المركز الصحي للأطفال بمنطقة السد ، والله انه يفشل

[تبوك]

جالس وماعندي شغل وكلمة في خاطري كان ودي أقولها ،. بالله عليكم شفتو المركز الصحي للأطفال بالسد ، هل هذا مركز صحي ، أغنى دولة و200 مليون مساعدات ومعدات طبيه لليبيا ومساعدات 400 مليون للبنان و 500 مليون لليابان ، وتروح تشوف اكبر مركز طبي للأطفال بالدولة ولا بيت شعبي 4 غرف وصالة ومقسمينهم برتيشنات هههههههههههههههههههههههههههههه والله ودي اعرف 10 ولا 20 مليون ايش راح تأثر من ميزانيه الدولة بدل ماتسوون مهرجان مثل تربيكا السنمائي اللي صار ب 80 مليون ريال لمدة 4 ايام سوو شي مفيد ، والله صرنا نخاف نودي عيالنا المراكز الصحية روح ادخل وشوف مافيهم الا الأجانب وذوي الدخل المحدود ليييييييييش؟؟؟؟ لان الخدمة تعبانه وين تقط ولدك على واحد من هالاسرة ، كل سرير جمب الثاني تقول في معتقل مو مركز صحي ، عيب والله عيب مو علشانه أحنى يالمواطنين ، علشان واجهة البلد بكرة الأجانب اذا شافو مستشفاكم هذا والله يفشل ، حتى الاطبة اللي هناك اذا كان ولدك رضيع يقولك لاتجيبه لانه ممكن تنتقله امراض من العيال المصابين بالمركز ، كلمه في خاطري وقلتها والله المستعان أنتو بس سوو ملاعب وقطارات ولاتنسون مساكن حق المشجعين والإعلاميين اما اعيالنا خلهم على هالبيت الشعبي

[شموع قطريه]

وين قبل قالوا بيسوون مستشفى خاص للاطفال في مبنى سكن الاسياد ولا شفنا شي .. الظاهر كانوا يقصدون مستشفى في لبنان واحنا فهمنا غلط ..

[ابوجاسم2008]

صدقت اخووي والله شي محزن ان تشوف الملاايين توزع على العالم واحنا يالمواطنين حتى مستشفى لاطفالنا عدل مافيه

[MaRaYaM]

صح السااااااااااااااااااااااااااااااااانك اخوي :nice:
اتمنى من الدوله تسوي مستشفى عدل حق عيااالنه انا وحده عن نفسي تلتهت معااهم ولين وديت ولدي مستشفى الاهلي على حساااابي الخاص والاجاانب ميدفعون ولى ريااااااااااااااال لان عندهم تامين وعليه علينه :anger1:

[ضوى]

طواري السد من اكفأ المستشفيات في البلد ، وكون المبنى صغير مايعني انه سئ ، والصراحة انا شفت اقسام الطواري بالبلدان الاوروبية تقريبا بنفس التقسيمات اللي موجود بطواري السد / وللعلم انا مواطنة وماروح خاص ابدا لانه ثقتي بطواري السد اكثر من ثقتي في الخاص اللي يكون همه تجاري بحت ، كلمة حق يجب ان تقال

[المفترسه]

وين قبل قالوا بيسوون مستشفى خاص للاطفال في مبنى سكن الاسياد ولا شفنا شي .. الظاهر كانوا يقصدون مستشفى في لبنان واحنا فهمنا غلط ..

المباني شبه جاهزة بس المؤسسه متوهقه مب لاقين ستاف محتاجين الاف الدكاتره والممرضات والفنيين مسالة التعاقد يبيلها وقت

[Locale]

تعليقي عليه ان المبنى وواايد صغير
خصوصا لما اودي ولدي اتداعم مع اللي هناك كذا مره
ولا خدمتهم لحد الحين جيده

[تبوك]

طواري السد من اكفأ المستشفيات في البلد ، وكون المبنى صغير مايعني انه سئ ، والصراحة انا شفت اقسام الطواري بالبلدان الاوروبية تقريبا بنفس التقسيمات اللي موجود بطواري السد / وللعلم انا مواطنة وماروح خاص ابدا لانه ثقتي بطواري السد اكثر من ثقتي في الخاص اللي يكون همه تجاري بحت ، كلمة حق يجب ان تقال

