مساعدتكم رنج روفر ولا بورش كايين

[الدبلوماسي]

السلام عليكم ورحمه الله وبركاته

اخواني عندي استفسار انا ارغب بشراء بسياره وابي مساعدتكم بين رنج روفر ولا بروش كايين
بالنسبه للرنج ايش الفرق بين رنج روفر سبورت و رنج روفر سبورت سوبر تشارج هل الفرق بس في المكينه ولا في المواصفات الموديل الي ارغب فيه 2006-2007-2008 وايش مشاكل السياره وكيف صيانتها الدورية كم تكلف واذا جيت بشتري السياره ايش الاشياء الي اركز عليها
وبالنسبه للبورش كايين اس ايش المواصفات الي تجي عليه موديل 2008-2009 وايش هي مشاكله وصاينته الدورية كم تكلف وايش الاشياء الي اركز عليها

انا استخدمت مرسيدس بانوراما وصيانتها الدورية كل 15الف تكلف من 1500-2000ريال او تزيد شوي وايش السياره الي تنصحوني فيها

بانتظار ردودكم

[EJ-RAM-QTR]

انصحك في الرنج الفوج
من ناحيه استخدام واريف من السبورت
وبالتوفيق

[راعي ارقام]

اخوي السبورت منظر بس ولا الموتر تعبان مافيه رفاهية الكراسي تعبانه والقير نظام سيفتي
يعني مايعطيك مع الدعسه يسحب مع التبديله .. انصحك ب لكزس فورويل موتر يستاهل
والله يوفق الجميع ..

[باسكن روبنز]

جربت الرنج السبورت وكلششش تعبـآآن وكراسيه وقعدته تلخلخ الظهر!! ،

يعني تشتريه بس حق الـshow يعني شوفوني راكب رنج وهذا آلي صاير هاليومين ،

قبل فتره كنت طالب رنج سبورت بالمنتدي وسألت وأستفسرت وجربت موتر واحد من الربع فتره ومايسوااا كلش ،

المشكله في 2013 بيتغير وينزل السبورت الشكل الجديد بالكامل يعني لاتفكر فيه وقتك غلط بصراحه ،

عليك بالكيـآن آس مواصفات تيربوو صج مووتــر وله رزته بالشارع خاصة آنه توه نازل 2011 ،

يعني لاتحاتي تغيير الشكل أو حتي فيس لفت حق 3 سنين بالكثيـر ،

الله يهنيك بأختيارك ياخووي ،

[احساس رابح]

اخوي انا عني جربت الرنج روفر > السبورت < والرنج روفر > الفوج < والحين عندي الفوج

صراحه الرنج بشكل عام حلوو وصيانته زينه حاله حاال التيوتا بسس السبوورت صراحه فيه وعووره

انصحك اذا بتاخذ رنج لا تاخذ الا الفوج

اما البورش ما استخدمتها بس عند واحد من الربع ويقول لي عنها تبي سيرفس اول باول يعني لازم تشيكها

كل فتره تشيك كامل وبالنسبه لي سواقتها مريحه خاصه كيان اس الـ 8 سلندر

والله يوفقك في السياره الزينه

[السعدي2011]

انصحك الاثنين معا
هههههه
بصراحة الرنج ماعلية كلااااااااااام

[Abo Sami]

عني انا ماجربت ولا واحد لكن كرزه وهيبه الرنج له هيبته اكثر من البورش

هذا رأيي ويحتمل الخطأ والصواب
وبالتوفيق

[ذكي جدااا]

كان عندي بورش 2006 وعرر الرنج الفووج احسن لك واحسن من الاسبووورت بس خذ لك موتر عليه ضماان يعني ماانتهى ضماانه بالعربي الفصييح شوووف فوج 2008 ضمانه خمس سنواات بينتهي 2013 بخصووص الفوج 2007 ضماانه كان ثلاث سنووات بس يعني 2010 قد انتهى ضماانه

[الدبلوماسي]

^^

الله يعطيكم الف عافيه اخواني
بس ابي جواب على سؤالي صيانه الرنج والبورش كل 10 ولا 15الف وكم السعر التقريبي بين كم وكم

[احساس رابح]

في الشركه والا برى ؟؟؟

[الدبلوماسي]

^^
اخوي والله اذا تعرف الاسعار في الشركه وبرى ياليت تساعدني الله يجزاك خير

[ذكي جدااا]

بخصوص البورشة كنت اغير الزيت والفلتر بالوكاله كل 15 الف ب 800 ريااال اما مع السفايف والدرام ويل مااذكر بالظبط بس حوول 5000 ريال اذا بس سفايف وزيت حووول 3000 رياال او 3500 ماني متذكر بالظبط

[BuNooR]

أنا اقول المرسيدس اس كلاس وايد احسن

وإلا انت ايش رايك

[بن جعران]

الدبلوماسي انا الحين عندي بورش جي تي اس كاييين الصراحه موتر لايعلى عليه
وقبل كان عندي رنج سبروت 2008 الصراحه فرق شاسع البورش احلى وافخم واقوى بس الرنج يفرق عن البورش من ناحيتين رزه وسيرفس ممتاز واللي كرهني فالبورش السيرفس غالي على شي مايسوى
سيرفس الرنج كان يطلعي لي بين 2500 الى 1500 بس البورش بين 5000 الى 3500

[الدبلوماسي]

بخصوص البورشة كنت اغير الزيت والفلتر بالوكاله كل 15 الف ب 800 ريااال اما مع السفايف والدرام ويل مااذكر بالظبط بس حوول 5000 ريال اذا بس سفايف وزيت حووول 3000 رياال او 3500 ماني متذكر بالظبط

الله يعطيك العافيه اخوي وحلو السعر كل 15الف 800ريال بس ايش الكايين الي عندك عادي ولا اس ولا تيربو



أنا اقول المرسيدس اس كلاس وايد احسن

وإلا انت ايش رايك

والله ياخوي تعبت وانا ادور اس كلاس لي 4شهور تقريبا اذا تعرف واحد نظيف وسعره حلو انا شراي


الدبلوماسي انا الحين عندي بورش جي تي اس كاييين الصراحه موتر لايعلى عليه
وقبل كان عندي رنج سبروت 2008 الصراحه فرق شاسع البورش احلى وافخم واقوى بس الرنج يفرق عن البورش من ناحيتين رزه وسيرفس ممتاز واللي كرهني فالبورش السيرفس غالي على شي مايسوى
سيرفس الرنج كان يطلعي لي بين 2500 الى 1500 بس البورش بين 5000 الى 3500

الله يعطيك العافيه اخوي بن جعران بس غريبه السعر غالي عن الي قاله الاخ ذكي جدا وبسئلك كيف الاسيات مريحه ولا لا وايش المواصفات الي تجي على البورش لاني جديد ولا اعرف فيه شي

[بـن عدوان]

للرفــــــــع

[بني تميم]

اخوي الرنج سبورت موتر حلوو وايد وشكله حلوو بعد احسن من الفوج ( الكبت )

واناا عندي واحد :victory: