ضاهره غير حضاريه تغزو المجتمع القطري وين الشرطه عنها ؟؟؟؟؟

[naklan]

من وين ابتدي محتار الموضوع : ينرفز وفيه اعتدا على حقوق الاخرين :anger1:
الموضوع عن الشباب المستهترين سيارتين او 3 سيارات مسكرين الشارع ويسولفون
ومطنشين حق الي وراهم تطق هرن ومطنشين واذ فتح لك السيد للمرور تقول حمسه مقيده

والسالفه اكيد صارت معكم وتضايقتو منها وحسيتو ان الموضوع غير حضاري ويضايق
والي خلاني اكتب عن الموضوع هو ما حصل من كم يوم في محطه بترول الدحيل
عند محل الكرك شباب مسكرين الشارع وشاب يبي يطوف وما فتحو له الشارع
فنزل متنرفز وتهاوش معهم وتشاركو شله شباب في ضربه ووصل الموضوع
على ما اعتقد للشرطه

المفروض انه فيه غرامه مش اقل من 5000 على من يغلق الشارع استهتاراً
للحد من هالضاهره المزعجه شنهو نظرتكم لمن يقوم بهذا السلوك
وعلى من تعتقدون تقع مسئوليه ما يجري ودمتم بود

اخوكم/naklan

[تميم بن خالد]

هذه الظاهرة اسمها قلت ادب

[loraa]

والله شي بنرفز ياما صارت معنا

[بوسعود911]

الم تستح ففعل ماشئت

[Mr. H]

هذا اسمه هيـاط و زعاطة .. خاصتن تكثر ما بين فئة 17 حتى 24 ..

و قال المثل " من فرعنك يا فرعون ... قال ما لقيت احد يردني "

[STAR]

بصراحة لازم يكون في قانون يردهم..
وفوق انهم غلطانين بعد يمدون ايدهم عالريااال..‏!!!‏

هزلت..‏!!‏

[الشمالي111]

من أمن العقوبه اساء الادب

[الأصيلة]

أتمنى أيضا ان يكون هناك رادع لـ ظاهرة أصوات الأغاني الصاخبة
التي تخرج من فتحات سيارات الشباب وبأصوات عالية جدا ومزعجة ومنفرة
لا وصار سيارات البنات أيضا مع الضحك والقهقهة العالية وقلة الأدب
وذلك أمام المجمعات وعند المنتزهات مثل كتارا والكورنيش...

[راعي البيرق]

والله ان ذولا يبيلهم خيازرين منقعة بماي وملح اسبوع وهات يا تلشط لين يغدي الواحد منهم ريال يحترم الرياجيل اللي تمر بالخط .
امحق شباب وين ايام الشيخ عبدالله بن خالد قسم بالله ان الواحد منهم سيدا من الدحيل للدروع سيدا

[مهل]

هذي الحركه تصير .. احيانا على خط الشمال الي هو المفروض خط سريع تلقى سيارتين يمشون جمب بعض سرعتهم يمكن ١٠ ... ين وقفو سولفو على جمب

اعطاء الطريق حقه احد تعاليم ديننا الاسلامي

و العتب على رجال المرور .. و سبق اني اقترحت اقتراح وهو وجود سيارات مرور مدنيه ترصد المخالفات في الشوارع .
لانه اغلب الناس تخاف من سياره الشرطي الظاهره ،، فا اذا شافو موتر المرور ولا الخويا ولا الفزعه مشو على القانون و ان مان غايب سكرو الشوارع و قلو حياهم

[naklan]

هذا اسمه هيـاط و زعاطة .. خاصتن تكثر ما بين فئة 17 حتى 24 ..

