المساعد الشخصي الرقمي

مشاهدة النسخة كاملة : :::...المجتمع القطري...مجتمع كاسر للمجاديف...:::...احم


The Master
13-04-2011, 10:36 PM
احم احم...ثم احم...

هلا ومرحب بكم جميعا...

المجتمع القطري..مجتمع كاسر للمجاديف...وللطموح...وللمبدعين...
مش في المنتدى وبس...وانما كذلك في حياتنا الواقعيه...
والامثله مجرد كم مثال...من امثله كثيرة في الحياة...




امس جاتني رساله عالخاص...ومنها ان هالشخص مدح مدونتي...لكن ماشارك فيها او كتب رايه في اي موضوع...طيب ليه يا افلان؟؟؟...دامها اعجبتك...خاصه انها حق واحد اقطري...وابن ابلادك...ويعتبر انه شي طيب انه يكتب...واعجبتك كتابته...فا بيكون ردك في مدونته تشجيع منك له...ومؤازرة بالاستمرار والعطاء...وهذا كله من خلال ردك...في مدونته...

لكن كان جوابه في عدم المشاركه او الكتابه ف يالمدونه...هو "انه ماله بارض"...يعني متعييز...او خلنا انقول...متكسل انه يرد...

طبعا هالعضو مب اول شخص يقول لي هالكلام...فا قبله ناس قالوا نفس الكلام...


طيب نجي لشي ثاني...

اخبر ايام كاس اسيا...في موضوع انطرح هنا في الحوار العام...وكان يتكلم عن الاخ اللي صنع ورسم التعويذة وهي "الجربوع"...او "السبوق"...

تعال شوف الردود...شي غريب وتفكير محطم...
اللي قال ان ماعنده سالفه...
واللي قال يعني مالقى غير الجربوع يعني؟؟؟...
واللي طاح في شخصه وقبيلته...
واللي تكلم اشيا مالها اي شغل في الموضوع...لكن شي سلبي...
واللي واللي واللي...


وشي ثالث...

وحده اقطريه امنزلة لها كتاب...هي مألفته...وكاتبته...وانشرته في الاسواق...

ونزل موضوع بخصوص هالكتاب...
يجونك الاعضاء...
اللي تكلم في شخصها ومذهبها...وطاح فيها...
اللي قام يستهزأ فيها وفي كتابها...
اللي قام ينتقد المحتوى ب اسلوب ساخر ومنرفز ومحطم...
واللي واللي واللي...



ب النسبه للشي الاول...

وعن عدم مشاركة الناس للمدونه...

اولا نحن نواجه شح...وندرة في تواجد كتاب قطريين في الساحه...وقليل منهم من يكتب ويظهر كتاباته...
فا وش دوركم انتم كا قطريين اذا لقينا كاتب قطري؟؟؟

شي طبيعي انشجعه وانأزره...وانوقف معاه...
اذا كتاباته طيبه انشجعه عشان يزيد...
واذا توجهه او كتباته لك عليها انوجهه...وننصحه...

لكن في كل الاحوال انوقف معاه...

يعني ابصراحه...مدونتي زوارها تقريبا يوميا يصل ل 50 زائر...واغلبها من قطر...
لكن تعال لاغلب المشاركات تلقاها من خارج قطر...
اشكر المتابعين...واللي يشاركون وهذا شرف لي...
لكن انتوا يا اعيال ابلادي تفرق عندي كثير لما اتواجدون...واتشاركون...فا انتوا الاساس...وانتوا اللي افتخر لما اشوفكم معاي...
وهالكلام مب انا وبس...اغلب اللي عندهم مدونات او مكان للكتابه...واقطري...تلقاه يقول نفس كلامي...
واتركوا عنكم الكسل...واعرفوا...ان لما نفتقر لتواجدكم...وتشجيعكم...بنذبل...وينزل مستوانا...فا هالشي لا انتوا ولا حنا نبغيه...


وبالنسبه للشي الثاني والثالث...

بغض النظر عن المشروع...وايش هو...

يا الربع...الواحد لما يفكر او يصنع...او يكتب...
فا هالشي مب سهل...خاصه وحنا شعب دائما غيرنا يقومون ب اعمالنا...
فا تخيل تواجد هالموهبه...وهالابداع...
الا تستحق التشجيع...والمؤازرة...والوقفه معاهم؟؟؟

يعني ليه هالتحطيم...وليه هالسلبيه...وليه هالكلمات اللي اتقولها ولا تلقي لها بالا...ولا في شعور المتلقي...


اذا كان المشروع مب عاجبك...تقدر اتشجعه...واتوجهه...واتقول وجهة نظرك...
لكن قدر اللي هو سواه...واللي اعمله...
لان لو جيت للحقيقة والواقع...وانعرض عليك اتسوي هالعمل...يمكن ماراح اتسويه...وتبدع كما هو ابدع...او كما هو فكر فيه...

فا الكتابه والرواية مب شي سهل...ويحتاج وقت...وعصارة فكر...وخيال...وتنسيق...
فا هذا ابداع...ويحتاج وقفة وتأمل...وثناء...ان هالشخص اقطري...
احتمال يكون جاري...ودرس معاي نفس المدرسه...لكنه تعب اكثر...وابدع...


فا ياجماعه...اتمنى منكم اتحاسبون...واتفكرون في اللي يبدعون...بغض النظر عن العمل...
نقدر ننتقد...لكن نفس الوقت يكون تشجيع...وباسلوب يرفع ويرقي الشخص نفسه...

وبسنا تحطيم...وكسر مجاديف لعيالنا...
واتلومون ليه اللي فوقكم يعتمدون على العيون الشقر؟؟؟
كله منكم...ومن تحت يدكم...يا كاسرين المجاديف...
وما اتكلم عن اللي في المنتدى وبس...وانما في حياتنا واللي حولنا...

هذي رسالتي...وحبيت اوصلها...

والسموحه عالاطالة...
اخوكم علي...
The Master
13-04-2011, 10:59 PM
نسيت اضيف...

هل الاسباب لهالمعامله...

هي عدم بعد نظر...والرؤية الثاقبه للامور...
ولا حقد وحسد من البعض؟؟؟
khaleeji
13-04-2011, 11:20 PM
والله يابوحسن ان هل قطر لو يخلون القراده والحسد بيصيرون احسن شعب في العالم

الله يهدي الجميع
مريومة
13-04-2011, 11:30 PM
اختلف معاك في التعليل على النماذج اللي ذكرتها
الكبير الله
13-04-2011, 11:30 PM
الشعب القطري مثل باقي الشعوب يشيدون باللي يستحق الاشادة وينتقدون ما يستحق الانتقاد الاختلاف فقط في الاسلوب

مثال للنقد المحفز/ تستطيع كتابة ماهو افضل

مثال للنقد القطري/ والله من كثر الهذرة ماعندك سالفة
بوخالد911
13-04-2011, 11:35 PM
قالوها عزيزي : واثق الخطوة يمشي ملكا
The Master
13-04-2011, 11:36 PM
والله يابوحسن ان هل قطر لو يخلون القراده والحسد بيصيرون احسن شعب في العالم

الله يهدي الجميع

الغريب ان ماعليهم اقصور...
ويعتبرون من ارقى الشعوب...من خلال المعيشه والتعامل...

لكن ليه الحسد والقرادة؟؟؟ :rolleyes2:

شي غريب الصراحه...

لكن هل هالشي موجود فعلا...
بس ما اخفيك اني سمعتها مرات كثيره...ان حنا ماراح ياكلنا غير الحسد على بعضنا...

