المساعد الشخصي الرقمي

مشاهدة النسخة كاملة : ارجو الافادة ضروري



strong pilot
14-04-2011, 10:15 AM
السلام عليكم ورحمة الله وبركاته
ياجماعة انا عندي الله يعزكم الحمامات ابي اغيرها فقلت طبيعي اني بكسر القديم وبركب البلاط الجديد

بس اللي بسوي لي اعزكم الله الحمام قالي :-
1/ ما يحتاج تكسر البلاط اللي عالطوفة ,,,, قالي بركب جلو عليه

فا ابي اعرف هل هالطريقة اوكية ولا لازم اكسر الطوفة ؟؟؟؟

2/ قتله لازم اركب وتر ابروف ,,, قالي لا مايحتاج لانه الارضية صب ,,, الخ
المهم مافهمت عليه
ما ادري هل فيه مشلكة اني ما اركب او لا

ارجو الافادة
وجزاكم الله خير

شموخ دائم
14-04-2011, 02:07 PM
,

,


مرحبا


كل صنعه ولها اصول في الشغل

اكثر شي متعب للعمال هو ( تكسير الحمام ) خاصه اذا مركب بالطريقه القويه اسمنت اسود وابيض

الشغل الصحيح خاصه في الحمامات ( القديمه )

1- نكسر كل السيراميك السابق الحوائط والارضيات

2- نتاكد من بيبات التصريف في الارضيه اذا فيها ليك او كانت قديمه ونستبدل التالف منها

3 - نتاكد من بيبات الماء اذا كانت بيبات القديمه نركب بيبات جديده bbr الاخضر الماني او حسب الرغبه

4- اذا كان يوجد تسريب او بقع في الحوائط في اسقف الدور الاول نستبدل العوازل

5- عمل ميول في الارضيات ناحيه التصريف


تركيب البلاط فوق البلاط السابق يسمونها الطريقه ( الافرنجي )
انا ما انصح فيها نهائيا لا في الحمامات ولا في الصالات ولا في الغرف لان لها مشاكل اولها يتغير ( منسوب المكان )
ويصير ارفع من المنسوب الطبيعي للمكان ويسبب مشكله عند الابواب والشبابيك
وتحصل شروخ في البلاط بعد فتره اذا ما كان الي مركب ( خبره ) بهذي الطريقه

عندنا الايدي العامله في قطر رخيصه والتكسير هو الانسب للحمامات
هذا الي انصحك فيه

شوف لك اثنين ( شقرديه ) يكسرون ويجهزون المكان

:)

,

,


اخوك


شموخ دائم

أبو معاذ
14-04-2011, 02:10 PM
شموخ دائم وفيت وكفيت بيض الله وجهك

strong pilot أتمنى لك التوفيق

strong pilot
14-04-2011, 05:51 PM
أحسنت اخوي شموخ دائم
بيض الله وجهك
ماقصرت رحم الله والديك
اخوي ابو معاذ
نورت الموضوع وجزاك الله خير