>> المـداخـله أثناء الحديث بين الطرفين <<

[شبح الصمت]

73286



لفت أنتباهي كثيراً ونحن في المجالس مقاطعة الكــلام ,, ودخول طرف أو طرفين أو ثـلاثه وعدم أحتـرام الرجل الذي يتكلم ويتحدث ومقاطعة كلامـه ودخولي على موضوعـه !!

فلربما أنك تتحدث بوادي والأخ يدخل عليـك بوادي ثاني !! :eek5:

أو لربما حب أن يظهر نفســه أمام الجميـع بأنه شخصيته قويـه وأنه الذي يستمع إليـــه الآخــرون ! :secret:

فوودت طرح الموضوع فلربما هذه الحالـة تحتاج إلى عــلاج أم هي تعلومة تعلمها من أهــله المقاطعة أو من أقاربه أو من أصدقائه !!

لاني صــراحه أستحي وأنا اتحدث مع شاب جمبي وبجانبا أحد الشيبان ويقوم الشيبه في الدخول في الموضـوع عرض ولا تستطيع أن تحرجـه فتقول للمتكلم ولا عليك أمر نسمع الوالد !! :eek5:

وصراحة يعبجني الشخص الي يتكلم مع آخــــر وانت تدخل عليهم في الحديث ولا يعطيك وجه :nice: لين يخلص كلامـه !!

فمدري هل الأســلوب يحتاج إلــى دورات في فن المخاطبه وعدم التدخــل واحتــرام الأطراف الموجودة !! :victory:

[بـــــــنت النوخـّــــذه]

المفروض ان الشخص لو في مجلس او مكان يتقابل به مع الناس وجها" لوجه يكون مستمع جيد للطرف الاخر وحتى لو حب المداخله على الاقل يستأذن يقول اسمحلي ما اقطع كلامك الا بالخير ويكمل حديثه 00

بالنسبه لكبير السن اذا قاطعك بعد اسكت شتسوي العمر له دور على الاقل احتراما" لسنه 00
اخوي شبح الصمت ذكرتني بسالفه مره كنت بدوره تدريبيه وانا بطبعي في الدورات لو يطيح المبنى ماتحرك :)ولا اتكلم بس متابعه ومستعمه فقط فقط فقط المهم كان فيه مجموعه سبحان الله يعني المحاضره في وادي ومداخلتهم في وادي ليش يقطعون كلام المحاضر مادري هل حب للظهور ولا يابلفيت عباقره !!! المشكله ان كل تحليلاتهم غلط 000والمحاضر الي اهو الدكتور سبحان الله العقليه الفكريه لها دور كان مستمع جيد لهم يترك لهم المجال وفي الاخير يقول لهم النقاط الي ناقشتوها غلط اههههههههههه انزين اشله تفلسفون وتقاطعونه يا مداخلاتكم اتكون موزونه او بلاها حب الظهور واثبات الشخصيه 000


عموما نصيحتي لك : كن مستمع واذا حد قاطعك ابتسم لاتجادله ليش وماليش خله يهذر ولي شبع رد تكلم00او اذا كلش تبغي اتسوي مداخله لاتدخل على طول بالسالفه استأذن بطريقه معينه 0:nice:0

[منيرة الطواش]

في الماضي البعيد جدا كان الاب ياخذ لصبيان معاه المجالس حتى يتعلمون السنع


الحين مافيه من ذا


تلاقي الاب مايروح مجالس ومجابل الجزيرة بالمجلس وياويل لصبيان لين دشوا عليه


واللي اهله مايعلمونه السنع من صغرته منين بالله بيتعلم







موضوع مهم فعلا وجا بوقته

[بوخالد911]

هلا


شي ينرفزز


اكوون مروووح بكلامي
ويجي 1 ويقطعني
:(
:(
:(

[شبح الصمت]

المفروض ان الشخص لو في مجلس او مكان يتقابل به مع الناس وجها" لوجه يكون مستمع جيد للطرف الاخر وحتى لو حب المداخله على الاقل يستأذن يقول اسمحلي ما اقطع كلامك الا بالخير ويكمل حديثه 00