أنا معاج انهم كفائة وأحسن من المستشفيات الخاصة الي همهم مص دم الناس لكن هم في دول مجاورة بينا وبينهم مول 4 ساعات بالسيارة اصغر مستشفى فيها يسوى كل مستشفيات قطر ، وأولهم مستشفيات البحرين اختي أنا أتكلم عن تجربة حصلت لي شخصياً انه ولا مستشفى عرف يش المرض اللي كنت مصاب فيه لمدة 6 اشهر بكل مكان بالدولة هذا الكلام قبل اكثر من 15 سنه وسبحان الله رحت المستشفى الامريكي بالبحرين وعالجوني ي 4 ايام ، ليش نروح بعيد قبل حوالي اقل من سنه كان ولدي لصغير سرته وانتو بكرامة طالعة على برع ، وديناه طواري الاطفال بالسد قالو لاااازم عمليه حوله على حمد ، رحتا حمد نفس الشي الحالة خطرة ولازم عمليه ، قلت نشوف لبروفسور الالماني اللي جايبينه عيادة الدوحة قال لاااااازم عمليه وهذا في خطر على الولد ولاني ما اوثق بولا دكتور او مستشفى بالدولة قلت آخذة على البحرين ، تعرفين الدكتور ايش قالي ، قالي الولد مافيه شي وتقدر تأخذة ، وتعالي بعد 6 شهور لو تم على هالحال أنا مستعد اسويله العمليه بالمجان قالها وهو واثق وسبحان الله الولد بعدها بأقل من شهر رجعت سرته طبيعية ولنا مع مقالب مستشفيات الدولة بقية *

[تبوك]

المباني شبه جاهزة بس المؤسسه متوهقه مب لاقين ستاف محتاجين الاف الدكاتره والممرضات والفنيين مسالة التعاقد يبيلها وقت

هههههههههههههههههههههههههههههه اشوف لما يتعاقدون مع لعيبة بالنوادي ماياخذون كل هالوقت الا من كثر مايتعاقدون مع هالمحترفين ماتلحق تحفظ اسم لاعب الا حاطين اثنين عقبة *

[تبوك]

نرجع حق اخر مقالب المستشفيات واللي صارت لوحدة من الأهل ، البنت كانت تعاني من بعض الألم في البطن ، المهم راحت مقصب حمد ، هاااااا ايش تقول التحاليل ، يناظر الدكتور بالتحاليل ويقولها وباء الكبد ، يتولد الحلال غير بدل شلون وباء الكبد قال لازم نفتح بطنها ونأخذ عينه خذ الله روحة ، المهم البنت خايفة وحالتها حاله كلمت ام عيالي قلت لها روحي البحرين عند دكتورة نجاح الزياني طبعاً كلكم تعرفونها وبعد ماودت لها التقارير مالت مقصب حمد الدكتورة نجاح قالت هذي مهزلة ولازم ترفع قضية على مستشفى حمد لان البنت مافيها شي وكانو ويشقون بطنها يأخذون عينه هههههههههههههههههههههههههههههه

[تبوك]

آخر حالة ، بنت خالتي اللي يشفيها ويشفي جميع مرضى المسلمين بنت صغيرة ماتتجاوز ال١٥ سنه طبعاً قطرية وقبيلة بعد المهم البنت كل ماتقوم من النوم تلقى نفسها ترجع دم، وتروح المستشفى تتوقعون ايش رد الدكتورة تقولها أنا ما اعرف ايش اللي فيج وكل يوم على هالحال لين جى دكتور من برع وعرفنا انها مصابه بالسرطان وانه منتشر بنسبة ٧٠٪ المهم موضوعها تحول للجنة الطبية وحذفوا الحين ٦ شهور على هالحالة متى بتسفرونها للعلاج ينطرون مستشفى حمد يخلص تجاربه عليها ويوصل المرض انتشاره لين ٩٩٪ وعقب بيطرشونها للعلاج بالله عليكم اي اهم بنت قطرية من عائلة معروفة تروح تتعالج ولا نضيع فلوسنا على الاشياء التافهة ، يعني اكبر مثال وسام رزق لاعب نادي السد لما كان مصاب عالجوه في سبيتار ، و ٦ شهور نقاهه ولياقة في نادي برشلونه ياسلام علشان يرجع لمستواه هههههههههههههههههههههههههههههه يعني حتى تقدير مافيه ناس وأتقبل بين الرباط الصليبي والسرطان وبين بنت قطرية وواحد متجنس خذ الجنسية مو حباً في هالبلد حباً في مصلحته وفلوس هالبلاد ، لكن اتركك انت تحكم عزيزي القارء

[تبوك]

نرجع لمفصل حمد في مرة كبيرة كانت مصابة بالسرطان و ٤ سنوات لين ماوافقت اللجنة الطبية على ابتعاثها للندن طبعاً عقب مأجورة فيها كل شي مقصب حمد طرشوها سافرت لندن الثلاثاء وتوفت الخميس ، لانه لشيوخ اللي في اللجنه اخر همهم المواطن لو فلان ولد فلان فيه كحة كان ثاني يوم تلقاه بلندن للعلاج اما المواطن خل مستشفى حمد يحطونه فار تجارب يجربون عليه كل شي ، وما اقول الا الله يرحمها وحسبنا الله ونعم الوكيل على اللي كان السبب في تاخير موضوعها ٤ سنوات في اللجنة الطبية .

