التبريد العالي في دوائر العمل هل هو صحي؟؟

[هدى ورحمه]

مدهالسلام عليكم ورحمه الله وبركاته..

اعضا منتدى الاسهم من المؤكد ان الغالبيه التي تتطلع على مواضيع المنتدى هي من الفئة العامله من الجنسين، وكما تعلمون ان اغل دوائر العمل لا تخلو مكاتبها من اجهزه الحاسوب والطابعات بمختلف انواعها واجهزه النسخ الخ..
لكن فعلا مايثير استغرابي هو درجه الحراره المنخفضه جدا التي تعتمد في هذه الدوائر ولدرجه انها اصبت مضره بشكل واضح بصحه الافراد العاملين حيث ان الموظف يتعرض لبرود شديه على مدار 8 ساعات يوميا ولا يمكت تعديل درجه الحراره لان التحكم مركزي فما رايكم بهذه المعاناه ؟

الا يجب الاخذ بعين الاعتبار توفير جو عمل صحي لكي ييستطيع الموظف انجاز مهامه بشكل اكثر نشاطا وحيويا وتركيز اعلى ؟؟!!

لان البرود تكاد تقتل النشاط والهمم..

ارجو ان يتم اثراء الموضوع بحلول وردود هادفه وبنائه وشكرا

[مناحي السادس عشر]

اعتقد ان بعض اماكن العمل حتى لو التكييف مركزي فيه كنترولر في كل مكتب
واذا مافيه تقدرين كل شوي تطلعين برى المكتب لتجديد النشاط
لاتنسين جاي علينا صيف سوبر فالتبريد احيانا يكون صحي اكثر مايكون ضار :)

[ابو عادل]

اشوف الموظفات عندنا يحطون شالات حتى ايام الصيف بسبب برودة المكيف
او حاولي تلبسين ملابس ثقيلة نوعا ما تحت العبايه
المشروبات الساخنة شاي او قهوة او نسكافيه راح تساعد
اما بخصوص ضررها على الجسم والله انا ماعندي فكرة بس ترا اغلب الموظفين من الرجال مايحسون بالبرد والجو عندهم معتدل وعاجبهم والشكوا ماتجي الا منكم يالحريم :)

[هدى ورحمه]

اشوف الموظفات عندنا يحطون شالات حتى ايام الصيف بسبب برودة المكيف
او حاولي تلبسين ملابس ثقيلة نوعا ما تحت العبايه
المشروبات الساخنة شاي او قهوة او نسكافيه راح تساعد
اما بخصوص ضررها على الجسم والله انا ماعندي فكرة بس ترا اغلب الموظفين من الرجال مايحسون بالبرد والجو عندهم معتدل وعاجبهم والشكوا ماتجي الا منكم يالحريم :)

الشكوى لغير الله مذله..
المشروبات الساخنه نوعا ما تفيد نوعاااااااااااا ما بس كثره المنبهات مضره :rolleyes2:
وشكرا على المقترحات والمداخله

[هدى ورحمه]

اعتقد ان بعض اماكن العمل حتى لو التكييف مركزي فيه كنترولر في كل مكتب
واذا مافيه تقدرين كل شوي تطلعين برى المكتب لتجديد النشاط
لاتنسين جاي علينا صيف سوبر فالتبريد احيانا يكون صحي اكثر مايكون ضار :)

واذا الريمونت كنترول عند المدير ويحب التبريد العالي:weeping:

[خالد32]

يمكن فيه مكاتب جهة الشمس تكون حاره
شذنبهم؟
خلي جاكيت في المكتب

[هدى ورحمه]

يمكن فيه مكاتب جهة الشمس تكون حاره
شذنبهم؟
خلي جاكيت في المكتب

ماشالله حد يقول مشروبات ساخنه وحد يقول جاكيت باقي حد يقول حطي دفايه :(

اخوي اللي مكاتبهم جهه الشمس يحطون ستاير والا خزانه :secret:

[Dawn]

اذا انتي ضعيفه امتني لان لمتان كله حر عندهم بسبب الشحوم .. واذا متنتي وصار الجو حار سوي رجيم .. :)