الله السمتعان...

امين يارب...
ولاهنت عالمرور الطيب...:nice:
بدون
13-04-2011, 11:37 PM
الله يعطيك العافية يالماستر و موضوعك مهم جدا

كثيرا ما سألت ناس حولي و حوالي عن رأيهم في شيء عملته أنا أو حد متفنن في شيء ما أسمع ألا ردود سلبية تجيب المرض, فأصبحت لا أستشير إلا من أثق بأن عندهم الثقة بالنفس في إبداء الرأي و حتى الانتقاد يكون باسلوب إيجابي في كيفية تحسين الأداء.

هي مسألة نقص ثقة و خوف من تفوق الآخر مما يجرهم للحسد الذي يعمي القلوب قبل العيون

الله يوفقك يا ابو حسن
The Master
13-04-2011, 11:40 PM
اختلف معاك في التعليل على النماذج اللي ذكرتها

اتمنى رؤية الاختلاف اين...
ولماذا...

يمكن وقعنا في خطأ...وجل من لا يخطئ...
The Master
13-04-2011, 11:43 PM
الشعب القطري مثل باقي الشعوب يشيدون باللي يستحق الاشادة وينتقدون ما يستحق الانتقاد الاختلاف فقط في الاسلوب

مثال للنقد المحفز/ تستطيع كتابة ماهو افضل

مثال للنقد القطري/ والله من كثر الهذرة ماعندك سالفة

هذي نقطه ثانيه انت اثريتنا ابها...
وهي الاسلوب...

شي غريب فيهم...وفي اسلوبهم...اتمنى انهم يتطورون...ويتطور اسلوبهم الكاسر للمجاديف...

واشكرك على هالنقطه...
لاهنت...:nice:
The Master
13-04-2011, 11:46 PM
قالوها عزيزي : واثق الخطوة يمشي ملكا

اولا...عاش من شافك اخوي بوخالد...نورت :nice:

ثانيا...اتفق معاك في المثل اللي قلته...200 بالمية...

لكن هم بعد في مثل...كثر الدق...يفك اللحام...
ولو الواحد مهما كان قوي وواثق...وكان الكلام يحطم ويحطم ويحطم...فهل بيكون قوي عشان يتصدى لهم؟؟؟

اشوفها صعب...لكن مب مستحيل...:)
sara jsm
13-04-2011, 11:51 PM
والله كلامك صحيح 100%
يمكن حسد او غيره ,,
يمكن خجل من وجود نموذج لمثل هالشخصية في المجتمع ,,
وترى اكثر اللي يحطمون هم الاهــــــــــــــل \ سوا للبنت او الشاب ,,
وكلمة دايما نسمعها ,, تحسب نفسك فلان ولا بتصير نفس علان ( اسماء مبدعين في نفس المجال )
دايما في نظرة سلبيه لبعض هالامور ,, لازم البيت يكون كله منفتح عشان يتقبلونه بينهم ,,
:weeping: عجيب موضوعك والله ,,
intesar
13-04-2011, 11:56 PM
وأنا هم انكسرت مجاديفي
يعني يوم ألفت أول كتاب طبخ لي .. قعدت في المعرض أشوف ردود الناس .. لو قالوا الكتاب لدولة ثانية كان خذوها حتى لو بألف ..
الشركة اللي سويتها من عرق جبيني .. تعال شوف بعضهم يقول لك ايه شركة قطرية بس الشغالين فيها لا .. لو يشوفون اني مداومة واشتغلت كل شي بالشركة .. لو كنت قايلة لهم شركة من برع كان وصلوني القمر ..

اللي زعلني أكثر نظرتهم لما يقول لهم الكاتبة قطرية .. وجيهم جنها عقارب عليها .. بالضبط

شي يحزن .. أنا لما يقولون لي هذا من يد قطري أفرح واستانس .. فعلا ليش النظرة الدونية للمنتج الوطني وللكفاءات القطرية ..

دمتم بود ....
بـ فيصل ـو
14-04-2011, 12:03 AM
احم احم...ثم احم...

....
يعني ليه هالتحطيم...وليه هالسلبيه...وليه هالكلمات اللي اتقولها ولا تلقي لها بالا...ولا في شعور المتلقي...
....

إجابة سؤالك : الحسد..
مالها إجابه ثاني .. فهم ما يقدرون يسوون مثلك أو ينافسونك .. فتلقاهم يحسدون ويكسرون همتك.. هالطبع موجود في العرب كلهم.. إلا من رحم ربي..

وأنوه بأن الاجابه ماتنطبق على كل الأمثله اللي ذكرتها لنا .. أنت أعطيت أكثر من مثال .. ولكل مثال حاله تخصه .. وبالتالي لا يمكن إعطائها نفس الإجابه أعلاه ..

مثلا .. الكاتبه اللي ذكرتها .. أنا قريت لها .. وكانت كتاباتها بالفعل تحتوي على سموم .. وليست مجرد سطور في كتاب .. فهل تريد هذه الكاتبه تشجيع لبث هذه السموم!!
لذا تم البحث عنها بدقه .. وتم الإكتشاف بأن كل من على دينها يأتي بالخراب على المجتمعات .. وهنا جائت الردود بالشكل السلبي الذي ذكرت انت.. فلم يكن حسدا هنا وإنما عدم تشجيع للخزعبلات التي تكتبها .. والايادي الخارجيه من اصحاب نفس الديانه لا تزال تدعمها.. وهي في طور كتابة كتابها الثاني الآن.. نسأل الله السلامه..
The Master
14-04-2011, 12:35 AM
الله يعطيك العافية يالماستر و موضوعك مهم جدا

كثيرا ما سألت ناس حولي و حوالي عن رأيهم في شيء عملته أنا أو حد متفنن في شيء ما أسمع ألا ردود سلبية تجيب المرض, فأصبحت لا أستشير إلا من أثق بأن عندهم الثقة بالنفس في إبداء الرأي و حتى الانتقاد يكون باسلوب إيجابي في كيفية تحسين الأداء.

هي مسألة نقص ثقة و خوف من تفوق الآخر مما يجرهم للحسد الذي يعمي القلوب قبل العيون

الله يوفقك يا ابو حسن

هلا ومرحب اخوي بدون...ونورت...وينك مختفي؟؟؟ وحشتنا :)

لله يعافيك يارب...واشكرك على اهتمامك...

هذا انت قلتها...ليه هالتفكير اللي يدبل الكبد...
وين الوعي الديني...وين الاخلاق الحميدة...والمسلمة...حب الخير للناس...
وانك اتحب الخير لغيرك مثل ما تحبه لنفسك...

يعني الحمدلله انك عينت ناس ثقه...يشجعونك...وخذتهم لك كا استشاريين...ومنتقدين...

لكن في غيرك كثير...ماعندهم هالناس الثقاة...ولا اللي يلجأون لهم وقت النقد...
فا الكل السانه لاذع...ومنتقد ب اسلوب ساخر...

الله يعينا اذا كان الحسد فقط هو السبب...وان شاء الله مايكون...لان لو كان...بيكون شي كبير...ومصيبة...

وياك يارب...واسعدتني شوفتك وانا اخوك...ونورت...