[رمــش الغلا]

والله طوارئ السد أفضل مستشفى للأطفال في قطر فعلا الاطباء ممتازين

بس مثل ماقلت ايفشل صراحة

صغير وكله زحمه وقاعات الانتظار كمن كرسي وطوابير ومافي مواقف عدله حق السيارات
أنا أصف عند الباب وأرجع إلا مخالفة ملزقه :( الله المستعان

[alkadi]

والله طوارئ السد أفضل مستشفى للأطفال في قطر فعلا الاطباء ممتازين

بس مثل ماقلت ايفشل صراحة

صغير وكله زحمه وقاعات الانتظار كمن كرسي وطوابير ومافي مواقف عدله حق السيارات
أنا أصف عند الباب وأرجع إلا مخالفة ملزقه :( الله المستعان





افضل مستشفى للأطفال



والقطريين لهم قسم خاص شبه فاضي:victory:...يعني الحين من تدخل يسالونك ((( كاتاريييييي؟؟؟؟؟)))) ويعطونك رقم غير

[قطريه ماركه]

ما نبي منهم شي إلا أنه يخصصون طبيب واحد بس واحد حق الاقلية القطرية :(

مب ننتظر و جدامنا 50 أجنبي !!

[alkadi]

قطرية ماركة

فيه الحين...دكتورين ومن الفضاوة ينطرون عند الباب ساعات...خبرج....أقلية

والبوي يشيل الملف ويزفون الياهل من غرفة الفحص لين الدكتور :)

الحمدلله واخيرا في قطر......للقطريين فقط

[alkadi]

رقم عضويتي مميز

[ضوى]

قطرية ماركة

فيه الحين...دكتورين ومن الفضاوة ينطرون عند الباب ساعات...خبرج....أقلية

والبوي يشيل الملف ويزفون الياهل من غرفة الفحص لين الدكتور :)

الحمدلله واخيرا في قطر......للقطريين فقط

ماشااء الله هالشئ جديد ؟؟ لاني من شهر اراجع في الطوارئ وماكان هالشئ موجود :)

[alkadi]

اعتقد جديد لأني رحت اكثر من مرة الشهر الي طاف

وحدة اعرفها قالت تبدا عيادة القطريين عندهم من عقب المغرب بس مش متأكدة

أخر مرة وديت ولدي فيها الجمعة الظهر وكانت مفتوحة العيادة

[الملا]

يعني اكبر مثال وسام رزق لاعب نادي السد لما كان مصاب عالجوه في سبيتار ، و ٦ شهور نقاهه ولياقة في نادي برشلونه ياسلام علشان يرجع لمستواه

اخي العزيز بخصوص مستشفى الطب الرياضي اسبيتار يتعالج فيه كل اللاعبين سواء وسام رزق او ياسين اسماعيل او جمال سيار او ناصر العطية

والشي الثاني وتصحيح للمعلومة وحتى مانبرر وجهات نظرنا ونذكر معلومات خاطئة ، وسام رزق ماراح لبرشلونه هو راح لنادي اسبانيول وماراح للعلاج ، اللاعب راح عشان يستعيد لياقته واللي اعرفه انه راح على حسابه الخاص

[الملا]

رغم صغر مساحة مركز طوارئ السد الا ان خدماته يعتبر من ارقى الخدمات

[صاحب كلمة]

طواري السد من اكفأ المستشفيات في البلد ، وكون المبنى صغير مايعني انه سئ ، والصراحة انا شفت اقسام الطواري بالبلدان الاوروبية تقريبا بنفس التقسيمات اللي موجود بطواري السد / وللعلم انا مواطنة وماروح خاص ابدا لانه ثقتي بطواري السد اكثر من ثقتي في الخاص اللي يكون همه تجاري بحت ، كلمة حق يجب ان تقال



نفاق علني وبدون مقدمات

تعليقك يخدم مصالحك

[واحد دوت كوم]