بالنسبه لكبير السن اذا قاطعك بعد اسكت شتسوي العمر له دور على الاقل احتراما" لسنه 00
اخوي شبح الصمت ذكرتني بسالفه مره كنت بدوره تدريبيه وانا بطبعي في الدورات لو يطيح المبنى ماتحرك :)ولا اتكلم بس متابعه ومستعمه فقط فقط فقط المهم كان فيه مجموعه سبحان الله يعني المحاضره في وادي ومداخلتهم في وادي ليش يقطعون كلام المحاضر مادري هل حب للظهور ولا يابلفيت عباقره !!! المشكله ان كل تحليلاتهم غلط 000والمحاضر الي اهو الدكتور سبحان الله العقليه الفكريه لها دور كان مستمع جيد لهم يترك لهم المجال وفي الاخير يقول لهم النقاط الي ناقشتوها غلط اههههههههههه انزين اشله تفلسفون وتقاطعونه يا مداخلاتكم اتكون موزونه او بلاها حب الظهور واثبات الشخصيه 000


عموما نصيحتي لك : كن مستمع واذا حد قاطعك ابتسم لاتجادله ليش وماليش خله يهذر ولي شبع رد تكلم00او اذا كلش تبغي اتسوي مداخله لاتدخل على طول بالسالفه استأذن بطريقه معينه 0:nice:0



الله يعطيـج العافيـه عن المشاركة

وعن نفسي ما أداخــل بس شفت وأيد مواقـف الحمد لله عن نفسـي أحاول لين ما يخلص الأخ كلامه وأبدي كلامي لانه صج مب عـدله تقطع حديث أحد :secret:

وعن الشيبان لا لازم الواحد يحط لهم قدر لي تكلم stop خلاص نسمع له ما نقدر نقول شيء من باب الاحترام والتقدير :victory:

[شبح الصمت]

في الماضي البعيد جدا كان الاب ياخذ لصبيان معاه المجالس حتى يتعلمون السنع


الحين مافيه من ذا


تلاقي الاب مايروح مجالس ومجابل الجزيرة بالمجلس وياويل لصبيان لين دشوا عليه


واللي اهله مايعلمونه السنع من صغرته منين بالله بيتعلم







موضوع مهم فعلا وجا بوقته



الله يعطيك العافيــه

أخوي ترى مب شرط الولد يتعلم السنع والا العلوم الزيـنه من أهله يمـكن ياخوك يحصل له رفقـه حسـنه ويرافقـهم ويتعلم منهم !

ياما شفنا ناس أهلها في وادي وهي ماشاء الله عليـها تعرف الاحترام والاستماع وأمور أخرى

[شبح الصمت]

هلا


شي ينرفزز


اكوون مروووح بكلامي
ويجي 1 ويقطعني
:(
:(
:(


الله يعــينك

شكـلك عصبــي ما تلاعب

:shy:

[باسكن روبنز]

هههههههه الظاهر بنسوي حملة سنع تـآيم حق الجماعه ألي جذي ،

الأ آقول ماقطع كلامك الأ بالخير ياشبح ،

ياشين آلي يقولها ويعيدها آكثر من 20 مره على مقاطعات سخيفه!! ،:rolleyes2:

[شبح الصمت]

هههههههه الظاهر بنسوي حملة سنع تـآيم حق الجماعه ألي جذي ،

الأ آقول ماقطع كلامك الأ بالخير ياشبح ،

ياشين آلي يقولها ويعيدها آكثر من 20 مره ،:rolleyes2:


حلوه ما أقطع كلامك بالخير وهو قاطعه خلاص

أنزين فديت خشـمك خلني أكمل لا تنسيني الموضـوع عقب قولي

لا وفله يوم تكلمه عقب تقوله ياخي اش كنت اسولف فيه يقولك نسيت

:omg:

[Doha Sun]

ودي احذفه بمافي يدي على هالطبيعة الشينه

[شبح الصمت]

ودي احذفه بمافي يدي على هالطبيعة الشينه




عاد عقب شنو ما دش عرض

أتوقع يبيله كورس يتعلم يمسك نفسه

في ناس ترى ما تقدر تمسك عمرها تحب تدخل في الحابل والنابل

:shy:

[Dawn]

انا عادي لو حد قطع كلامي اندمج مع الموضوع الجديد وانسى اللي كنت اقوله ... سهالات .. اصلا القعده في المجلس كلها كلام ×كلام عادي يعني ما يستاهل الموضوع ان نتضايق منه ...

