امتحان كلية المجتمع

[be cool]

السلام عليكم...


من عنده خلفيه عن امتحان القبول في كلية المجتمع؟؟

اليوم عندي الامتحان وخايفه وااايد

[الخارجية]

توكل على الله اكتب اللي تعرفة ومافي رسوب

[Al-Kuwari]

الامتحان سهل وايد

لاتحاتين ادخلي الامتحان سمي بسم الله وتوكلي عليه وامورج طيبه ان شاء الله

[باسكن روبنز]

سهل سهل سهل والله سهل ،:victory:

أذا أنتي قدمتي من قبل في النورث أتلانتك بتحسين بفرق السما والأرض مابينهم وبين المجتمع ،

عندج 5 ساعات تحلين الامتحان براحتج ،

الامتحان كله بالكمبيوتر واول شي أختيارات ،

وعقبها اللسيننينغ تحطين السماعه وتسمعين وتختارين الجواب ،

وعقب يعطونج موضوع عن الرايتنغ بس هذا الوحيد ألي له توقيت ومدته ساعه ،

بتكفي والوقت جداً مناسب يعني لاتحاتين ،

وعقب أخر شي أختيارات القواعد (الغرامز) ،

من كم شهر رحت أقدم أمتحان تحديد المستوى بالنورث حسيت نفسي اقدم امتحان طب!!! ،

تميت في نص الامتحان مطنشهم واتعبث بالجوال انطر الوقت يخلص خخخخ ولا حتي رحت أشوف النتيجه ،

وكنت متخوف من امتحان كلية المجتمع يكون صعب نفسه بس ماتوقعت انه بهالبساطه ،

وقبل كل امتحان تقدمينه في براكتست (تدريب) على نوعية الامتحان بدون مايحسبون درجات عليه ،

بصراحه كلية المجتمع صج تبي تعلم الطلاب مب مثل باقي الكليات الماديه ،

اقري لج كم دعاء قبل دخول الأمتحان وقوي قلبج تراه بسيط أن شالله والله يوفقج ،

[basma222]

الله يوفقج

[باسكن روبنز]

ع فكره ركزي على الرايتنغ والغرامز أهم شي وخاصة في كتابة قطعة الأنشاء حاولي تكتبين بطريقه صحيحه قد ماتقدرين ،

له دور كبير بالمستوى آلي بيحطونج فيه ،

ونسيت أقول أنه أول شي في أمتحان رياضيات والآله الحاسبه بتكون بالكمبيوتر وممنوع تجيبين من عندج ،

الرياضيات مش مهم الأ كرفع المستوى لا آكثر لكن مب أساسي ولا ضروري مثل الانكلينزي ،

قالولنا هالكلام بنفسهم في الندوه التعريفيه وقت التسجيل يعني حلي آلي تعرفينه وآذا ماتعرفين حطي أي شي ،

والرياضيات كله أختياري كل سؤال بأربع خانات ،

بالتوفيق ،

[be cool]

مشكورين وماقصرتوا ,,, الله يجزاكم خير