ويامرحبا بك...ولاهنت عالاضافة الجميلة...:nice:
The Master
14-04-2011, 12:47 AM
والله كلامك صحيح 100%
يمكن حسد او غيره ,,
يمكن خجل من وجود نموذج لمثل هالشخصية في المجتمع ,,
وترى اكثر اللي يحطمون هم الاهــــــــــــــل \ سوا للبنت او الشاب ,,
وكلمة دايما نسمعها ,, تحسب نفسك فلان ولا بتصير نفس علان ( اسماء مبدعين في نفس المجال )
دايما في نظرة سلبيه لبعض هالامور ,, لازم البيت يكون كله منفتح عشان يتقبلونه بينهم ,,
:weeping: عجيب موضوعك والله ,,

هلا ومرحب اختي ساره...
الصراحه انتي من الناس اللي دايما ما اشوف ردودك ونقدك ايجابي...للجميع...
ودائما مواقفك ايجابية...واتشجعين المبدعين...
فا كل الشكر لك ولتواجدك...واتمنى الجميع يتعلم منك...ومن اسلوبك...وطريقتك في الرد...
فا الله يجزاك خير...وكثر الله من امثالك :nice:

نرجع للمشاركه...

كلامك صحيح...وهذي مشكلة ثانية...تشكرين لتطرقك لها...
واشوفها كبييييرة...لان اذا البيت كذا...ويحطمون الواحد...فا وش بيكون المتوقع من اللي بره البيت...اكيد ماراح يكون هناك توقع لشي طيب او مشجع...

لكن مب الكل...
فا انا بالنسبه لي...والحمدلله...الاهل والاخوان والربع...يشجعون...ومع الابداع...فا الحمدلله اني منهم...:)

والله يعين اللي في عائلة محبطة...الصراحه مايترقع...:secret:

لكن هذا عندنا كم مبدع...وعبقري...طلع من مجتمع محطم...واولهم نيوتن :)

على العموم...
نحتاج تثقيف...ووعي...ومثل ماقلتي الناس تحتاج تفتح اعقولها شوي...واتفهم...وتفهم...واتثقف...

والله المستعان...

تشكرين على الاضافة المتميزة...وهذا ماهو بغريب عليك...دائما وابدا ردودك اتكون طيبة...ومثرية...

لاهنتي على التواجد...
ويامرحبا بك...:nice:
The Master
14-04-2011, 12:58 AM
وأنا هم انكسرت مجاديفي
يعني يوم ألفت أول كتاب طبخ لي .. قعدت في المعرض أشوف ردود الناس .. لو قالوا الكتاب لدولة ثانية كان خذوها حتى لو بألف ..
الشركة اللي سويتها من عرق جبيني .. تعال شوف بعضهم يقول لك ايه شركة قطرية بس الشغالين فيها لا .. لو يشوفون اني مداومة واشتغلت كل شي بالشركة .. لو كنت قايلة لهم شركة من برع كان وصلوني القمر ..

اللي زعلني أكثر نظرتهم لما يقول لهم الكاتبة قطرية .. وجيهم جنها عقارب عليها .. بالضبط

شي يحزن .. أنا لما يقولون لي هذا من يد قطري أفرح واستانس .. فعلا ليش النظرة الدونية للمنتج الوطني وللكفاءات القطرية ..

دمتم بود ....

هلا بك اختي رامو...

ابصراحه...الله يعينك على هالمجتمع...اللي اقرب مثال له...عين عذاري...تسقى البعيد واتخلي القريب...

والله كلي فخر انك اقطريه وبنت ابلادي وألفتي اكتاب...اسميه انجاز...وشي كبير...
وتستاهلين المدح والثناء...ياما ناس حاولوا وابذلوا...لكن ما اقدروا يسوون هالشي...وماشاء الله عليك انتي قدرتي ونجحتي...
فا تستاهلين كل خير...وبارك الله فيك...

وعن الشركة...شي طيب الصراحه...وشي يفرح الواحد انه يشوف اقطريه ناجحه...والاهم انها ابذلت وفكرت واصنعت...هذا بحد ذاته في نظري انجاز...
خاصه مقارنه ب الناس اللي اغلب وقتهم اكل ومرعى...وقلة صنعى...
وفالحين بس في الطنازة...والاستلام...والعقار...والحسد...

ممكن اختي طلب...

ياريت لو تذكرين لي اسم كتاب الطبخ...
والشركه...
عشان يكون لنا الشرف ب متابعتها وقرائتها...
والشركة انشوف وش هي...ويكون هناك تعاون...
وايضا عشان الموجودين...فا اكيد الناس تبغي الخير...وان شاء الله هي كذلك...


وكل الشكر على المرور والتواجد اللي اسعدني الصراحه برغم الحزن والتعب فيها...لكن وجود مبدع قطري...فا هذا اللي اسعدني...وان شاء الله تستمرين ...ومنها للاعلى يارب...

وكفاية انتي مثال حي للمبدع القطري...وكيف تم التعامل معاه...

نورتي...ويامرحبا بك...:nice:
الشمالي111
14-04-2011, 01:30 AM
اخوي ماستر

لازم يكون هناك جانبين لكل شي وفي موضوعك انت تتكلم عن النقد وبطبيعه النقد يكون فيه البناء والهادم ومثل ما انت ذكرت فوق النقد الهادم فيه ناس امدحو فيهم وقالو انهم مبدعين قالو عن اللي رسم التعويذه انه مبدع وانه جاب شي من بيئه قطر واللي كتبت الكتاب بعد في ناس امدحوها وشرو كتابها يعني فيه اللي يكسر المجاديف وفيه اللي يرفع من معنوياتك

وفي النهايه ارضاء الناس غاية لا تدرك

تقبل مروري
جامعي
14-04-2011, 01:41 AM
الســلام عليــكم ورحمة الله

جبتهــا يــاخوي ع العــوق ,, وهذي هي الحقيقة المــرة للأسف

يمكــن اللي بكتبه بيزعــل القطرييــن بس أنا ماجبت شي من عندي

هذا هو الواقـــع ونظرة الغــير لنا ,,


(( دكتورنــا الله يذكره بالخير ..

يقوول ان كل شعب الناس تاخذ تصور عنهم، بدون ذكر اسماء للحساسية

فمثلا فيه شعب مضرب للكسل ..وشعب ثاني للخداع والحيلة ... المهم

سألنا ياترى الناس شلون تشووف القطريين ..!!




شعب حسود للأسف والله ..وأكثر من واحد قاله هالشي



استغربت مثلكم بس لما فكرت فيها اشوي لقيت ان هذا

هو الواقع ..تحصل واحد عنده خير احسدوه في خيره

واحد تميز في شغله فلانيه ..على طووول الحسد شغال



يمكن هالشي موجود بالفعل بس إن شا الله مايسود

ويوقف عند حده ويختفي هالشي ونبين للناس ان

الشعب القطري جسد واحد ..ونجاح القطري نجاح

لقطر كلهــا ..وتميزه بتميزنا لان احنا في النهاية

بنرفع راية قطر اللي هي جزء لايتجزء من الدول الاسلامية




والله يكفينا شر الحاسدين المحبطين السلبيين

وكلــنا قطــر قــول وفــــعل
الـراسي
14-04-2011, 07:59 AM
الســلام عليــكم ورحمة الله

جبتهــا يــاخوي ع العــوق ,, وهذي هي الحقيقة المــرة للأسف

يمكــن اللي بكتبه بيزعــل القطرييــن بس أنا ماجبت شي من عندي

هذا هو الواقـــع ونظرة الغــير لنا ,,


(( دكتورنــا الله يذكره بالخير ..

يقوول ان كل شعب الناس تاخذ تصور عنهم، بدون ذكر اسماء للحساسية

فمثلا فيه شعب مضرب للكسل ..وشعب ثاني للخداع والحيلة ... المهم

سألنا ياترى الناس شلون تشووف القطريين ..!!