و قال المثل " من فرعنك يا فرعون ... قال ما لقيت احد يردني "

المشكله اخي الفاضل ان العدوى اصابت الكبار من كم يوم واحد فوق الاربعين سنه
مسحب سواق المطعم الي في المحطه الي يوصل الطلبات لانه قاله افتحلي السيد انا مستعجل ومعاي طلبات ابي اوصلها والرجال يسولف مع سياره مجاوره وما عجبته جرأة السائق :telephone:

[(بوطلال)]

ضاهره قديمه جدا واصبحت من العادات السيئه للمجتمع

[bu 3li]

التكبر ورفع الخشوم مشكلة اهل قطر ,,

لا قانون يحكم فالبلاد ولا شي .. بلاد ماشيه بـ حرف الـ (و) واسطه فقط لا غير

[فتى الجود]

كلامك صحيح واتفق معاك

لكن العتب اولاً على الأب والام والاسرة
المفروض اول مايعطي ولده السيارة يفهمه حقوق الطريق وعدم مظايقة الاخريين .

لان هذي الامور تبتدي من البيت ومن اساس التربية

والعتب الثانى من المرور

[نيساني]

والمرور اشدراهم عن هالحثاله؟؟؟

مايمديك تبلغ ويطرشون الدوريه الا محد في المكان!

وشكرا

[(بوطلال)]

التكبر ورفع الخشوم مشكلة اهل قطر ,,

لا قانون يحكم فالبلاد ولا شي .. بلاد ماشيه بـ حرف الـ (و) واسطه فقط لا غير

مع ان لقطري من حقه يتكبر ويرفع خشمه لكن كذبت بكلامك ومافي مثل اهل قطر بالتواضع.

لبلاد الماشيه بحرف الواو هذي بلادك بلاد الرشاوي ,والقانون فقطر يطبق على الكل لكن وشنذب المحاكم والمراكز اذا هناك تراضي وتنازل عن لحقوق .

[روح الاطلس]

السبب انعدام الآداب العامة

الطريق له أدب واحترام

[Mili]

ذول لازم يمسكونهم ويجلدونهم لين مايسترجلون

[مساهم بسيط]

اخواني الموضوع سهل جدا لماذا لا يكون كل شخص يقود مركبة رجل مرور ، وببساطه رجال المرور لن يكونوا في كل مكان وفي كل لحظه ، وهنا يبداء دوري والدور سهل جداً:

اولا: تنبيه الاشخاص باستخدام ( هرن المركبة ) اذا استجاب كان بها .

ثانياً: اذا لم يستجب الشخص يتم اتخاذ الاجراء اللازم وهو تسجيل ارقام جميع المركبات التى قامة بتعطيل الطريق وتحديد الساعة والتاريخ والمكان وكتابة تقرير بالواقعه وتسجيل الاسم ورقم الهاتف في نهاية التقرير ، واحضار التقرير الى ادارة المرور وتسليمه الى مكتب الوارد والصادر واخذ نسخة من الكتاب وفي حالة عدم القدرة على احضار التقرير يتم ارساله عن طريق الفاكس لادارة المرور ، وبهذه الحالة سوف يتم عرض الكتاب على السيد/ مساعد المدير الذي بدورة سوف يقوم بتوجية التقرير للمخالفات وسيتم التعميم على جميع المركبات التى ذكرة في التقرير وسوف يتم احضارهم والتحقيق معهم .

ارجوا اني افدتكم وانا ادري انه البعض بيرد وبيقول المرور ماراح يسوي شي انت جرب وشوف وشو بيصير من اجراءات :victory:

[saif]

ياليت يطبقون قانون امريكا عندنا

اللي اذا حد سوا مخالفة قطع اشارة .. سكر الطريق .. اسرع .. مالبس الحزام .. انحرف عن الطريق .. يعطونه مخالفة والوعد في المحكمه وهذي فيها جلسة واستماع وقاضي يحكم ومحامي تدفعله
والله ياجماعة شوف عيني ان العالم هناك يمشون زي السلام عليكم موب كفو حد يسوي شي غلط وهو يسوق..
ولو سووه عندنا عز الله هالمشاكل كلها بتنتهي وبتقل الحوادث

[مهل]

اخواني الموضوع سهل جدا لماذا لا يكون كل شخص يقود مركبة رجل مرور ، وببساطه رجال المرور لن يكونوا في كل مكان وفي كل لحظه ، وهنا يبداء دوري والدور سهل جداً:

اولا: تنبيه الاشخاص باستخدام ( هرن المركبة ) اذا استجاب كان بها .

