قطرنا بلد الخير

[واحد قطري]

السلام عليكم ورحمة الله وبركاته

انا احد من الاعضاء المتابعين للمنتدى أول بأول بس تقدرون تسموني من الاعضاء الصامتين

اللي خلاني أبتدي وأكتب موضوع هو ملاحظتي لشي غريب خلال السنه الماضيه لحد ألحين

وهو النقد الكبير من الأعضاء على أي شي تقوم به الدوله من طرحهه سواء كان من الخدمات

العامه أو الاعمال المستقبليه اللتي تساعد على تطوير البلد والمواطنين للحصول على معيشه

أفضل مثال على النقد والتشاؤام الكبير اللي ملاحظه اخر موضوع اللي كان عن المعرض

المهني وردود بعض الاعضاء عن مصير هذا المعرض فالسؤال اللي محيرني ليش مانكون

متفائلين وذكري للمعرض المهني فقط للتوضيح وليس نقد للموضوع اللذي طرح

والمسئله الثانيه لاحظت كثرة طلب المواطنين على كل صغيره وكبيره اسقاط الديون او

زياده بمصروفات المعيشه طبعا كلنا نريد هالشي لاكن السؤال هنا هل بهاذيه الطريقه

سوف تتطور بلدنا او بترجعنا لللخلف طبعا الاجابه على هاذا التسؤال تاركه لكم

وقبل لأنهي الموضوع يجماعة الخير تذكروا احنا ببلد الخير احنا لاندفع الضرايب ولاندفع

كهرباء وماي ونستلم الأراضي الممنوحه من الدوله وقرض للسكن وووو ...... والله لونذكر

خير بلدنا وحكومتنا الرشيده علينا تجف الاقلام فيجماعة ياريت لين تفكرون بهاذيه

الامتياززات اللي منحها الله عزوجل علينا تتذكرون الدول الاخرى ولااعني الدول الفقيره اعني

الدول اللي يقولون عنها متحضره صدقوني بتلقون معيشتنا أفضل بمراحل شتى

يجماعة الخير تفائلو بالخير تجدوه واذا

عندكم نقد على افعال بعض المسؤولين لاتنتقدون من غير التفكير بالحلول المناسبه

أخي المواطن أجعل نقدك بناء واحنا بلد الحريه لاكن فكر في مستقبل بلادك قبل المستقبل

الشخصي.

السموحه أذا كلامي سبب أزعاج لأي حد لاكن غيرتي كمواطن قطري حتمت علي ذكر خير بلدنا

[مهل]

مرحبا و مسهلا فيك ... اتمنى ماتكون من الاعضاء الصامتين


اذا موضوعك استمر ٢٤ ساعه من الان ولم يحذف بسبب الردود . راح تكون لي مشاركه باذن الله

[واحد قطري]

مرحبا و مسهلا فيك ... اتمنى ماتكون من الاعضاء الصامتين


اذا موضوعك استمر ٢٤ ساعه من الان ولم يحذف بسبب الردود . راح تكون لي مشاركه باذن الله

انشالله الله يسمع منك ياخوي

وبالنسبه لردود الشباب لاتحاتي كلهم فيهم البركه والخير وصدقني بيكونون متحضرين بالردود

وهاذي عوايد اهل قطر

مشكور على مرورك العطر وبنتظار مشاركتك الثانيه انشالله :)

[Me&OnLy]

مايختلف اثنين في خيرات هذه البلد الطيبه ولكن مع الاخذ بالحسبان في ظل ارتفاع غلاء المعيشه وارتفاع الايجارات وارتفاع تكاليف البناء وصعوبة اخراج الاراضي اللتي تتراوح مابين ٤ الي ٦ سنوات ماذا يفعل ذوي الدخل المحدود اذا كان راتبه كله يذهب في متطلبات الحياه من تموين للبيت وفواتير للهواتف واقصاد سياره واقصاد بنك التنميه انا اعتقد واكاد اجزم في ان الحل يقع في الاسعار ويجب علي الدوله الحد من الغلاء ومن طلب تسديد ديون او مكرمه او زياده فا سمو الامير اهلا لهذا حفظه الله ورعاه واتمنى منك ومن جميع الاعضاء اللذين سيطرحون مواضيع مماثله ان لا يجعل الكهرباء والماء شماعه لانه وان كانت برسوم ستكون رسوم رمزيه لا اقل ولا اكثر ولا تنظرون لحوالكم لانه الله خلق وفرق فيه الغني وفيه الفقير

[الصريحه]

كلامك للاسف ماخوذ خيره

[خزامئ]