شعب حسود للأسف والله ..وأكثر من واحد قاله هالشي

استغربت مثلكم بس لما فكرت فيها اشوي لقيت ان هذا

هو الواقع ..تحصل واحد عنده خير احسدوه في خيره

واحد تميز في شغله فلانيه ..على طووول الحسد شغال

يمكن هالشي موجود بالفعل بس إن شا الله مايسود

ويوقف عند حده ويختفي هالشي ونبين للناس ان

الشعب القطري جسد واحد ..ونجاح القطري نجاح

لقطر كلهــا ..وتميزه بتميزنا لان احنا في النهاية

بنرفع راية قطر اللي هي جزء لايتجزء من الدول الاسلامية




والله يكفينا شر الحاسدين المحبطين السلبيين

وكلــنا قطــر قــول وفــــعل

السلام عليكم ورحمة الله وبركاته

بدون زعل ولحد يا خذ بخاطرة من الكلام اللي بقولة

مهما كان الواحد لازم يغار على اهله وما يرضى عليهم الكلام مهما بدر منهم من شي

الحين كل اهل قطر فيهم حسد واذا كان فيهم حسد على قولة بعض الاعضاء

هذا الشي انتو اللي زرعتوه من كلامكم

ليش نصف اهلنا بالحسد تبون نصير حساد بالغصب

عموماً ليش ما نقول ان السبب الاول لعدم دعم المواطن القطري هي الدولة

اختنا تقول انها سوت الكتاب من حسابها الخاص وين دعم الدولة للكتاب

مب المفروض ان الدولة تدعم المواهب القطرية وتشجعم

ليش كله السبب من المواطن القطري

معليش هذا الكلام ما بدر مني الا غيرة مني على اهلي واعيال بلادي دون تقصير باحد
R 7 A L
14-04-2011, 08:04 AM
توكل على الله عزوجل وأدعس
ولاتنظر الى ( الغبرة )
الصريحه
14-04-2011, 08:05 AM
الاسلوب يختلف من شخص واخر واكيد يدل على تربيته
فما يهم الناجح والمتميز اي اسلوب بينرد عليه
واختلاف وجهات النظر شيء طبيعي
برزان
14-04-2011, 09:14 AM
حط لنا رابط مدونتك بندخل عليك وبنعلق ولا يصير خاطرك الا طيب :)
ابو محمد7
14-04-2011, 09:30 AM
اتفق مع الكثير من ماجاء في موضوعك

هي ثقافة سلبية عند البعض وقاعدة تنتشر وتتناقل من شخص لاخر

حتى في بعض المواضيع اللي تخص بلدنا قطر يتم التركيز على كل ماهو سلبي ويكون النقد هدام وتذكر السلبيات فقط ولاتذكر الايجابيات !!!

يعني كما اقول دائما البعض ليس فقط لاينظر الى الجانب المملؤ من الكوب ولكنه لو الكوب 90 % ممتلىء راح ينظر الى ال 10% من الجزء الفارغ

يعني كمثال ممكن الدولة تسوي مشروع فيه الكثير والكثير من الجوانب الايجابية ويروح اخونا في الله واذا شاف له وحده بلباس غير محتشم انتقد المشروع كله وانتقد البلد وهدم كل شي !!!

لازم يكون في توازن واعتدال ونشر لثقافة الايجابية والامل والتفاؤل والتوكل على الله والرضى والقناعة
قطرية فذة
14-04-2011, 09:44 AM
السلام عليكم ورحمة الله وبركاتة

ننظر من ناحية ايجابيه ولنكون معاً مجتمع به اشخاص ايجابيون يتفاعلون ويتقدمون بالتطوير

مثال الاخت التي صنعت الكتاب وكاتب الموضوع

هل من ايجابيون يودون الانضمام

كلنا نكون مجتمع ممكن ان يكون كيان يمكن ان يجعل منك شخصا ً فعالاً

مارئكم؟
ورقة غار
14-04-2011, 09:47 AM
السلام عليكم ......جواب تساؤلك هو :


الحســــــــــــــــــــــــــد
واحد دوت كوم
14-04-2011, 10:20 AM
صح مجتمع كاسر للمجاديف مجتمع لديه حب للانتقاد اكثر من الاطراء والمدح من الام، الاب ، الاخ ، الصديق ، المربي ، المعلم ، الرئيس ، المدير ، الا من رحم ربي ...................
روح الاطلس
14-04-2011, 10:25 AM
باااااااال انصدمت

هل فعلا الشعب القطري حسود؟؟؟

انا لاحظت صح بس ما اعمم واقول انها صفه عامة

يمكن فيه غيره ولاحظتها بكثرة

يمكن فيه شوي حنق وتباغض وتباعد

بحكم اني عاشرت اكثر من شعب اقدر اقول ايه فيه بعض من هذي الصفات

فيه شوفة نفس وانا مافوقي فوق
فيه تباعد

فيه قلة ثقافة وكثير من الاهتمامات السطحية

لكن هذا موجود بكل الشعوب

ما اظن الحسد هو اللي يخليك تقول ان القطري مايفرح لانجازك

بينما اظن قلة الوعي او الكسل او غياب روح الابداع

ولا تلوم الشعب لوم من صنع هذا الشعب

ان كان الشعب يهتم بامور سطحية ( مولات - تطعيس - سيلين - بي بي - شعر طويل- ترقيم - ملاحقة بنات والخ ) فالملامة تقع اولاً على من ربى الشعب بأن لا تكون لديه اهتمامات او ابداعات

وين التحفيز وين التشجيع وين الدعوة للانجاز والابتكار ؟؟ كل الطرق مسدودة مافي مراكز مافي علماء مافي دورات

شوف الكويت مثلا بارزين في مجال التنمية البشرية
شوف السعودية بارزين في مجال الدعوة الدينية

احنا بارزين في شنو؟؟ تبي اقولك؟

بارزين في الرياضة والاعلام :)
وياليتها ببصمة قطرية ! الا بصمات مستوردة ومعلبة بالجاهز
chillis
14-04-2011, 10:25 AM
اعتقد الموضوع او الاختراع او التصيمياو الكتاب يستحق الاشاده بتلقاها لكن اذا هو دون المستوى لازم بينتقد عادي وماظن في تحطيم بس في اختلاف اراء فقط
الجسراوي
14-04-2011, 10:27 AM
لا تعليق
The Master
14-04-2011, 01:04 PM
إجابة سؤالك : الحسد..
مالها إجابه ثاني .. فهم ما يقدرون يسوون مثلك أو ينافسونك .. فتلقاهم يحسدون ويكسرون همتك.. هالطبع موجود في العرب كلهم.. إلا من رحم ربي..

وأنوه بأن الاجابه ماتنطبق على كل الأمثله اللي ذكرتها لنا .. أنت أعطيت أكثر من مثال .. ولكل مثال حاله تخصه .. وبالتالي لا يمكن إعطائها نفس الإجابه أعلاه ..

مثلا .. الكاتبه اللي ذكرتها .. أنا قريت لها .. وكانت كتاباتها بالفعل تحتوي على سموم .. وليست مجرد سطور في كتاب .. فهل تريد هذه الكاتبه تشجيع لبث هذه السموم!!
لذا تم البحث عنها بدقه .. وتم الإكتشاف بأن كل من على دينها يأتي بالخراب على المجتمعات .. وهنا جائت الردود بالشكل السلبي الذي ذكرت انت.. فلم يكن حسدا هنا وإنما عدم تشجيع للخزعبلات التي تكتبها .. والايادي الخارجيه من اصحاب نفس الديانه لا تزال تدعمها.. وهي في طور كتابة كتابها الثاني الآن.. نسأل الله السلامه..