ثانياً: اذا لم يستجب الشخص يتم اتخاذ الاجراء اللازم وهو تسجيل ارقام جميع المركبات التى قامة بتعطيل الطريق وتحديد الساعة والتاريخ والمكان وكتابة تقرير بالواقعه وتسجيل الاسم ورقم الهاتف في نهاية التقرير ، واحضار التقرير الى ادارة المرور وتسليمه الى مكتب الوارد والصادر واخذ نسخة من الكتاب وفي حالة عدم القدرة على احضار التقرير يتم ارساله عن طريق الفاكس لادارة المرور ، وبهذه الحالة سوف يتم عرض الكتاب على السيد/ مساعد المدير الذي بدورة سوف يقوم بتوجية التقرير للمخالفات وسيتم التعميم على جميع المركبات التى ذكرة في التقرير وسوف يتم احضارهم والتحقيق معهم .

ارجوا اني افدتكم وانا ادري انه البعض بيرد وبيقول المرور ماراح يسوي شي انت جرب وشوف وشو بيصير من اجراءات :victory:

راح يطلبونك انت قبل لايطلبونهم ... وانا فاضي من مركز شرطه الى اداره المرور الى مشاكل مع خلق الله .

لو كان دوري مجرد التبليغ كان ماترددت دقيقه ولكن من تجربه اي تبليغ راح يطلبونك انت

[شميرام]

ليش تغزو قطر اصلا هي موجوده منذو القدم وعاديه خاصه في الفرجان لكن الغير عادي انك تهرن لهم ولا يتنعزون هنيه اتخذ الاجراءات

[vtc-4800]

أخوي في مخالفة عرقلة سير 300 و 3 نقاط
أخوك ماخذها :secret: :secret::secret: بس بالغلط

[مهل]

ياليت يطبقون قانون امريكا عندنا

اللي اذا حد سوا مخالفة قطع اشارة .. سكر الطريق .. اسرع .. مالبس الحزام .. انحرف عن الطريق .. يعطونه مخالفة والوعد في المحكمه وهذي فيها جلسة واستماع وقاضي يحكم ومحامي تدفعله
والله ياجماعة شوف عيني ان العالم هناك يمشون زي السلام عليكم موب كفو حد يسوي شي غلط وهو يسوق..
ولو سووه عندنا عز الله هالمشاكل كلها بتنتهي وبتقل الحوادث

متخيل طول الطوابير الي راح تكون واقفه قدام باب المحاكم اذا طبقو هذا القانون عندنا .

مابي اكون شخص سلبي يعترض على اي اقتراح ،، ولكن احنا ندري ايش الي ينفع لنا .

احنا نحتاج مضاعفه اعداد رجال المرور الى ثلاث اضعاف ،،، السكان يتضاعفون و رجال المرور اعدادهم تقريبا مثل ماهي .

رجال المرور عندنا شوفهم شيسوون ،، شغلهم الشاغل فك الازدحامات و الاختناقات المروريه على الدوارات .

نحتاج دوريات مدنيه (متخفيه) و دوريات ظاهره تخالف السائقين على المخالفات الصغيره قبل الكبيره .


اعتقد حاليا انه ورديه رجل المرور تكون مزدحمه بالاحداث بسبب كثره المهام و المسؤوليات .

مثل ماضرب اخونا مثال في امريكا .. شوف الدوريه في امريكا من الملل يدور في الفرجان يدور شخص يخالفه .

