خبراء امازون ارجو الدخول ؟؟؟ [الأرشيف] - منتديات شبكة الأسهم القطرية

مشاهدة النسخة كاملة : خبراء امازون ارجو الدخول ؟؟؟

وحيد-الشوق

15-04-2011, 11:42 PM

السلام عليكم

سؤال ليش يحسبون علي تاكس(ضريبة) اذا طلبت غرض من الموقع :rolleyes2:

لأني اخبر قبل كم سنة لين طلبت اغراض ماياخذون تاكس

مثلا امس جيت اطلب غرض سعره 250 دولار والشحن مجاني بس لين وصلت للدفع لقيت تاكس 22 دولار :anger1:

افيدوني هل النظام هذا مطبق من زمان وانا مفهي ولاشلون ؟ :telephone:

صفقه

16-04-2011, 12:02 AM

غالبا ما اخترت خيار الشحن المجاني .

وحيد-الشوق

16-04-2011, 12:19 AM

بالعكس اخوي اختار الشحن مجاني

asulaiti

16-04-2011, 12:44 AM

أخي الكريم ..

إذا كنت فاتح حساب مع آرامكس وعندك العنوان الأمريكي اللي في نيويورك، وترسل أغراضك عليه فهذا طبيعي
لأن هذه الولاية طبقت قانون الضرائب من كم سنة .. لذا بدأ أمازون في فرض هذه الضريبة لكل شحنة ترسل إلى نيويورك ..

فإذا كنت من النوع اللي قليل ما يشتري من أمريكا .. فلا بأس بهذه الضريبة ..
لكن إذا دايماً تشتري من عندهم بشكل دوري ومستمر .. فأنا أشور عليك بفتح حساب آخر مع شركة MyUS.com الموجودة في فلوريدا ..
(وهذه الولاية لا تأخذ ضرايب على الشحنات المستوردة) .. وتدفع لهم اشتراك سنوي وترسل الشحنات عليه*..

شخصياً أفضلها عن آرامكس لأسباب كثيرة .. منها أنها أرخص من آرامكس في حالة طلب أكثر من غرض ..
حيث أنني اتحكم بإرسال الأغراض متى شئت أنا .. وهذا يسمح لي بتجميع كل الأغراض التي احتاجها وأرسلها لنفسي في شحنة
واحدة وبكرتون واحد .. مما يوفر علي تكاليف الشحن .. أو أرسلها في شحنتين مثلا لو تطلب الأمر ذلك ..

وعند وصول الشحنات لا تضطر للذهاب إلى مقر شركة الشحن لاستلام الشحنة .. بل هم يوصلونها إلى بيتك وانت مرتاح ..

وعندما تحتاج لشراء شيء صغير وخفيف .. أرسلها لآرامكس .. لأن بعض الاحيان يطلع لك ارخص .. أو قم بحساب التكلفة لآرمكس مع الضريبة .. والتكلفة مع الشركة الثانية ..
وأرسلها للأرخص .. وانا غالباً ما اتبع هذه الطريقة .. واكثر ما أرسل الشحنات لفلوريدا حيث غالباً ما اشتري أكثر من غرض ..

بولينجر

16-04-2011, 01:16 AM

صحيح كلام اخوي السليطي.... الشحن ياخذون عليه تاكس الى نيويورك.... تقدر تاخذ عند اي شركة ثانية.... مثل MyUS.com او viaddress.com او حتى واشنطن موفرز على الرغم من تاخيرهم الا ان سعرهم منخفض وجيد مقارنة بالشركات الاخرى والتاكس تقريبا غير موجود......

al saad

16-04-2011, 01:21 AM

مشكور الشيخ على النصيحه وانا تعبت من ارمكس كل شي آطلبه يطلع اغلى من بيع السوق بسبه الشحن
بس استفسار هم يرسلونه مع اي شركه dhl ولا ups لدوحه

وانا عندي طلبيات كثيره عن طريق امزون بجرب عن طريق هاي الشركه

بولينجر

16-04-2011, 01:37 AM

Dawn

16-04-2011, 05:42 AM

السلام عليكم
ما انصح اي حد ب viaddress مره طرشت استفسار على الهيلب ديسك وماردوا الا عقب شهرين ،،، يعني الكستمر سيرفس بطيئين جدا لو لا سمح الله ضاع طلب والا شي اتوقع ان المشكله بتنحل بعد وقت طويل اذا كانت خدماتهم بهذا البطئ ..

بس ميزتهم ان العنوان في كاليفورنيا .. يعني مافيه ضرايب ( بس حاليا كاليفورنيا مشكوك في سلامتها بعد مشكلة المفاعل النووي في اليابان )

الحمدلله عن نفسي تخطيت الطلب من امازون وايباي قمت كله اطلب من التجار دايركت ... اهم شي تكوين العلاقات بالتجار اللي خدمتهم ممتازه ...... انصحكم بهذي الطريقه .... و الافضل تطلبون توصيل دايركت على قطر علشان ما تدفعون مرتين على الشحن عن نفسي ما احب اربح اردنيين ( ارامكس ) وما الجا لهم الا للضروره القصوى والا لين تصككت كل المواقع بوجهي ....... وبالتوفيق للجميع ..

وحيد-الشوق

19-04-2011, 10:27 AM

جزاكم الله خير وشكرا عالتوضيح

مشكور الشيخ على النصيحه وانا تعبت من ارمكس كل شي آطلبه يطلع اغلى من بيع السوق بسبه الشحن
بس استفسار هم يرسلونه مع اي شركه dhl ولا ups لدوحه

وانا عندي طلبيات كثيره عن طريق امزون بجرب عن طريق هاي الشركه

الي بيشوف ردك بيقول وحيد الشوق عنده عضويتين !!!!