وش الافضل ربط معده تحوير سليف تكميم تدبيس او ايش للي جربوا بليز

[المتضرعه لله]

الاخت ناويه تقضي على الوزن الزايد لكن تبي تعرف ايش الافضل

من جرب من عمليات المعده

ياليت اللي جربوا يقووووولون لي تجاربهم


ووووشكرا مقدما

[R 7 A L]

الله يشافيك ويعافيك


وان شاء الله الاخوة والاخوات ماراح يقصرون وياك

[مهل]

الله ينولج مرادج .

المشكله انه الي بيمدج بيمدح شي هو سواه ،، لان الشخص بيسوي وحده من هذي الانواع للوصول الى تقليل الاكل و ثم نقصان الوزن .

اخوي سوى ربط في العمادي و تم الفتره العاديه المطلوبه و شله ،، لكن يذم جدا جدا هذه العمليه .

و عندي اخو ثاني راح لطبيب تغذيه يفحص الجسم (بالدم) و بناء على تكوين الجسم يصف غذاء معين و تتم زياده الطبيب حسب مافهمت اسبوعيا .. يعني تقريبا كل اسبوع يتغير برنامج الغذاء ،، طبعا مع مشي و شوي رياضه .

اخوي هذا نقص وزنه اكثر من الي سوى ربط

[Chambray]

الله ينولج مرادج .

المشكله انه الي بيمدج بيمدح شي هو سواه ،، لان الشخص بيسوي وحده من هذي الانواع للوصول الى تقليل الاكل و ثم نقصان الوزن .

اخوي سوى ربط في العمادي و تم الفتره العاديه المطلوبه و شله ،، لكن يذم جدا جدا هذه العمليه .

و عندي اخو ثاني راح لطبيب تغذيه يفحص الجسم (بالدم) و بناء على تكوين الجسم يصف غذاء معين و تتم زياده الطبيب حسب مافهمت اسبوعيا .. يعني تقريبا كل اسبوع يتغير برنامج الغذاء ،، طبعا مع مشي و شوي رياضه .

اخوي هذا نقص وزنه اكثر من الي سوى ربط
كلامك سليم
ربط المعده ماينفع
اعتقد ان تصغير المعده عمليه ناجحه ..

ممكن اخوي تعطيني رقم طبيب التغذيه هذا ؟؟؟

[المتضرعه لله]

مشكورين على التجاوب والدعاء

انا سويت ربط ووصلت الوزن اللي ابيه لكن الحين بيشيلون الربط وخايفه ارد الوزن الي فقدته قال الطبيب سوي تكميم وعطاني وقت افكر

اقرا بقوقل واشوف تجارب لكن محتاره وخايفه ارد الوزن اللي فقدته

دعواتك لي بالتوفيق

[مهل]

هههههههههههههه ماسالتيني شصار مع اخواني بعدين :)

كلهم متنو مره ثانيه

----

نصيحه بما انج مسويه ربط ... مباشره بعد الربط ابدي مع الدكتور الي راح له اخوي الي هو يحدد لج نوع الاكل لانه نفسيا بتجبرين انج تمشين على جدول معين .
لان المشكله بعد ازاله الربط الواحد يدرع في العيشه لانه كان محروم فتره طويله

[مضاد]

شوية حمية ( رجيم ) , وانتي والخير رباعه .

ولا تسببين على نفسك مشاكل .

[Mr. H]

جربتي تمشين على نظام غذائي للتنحيف ؟ مع ممارسة الرياضة في نفس الوقت ؟

أفضل نصيحة زوري دكتور متخصص في التغذية و راح يخبرك أفضل حل ..

[حسن]

انا اخوي نزل فوق 60 كيلو من رمضان لين اليوم ولا سوى اي رياضه بس قلل اكله بدرجه كبيره لدرجه انه كان يتعالج ابر سكر وضغط والان من رمضان الين الحين لم ياخذ علاج نهائي الختفى السكر والضغط حتى الدكتور يقولي بنحول اخوك هلى الجيوسي علشان نسوي بحث عنه

[koketa]

انت ليش بتشيلين الربط

ممكن توسعين الحلقه شوي

[كيلو حديد]

الرياضه احسن شئ

الحمد لله ما سويت اي عملية من هالعمليات بس اعرف واحد سوى ربط للمعده
تعذب بعدها ما يقدر ياكل وكل شوي يبي يختنق وكل فتره يرجع عقب الاكل وعقب شل الربط

عقب فتره سوى استأصال لبعض المعده عشان تصغر ونزل وزنه بس مب وايد

ما في شي احسن من الرياضه وتنظيم الاكل هذي نصيحتي

[chillis]

الرجيم الطبيعي مع شوية رياضه مافيها اي اضرار

[intesar]

شوفي عن خبرة وتجارب
ربط المعدة غلط وموزين
التحوير مشاكله في أول سنة بس بعدها عادي بس لازم فحوصات دورية وأدوية فيتامينات وخلافه
تصغير أو قص المعدة أشوفها أوكي .. بس أعتقد لها مشاكلها
فيه البالون مدة ٦ شهور بس لازم تحاسبين بعد ما تشيلينه
رجيم البروتينات ينزل وايد بس موصحي ما نصح تسوينه فترة طويلة
أحسن رجيم وصحي هو رجيم الكالوري لأنه يحتوي على كل المغذيات يعني كالسيوم ونشويات وفيتامينات التنزيل بطيء جدا لكن ما يمرض يبيله صبر وهذي مثل رجيم العلب اللي تاخذينه من الشركات
وأي رجيم يبيله صبر وربي يعينج