[intesar]

فعلا قلة ذوق

[naklan]

ليش تغزو قطر اصلا هي موجوده منذو القدم وعاديه خاصه في الفرجان لكن الغير عادي انك تهرن لهم ولا يتنعزون هنيه اتخذ الاجراءات

صحيح انها موجوده منذ القدم ولكن الان اكبر واوقح من قبل

الى درجه ان الهنود السواقين صارو يقلدونهم

بس يحركون من اول هرن escape

[الـقـاسـي]

هذي قله ادبه وحقاره مادااااني هالحركة والمشكلة يعاندون بعظهم الا يكمل سالفته هذولا يبي لهم صدام صب يطشر مواترهم

[ام السعف]

هذه الظاهرة اسمها قلت ادب

:victory:

[النهار]

999
والفزعه في اقل من 5 دقائق عندك ولاتعور راسك معاهم

[مساهم بسيط]

راح يطلبونك انت قبل لايطلبونهم ... وانا فاضي من مركز شرطه الى اداره المرور الى مشاكل مع خلق الله .

لو كان دوري مجرد التبليغ كان ماترددت دقيقه ولكن من تجربه اي تبليغ راح يطلبونك انت


يااخوي انت رديت على نفسك وقلت انا فاضي يعني الشخص المخالف بيوقف في مكانه وبيسوالف لين ما يخلص السالفة وبيقول خل الى وراي ينقع لانه يدري انه محد بيطالبه بشئ وانك مب رايح تشتكي علية واذا كلمته بينزل من السيارة وبيتعنتر عليك :anger1:

اما اذا تم طلب كذا شخص من ادارة المرور وتم ردعهم بتنتشر السالفة في كل مكان وبيقولون افلان اليوم طالبينه المحكمة عشان عطل حركة السير وتم مخالفته والكل بيتعض وبيخاف من المحاكم بيقول ما تسوي على اوقف دقيقة واتبهدل سنه

[R.S.C]

موجودة وبكثره في قطر خصوصا لما ادق الهرن وتبيهم يوخرون عنك يقوم النحس
وممكن توصل للهواش مثل ماصار مع الاخ اللي قلت لنا عنه

[هبوب الكوس]

صراحه انا اعاني من هذي المشكلة

من قرب سكني من مدرسة ثانوية بنات قصدي بنين

تشوفهم يسكرون الشارع وطق سوالف مع بعض

صراحه اتجنبهم لأنهم جهال يمن يطلع صية ويأشر لك ويقولك وش بلاك

ف عيب انزل مستواي له ورد علية انزل الموتر حصى وامشي

[simsim1963]

والله ان ذولا يبيلهم خيازرين منقعة بماي وملح اسبوع وهات يا تلشط لين يغدي الواحد منهم ريال يحترم الرياجيل اللي تمر بالخط .
امحق شباب وين ايام الشيخ عبدالله بن خالد قسم بالله ان الواحد منهم سيدا من الدحيل للدروع سيدا

وش دعوه وين عايشين ؟؟؟ لا يكون في غابه الله يهديك . أيام عبدالله بن خالد حصلت تجاوزات خطيرة جدا وكان عبارة عن قانون طوارئ بشكل غير رسمي والحمدلله تم رفضه .أحين فيه قانون وتاخذك حقك من اكبر راس .

[simsim1963]

999
والفزعه في اقل من 5 دقائق عندك ولاتعور راسك معاهم

الحل تركيب كاميرات في شوارع الدوحه واي مخالف يتم طلبه ومحاسبته محاسبه تردعه عن الفعل وطبعا بالقانون:nice:

[جفى الجوارح]

اي مكان فيه محل كرك مشهور يصير فيه نفس الموضوع
بسبب ان الكل يوقف سيارته ومايهمه الي وراه

[Qt.1]

هذي بكل اختصار قلة ادب !