هلا بك اخوي بوفيصل...

كلام جدا جميل...وهذا ما لوحظ في مجتمعاتنا...وطبعا انقول البعض...

لكن السؤال... ما اتشوف ان جواب سؤالي هو الحسد...ولو جينا لاكثر التساؤلات التحطيميه والمحبطه هو الحسد...وكأنه شماعة لسلبية فينا...

مادري لكن اشوف ان فينا سلبية ثانية...وهي اللا مبالاة...والكسل...والنفسية...
يعني مثلا ارد اي شي...بس اللهم اني رديت...كان مدح ولا ذم...او اني ابغي ارد...لكن الحين متكيسل...فا بعدين..وننسى...
وعندك سالفة النفيسة...والبارض...

فا اسباب كثيرة...مش الحسد وبس...

نرجع لموضوع الكاتبة...ورايك في كتابها...امممممم
احترم وجهة نظرك...خاصه اذا كنت من الناس اللي تابعوا الامر...

لكن ما اتشوف ان كان من الافضل...لو وجهناها...ووضحنا لها الامر...
وبينا لها ان بعض الامور اللي كتبت في الرواية كانت تحتاج للتغيير والاسباب هي كذا وكذا وكذا...

وش ثاني اخوي...
انا معاك في اللي انت قلته...ووجهة نظرك اتفق معاك فيها...

لكن ترا قطر مب لنا ابروحنا...يعني المذهب الثاني له حق...في دولة قطر...
فا مثل مالنا حق...لهم هم كذلك...لكن بشرط عدم تعدي الحدود...والتطاول...والامور الخارجه عن الاخلاق والاداب...بغض النظر عن اللي اكتبته الكاتبه...وانما قصدي بشكل عام...
وهذي وجهة نظري...فا لما تكلمت عنها...مافكرت في انها من ولا من...اهم شي هي اقطريه...وبنت ابلادي...هذا بشكل عام...وما احاول ادخل في الخصوصيات كثير...

على العموم...
اشكرك على تواجدك...وكان مثري...وطيب...وبينت شي مفيد...ووجهة نظر يحملها الكثير من حولنا...


يامرحبا بك...
ولاهنت على التواجد...:nice:
The Master
14-04-2011, 01:13 PM
اخوي ماستر

لازم يكون هناك جانبين لكل شي وفي موضوعك انت تتكلم عن النقد وبطبيعه النقد يكون فيه البناء والهادم ومثل ما انت ذكرت فوق النقد الهادم فيه ناس امدحو فيهم وقالو انهم مبدعين قالو عن اللي رسم التعويذه انه مبدع وانه جاب شي من بيئه قطر واللي كتبت الكتاب بعد في ناس امدحوها وشرو كتابها يعني فيه اللي يكسر المجاديف وفيه اللي يرفع من معنوياتك

وفي النهايه ارضاء الناس غاية لا تدرك

تقبل مروري

هلا بك اخوي الشمالي...

كلامك منطقي اخوي...لكن اذا كان شي طبيعي...والنقد موجود...واللي انت اتقول عنه هو تقييم...

لكن ربعنا غير...صدقني غير...غريبين الصراحه...
يعني اخبر الردود تعدت ال 100 رد...
اغلبها استلام...وتطنز...وتحطيم...
لكن اللي امدحوا وشجعوا اعيال البلد او المبدع...كانوا ينعدون بالاصابع...
وتعال شوف اللي تكلموا في شخصه وقبيلته...اعداد غريبة...ومنرفزة...

يعني بتقول لي هذا شي طبيعي؟؟؟
ناس تمدح وناس اتذم؟؟؟

ولو جينا للواقع...المدح والذم يكون ب اسلوب انك اتشجع الشخص نفسه...خاصه ان ابلادك تفتقر ل هالناس المبدعه...والناس اللي تنجز...
فا امدح وشجع...ومب مشكلة ذم...لكن هم بعد شجع عشان يسوي شي احسن...ويتفادى سلبياته في المرات الجايه...
لكن ربعنا...حطمه وكسر مجاديفه...وهالاسلوب كان بقصد ولا بدون قصد...هو اللي جعل الاغلب يقولون ويرسخون فكرة ان حنا شعب حسود وحقود...ومايحب الخير...

على العموم...
تشكر لتواجدك...ومعاك حق ارضاء الناس غاية لاتدرك...لكن مب اي ناس يعتبرون ناس...:)

يامرحبا بك...واشكرك على وجهة نظرك...
لاهنت...
M!$s ĀŁ!eN
14-04-2011, 01:15 PM
يسعني القول ان الله يشفيهم
منهم السلبي منهم الايجابي ..
almaf1a
14-04-2011, 01:17 PM
look on the bright side
The Master
14-04-2011, 01:25 PM
الســلام عليــكم ورحمة الله

جبتهــا يــاخوي ع العــوق ,, وهذي هي الحقيقة المــرة للأسف

يمكــن اللي بكتبه بيزعــل القطرييــن بس أنا ماجبت شي من عندي

هذا هو الواقـــع ونظرة الغــير لنا ,,


(( دكتورنــا الله يذكره بالخير ..

يقوول ان كل شعب الناس تاخذ تصور عنهم، بدون ذكر اسماء للحساسية

فمثلا فيه شعب مضرب للكسل ..وشعب ثاني للخداع والحيلة ... المهم

سألنا ياترى الناس شلون تشووف القطريين ..!!




شعب حسود للأسف والله ..وأكثر من واحد قاله هالشي



استغربت مثلكم بس لما فكرت فيها اشوي لقيت ان هذا

هو الواقع ..تحصل واحد عنده خير احسدوه في خيره

واحد تميز في شغله فلانيه ..على طووول الحسد شغال



يمكن هالشي موجود بالفعل بس إن شا الله مايسود

ويوقف عند حده ويختفي هالشي ونبين للناس ان

الشعب القطري جسد واحد ..ونجاح القطري نجاح

لقطر كلهــا ..وتميزه بتميزنا لان احنا في النهاية

بنرفع راية قطر اللي هي جزء لايتجزء من الدول الاسلامية




والله يكفينا شر الحاسدين المحبطين السلبيين

وكلــنا قطــر قــول وفــــعل

وعليكم السلام ورحمة الله وبركاته...

يلا حيهم اخوي جامعي...:nice:

ليش لا...احتمال ماقيل شي حنا ما انعرفه...عن نفسنا...الناس يشوفنه فينا...وحنا ماندري به...

وان شاء الله مايسود...ويختفي...والعقول تكبر...واتطور...
ولازلت اقول...مب الحسد وبس...في اشيا ثانيه ذكرتها في ردودي فوق...

وان شاء الله انكون جسد واحد..مترابط...يد وحدة...
لان في النهايه كله اللي نسويه لقطر...ونرفع فيها اسم قطر...

امين يارب...

الاهم...وقفتكم مع المبدعين...وتشجيعكم لهم...هو الدافع...

لاهنت عالمشاركه المميزة...
ويامرحبا بك...:nice:
The Master
14-04-2011, 01:30 PM
السلام عليكم ورحمة الله وبركاته

بدون زعل ولحد يا خذ بخاطرة من الكلام اللي بقولة

مهما كان الواحد لازم يغار على اهله وما يرضى عليهم الكلام مهما بدر منهم من شي

الحين كل اهل قطر فيهم حسد واذا كان فيهم حسد على قولة بعض الاعضاء

هذا الشي انتو اللي زرعتوه من كلامكم

ليش نصف اهلنا بالحسد تبون نصير حساد بالغصب

عموماً ليش ما نقول ان السبب الاول لعدم دعم المواطن القطري هي الدولة

اختنا تقول انها سوت الكتاب من حسابها الخاص وين دعم الدولة للكتاب

مب المفروض ان الدولة تدعم المواهب القطرية وتشجعم

ليش كله السبب من المواطن القطري

معليش هذا الكلام ما بدر مني الا غيرة مني على اهلي واعيال بلادي دون تقصير باحد

وعليكم السلام ورحمة الله وبركاته...

من حقك اتعقب...وكان اسلوبك جدا جميل اخوي ومحترم...فا الله ينور...:)
وكذلك من حق اخوي جامعي يقول وجهة نظره واللي دعمها ب مثال او موقف صار له...

واخوي جامعي عده التعقيب ان اراد...
لكن اكيد الرد بيكون البعض...فا محشومين اهلنا...لكن هم بعد فيهم هالسلبية...واكيد مب الكل...

وعن الدولة...اتمنى من اخت راموا التعقيب...وين دعم الدولة...هل اتصلت بهم...او تواصلت معاهم...وتم الرفض ؟؟
عشان انعرف وش الموضوع...

حياك الله...
واشكرك على هالتعقيب الجميل...والطيب...

ويامرحبا بك اخوي الراسي...
لاهنت...:nice:
ROSE
14-04-2011, 01:34 PM
اخاف اتكلم وتهاوشني :secret:


تعطيني الامان ولا اسكت :secret:
The Master
14-04-2011, 01:52 PM
اخاف اتكلم وتهاوشني :secret:


تعطيني الامان ولا اسكت :secret:

امان من زمان...
وانرحب بكل وجهات النظر...
فا يامرحبا بك...
ويمكن نقرا شي تغافلنا عنه...
فا تفضلي...
ROSE
14-04-2011, 01:59 PM
اشكرك اخوي الماستر من طيب اصلك


فعلا اتفق معاك ان فيه ناس شغلتها بس تكسر الميادييف

انا قاسمتهم على اقسام

ناس تنتقد لمجرد الانتقاد فقط شخص مب عاجبه انتقده ،، قلم مب عاجبني انتقده


وناس واقعيين ،، وصريحين مايعرفون المجامله وصراحتهم مؤذية

من وجهة نظرهم اللي يسوونه صح بدون تعمد منهم بأذية الاخرين

دام اللي يشووفونه جدامهم غلط خلاص من واجبهم انهم يقولون له انت غلطان

بغض النظر ان كان الطرف الثاني صح وهو الغلطان



والفئة الثالثة ،، اسميها المحايدة المؤيدة

يعني دام بشوف شبيقولون الاعضاء ،، ها انتقدوه

طيب ،، خل نأيدهم في الانتقاد

ها مدحوه ،، خل نمشي مع الموجه ونمدح شورانا


وهذول فئة ممكن تعطي قوة للطرف المنتقد بانه يستمر ويصر

او تحبطه ،، والمحبط اعتبره انسان ضعيف ،، مايستحق الاشادة

لانه مادافع عن نظرته وماوصل فكرته صح او ما كافح عشان يوصلها


وشكرا مره ثانيه
mooona
14-04-2011, 02:03 PM
الثقافة الشعب القطري تنقصه الثقافه ..وحب القراءة
The Master
14-04-2011, 03:29 PM
توكل على الله عزوجل وأدعس
ولاتنظر الى ( الغبرة )

والنعم ب الله اخوي رحال...
وهذا اللي انسويه...وربك الموفق...
لكن ياخوي رحال اذا انا قوي وتصديت لهم...ومشيت وعديت...هل اتظن ان الكل نفسي ونفسك بيقدرون؟؟؟

واذا كان المجتمع سلبي كذا...الا يحتاج الى وقفة وتوضيح...وتنبيه...

والله يعينا على الغبرة...ومثل ما انت شايف...تحدد مجال الرؤية...واتغطي الافق...فا تحتاج الى زيح...

وتشكر عالمداخله الطيبه...
لاهنت...:)
طواش
14-04-2011, 03:47 PM
الانسان معرض لئلا يفهمه الآخرون

وهناك من يظن أنه إذا انتقد عمل غيره وبشدة دون أن يقدم البدائل فهو بذلك يرشده إلى

الصواب .

هنا يأتي دور الثقة بالنفس والقدرة على فرز الرأي الآخر والإنتقاء منه .

فإذا وجّه إليك انتقاد لعمل تراه قريب من الصواب ، اتخذ من هذا الانتقاد سلما لتطوير العمل .

فلولا أن عملك مهم وله وجود على الواقع لما اهتم به الآخرون .

لذا فإن مجرد الزيارة للمدونة - أخي الفاضل - دليل على نجاحها .
ام ناصر1
14-04-2011, 07:47 PM
والله أنا شايفه بالنسبة للكتابة ...عندنا بفضل الله وحمده كتاب قطريون متميزون باعمده الصحافة وكذلك قطريات
يمكن احنا كناس متعودين على هالنمط ...الكتابة العمودية بالصحف
ومتعودين بعد اتقول لنا الشاعر الفلاني والشاعرة الفلانية...عادي نرحب به وبها
يمكن ...الكتاب والقصة
بحاجة لتكوين قاعدة من الجمهور ...تتابع وتحلل وتستقصي والا يركن الكاتب والكاتبه ... للصحافة لتبنيهم
متى كونت قاعدة للقراء..والقارئات وتم نتفه تنشيط الثقافة على المستوى المحلي الشعبي
مثلما حادث مع الاندية الرياضية وتكوين مقار ومجالس لها ...ممكن القاعدة تبدأ تدعم
الحين تقريبا ...نخبه الي تحب تشجع وتقرأ وماذا عمل ادبي وروائي
ما اعتقد له علاقه وايد بالحسد ...بل بالوعي الثقافي المحلي ونهمه للقراءة
بنت سيف
15-04-2011, 12:42 AM
اتفق معك .. كثيرا ..

والله المستعان ..

اقول .. انت ولا مرة تركت تعليق في مدونتي ..

وذكرت أن كان بودك انزل موضوع السيكل في المنتدى

ونزلته .. وما علقت ..

كأنك تكسر مجاديفي ..

شرأيك ..

تحياتي

بنت سيف
ريم الشمال
15-04-2011, 01:07 AM
لاتنظر لما يقول غيرك وانتقادهم لك
إذا أردت النجاح في مشروع ابدأ فيه مباشرة، ولا تدع الأوهام والتحفظات والاحتياطات بزعم التهيؤ أكثر والتخطيط اللازم، هذه هي الأغلال.
المجتمع نتائج ثقافة الناس الذي تعيش فيه .. ويبدوا ان ثقافتنا يراد لها اعادة نظر فيها ..