حن مانتكلم في ذا الشي كلنا عارفين ان قطر بلد الخير وحمدلله على نعمه الخير الي حن فيها
المشكله في المتولين زمام الامور الكل يبغي يترس جيبه ومن وين طبعن من المواطن المسكين
المشكل في غلاء المعيشه من مسكن ومستشفى ومدارس وقيسو على ذي الاشياء
والاولين قالو خذ من الجبل يختل
لو كان متوصط المعاش 15000 خذ منها المدارس والاقصاط والمستشفيات والحاجات الظروريه اليوميه ويش يبقى من
(((((((((((((((((((( حن نبغي رقابه على الاسعار وبس مانبغي زياده ولا شي غير الرقابه)))))))))))))))))
وشكر لصاحب الموظوع لو كنت خرجت عن

[Rider]

ياخي الي قاعد يصير في البلد مب علشان سواد عيونا كمواطنين كله علشان الأجانب يرتاحون يعني أسالك حنا كقطريين شنو الي بنستفيده من كأس العالم وغيرها من البطولات الي خيرها للاجانب ياخي شوف وضع القطريين بعدين تكلم يمكن تكون الله يسلمك من الفئة المرتاحه علشان كذا مايهمك شي

[الأصيلة]

كل كلامك صحيح أخوي واحد قطري
ولا أحد يزايد على بلاد الخير
ولكن بالنسبة للمعرض مع إني لاناقة لي فيه ولاجمل
ولكن ما شفت لـ حد الآن من اللي أعرفهم
راحوا واستفادوا كلهم على قائمة الإنتظار اللي مايخلص...

[بحرالعيون]

انشالله الله يسمع منك ياخوي

وبالنسبه لردود الشباب لاتحاتي كلهم فيهم البركه والخير وصدقني بيكونون متحضرين بالردود

وهاذي عوايد اهل قطر

مشكور على مرورك العطر وبنتظار مشاركتك الثانيه انشالله :)


أولا وقبل كل شي يالغالي أتمنى تكتب إن شاء الله ( بهذي الطريقة ) لأن طريقتك ماتجوز ياخوي . وهذا للعلم فقط :)

أما بخصوص موضوعك

شوف الدنيا كلها طارت اسعارها , المطاعم زادت في اسعارها .. مغاسل الثياب زادت أسعارها .. مغاسل السيارات زادت أسعارها ... البترول زادوا سعره ... السيارات معظمها تعدت 200 ألف .. وغيره وغيره

أمس مسوي عشا لضيوف جايين من برا دافع 1600 للذبيحة والطباخ

الجمعية ماتطلع منها إلا نوطين زرق طايرين من مخباك أقل شي

تذاكر السفر شوف بكم الحين

التأمين على السيارات قبل 350 أو 400 ... والحين 800 :(

كل شي طار عالي إلا الرواتب

لا وبعض الجهات الحكومية والمؤسسية قصت رواتب القطرييين وآخرها البلدية شلت العمل الأضافي وبدل الأستئجار للسيارة وبدل التلفون ( المجموع تقريباً فوق 5000 ) ولا ننسى موظفي كهرماء القطريين شصار فيهم

وتبون الناس تسكت بعد

إذا أنت في خير ونعمة غيرك مب محصل بيت يسكنه ولا أكل يأكل عياله ويسد جوعهم

والحمدلله على النعمة إلي أحنا فيها بس لازم نشوف أخوانا المتضررين ولي على قد حالهم

[ام السعف]

استاذي واحد قطري

احترم وجهة نظرك ،، لكنني اشوف من حق بلادنا علينا ان ننتقد الأمور الاخطئة
حسب وجهة نظرنا ،، وحسب نظرتنا ،، لأننا في الأخير نعبر عن فكرنا ،،

وأقل شي المفروض احترام فكرنا ان كنا صح ،، وان كنا غلط المفروض
من اصحاب العقول الكبيرة الرفق بنا ،، لأن عقولنا ما تجاري عقولهم الكبيرة ،،

تحية لك

[ابو محمد7]

اعتقد محتاجين شيء من الموازنة في الطرح بين ماهو ايجابي وسلبي والاسلوب هو الفيصل

[basma222]

بلاد الخير صح

بس الضمان الاجتماعي والمتقاعدين ما وصلهم شىء من الخير

من سنه 2006 او 2007 ما تم زيادة رواتبهم

كل رواتبهم للبنك والباقي من الراتب يحجز عليهم البنك

بني الخير يعم على الكل

[Mili]

كلامك للاسف ماخوذ خيره

:nice:

[الجسراوي]

مع الاسف بروح الفرضه وبشرب لي كرك ابرك لي

لا تعليق

[الشمالي111]

كل ما يتسكر هالموضوع ينفتح وتخلونا نتكلم وينحذف الموضوع ولا وصلنا لنتيجة او حلول

[الوثيقة]

بدون تعليق

الله المستعان .. لان لو قلنا ولو تناقشنا ما في فايدة