[المتضرعه لله]

انا اخوي نزل فوق 60 كيلو من رمضان لين اليوم ولا سوى اي رياضه بس قلل اكله بدرجه كبيره لدرجه انه كان يتعالج ابر سكر وضغط والان من رمضان الين الحين لم ياخذ علاج نهائي الختفى السكر والضغط حتى الدكتور يقولي بنحول اخوك هلى الجيوسي علشان نسوي بحث عنه

مممم كيف نظامه يمكن اقتنع منه ؟

شكرا

[المتضرعه لله]

انت ليش بتشيلين الربط

ممكن توسعين الحلقه شوي

ان وستعتها اكلت وانا ماابي ارد اللي فقدته

:weeping:

[ANONYMOUS]

مافي احسن من تكميم وربط وتدبيس الحلج

وشوية رياضه ع الطاير


وموفقه انشالله

[فتى الجود]

السلام عليكم
اولاً عشان هالنوع من العمليات مايخفيك انك لازم تكون اكثر من 30 نقطة
عموماً هذا موقع لحساب كتلة الجسم


http://www.moh.gov.sa/badana/Bmi.htm



والان يبقى لك القرار :

اذا كان كتلة الجسم اكثر من 50 نقطة

فعليك بالتحويل ، التحوير (( Bypass ))

اذا كان اقل من 50 نقطة ممكن تسوي التكميم ((Sleeve ))

طبعاً هذا القرار تدرسة مع الدكتور او الجراح اللى بيسويلك العملية

وهذا الموقع ممكن تستفيد من تجارب كثير من البدناء القدام



http://badanaclinic.com/vb/forumdisplay.php?f=22

[Cute Mother]

أعتقد عملية السليف أحسن من التحوير والثنتين حلوين :) .. الأولى أحسن عشان ما تفقدج فيتامينات وراح تضطرين تاخذين حبوب فيتامينات دايما ..


بس نرجع ونقول ان الدكتور عنده الخبرة الكافية وهو اللي راح يدلج .. والاهم الاستخارة في كل شي ..


الله يكتب لج الخير وين ماكان ..

[لاجل QT]

ماراح تمتنين اذا ماكثرتى بالاكل لو شلتى الربط

حبي جسمج مثل ماتحبين شخص غالي على قلبج..صدقينى ماراح تشوفينة الابالشكل اللى يرضيج وبس

يعنى باختصار الارادة

وبالتوفيق

[المتضرعه لله]

الف شكر لكل من شرفني وشاركني الموضوع

اقتنعت اني اشيل الربط واشترك بنادي وااشترك مع عيادة نتشرن للمحافه على الوزن ولا يرد لي الوزن السابق


شكككككرا من القلب لا تكفي

[مهل]

افضل قرار ... ننتظر مداخله منج بعد ٦ شهور نشوف التغيير

بالتوفيق ان شاءالله

[بولينجر]

الف شكر لكل من شرفني وشاركني الموضوع

اقتنعت اني اشيل الربط واشترك بنادي وااشترك مع عيادة نتشرن للمحافه على الوزن ولا يرد لي الوزن السابق


شكككككرا من القلب لا تكفي
ابارك لج هذا القرار السليم.... والله يوفقج.....

[ع.م]

عزيزتي أول شي بالمباااارك إنج وصلتي وزن حلو.. والله يقويج..

أتمنى لج تستمتعين بباقي عمرج في المحافظة على هالوزن :) استمتعي بالمرحلة الياية ولاتشيلين همها..

استمتعي بآثار الصحة اللي بتجيج من الأكل الزين والرياضة..

استمتعي بكل شي تسوينه.. ترى حلووو..

صدقيني مارح تردين مليانة لأن مبين إنج حريصة وايد على وزنج هالمرة..

لاتنسين نفسج..إنتي سوي كنترول و راقبي كل شي تسوينه..

كل كم يوم شيكي على الميزان..

الرياضة خلاص خليها جزء من حياتج حتى لو في البيت إذا في يوم مارحتى الجيم..

العشا المتأخر كنسليه نهائياً..

تعودي على الشاي الأخضر وهالسوالف..

كنسلي الأكل اللي يمتن ومامنه فايدة مثل الشبس وغيره..

وزنج بيدج انتي مب بيد غيرج..

إذا كلش تبين تخربطين بالأكل خربطي مرة مرتين فالاسبوع بس وتكون في النهار مب في الليل..

واشربي ماي وايد..

مب أنا اللي أعلمج.. أنا متأكدة إن عندج معلومات وايد بس انتي خلج واثقة في قدرتج لأنج تقدرين.. ماوصلتي هالمرحلة الحلوة إلا انتي صج عندج إرادة وتقدرين.. تحملي تقنعين نفسج بأي شي ثاني.. افتخري بنفسج إنج قدرتي.. انتي انسانة قوية..


ولاتخلين حد يتسبب عليج.. اللي يضايقج مايستاهل تمتنين علشانه.. يعني إذا تضايقتي من حد لاتاكلين.. بعد يضايقج وقلنا معليه لكن يضايقج ويخرب وزنج بعد؟ لاتسمحين لهم ..