انا اليوم طالعه من مستشفى حمد واقول حسبي الله ونعم الوكيل رحت المانيا ورحت تايلند سويت فحوصات حق ولدي وخذت النتيجه في ايام ، بس انا مضطره اخذ الاعلاج من عندهم لازم اعيد الفحوصات وقصه كل فحص يعطونك موعد عقب شهرين او اكثر سألت المسووله عن التصوير بالرنيين المغناطيسي ليش الموعد بعد ثلاث شهور اتقول مافي الا اربع غرف للفحص مش ذنبنا ياناااااااااااااااااس

[بوخالد911]

لازم نتكدر من الصبح

:(

[Abdulraman]

المشكلة مب في المبنى بالعكس المبنى جميل صحيح انه صغير ولاكن المشكلة في الدكاترة , إذا وديت طفلك السد على طول يقولك احتقان ماعندهم الا احتقان احتقان وساعات يعطي ولدك علاج وانت تشوفه ماشفا توديه عياده خاصة يقولك الدكتور لا تعطيه هالعلاج وانا بعطيك علاج ثاني لابنك
ساعات ماتحصل الا دكتور واحد بطواري السد والمرضى كثر
الله المستعان

[بو خليفه 123]

كلمة الحق تقال ..


بغض النظر عن صغر مبنى طوارىء الاطفال بالسد ..

الا اني شفت افضل خدمه و علاج يتم تقديمه لاطفالنا من بد كل المستشفيات الخاصه والعامه ابتداءً من الخوات بالاستقبال و تعاونهم مع المراجعين .. الى الممرضات و تعاملهم مع الاطفال .. والدكاتره و متابعتهم مع المرضى ..


تقبل تحياتي

[كبير المجلس]

الحقيقة طوارئ السد ممتازة فى دكاترتها ، وسيئة فى حجمها ، ونرجو من الدولة التدخل الجراحى لزيادة عدد الأطباء بها نظرا للزحام الهائل يومياً

[تبوك]

اخي العزيز بخصوص مستشفى الطب الرياضي اسبيتار يتعالج فيه كل اللاعبين سواء وسام رزق او ياسين اسماعيل او جمال سيار او ناصر العطية

والشي الثاني وتصحيح للمعلومة وحتى مانبرر وجهات نظرنا ونذكر معلومات خاطئة ، وسام رزق ماراح لبرشلونه هو راح لنادي اسبانيول وماراح للعلاج ، اللاعب راح عشان يستعيد لياقته واللي اعرفه انه راح على حسابه الخاص

الله عليك يعني اي اهم لاعب يستعيد لياقته علشان اصابه مع انه ممكن يستعيد لياقته في الدولة ولا الناس القطريين المصابين بالسرطانات وعلى دكة الانتظار مالت اللجنة الطبية من سنتين وثلاث سنوات وتحت تجارب مستشفى حمد

[عضو المنتدى]

طوارئ الأطفال زين والدكاترة فيهم الممتاز وفيهم المتوسط

بس المشكلة الزحام يجيك الدكتور هلكان هلكان من كثرة

ألاطفال ماله نفس يفحص حد والله يعينهم .

أنا الحين أبغي أسوي عملية للوز ضروري

حق ولدي في مستشفى حمد قالوا لي بعد 5 شهور !!!!!!!!!!

يعني أنا مواطن لازم أروح لعياده خاصة بفلوس بسبب هالزحمة الغير طبيعية !؟؟:rolleyes2:

[ضوى]

نفاق علني وبدون مقدمات

تعليقك يخدم مصالحك


بسم الله الرحمن الرحيم

نفاق مرة واحدة ؟؟؟ اي مصالح اللي يخدمها تعليقي ؟؟؟

لا حول ولا قوة الا بالله

[MaRuKoO]

كانوا سيئين بس حاليا وااايد تطوروا ولاعاد في زحمه لانهم افصلوا القطريين عن الأجانب المهم يجيبون دكاتره أوكي وكل شي بيصير تمااام
انت اخوي بديت موضوعك عن طواري الاطفال بس ملاحظه كل أمثلتك عن مستشفى حمد العام يعني ملاحظتك الوحيده عن طواري الاطفال هي صغرها فقط

[ALHAJAJI]