بس نقول القافله تسير .....
آمن بهذا وسوف تصل رغم كل ذلك
ريم الشمال
نتفـه
15-04-2011, 08:23 AM
وش علي انا من الناس وش على الناس مني !! <<< مادري من وين جات ,,
المهم لا تخلي احد يكسر مجاديفك و لا شي ,, انت اللي عليك تسويه ,, وللامانه الواحد لو كان مجموعه كبيره تشوف ولا تعبر ,, ولكن بالمقابل عندك ناس تشجعك ,, خلك على الناس اللي تشجعك واستمر لان هم السبب في مواصلتك للكتابه ,,
((بعض)) الناس الحين متفرغين للذم والحسد ولحاق عيوب الاخرين ,, وفلان فيه وعلان فيه ,, كلن نادر النقد البناء كله طنازه وبس ,, الا من رحم ربي ,,
الله كريم بس واستمر ياخي وربي يوفقك ,,
R 7 A L
15-04-2011, 08:29 AM
والنعم ب الله اخوي رحال...
وهذا اللي انسويه...وربك الموفق...
لكن ياخوي رحال اذا انا قوي وتصديت لهم...ومشيت وعديت...هل اتظن ان الكل نفسي ونفسك بيقدرون؟؟؟

واذا كان المجتمع سلبي كذا...الا يحتاج الى وقفة وتوضيح...وتنبيه...

والله يعينا على الغبرة...ومثل ما انت شايف...تحدد مجال الرؤية...واتغطي الافق...فا تحتاج الى زيح...

وتشكر عالمداخله الطيبه...
لاهنت...:)




ما أظن ان المجتمع يحتاج الى توضيح




واعتقد ان الامور بالنسبة للوضع الراهن أكثر من الممتاز

هذي طاقتهم كلها فلا نستطيع ان نحملهم فوق طاقتهم
جامعي
16-04-2011, 06:27 PM
السلام عليكم ورحمة الله وبركاته

بدون زعل ولحد يا خذ بخاطرة من الكلام اللي بقولة

مهما كان الواحد لازم يغار على اهله وما يرضى عليهم الكلام مهما بدر منهم من شي

الحين كل اهل قطر فيهم حسد واذا كان فيهم حسد على قولة بعض الاعضاء

هذا الشي انتو اللي زرعتوه من كلامكم

ليش نصف اهلنا بالحسد تبون نصير حساد بالغصب

عموماً ليش ما نقول ان السبب الاول لعدم دعم المواطن القطري هي الدولة

اختنا تقول انها سوت الكتاب من حسابها الخاص وين دعم الدولة للكتاب

مب المفروض ان الدولة تدعم المواهب القطرية وتشجعم

ليش كله السبب من المواطن القطري

معليش هذا الكلام ما بدر مني الا غيرة مني على اهلي واعيال بلادي دون تقصير باحد


الدكتور اللي قال الكلام قطري ..وبعدين ياخوي مافيه دخان من غير نار

اكيد فيه ناس قطريين بينوا للناس هالشي ..واكييييييد مو تعميم البعض منهم

الله يهديهم ويهدينا ..احنا اهني نتناقش ونقول ومو عيب الاعتراف بالخطا

بس العيب ان احنا نستمر فيه..واحنا اللي بيدنا نغير هالتفكير او نثبته

عالعموم اي حد عاش على هالارض الطيبة لازم بيحبها وبيغار عليها

وإلا بيكون جاحد ..وانا ما ضفت مشاركتي الا للتنبيه وللوعي مو اشهار

لاسمح الله .. والله يحفظ لنا قطر حكومة وشعب
ذيبة الريان
16-04-2011, 07:29 PM
موضوع مهم جداً ،

لو انك مسوي مدونة أشعار كان تلقى ردود واقبال وتناقل لاشعارك ،

بس دامك كاتب بشي مُفيد ومثقف يعتبر كلام فاضي ؟

البلد تتطور للأمام ، والشعب يرجع الى الخلف ( لا أقصد الجميع ) ..

كثير نوابغ وكُتاب بيننا ، ولكن المجتمع فاز بالمركز الأول بالتحطيم والنقد والسلبية ،

ياليت ترسل لى مدونتك وان شاءالله فالك طيب ..
ع.م
16-04-2011, 07:36 PM
صح كلامك..

مجتمعنا فيه شوية أمراض من بعض الناس..

أنا بعد عندي مدونة.. وأنواع التحطيم.. بس عادي.. بصراحة حلو التحدي.. إنك تستمر في وجه هالصعوبات.. تتعلم تشتغل صح بدون مقابل ..بس حق نفسك.. وبتركز على المبدأ.. بتنجح أكثر..
ع.م
16-04-2011, 07:37 PM
والدليل على اقتناعي بكلامي.. توقيعي اللي مب قادرة أغيره من متى :)
meeemz
17-04-2011, 03:01 PM
كلامك صحيح مئه بالمئه خاصه موضوع الكاتبه انا الكتاب ماعجبني لكن اللي قهرني الهجوم عليها فقط لانه منبطه جبدهم من الكاتبه كانهم يقولون من وين طلعت لنا هذي وهم ماقروا الكتاب
The Master
17-04-2011, 08:34 PM
الاسلوب يختلف من شخص واخر واكيد يدل على تربيته
فما يهم الناجح والمتميز اي اسلوب بينرد عليه
واختلاف وجهات النظر شيء طبيعي

هلا بك اختي الصريحه...

اختلف معاك في سالفة ان الاسلوب ناتج عن التربيه...لكن لك وجهة نظر ونحترمها...

اما سالفة ان مايهم الناجح اي اسلوب...
اذا كان هالمنطق صحيح...فا كيف عرفنا ان هالشخص ناجح من الاساس؟؟؟
مش من الناس اللي امدحته وبينت ابداعه في ارض الواقع...وبرهنت نجاحه ب اي اسلوب كان...
فا مثل ما ان الناس هي اللي اتبين نجاحه...كذلك الناس هي اللي اتبين فشل الشخص...

فا الشخص...يتأثر ب الكلام...والردود...والمعطيات...والامور اللي اتصير حواليه...

وعلى ماقالوا...كثر الدق...يفك اللحام...

وما اعترضنا على وجهات النظر...

لكن لاسلوب مهم...فا اسلوب عن اسلوب يفرق...

وتشكرين على وجهة نظرك...

ويامرحبا بك...
The Master
17-04-2011, 08:41 PM
حط لنا رابط مدونتك بندخل عليك وبنعلق ولا يصير خاطرك الا طيب :)

بنرسل لك الرابط عالخاص اخوي حق المدونه...

وبخصوص التعليق...ماجات عالتعليق وبس...وانما التقدير...والنقد البناء اللي بيخلينا انتطور وانحسن من اسلوبنا...وكتاباتنا...

ولاهنت عالمرور...
The Master
17-04-2011, 08:49 PM
اتفق مع الكثير من ماجاء في موضوعك

هي ثقافة سلبية عند البعض وقاعدة تنتشر وتتناقل من شخص لاخر

حتى في بعض المواضيع اللي تخص بلدنا قطر يتم التركيز على كل ماهو سلبي ويكون النقد هدام وتذكر السلبيات فقط ولاتذكر الايجابيات !!!

يعني كما اقول دائما البعض ليس فقط لاينظر الى الجانب المملؤ من الكوب ولكنه لو الكوب 90 % ممتلىء راح ينظر الى ال 10% من الجزء الفارغ

يعني كمثال ممكن الدولة تسوي مشروع فيه الكثير والكثير من الجوانب الايجابية ويروح اخونا في الله واذا شاف له وحده بلباس غير محتشم انتقد المشروع كله وانتقد البلد وهدم كل شي !!!

لازم يكون في توازن واعتدال ونشر لثقافة الايجابية والامل والتفاؤل والتوكل على الله والرضى والقناعة

هلا بك اخوي بومحمد...

ماشاء الله...اعجبني ردك جدا...ومشاركتك اخوي...
احسنت...

