خدش في سيارتك !!!

[qataria80]

السلام عليكم ورحمة الله وبركاته



شباب وشابات


موضوع جا على بالي وحبيت اشوف آرائكم فيه


لو كنت موقف سيارتك في موقف مجمع تجاري او في موقف العمل ولاحظت خدش بسيط جدا في سيارتك بحيث انه ما يبين الا لما تقرب من السيارة ، تتمنى أن اللي سوى هالخدش يقولك عنه (مع العلم انه خدش سيارتك من غير قصد) ؟ أو بتقول ليته ما قال لي لانه ما يبين وضايقني عالفاضي؟

ولو كان الموقف بالعكس وأنت اللي خدشت سيارة شخص سواء تعرفه أو ما تعرفه من غير قصد تفضل أنك تقوله ؟ ولا نفس الشي بتقول ماابي اضيق خلقه عالفاضي لان الخدش مب كبير وما يستاهل صبغه أو تصليحه؟؟؟


وودي اشوف آرائكم

[شموخ دائم]

,

,


مرحبا


اذا قالي راح احترم هذا الانسان
واذا ما قال راح اعتبره تهرب من شي ولو كان بسيط

انا
لازم اقوله لاني سببت لسيارته ضرر
احط رقم تلفوني على ورقه والصقها على سيارته
ومن حقه اصلح الضرر له
حتى لو محد شافني الله سبحانه وتعالى يشوفنا

وحصلت معاي والان هذا الشخص صديق
بعد ما تحدثنا تلفون

دمت بطيب


,

,


اخوك


شموخ دائم

[ذيب ازغوى]

انا عندي عاادي والله


بالنسبه لي بحط رقمي حق الرجال لاني غلطان وقد اللي سويته

[غايه الطواش]

على حسب السياره اذا كشخه بحط رقمي واذا مب كشخه بروح وجنه السالفه مهب لي :tease:



















لا اكيد بحط رقم حدى خواني ع السياره وبروح وخله هو يتفاهم معاهم .....وجنه السالفه مهب لي

[qtr qtr]

اللي مايرضى على سيارته اكيد مايرضى على سيارة غيره ..... وكلها رقم تلفون والتأمين هو اللي راح يصلح الضرر على الاقل ندفع التأمين مثل مايدفعونا بمبالغ كبيره ومن غير مانستفيد منها......
المشكله بعض البزران والخدم اذا جئ وفتح الباب مايهمه من السياره اللي جنبه اذا بتضرر ..
فلازم من اولياء الامور يعلمونهم لين يفتح الباب يقوله حاسب من السياره اللي جنبك لا تعورها وكررها لحد مايفهم من نفسه ويحاسب من نفسه ... وفي شي اسمه ربله يحطونها على الابواب ...

الله ياخذ حقي من اللي ضر سيارتي وشرد

[سعود00]

عليكم السلام ورحمه الله وبركاته

مرحبا أختي قطرية

ان صار معاي هالموقف بحط رقمي ومستعد اتحمل مسؤولية خطئي فالدنيا

ولا يجي يوم الحساب وقدام الأشهاد يطالبني بحقه لأننا نخشى الله ولا نتحمل عقاب الآخرة

[Rashid554]

انا اذكر صادنا هالموقف اكثر من مره حتى مره مشخ السياره من جهه كامله قدام احد الاماكن العامه والمشكله شمخ ماينفعه صبغ لانه مدخل مفتاح او شي الله اعلم ..

ع العموم انا طبيعتي اذا دعمت سياره او مشخت سياره ما اهتم وانطر خصوصا اذا كان شي بسيط ..

[ابو محمد7]

شي اكيد طبعا تنتظره او تترك له الرقم اذا مستعجل

هذا شيء مهم ومن باب الامانة

انت غلطت ولازم تتحمل نتيجة خطأك

مايصير انت تقرر بسيط او غير بسيط صاحب السيارة هو اللي يقرر

[Doha Sun]

باحط لوحة باكتب فيها اسفة على اللي صار مهب قصدي وباسجل رقمي !!