[هدى ورحمه]

اذا انتي ضعيفه امتني لان لمتان كله حر عندهم بسبب الشحوم .. واذا متنتي وصار الجو حار سوي رجيم .. :)

الرجاء الجديه في الرد

[ابن مانع]

اي نعم لها اضرار صحية على المدى البعيد وخاصة اذا كانت في اماكن مسكرة والاجهزه شغاله على طول
لاكن مافي فايده بس انا اتكلم عن المكاتب الي فيها اجهزة سيرفر كثيرة لانه لازم درجة الحرارة تكون تحت 16 درجة مئوية وخاصة في الصيف نطلع من هالجو المثلج وتضربنا الواهيب
الله يكون في العون

[هبوب الكوس]

مثلج اختي صراحه بروده في بروده

واذا قلنا قصروا تحججوا بالاجهزة والكمبيوترات الظاهر الاجهزة اولى من بني ادم :(

بس انا افتح الشباك وتكون الامور طيبة

[هدى ورحمه]

اي نعم لها اضرار صحية على المدى البعيد وخاصة اذا كانت في اماكن مسكرة والاجهزه شغاله على طول
لاكن مافي فايده بس انا اتكلم عن المكاتب الي فيها اجهزة سيرفر كثيرة لانه لازم درجة الحرارة تكون تحت 16 درجة مئوية وخاصة في الصيف نطلع من هالجو المثلج وتضربنا الواهيب
الله يكون في العون

فعلا التعرض لبروده عاليه وتجمد اطراف الشخص لاكثر من ساعه امر متعب وغير صحي مابالك لثمان ساعات يوميا ..البروده الشديده في المكاتب المغلقه قد يؤدي لروماتيزم في المفاصل نحن هنا لا نتكلم عن فرد يبتعد عن مكتبه لاقل من خمس دقائق بل ملازم له طوال الوقت لاهميه العمل..لابد من طرح هذا الموضوع لاهميته..سلامه الموظف مهمه وتوفير جو العمل الانسب ايضا مهمه انها تؤثر على اداء الموظف وانتاجيته وتركيزه وحتى ابداعه ونشاطه ..لماذا المبالغه في التبريد ..سؤال يتأرجح زمنا

شكرا لمداخله

[هدى ورحمه]

مثلج اختي صراحه بروده في بروده

واذا قلنا قصروا تحججوا بالاجهزة والكمبيوترات الظاهر الاجهزة اولى من بني ادم :(

بس انا افتح الشباك وتكون الامور طيبة

عالاقل عندك شباك
احنا ماعندنا .. مكتبنا حرارته 19 طوال الوقت وتزيد مع مرور الوقت حتى الشوكلت تجمد:weeping:

[do7awi]

ترى هالمشكلة مب بس عندنا. كنت اشوف برنامج اخبار امريكي و كاتبين تقرير عن نفس الموضوع. المكاتب دايما بارده و ومالها علاقة بالكبيوترات. درجة 21 او 22 مئوية تكون مريحة للانسان.
و المكيفات (خصوصا المركزية) يصير تتبرمج و تبرد اكثر اذا زادت الحرارة في المكان.


على العموم.. البسوا جاكيتات و خلي عندج شال على الكرسي. او خذي دفاية من كارفور. وايد اشوف ناس يحطون دفاية في المكتب
http://img.diytrade.com/cdimg/416054/4072431/1/1186059419/Coil_Fan_Heaters.jpg

[بـــــــنت النوخـّــــذه]

صادقه والله خصوصا هالنوعيه من المكيفات الهوى يدخل بالعظم عدل:eek3:

عاد المشكله لين صار عندج ناس بردانين وناس حرانين وانتي ضايعه بينهم تبين التكييف معتدل:(

[هدى ورحمه]

ترى هالمشكلة مب بس عندنا. كنت اشوف برنامج اخبار امريكي و كاتبين تقرير عن نفس الموضوع. المكاتب دايما بارده و ومالها علاقة بالكبيوترات. درجة 21 او 22 مئوية تكون مريحة للانسان.
و المكيفات (خصوصا المركزية) يصير تتبرمج و تبرد اكثر اذا زادت الحرارة في المكان.