جالس وماعندي شغل وكلمة في خاطري كان ودي أقولها ،. بالله عليكم شفتو المركز الصحي للأطفال بالسد ، هل هذا مركز صحي ، أغنى دولة و200 مليون مساعدات ومعدات طبيه لليبيا ومساعدات 400 مليون للبنان و 500 مليون لليابان ، وتروح تشوف اكبر مركز طبي للأطفال بالدولة ولا بيت شعبي 4 غرف وصالة ومقسمينهم برتيشنات هههههههههههههههههههههههههههههه والله ودي اعرف 10 ولا 20 مليون ايش راح تأثر من ميزانيه الدولة بدل ماتسوون مهرجان مثل تربيكا السنمائي اللي صار ب 80 مليون ريال لمدة 4 ايام سوو شي مفيد ، والله صرنا نخاف نودي عيالنا المراكز الصحية روح ادخل وشوف مافيهم الا الأجانب وذوي الدخل المحدود ليييييييييش؟؟؟؟ لان الخدمة تعبانه وين تقط ولدك على واحد من هالاسرة ، كل سرير جمب الثاني تقول في معتقل مو مركز صحي ، عيب والله عيب مو علشانه أحنى يالمواطنين ، علشان واجهة البلد بكرة الأجانب اذا شافو مستشفاكم هذا والله يفشل ، حتى الاطبة اللي هناك اذا كان ولدك رضيع يقولك لاتجيبه لانه ممكن تنتقله امراض من العيال المصابين بالمركز ، كلمه في خاطري وقلتها والله المستعان أنتو بس سوو ملاعب وقطارات ولاتنسون مساكن حق المشجعين والإعلاميين اما اعيالنا خلهم على هالبيت الشعبي


الحين واجهة البلد عندك اهم من خوفك على المواطن , الظاهر يهمك المشكل والديكور ولا يهمك المضمون .

كلمة حق , جزاهم الله خير القائمين على طوارئ السد فرق بين اول والحين.

[الملا]

الله عليك يعني اي اهم لاعب يستعيد لياقته علشان اصابه مع انه ممكن يستعيد لياقته في الدولة ولا الناس القطريين المصابين بالسرطانات وعلى دكة الانتظار مالت اللجنة الطبية من سنتين وثلاث سنوات وتحت تجارب مستشفى حمد


اخوي تبوك

اذا عندك انتقاد او ملاحظات على اي شي وتبي تدعم موقفك تذكر شي انت متأكد منه .

انت ذكرت انه اللاعب راح وتعالج في برشلونه وصححت لك المعلومة ، وقلت لك انه راح يستعيد لياقته في اسبانيول

واللاعب راح على حسابه الخاص وراح في اواخر شهر مايو ، وتقريبا التحق بمعسكر السد في نمسا بتاريخ 15/7/ 2010 .. هذا بس للتوضيح

[تبوك]

الحين واجهة البلد عندك اهم من خوفك على المواطن , الظاهر يهمك المشكل والديكور ولا يهمك المضمون .

كلمة حق , جزاهم الله خير القائمين على طوارئ السد فرق بين اول والحين.

مو هذا هو لو قلت مصلحت المواطن قالك خل المواطن ينطر لكن لو قلت واجهة البلد وشكل غير حضاري وااااااو لازم نتدارك الامور بسرعة قبل لاينتقدونا الاجانب صرنا نهتم بالأجانب اكثر من اهل لبلاد

[تبوك]

اخوي تبوك

اذا عندك انتقاد او ملاحظات على اي شي وتبي تدعم موقفك تذكر شي انت متأكد منه .

انت ذكرت انه اللاعب راح وتعالج في برشلونه وصححت لك المعلومة ، وقلت لك انه راح يستعيد لياقته في اسبانيول

واللاعب راح على حسابه الخاص وراح في اواخر شهر مايو ، وتقريبا التحق بمعسكر السد في نمسا بتاريخ 15/7/ 2010 .. هذا بس للتوضيح

الظاهر انت مو فاهم كلامي كان وسام ولا عباس ولا انشالله كليمرسون اي اهم الكورة والرياضة يسوم لهم معسكرات ولا الناس اللي مرضى ومالهم علاج بالدولة واللجنه حاطتهم على دكت الاحتياط

[na7ees]

اي كفاءة الي تكلمون عنها ...عندي بنت عندها مشكله في الكله ..وكل مايصيدها التهاب البول وانتو بكرامه اوديها هناك
كل دكتور يفتي على كيفه
والي يقهر السوال الي الكل يساله ...شلوون صادها الاتهاب ... والله اني قلت حق دكتور تعب نفسك وقرا الملف بتعرف شلوون ....الله يشفي مرضى المسلمين

[كتكوت الوحش]

لا حول ولا قوة الا بالله