[قطر دزاين]

اذا اهلهم ما علومهم الادب تبي شارع يأدبه
هذي الظاهره منتشره في كل مكان بقطر مع الاسف لا واذا فتح لك شارع يطالعك وهو زعلان يعني انه مسوا شي

[الوثيقة]

هاي اللي يسوونه قلة ادب ومصخرة ..
وما يصير الا من اليهال المراهقين

اللي سمعته من الخرجي بيكون هناك رادار حق اللي يتمشون شوي شوي على الشارع

نشوف يالخرجي

[ورقة غار]

قلة ادب والله لو يصير يحطون مخالفه على هالاشكال لازم ماتقل عن 1000

[يراعٌ فراتي]

وشتقولون في اللي يوقف السير كله ليش
الاخ في الجهة المقابلة للمطعم و ماسك اليسار وطلب من المطعم

شارع الشافي
هو واقف على اليسار جهة عالم الاغذية
والمطعم في الجهة الثانية صوب سوبرماركت السعودية

تامل يرعاك الله

[كاشف الغطاء]

من كان يؤمن بالله واليوم الآخر فليقل خيراً أو ليصمت


الشرطة يدورون السبة على اي واحد عشان يخالفوه

[بـن عدوان]

اتفق معاك


مثل هالاشخاص ودك تطلع الرشاش وتثور عليهم ههههههههه

[فارس قطر333]

هذا الشي يدل على قله التريه

[مرحوم قطر]

هذي الظاهره اسمها قلة ادب و عدم احترام

تعالو كرك باب السلام الي في العزيزيه و شوفو شيسوون

يتم واقف مسكر الشارع و وراه طابور و ينزل يسلم على خويه

و لا يتم يسولف معاه و العالم تهرن له ولاهو ابمفتكر يوميا اصادف مثل هلناس

صراحه قمة قلة الادب


ذاك اليوم نزلت واحد قدامي 3 في سياره وحده واقفين في نص الشارع قدام الكرك و نزلو يسلمون

على الي في السياره الثانيه و ظحك و العالم تهرن وراهن ولاهم بمفتكرين طلعت من الدريشه

قلت له حرك قالي ابكل برود لحظه

طال الطابور و صار من الصوبين يعني جنبين الشارع


انزلو اثنين من السياره الثانيه و اركبو من الاول و هم يركبون كنهم سبلان يناقزون و يدزون بعض

في الشارع ولا حد مفتكر ولاهمهم شي


حركو و انزلو على الشارع مشيت بسرعه وراهم


راحوا لين اخر الشارع و لفو دخلو شارع مافي حركه وايد رحت قدامهم و سكرت الشارع و تميم صاف

طقولي هرن مافتحت و بطلة الباب و قعدت على جنب و تكلمت في التلفون

دق الريوس يبي يتجاوز ركبت و صفيت بالعرض و قعدت اتكلم و انا مقابلهم و الشارع

في سيارات صافه يمين و يسار ما قدر يتجاوز تم شوي الى انزلولي يعني يفاتنون

قلت لهم مساعه سكرتو الشارع و الحين انا اسكره في وجيهكم عندكم شي اتصلو حق المرور خلوه يجينه



و صغار اعمارهم يمكن 16 و 17 سنه واحد قام يصار قلت له انت في منطقتي كلمه زايده ولا ناقصه

بطلع لك ذيابه من ورى الطوف و بخلي عقالي يغني ياليل على ظهرك تميت صاف ولا افتكرت فيهم


5 دقايق الى دقو الريوس و عدول السياره نزل واحد فيهم الدريشه و قال اسفين و رجع من مكان مادخل



صراحه جد جد جد جد ناس ما تستحي و جد وعده يسوي كذا معناتها مب متربي

و الملاحظ ان هم كلهم من جماعه وحده معروفه على الاقل الي في فريجنه

[naklan]

هذي الظاهره اسمها قلة ادب و عدم احترام

تعالو كرك باب السلام الي في العزيزيه و شوفو شيسوون

يتم واقف مسكر الشارع و وراه طابور و ينزل يسلم على خويه

و لا يتم يسولف معاه و العالم تهرن له ولاهو ابمفتكر يوميا اصادف مثل هلناس

صراحه قمة قلة الادب


ذاك اليوم نزلت واحد قدامي 3 في سياره وحده واقفين في نص الشارع قدام الكرك و نزلو يسلمون

على الي في السياره الثانيه و ظحك و العالم تهرن وراهن ولاهم بمفتكرين طلعت من الدريشه