على العموم.. البسوا جاكيتات و خلي عندج شال على الكرسي. او خذي دفاية من كارفور. وايد اشوف ناس يحطون دفاية في المكتب
http://img.diytrade.com/cdimg/416054/4072431/1/1186059419/coil_fan_heaters.jpg

فكره رائـــــــــــــعه حل جيد اشكرك

[بوخالد911]

هلا

سمعت يسبب آلاما بالمفاصل
والله اعلم


ولكن بشغلي الحمدلله كل مكتب له جهاز مستقل عن الآخر

الحمدلله

[ضوى]

انا مثلج اعاني ، معاي في المكتب واحدة كله حرانة وتكسر خاطري ، مافي غير نشغل هالمكيف ونسكره سنترال مرضنا والله ، بس في الصيف تكسر خاطري ماسكره عنها بس احط شال ودفاية عند ريولي واشرب نسكافيه وشاي عشان ادفى

والله عالمكيفات تكسر العافية بس صج مالنا غنى عنها

الله يعيينج اختي

[هدى ورحمه]

صادقه والله خصوصا هالنوعيه من المكيفات الهوى يدخل بالعظم عدل:eek3:

عاد المشكله لين صار عندج ناس بردانين وناس حرانين وانتي ضايعه بينهم تبين التكييف معتدل:(

هذا هو بالضبط مثل ماتفضلتي

اشكرج على المداخله

[هدى ورحمه]

هلا

سمعت يسبب آلاما بالمفاصل
والله اعلم


ولكن بشغلي الحمدلله كل مكتب له جهاز مستقل عن الآخر

الحمدلله

صحيح بوخالد هذا هو النظام الصح كل مكتب له تكييف مستقل

اشكرك على المداخله

[هدى ورحمه]

انا مثلج اعاني ، معاي في المكتب واحدة كله حرانة وتكسر خاطري ، مافي غير نشغل هالمكيف ونسكره سنترال مرضنا والله ، بس في الصيف تكسر خاطري ماسكره عنها بس احط شال ودفاية عند ريولي واشرب نسكافيه وشاي عشان ادفى

والله عالمكيفات تكسر العافية بس صج مالنا غنى عنها

الله يعيينج اختي

اشكرج ضوى عالمداخل والمشاركه المعنويه ..ذات الهم وذات البرد..الظاهر بلبس شال وبجيب دفايه..:shy:

[ام ناصر1]

مكتبنا له مكيف مستقل ..متى مابرد المكان سكرناه ...الله يعينكم

[أسير الاسهم]

والله ردود الشباب عجيبــه هههههههههههههههههه

انا والله عن نفسي نفس الحاله برد فالمكاتب واحياناا ارتجف من البرد بس الحل اقوم وآخذ لي لفه في الممرات واتحرك وادفى إذا تحرك واطلب لي كوفي وعقب ارد المكتب

واحاول افتح الستاره مالت المكتب اذا الجو مشمس يدفي المكتب لي


وإن شاء الله ما تمرضين ولا يصيبج أي مكروه .. بس ترى بنحس بقيمته شهر ستـه وورى

[شبح الصمت]

تصدقين توني أتشكى من هالوضـع

مشكلة لين كانت المكاتب مفتوحه حلوو وجابو مدير جديد وسوو له غرفة مستقله وها بالقطاره يوصله الهواء وعاد شوفي شيسوي في الموظفين يطول على المكيف حده ومكيفات مركزية ما تلاعب !! :eek5:
كاسر خاطري واحد من الشباب بروحه اسلاته مسكين كل ماله وينصفق كل ما أدش صوب الممر الي حاطينه فيـه برد ثلاجه اقوله ياخي جيب لك دقله وجاكيت شتي يقولي ياخي الي معاي مب بشر كانت مساحات مفتوحه راحو سوو من المساحات يمكن 5 مكاتب وهو في الواجـه ,,