[باسكن روبنز]

السلام عليكم ورحمة الله وبركاته ،

والله صادتني عقده من مواقف المجمعات ،:(

صرت أدور لي موقف بعيد عشان أتجنب مثل هالشموخ ،

وبعد ماسلمت منها!! والأسبوع ألي طاف محصل 3 شموخ كبار مسوينها بالمفتاح ،:weeping:

والله تحسبت على آلي سواها من قلبي ،

عموماً من باب الأدب والذوق أن الواحد يعتذر بآدب ويحط ورقه على مشاش الموتر يكتب فيها مكان الشمخ ورقم تلفونه ليتفاهمون ع التصليح ،

صارت لي الحركه مره وطيرت منظرة فولكس ويغن طوارق خخخخ ،

نزلت وحطيت ورقة أعتذار ورقم جوالي ولا حد أتصل!! ،

شكيت أن الورقه طارت من الهوا ولا شي وجيت بعدهآ بيومين وحطيت الورقه مره ثانيه وبعد محد أتصل! ،

وبعد ماسألت عن الموتر طلع حق بنت والظاهر تحسب أني برقمها خخخخخخ ،

[boamir]

الصراحه احط رقمي مهما صار لو شردت ومحد صادني رب العالمين فوق
وبكره يمكن يصير فيني هالشي او اخس ووقتها اتمنى حد يصلحه لي

بس اكره شي عندي إذا حد يفتح الباب بقو ويضرب موتري صارت معاي مرتين
المره الأولى واحد امريكي قسم بالله حسيت إنه كسر لي الباب واعتذر وسكت ونزلت طالعت الموتر والحمد لله ماصار شي

والمره الثانيه بعد واحد كاشخ بس على طول سلم وانحرجت وخليته

بس والله حركه مب حلووه كللش حد يشمخ لك الموتر عن نفسي الحمد لله دايما لو انزل احاسب على الموتر إلي جنبي

[شبح الصمت]

موقـف مب شيء واحد يدعمك أو يزلق موترك ويسوي نفسه ماله خوص في السالفه

ترى في شيء اختراع أسمه ( تأمين شامل وتأمين ضد الغير )

عيل ليش انق افلوس نبي سلامتنا وفي نفس الوقت شيء مكتوب مهب بقصدنا الحوادث محدن يروح لرجله للتهكله

عاد أنا بقولكم موقف مب شمخ إلا مــوقف حادث آخر الليل قريب من موضوعـكم

مره كنت رايح اوصل واحد من الربع بيتهم عالساعة 2 في الليل

المهم وانا داش لفة الفريج الموتر بند علي وقفل السكان تخيلوا قفل السكان وانتوا داشين لفـه شلي يصير !!!

على طول قدامي والله 3 مواتر واقفـين برى البيت
وأدعم الموتر الاول جي اكس ار موديل السنه والجي اكس ار يدعم المرسيدس والمرسيدس يلصق في الموتر الثالث مهب ذاكره

المهم الساعة 2 شالسالفه اطق الجرس أو احط له اورقه قلت مافي وتم اطق الجرس ويطلع لي الرجال يطالعني وخاطره يهفني بوكس المهم قلت له الشيخ اسمح لي تراني دعمت مواترك

الرجال يطالعني ويطالع سيارته لا شعوريا قالي عطني ليسنك !!!

انا قلت اشدخل اعطيه ليسني اهو شرطي قلت له اوكي خذ الليسن مسكين بعد اخر الليل ومقعده ومخرعه قلت مابي ازود عليه الهم همين

المهم قالي اشلون قلت له الموتر بند عندي ودخلت في مواترك حسب انه فيني شيء قالي انت صاحي قلت له اي صاحي وبكامل قواي العقلية

قالي اصبر اشوي راح وبلغ وجو الشرطه وقالي اشلون وكيف شرحت له وطلع الرجال الي دعمت مواتره يصير لواحد من الربع ,,

والله اني تفشلت فشيله مب طبيعية !!

على فكره موتري بس الرفرف انطعج والصدام بس أما مواتره الله يعينه تعورت بس 3 مره وحده يدخلهم الكراج والله حرام بس شاسوي مكتوب لي :weeping:

بس الحمد لله عدت على خير

[بوخالد911]

الله يعيينا ع هالموقف

ممكن اترك رقمي ابراء للذمة