قلت له حرك قالي ابكل برود لحظه

طال الطابور و صار من الصوبين يعني جنبين الشارع


انزلو اثنين من السياره الثانيه و اركبو من الاول و هم يركبون كنهم سبلان يناقزون و يدزون بعض

في الشارع ولا حد مفتكر ولاهمهم شي


حركو و انزلو على الشارع مشيت بسرعه وراهم


راحوا لين اخر الشارع و لفو دخلو شارع مافي حركه وايد رحت قدامهم و سكرت الشارع و تميم صاف

طقولي هرن مافتحت و بطلة الباب و قعدت على جنب و تكلمت في التلفون

دق الريوس يبي يتجاوز ركبت و صفيت بالعرض و قعدت اتكلم و انا مقابلهم و الشارع

في سيارات صافه يمين و يسار ما قدر يتجاوز تم شوي الى انزلولي يعني يفاتنون

قلت لهم مساعه سكرتو الشارع و الحين انا اسكره في وجيهكم عندكم شي اتصلو حق المرور خلوه يجينه



و صغار اعمارهم يمكن 16 و 17 سنه واحد قام يصار قلت له انت في منطقتي كلمه زايده ولا ناقصه

بطلع لك ذيابه من ورى الطوف و بخلي عقالي يغني ياليل على ظهرك تميت صاف ولا افتكرت فيهم


5 دقايق الى دقو الريوس و عدول السياره نزل واحد فيهم الدريشه و قال اسفين و رجع من مكان مادخلصراحه جد جد جد جد ناس ما تستحي و جد وعده يسوي كذا معناتها مب متربي

و الملاحظ ان هم كلهم من جماعه وحده معروفه على الاقل الي في فريجنه


هههههههههه زين سويت فيهم بس

على الله يحسون على دمهم وما يعيدونها مره ثانيه

في هالزمن الاحساس نعمه من

جيل الاندومي

[الخارجية]

التكبر ورفع الخشوم مشكلة اهل قطر ,,

لا قانون يحكم فالبلاد ولا شي .. بلاد ماشيه بـ حرف الـ (و) واسطه فقط لا غير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ

(( من يقول التكبر ورفع الخشوم مشكلة أهل قطر ))

ليش حكمت علينا بالاعدام .. أهل قطر فيهم الخير

[الهلي]

المفروض لا يطقلهم هرن يبلغ عنهم المرور على طول

[ازغوىAAA]

بالعربي زادو البلشتيه والخلايف في البلاد

[الـراسي]

الصراحة اول مره اسمع فيها

وما اذكر انه صارلي هالموقف

[مناحي السادس عشر]

والله محد جاب لنا هالمشاكل هذي الا محلات شاي الحليب
ياخي مكانها غلط في غلط
ليش البلديه ما تطلع قانون ممنوع هالمحلات في محطات البترول او ممنوع العامل يطلع من المحل
يعني انت يالزبون مطنوخ وذابحك المزاج انزل من سيارتك ورح جيب طلبك

[طارق]

هذي الظاهره اسمها قلة ادب و عدم احترام

تعالو كرك باب السلام الي في العزيزيه و شوفو شيسوون

يتم واقف مسكر الشارع و وراه طابور و ينزل يسلم على خويه

و لا يتم يسولف معاه و العالم تهرن له ولاهو ابمفتكر يوميا اصادف مثل هلناس

صراحه قمة قلة الادب


ذاك اليوم نزلت واحد قدامي 3 في سياره وحده واقفين في نص الشارع قدام الكرك و نزلو يسلمون

على الي في السياره الثانيه و ظحك و العالم تهرن وراهن ولاهم بمفتكرين طلعت من الدريشه

قلت له حرك قالي ابكل برود لحظه

طال الطابور و صار من الصوبين يعني جنبين الشارع


انزلو اثنين من السياره الثانيه و اركبو من الاول و هم يركبون كنهم سبلان يناقزون و يدزون بعض

في الشارع ولا حد مفتكر ولاهمهم شي


حركو و انزلو على الشارع مشيت بسرعه وراهم


راحوا لين اخر الشارع و لفو دخلو شارع مافي حركه وايد رحت قدامهم و سكرت الشارع و تميم صاف