على فكره :omg:

اللي يقاطعون .. اعتقد متأثرين بالجزيره ( بالذات الاتجاه المعاكس ):rolleyes:

[وهم قطر]

بعض العرب ودك تنقطع سالفته الي مالها ذنب ولا هدف وبايخه

وتخلي الواحد يتثاوب

الي دائما يقطعون سالفته هو الي صوته خفيف راحت عليه

تقطع السالفه عدل والي مالها نهايه هي المعايا

[Doha Sun]

عاد عقب شنو ما دش عرض

أتوقع يبيله كورس يتعلم يمسك نفسه

في ناس ترى ما تقدر تمسك عمرها تحب تدخل في الحابل والنابل

:shy:


انت تدري به من البداية مشروع لقافة اول مرة تهديد والمرة الثانية تراها القاضية :nice:

[فيزيائية]

بعض الناس يحتاجون ان الانسان يحرجهم حتى مايعيدونها....
انا اكثر ما يضايقني المقاطعات في المحاضرات الدينية
يقطعون حبل افكارنا وروحانية الجو المستمتعين فيه ...


موضوعك مهم في زمن قلة السنع !

[شبح الصمت]

انا عادي لو حد قطع كلامي اندمج مع الموضوع الجديد وانسى اللي كنت اقوله ... سهالات .. اصلا القعده في المجلس كلها كلام ×كلام عادي يعني ما يستاهل الموضوع ان نتضايق منه ...

على فكره :omg:

اللي يقاطعون .. اعتقد متأثرين بالجزيره ( بالذات الاتجاه المعاكس ):rolleyes:

لا لا مب عدله تقطع كلام اي شخص لو شنو يعني الحين انا يالس اشرح او ابرر شيء لاحد وانت تدخل علي عرض ليش !!
وبعض الناس ما يعرفون بعض يعني انا وهو نعرف بعض بس اهو ما يعرف الرجال الي معاي ويدخل عرض
ليش تحرج نفسـك !!
:shy:


بعض العرب ودك تنقطع سالفته الي مالها ذنب ولا هدف وبايخه

وتخلي الواحد يتثاوب

الي دائما يقطعون سالفته هو الي صوته خفيف راحت عليه

تقطع السالفه عدل والي مالها نهايه هي المعايا


اي في سوالف الواحد يقعد يسمعها ويتثاوب بس في سوالف تناقش ويحتد فيها النقاش
اي صدقت الي صوته خفيف راحت عليه 1 - 0
ماكلين حقـه بس لي ولع وشب راحت عليهم
:victory:

[بصمة قطرية]

قلة ذوق بصراحـــــة ~
المفروض الواحد يتعلم أدب الحديث ..

//
بس مرات اتعمد اني اتبع هالإســلوب في حالة وحدة بس ..
اذا كانت اللي تسولف معاي تتكلم في حد ..:anger1:
اغير الموضوع بطريقة ذكية ~ :secret:

[شبح الصمت]

انت تدري به من البداية مشروع لقافة اول مرة تهديد والمرة الثانية تراها القاضية :nice:

:eek5:


بعض الناس يحتاجون ان الانسان يحرجهم حتى مايعيدونها....
انا اكثر ما يضايقني المقاطعات في المحاضرات الدينية
يقطعون حبل افكارنا وروحانية الجو المستمتعين فيه ...


موضوعك مهم في زمن قلة السنع !

صدقتي هذولي يبيلهم دورات صدقوني

ويبيلنا احنا بعد دورات

[الرويـس]

هونوها ياجماعة
الأمور طيبة واحنا بخير
:(

[شبح الصمت]

قلة ذوق بصراحـــــة ~
المفروض الواحد يتعلم أدب الحديث ..

