُرْسِلَ لَهُ مِن بَعْدِهِ وَهُوَ الْعَزِيزُ الْحَكِيمُ ) فاطر/2

من الذي يستطيع أن يمسك أويمنع نزول رحمة رب العالمين ؟؟؟؟؟؟؟؟؟؟؟؟؟؟؟؟؟؟؟؟؟؟
ترى هذا الكلام ما يجوز . من العلماء قال هذا كلام يؤدي الى الكفر.

[البدوي]

..... تخصص تاريخ بكلريوس .........

[قطريه ماركه]

الله يعينك .. قدم و جرب حظك السنة ...

[ضي البدر]

امممممم .. تخصصك اشوي صعب هالأيام يقبلووونه باي جهة حكومية أو شبهة حكومية ولكن مافيه يأس اذا كان عندك لغة انجليزية ممتازة وشهادات دورات في ادارة المكاتب ممكن اتقدم في الشركات البترولية أو كهرماء والله يوفكم جميع..

عندنا وحدة متوظفه من شهر ديسمبر 2010 وهي عندها شهادة تصميم أزياء بس معدلة السيفي ومدعمته بشهادات ودورات والله يوفقكم لما يحبه ويرضاه..

[Dawn]

..... تخصص تاريخ بكلريوس .........

جرب متحف الفن الاسلامي ، متحف قطر الوطني ، وفيه متحف جديد نسيت اسمه ،، وجرب الوزارات كلها لان انا اعرف ناس وايد مشتغلين في الوزارات وهم بكالوريوس تاريخ ،،
واظن انت تنفعك وزارة الثقافه والفنون والتراث .. اذا عندك الآي سي دي ال ودورات الانجليزي قدم على اي مكان لان اشوفهم يركزون في مهارات الكمبيوتر واللغه الانجليزيه .

لا يأس مع الحياة :victory:

بالتوفيق ان شاء الله

[البدوي]

اشكركم علي النصايح .....