طقولي هرن مافتحت و بطلة الباب و قعدت على جنب و تكلمت في التلفون

دق الريوس يبي يتجاوز ركبت و صفيت بالعرض و قعدت اتكلم و انا مقابلهم و الشارع

في سيارات صافه يمين و يسار ما قدر يتجاوز تم شوي الى انزلولي يعني يفاتنون

قلت لهم مساعه سكرتو الشارع و الحين انا اسكره في وجيهكم عندكم شي اتصلو حق المرور خلوه يجينه



و صغار اعمارهم يمكن 16 و 17 سنه واحد قام يصار قلت له انت في منطقتي كلمه زايده ولا ناقصه

بطلع لك ذيابه من ورى الطوف و بخلي عقالي يغني ياليل على ظهرك تميت صاف ولا افتكرت فيهم


5 دقايق الى دقو الريوس و عدول السياره نزل واحد فيهم الدريشه و قال اسفين و رجع من مكان مادخل



صراحه جد جد جد جد ناس ما تستحي و جد وعده يسوي كذا معناتها مب متربي

و الملاحظ ان هم كلهم من جماعه وحده معروفه على الاقل الي في فريجنه


يا أخي انت انسان قوي
ممكن أصير صديقك الصدوق

اتركبني سيارتك ,اتعشيني وأتغديني في المعاصر على حسابك
وتحميني من ألذئاب
اخوك
طارق ابو زعتر العمر 16 سنه

[noor-huda]

:anger1:

" أعطــــــــــوا الطريق حقه "

[naklan]

بالعربي زادو البلشتيه والخلايف في البلاد

واضح ضهور نتائج اهمال وقصورفي التربيه من الاباء والامهات

وواضح وجود خلل في دور التربيه في الصغر ادت الى تبلد جيل المستقبل

وواضح ان تربيه الاندونيسيات ما انتجت جيل يعتمد عليه :(

[طارق]

ازغوىaaa بالعربي زادو البلشتيه والخلايف في البلاد
انا اشهد

[36R]

من أمن العقوبه اساء الادب

:nice:

[بنـت الغالـي]

بصراااحه قلة ادب ..

والله عوور قلبي المسكين اللي ضربوه
بس لو اني شايفتهم كان رشيت علي ماي بالمسدس حقي >< ههههههههههه

بس بصرااحه يبيلهم مخالفه
وان شاء الله ياخذون حق الرجال المسكين اللي انضرب

[حمد بن خالد]

حط ريلك على الريس وادخل في موتره عشان يعرف ان الله حق

وبكل برود ريوس وانته محرك عنه

[الخـود]

والله صارت لي الحركة كذا مرة :anger1:
كانوا 2 يتهاوشون جدامي وانا وراهم و مستعجلة ما عرفت شسوي

بس سؤال :con2: لو صارت لي الحركة مرة ثانية شتنصحوني اسوي ... انا بنت ما يصير اعصب ووووو .....الخ
هل اخذ الرقم مثلا ؟؟؟؟ :secret:

الله يهديهم ان شالله

[الـراسي]

والله محد جاب لنا هالمشاكل هذي الا محلات شاي الحليب
ياخي مكانها غلط في غلط
ليش البلديه ما تطلع قانون ممنوع هالمحلات في محطات البترول او ممنوع العامل يطلع من المحل
يعني انت يالزبون مطنوخ وذابحك المزاج انزل من سيارتك ورح جيب طلبك

نعم كلامك عين الصواب

ما ذبحنا غير الطنخه

[شجاع]

هذة حركات مراهقين
اللي يبي يسولف يطلع برا الخط ويسولف لكن مافيهم حيلة على بالهم الشارع ملكهم
والمرور ساهين عن هذة الامور
الله المستعان

[آهـل شَـرق]

هم كلمتين بس

"حثـالة مجتمـع"

[طارق]