//
بس مرات اتعمد اني اتبع هالإســلوب في حالة وحدة بس ..
اذا كانت اللي تسولف معاي تتكلم في حد ..:anger1:
اغير الموضوع بطريقة ذكية ~ :secret:




يعطيج العافيه زين تسوين

انا قصدي على الطرف الثالث أو الرابع الي يحبون ينحشرون ويخربون السالفه

هذولي اهم المشكلة

ما ينطرون الواحد يخلص لا الحين انت قاعد تسولف مع رفيجك وانا اسولف مع رفيجي اشله قاط اذنك وتسمع تصوخ علي ومره وحده تفتر !!

:rolleyes2:

[شبح الصمت]

هونوها ياجماعة
الأمور طيبة واحنا بخير
:(


:eek5:

[qtr qtr]

الصراحه ساعات الواحد يطيح بشخص تقول مسجل مب راضي يخلص كلامه وخصوصا كلام ماله هدف تضطر ان يجيك منقذ ينقذك من الازمه اللي فيها ويقاطع كلامه ......

عني تبغي تستفسر منه بشي ويفتحلك افاق ومحاضره وغيرها وانا الصراحه ما أحب هالنوعيه .......

[راعي ال VXR]

صحيح مقاطعة الحديث تصرف غير لائق لكن ...ماذا لو صديقين يتحدثون وجائهم فجائه صديق ثالث وسلم بمجرد ان سلم الصديق الثالث من المنطقي ان الصديقان يسئلونهم كيف الحال شخبارك وشلونك والخ....طيب في هاذه الحاله ماضاع حديث الاثنين ...ام يتجنبون السلام لصديقهم الثالث .. وهل يصح ان يقولو لصديقهم لو سمحت ابغيه في سالفه ويبقى لوحده ريثما يخلاصان موضوعهم واذا كان حديثهم مهم جدا فما الفعل في ذالك هل يتم تكملتهم باقي الحديث امام صديقهم الثالث او يحتفظ الى اشعار اخر ..

[شبح الصمت]

الصراحه ساعات الواحد يطيح بشخص تقول مسجل مب راضي يخلص كلامه وخصوصا كلام ماله هدف تضطر ان يجيك منقذ ينقذك من الازمه اللي فيها ويقاطع كلامه ......

عني تبغي تستفسر منه بشي ويفتحلك افاق ومحاضره وغيرها وانا الصراحه ما أحب هالنوعيه .......

انت تكلمت اخوي عن الغوي الي يتكلم ويهذر واجد صح
:victory:


صحيح مقاطعة الحديث تصرف غير لائق لكن ...ماذا لو صديقين يتحدثون وجائهم فجائه صديق ثالث وسلم بمجرد ان سلم الصديق الثالث من المنطقي ان الصديقان يسئلونهم كيف الحال شخبارك وشلونك والخ....طيب في هاذه الحاله ماضاع حديث الاثنين ...ام يتجنبون السلام لصديقهم الثالث .. وهل يصح ان يقولو لصديقهم لو سمحت ابغيه في سالفه ويبقى لوحده ريثما يخلاصان موضوعهم واذا كان حديثهم مهم جدا فما الفعل في ذالك هل يتم تكملتهم باقي الحديث امام صديقهم الثالث او يحتفظ الى اشعار اخر ..


لو جاءهم لا طبعا لازم يتحفونه ويسلمون عليـه ويرحبون فيه ويكملون حديثهم إذا الحديث طبعا مش خاص ولا فيه شيء من الخصوصية
وطبعا ماله حق يزعل الطرف الثالث لانه هذه يمكن شيء خاص بين الاثنين

[بصمة قطرية]

يعطيج العافيه زين تسوين

انا قصدي على الطرف الثالث أو الرابع الي يحبون ينحشرون ويخربون السالفه

هذولي اهم المشكلة

ما ينطرون الواحد يخلص لا الحين انت قاعد تسولف مع رفيجك وانا اسولف مع رفيجي اشله قاط اذنك وتسمع تصوخ علي ومره وحده تفتر !!

:rolleyes2:

ملاقيف ~ :tease:
الا يحشرون عمرهم في كل شي .. :secret: