استفسار : بخصوص تأجير سياره في دبي ؟؟!! [الأرشيف]

مشاهدة النسخة كاملة : استفسار : بخصوص تأجير سياره في دبي ؟؟!!

* ولد قطر *

13-04-2011, 10:59 AM

ياجماعه بس بغيت استفسر عن محلات تأجير السيارات في مطار دبي .. هل الأجار يكون مع تأمين شامل ؟؟ واذا حد يخبر لي محلات تعطيك تأمين شامل يعطيني الاسامي ولاتهونون :nice:

Mohammed.a

13-04-2011, 12:20 PM

هلا
اعتقد شامل

http://www.dubaiairport.com/DIA/English/MainMenu/Passenger+Services/Car+Rental/

قطري طموح

13-04-2011, 03:52 PM

اخوي ولد قطر انا دائم التردد على دبي ودايما أأجر سيارة من شركة ثريفيتي في المطار وهذي شركة عالمية ، يعطوني التامين على حسب الطلب وانا دايما اطلب تأمين شامل ، والحقيقه هذي الشركة من اروع الشركات اللي تعاملت معاها في دبي .

* ولد قطر *

14-04-2011, 09:15 AM

تسلم اخوي محمد .. الرابط موجود عمدي بس ابي اعرف الشركات الي تاجر بتامين شامل ..

يعلك تسلم اخوي قطري طموح .. ان شاء الله بجرب هالشركه .. الله يحفظك ويوفقك

وطن

14-04-2011, 09:18 AM

جرب Sixt
انا دوم اتعامل معاهم

وبخصوص التأمين اظن تقدر تطلب شامل

Doha Sun

14-04-2011, 12:02 PM

اشكركم كنت محتاجه هالموضوع حق سفره دبي
كنت اتعامل مع شركة كانت روعه بس كنها اتكنسلت
والله يعطيكم العافية

باسكن روبنز

20-04-2011, 08:45 AM

ماجد البدر

20-04-2011, 10:18 AM

خذ من المطار وخذ معاك فيزا كارد عن لايقولن لك خل مبلغ وبعدين يقولون بنراسلك ونرده لك ويماطلون
صارت معي واقرب فرصة سافرت لهم واخذت فلوسي من شرطة المطار بعد ما حسيت بمماطله جديده

المعنى88

20-04-2011, 02:25 PM

نصيحه ،
نصيحه ،
نصيحه ،

دايماً تعاملوا مع شركات عالميه ،

عقودهم قانونيه ومب على مزاجهم مثل شركات التأجير المحليه ،

http://www.qatarshares.com/vb/showthread.php?t=429495

الله يحفظكم يا أهل قطر ،

بالعكس ياخوي اختلف معاك ليس الكل مثل ماتعتقد .... شركات التأجير العالمية اغلى وشروطهم
مملة ومكلفة ...... انا أتعامل مع شركة محلية من 12 سنة وتعاملهم معاي ومع من اتوسط
لهم فوق الممتاز وبارخص من العالمية مع تأمين شامل .

باسكن روبنز

21-04-2011, 11:04 AM

وجهة نظر وأحترمها يالمعنى ،

بس أنا أتكلم عن تجارب عديده في دول الخليج وكنت أقرا شروط التأجير بالعقد والفرق مابين الشركات المحليه والدوليه ،

صحيح الأسعار تكون شوي أغلى بحكم حسبتهم على سعر السياره وموديلها و و و ،

هالشي طبيعي نظراً للشروط العالميه بتأجير السيارات وفرق الأسعار مابينهم وبين المحلات العاديه هذي بحد ذاته موضوع

بس صدقني المحلات الأرخص سعر هم ألي ربحانين أكثر ،

والمكاتب العالميه ميزتهم يخيرونك مابين نوعية التأمين أن كان ضد الغير ولا شامل بلا لف ودوران ،

عموماً شروط العقد تعطي كل حق حقه أن كانت متضرر أو متسبب بالحادث (بعيد الشر) ،

وأمور كثيره لاتحضرني لكن أقلها وأهمها عشان تعرف فرق التعامل مابينهم ،

لو صار حادث لاقدر الله وأنت ماكنت متسبب فيه بس تتصل ع شركة التأجير الدوليه وواجب عليهم يجيبون لك سياره نفس نوع السياره ألي أجرتها أو مواصفاتها قريب منها ،

وأن كنت متسبب راح ياخذون منك مبلغ متفق عليه مسبقاً حسب قانون عقد الأجار توصل حق 4% أن كثر من قيمة التصليح أو تكنسل السياره ع حسب الشروط ،

لكن الشركه المحليه يستانسون لو صار حادث خشن وتتكنسل السياره وينشرون المستأجر مثل المنشار ،

يطلعون منه مبلغ الأجار اليومي لوقفة السياره وهي تتصلح أو جاري كنسلتها وقيمة تصليح خياليه من أحد كراجات ربعهم و و و و ،

وبالأخير ياخذون قيمة السياره منك ومن التأمين ويضربون عصفورين بحجر!! ،

doha70999

22-04-2011, 10:19 AM

بعد اذن صاحب الموضوع ممكن شركة تأجر سيارة مع سواق؟

الزجاجي

22-04-2011, 10:45 AM

اغلب محلات تاجير السيارات في مطار دبي يعطونك تامين شامل .. بس لازم تشترط عليهم هذا الشرط
بس مشكلتهم لازم بالفيزا واسعارهم نار !!

انا اعرف واحد عنده شركه ايجار برع المطار (ما شاء الله عنده اكثر من 80 سياره) ويعطيني السياره تامين شامل وبدون تامين نقدي وبدون طلب فيزا وبسعر اقل من محلات المطار :)

بالتوفيق