2011.. آخر موسم للتخييم في سيلين وخور العديد

[غزلان]

تحرير 28 مخالفة للمخيمين..البيئة:
الدهيمي: تعديل أوضاع أغلب المخيمين باستثناء ثلاثة.. و2011 أفضل المواسم



أعلنت وزراة البيئة أن موسم التخييم الشتوى المؤقت 2010 / 2011 هو آخر مواسم التخييم في منطقتي سيلين وخور العديد بعد 7سنوات من استقبال المخيمين بدأت في ٢٠٠٤وانتهت في 2011، كاشفة عن تحرير 28 مخالفة للمخيمين بمنطقتي سيلين وخورالعديد من بين 610 مخيمين هي جملة المخيمين في المنطقتين خلال موسم التخييم الشتوى المؤقت 2010 / 2011، الذي انتهت فعالياته في 30 مارس الماضي.

وأكد فهد الدهيمي، مسؤول وحدة سيلين بإدارة الحماية والتأهيل البيئي بوزارة البيئة، أن الوزارة وجهت إنذارات للمخيمين الذين لم يرفعوا مخيماتهم من أماكن التخييم ولكنهم لم يتجاوبوا مع هذه الانذارات، ما دعا الوزارة إلى تحرير مخالفات لهم.

وأشار الدهيمي إلى أنه تم تعديل اوضاع أغلب المخيمين باستثناء ثلاثة منهم، مضيفا أن مفتشي الوزارة على اتصال دائم مع المخيمين لأن الهدف الاساسي ليس هومجرد تحرير المخالفات بقدر ماهوتوعية للجمهور للمحافظة على البيئة، معتبرا أن الموسم المنصرم كان من أفضل المواسم.
وكانت وزارة البيئة قد وجهت الاسبوع الماضي، بعد انتهاء الموسم، إنذارات للمخيمين الذين لم يرفعوا مخيماتهم من أماكن التخييم في سيلين وخور العديد، مبينة أن هذه الانذارات مدتها يومان فقط، يتم بعدهما تحرير مخالفات في حال عدم الاخلاء والازالة وتنظيف المكان.



000

ليش اخر موسم للتخييم؟





http://www.raya.com/local/Rnews/Pages/2011-4-12-1773.aspx

[كتكوت الوحش]

معقوله

[غزلان]

معقوله


ماعرف ليش؟

[كتكوت الوحش]

ماعرف ليش؟

تتدرووون انا سمعت يمكن عشان بيستغلون هالمكان باعمال اعمار لسيلين والعديد يعني بيخلونها منتجعات سياحيه للدوله
وغير كذا بيشتغلون في مشروع الشارع الرئيسي لهاي المنطقه يمكن يكون هاي السبب

[بصمة قطرية]

مش واضحة المقالة ..
يتكلمون عن سيلين فجأة انتقلوا لمناطق تواجد الروض واحواض الغزلان ..!!

ومش ذاكرين السبب ليش آخر موسم ..!!!
قهر والله ..
ليش عاد ..!! :(

[abdulla4u]

متابع ..

[قطر دزاين]

ها المخيمات اكثرها اصبح مشبوه و العياذ بالله

[مهل]

ما اعتقد انهم فعلا يقصدون انه مافيه تخييم في سيلين و العديد .. صعبه صعبه صعبه .

و اذا يفكرون جديا في هذا الشي بيكون السبب هو جرف التربه الجائر من قبل الشركات بموافقه الدوله و تحت ناظري البيئه لاخذها الى مصنع الرمل


يعني يمكن يقصدون انه اخر موسم للتخييم لانه ماراح تكون فيه صعوس اساسا

[شبيــه الريح]

بتصير محميه لذالك هذا اخر موسم للتخييم

[تحداني]

هم خلوا بقعه جغرافيه جميله في قطر ما سوها محميه
مو باقي الا شوارع الدوحه اتصير محميه بعد " سبحان الله "


لو هالكلام بيصير فعليا
مستحيل يمر مرور الكرام على الشباب
راح يسون مظاهره عامه .. وعلى طاري الرمل
بالفعل هاذي كارثه بيئيه تحتاج لوقفه صارمه .. والقهر يقولون لك بموافقه من الدوله
اذا اين البيته من الطبيعه .. من المحميه " كل شي امخربط "



جملك الله برضى الرحمن

[بو خليفه 123]

1 محميات

2 توسعة المصانع البتروليه والبيتروكيماويه

3 توجيه شباب التخييم شمال بدلاً من جنوب

4 استغلال بعض المناطق للسياحه و انشاء مشاريع سياحيه



يا ويله الي يشوفونه بالدراجه يطعّس هناك .. تدرون وش بيسوون فيه ؟ :vampire:

[غزلان]

شكرا لكل من شارك ووضح لنا الأسباب

لكن .. هل فكروا في اماكن بديله للتخييم لأن اغلبها محميه

خاصه ان الأغلبيه تخييم لأن لامجال في الشتا غير التخييم وموسم التخييم قصيير ياريت لو البيئه تحدد اماكن بديله وتجهزها من الآن

[الوسيط العقاري]

مممم

اذن عام 2012


بنخيم يا في الصناعية او صوب السيتي سنتر ؟

[R 7 A L]

انا سمعت ان هالمنطقة بتصير محمية والله أعلـــــــــــــــــم

[بوحارب]

احسن

حياكم شمال شباب ابرك لكم من الفوضى اللي تصير في الجنوب :)

[أين الحل ؟]

1- تصكير ومحاصرة شواطىء قطر من كل جهة .
2- خطة ثانية بتصكير ومحاصرة صحراء قطر .
3- تصكير ومحاصرة الوظائف على المواطنين القطرين .
4- تصكير المشاريع التجارية على المواطنين وذلك بسبب رفع قيمة الأسعار الأجارية .
5- تصكير التأمينات الصحية وفتحها لجنسيات اخري.
6-تصكير باب التخريج الجامعي للطلاب بتصعيب الأمر علهم .
7- تصكير وتعطيل الترقيات في بعض الجهات .
8- تصكير زيادة الراتب على المواطنين .

الله المستعان ,,,

[البرونزي]

احسن

حياكم شمال شباب ابرك لكم من الفوضى اللي تصير في الجنوب :)

يارجال بروحنا نبي الهدوء شاردين عن الازعاج والمجنن والمرابيش
والظاهر ارتفاع الحوادث والوفيات بينتقل من سيلين لين الشمال
الله يستر

[بوخالد911]

بل

اليوم انصدمت لما عررفت
:(


يبووون الحفاظ ع جمال الطبيعة بالجنوب


طيب اللي خالف
لا تعطوونه تصريح
لازم ينحرم


والناس الملتزمة وش ذنبها؟

[AL_MUTAEM]

احسن لهم يمنعون التخييم وخلاص ..!!

من المفترض ذكر اسباب منع التخييم بمنطقة سيلين والعديد وليس المنع وانتهى الموضوع ..

اذا تبون الصج من يوم وجدت البيئه والمواضيع مخربطه بكرا يقولون ممنوع توقف فوق الطعس علشان ماتخرب الرمل ولا ممنوع تقص السيف .. اللهم لا شماته

[ALRAYYAN]

كل مكان يطل على البحر في الدوحه سكروه وضيقوا على العالم

من خلف الشيراتون لين نادي الدانه لين بحر ديانا لين بحر الريتز وانت رايح لين وصلوا سيلين

اخرتها اللي يبي بحر يخرج من بوسمره وماله الا سيف سلوى

[bo-ibrahem]

اذا كان السبب مشروع لتطوير قطر وانتاج منتجعات .. انا اشوفه ابرك

ومااعتقد بيكون لمنطقة العديد بالكامل

وانتو لاتسبقون الاحداث ..

وانشالله نشوف قطر في تطور مستمر


لان الصراحه الي قمنا نشوفه في سيلين هالايام غير عن ايام اول (( حوادث .. لامبالاه وعصيان الله في كثير من الامور .... الخ ))

[ابو محمد7]

ماخذنا شي من وراء هالتطعس والاستعراض غير الحوادث والاعاقات والوفيات

صج العقل زينة

[شجاع]

حرام بعدين وين يروحون الناس صارت قطر كلها محميات
الله المستعان

[باسكن روبنز]

والله أبرك ،

زادت الحوادث من أستهتار الشباب ،

لحد يقول احنا ملتزمين وغيرنا لا ،

المصيبه أن شخص واحد يخرب على 10 ،

[بحرالعيون]

كلام عار عن الصحة

والشخص الي صرح الظاهر بيتحاسب

وبتقولون إني قلت :)

[واحد في حاله]

اذا على المخالفات ٢٨ مخيم مخالف من اصل ٦١٠ مخيمات
مب ذاك الرقم الي يستحق الغاء التخييم في سيلين والعديد

واذا كان فيه اسباب ثانيه ليش مايذكرونها

[do7awi]

تنظيم التخييم كان المقصد منه معاقبة المخالف! و شنو يعني اذا كم واحد خالفوا.. شي متوقع اصلا!

انا ما احب سيلين .. زحمة و الناس تقط الوصاخة في على الطعس. قمنا نتطعس فوق جبل من الزبالة الله يعز القارئين.

الحين نفس المخالفين بيتجهون الى اماكن ثانية و بيخربونها علينا .. الله يستر.

شبه جزيرة قطر مافيها بحر.

[المتحدث الرسمي]

المكتب الهندسي يشرف على التخييم.. العام القادم

الدوحة - [: أعلنت وزارة البيئة
عن أن موسم التخييم الشتوي المؤقت
٢٠١١ " هو آخرموسم تشرف – ٢٠١٠"
عليه في منطقتي سيلين وخور العديد بعد
٧ سنوات من استقبال المخيمين بدأت
في ٢٠٠٤ وانتهت في ٢٠١١ على أن يتولى
المكتب الهندسي الاشراف على مواسم
٢٠١٢ – التخييم ابتداء من موسم ٢٠١١
وكانت الوزارة قد أعلنت أيضا عن
تحرير ٢٨ مخالفة للمخيمين بمنطقتي
سيلين وخورالعديد من بين ٦١٠ مخيمات
هي جملة المخيمين في المنطقتين خلال
موسم التخييم الشتوي المؤقت " ٢٠١٠
٢٠١١ " والذي انتهت فعالياته في ٣٠ –
مارس الماضي.
وأكد فهد الدهيمي مسؤول وحدة
سيلين بإدارة الحمايه والتأهيل البيئي
بوزارة البيئة على أن الوزارة وجهت
إنذارات للمخيمين الذين لم يرفعوا
مخيماتهم من أماكن التخييم ولكنهم
لم يمتثلوا لهذه الانذارات الأمر الذي دعانا
إلى تحرير مخالفات لهم.
وأشار الدهيمي إلى أنه تم تعديل
اوضاع أغلب المخيمين باستثناء ثلاثة
منهم لان مفتشي الوزارة على اتصال
دائم مع المخيمين فهدفنا الاساسي ليس
هو مجرد تحرير المخالفات بقدر ماهو
توعية للجمهور للمحافظة على البيئة
والحمد لله هذا الموسم كان من أفضل
المواسم

[همر]

1- تصكير ومحاصرة شواطىء قطر من كل جهة .
2- خطة ثانية بتصكير ومحاصرة صحراء قطر .
3- تصكير ومحاصرة الوظائف على المواطنين القطرين .
4- تصكير المشاريع التجارية على المواطنين وذلك بسبب رفع قيمة الأسعار الأجارية .
5- تصكير التأمينات الصحية وفتحها لجنسيات اخري.
6-تصكير باب التخريج الجامعي للطلاب بتصعيب الأمر علهم .
7- تصكير وتعطيل الترقيات في بعض الجهات .
8- تصكير زيادة الراتب على المواطنين .