أحس مع الأيام بيصير دجاجه مثلـجه :(

الله يعـين

المدير عاوز كدى حنعمـل آيه

:shy:

[هدى ورحمه]

مكتبنا له مكيف مستقل ..متى مابرد المكان سكرناه ...الله يعينكم

معناته مكتبكم انتاجيته ونشاط موظفيه ممتازه الله يبارك لكم في عملكم

[هدى ورحمه]

والله ردود الشباب عجيبــه هههههههههههههههههه

انا والله عن نفسي نفس الحاله برد فالمكاتب واحياناا ارتجف من البرد بس الحل اقوم وآخذ لي لفه في الممرات واتحرك وادفى إذا تحرك واطلب لي كوفي وعقب ارد المكتب

واحاول افتح الستاره مالت المكتب اذا الجو مشمس يدفي المكتب لي


وإن شاء الله ما تمرضين ولا يصيبج أي مكروه .. بس ترى بنحس بقيمته شهر ستـه وورى

صحيح صيف الدوحه حار جدا بس تخيل تطلع من المكتب وانت متجمد ويلفحك هجير الصيف هههه ترى احنا بشر من قمه البروده الى لواهيب الصيف وش بيصير فينا

[هدى ورحمه]

تصدقين توني أتشكى من هالوضـع

مشكلة لين كانت المكاتب مفتوحه حلوو وجابو مدير جديد وسوو له غرفة مستقله وها بالقطاره يوصله الهواء وعاد شوفي شيسوي في الموظفين يطول على المكيف حده ومكيفات مركزية ما تلاعب !! :eek5:
كاسر خاطري واحد من الشباب بروحه اسلاته مسكين كل ماله وينصفق كل ما أدش صوب الممر الي حاطينه فيـه برد ثلاجه اقوله ياخي جيب لك دقله وجاكيت شتي يقولي ياخي الي معاي مب بشر كانت مساحات مفتوحه راحو سوو من المساحات يمكن 5 مكاتب وهو في الواجـه ,,


أحس مع الأيام بيصير دجاجه مثلـجه :(

الله يعـين

المدير عاوز كدى حنعمـل آيه

:shy:

نبي نسوي حمله لا للبرد في المكاتب ..
كنت اعتقد اني الوحيده اللي اشتكي من هذه المشكله اتاري القصص وايد والضحايا كثر
دجاجه دجاجه الشغل عاوز كده

[شبح الصمت]

نبي نسوي حمله لا للبرد في المكاتب ..
كنت اعتقد اني الوحيده اللي اشتكي من هذه المشكله اتاري القصص وايد والضحايا كثر
دجاجه دجاجه الشغل عاوز كده



بقولج شيء هذه أهو

بس انا لو حسيت في البرد دخلت المكتب الي حاطين فيه التكييف وقصرت عليه لين احس الجو اوكي
عاد اخذي الملاقيف الي يجونج بعض الاحيان ويطولون في ناس اووف ماشاء الله عليـهم لو في البرد يشغلون مكيفات

:shy:

[قطريه ماركه]

خاااصة المدارس المستقلة حسبي الله عليهم مرضوا عيالنا ....

[مستجدة]

انا محد كاسر خاطري الا طلاب المستقله الصغار اللي يتنافضون من البرد
بصراحه انا شاهدت هالظاهره في بعض الدوار والله يعين الموظفين نحن كزوار مانتحمل
شلون اللي تحتها لمده 8 ساعات الله يعينهم

[ولـد الخليج]

صراحة انا عندي دفايه ومروحة في المكتب اذا حسيت بالحر اشغل المروحة وفي البرد اشغل الدفايه

[هدى ورحمه]

خاااصة المدارس المستقلة حسبي الله عليهم مرضوا عيالنا ....