خاصه المثال اللي وضحته...عن المشروع وانتقد المشروع كامل عشان وحده غير محتشمه...او شي بسيط وسلبي وسخيف...

ونظرية الكوب الممتلئ...فا هذي قاعده ماشي عليها...:nice:

اعجبتني مشاركتك...لانك اضفت للموضوع...

لاهنت...والله يعطيك العافيه...

ويامرحبا بك...:nice:
The Master
17-04-2011, 09:31 PM
السلام عليكم ورحمة الله وبركاتة

ننظر من ناحية ايجابيه ولنكون معاً مجتمع به اشخاص ايجابيون يتفاعلون ويتقدمون بالتطوير

مثال الاخت التي صنعت الكتاب وكاتب الموضوع

هل من ايجابيون يودون الانضمام

كلنا نكون مجتمع ممكن ان يكون كيان يمكن ان يجعل منك شخصا ً فعالاً

مارئكم؟

وعليكم السلام ورحمة الله وبركاته...

هلا ومرحب اختي قطرية فذة...

اتمنى هذه النظره...وان شاء الله بتكون...واحنا انتكلم عن البعض...واتمنى ما اتكون هي الاغلبية...

اكيد...واتفق معك...
وهالكلام الطيب...وان شاء الله يتم التطبيق...والايجابيه في اغلب الامور...ما انقول كلها...لان احيان الظروف تحكم...واتغير...واتخلي الواحد احيانا عدواني...
لكن انقول اغلب الاوقات...

وتشكرين على هالكلام الطيب...
والمرور الجميل...

لاهنتي...
ويامرحبا بك...:nice:
The Master
17-04-2011, 09:35 PM
السلام عليكم ......جواب تساؤلك هو :


الحســــــــــــــــــــــــــد

وعليكم السلام اخوي...ورقة غار...

اتمنى ما اتكون كذلك...رغم المعطيات المؤيدة...

واشكر لك مرورك اخوي...

لاهنت...
The Master
17-04-2011, 09:42 PM
صح مجتمع كاسر للمجاديف مجتمع لديه حب للانتقاد اكثر من الاطراء والمدح من الام، الاب ، الاخ ، الصديق ، المربي ، المعلم ، الرئيس ، المدير ، الا من رحم ربي ...................

هلا بك اخوي...

تشكر على وجهة نظرك...ومعاك حق...

والله يعين على الانتقاد الهدام...
مافي اشكال على الانتقاد..لكن نبغي اللي يطور...مب اللي يحطم...

ويامرحبا بك...على المرور...
The Master
19-04-2011, 09:33 AM
باااااااال انصدمت

هل فعلا الشعب القطري حسود؟؟؟

انا لاحظت صح بس ما اعمم واقول انها صفه عامة

يمكن فيه غيره ولاحظتها بكثرة

يمكن فيه شوي حنق وتباغض وتباعد

بحكم اني عاشرت اكثر من شعب اقدر اقول ايه فيه بعض من هذي الصفات

فيه شوفة نفس وانا مافوقي فوق
فيه تباعد

فيه قلة ثقافة وكثير من الاهتمامات السطحية

لكن هذا موجود بكل الشعوب

ما اظن الحسد هو اللي يخليك تقول ان القطري مايفرح لانجازك

بينما اظن قلة الوعي او الكسل او غياب روح الابداع

ولا تلوم الشعب لوم من صنع هذا الشعب

ان كان الشعب يهتم بامور سطحية ( مولات - تطعيس - سيلين - بي بي - شعر طويل- ترقيم - ملاحقة بنات والخ ) فالملامة تقع اولاً على من ربى الشعب بأن لا تكون لديه اهتمامات او ابداعات

وين التحفيز وين التشجيع وين الدعوة للانجاز والابتكار ؟؟ كل الطرق مسدودة مافي مراكز مافي علماء مافي دورات

شوف الكويت مثلا بارزين في مجال التنمية البشرية
شوف السعودية بارزين في مجال الدعوة الدينية

احنا بارزين في شنو؟؟ تبي اقولك؟

بارزين في الرياضة والاعلام :)
وياليتها ببصمة قطرية ! الا بصمات مستوردة ومعلبة بالجاهز


هلا بك اخوي روح الاطلس...

كلام جدا جميل...ومنطقي...واحييك عليه الصراحه...
وواضح انك مريت في تجارب...وعاشرت شعوب...وهذا واضح من خلال كلامك...

وبخصوص من جعل الشعب كذا...
انصحك تبحث...واتدور...في التاريخ...قصة...كيف استطاعت الامبراطورية البرتغالية تستولي على الصين...وكيف الصينيين عقبها استفاقوا...واطردوا البرتغاليين...

فيها عبر كثيرة...ومعلومات قيمة...وهو واقعنا لبغيت الصدق...

والاهم...ان حنا مانقعد وانقول خلاص هذا قدرنا...او حنا كذا وخلاص...
لازم انتكلم...وانقول...وانوضح...وانفهم...وكل شي يحتاج وقت...ما اعتقد السعوديه او الكويت اوصلوا لما هم عليه بين يوم وليله...اكيد مجهود وعطاء...ووقت طويييييييل...

اشكرك على هالمداخله الطيبة...واحييك عليها...
لاهنت...

ويامرحبا بك...:nice:
The Master
19-04-2011, 10:01 AM
اعتقد الموضوع او الاختراع او التصيمياو الكتاب يستحق الاشاده بتلقاها لكن اذا هو دون المستوى لازم بينتقد عادي وماظن في تحطيم بس في اختلاف اراء فقط

هلا بك اختي...

هذي وجهة نظرك...ونحترمها...
لكن هل هي صحيحه؟؟؟...
الاجابه هي...شوفي وش يصير عقب ما اتقولين انتقادك...او بتعبيرك...اختلاف اراء...

والسؤال الاهم...لما قلتي اختراع؟؟؟ او تصميم؟؟؟ او كتاب؟؟؟

هل ب استطاعة الجميع فعل ذلك؟؟؟
وخلنا انكون واضحين...
كم عدد القطريين اللي اقدروا يسوون هالاشيا؟؟؟

هل هم اكثر من عدد الاصابع؟؟؟

على العموم...
الفكرة...هم التشجيع...مهما كان المحتوى...ومب من اول مره او اول مشروع نحكم على سوء المشروع...
هناك انتقاد بناء...وتوضيح ماهي السلبيات من بعد المشروع الاول...وبعدها انشوف الثاني...والثالث...والرابع...

وبعدها نحكم هل هو سيئ اما لا...

مب من اول مره على طول طايحين فيه...وعلى قولتك اختلاف اراء؟؟!!:rolleyes2:

تشكرين على مشاركتك...
واتمنى التفكير واعادة النظر في ماذكرتيه...
يمكن اتكونين صح...لكن مب غلط اعادة النظر...:)
The Master
19-04-2011, 10:02 AM
لا تعليق

علقت وخلصت...احم :tease:
The Master
19-04-2011, 10:04 AM
يسعني القول ان الله يشفيهم
منهم السلبي منهم الايجابي ..

امين يارب...
اكيد...

تشكرين عالمشاركه يا miss alien
"اهم شي انسة الفضاء..احم :victory: "
The Master
19-04-2011, 10:04 AM
look on the bright side

U can Say That Again :nice:
( أكاديمية )
19-04-2011, 11:57 AM
النقد الإيجابي للأسف أصبح عملة نادرة ، !!
موضوع في الصميم ياأخي ... !
وياريت رابط المدونة للأطلاع عليها ..