واضح ضهور نتائج اهمال وقصورفي التربيه من الاباء والامهات

وواضح وجود خلل في دور التربيه في الصغر ادت الى تبلد جيل المستقبل

وواضح ان تربيه الاندونيسيات ما انتجت جيل يعتمد عليه :(


اسمحيلي هذا مش متربي على يد اندنوسيات او غيرها
هذا متربي على سياسه القطيع
وبالأخص قطيع أحم أحم

مع تحياتي
الدوك طارق
http://www.ii1i.com/uploads7/bc3b7a6081.jpg (http://www.ii1i.com)

[راعي ال VXR]

الآداب إعطاء الطريق حقّه، ولربما سأل سائل: وكيف أعطي الطريق حقه؟ فأقول له: الجواب في قوله : ((إياكم والجلوس في الطرقات، فقالوا: يا رسول الله ما لنا بدٌّ من مجالسنا نتحدث فيها، فقال : فإن أبيتم إلا المجلس فأعطوا الطريق حقه، قالوا: وما حق الطريق يا رسول الله؟ قال: غض البصر، وكف الأذى، ورد السلام، والأمر بالمعروف والنهي عن المنكر)) رواه البخاري ومسلم.

[qatari 111]

الله يهديهم ويصلحهم

[الشحروره]

هذي حقيقه وانا شفت وايد من هذي الاشكال وين القانون والشرطه

[naklan]

اسمحيلي هذا مش متربي على يد اندنوسيات او غيرها
هذا متربي على سياسه القطيع
وبالأخص قطيع أحم أحم

مع تحياتي
الدوك طارق
http://www.ii1i.com/uploads7/bc3b7a6081.jpg (http://www.ii1i.com)



:omg: انا اخوك شنب وهذي صوره للتاكيد
http://www2.0zz0.com/2011/04/17/19/115827152.gif (http://www.0zz0.com)

وبعدين وش سالفه قطيع احم احم

نفس النيحي نيحي نووو

:eek5:

[الغالي!]

اذا امن العقوبه!!!!!!!!!!!!!!!!!!!!!!!!!!!!

[باسكن روبنز]

كلامك صحيح واتفق معاك

لكن العتب اولاً على الأب والام والاسرة
المفروض اول مايعطي ولده السيارة يفهمه حقوق الطريق وعدم مظايقة الاخريين .

لان هذي الامور تبتدي من البيت ومن اساس التربية
والعتب الثانى من المرور

بالضبـــط ،

[طارق]

:omg: انا اخوك شنب وهذي صوره للتاكيد
http://www2.0zz0.com/2011/04/17/19/115827152.gif (http://www.0zz0.com)

وبعدين وش سالفه قطيع احم احم

نفس النيحي نيحي نووو

:eek5:


قطيع الله يكرمك حووو هو هو

[Qatarianes]

والله العتب الاول على التربيه مثل ماتفضلو
صارلي موقف مع احد البزران بو 16 سنه ( شكله صغير يعني) الي يركبون نياسين باب واحد عند بليارد محطة اللاند
واقف مع ربعه مسكرين الطريق وانا وراه طبعاً احب انطر قبل لا اديم له والريال لاهي
طقيت هرن خفيف مابي اشغل زينون ولا في فايده
ديمت له مانفع ههههه
رفيجه الي على يساره حرك وانا قلت بجي من يساره وبحرك صوب المسيد الا الولد يلف علي مضيق علي وحك في موتري
طبعاً انا نزلت معصب بس شفت مافي شي اللوحه الاماميه شموخ بسيطه
قلت له انت صيا؟ ترا في الي اطقع منك عندك ليسن؟ قال لا.. قلت حلو ببلغ المرور ههههههههه
وبس بلغت وطول الوقت يقول يارجال خلاص ومدري ايش وقال بيخلي واحد من ربعه عنده ليسن السايق قلت مافي رفيجي شاهد
وابتلش مع المرور وانا حركت كملت فرفره@@

[بوخالد911]

هالفئة متخلفة فعلا


ظاهرة

وليس ضاهرة