وهذا هم اخر وشي مؤلم وقد رايته بأم عيني في المدارس طالبات يرتجفن من شده البرد في الفصول الدراسيه وفي عز الصيف والمعلمه لا تأبه ولا تلقي بالا لهم ..انا واله استغرب وين المسؤولين عن هذه التجاوزات في حق الطلبه ؟؟؟؟؟؟؟؟؟؟؟؟؟؟

بذمتكم ايش بيستوعب الطالب او الطالبه في المراحل الابتدائيه في الصف وهو متجمد ويخجل يتكلم وان اتكلم وقال انا بردان تطنشه المعلمه!!!!!!!!!!

[هدى ورحمه]

انا محد كاسر خاطري الا طلاب المستقله الصغار اللي يتنافضون من البرد
بصراحه انا شاهدت هالظاهره في بعض الدوار والله يعين الموظفين نحن كزوار مانتحمل
شلون اللي تحتها لمده 8 ساعات الله يعينهم

يعين الجميع يا اختي الفاضله ..بس وش الحل نبي حلول

[هدى ورحمه]

صراحة انا عندي دفايه ومروحة في المكتب اذا حسيت بالحر اشغل المروحة وفي البرد اشغل الدفايه

كلام سليم

بس الظاهر اني بوصل هذا الامر في للاخ احمد الشقيري ليطرحه في برنامجه وخل الغرب يضحكون علينا وعلى عدم مقدره الدول العربيه في تعديل درجه حراره مكاتبها ..

[مستجدة]

صراحة انا عندي دفايه ومروحة في المكتب اذا حسيت بالحر اشغل المروحة وفي البرد اشغل الدفايه


:omg:

هذا هدر للكهرباء لو كل الناس سوات هالطريقه هذا مب حل الحل انه يكون فيه اعتدال في التبريد مثل مكيفات البيت انخلي درجه الحراره 18 الى 20

[طارق]

البرد يخلي الواحد في العمل خاثر وكسلان

ومفاصله توجعه
ويخلي الحريم يتعبون من بطونهم من البرد

واذا المكتب بارد والجو حار - خلطه الزكام طول الصيف

مع التحيه

طارق ابو عجينه

[هدى ورحمه]

البرد يخلي الواحد في العمل خاثر وكسلان

ومفاصله توجعه
ويخلي الحريم يتعبون من بطونهم من البرد

واذا المكتب بارد والجو حار - خلطه الزكام طول الصيف

مع التحيه

طارق ابو عجينه

هذي المعادله الصعبه مابين شتاء المكاتب وحر الصيف ..ويبدا الجسم تضعف مناعته ومقاومه الامراض.. والحل؟

[فيزيائية]

اطفالنا يعانون من برودة المدارس المستقلة
وفي عز الحر لازم يلبسون جاكيتات ....
الله يرحم مدارس لول الشمس كانت تحرق الجراثيم

[هدى ورحمه]

اطفالنا يعانون من برودة المدارس المستقلة
وفي عز الحر لازم يلبسون جاكيتات ....
الله يرحم مدارس لول الشمس كانت تحرق الجراثيم

اعتقد الاجهزه في المدارس اهم من الاطفال نفسهم

مع اني سمعت مدرسه من غير طلاب لا تكون مدرسه ..

[خليفـة]

معاج حق

درجة الحرارة منخفضة جداً في أغلب دوائر ومؤسسات الدولة
حتى المدارس المستقلة .. نشوف الطلاب يردون البيت متجمدين من برودة مكيفات الفصول الدراسية .

المسألة ما تحتاج لخبراء من الخارج عشان يحلون هالمشكلة .. كلها مسألة تحكم بالثرموستات الخاص بالمكيف .. من غرفة وحدة التحكم .. ويكون على الرقم ما بين : 22 - 26 وهي درجة حرارة الغرفة العادية Room Tepreture وانتهى الموضوع .