الله المستعان ,,,


كل هذا ويقولون لك ليش تبون جسر للبحرين !!

نبي الجسر لأن اللي يبي "يقط نفسه بحر"

يقدر يشوف البحر من فوق الجسر بس !!

[رجل الجزيرة]

على طاري جسر البحرين، لين الحين ما سووا شيء؟

[AL_MUTAEM]

ياشباب التخييم بسيلين والعديد صحيح اخر موسم حسب تصريح البيئه ولكن من السنه الجايه اذا ربي احيانا بيكون التخييم عن طريق المكتب الهندسي اتوقع راح يكون التنظيم افضل :) وهذا نشر بالجريده ..

[مهل]

سؤال : من هو فهد الدهيمي ؟

ايش منصبه في البيئه ... وهل هو شخص صاحب سلطه او قرار في البيئه .

او انه شخص عادي الصلاحيات و صرح في جريده و الجريده استغلت الخبر كونه حدث مهم للكثيرين ؟

[cl63]

لاحول ولاقوة الابالله

[AL_MUTAEM]

سؤال : من هو فهد الدهيمي ؟

ايش منصبه في البيئه ... وهل هو شخص صاحب سلطه او قرار في البيئه .

او انه شخص عادي الصلاحيات و صرح في جريده و الجريده استغلت الخبر كونه حدث مهم للكثيرين ؟


مش مهم المنصب المهم انه موظف بالوزاره ..

صرح تصريح بالجريده والتصريح صحيح فهو اخر موسم للوزارة البيئه ومن الموسم القادم التخييم تحت ادارة المكتب الهندسي .
فكل الامنيات لهم بالتوفيق ومعرفة سلبيات المواسم الماضيه ومحاولة تلاشيها .

[MAZEN37]

بصراحه في ناس ما ينفع معاهم الا القانون
انا مع الاداره باي قرار مناسب للحفاظ على البيئه والاماكن العامه من التخريب والاستهتار والاستغلال-
ممكن وضع ظوابط وقوانين تكون صارمه اكثر للتخييم
الحمدلله في قانون في قطر روحوا شوفوا التخييم في الدول الثانيه لانه في تسييب وعدم اهتمام وين وصلوا.

[لابس بشت]

اذا منعوه في سيلين والعديد؟
وين يروحون الناس؟؟
انا السنه مارحت سيلين كلش
وعنتنا في الشمال
لكن كل الخيام بتجي شمال وبتستوي زحمه وخيمه في ظهر خيمه
خلوا العالم على راحتهم
ان شاء الله المكتب الهندسي الخاص ماله نيه بالمنع

[abn qatar]

بيبنون منتجعات وشاليهات حتى يأجرونها شوفو كم الاسعار بتوصل

[الـقـاسـي]

اما عاد يمنعون التخييم انا ماتفرق معاي ماحب اروح هناك اصلا ,, لكن ماتوقع القرار يتطبق بعدين اتوقع لين شهر 11 الجاي بينزل قرار انه مسموح وبعدين بيكنسلون القرار وعق بيردون يسمحون فيه تعودنا ع التخبط والسرعه في القرارات ..

[Rayane]

اكيد يبون يسوونها منتجعآت علشان تصير برسووووووم.....


تخيل انك تروح هناك علشان تستانس وتنسم هوا التواير وتخليه 18 وتتمشى على راحتك وتنبسط....؟ الحين خلاص... كل شئ بفلوس.... وعقب فتره بقدرة قآدر بتنقل المنتجعآت هذي من ملكية الدوله الى ملكية نفر من النفرآت وباذكركم...

ما اقول الا حسبي الله ونعم الوكيل.