ولكن للأسف الشديد .. محد يفهم .. ولا حد راضي يفهم هالمسألة
واعتمادنا متروك على العمالة الآسيوية في كل شيء

اضرار البرودة الزايدة من مكيفات التبريد :
الشعور بالخمول باقي اليوم .. امراض الرومتيزيم مستقبلاً .. الشعور بآلام الظهر والمفاصل
الخ الخ

وسلامتكم جميع

خليفــة
:)

[وطن]

الله يكون بعونكم

الصراحة البرد جو نوم مو جو عمل

[بو خليفه 123]

هذي مشكلة مكيفات السنترال في اي جهة سواءً مكاتب او منازل حيث ان سنترال الريموت يتم التحكم به من جهة واحده

بعكس مكيفات الـ split duct حيث انها مشابهة لمكيفات السنترال و لكن منفصله و تعطي درجة حراره لكل قسم حراره مختلفه حسب رغبة المتواجدين بهذا المكان .


هي تنزل حرارة المكيف مع ارتفاع درجة الحراره بالصيف ..


الاحظ دائماً قبل دخول الموظفات لدى مكتبي يلبسون الجاكيت او الـ scarf نظراً لبرودة مكتبي العاليه :(

اما الشباب عكس ذلك ..


نصيحتي هي و مراعاةً لمشاعر الخوات ان تخاطبوا ادارة الخدمات لديكم للتنسيق مع الفورمان او مهندس المكيفات بتعديل درجة الحراره على 20 درجه مئويه حتى ترضي الكل من دون تغييرها بغض النظر عن درجة الحراره الخارجيه ..

[وطن]

هذي مشكلة مكيفات السنترال في اي جهة سواءً مكاتب او منازل حيث ان سنترال الريموت يتم التحكم به من جهة واحده

بعكس مكيفات الـ split duct حيث انها مشابهة لمكيفات السنترال و لكن منفصله و تعطي درجة حراره لكل قسم حراره مختلفه حسب رغبة المتواجدين بهذا المكان .


هي تنزل حرارة المكيف مع ارتفاع درجة الحراره بالصيف ..


الاحظ دائماً قبل دخول الموظفات لدى مكتبي يلبسون الجاكيت او الـ scarf نظراً لبرودة مكتبي العاليه :(

اما الشباب عكس ذلك ..


نصيحتي هي و مراعاةً لمشاعر الخوات ان تخاطبوا ادارة الخدمات لديكم للتنسيق مع الفورمان او مهندس المكيفات بتعديل درجة الحراره على 20 درجه مئويه حتى ترضي الكل من دون تغييرها بغض النظر عن درجة الحراره الخارجيه ..

بو خليفه مديري من يشوفني واقفه عند الباب ما ادش يفهم و يسكر المكيف

:secret:

[ع.م]

طول ما التكييف مركزي من الظلم إن نفرض على الناس حرارة معينة حسب أجسامنا وذوقنا.. أنا أشوف البرد أهون بكثييير من الحر..

الحل هو إلغاء مركزية التكييف.. لكن خلاص طاح الفاس في الراس..

أنا مكتبي كله شمس وحار بينما المكاتب الثانية يشتكون من البرودة.. وأستغرب منهم بصراحة.. يعني تبون تذبحوننا من الحر عشانكم؟ إذا برد تقدرون تلبسون جاكيتات أو تشربون مشروبات دافية.. والأخت اللي قالت المنبهات وايد مب زينة .. مب شرط منبهات تصرفي اشربي زعتر اشربي نعناع اشربي حليب.. أي شي يختي مشي حالج..

الحر ماتقدر تسيطر عليه.. إذا مكتبك حار لو شسويت مارح يبرد وبالنسبة للي قالت خزانة أو ستارة أختي هذا مب حل وماتقدرين تفرضين هالشي بالذات إن في جهات عمل ماتسمح بالتلاعب في ديكورات المكاتب..

لكن البرد عادي تقدر تسيطر عليه باللبس والشرب وغيره.. خلكم حقانيين..

وبعدين حتى العمال اللي يشتغلون أحسن لهم البرد عشان العرق والريحة..

الصيف جاي وانتو تبون تقصرون عالمكيفات..

البرودة والحرارة تختلف باختلاف الجسم.. والدليل قلة الشكوى من الرجال.. فمهما صار مارح نرضي كل الأذواق.. فالأفضل نثبت عالبرودة واللي مكتبه بارد يتصرف بالأمور اللي ذكرناها..